atha sa manthagirau sakalartubhir nijanijaprasavojjvalayā śriyā |
samam asevi kadācid upāśrito girijayārijayānaghadordrumaḥ || 1 ||
Kāvyamālā 22, OCR
- , ,
- Known as: , (NCC).
- Siglum: KOCR
Kāvyamālā from OCR-Here only canto 3
More ▾
| Title | Haravijaya |
| Commentary | Viṣamapadoddyota |
| Author | Ratnākara |
| Commentator | Alaka |
| Physical description | |
|---|---|
| Language/Script | [Sanskrit in Latin script.] |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- KOCR
tṛtīyaḥ sargaḥ |
⸤sa devo mandarācale girijayāvalambito yugapad eva sarvartubhir asevyata | prasavāḥ kusumā⸤ni | arīṇāṃ vijetṛtvād anaghā acchadmacāriṇo 'pratihatā vā bhujataravo yasya || 1 ||
ma*dhuparājiparājitamāninījanamanaḥsumanaḥsurabhiśriyam |
abhṛta vāritavārijaviplavāṃ sphuṭitatāmratatāmravaṇaṃ jagat || 2 ||
- ⸤1. udāhṛto 'yaṃ ślokaḥ kāvyaprakāśasya navamollāse yamakaprakaraṇe.
⸤madhupānāṃ rājibhiḥ parājitamanasvinīmanasaḥ sumanasaḥ puṣpāṇi yatra tādṛśaṃ jagat surabher va⸤santasya śobhām avahat | sumanobhiḥ surabhi sāmodaṃ jagac chriyaṃ dadhre iti vā yojanā | vi⸤plavo bādhaḥ | sphuṭitāni bhinnāni | tatāny āmravaṇāni yatra | ‘vibhāṣauṣadhi—’ ityādi⸤nātra nakārasya ṇakāraḥ || 2 ||
drutam apāsya yamena niṣevitām abhinavotkatayeva divākaraḥ |
diśam aśiśriyad aiḍaviḍāśrayām asumatāṃ sumatāṃ vidadhat sthitim || 3 ||
yamena sevitā dig dakṣiṇā tām apāsya raviḥ aiḍaviḍo ⸤dhanada āśrayaḥ patir yasyāstāṃ diśam uttarām aśiśriyat sevitavān_ | utkatānurāgas teneva | ⸤utsuko hi kāmī yathā yameneva kenacid adhiṣṭhitāṃ yuvatim utsṛjya kasyacid artheśvarasya ramaṇīṃ ⸤pratipadyate | asumatāṃ prāṇināṃ sumatāṃ atīva śītoṣṇayor abhāvād atyantarucitām || 3 ||
sthitim adhur madhurām avalambitastabakadarpaṇapallavapāṇayaḥ |
satilakojjvalapattralatā girer avanayo vanayogakṛtaśriyaḥ || 4 ||
⸤tilakais tarubhedair ujjvalapattrābhiś ca latābhiḥ sahavartamānā giribhuvo ramyāṃ sthitim adhāra⸤yan_ | vanāni kānanāni jalāni vā | tilakaś citrakaḥ | pattralatāḥ pattrabhaṅgāḥ | tatsa⸤hitāś ca kāminyo manoharasthitayaḥ | vanānām atra kāmitā pratīyate | samāsoktivaśāt_ L⸤|| 4 ||
Lkṛtakuśeśayinīrucayo madhuvyatikarād abhimantharagāminaḥ |
madhuliho divasāś ca vadhūr vyadhuḥ paravatīr avatīrṇamanobhavāḥ || 5 ||
rucir abhilāṣaḥ kāntiś ca | madhuḥ puṣparaso madhuś ca vasantaḥ | avatīrṇamanobhava⸤tvāt paravatīḥ paratantrāḥ || 5 ||
dhruvam anekarasābhyavahārataḥ kṛtarasāyanasaṃgrahasusthitā |
madhulihām asukhāyata saṃhatir vṛtimatītim atītya kṛtasthitiḥ || 6 ||
madhuliho bhramarās teṣāṃ saṃhatir asukhāyata sukham anvabhūt_ | ⸤sukhādibhyaḥ kartṛvedanāyāṃ kyaṅ_ | kutaḥ | kusumauṣadhisaṃbandhino rasasya saṃgrahaḥ pānaṃ tena ⸤susthitā śobhanam āsthitā | uktaṃ ca—‘anekaraso 'bhyavahāro rasāyanam_’ iti || 6 ||
madhurayā parapuṣṭagirā śanaiḥ savayaseva sametya madhuśriyā |
mṛgadṛśo ghaṭitāḥ saha vallabhair mudam adhur damadhuryamanohṛtaḥ || 7 ||
7 ||
surabhitāṃ dadhati pramadānvito navamadhūpahitatviṣi campake |
surataharmya ivāracitasthitir navaratāmbaratāṃ madhupo 'nvabhūt || 8 ||
⸤......varo jāmātā ca || 8 ||
kusumitā girikānanabhūmayaḥ kisalayādharakhaṇḍanalālasaiḥ ||
parabhṛtaiḥ śradadhāyiṣata priyāḥ sumadanā madanāditaṣaṭpadāḥ || 9 ||
kusumitā rajasvalā api priyāḥ prītihetavaḥ | madanaś ca kāmaḥ | ⸤parabhṛtāḥ pareṇa poṣitāḥ pṛthagjanā api | madena nāditā mukharīkṛtāḥ ṣaṭ_padā bhramarā ⸤viṭāś ca yābhis tāḥ || 9 ||
madhurajṛmbhaṇavibhramamādhavīmadhurasāsavapānamadotkaṭāḥ |
madhuliho vyathayantu malīmasāḥ smarasahā rasahāsavatīḥ striyaḥ || 10 ||
madhur ety ādiviśeṣakam_ | ratirasena visṛṣṭāyāḥ savayaso vaca⸤nenāgate priyatame viṣaye āyataṃ mānaṃ muñcanti yās tathāvidhā yoṣito babhūvuḥ | mādhavī ⸤atimuktakalatā | malīmasāḥ pāpāḥ | smarasya sahāḥ samucitāḥ | taruṇīr ity arthaḥ || 10 ||
dadhad udañcitapakṣmakarālatāṃ kurabakastabako madhubodhitaḥ |
tad asamañjasam eṣa dunoti yac chucitayā citayāpi viyoginīḥ || 11 ||
⸤pakṣmabhiḥ kesaraiḥ karālatā vyāptir bhāsuratvaṃ vā | śucitayāpy upalakṣito yad eṣa stabakas tāpa⸤yati tad ayuktam_ | viśadātmatvāt paropatāpanābhāvāt_ | citayā pravṛddhayā | pakṣmāṇi netralo⸤māny api | karālaṃ bhīṣaṇam api | madhu madyam api || 11 ||
tadabhidhāya tam ānaya satvaraṃ madhuravādini tat tad iti striyaḥ |
rasaniyuktasakhīvacanāgatapriyatamāyatamānamuco 'bhavan || 12 ||
