ity āgatāḥ kalitacandrakalāprakāśa-
karpūravāsasurabhīṇy anukūlavṛttīḥ |
premāmṛtārdramanaso dayitā madhūni
nīlāravindaśabalāni vadhūr apīpyan || 1 ||
Kāvyamālā 22, E Text Acharya
- , ,
- Known as: , (NCC).
- Siglum: K
[description of manuscript]
More ▾
| Title | Haravijaya |
| Commentary | [title of commentary] |
| Author | [author] |
| Commentator | [commentator] |
| Physical description | |
|---|---|
| Language/Script | [Sanskrit in Latin script.] |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- K
ṣaḍviṃśaḥ sargaḥ |
⸤iti dūtīvacanād āgatāḥ preyāṃso madyāni vadhūr apīpyan pāyayāmāsuḥ | pibateś caṅ pare
⸤ṇau ‘lopaḥ pibater īccābhyāsasya’ ity upadhālope 'bhyāsasya cettvekṛte 'pīpyann iti rūpam || 1 ||
udgrīvarājatavarāvaravīsalīla-
haṃsīsanāthaśuciśuktiśataikadeśā |
āpānabhūmir amarādritaraṅgiṇīva
lakṣmīṃ tadātanuta kāñcanavālukābhiḥ || 2 ||
⸤āvaravyaḥ kalikā iti prasiddhā madhukalaśikāḥ | tā api salīlahaṃsīvad udgrīvāḥ | śu-
⸤ktayaḥ pānapātrāṇi prāṇiviśeṣāś ca | ālukābhir madyadhānībhiḥ kāṃ vā lakṣmīṃ nātanuta sa-
⸤rvām eva tene | vāśabdaḥ pūrvaślokāpekṣayā vākyāntarasamuccaye | anyatra kāñcanamayobhir vālu-
L
kābhiḥ sikatābhir ity arthaḥ || 2 ||
indoḥ kalā iva vikāsavatīḥ pṛthaktva-
m abhyāgatā nipatitāḥ katham apy athorvyām |
L
śuktir janā maṇimayīr gṛhur vidhūta-
roṣāḥ pipāvayiṣavo 'tha vadhūni yoṣāḥ || 3 ||
3 ||
tāsām adṛṣṭacarapārvaṇacandramukta-
nidrāravindaghaṭanāsadṛśatvam āptāḥ |
līlāgṛhītamadhupūrapiśaṅgaratna-
koṣāḥ karāḥ śriyam atha prathayāṃbabhūvuḥ || 4 ||
adṛṣṭacarī pūrvam adṛṣṭā | ‘bhūtapūrva caraṭ’ | ko-
⸤paś caṣakam || 4 ||
kiṃ kāryam atra bhavatā vijahīhi cāpa-
m ity abhyadhād iva rutair madanaṃ dvirephaḥ|
raṅgattaraṅgataralotpalagarbharatna-
pārīvikīrṇasahakārasaharṣacetāḥ || 5 ||
raṅgac calat | pārī pānapātram || 5||
pratyagraśoṇamaṇiśuktitalena śīdhu-
dhārāṃ vadhūḥ karakato madhurābhirāmām |
jagrāha pāṭalapalāśamukhena bāla-
sūryāṃśurājim iva paṅkajinī patantīm || 6 ||
karako madhukalaśaḥ || 6 ||
utkṣipyamāṇakanakāvaravīvikīrṇa-
maireyarecakarayākularatnakoṣaiḥ|
strīṇāṃ vikāsinavatāmarasābhirāma-
rūpair atāmi sukumāratayā karāgraiḥ || 7 ||
⸤maireyaṃ madhuviśeṣaḥ | recako bhramaṇam || 7 ||
saṃpādyate bhṛśam anena mamāvataṃsa-
cchāyeti ratnakarakānnipatanramaṇyāḥ |
vyāvṛtibhiś caṣakamadhyajuṣaś cakāra
śīdhuḥ pradakṣiṇam iva kṣaṇam utpalasya || 8 ||
8||
asyā jito 'pi niravadyamukhendunā tvaṃ
tiṣṭhan puro na kim apatrapase sadoṣaḥ|
L
