tam athāndhakāsuranikāraviplutāẖ
kṛtapūrvaseva⸤m abhirāddhamānasam|
ṛtavo bhilakṣyanijalakṣmavigrahāś
śaraṇaṃ yayu⸤ś śatamakhena coditāḥ||1||
Stein 187
- , ,
- Known as: , (NCC).
- Siglum: Śc
[description of manuscript]
More ▾
| Title | Haravijaya |
| Commentary | [title of commentary] |
| Author | [author] |
| Commentator | [commentator] |
| Physical description | |
|---|---|
| Language/Script | [Sanskrit in Latin script.] |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- Śc
||⸤śrī gaṇeśāya namaḥ||
ghanasaurabhānugatabhṛṅgasaṃhatīr
upadīkṛtā ⸤vividhapuṣpamañjarīḥ|
dadhataẖ karaiḥ kṣitiniviṣṭajānavo
viniveditās sa⸤vinayena nandinā||2||
praṇipatya cainam atha kāñcanāvani-
skhalitotpata⸤nmadhupamuktaśekharāḥ|
avidūradeśanihitāni bhejire
tad anujñayā maLṇiśilāsanāni te||3||
atha tān uvāca daśanāṃśunirjhara-
snapitoṣṭhapallava⸤m idaṃ jagatpatiḥ|
navanīrabhārabharamantharāmbuda-
stanitātiḍambaragabhīra⸤yā girā||4||
kim akāṇḍa eva jagatāṃ viparyayād
iva śūnyatām upagatā⸤s stha śuṣmiṇaḥ|
kathayanti vo hṛdayaśalyaduẖkhitām
adhunā mukhacchavaya eva ⸤dhūsarāḥ||5||
bhujagendrabhogaparipīvarasphurat-
kuliśātibhāsurabhuje ma⸤rutpatau|
sthita eva kena jagatām upaplavaṃ
praviditsunā ditisutena jṛmbhi⸤tam||6||
uditaṃ vikāsi bisakandakomalāt
kamalāsanād anaghapakṣa⸤śālinaḥ|
bhuvanābjakośam akṛśaṃ śilīmukhā
iva yūyam eva nanu pātu⸤m īśvarāḥ||7||
druhiṇasya kāvyam iva sargagocaraṃ
sphuṭacitravṛttikam ava⸤dbhir adbhutam|
viṣadaṃ bhavadbhir abhitanyatetarām
abhitaḫ purāṇakavinā kṛtaṃ ⸤yaśaḥ||8||
sthitavaty athāmbudharadhīranissvanād
iti kiñcid ādipuruṣe bhi⸤dīrya gām|
śucimukhyaśeṣasakalartumaṇḍala-
kṣaṇadṛṣṭipātaparibodhi⸤taś śanaiḥ||9||
kvaṇitānubandhamukharānanabhramad-
bhramaropayuktamadhusaura⸤bhaśriyam|
daśanāṃśukesarakarālitāṃ puro
nijapuṣpasampadam ivodgi⸤raṅ giran||10||
smarabāndhavakṣayakare tad utthita-
jvalanābhighātavinikū⸤ṇitekṣaṇaḥ|
śaśalakṣmaśekharatṛtīyacakṣuṣi kṣaṇam
āśritāśaya ivā⸤bhyasūyayā||11||
śravaṇāgralagnanavacūtamañjarī-
makarandaśīkarakaṇa⸤spṛhāgataiḥ|
madhur ity abhāṣata madhuvrataiḫ puro
hriyamāṇavākya iva mañju⸤śiñjitaiḥ||12||
cakkalakam
adhitiṣṭhate hṛdayapadmaviṣṭaraṃ
bhuvanatra⸤yaṃ vyavahṛd ekasākṣiṇaḥ|
pratighavyapāyapariśūnyasaṃvidaḥ
kim ivāsti ⸤yan na viditaṃ taveśituḥ||13||
tava saṃvidādisahajaṃ catuṣṭayaṃ
jagati pra⸤tītam anaghaṃ tathā yathā|
sthitim āpuṣo sya sakalātiśāyinīm
aparaṃ na kiṃci⸤d api tāratamyabhāk||14||
saha siddhiniṣpratighasaṃvidarciṣo
na ghaṭām upai⸤ti parapāradṛśvanaḥ|
tava nātha śabdasamayāgatā kvacit
sakalārthamaṇḍalaLsatattvaveditā||15||
aviśeṣavṛttir ahimatviṣo yathā
sakaleṣu vastuṣu vi⸤bhā vijṛmbhite|
tava nātha niṣpratighanirmalīmasa-
sthitir astamohatimirā ⸤matis tathā||16||
pratipannasarvagatavastuvistaras
tad apīśa pṛcchasi yad adya ⸤tena naḥ|
kurute dhunā kuśalasaṅgrahaṃ paraṃ
madhuro mithas tvadabhibhāṣaṇakṣaṇaḥ|⸤|17||
prakṛteḫ pṛthag vikṛtiśūnyatāṃ gataḥ
pratiṣiddhavastugatadharmaniṣkriyaḥ|
pu⸤ruṣas tvam eva kila pañcaviṃśakaḥ
sphuṭacūlikārthavacanair nigadyase||18||
⸤prathitaprapañcarasabhāvavarjitaḥ
kvacid eva kiñcid api kartum akṣamaḥ|
a⸤vapur gataẖ karaṇavṛttiśūnyatāṃ
prakṛter aho nu sadṛśo si kāmukaḥ||19||
ka⸤thayanti nātha daśahetusaṃśraya-
vyavadhūtaviplavaviśuddhacetasaḥ|
tava sāṅkhyavṛ⸤ttamatabhedavartinaḥ
kṛtino nivṛtti kila tat padaṃ padam||20||
dadhatīha karma⸤phalabhogavarjite
sakalārthatattvavidi puṃviśeṣatām|
tvayi śabdam īśvara i⸤ti vyavasthitaṃ
kathayanty ananyaviṣayaṃ manīṣiṇaḥ||21||
dṛḍhabandhakoṭipari⸤marṣakarṣitaṃ
na kadācid anyaśaminām iva kvacit|
vidur īśvaratvam anaghaṃ tavā⸤nvaya-
vyatirekaśūnyam avadātadṛṣṭayaḥ||22||
bhuvanāni paṅkajabhuvas sisṛkṣata⸤s
tapaseddhatāṃ kila gatasya yaḥ purā|