tat tasmāt tat tad bahuvidham uktvā taṃ ⸤dayitaṃ satvaram ānaya | na vayaṃ kālakṣepasahiṣṇava iti bhāvaḥ || 12 ||
(tilakam_)
Ljaraṭhapaṅkajabījasamatviṣo madhu nipātum abhiprajagalbhire |
madhuliho virahe kṛtadiṅmukhavyavadhayo vadhayogakṛtaḥ striyaḥ || 13 ||
paṅkajabījaṃ padmākṣaḥ | L⸤vyavadhir ācchādanam_ | striyā virahe sati vadhayogakṛto ghātukāḥ | strīhananāc ca madyapānaprā⸤galbhyaṃ malinātmanāṃ kiyat_ || 13 ||
surabhimāsi kadācid anujjhitā jaḍatayāpi navāliśatānvitāḥ |
śamavatām api tāmarasākarāḥ sthiratarā ratarāgakṛto 'bhavan || 14 ||
jaḍatayā maunena na tyaktāḥ | bāliśatayā ca ⸤maugdhyena na sahitā iti virodhaḥ | jaḍatayā śaityenānapākṛtāḥ | navāni ca tāny aliśa⸤tāni tair anvitāḥ ......riṇā...cir yasyā iti cārthadvāreṇa viśeṣaṇam_ || 14 ||
sa*rasamantharatāmarasādarabhramarasajjalayā nalinī madhau |
jaladhidevatayā sadṛśīṃ śriyaṃ sphuṭatarāgatarāgarucir dadhau || 15 ||
- ⸤1. ‘sarasa-mantha-rata-amara-sādara-bhrama-rasat_-jalayā’ iti jaladhidevatāpakṣe chedaḥ, tṛ⸤tīyaikavacanāntaṃ ca padam_; ‘sarasa-manthara-tāmarasa-ādara-bhramara-sajja-layā' iti nalinī⸤pakṣe chedaḥ, prathamaikavacanāntaṃ ca padam_.
15 ||
caramapādavidhūtarajaḥkaṇaprakaradhūsarapakṣatisaṃpuṭaḥ |
nyaviśatānugiraṃ kamalākarān rasamanāḥ samanādam alivrajaḥ || 16 ||
⸤caramaḥ paścimaḥ | saṃpuṭo dvayam_ | anugiraṃ girisamīpe | ‘gireś ca senakasya’ iti ṭac_ | ⸤rase madhuni mano yasya saḥ | samanādaṃ tulyadhvaniṃ kṛtvā || 16 ||
mṛgadṛśo malayānilanirdhute sapadi mānarajasy api sāgasaḥ |
na dayitān abhicukrudhurūrjitasmaratayā ratayānasamutsukāḥ || 17 ||
17 ||
taralapallavatāmrakarā babhau samadhum ullasitabhramarotpalam |
kusumakoṣam ivārpayituṃ latā vivalitā balitāpahṛtas taroḥ || 18 ||
kusumam eva koṣaś caṣakaṃ ⸤tam eva taror nāyakabhūtasyārpayituṃ latā vivalitā saṃmukhaṃ parivṛttā | madhu makarandaḥ surā ca | ⸤balī haladharaḥ | tāpaḥ kāmajvaro 'pi || 18 ||
bhramarapaṅktinibhena manasvinī bhrukuṭibandha ivāgalito 'bhavat |
kamalabhūmiṣu mānahatisphuṭaprasarakesaraketuśate madhau || 19 ||
kesarāṇi bakulāny eva | ketūnāṃ dhvajānāṃ ⸤śatāni yasmin_ || 19 ||
śiśirabhāsi cireṇa dinaśriyā kṛtasamāgamavighna upāgate |
kaluṣatāpi mukhe madhusaṃgamān na niśayāniśayāpitamānayā || 20 ||
madhor vasantasya saṃgamān niśayā mukhe prārambhe kaluṣatā nāpi na ⸤prāptā | tadā diśām atiśayena vaiśadyāt_ | aniśaṃ sadā yāpitam ativāhitaṃ mānaṃ parimāṇaṃ L⸤dairghyaṃ yayā | vasante rātrīṇāṃ tānavotpatteḥ | kāminī dvitīyakāminyā kṛtaśamanavighnatvā⸤c cireṇāpi samāgate preyasi na vadane kāluṣyam āpnoti madyasaṃparkāt_ | madhu madyam api | mā⸤no 'bhimāno 'pi || 20 ||
Lsarabhasaṃ śayanīya ivottaracchadakṛtatviṣi pītamadhūtkaṭaiḥ |
madhukarair vinipatya sajānibhiḥ sarasijorasi joṣam avasthitam || 21 ||
sarasijānām urasimadhye bhramarair joṣam avasthitaṃ sukhaṃ viśrāntam_ | ⸤uttaracchadaḥ pracchadapaṭaḥ | sajānibhiḥ sabhāryaiḥ | ‘jāyāyā niṅ_’ || 21 ||
nidhuvanāvasare kamitur vadhūr ahṛta kuṭṭamitena bhṛśaṃ manaḥ |
taralalocananirjitavisphuratkuvalayā valayāvaliśobhinī || 22 ||
kuṭṭamitā⸤khyena ceṣṭitena manaḥ kāntasya vadhūr ahṛta samāvarjayat_ | ‘prāṇeśagāḍhabhujapāśanipīḍitānā⸤m uddāmaharṣabharanirbharamānasānām_ | hī duḥkhayasy alam alaṃ dṛḍhamūḍhavākyaiḥ saukhye 'pi duḥkha iva ⸤kuṭṭamitaṃ vadanti’ || 22 ||
smarasakhasya padaṃ surabher iva stanavatī dadhatī samamīmanat |
alakadeśaniveśaparisphurann avayavāvayavābharaṇaśriyam || 23 ||
stanavatī yuvatiḥ | sā smarasyāsau sakheti vasantasya ⸤saṃsthitim iva samamīmanat saṃmānayāmāsa | yato navo yavasyāvayava ekadeśo 'ṅkura evā⸤bharaṇaṃ yatra tādṛśīṃ śriyaṃ dhārayantī || 23 ||
vidadhataḥ pathikakṣapaṇaṃ prati smṛtibhuvo nijaśaktyupabṛṃhaṇam |
dadhur ahāryataṭāḥ sahakāritām anavamā navamādhavasaṅginaḥ || 24 ||
ahāryā girayas teṣāṃ [taṭāḥ] smṛtibhuvaḥ ⸤kāmasya śakter upacayaṃ kurvantaḥ | tathā pathikānāṃ hananaṃ kurvāṇasya kusumeṣoḥ śaktipo⸤ṣaṇaṃ prati sahakāritāṃ sahāyatvam udavahan_ | sahakāriṇo hi pratyayāḥ prakriyāntarasyopā⸤dānabhūtasya kāryaṃ prati śaktim upacinvanti bījasyeva jalādayaḥ | anavamāḥ śreṣṭhāḥ | ⸤mādhavo vasantaḥ || 24 ||
alibhir añjanabindumalīmasaiḥ smarabalair iva kaṅkaṭitair vṛte |
maruti saurabhaśālini nābhavan sarati ke ratikelirasākulāḥ || 25 ||
janā ratikrīḍārasena vyākulā babhūvuḥ | kaṅkaṭitaiḥ sasaṃ⸤nāhaiḥ || 25 ||
vikacapattrapuṭaṃ surabhiśriyaḥ sarasavibhramakāñcanapaṅkajam |
