atha sa manthagirau sakalartubhir nijanijaprasavojjvalayā śriyā
samam asevi kadācid upāśri⸤to girijayārijayānaghadordrumaḥ 1
BORI 215 of 1875-76
- , ,
- Known as: , (NCC).
- Siglum: DB
[description of manuscript]
More ▾
| Title | Haravijaya |
| Commentary | [title of commentary] |
| Author | [author] |
| Commentator | [commentator] |
| Physical description | |
|---|---|
| Language/Script | Sanskrit in Devanāgarī Script |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- DB
madhupa rāji parājita mānanī jana manaḥ sumanaḥ surabhi śriyam
a⸤bhṛta vāritavarijaviplavā sphuṭitatāmratatāmravanaṃ jagat 2
drutam apāsya yamena niṣevitām abhinavo⸤tkatayeva divākaraḥ
diśam aśiśriyad aiḍaviḍāśrayām asumatāṃ sumatāṃ vidadhat sthitim 3
sthitim adhur ma⸤dhurām avalaṃbitastabakadarpaṇapallavapāṇayaḥ
satilakojjvalapattralatā girer avanayo vanayogakṛtaśriyaḥ 4
kṛtakuśeśayinīrucayo madhuvyatikarād abhimantharagāminaḥ
madhuliho divasāś ca vadhūr vyadhuḥ paravatīr avatīrṇamano⸤bhavāḥ 5
dhruvam anekarasābhyavahārataḥ kṛtarasāyanasaṃgrahasusthitā
madhulihām asukhāyata saṃhatir vṛtima⸤tītim atītya kṛtasthitiḥ 6
madhurayā parapuṣṭagirā śanaiḥ savayaseva sametya madhuśriyā
mṛgadṛśo ghaṭitā ⸤saha vallabhair mudam adhur damadhuryamanohṛtāḥ 7
surabhitāṃ dadhati pramadānvito navamadhūpahitatviṣi caṇyake
⸤surataharmya ivāracitasthitir navaratāṃ varatāṃ madhupo 'nvabhūt 8
kusumitā girikānanabhūmayaḥ kisala⸤yādharakhaṃḍanalālasaiḥ
parabhṛtaiḥ śradadhāyiṣata priyāḥ sumadanā madanāditaṣaṭpadāḥ 9
madhurajṛṃbhaṇa⸤vibhramamādhavīmadhurasāsavapānamadotkaṭāḥ
madhuliho vyathayaṃtu malīmasāḥ smarasahā rasahāsavātīḥ ⸤striyaḥ 10
dadhadudaṃcitapakṣmakarālatāṃ kurabakastabako madhubodhitaḥ
tadasamaṃjasameṣa dunoti yacchucita⸤yā citayāpi viyoginīḥ 11
tadabhidhāya tamānaya satvaraṃ madhuravādini tat tad iti striyaḥ
rasaniyuktasakhīvacanāgatapriyatamāyatamānasuco 'bhavan 12
tilakam ||
jaraḍhapaṃkajabījasamatviṣo madhu nipātum abhipra⸤jagalbhire
madhuliho virahe kṛtadiṅmukhavyavadhayo vadhayogakṛtaḥ striyaḥ 13
surabhimāsi kadācidanujjhitā ⸤jaḍatayāpi navāliśatānvitāḥ
śamavatām api tāmarasākarāḥ sthiratarā ratarāgakṛto 'bhavan 14
mṛgadṛ⸤śo malayānilanirdhute sapadi mānarajasy api sāgasaḥ
nadayitān abhicukrudhurūrjitasmaratayā ratayānasamutsukāḥ 15
⸤sarasamantharatāmarasādarabhramarasajjalayā nalinī madhau
jaladhidevatayā sadṛśīṃ śriyaṃ sphuṭatarāgatarāga⸤rucir dadhau 16
caramapādavidhūtarajaḥ kaṇaprakaradhūsarapakṣatisaṃpuṭaḥ