udabhūn makhādiṣu ca pañcalakṣaṇaḥ
saka⸤lakriyāsu viniyogabhāg bhavan||23||
śrutayaḫ padaṃ paramam āmananti yaṃ
bahu⸤vaktrapād api ca yo bhidhīyate|
adhigamya yaṃ punar udeti no janaḥ
praṇavas tavaiva ⸤bhagavan sa vācakaḥ||24||
dadhato vyayānudayadharmaśūnyatāṃ
suranāyakaikagu⸤rutām upeyuṣaḥ|
upavartate ya iha na vyavacchide
tava śarva carvitacarāścaraḥ ⸤kvacit||25||
kriyayā kramād avayavaiś ca saṃkhyayā
nijalakṣmaṇā ca ya i⸤hopalakṣyate|
śamanādimadhvanidhanaṃ svamāyayā|
smarakāla kālayati kāla⸤m eva tat||26||
yugalakam
avitarkam asthitavicāragocaraṃ
sukhaveda⸤nojjhitam anasmitānvayam|
abhigamya śaṅkarasamādhim icchayā
tava jātu nai⸤va bhajate namāṃ pumān||27||
citiśaktirūpaviparītabhāvaśāt
prakṛtau puraskṛ⸤tavirāgabhāvanam|
viruṇaddhi tām api vivekadarśana-
sthitim īśa saṃyamiLmanas tavecchayā||28||
tapanādike vividhalakṣyamaṇḍale
kṛtasaṃyamās trida⸤śanātha yoginaḥ|
bhuvanādidhāmasu bhavanty avipluta-
pratibhātacitrabhavadā⸤tmasaṃvidaḥ||29||
vyatipetuṣāṃ trayam asaṃvidādikaṃ
sthitisammukhīkṛta⸤nirodhavartmanām|
bhava yoginām udayate tavecchayā
nahi koṭibhūmidhiṣa⸤ṇā na saptadhā||30||
manaso nirargalapariplavātmano
nirupaplavasthitini⸤bandhanā nṛṇām|
rasanādidhāmasu rasādigocarā
bhavadātmikās tridaśa⸤nātha saṃvidaḥ||31||
kaladhautalakṣaṇa iti pratītimān
puruṣas tvam ā nakha⸤śikhaṃ suvarṇakaḥ|
kathitaẖ kilaupaniṣadhaiś ca pañcadhā
sukhavedanādima⸤yatām upeyitaḥ||32||
sphuṭahimkriyādinidhanāvasānatā-
pratipannapañca⸤vidhabhaktisauṣṭhavam|
druhiṇena sāma bahuvartma gāyatā|
jagati tvam eva gu⸤ṇagaura gīyase||33||
sthitim īyivatsu niyataśrutikrama-
svaramaṇḍalā⸤nugamasusthitāṃ dhruvam|
aparāntakādiṣu viviktavastuṣu
dhvanasi tvam eva ⸤daśaśabdalakṣaṇaḥ||34||
sakalādhikāravinivṛttihetutāṃ
gatavanti vāṅma⸤yaparāṅmukhasthitiḥ|
hara madrakāṇi gahanāni gāyati
prakṛtiṃ bubhutsur aṇur eṣa ⸤tāvakīm||35||
gatam īśa śāśvatikatṛptihetutām
amṛtaṃ bhavantam iva soma⸤pāyinaḥ|
hara saṃstaravratanimittam uttamaṃ
duhate guhānihitam āhitādarāḥ||36||
⸤bahubhedasaṅkhyaguruyogadhāraṇā-
kṣamatānvitasthirasukhāsanasthiteḥ|
bhava⸤ti prasannamanasi pravartate
kṛtinaḥ kilāṣṭavidham aiśvaraṃ balam||37||
dvivi⸤dhaiś catuṣprakṛtibhiś śrutikramād
upapannasauṣṭhavaguṇāẖ kila svaraiḥ|
bhavadātmikai⸤va mahatīm upasthitā
sphuṭasāmaghoṣamadhurā sarasvatī||38||
prathitāḫ parāpara⸤dṛśaḫ purāvidaḥ
kathayanti viśvanuta neti neti yat|
sakalair vinākṛtam u⸤pādhisādhanaiḥ
paramaṃ tad eva tava tattvam adbhutam||39||
praṇavādir apy aya vi⸤rāmatāṃ dadhat
phaṇinā nirūpitapadārthasaptakaḥ|
bhagavann adhīta iha yaiẖ kilāgamaḥ
⸤padam āpnuvanti nanu te pi tāvakam||40||
vrajasīśa pādarahito grahītṛtā
pra⸤tipadyase karavinākṛto pi san|
avalokayasy anayano py akarṇakaḥ
sakalaṃ śṛLṇoṣi na ca vetsi vetsi ca||41||
iti nātha sarvajagatāṃ vilakṣaṇaṃ
vapur adbhutāti⸤śayaśāli bibhratam|
abhipaśyataẖ kila bhavantam avyayaṃ
kuśalasya saṃvid akhi⸤lā nivartate||42||
yugalakam
śaśimaṇḍalaṃ jalataraṅgasaṃhati-
pratibi⸤mbitaṃ hara jalāśaye yathā|
drumapallavodavasitāntarāśrayas
tapanātapo nipatitaḥ ⸤kṣitau yathā||43||
gaganaṃ yathā sthitam ulūkhalādiṣu|
sphuṭam eka eva saka⸤lādbhutasthitiḥ|
pratipadyate bahuvidhatvam āśraya-
pratisaṅkramād avikṛtās tathā ⸤bhavān||44||
yugalakam
harir ekaceṣṭa iti yat tadaṃśakā
tricaturbahu⸤kriyatayā vyavasthitāḥ|
sakalātmanas tava mahāvibhūtitāṃ
dadhato vivarta iha ⸤saṃsthito paraḥ||45||
api nātha vidhyati maṇiṃ nirīkṣaṇas
tam anaṅgulir vaya⸤ti bodhitas tvayā|
pratimuñcati sma tam akandharo pi san
paripūjayaty arasanas tad adbhu⸤tam||46||
bahurūpa eva dadhad ekarūpatāṃ
sthiradharmatām upagato pi gatvaraḥ|
⸤nabhasi sthito py anativṛttabhūmikas
savidhāspado pi bhajase vidūratām||47||
⸤cidacitparo py acidacitparo bhavann
atadābha eva hi tadābhatāṃ dadhat|