ityutpale kalaravair iva huṃ cakāra
bhṛṅgaḥ saśīdhucaṣakapratibimbacandram || 9||
niravadyo niṣkalaṅkaḥ | sadoṣaḥ saka-
L
laṅkaḥ sarātriś ca || 9 ||
pītaḥ kalaṅkakaluṣaḥ saha śīdhunāya-
m indur mano malinayiṣyati mā tavāccham |
itthaṃ prapañcacaturastaruṇaḥ pibantīṃ
mugdhāṃ kareṇa parihāsaraso vyarautsīt || 10 ||
śobhāṃ babhāra makarandarasāyamāna-
maireyagarbhamaṇikāṃsyakarālakoṣam |
vāmabhruvāṃ prakṛtitāmratalābhirāma-
dīrghāṅgulīdalakulaṃ karapuṇḍarīkam || 11 ||
ālakṣya lakṣmamalināṃ pratimāgatasya
mūrti tuṣāramahasaḥ parimāṣṭumicchuḥ |
kācitkarāṅgulitaraṅgitaśīdhupūra-
m āyasyati sma caṣake paramārthamugdhā || 12 ||
vinyastaśītalarajaḥsurabhiṣv amanda-
m indīvarāṇi caṣakeṣu salīlam ūrdhvam |
aploṣata bhramarapakṣamarudvidhūta-
pakṣmāvalīlalitadhūlilaghūni tāsām || 13 ||
vistāraśālimadhurāñcitapakṣmaśobha-
m abhya[rṇavartini lasanmaṇipānapātre] |
bhṛṅgaḥ papau vikacam utpalam ānanena
dṛṣṭyā punar madhuni bimbitam akṣi nāryāḥ || 14 ||
niḥśvāsavātadhutaśīdhutaraṅgaraṅgi
tasthau prasāritaviloladalaṃ taruṇyāḥ |
tatsaurabhātiśayavāsanam ātmamūrte-
r ādhātum utpalam ivāsavabhājanāgre || 15 ||
tvatsaṃnidhiglapitaśobhatayā mayātra
kaṣṭaṃ vataṃsaparabhāgarucir na labdhā |
ity abhyadhād iva śilīmukhaśiñjitena
nīlotpalaṃ caṣakabimbitam akṣi vadhvāḥ || 16 ||
nārīviniḥśvasitadhūtamadhūrmipūra-
pāriplavaḥ prapatitaḥ pratimāpadeśāt |
ātmānam indur asakṛtparivṛtya ratna-
pāryāmadhāvad iva lagnam alaṃ viśuddhyai || 17 ||
anyābhidhāgrahaṇabaddharuṣo'bhibhartṛ
pārī vilakṣyahasitadyutibhis taruṇyāḥ |
āplāviteva vibabhau pratibimbavarti-
śīdhudravīkṛtamṛgāṅkarasacchaṭābhiḥ || 18 ||
āvarjite sapadi yatra taraṅgabhaṅga-
dolādhiroharabhasāt sahasodanaṃsīt |
niḥśeṣite madhuni tatra śuceva jāta-
saṃkocam utpalam adhomukhatām ayāsīt || 19 ||
vispaṣṭalakṣmaṇi saśīdhutaraṅgaratna-
pārītalapratimite śaśini priyāyāḥ |
gaṇḍasthale ca vikacotpalakarṇapūra-
kalmāṣabhāsi bibhide na janasya dṛṣṭiḥ || 20 ||
prāptāvadhūtakamalacchavicandramūrti-
pādāvamarśasubhagaś caṣakālavāle |
lakṣmīm aśokaviṭapīva vikāsitāmra-
vīcicchaṭākisalayo vidadhāra śīdhuḥ || 21 ||
āliṅgitā prasṛtaraśmibhujaṃ [masāra-
koṣāntara] pratimitena tuṣārabhāsā |
prītyā vikāsinavanīlasarojacakṣuḥ
sodaryasaṃjanitayeva surā babhūva || 22 ||
kiṃcin nipīya caṣakāt taralāyatākṣyā
labdhauṣṭhacumbanasukhaḥ pariśeṣitaḥ san |
śīdhur mudeva surabhiśvasitāvadhūta-
paryucchvasatsaralavīcibhujo nanarta || 23 ||
niḥśeṣite'tha madhuni sphaṭikācchaśukti-