vyadhita campakam unmadanā vadhū rasakalāsakalālikulāravaiḥ || 26 ||
...kiṃjalkāsvādanena kalair madhurair asakalaiś cāvyaktaśrutibhir alinā ravaiś campa⸤kākhyaṃ kusumaṃ samudgatamadanā yoṣitaś cakāra || 26 ||
rabhasayopagatāḥ pathikā gṛhān madhukarāñjanacūrṇavaśīkṛtāḥ |
mumudire parirambhasukhocchvasannijavadhūjavadhūtatanuklamāḥ || 27 ||
rabhasā tvarā | madhukarā evāñjanaL⸤mayaṃ vaśīkaraṇaprakāracūrṇam_ | nijābhir vadhūbhir javena dhūtas tiraskṛtaḥ śarīraśramo yeṣām_ ⸤|| 27 ||
Lśivapurīm iva śaivalasacchriyaṃ niviśamānam anargalam abjinīm
bhramarayugmam avekṣya na kā priyair yuvatayo bata yogam upāyayuḥ || 28 ||
śaivalena śevālena satī śobhanā, śaivaiś ca śivabhaktair lasantī śrīr yasyāḥ | bateti ⸤vismaye || 28 ||
madhukarāñjanabindumanoramaprakaṭapattralatābharaṇojjvalāḥ |
na surabhāv abhavann atimuktakavratatayo tatayogaguṇaśriyaḥ || 29||
atimuktakavratatayo na tatayogā guṇaśrīr yāsāṃ tādṛśyo nābhavan_ | ⸤saṃvistīrṇaguṇaśrīyogā babhūvur ity arthaḥ | prakaṭapattralatāḥ śākhā evābharaṇaṃ tenojjvalā ⸤ramyāḥ | pattralatābhir ābharaṇaiś cojjvalā vitataguṇaśobhāś ca yoṣito bhavanti || 29 ||
mukhanilīnaśilīmukhacūcukaṃ kamālinīmukulāmburuhastanam |
adadarat kamiteva na rāgavān dinakaro na karotkarakoṭibhiḥ || 30 ||
⸤
kamitā kāntaḥ | adadarad bibheda | ‘atsmṛhṛtvaraprathamradastṝspaśām_‘ ity abhyāsakārya⸤m adantādeśaḥ | rāgo 'nuraktir api | karaḥ pāṇir api || 30 ||
smaramataṅgajadānajalacchaṭāvipinavāridhividrumavibhrame |
bhramarasaṃhatir āviravībhavat pracapalā ca palāśatarau śriyam || 31 ||
palāśaḥ kiṃśukaḥ | tatra ⸤bhramarāṇāṃ saṃhatiś capalā svām abhikhyām āvirabībhavat prakaṭīcakāra | vibhramaḥ sadṛśaḥ ⸤|| 31 ||
animiṣākṣivilokitavibhramāṃ surabhim unmanaso navamālikām |
suravadhūm iva vīkṣya manobhuvo 'navaśamā vaśam āśu madhau yayuḥ || 32 ||
anavaś ciraprarūḍhaḥ śamo yeṣāṃ te munayaḥ kāmasya vaśaṃ yayuḥ | animiṣair animī⸤ladbhir akṣibhir ālokito vīnāṃ pakṣiṇāṃ bhramarāṇāṃ bhramo yasyām_ | animiṣaś cākṣṇor da⸤śanasya vilāso yasyāḥ | navamālikā saptalā | anavamaṃ cotkṛṣṭam alikaṃ lalāṭaṃ ⸤yasyāḥ || 32 ||
suparimṛṣṭakapolatalasphuran maṇikarālitakāñcanakuṇḍalaḥ |
na khalu bhīrujano 'nvabhavan madhau na samado 'samadolanavibhramam || 33 ||
bhīravo yoṣitaḥ | tāsāṃ janaḥ samadatvād asamaṃ dolanavibhramaṃ dolā⸤vilāsaṃ na nānvabhavat_, api tu anubhūtavān eva | parimṛṣṭaṃ spṛṣṭam_ || 33 ||
smaram adīdipad ūrdhvavilocanaṃ puraripor iva yacchikhipiṅgalam |
sphuṭadaśokam udīkṣya tadutsukā na kamitā kamitāram alaṃ vadhūḥ || 34||
adīdipa⸤d iti dīpanaṃ prabodhanaṃ dahanaṃ ca | śikhī vahniḥ | tadvat tena ca piṅgalaṃ kapiśam_ | vadhūḥ ⸤kamitāraṃ kāmukaṃ na kaṃ itā kaṃ na prāptā | nāsau vallabho babhūva yaḥ priyayā na yukta
L⸤ity arthaḥ || 34 ||
Lvidhutapakṣmarajaḥkapiśabhramadbhramarasaṃhatim abjamukhaśriyam |
sacaṭulātilakām iva padminī ghanarasā narasārthahṛdā dadhau || 35 ||
‘suvarṇaśṛṅkhalābaddho nānāratnavibhūṣitaḥ | lalāṭalambyalaṃkāraś caṭulā⸤tilakaḥ smṛtaḥ ||’ raso makarando jalaṃ vā | narasārthahṛtsarvajanamanoramā || 35 ||
⸤[iti vasantaḥ]
śucidināgatir āplutiśītalāḥ sarasacandanapaṅkabhṛto 'karot |
priyasakhīva vataṃsitamallikāḥ stanavatīr navatīvratanuklamāḥ || 36 ||
⸤śucir āṣāḍho māsaḥ | āplutiḥ snānam_ | vataṃsitā śekharīkṛtā mallikā kusumabhedo yā⸤bhir yāsāṃ vā | ‘vaṣṭi bhāgurir allopam avāpyor upasargayoḥ’ ity avaśabdākāralopaḥ || 36 ||
spṛśati tigmarucau kakubhaḥ karair dayitayeva vijṛmbhitatāpayā ||
atanumānaparigrahayā sthitaṃ rucirayā cirayāyidinaśriyā || 37 ||
⸤karāḥ pāṇayo 'pi | tāpaḥ khedo 'pi | mānaṃ dairghyam abhimānaś ca | cirayāyīni dināni ⸤graiṣmikā vāsarāḥ | a*tra tigmaruceḥ kakubhāṃ ca kāmitā pratīyate | liṅgaviśeṣopādā⸤nāt_ | yathā—‘sarale saha vāsaraśriyā nibhṛtaṃ kvāpi gataḥ sa bhāskaraḥ | vada tena vinā⸤bjinī kathaṃ kṣaṇadām adya natāṅgi neṣyati ||’ iti | evaṃ dinaśriyo 'pi nāyikātvapra⸤tītau yathoktam eva saṃbhavatīti dayitayety upamānapadam apuṣṭārtham iti sahṛdayāḥ || 37 ||
- ⸤1. kāvyaprakāśadaśamollāsopānte 'pi ‘spṛśati tigmarucau kakubhaḥ karaiḥ—’ ityā⸤dy atratyam eva padyam udāhṛtya ‘atra tigmaruceḥ kakubhāṃ ca——kiṃ dayitayeti svaśabdopādānena’ ⸤ity uktam asti. parikarālaṃkāraprakaraṇānantaraṃ ca kāvyaprakāśaśeṣo 'nenaiva haravijayaṭī⸤kākartrā rājānakālakena pūrita ity uktam eva prāk_. ata evātra ṭīkāyāṃ kāvyaprakāśe ⸤cāsmin padye samānam eva dūṣaṇodbhāvanam_.