sadasatpa⸤ro py asadasatparasthitir
bahuvaktrapād apayavair vinākṛtaḥ||48||
śiśiras sahasra⸤karamaṇḍalodare
śaśini sthito pi dadhad ūṣmasampadam|
ubhayātmako niru⸤bhayātmako thavā
gahanas tvam ittham alam adbhutāyase||49||
tilakam
adhiro⸤pitena tathatātmanāpi vā
prathitena rūpavibhavena kenacit|
bhagavann aho bata ki⸤lāsi durgrahaḥ
kvacanāpi yan na kṛtinābhyupeyase||50||
na gatis tavāsti suranā⸤tha gatir
na bahir na cāntar avabhāsase kvacit|
vyavabhāsaśūnyatathatāvalambanaḥ
⸤pratibhāsi nānanugṛhītacetasām||51||
avibhāga eva sakalārthasaṃhater
ja⸤gati prakāśakatayā vyavasthitaḥ|
padavākyayos tvam upakārakāritām
abhidheya⸤vastuni savistare gataḥ||52||
parikalpitena dadhad ekarūpatām
api kartṛkarma⸤karaṇādivartmanā|
tvam anādikālakṛtayā hy avidyayā
bahudhā vibhajya parigṛhya⸤se janaiḥ||53||
sakalārthavigrahatayā vivartate
yad anādimadhyanidhanaṃ kilākṣa⸤ram|
prathayanti tat tava jagannibandhanaṃ
śivaśabdatattvam avinaśvaraṃ vapuḥ||54||
asaLmāptaviplavavikalpagocarau
vyavahārapaddhatiparasparāśrayau|
paratas sthitātvad a⸤vadher avāpnuto
vinivṛttim īśa jagato sya dhīdhvanī||55||
jagato valambitapa⸤rāvarobhaya-
vyativṛttarūpagahano visaṃsthulām|
visabhāgatām upaniṣatparā⸤śritaḥ
pratibhāsate bhava bhavān na kasyacit||56||
vyatiriktavṛttir aguṇo guṇa⸤sthitis
suranātha tatprakṛtitāṃ ca saṃśritaḥ|
sphuṭam adhvanaḥ ṣaḍavadhisthiter bhavā⸤n
visabhāgatām atha sabhāgatāṃ gataḥ||57||
api buddhigocaram atītya saṃsthitaḥ
pra⸤ṇavāravāntaviniviṣṭadṛṣṭibhiḥ|
kimapi pratīpitaviparyayagrahair
anupā⸤dhirūpakaraṇo nirūpyase||58||
dadhato vilaṅghitaturīyavṛttitāṃ
kṛtajīvajī⸤vananirāmayasthiteḥ|
bhavato pavargadam anāhatātmanaḥ
padam āpnuvanti kṛtinaḥ su⸤ṣumṇayā||59||
vyavadhūtakalpanagabhīramūrtitāṃ
dadhataṃ durantam anapāyam adbhu⸤tam|
pratibhidya maṇḍalacatuṣṭayaṃ javāt
kṛtino bhavantam aviśann anāvṛtam||⸤60||
bhavadīritena manasābhihanyate
suranātha vigrahaśikhī śikhākulaḥ|
sa sa⸤mīram īrayati pañcalakṣaṇaṃ
sthitihetum īśa vapuṣaś śarīriṇām||61||
a⸤dhiruhya niṣpratighacittasārathiṃ
daśabhedabāhyakaraṇāśrayaṃ ratham|
viṣayeṣu ⸤nīlagala bambhramīty aṇur
bhavadicchayā ca vinivartate punaḥ||62||
sakalādhidaiva⸤tagaṇasya tasthuṣaś
śravaṇādidhāmasu guruś śarīriṇām|
hṛdayāmbare niravala⸤mbanasthitiẖ
kṛtibhis tvam eva bhagavann upāsyase||63||
nicite rajaḫprabhṛtibhir ghaṭā⸤ntare
sakalāni yogam upayānti no yathā|
aṇumaṇḍalāni bhagavaṃs tavecchayā
⸤nirupaplavasya bhavatas sukhādibhiḥ||64||
hṛdayāravindadalakoṭarodara-
sphu⸤ṭajṛmbhamāṇaparivartavibhramaḥ|
jagato gataḥ pratatam antarātmatāṃ
kuruṣe gatīḥ⸤s tvam ayanadvayāśrayaḥ||65||
śriyam ṛṅmaye dadhati sāmadīdhitau
taraṇes trayī⸤mayanirāmayātmanaḥ|
pratibhāsabhedagahano vabhāsase
tvam aṇur yajūṃṣi puru⸤ṣo tra maṇḍale||66||
sphuṭam eka eva vividhākhyatāṃ dadhad
dharimūrtir āśritapṛthagvi⸤dhakriyaḥ|
jagatīṃ dinartvayanahāyanādikaṃ
vidadhat tvam eva vitapasy abhīśumā⸤n||67||
sakalāṇutattvavapuṣāṃ paraspara-
pratibandhinīṃ tanubhṛtāṃ tridaṇḍavat||
Lupalabhyate tridaśanātha yogato
nirupaplavā bhavadupādhikā sthitiḥ||68||
⸤praṇinīṣatām anujighṛkṣayā kṛtīr
jagataḥ parasparavivādaviplutāḥ|
dhiṣa⸤ṇādayaḥ kila manaḥ purāvidāṃ
bhavadātmikā viviśur īśa devatāḥ||69||
pravi⸤veśa yā kṣapitamohaviplavā
viviśuś ca yāṃ sakalavedyavedikā|
apavargamā⸤rganiviḍārgalacchidā
tava vidyayaiti śivatām aṇus tayā||70||
jagatām anā⸤dinidhanasya tasthuṣo
janakatva eva jananojjhitasthiteḥ|
tava nātha saty api guṇā⸤disambhave
nahi sambhavaty abhijanāśrayā stutiḥ||71||
janatendriyātigaviśu⸤ddhagocara-
dvyaṇukādibandhagatakāryadarśanāt|
ghaṭakumbhakāravad akārakātma⸤nas
tava kāraṇatvam anumīyate budhaiḥ||72||
nijayaiva niṣpratigharūpayecchayā
vya⸤vahāriṇo tiniravagrahātmanaḥ|