garbhād udaiyata śucipratimāpadeśāt |
saṃvāditārakanavotpalaśobhino'tri-
netrodarād iva tuṣāṇakareṇa bhūyaḥ || 24 ||
sīmantinīvadanapaṅkajadīyamāna-
gaṇḍūṣaśīdhuni rasād dhṛdayālavāle |
puṣpāstrabāṇabakulaḥ kamitur babhāra
paryucchrasanmukuladṛṣṭimanoharatvam || 25 ||
nālakṣyatātmamaṇibhājanamadhyagaṃ ya-
tsāvarṇyataḥ sphuṭam alaṃ pratimendubimbam |
utkṣipyamāṇam iva sotpalasindhuvāra-
puṣpāvataṃsaruci tanmadhunāvirāsīt || 26 ||
vīkṣya sphuratsarasaśīdhuni ratnaśukti-
garbhe'bhilakṣyahariṇaṃ pratibimbam indoḥ |
ālīyate sma madhupo madhupānalobha-
līnālijālaśabalastabakābhiśaṃsī || 27 ||
bhāti sma ratnacaṣake śaśino niṣaṇṇa-
mīṣannipītapariśeṣitaśīdhugarbhe |
tadvīcidhautavanitādharabimbalagna-
tāmbūlakṛṣṇikam iva sphuṭalakṣma bimbam || 28 ||
āvarjitasya madhuno'ruṇaratnaśukti-
garbheṃ'śujālabhṛti kāñcanakarkarībhiḥ |
pūro'nvamīyata mukhānilaghūrṇamāna-
vistāritacchadanavotpaladarśanena || 29 ||
koṣodarapratimitaḥ śaśabhṛtpuraṃdhri-
hāsāṃśuvicchuritapāṇḍuramadhyabimbaḥ |
nirmṛṣṭalāñchanamalaḥ śriyam āsasāda
sodaryayā madirayeva taraṅgahastaiḥ || 30 ||
saugandhyam āpa madhu ratnakarālakoṣa-
vinyastam utpalavataṃsavikāsaśāram |
pratyagralagnasahakārakṛtādhivāsa-
m ucchvāsabhinnam uta vāmadṛśaḥ pibantyāḥ || 31 ||
āvirbhavanmadanadohadajṛmbhamāṇa-
niḥśvāsamārutavikampipayodharaśrīḥ |
viśramya kāpi kapiśaṃ pibati sma candra-
bimbāvataṃsakusumastabakaṃ natabhrūḥ || 32 ||
sarpanniraṅkuśatayāruṇarāgasāndra-
sindūrarañjitamukho nirapekṣavṛttiḥ |
vāmabhruvāṃ pariṇamannayaneṣu dhairya-
vaprābhighātam akaron madagandhahastī || 33 ||
chāyāgatasphuritacandrakalātamāla-
pattrābhirāmam asitotpalacārunetram |
kācin madaśriya ivānanam udvikāsi-
vīcinnu ratnacaṣakaṃ vibabhau vahantī || 34 ||
niḥśvāsadhūtataralotpalayopalakṣya-
vistārayā dayitapītavimuktayānyā |
śobhāṃ babhāra madhupāṭalayāccharatna-
śuktyā vadhūr lalitatārakayā dṛśā ca || 35 ||
niḥśeṣitāsavam api pratimāgatendu-
bimbāhitām iva dadhad gurutāṃ tadānīm |
āvirbhavanmadaviloladṛśaḥ karāgrā-
dāsata sphaṭikabhājanamasphuṭokti || 36 ||
vāmabhruvām atanunūtanapadmarāga-
khaṇḍāspadārkamaṇibhājananirviśeṣam |
bhāti sma rūḍhamadirāmadagāḍharāga-
gaṇḍasthalapratimitaṃ śiśirāṃśubimbam || 37 ||
niḥśvāsamārutahṛtapratimāniṣaṇṇa-
saṃcāriṣaṭcaraṇacitrakabinduśāraiḥ |
śobhāṃ kuśeśayadṛśo bibharāṃbabhūvu-
r ujjṛmbhamāṇamadapallavitaiḥ kapolaiḥ || 38 ||
āghūrṇamānanatapakṣmadṛśo madena
saṃvāditāṃ tadanu gītavidher dadhānaḥ |