sarasacandanapaṅkavilepanā kṛśatanur dadhatī sajalārdratām |
priyatamārahitāpi viyoginīsthitim itā timitākṣarasatkathā || 38 ||
⸤priyatamasahitāpi kṛśāṅgī virahiṇyāḥ sthitimitā prāptā | jalārdrā jalaknuplutaṃ vastram_ | ⸤atimitākṣarā svalpavarṇā || 38 ||
dinapateḥ kṣitim uttapataḥ punar vikaṭaṭaṅkanikuṭṭanaghaṭṭitam |
galati dhāma kim etad iti bhramaṃ bhṛtavatītavatī janatā klamam || 39 ||
ṭaṅkanikuṭṭanena śastrakāhatyā ghaṭṭitaṃ calitam_ | raviḥ ⸤kila purā priyatamānurodhena duḥsahataraṃ svadhāma tvaṣṭuṣ ṭaṅkena śātayāmāsa | janatā klama⸤m itavatī gatā || 39 ||
Lrucirayā girikānanamaṇḍalī śriyam adhattatarāṃ smaradīpikā |
sapadi mallikayā racitasthitir na na ghanānaghanādavihaṃgamā || 40 ||
dīpikā lohādimayī dīpādhārabhūtā yaṣṭir api | mallikā L⸤tailabhājanam api | ghano 'naghaś ca nādaḥ kvaṇitaṃ yeṣām_ || 40 ||
ghaṭitaṣaṭpadapeṭakapāṭalāpaṭalasaṃpuṭapāṭanapāṭavam |
sphuṭayatā navabandhurasaurabhaprasaratā saratā marutā dadhe || 41 ||
bandhuro ruciraḥ saurabhapra⸤saro yasya tadbhāvaḥ saratā vātena dhṛtā | peṭakaḥ samūhaḥ | pāṭalaḥ puṣpabhedaḥ | saṃpuṭā ⸤mukulāḥ || 41 ||
jitam ahaṃ sukumāratayānayā praticikīrṣu śirīṣam itīkṣitam |
atiruṣeva viyogavatīṃ śucaṃ sarasahāsadalaṃ sad alambhayat || 42 ||
itīva ruṣā pratikartukāmaṃ śirīṣaṃ nāma kusumam īkṣitaṃ sadālokita⸤mātraṃ sat_ virahiṇīṃ śokam alambhayat prāpayāmāsa | sarasaḥ pratyagro hāsa udbhedo yeṣām_ ⸤|| 42 ||
⸤[iti grīṣmaḥ]
dadhati yatra payodharapaṅktayo giriśakaṇṭharuciṃ jalamantharāḥ |
sa kṛtapānthavadhūjanavepathū rasamayaḥ samayaḥ sma vijṛmbhate || 43 ||
giriśo haraḥ | ‘girau ḍaś chandasi’ iti pratyayadvāreṇa cchandasi niyamitatvā⸤d giriśaśabdasya bhāṣāyāṃ prayogaḥ pramādajaḥ | rasaḥ salilaṃ rāgaś ca | tanmayaḥ samayo varṣā⸤rātraḥ || 43 ||
aśamayac cirasaṃbhṛtam ambhasā manasi mānakalaṅkam api striyāḥ |
adhidharitri payodharadhoraṇī kimu rajo murajorjitagarjitā || 44 ||
payodharāṇāṃ dhoraṇī paṅktiḥ | kimu bhuvi rajo nāśamayad iti nañ_ atra ⸤sāmarthyalabhyaḥ || 44 ||
bhuvanasaṃvananātanubhasmabhiḥ kuṭajakesaradhūlikaṇaiś citāḥ |
surabhayo marutaḥ kṛtakāminīsmaravikāravikāsam avāsiṣuḥ || 45 ||
saṃvananaṃ vaśīkaraṇam_ | atanuḥ kāmaḥ | avāsiṣur vavuḥ || 45 ||
vidadhatā navacandrakalāñchitām anukṛtasmaravairitanuṃ śriyam |
phaṇibhujā samaye gurutāṇḍavavyasaninā saninādaghane sthitam || 46 ||
⸤saninādāḥ payomuco yatra tasmin kāle mayūreṇa nṛttavyasanavatā sthitam_ | navaiś candrakaiḥ ⸤picchair lāñchitā lakṣitā, candrasya ca kalayā āñchitā saṃgatā || 46 ||
prakaṭajātiśarīraruco dadhur vanabhuvo 'ntaramārgagatāṃ śriyam |
bharagalanmakarandakaṇacchaṭākavalanāvalanākulaṣaṭpadāḥ || 47 ||
āntara⸤mārgo gahanaḥ pradeśaḥ | tadgatāṃ śriyaṃ vanabhuvo 'vahan_ | jātir mālatī tayā śarīraruk_ svarūL⸤paśobhā prakaṭā yāsām_ | tathā jātayaḥ śuddhavikṛtabhedenāṣṭādaśa ṣāḍ_jīṣaḍ_jamadhyamadhyamāpra⸤bhṛtayaḥ | tatsvarūpasyeva ca rug yāsām_ | tāsām eva ca viśeṣo 'ntaramārgo bhavati | dviśru⸤tyadhikayor niṣādagāndhārayor yathākramaṃ kākalyantarasvarasaṃjñatvakalpanāt_ | kavalanā grāsaḥ | ⸤tadarthaṃ valanā paribhramaṇam_ || 47 ||
Lvikaṭamekalahemalatāspadāṃ ruciratām acirārcir acūcurat |
sajalameghagatāśu manasvinījanatayānatayāsakṛd īkṣitā || 48 ||
mekalo vindhyaḥ | tena meghasya sāmyam asitavarṇa⸤tvāt_ | acirārciḥ saudāmanī | ānatayā punaḥpunar ullasanena dausthityam asmāsu na jana⸤yitavyam ity āśayena prahvayā || 48 ||
smṛtibhuvo nijakārmukakarṣaṇaklamaviniḥśvasitair iva mārutaiḥ |
mṛgadṛśām upavallabham ullasatpulakatālakatāṇḍavikair dadhe || 49 ||
alakānāṃ tāṇḍavikair nartakaiḥ || 49 ||
sphuritaśakraśarāsanahāriṇā kalayatā caturaṅgabalaśriyam |
ka iva te 'nukṛtorjitabhūbhṛtā ghanacayena ca ye na vaśīkṛtāḥ || 50 ||