kṛtinaḫ prayojakavinākṛtāṃ vibhos
tava kartṛtāṃ sama⸤giranta sūrayaḥ||73||
dadhato dhikāvikalaśaktimaṇḍala-
sthitirūpatāṃ prathita⸤bhāvavikriyam|
tava śaktileśa idam uccakair jagat
kṣubhite guṇatrayamayaṃ kilo⸤dabhūt||74||
anaghasvaśaktivibhavavyavasthiteḫ
paśupāśamaṇḍalavilakṣaṇātma⸤naḥ|
bhuvanādhinātha bhavataḫ pravartate
cidacitsvabhāvam iha bhāvamaṇḍalam||75||
⸤avarugṇagāḍhatimirān marīcibhir
yugapad vicetanacitaḥ pṛthagvidhāḥ|
jvalata⸤ẖ kaṇā iva vibho vibhāvasor
bhavataḫ padārthanivahā viniryayuḥ||76||
tava sādbhutā⸤tiśayavaibhavasthiter
api nātha śāśvatikatām upeyuṣaḥ|
kramayaugapadyaghaṭa⸤nāvirodhitāṃ
sakalārthasaṃpadi na bibhrati kriyāḥ||77||
tvam adhiṣṭhitāvikala⸤śaktimaṇḍalaḥ
sakalaṃ jagat sṛjasi pāsi haṃsi ca|
sthirapañcamantramayavi⸤grahasthitir
jananadvayena bhagavan vinākṛtaḥ||78||
kṣubhite bhavaty avanitāṃ guhāgatā
⸤prakṛtiś ca balvajavad utthitā tataḥ|
jagadudbhavārtham itaretarāśrayāḥs
timitā⸤ś ca rajjuguṇavad guṇās sthitāḥ||79||
dvyaṇukādiyuktimad aśeṣagocaraṃ
kṛtavān vi⸤citram iha kāryamaṇḍalam|
atisūkṣmadṛktvasakalārthaveditā
vibhutānvitas tva⸤m anumīyase budhaiḥ||80||
vibhurūpayā vikalavastusannidhiḥ
prabhurūpayā ca ⸤sakalārthakārakaḥ|
tvam adhīśa śaktikalayā dvidhātmatāṃ
gatayā vibhāvita⸤carācarasthitiḥ||81||
avipannaśaktiguṇagumphitasphurat-
sphuṭavigrahākṣaLkṣabhuvanaprasūnayā|
na kadācana kvacid avāpyata prabhoḥ
prasaropaghātaghaṭanā ta⸤vecchayā||82||
madhukośasaṃpuṭavad āhṛtāsthitir
gahanā guhā guhapitas tvayā ⸤kṛtā|
sthitibhedam eti na kadācid uccakais
samalāmalāṇugaṇabandhamandirā||⸤83||
vasudhā vibhāvayati bījam uccakair
anaghaṃ yathāvibhavam aṅkurātmanā|
saka⸤lasvabhāvakaraṇe tathehitaṃ
tava nātha sarvam iha bhāvamaṇḍalam||84||
apare ⸤punas sakalasthisaṅgraha-
grathitātmanaḫ prakṛtitattvato vyayāt|
dhiṣaṇādikārya⸤paṭalaṃ pravartate
tadabhinnarūpam iti saṃpracakṣate||85||
nijakāryacakraghaṭane ⸤hy acetanaṃ
pratipadyate kim iva vastu kartṛtām|
kathayanty ataḥ prabhavahetum īśva⸤raṃ
bhavināṃ bhavantam iha citkriyātmakam||86||
pralaye pi sarvajagatām avipluta-
⸤sphuṭasaṃvidarcir aviluptavaibhavaḥ|
sphuṭam ūrṇanābha iva raśmisaṃhater
aṇusaṃ⸤padas tvam asi nātha kāraṇam||87||
jagad ekakāraṇam akāraṇātmakaṃ
vibhum a⸤vyayaṃ guṇadaśāvinākṛtam|
kathayanti nātha puruṣaṃ sadharmatāṃ
gatam īśvarasya ⸤bhavataẖ kilāpare||88||
prakṛtīśvarobhayacidādiceṣṭita-
prathitaprapañcarahi⸤tānupādhikam|
apara pramādvitayaniścitaṃ punas
tritayātmakaṃ samudayaṃ pra⸤cakṣate||89||
anapekṣitāvikalakāraṇāntaraṃ
bhavinām uṣanti bhava janma ke⸤valam|
apare pavargada nisargavādinaś
śikhipicchasaṃsthitivad āttaviplavāḥ||⸤90||
pralayodayavyatikarānupaplutaṃ
śuciśabdatattvam apare punar viduḥ|
pari⸤ṇāmarūpam iha yasya dṛśyate
bhava bhāvamaṇḍalam idaṃ carācaram||91||
samayā⸤ntare py aghaṭamānakalpanā-
trayabāhyavastuviṣayāvamardinaḥ|
apare viśārada⸤dhiyo jagatsthitiṃ
suranātha saṃvidam uṣanti kevalam||92||
ubhayātmakagraha⸤viviktacetaso
vyavalambya mādhyamikadarśanasthitim|
sthiratattvaniścayadhiyo ⸤bhimanvate
kṛtakṛtyatāṃ tava guṇena rañjitāḥ||93||
aṇum āhur aindriyakam eva ⸤kecana
tvadanugrahonmiṣitasaṃvidarciṣaḥ|
apare tv anaindriyakam eva vipla⸤vād
abhimānam īśvara tadāmpadaṃ viduḥ||94||
na bahiś śarīraparimāṇāmato ⸤ṇv api
kvacanāpi cittvam iha jātu lakṣyate|
iti niścitāẖ kṛtadhiyopare vyadhus
ta⸤va śāśvatatvavibhūtāviparyayam||95||
vyavaluptamohagahanās tvadicchayā
Lbhagavan bhavantam avadātadarśanāḥ|
bahudhātmatattvam apare pracakṣate
kaṇabhakṣajaimi⸤nidigambarādayaḥ||96||
apare salakṣaṇavilakṣaṇātmatā-
grathitānavasthama⸤nujohavṛttayaḥ||
bhavato stitām anudayādihetubhir
bhagavann apāhnuvata nāstikā⸤śayāḥ||97||
pratipannabhinnaparikalpakāraṇa-
pratibhājavañjavavirāmabhā⸤vanāḥ|
śivamārgam adhyavasasur na kecana