nyaviśatānugiraṃ kamalākarā⸤nrasamanāḥ samanādam alivrajaḥ 17
taralapallavatāmrakarā babhau samadhumullasitabhramarotpalam_
kusumako⸤śam ivānayituṃ latā vivalitā valitāpahṛtastaroḥ 18
bhramarapaṃktinibhena manasvinībhrukuṭibandha ivā⸤galito 'bhavat_
kamalabhūmiṣu mānahatisphuṭaprasarakesaraketuśate madhau 19
śiśirabhāsi cireṇa dinaśriyā kṛtasamāgamavighna upāgate
kaluṣatā''|pi mukhe madhusaṃgamān na niśayāniśayāpitamānayā 20
sarabhasaṃ śa⸤yanīya ivottaracchadakṛtatviṣi pītamadhūtkaṭaiḥ
madhukarair vinipatya sajānibhiḥ sarasijorasi joṣam ava⸤sthitam 21
nidhuvanāvasare kamitur vadhūrahṛta ku
taralalocananirjitavisphuratkuva⸤layā valayāvaliśobhinī 22
smarasakhasya padaṃ surabher iva stanavatī dadhatī samamīmanat_
alakadeśani⸤veśaparisphurannavayāavāvayavābharaṇāśriyam 23
vidadhataḥ pathikakṣapaṇaṃ prati smṛtibhuvo nijaśaktyupabṛṃ⸤haṇam_
dadhurahāryataṭāḥ sahakāritāmanavamā navamādhavasaṃginaḥ 24
alibhir aṃjanadhūlimalīmasaiḥ ⸤smarabalair iva kaṃkaṭitair vṛte
maruti saurabhaśālini nābhavansarati ke ratikelirasākulaḥ 25
vika⸤capattrapuṭaṃ surabhiśriyaḥ sarasavibhramakāṃcanapaṃkajam_
vyadhita caṇyakam unmadanā vadhū rasakalāsakalā⸤likulāravaiḥ 26
rabhasayogagatāḥ pathikā gṛhān madhukarāṃjanacūrṇavaśīkṛtāḥ
maumudire pariraṃbhasukhocchvasannijavadhūjavadhūtatanuklamāḥ 27
śivapurīm iva śaivalasacchriyaṃ niviśamānamanargalam abjinīm
⸤bhramarayugmam avekṣya na kā priyair yuvatayo bata yogam upāyayuḥ 28
madhukarāṃjanabindumanoramaprakaṭapattrala⸤tābharaṇojjvalāḥ
na surabhāvabhavann atimuktakavratatayo tatayogaguṇaśriyaḥ 29
mukhanilīnaśilīmu⸤khacūcukaṃ kamalinīmukulāṃburuhastanam_
vyadadaratkamiteva na rāgvāndinakaro na karotkarakoṭibhiḥ 30
⸤smaramataṃgajadānajalacchaṭāvipinavāridhividrumavibhrame
bhramarasaṃhatirāviravībhavatpracapalā ca palāśa⸤tarau śriyam_
animiṣākṣivilokitavibhramaṃ surabhim aunmanaso navamālikām
suravadhūm iva vīkṣya manobhu⸤vo 'navaśamā vaśamāśu madhau yayuḥ 32
suparimṛṣṭakapolatalasphuranmaṇikarālitakāṃcanakuṃḍalaḥ
na khalu ⸤bhīrujano 'nvabhavanmadhau na samado 'masamadolanavibhramam 33
smaramadaīdipadūrdhvavailocanaṃ puraripor iva yacchikhi⸤piṃgalam_
sphuṭam aśokamudīkṣya tadutsakā na kamitā kamitāramalaṃ vadhūḥ 34
vidhutapakṣmarajaḥ kapiśabhramatbhramarasaṃhatim abjamukhaśriyam_
sacaṭulātilakām iva padminī ghanarasā narasārthahṛdā dadhau 35
vasaṃtavarṇanam_
śuci⸤dināgatir āplutiśītalāḥ sarasacandanapaṃkabhṛto 'karot_
priyasakhīva vataṃsitamallikāḥ stanavatīnavatīvra⸤tanuklamāḥ 36