śakradha⸤nur manohareṇa, gavalasya ca mahiṣaśṛṅgasya śyāmatayā śobhāṃ gṛhṇatā ca, ghanānāṃ cayena ⸤bhūbhṛteva caturaṃ kṛtvā na ye vaśīkṛtās te ka iva janāḥ | na kecit_ | rājā punar anargha⸤ratnayogena sphuritendradhanur yo hāras tadvān_ caturaṅgasya balasya hastyaśvarathapattilakṣaṇasya sai⸤nyasya śobhāṃ kalayati || 50 ||
saharigopakam aikṣata bhūtalaṃ vrajam ivāñcitalāṅgalikaṃ janaḥ |
kṣaṇarucāṃ samaye samadadhvanad dhanavare 'navareṇuhṛti kṣiteḥ || 51 ||
harigopā indragopākhyāḥ prāṇinaḥ harigopaś ca go⸤parūpadhārī viṣṇuḥ | vrajo gavāṃ nivāsaḥ | añcitā śreṣṭhā lāṅgalikā oṣadhi⸤viśeṣo yatra | añcitaś ca pūjito lāṅgalī haladharo yatra | anavo reṇuś cirasaṃcitaṃ rajaḥ ⸤|| 51 ||
nabhasi ketakacandradalojjvale kuṭajapuṣpacayena vikāsinā |
himavipāṇḍurucoḍugaṇāyitaṃ kalayatālayatām atanoḥ śriyaḥ || 52 ||
atanoḥ kāmasya bahulāyāś ca śriya ālayatvaṃ kalayatā gṛhṇatā kuṭajākhyakusuma⸤nicayena nakṣatragaṇavad ācaritam_ | nabhasi śrāvaṇe 'ntarikṣe ca | candrākārair dalaiḥ pallavaiḥ, ⸤candrasya ca dalena khaṇḍenojjvale rucire || 52 ||
vikira vāri vilolaya vidyuto nabhasi garja tiraskuru diktaṭān |
iti ghano viyutāmakṛtācaranna navaśāṃ navaśāntiparāṅmukhīm || 53 ||
vāri vikira jalaṃ vikirann ityā⸤dikam ācaran_ jalado viyutāṃ viyoginīṃ na navaśām_, api tv āyattām eva cakāra | vikire⸤tyādau ‘samuccaye 'nyatarasyām_’ iti loṭ_ | hirādeśaś ca | ācarann iti sāmānyavacanasyānu⸤prayogaḥ ‘samuccaye sāmānyavacanasya’ iti || 53 ||
Lavasare malino 'py upakārakaḥ kvacid itīva ravais taruṇān bhraman |
stanitabhītapuraṃdhrinigūhanasthitimato 'timato 'bhidadhau ghanaḥ || 54 ||
nigūhanena sthitimataḥ sukhitān_ L⸤ittham iva ravais taruṇān ambudo 'bhyadhyāt_ | abhimato 'tīvābhipretaḥ | samāgamakāraṇatvāt_ ⸤|| 54 ||
navadaladvayaśobhi ghanāgamaśriya ivābharaṇaṃ śravaṇāśrayam |
vyadhita hāri kadambam api striyaḥ smaravaśā ravaśāliśilīmukham || 55 ||
55 ||
ghanatamasyabalāḥ samavartinā dadṛśire virahaglapitā na yāḥ |
jagati tā iva darśayituṃ taḍitpraviralāviralātanibhābhavat || 56 ||
alātam ulmukam_ | tatsadṛśī taḍid āvirabhavat prakaṭībabhūva | samavartī yamaḥ ⸤|| 56 ||
sphuṭatarāmalakandalasacchriyaḥ pratidiśaṃ kamalinya ivābabhuḥ |
madhukarair vikasadgirimallikāśabalitā valitā vanarājayaḥ || 57 ||
āmalais tarubhedaiḥ kandalaiś ca latāviśeṣaiḥ satī śobhanā śrīr yāsām_ | amalaiś ca ⸤kandair bisair anyair vā mūlair lasantī śrīr yāsām_ | girimallikā kuṭajam_ | tacchabalitatvād bhra⸤marair valitā veṣṭitāḥ || 57 ||
kuṭajakandalanīpaśilīndhrajāṃ surabhitāṃ dadhad ambudamārutaḥ |
vyadhita roṣarajaḥprasarojjhitā na na vadhūr navadhūrgatamanmathāḥ|| 58 ||
navo dhūrgataś ca paradhārādhirūḍhaḥ kāmo yāsāṃ tathāvidhā ⸤vadhūr abhrapavanaś cakāraiva | kuṭajādayo vārṣikāḥ kusumaviśeṣāḥ || 58 ||
smṛtibhuvo virahe navamālatīmukulamudgara eva vadhūr vyadhāt |
sphuṭam apaścimaghātavimūrchitā madarasādarasāravaṣaṭpadāḥ || 59 ||
mālatīkusuma⸤m eva mudgaraḥ praharaṇaviśeṣaḥ | sa eva smṛtibhuvaḥ sakāśād āgatena apaścimena prahārāntarā⸤pekṣiṇā prahāreṇa mūrchitā yoṣitaś cakāra | mālatīkusumam eva kāmasya mudgara iti tu na ⸤yuktam_ | mudgaraśabdasyātra sāpekṣatayā samāsāprasaṅgāt_ | madarase madajanake madhuny ādaraḥ ⸤saṃmramo yeṣāṃ tathāvidhāḥ sāravāś ca bhramarā yasmin_ || 59 ||
harir adāgra ivotthitakālike glapitamānatamā nabhasi sthite |
kam iva nāma na bāhulatāntaraṃ priyatamāyatamānayadīpsitam || 60 ||
āyataṃ bhujalatāmadhyaṃ ⸤priyatamā kam īpsitaṃ priyaṃ nānayat_ | sarvam eva nijā vadhūḥ pariṣasvaje | harir aśvaḥ | rado ⸤dantaḥ | kālikā meghapaṅktiḥ, aśvānāṃ vayovijñānacihnaṃ ca | māna eva tamaḥ | māli⸤nyahetutvāt_ || 60 ||
⸤[iti varṣāḥ]
sphuritacārutarāpaghanaśriyā hṛdayanandanaśobhanaveṣayā |