plutacetasā bhavadanugrahojjhitāḥ||98||
⸤bhagavaty anugrahaparāṅmukhe sati
pratipadya mārgam api taṃ durāsadam|
adhigaccha⸤ti kvacid aṇur na kiñcana
sthirapañcaparvaṇi viparyaye sthitāḥ||99||
api ⸤yatnato dhigatatattvamaṇḍala-
prakṛtipratānagahanādiko nṛṇām|
bhavadāgamāmṛta⸤bahiṣkṛtaḥ pumān
param eti pāśavamatānusāratām||100||
avirugṇamohaga⸤hanāẖ kiletarā
malinātmabhiḥ paśumatapradīpakaiḥ|
bhavadāgamānadhigamād a⸤saṃśayaṃ
tamasaiva saṃpapṛcire ṇusampadaḥ||101||
prakṛtir na cetayata eva kiñca⸤na
tridaśādhinātha puruṣo py udāsitā|
tad anugrahaṃ prathitacetanakriyaḥ
kuruṣe ⸤tvam eva kila bhuktimuktidaḥ||102||
api dharmaleśasamatāviḍambanād
apṛtha⸤ktva eva puruṣeśayo sthitāḥ|
bhavadāgamāmṛtabahiṣkṛtāḫ pare
kṛtino bhavanti na ⸤vivektum antaram||103||
dvividho hi śabdanikurumba uccakaiḥ
śivaśāsanetara⸤mataprakāśakaḥ|
jagataḥ parāparaphalaikahetutāṃ
pratipadyate bhava bhavatpraṇetṛ⸤kaḥ||104||
harigopakagrahahimāṃśubhāskara-
prakṛtaprakāśasadṛśī catuṣṭayī|
⸤suranātha saṃvid iha saṃpravartate
tvadanugrahopahitatāratamyabhāk||105||
aka⸤thaṃ tvam aviparyayāgamāt
sphuṭam ādhivāṃsa iva yogavartmanā|
na bhavanti kecana bhava⸤dguṇāñjitāḫ
punar ājavañjavajuṣo vivekinaḥ||106||
gaganāsane kṣatamāẖ kṛta⸤sthitis
sakalo didarśayiṣur ātmavaibhavam|
vimalais svaśaktikiraṇaiḫ prase⸤divān
udamīmilas tvam aṇusaṃhater jñatām||107||
citiśaktitām avikalā⸤rthavittayā
sakalārthakārakatayā ca kartṛtām|
aṇumaṇḍalasya bhavatānugṛhṇa⸤tā
kriyate sureśa sadṛśatvam ātmanaḥ||108||
bhavato vyayāt sadasadātmanaḫ purā
niri⸤yāya yat kila ninādarūpatām|
dadhad īśa śāstram anaghaṃ sadāśivo
bubudhe rthata⸤ttvam akhilaṃ tadāśrayam||109||
kramaśo py anantamukharudramaṇḍala-
sthirasāmpraLdāyagatavastuvistaram|
giriśo bhyabhāṣata caturbhir ānanair
bahubhedamantragahanaṃ ⸤tad adbhutam||110||
sadalaṃ vikāsi guṇakesarotkaraṃ
sphuṭadharmanālam amalātma⸤tāṃ dadhat|
madhuvarṣi nātha bhavadānanāddhacet
sphuṭaṣaṭpadārtham iha śāstrapaṅkaja⸤m||111||
sakalārthavādanijaśaktitāṃ gatais
sahakārisaṃhitaviśeṣavṛ⸤ttibhiḥ|
grathitākṣarair jagati viśvarūpatām
iva garbhitāvikalavāṅmayaṃ gataiḥ||⸤112||
kṛtasādhakābhyudayamantramaṇḍala-
prakṛtisphuṭāṣṭavidhavargavigrahā|
⸤trivibhedatattvapariniṣṭhitasthitis
tava śaktir ānanabhavā hi mātṛkā||113||
⸤bhavadānanābhyuditamātṛkākṣara-
grathitā bhavanti bhava mantravigrahāḥ|
nirape⸤kṣatām upagatābhimuktaye
bhavabhogadās tu viparītavṛttayaḥ||114||
dhruva⸤m ūrdhvavarti padam ārurukṣatām
adhirohiṇī nikhilavastupaddhatiḥ|
bhagavan vya⸤dhāyi bhavataiva yogināṃ
nijaśaktibhittighaṭitāvalambanā||115||
a⸤pi vālakoṭiśatabhāgavigrahaḥ
ṣaḍupādhikām api vidhāya paddhatim|
sthi⸤ta eka eva bhagavan aho bhavān
vidadāti cetasi na kasya vismayam||116||
⸤bhavadīritaḥ sphuṭam ananta eva hi
prathamaṃ guhāṃ guṇamayīm acukṣubhat|
asṛja⸤t tadādi sa sitāsita jagad
vasudhāvasānam iti nātha śuśrumaḥ||117||
sura⸤nātha yā jagati tattadātmikāḥ
śivaśaktayo vidadhati kriyāẖ kramāt|
bhava tā⸤bhir eva jagad etad icchayā
niravīvṛtat sakalamantranāyakaḥ||118||
bhava⸤dicchayaiva vinirodhavartitāṃ
paratantratāṃ ca jagatām upeyuṣām|
sthitirakṣaṇā⸤dikavidhāyinaẖ kvacin
na calanti nātha kila mantranāyakāḥ||119||
kamalā⸤sanaprabhṛtayas surādhipā
bhavadīritās tridaśanātha sāñjanāḥ|
trividhasthite⸤r bhuvanasaṃtateẖ
kramād udayasthitipralayahetutāṃ gatāḥ||120||
tava mūrtitām upa⸤gatās sureśa ye
prathitāẖ kṛśānupṛṣadaśvabhānavaḥ|
udapādi tebhya iha pāvanīkra⸤māt
sakalāṅgasauṣṭhavayutā kila trayī||121||
karaṇātmatām upagatena sarvataś
śru⸤tivartmanā ya iha nātha sanyate|
sahasiddham eva tam uṣanti sūrayas
tava dharmam īśa niru⸤paplavasthitim||122||
bhavadicchayā karaṇabhedavartinas
sukham āsate varada ca⸤kravartinaḥ|
sphuṭasarvakāmikaguhābilāntara-