spṛśati tigmarucau kakubhaḥ karair dayitayeva vijṛṃbhitatāpayā
atanumānaparigrahayā sthitaṃ ⸤rucirayā cirayāyaidinaśriyā 37
sarasacaṃdanapaṃkavilepanā kṛśatanur dadhatī sajalārdratām_
priyatamārahi⸤tāpi viyoginīsthitimitāstimitākṣarasatkathā 38
dinapateḥ kṣitim uttapateḥ punarvikaṭaṭaṃkaniku⸤ṭṭanaghaṭṭitam_
galatai dhāma kim etad iti bhramaṃ bhṛtavatī|itavatī janatā klamam 39
rucirayā girikānana⸤maṃḍalī śriyamadattatarāṃ smaradīpikā
sapadi mallikayā racitasthitirna na ghanānaghanādavihaṃgamāḥ 40
⸤ghaṭitaṣaṭpadapeṭakapāṭalāpaṭalasaṃpuṭapāṭanapāṭavam_
sphuṭayatā navabandhurasaurabhaprasaratā saratā ⸤marutā dadhe 41
jitamahaṃ sukumāratayānayā praticikīrṣu śirīṣamaitīkṣitam_
atiruṣeva viyogavatīṃ śūcaṃ sarasahāsadalaṃ sadalambhayat 42
iti grīṣmaḥ
dadhati yatra payodadharapaṃktayo giriśakaṃṭharuciṃ jalamaṃtharāḥ
⸤sa kṛtapā
aśamayaccirasaṃbhṛtam ambhasā manasi mānaka⸤laṃkam api striyāḥ
adhidaritri payodharadhoraṇī kimu rajo murajorjitagarjitāḥ 44
bhuvanasaṃvananātanu⸤bhasmabhiḥ kuṭajakesaradhūlikaṇaiḥ citāḥ
surabhayo marutaḥ kṛtakāminīsmaravikāravikāsamavāsi⸤ṣuḥ 45
vidadhatā navacaṃdrakalāṃchitāmanukṛtasmaravairitanuśriyam_
phaṇibhujā samaye gurutāṃḍavavya⸤saninā saninādadhate sthitam 46
prakaṭajātiśarīraruco dadhurvanabhuvo 'ṃtaramārgagatāṃ śriyam_
bhara⸤galanmakarandakaṇacchaṭākavalanāvalanākulaṣaṭpadāḥ 47
vikaṭamekalahemalatāspadāṃ ruciratā⸤macirārciracūcurat_
sajalameghagatāśu manasvinījanatayānatayāsahadīkṣitāḥ 48
smṛtibhuvo nija⸤kārmukakarṣaṇaklamaviniḥśvasitair iva mārutaiḥ
mṛgadṛśām upavallabham ullasatpulakatālakatāṃḍavikair dadhe 49
sphuritaśakraśarāsanahāriṇā kalayatā cacaturaṅgabalaśriyam_
ka iva te 'nukṛtorjitabhūbhṛtā ghanacayena ca ⸤ye na vaśīkṛtāḥ 50
saharigopakamaikṣata bhūtalaṃ vrajamivāṃcitalāṃgalikaṃ janaḥ
kṣaṇarucāṃ samaye samada⸤dhvanaddhanavare 'navareṇurati kṣiteḥ 51
nabhasi ketakacandradalojjvale kuṭajapuṣpacayena vikāsinā
himavi⸤pāṃḍurucoḍugaṇāyitaṃ kalayatālayatāmatanoḥ śriyaḥ 52
vikira vāri vilolaya vidyuto nabhasi garja ⸤tiraskṛtakuru diktaṭān_
iti ghano viyutāmakṛtācaranna navaśā navaśāntiparāṅmukhīm 53
avasare malino 'py u⸤pakārakaḥ kvacid aitīva ravais taruṇān bhraman
stanitabhītipuraṃdhrinigūhanasthitimato 'bhimato 'bhidadhau gha⸤naḥ 45
navadaladvayaśobhi ghanāgamaśriya ivābharaṇaṃ śravaṇāśrayam_
vyadhita hāri kadaṃbam api striyaḥ ⸤smaravaśā ravaśāliśilīmukham 55
ghanatamasyabalāḥ samavartinā dadṛśire virahaglapitā na yāḥ
jaga⸤ti tā iva darśayituṃ taḍitpraviraviratanibhābhavat 56