dayitayeva janaḥ śaradāśrito mudam alaṃ damalaṅghanam ācarat || 61 ||
śaradā hetunā mudam āśrito janaḥ sutarāṃ damasya śānter laṅghanam aL⸤karot_ | apaghanā megharahitā | apaghanāś cāṅgāni | hṛdayahāriśobho nava iṣa āśvayujo ⸤yasyām_ | hṛdayanandanaś ca śobhano veṣo yasyāḥ | veṣo veśa ākalpa ityarthāntaram_ || 61 ||
Ldrutagatipravaṇās turagā iva klamabhūto divasā dhutakaṃdharāḥ |
śaradṛtor dadhatīṃ śriyam ūhire kamalakomalakorakahastatām || 62 ||
⸤kamalānāṃ komalaṃ kuḍmalaṃ janānāṃ haste yatra tadbhāvaṃ dadhatīṃ śriyaṃ śaraddivasā ūhire ⸤dadhuḥ | turagā iva | tair api kamalahastā śrīr uhyate | tatsaṃnidhau śriyaḥ sthānāt_ | kaṃ jalaṃ ⸤śiraś ca dhārayantīti kaṃdharā jalabhṛto grīvāś ca | ‘saṃjñāyāṃ bhṛtṝvṛjidhārisahitapidamaḥ’ ⸤iti khac_ || 62 ||
patati vṛṣṭir asau mayi nādhunā dinakarātapasevanalālasam |
iti vikāsam agād iva cintayac ciram udāramudā yutam ambujam || 63 ||
udārayā mudā yuktam itīva cintayaj jalajamātapasevāsaspṛhaṃ vyakasat_ ⸤|| 63 ||
jaladakālaniśāpagame sphurat sphuṭatarāmalacandrakarājitaiḥ |
kvacid avāpyata citraśikhaṇḍibhir na rucirā rucirākaluṣīkṛtaiḥ || 64 ||
candrakai rājitāḥ śobhitās taiś citraiḥ śikhaṇḍibhir mayūrai rucirā rucir nāla⸤bhyata | citraśikhaṇḍinaś ca saptarṣayaḥ | taiś candrakarair ajitair api niśāpagame na dīpyate ⸤|| 64 ||
gaganam īyivad āplavanakriyāsamabhihāram ivāmbumucāṃ jalaiḥ |
abhṛta candramasā samam uccakair avikalaṃ vikalaṅkatayā śriyam || 65 ||
īyivat_ gatam_ | samabhihāraḥ paunaḥpunyam_ | avikalaṃ samagram_ || 65 ||
bhuvanatāpavighātaviparyayasthitivilakṣatayeva vipāṇḍavaḥ |
śaradi nūnam ayukchadakānanair asamahāsam ahāsiṣatāmbudāḥ || 66 ||
⸤tāpavighātasya viparyayo 'nyathātvam atrāparighātaḥ | tatsthityā vilakṣatā trapā | ayu⸤kchadāḥ saptacchadās teṣāṃ kānanaiḥ | ayukchadakānāṃ vā ānanair mukhai rasamahāsaṃ kṛtvā niya⸤tam ambudā ahāsiṣata | vayam adhunā tāpopaghātapaṭavaḥ, na yūyam itīva vikasvaratvena hasitā ⸤ityarthaḥ | hāso vikāso hasanaṃ ca | ahāsiṣatety upadhāvṛddhir ātmanepadaviṣayatvāc ciṇva⸤dbhāvaprasaṅgāc ca | tasmāt kānanakartṛko 'samo hāso yatra tathā kṛtvā aha kaṣṭaṃ āsiṣate⸤ti yojyam_ || 66 ||
asalilāhimaśītamahāhradāḥ śaśabhṛto janatādavathucchidaḥ |
kumudakhaṇḍagataṃ madhupāyinām adalayan dalayantraṇamaṃśavaḥ || 67 ||
candrāṃśavo bhramarāṇāṃ kumudeṣu dalayantraṇaṃ pattrabandham adalayan bi⸤bhiduḥ | davathuḥ saṃtāpaḥ || 67 ||
sthagayituṃ pratikūlavilokanāḥ kusumitāḥ kakubho nu viyoginām |
kamaladhūlim udānayatādhikastavanato vanato 'nilasaṃhatiḥ || 68 ||
adhikastavanato ramyatayā bahalastutibhājo vanataḥ L⸤kānanāj jalād vā kamalarajo vātānāṃ samūhaḥ | kusumitatvād viruddhadarśanā diśaḥ pidhātu⸤m iva | kusumitā rajasvalā api | nuśabda ivārthe || 68 ||
Lrucir atanyata nirjhariṇītaṭaiḥ śakunipādahatair galitāmbubhiḥ |
nakhapadāṅkanirambarasundarījaghanajā ghanajālatiraskṛtau || 69 ||
ghanānāṃ jālasya tiraskṛ⸤tir antardhānaṃ yatra tasyāṃ śaradi nadītaṭair jaghanajā kāntir atanyata | śakunayaḥ khagāḥ ⸤|| 69 ||
kusumam ārtavam udvahad ucchvasan madhu karīracitasthiti kānanam |
na navam āttavatāṃ madhupāyinām alasatā lasatām abhavat kvacit || 70 ||
ucchvasan madhu makarandaṃ yatra, karīraiś ca tarubhedaiś citā vyāptā sthitir yasya tādṛśaṃ ⸤vanaṃ gṛhītavatāṃ bhramarāṇām alasatā kvacin nāsīt_ | kasumam apy ucchvasad vikasvaraṃ madhukarībhyaś ca ⸤racitasthiti kṛtāvasthānam_ | ṛtuḥ prāpto 'sya ārtavam_ | ‘ṝtor aṇ_’ ity aṇ_ | lasatāṃ ⸤krīḍatām_ || 70 ||
na khalu bāṇagaṇena śarāsanaśriyam ṛtor dadhatā vitathākhyatā |
priyaviyuktapuraṃdhrimanobhidā balavatālavatāpakṛtā dadhe || 71 ||