pratibaddhacitrabhuvanavyapāśrayāḥ||⸤123||
Lbhavatā kadācid anadhiṣṭhitātmanāṃ
prakṛtisvabhāvaparamāṇukarmaṇām|
ghaṭa⸤te vicetanatayoditāparaiś
śapathair api kvacana naiva kartṛtā||124||
kalayā ki⸤lodvalitacetanasthitiḫ
pratipādyamānaviṣayaś ca vidyayā|
dṛḍharāgarañjita⸤manā bhavaty ayaṃ
bhavadicchayā prakṛtibhogabhāg aṇuḥ||125||
trividhena kañcukama⸤lena rūṣitān
gahanopabhogakuharābhipātinaḥ|
apakṛṣya mudgalagaṇān guhā⸤bilād
avadātatāṃ nayasi dūram icchayā||126||
aviṣānmanoviṣayaśaṣpama⸤ṇḍalīm
abhilāṣukāṃś ciram adhomukhasthitīn|
tvad anudgrahodgrathitapāśasañca⸤yān
na paśūn pramocayasi pañcadharmaṇaḥ||127||
pratibudhyate viṣayavarti vastu sa⸤c
citiśaktir askhalitavṛttir āṇavī|
dvitayātmatām upagatādbhutasthitis
sakalāṃ ⸤prabodhayati tāṃ tu tāvakī||128||
api paddhater abhividhau vyavasthitaḥ
puruṣo ṇur e⸤ṣa dṛḍhapāśarūpayā|
parato nu bhoktum alam ātmagocarāt
tava nātha śaktikalayā ni⸤yojitaḥ||129||
vivṛṇoty apoḍhaparamārthasatsthitiṃ
sthagayaty api sphuritarūpa⸤m eva yā|
na sa māyayā tava tayā viḍambyate|
tvayi yasya bhāvavinibandhanaṃ manaḥ||130||
⸤sukhavedanāmṛtataraṅgiṇījalair
abhiṣicya mānavapuṣas tavecchayā|
vinivṛ⸤ttim aśnuvata eva sarvato
bhava cetanatvasamavāyino manaḥ||131||
pratipannaśāktavi⸤bhavāḫ prasādinā
bhavatā cirād anugṛhītaciddṛśaḥ|
upapattidhāmasu na teṣu teṣv a⸤mī
bhagavan bhavanti phalabhogino ṇavaḥ||132||
tvayi nātha dharmajadalatvam īyuṣi
⸤sravati prakāśam aniśaṃ guhāśaye|
sphuṭaśaktiśuktikṛtasaṃskṛtiḥ kramād
aṇu⸤bindur eti śucimauktikātmatām||133||
upasaṃhṛtānyaviṣayān upapluta-
s ti⸤mirāntarātmakaraṇocitasthitiḥ|
matimān bhavantam avalokya kevalaṃ
sakalārtha⸤dṛg bhavati yat tad adbhutam||134||
smṛtileśato pi bhavabandhanacchidaḥ
sphuṭatāmravṛ⸤ttim iva nātha kālikām|
vyapanetum ātmaparamāṇusaṃśrayāṃ
tava śaktir eva mala⸤vāsanāṃ kṣamā||135||
parimṛṣṭakālikam avāpya hematāṃ
na yathaiti tāmram iha ⸤tāmratāṃ punaḥ|
vimalīkṛtaṃ sad aṇutattvam icchayā|
tava nātha na rcchati tathā svavāsa⸤nām||136||
prakṛtiḫ pramān praṇava ity amī trayaḥ
suranātha kūpaghaṭarajjuvat sthi⸤tāḥ|
apakarṣasi tvam upari sthito dṛḍhaṃ
karaṇaprapañcarahito ṇum adbhutam||137
Liyam antaraṅgabahiraṅgarūpatāṃ
dadhatī kalāpariṇatir dvidhā sthitā|
aṇubandha⸤vṛttir anulomavartinī
pratilomataḫ punar apohyate tvayā||138||
apadatrayasya gu⸤ṇaliṅgaśūnyatām
upajagmuṣaẖ kṛtahṛdambarasthiteḥ|
vyapalīnasāmpratabhavi⸤ṣyadarthatā-
viṣayo ṇur īśa bhavati tvadāśrayāt||139||
ravidīdhitivyati⸤karād ime yathā
prakaṭībhavanti bhava cākṣuṣā guṇāḥ|
tava sannidher anaghavṛ⸤ttayas tathā
viṣadībhavanti puruṣavyapāśrayāḥ||140||
vikalo pi san sakala⸤śaktisaṃkṣayād
asahāya eva puruṣo tidurgamam|
apavargamārgam upagacchatī⸤śa yad
bhavati praseduṣi na tat kilādbhutam||141||
amanaskayogagatisañci⸤tavratair
yad avāpyate kila nirañjanaṃ padam|
nirupaplavāṃ vidadhad ātmanā sthitiṃ
bhava ⸤nāntarīyakam anugrahasya tat||142||
sphuṭayogadharmajanitād anugrahāt
kuśa⸤lo nije paragate tathātmani|
aṇucetaso vyatikarāt tavecchayā
viṣayāntareṣu ca ⸤tanoti saṃvidam||143||
abhimānakāryam iti yan na kathyate
na bibharti śabda⸤guṇatāṃ yad avyayam|
na ca yatra visphurati tārakāgaṇo
gatir asti yatra na nabhasva⸤taẖ kvacit||144||
yad anāvṛtitridaśakārmukāṅkitā
vicaranti yatra na pa⸤yodapaṅktayaḥ|
avalokya tatra nabhasi vyavasthitaṃ
kṛtino bhavantam apavargam adhya⸤guḥ||145||
upasaṃhṛtātmavibhavas tvayā pumān
kṛtakṛtyatojjhitabhavābhavakramaḥ|
⸤sthitimān nirūṣitapadārthapañcakas
sadṛśatvam eti tava patyur adbhutam||146||
⸤aṇumaṇḍalīm anujighṛkṣato vibhos
taraṇer ivākaluṣatāṃ prabhā gatā|
śiva⸤śaktir īśa bhavataḫ pravartate
dvividhā parāparavibhedavartinī||147||
bhavato bhavo⸤dbhava bhavābhavasthiteḫ
pratipannapudgalavibhaktavaibhavāt|