sphuṭatarāmalakandalasacchriyaḥ pratidiśaṃ kamalinya ivābabhuḥ
madhukarairvikasadgirimallikāśabalitā valitā vanarājayaḥ 57
kuṭajakandalanīpamsiliṃ⸤dhrajāṃ surabhitāṃ dadhadaṃbudamārutāḥ
vyadhita roṣarajaḥprasarojjhitā na na vadhūrnavadhūrgatamanmathāḥ 58
smṛtibhu⸤vo virahe navamālatīsukulamudgara eva vadhūrvyadhāt_
sphuṭamapaścimaghātavimūrchitā sadarasādarasāravaṣa⸤ṭpadaṃ 59
hariradāgra ivotthitakālike glapitamānatamā nabhasi sthite
kamiva nāma na bāhulatāṃtaraṃ priya⸤tamāyatamānayadīpsitam 60
varṣāvarṇanam_
sphuritacārutayāpaghanaśriyā hṛdayanandanaśobhanaveśayā
⸤dayitayeva janaḥ śaradāśrito mudamalaṃ damalaṃghanam ācarat 61
drutagatipraṇavāsuvaṇāsturagā iva klamabhṛto di⸤vasā dhutakandharāḥ
śaradṛtordadhatīṃ śriyam ūhire kamalakomalakorakahastatām 62
patati vṛṣṭirasau ⸤mayi nādhunā dinakarātapasevanalālasam_
iti vikāsamagād iva ciṃtayaṃś ciramudāramudā yutamambujam 63
⸤jaladakālaniśāpagame sphuratsphuṭatarāmalacaṃdrakarājitaiḥ
kvacidavāpyata cittraśikhaṃḍibhir na rucirā rucirākaluṣīkṛtaiḥ 64
gaganamīyivadāplavanakriyāsamabhihāram ivāṃbumucāṃ jalaiḥ
abhṛta candramasā samamucca⸤kairavikalaṃ vikalaṃkatayā śriyam 65
bhuvanatāpavighātaviparyayasthitivila_kṣatayeva vipāṃḍavaḥ
śaradi ⸤nūnam ayukchadakānanairasamahāsamahāsiṣatāṃbudāḥ 66
asalilāhimaśītamahāhradāḥ śaśabhṛto janatā⸤davathucchidaḥ
kumudaṣaṇḍagataṃ madhupāyinām adalayandalayaṃtraṇam aṃśavaḥ 67
sthagayituṃ pratikūlaviloka⸤nāḥ kusumitāḥ kakubho nu viyoginām_
kamaladhūlimudānayatādhikasuvanato vanato 'nilasaṃhatiḥ 68
⸤ruciratanyata nirjhariṇītaṭaiḥ śakunipādahatair galitāṃbubhiḥ
nakhapadāṃkanirambarasundarījaghanajā ghana⸤jālatiraskṛtau 69
kusumamārtavamudvahaducchvasanmadhukarīracitasthiti kānanam_
na navamārtavatāṃ madhu⸤pāyināmalasatā lasatām abhavat kvacit 70
na khalu bāṇagaṇena śarāsanaśriyam ṛtor dadhatā vitathākhyatā
⸤priyaviyuktapuraṃdhrimanobhidā balavatā|'lavatāpakṛtā dadhe 71
sthitiravāpi rasakriyayeva ca sphuṭatarāgamaśodhitatārayā
kṣapitakālikacaṃdrarucollasatkamalayāmalayā śaradaḥ śriyā 72
prasṛtamandasamīrahatikvaṇatka⸤ṇiśarāśiśarajjayaghoṣaṇām_
ciram iva vyadhitāvanimaṃḍalaṃ sakalamaṃ kalamandraravākulam 73
śaradi haṃsaga⸤ṇasya kuṭambinīrasavitīrṇabisasya riraṃsayā
samavagāḍhumadhautavinirmalaṃ navasaro 'vasaro 'ticairād abhūt 74
⸤salilatonmadahaṃsaravākulo navasaro 'vasaro 'ticirād abhūt 74 salilatonmadahaṃsaravākulo bhavanamārga ⸤ivātimanoharaḥ
abhṛta niṣkuṭakṣajāṃ śriyamuccakaiḥ sa samayo 'samayogaśaśiprabhaḥ 75
madhupaśāvamadhāpaya⸤toccakairaviśadāravamaṃkavivartinam_