vitathā niṣphalā ākhyā pratītir yeṣāṃ tadbhāvo bāṇākhyakusumasa⸤mūhena śaratsaṃbandhinā dhṛtaḥ | viyogimanobhedanāt_ | bāṇāś ca śarāḥ sūkṣmaśaravyabhedakā ⸤vitathapratītayo na bhavanti | śarā asanāś ca tarubhedāḥ śarāsanaṃ ca dhanuḥ | alavaṃ ⸤prabhūtaṃ tāpaṃ karoti yas tena || 71 ||
sthitir avāpi rasakriyayeva ca sphuṭatarāgamaśodhitatārayā |
kṣapitakālikacandrarucollasatkamalayāmalayā śaradaḥ śriyā || 72 ||
rasaḥ pāradaṃ tatkriyā dhātuvādas tayeva śaracchriyā ⸤sthitir avāpi padaṃ nibaddham_ | āgamaḥ pravṛttiḥ śāstrasaṃpradāyaś ca | tārā nakṣatrāṇi ⸤tāraṃ ca rūpyam_ | kālikā kalaṅko vyājaś ca (?) tāmrādikṛtaḥ | candraḥ śaśī suvarṇaṃ ca | ⸤kamalāni padmāni, kamalā ca lakṣmīḥ || 72 ||
prasṛtamandasamīrahatikvaṇatkaṇiśarāśiśarajjayaghoṣaṇām |
ciram iva vyadhitāvanimaṇḍalaṃ sakalamaṃ kalamandraravākulam || 73 ||
kaṇiśaṃ sasyamañjarī | kalamaḥ śāli⸤bhedaḥ | kalo manoharo mandraś ca yo ravas tenākulaṃ kṛtvā || 73 ||
śaradi haṃsagaṇasya kuṭumbinīrasavitīrṇabisasya riraṃsayā |
samavagāḍhum adhautavinirmalaṃ navasaro 'vasaro 'ticirād abhūt || 74 ||
navaṃ saro viloḍayituṃ ⸤haṃsānāṃ gaṇasyāvasaraḥ prasaṅgaś cirād abhūt_ | kuṭumbinyaḥ priyā haṃsyaḥ || 74 ||
salilatonmadahaṃsaravākulo bhavanamārga ivātimanoharaḥ |
abhṛta niṣkuṭajāṃ śriyam uccakaiḥ sa samayo 'samayogaśaśiprabhaḥ || 75 ||
niṣku⸤ṭajāḥ kuṭajarahitāḥ | kuṭajānāṃ vārṣikatvāt_ | niṣkuṭā gṛhārāmās tebhyaś ca jātāḥ | L⸤asamo 'nanyasadṛśaḥ | śaśiprabhā yoṣito 'pi | śaśinaḥ prabhā yāsām iti kṛtvā ⸤|| 75 ||
Lmadhupaśāvam apāyayad uccakair aviśadāravam aṅkavivartinam |
stanam iva stabakaṃ vratatiḥ sravan nijarasaṃ jarasaṃ vyatipetuṣī || 76 ||
apāyayat pāyayāmāsa | kvacit_ ‘adhāpayat_’ iti pāṭhaḥ | tatra ‘pādiṣu dheṭa ⸤upasaṃkhyānam_’ iti ‘nigaraṇa—’ iti prāptasya parasmaipadasya niṣedhāt kartrābhiprāye kriyā⸤phale ‘ṇicaś ca’ iti taṅ_ | raso madhu stanyaṃ ca | jarasaṃ vyatipetuṣī jarām atikrāntā | ⸤‘jarāyā jarasanyatarasyām_’ iti jaras_ || 76 ||
sarabhasātmapuraḥsarasārasīrasabharāplutasārasarāsitam |
sarasakesaratāmasaraṃ saraḥ sarasatāmalināṃ rasatāṃ vyadhāt || 77 ||
sarabhasenātmanā hetunā puraḥsarāsu ⸤sārasīṣu anurāgabhareṇa pūritā ye sārasā lakṣmaṇās tair mukharitaṃ saro bhramarāṇāṃ kvaṇatāṃ ⸤sarasatvam akarot_ | raso rāgaḥ || 77 ||
prakaṭatālalayaṃ śukavāraṇe kalam agopavadhūnavagītakam |
mṛgagaṇasya manaḥ śrutam ākṣipat pracurasasyarasasya jighatsataḥ || 78 ||
tālāḥ karayoḥ parasparam abhighātāḥ | teṣāṃ layaḥ ⸤śobhā śleṣo vā | gītam eva gītakaṃ gānam_ | gītakaṃ madrakādiviśiṣṭaṃ gītaṃ prakaṭatālalayaṃ ⸤bhavati | tatra tālāś cañcupuṭacācapuṭādayaḥ | teṣāṃ layo drutamadhyavilambitabhedena tridhā ⸤kālāntarānuvṛttiḥ | uktaṃ ca—‘tālah kālāntarasthāyī drutamadhyavilambitaḥ | tridhā laya ⸤iti prokto badarāmalabilvavat_ ||’ iti | pracure sasye raso yasya | jighatsatas tad evāttu⸤m icchataḥ || 78 ||
srutamado girikānanavartmani pratikaroti karīrakulākule |
marudayukchadasaurabhasaṃbhṛtaḥ kṣubhitatābhitatānakṛta dvipān || 79 ||
samadaḥ pratigajo 'treti bhrāntyā kṣubhitatā kṣobhas tayā vyāptān a⸤nilaḥ kuñjarān akarot_ || 79 ||
⸤[iti śarat_]
himaṛtau nalinī nalinānanaśriyam udūḍhamanoramakarṇikām |
tuhinareṇujarāgam aviplavair vimalitāmalitāpakṛtaṃ dadhau || 80 ||
himaṛtāv ity atra ‘ṛtyakaḥ’ iti prakṛtibhāvaḥ | karṇikā ⸤bījakoṣaḥ karṇābharaṇaṃ ca | karṇau ca śrotre | vimalitā mṛditā dhavalitā ca | ata ⸤evālināṃ tāpakṛt_ || 80 ||
atanuśītapariplavabhītitaḥ sahimamārutavellitayā babhau |
saparirambha ivopavanadrumaś caturayāturayā latayā kṛtaḥ || 81 ||
śītabādhabhayenārtayeva latayā sāliṅganaḥ kṛtas taruḥ L⸤śuśubhe | caturayā prauḍhayā || 81 ||
Lmaruti vāti tuṣārakaṇākule kamitur āhitasītkṛtavibhramā |
abhimukhaṃ valati sma dhutasphuratkaratalā ratalālasayā vadhūḥ || 82 ||
rate lālasā rucir yasyāḥ || 82 ||
⸤[iti hemantaḥ]