adhigamya śaktyupa⸤kṛtekacittatāṃ
caturarthagocaragatir bhavaty aṇuḥ||148||
avibheda eva kila ⸤dharmadharmiṇo
pṛthag asti vṛttir iha nāpi vṛttimān|
tad abhāvam eva bhava cetaso ⸤pare
kathayanti yogam aviruddhavartinaḥ||149||
sati caivam abhyupagate vimukti⸤bhāg
nanu sarva eva viniruddhacetanaḥ|
sphuṭam aprayatnam iha sa prasajyate
bhavadi⸤cchayā tu vimalas sa muktibhāk||150||
dvividhātmanā bhavad anugraheṇa ye
⸤viṣayīkṛtā vṛṣagate kilākalāḥ|
tava tulyatāṃ dadhati te guhāñjana-
vyatitivṛttiLjanmagatitāṃ tathāṇavaḥ||151||
vasudhādiṣu tridaśayonivartināṃ
parameṣṭhi⸤niṣṭham ajitottarottaram|
sthitam īśvaratvam aṇimādi yad vibho
bhavadicchayā⸤tra tad aho vijṛmbhitam||152||
upajagmuṣā sakalarūparūdharmatāṃ
bhavatā sa⸤marthitacidātmavaibhavam|
sakalakriyāsu suranātha ceṣṭate
nirupaplavaṃ bhuvana⸤pāśamaṇḍalam||153||
tava śaktir apratihatātmavaibhava-
prabhutānvitā ca sama⸤dhiṣṭhitā yayā|
vicalanti nātmaparamāṇavaḥ kvacid
bhava kṛtyavastuṣu parāparātma⸤su||154||
bhavadātmakaṃ sakalamantramaṇḍalaṃ
surasaṃhatiś ca bhagavaṃs tvadātmikā|
⸤trividhe guṇatrayamaye jagaty aho
na tad asti yat kila vinākṛtaṃ tvayā||155||
pra⸤tipūritākhilaparāparātmaka-
pratibandhaśūnyaphalasaṃvido vyayāḥ|
anivāritāmṛ⸤tapayaḥścyuto vibhos
tava śaktayo bhuvanakāmadhenavaḥ||156||
bhavadicchayā hy anugṛhīta⸤cetasaḥ
śśatarudravīramukharudranāyakāḥ|
kamalāsanādiguṇabhogayoginaḥ
⸤praviśanti dhāma kila śaivam adbhutam||157||
paṭalādibhis sakaladṛk kri⸤yātmakaṃ
pihitaṃ na paśyati yathā vilocanam|
sthagitaṃ malair bhavadanugrahād ṛte
⸤na tatheṣaṣa kiñcid aṇutattvam īkṣate||158||
anurañjitākhilaguṇo bhavadguṇai⸤r
bhavapañjaraṃ dṛḍham anāganāñjasā|
parimṛṣṭagāḍhamalapañcakasthitiḫ
puruṣo na ⸤bhakti bhagavaṃs tvadāśrayāt||159||
apahāya yadvad iha nātha nīlatāṃ
vaṭapādapa⸤cchada upaiti pītatām|
paśutām apojjhya tava śāsane sthitaḥ
śivatāṃ sureśa ⸤kila tadvad ety aṇuḥ||160||
hṛdi saṃvidaṃśubhir adhīśa tāvakair
avarugṇasantama⸤sabandhaviplave|
sakalaṃ kalāpuruṣayoẖ kilāntaraṃ
kuśalo dhigamya niyamā⸤d vimucyate||161||
malinatvam īyuṣi yathā na darpaṇe
pratibimbam asphuṭatayā ⸤vibhāvyate|
suranātha cetasi malaughaviplute
niyamān nisargavimalas tathā bhavā⸤n||162||
sakalādhikāranijaśaktimaṇḍala-
sphuṭavigrahākṣabhuvanādhi⸤ko nṛṇām|
bhavabandham andhatamasasya tanvataḥ
praṇihaṃsi haṃsa nivirīsasampa⸤daḥ||163||
pratibhāgatāṣṭavidhasaṃvidarciṣaḥ
pravilaṅghya vartma suranātha ṣaḍvi⸤dham|
samaye sthitās tava nirañjanaṃ padaṃ
praviśanti śāntamanaso manasvinaḥ||⸤164||
dadhataṃ nirāvaraṇacitsvarūpatāṃ
dhruvam apratarkyam amṛtaṃ guhāśayam|
sthiraLgauṇagāhanikagauhamaulatā-
pratipannabhinnanijaśaktivigraham||165||
sa⸤kalaṃ kalāvirahitaṃ plavojjhitaṃ
nirupaplavaṃ bahir upaplavasthitim|
sthitam adhva⸤naḥ ṣaḍavadher upary ato
vyativṛttaśāntam anaghaṃ śivaṃ param||166||
pratibhādvayā⸤tigam ameyatādika-
sphuṭadharmayuktam anupākhyatāṃ gatam|
aṇum ādidevam ana⸤ṇuṃ ca sarvato-
mukhamūrdhapāṇicaraṇekṣaṇaṃ vibhum||167||
nirupaplavasthitani⸤jāṅgadīpita-
sthirapañcavaktramayavigrahagraham|
sakalapramāṇaviṣayāti⸤gasthiti-
pratipattiśūnyagahanātmatāṃ gatam||168||
pratipadya śaṃkara bhavantam avyayaṃ
⸤sukhaduẖkhamohaparihīnacetanaḥ|
vyativṛttatantumayabandhanāṣṭako
bhagavan bhavā⸤n iva bhavaty aṇus sphuṭam||169||
kulakam
vivṛtaṃ jagatkavalanaikatṛṣṇa⸤yā
tava tāmratālu mukhamaṇḍalaṃ kṣaye|
śriyam eti lagnaśatapattrapāṭalaṃ
sphurad arka⸤bimbam iva dakṣiṇāspadam||170||
pṛthujūṭabandhabhujagādhipasphurat-
phaṇacakra⸤vālamaṇiraśmirañjitaḥ|
śirasi sthitaś śriyam asau tanoti te
dhṛtasāndhyarāga i⸤va bālacandramāḥ||171||
bhavato vataṃsaśaśiraśmimaṇḍala-
cchuritaṃ virājati la⸤lāṭalocanam|
smarabhasmaśeṣaracitām iva śriyaṃ
dadhatā kṛtāspadam ayugmaro⸤ciṣā||172||