stanam iva stabakaṃ vratatiḥ sravannijarasaṃ jarasaṃ vyatipetuṣī 76
sa⸤rabhasātmapuraḥ sarasārasīrasabharāplutasārasarāsitam_
sarasakesaratāmarasaṃ saraḥ sarasatāṃ rasatām alināṃ vya⸤dhāt 77
prakaṭatālalayaṃ śukavāraṇe kalamagopavadhūnavagītakam_
mṛgagaṇasya manaḥ śrutamākṣipatpracura⸤sasyarasasya jighatsataḥ 78
srutamado girikānanavartmani pratikarīti karīrakulākule
marudayukchadasaurabhasaṃbhṛtaḥ kṣubhitatābhitatānakṛta dvipān 79
śaradvarṇanam_
himaṛtau nalinī nalinānanaśriyamudūḍhamanoramaka⸤rṇikām_
tuhinareṇujarāgasaviplavair vimalitāmalitāpakṛtaṃ dadhau 80
atanuśītapariplavabhītitaḥ sa⸤himamārutavellitayā babhau
sapariraṃbha ivopavanadrumaś caturayāturayā latayā kṛtaḥ 81
maruti vāti tuṣā⸤rakaṇākule kamiturāhitasītkṛtavibhramā
abhimukhaṃ valati sma dhutasphuratkaratalā ratalālasayā vadhūḥ 82
⸤hemaṃtavarṇanam_
samaya eva guṇo 'py upayujyate sapariraṃbharuciṃ dayitaṃ striyāḥ
stanayugoṣmabharaḥ śaiśirāga⸤me yad akarod akarosmimagopatau 83
aviralaṃ ghanasaracayair iva sphuṭitapuṣpaparāgakadaṃbakaiḥ
kairayati sma ⸤mukhānyabhito diśāmanavaro navarodhramahīruhaḥ 84
sthiagitadiṅmukhahaimarajaḥplutaṃ madhukaraḥ
kamalākara⸤gatyajat_
tyajati kaḥ prakṛtopakṛtiṃ janaḥ sapadi nāpadi nāma malīmasaḥ 85
apaciteṣu pareṣv aviṣaṇṇatā⸤m upagtaṃ kuṣumeṣv aham utthitam_
tapasi kundasitīva hasatkvaṇanmadhukarālikarālitam abhyadhāt 86
dayitakaṇṭhagatā api visphurannavalavaṃgasamīrahatāḥ striyaḥ
himaṛtorudakaṃṭhiṣatodayādaraśanai raśnair jaghanai⸤ś citāḥ 87
priyaviyuktavadhūsamayaiḥ samaṃ śaśiravāyubhir etya vikaṃpitāḥ
kusumitāḥ phalinītatayo babhurma⸤dhurasādhurasārthimadhuvratāḥ 88
agaṇitaprasavāṃtaraviplavavyatikarāaḥ sphuṭasaurabhamāśritaḥ
aliramaṃsta ⸤mahattapasaḥ phalaṃ navalavaṃgalavaṃ gahane gireḥ 89
dhṛtagurūṣmapayodharamaṃḍalīnibiḍapīḍitavallabhavakṣasā⸤m_
kṣaṇadayā sudṛśāṃ suratotsavakṣamatayā matayā ratir ādadhe 90
smṛtibhuvā hṛdi śalya ivārpite dadhati dārḍhya⸤matīva ca khadire
na rajanīrajanīcarayoṣitā jagati kā virahe 'vacakhādire 91
mṛgadṛśāmabhavatsaha valla⸤bhairasamahāsaratālavalīlatā
śriyamadhānmadhunā kṛtaṣaṭpadīrasamahā saratā lavalīlatā 92
kopaḥ ka ⸤eva dayite tamihānayestva-
māliṃ gatā navamamandarasānunīti
tenāgatena lalanā gamitā prasāda-
māliṃgatā nava⸤mamandarasānunīti 93
lakṣmīṃ vahaṃtamṛtubhir nagamityudaṃśu-
ratnasthalīvikasitāmalakesarāgam_
draṣṭuṃ prabhurniragamallulite salīla-
mīṣatspṛśangirisutāmalake sarāgam 94
iti śrīharavijaye ṛtuvarṇano nāma tṛtīyaḥ sa⸤rgaḥ ||3||