samaya eva guṇo 'py upayujyate saparirambharuciṃ dayitaṃ striyāḥ |
stanayugoṣmabharaḥ śiśirāgame yad akarod akaroṣṇimagopatau || 83 ||
nāsti karā⸤ṇām uṣṇimā saṃtāpo yasya tādṛśo gopatir aṃśumān yatra || 83 ||
aviralaṃ ghanasāracayair iva sphuṭitapuṣpaparāgakadambakaiḥ |
churayati sma mukhāny abhito diśām anavaro navarodhramahīruhaḥ || 84 ||
ghanasāraṃ karpūram_ | mu⸤khāni vadanāny api | anavaraḥ śreṣṭhaḥ || 84 ||
sthagitadiṅmukhahaimarajaḥplutaṃ madhukaraḥ kamalākaram atyajat |
tyajati kaḥ prakṛtopakṛtiṃ janaḥ sapadi nāpadi nāma malīmasaḥ || 85 ||
haimaṃ tuhinasaṃbandhi | kamalākaraḥ śrī⸤prado 'pi | āpadi malinaḥ ko nāma prakarṣeṇa kṛtopakāram api na muñcati | ‘praṇayapra⸤kṛtiṃ’ iti pāṭhe snehakāraṇam ityarthaḥ || 85 ||
apaciteṣu pareṣu viṣaṇṇatām upagataṃ kusumeṣv aham utthitam |
tapasi kundam itīva hasatkvaṇanmadhukarālikarālitam abhyadhāt || 86 ||
kvaṇatāṃ bhramarāṇāṃ paṅktyābhivyāptatvād i⸤ttham iva kundaṃ tapasi māghe 'bhyadhāt_ | hasad vikasat_ || 86 ||
dayitakaṇṭhagatā api visphuṭannavalavaṅgasamīrahatāḥ striyaḥ |
himaṛtor udakaṇṭhiṣato dayād araśanai raśanair jaghanaiś citāḥ || 87 ||
himartor udayāt_ aśa⸤nair amandaṃ aṅganā udakaṇṭhiṣata sotkaṇṭhā jātāḥ | lavaṅgaṃ puṣpabhedaḥ | araśanaiḥ śītava⸤śān mekhalāśūnyaiḥ || 87 ||
priyaviyuktavadhūhṛdayaiḥ samaṃ śiśiravāyubhir etya vikampitāḥ |
kusumitāḥ phalinītatayo babhur madhurasādhurasārthimadhuvratāḥ || 88 ||
phalinī priyaṃgulatā | sādhuḥ śreṣṭhaḥ | madhuvratā bhramarāḥ ⸤|| 88 ||
agaṇitaprasavāntaraviplavavyatikaraḥ sphuṭasaurabham āśritaḥ |
alir amaṃsta mahattapasaḥ phalaṃ navalavaṅgalavaṃ gahane gireḥ || 89 ||
girigahane bhramaro lavaṅgasya lavam āśritas tapaso māghasya phalaṃ tam evājñāsīt_ | ⸤girigahanasthaś ca munis tapaso vratasya phalaṃ dvandvasahiṣṇutādi samanubhavati | prasavo ja⸤nmāpi | saurabhaṃ yaśo 'pi || 89 ||
dhṛtagurūṣmapayodharamaṇḍalīnibiḍapīḍitavallabhavakṣasām |
kṣaṇadayā sudṛśāṃ suratotsavakṣamatayā matayā ratir ādadhe || 90 ||
kṣaṇadā rātriḥ | tasyāḥ suratotsave kṣamatvaṃ dīrghaL⸤taratvāt_ || 90 ||
Lsmṛtibhuvā hṛdi śalya ivārpite dadhati dārḍhyam atīva ca khādire |
na rajanīrajanīcarayoṣitā jagati kā virahe 'vacakhādire || 91 ||
rajany eva rākṣasī tayā ca kā yoṣito nāvacakhādire | sarvā eva ⸤grastāḥ | khādiraṃ śalyaṃ khadiradārumayaḥ kīlakaḥ || 91 ||
mṛgadṛśām abhavat saha vallabhair asamahāsaratālavalīlatā |
śriyam adhān madhunā kṛtaṣaṭpadīrasamahā saratā lavalīlatā || 92 ||
nāsti lavaś chedo yasyā⸤s tādṛśī līlā yasya tadbhāvo yoṣitām āsīt_ | asamahāsam asādhāraṇahasitaṃ rataṃ nidhu⸤vanaṃ yasyāṃ sā | madhunā puṣparasena | saratā pravahatā | kṛtaḥ ṣaṭ_padīnāṃ rasamaho rāgo⸤tsavo yayā sā lavalīnāma latā ca śuśubhe || 92 ||
kopaḥ ka eva dayite tam ihānayes tva-
m āliṃ gatā navamamandarasānunīti |
tenāgatena lalanā gamitā prasāda-
m āliṅgatā navam amandarasānunīti || 93 ||
‘dayitaṃ prati na kopo yuktaḥ, ta⸤m ānaya tvam_’ ity āśayena yoṣid anavame śreṣṭhe mandarasya sānuni āliṃ gatā sakhīṃ jagāma | ⸤navam apūrvaṃ amandarasā bahalānurāgā anunītiḥ prārthanā yatra tathā kṛtvā ca tena āli⸤ṅgatā saṃpariṣv ajamānena sā prasāditā || 93 ||
lakṣmīṃ vahantam ṛtubhir nagam ity udaṃśu-
ratnasthalīvikasitāmalakesarāgam |
draṣṭuṃ prabhur niragamal lulite salīla-
m īṣat spṛśan girisutām alake sarāgam || 94 ||
sthalīṣu vikasitā amalāḥ kesarāgā ⸤bakulataravo yasya taṃ giriṃ draṣṭuṃ sarāgamalake gaurīṃ spṛśann īśvaro viniryayau | lulite ⸤kuṭilīkṛte || 94 ||
⸤iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave rājānaka⸤śrīratnākarasya kṛtau ratnāṅke haravijaye mahākāvye ṛtuvarṇano nāma ⸤tṛtīyaḥ sargaḥ |
iti rājānakajayānakasūnor alakasya kṛtau haravijayaviṣamapado⸤ddyote tṛtīyaḥ sargaḥ ||