jvalitānalena ghaṭitācyutatviṣā
pṛthuhetiśoṣitasurāpagāmbhasā|
⸤viśikhena dehiva purā puratrayaṃ
nayanena manmatham athordhvavartinā||173||
tava nā⸤tha nūtana ghanāsitoraga-
grathitā vibhāti vikaṭā jaṭāvalī|
parivartanākula⸤lalāṭalocana-
jvaladagnidhūmavalayena piṅgalā||174||
pratipadya kṛṣṇarajan|ī⸤mayaṃ vapur
girikanyakeva tava nojjhati kṣaṇam|
sphuṭakālakūṭaviṣadhūsaraprabhā-
pa⸤ṭalacchalena pṛthukaṇṭhamaṇḍalam||175||
dahane purāṃ kṣitirathasya cakratāṃ
gami⸤taṃ tvayā śiśiraraśmimaṇḍalam|
pratibaddhalakṣm amalinodaracchavi-
sphuṭanābhirandhra⸤m iva nātha lakṣyate||176||
bahuśo vyatītagaṇaneṣu viṣṭapa-
pralayāgameṣu suranā⸤tha sambhṛtam|
grahacakravālam amalaṃ karoti te
sphaṭikākṣasūtravalayaprayojanam||⸤177||
sphuṭakālakūṭaviṣakūṭakandharā-
kṛtanīrabhāraguruvāridabhramaḥ|
upadeśa⸤lābharabhasād ivāgratas
tava nātha nṛtyati kumāracandrakī||178||
karaṇāṅgahāravi⸤dhibhis savistarais
sakalāsu śaṅkara niśāsu nṛtyatā|
kriyate tvayānukṛtir ātmano viLbhos
sacarācaraṃ jagad avāpya tasthuṣaḥ||179||
pratipannagotraghaṭanaḥ kṛtasthi⸤tiḥ
pitṛsadmani tvam aniśaṃ samātṛke|
bhagavann anādir aja ity api sphuṭaṃ
puru⸤ṣaḥ purātana iti pragīyase||180||
tava pādapadmanakhadarpaṇodara-
pratibimbitai⸤r api laghūkṛtātmabhiḥ|
adhigamyate hara mahattvam ānatais
sakalātiśāyisuradai⸤tyamaṇḍalaiḥ||181||
sasurāsurasya jagataś śaraṇyatāṃ
bhavato gatasya caraṇāmbuja⸤dvayam|
janatā namaty avanatāpi kutracid
dhruvam āśuśukṣaṇiśikheva naity adhaḥ||182||
⸤kṣititoyamārutakṛṣānubhānumad-
gaganāmṛtāṃśuyajamānamūrtaye|
bhavate mati⸤dhvanivikalpagocara-
vyativṛttarūpa paramātmane namaḥ||183||
sudhiyo pi nātha ma⸤tiśabdagocarās
tvayi na sthitiṃ vidadhatīha kalpanāḥ|
guṇaleśasūktiṣu yata stu⸤to mayā
svatṛṣāpi tadvyavasitād viramyate||184||
atidūravṛttir api yena dṛśya⸤se
nahi rūpyase ntikagato pi yena vā|
pratijṛmbhate suraguror anugrahas
sa viparyaya⸤ś ca tava kena hetunā||185||
athavāstu tāvad idam adbhutāspadaṃ
tava ceṣṭitaṃ prati⸤ghaśūnyasaṃvidāṃ|
śṛṇu yan nidhāya manasi vyapāśritāś
śaraṇaṃ bhavantam ajam avyayaṃ ⸤vayam||186||
sukham ekadā sthitavato himācale
smitabhinnavaktraparihāsa⸤peśalam|
girikanyayā nibhṛtam etya pṛṣṭhataḥ
karapaṅkajasthagitamuktacakṣu⸤ṣaḥ||187||
sahasā vilocanavinākṛtaṃ purā
puruṣaṃ purāṇapuruṣāt tvad utthitam|
⸤kṣayakālakālarajanīmukhocchvasat-
timiraughabījam iva nātha śuśrumaḥ||188||
⸤yugmam
kṛtayā tadāndhaka iti sphuṭārthayā
sa jagattrayaprathitayātha saṃjñayā|
⸤tanayārthine ditisutāya duścaraṃ
carate tapo tra samaye dade tvayā||189||
abhigamya ⸤vṛddhim atha tasya mandire|
sa manoramāṅkaparivṛttilālitaḥ|
upacakrame ndhatamasa⸤cchidonmukhaś
carituṃ suduścaram anargalaṃ tapaḥ||190||
cirakālasambhṛtimatā prase⸤duṣāas
tapasā sa labdhanayanas svayambhuvaḥ|
pratimallatārahitadevadānavaṃ
jagatāṃ pra⸤bhutvam anapāyam āsadat||191||
dalitāndhakāranikaraṃ marīcibhis
tadurasstha⸤le sthitim avāpya vaiṣṇavam|
sphurad arkamaṇḍalam ivāstasānuni
vrajati sma ⸤cakram api niṣpratāpatām||192||
tenorjitena vijitasya harer amarṣa-
gharmā⸤mbuśīkarakaṇāvalir āhaveṣu|
vaktraṃ mamārja vikaṭabhrukuṭīvibhaṅga-
cchāyāmaLlīmasam ivāviralaṃ galantī||193||
so smākam īśa karadīkṛtalokapāla-
lakṣmī⸤samākulitaśekharaśāsanaśrīḥ|
bandigrahaṃ vyadhita ketanakānanāgra-
nityānubandhayu⸤gapatsthitibandhahetoḥ||194|
tat prāptakālam iha yat kuru tat tvam anvag
āyāta eṣa ⸤harir eṣa salokapālaḥ|
saṃsārasāgaram api sphuṭam uttitīrṣor
ekaḥ plavas tvam a⸤naghaẖ kim utārtiduẖkham||195||
iti vacanam udīryāvāṅmukhe tatra tūṣṇīṃ
sthita⸤vati kṛtapūrvābhyāgamānāṃ tadānīm|
sapari gaṇapatīnāṃ krodhalīlāpravṛttiẖ
karatalam alanena kṣuṇaratnormikāsīt||196||
iti śrī mahākavirājānakaratnā⸤karaviracite haravijaye mahākāvye bhagavatstutivarṇanaṃ nāma ṣaṣṭhaḥ ssargaḥ ||