akṣṇoḥ kapolaphalake'dharapallave ca
tristhānaśobhitaguṇo vicakāsa rāgaḥ || 39 ||
gaṇḍasthalī kapiśapānaparamparābhi-
r ārūḍharāgamadatāmrarucis taruṇyāḥ |
āvṛtticumbanakṛtotsavavallabhauṣṭha-
tāmbūlarāgapariṇāmavaśād ivāsīt || 40 ||
bimbādharāñcitarucā madhunā tadātha
pītena pakṣmaladṛśo'cchakapolabhāge |
āsīn madaḥ prakaṭitāruṇarāga eva
kāryaṃ hi kāraṇasadṛg bhavatīti satyam || 4 1 ||
paśyāmi tāvad adhunā madarāgatāmraḥ
puṣṇāti kāṃ śriyamayaṃ lalanānanenduḥ |
ity udvikāsam udamīmilad āśu ratna-
koṣaḥ sakautuka ivotpalam akṣiśobham || 42 ||
saṃvādiṣaṭcaraṇatārakapakṣmapaṅkti-
lakṣmīdharāṃ dhavalimānam ivodgirantīm |
tanvyā dṛśaṃ madhumado mukulīcakāra
bālātapaḥ kumudinīm iva gāḍharāgaḥ || 43 ||
preyovilokanarasād vicakāsa pīta-
śīdhoḥ śanair madabharānmadirekṣaṇāyāḥ |
pakṣmāgralagnanavakajjaladhūlijāla-
bhārātigauravavaśād iva netrayugmam || 44 ||
śobhāṃ babhāra pariṇāmavirūḍhakānta-
dantavraṇaḥ sapadi pītasurāsavāyāḥ |
cārubhruvaś caṣakabimbitacandrabimba-
madhyāvalagnamalabindur ivādharauṣṭhaḥ || 45 ||
prāptasya manmathaśilīmukhatāmabhīkṣṇa-
makṣṇaś ca vibhramavatīkarapuṇḍarīkam |
saṃdhānakāraṇavaśād iva pakṣmapuṅkha-
bhāgāgrakoṭiparimarśavilolam āsīt || 46 ||
abhyullasatkanakakuṇḍalapadmarāga-
dhāmāruṇīkṛtakapolatale mukhendau |
vyaktiṃ jagāma na nitambavatījanasya
rūḍho'pi sāndramadirāmadatāmrarāgaḥ || 47 ||
akṣṇor babhūva yadarālakarālapakṣma-
lakṣmībhṛtor madhumadena vipāṭalatvam |
āhūtavaty abhimukhe pratipakṣavarti-
nāmnānvabudhyata tad eva ruṣā taruṇyāḥ || 18 ||
uttaṃsapaṅkajavikāsavilāsamoṣa-
meṣo'napekṣya madhunaḥ kurute mayūkhaiḥ |
itthaṃ ruṣeva madarāgabharaḥ puraṃdhri-
gaṇḍasthalapratimitaṃ śaśinaṃ vyarautsīt || 49 ||
anyābhidhānaparuṣe vacasi priyeṇa
kāpīrite sapadi muktamadā samanyuḥ |
sthūlāśrubindupaṭalair iva dhāvyamāna-
rāgaṃ kapolatalamindusitaṃ babhāra||| 50 ||
ārūḍhagāḍhamadirāmadasāndrarāga-
m ādatta tāmrarucigaṇḍatalaṃ taruṇyāḥ |
prātaḥ samunmiṣadanūruvikīrṇadhāma-
nirdhāvyamānaśaśibimbaviḍambakatvam || 11 ||
rāmājanasya madhupānaparamparābhi-
r acche kapolaphalake madarāgalakṣmīḥ |
udbhinnabālakuṭilāṅgulicakravāla-
saṃvādinūtananakhakṣatirāvirāsīt || 52 ||
kācit tuṣāramahasaḥ pratimāniṣaṇṇa-
m abhyarṇavarti maṇikuṭṭimasīmni bimbam |
pītāsavācchamaṇikośadhiyā salīla-
m āditsur unmadatayā jahase sakhībhiḥ || 53 ||
anyā karāmburuhavartini pītaśīdhau
vistīrṇaratnacaṣake smṛtivipramoṣāt |
ujjṛmbhamāṇamadaghūrṇitanetram ātma-
vakrendum acchamaṇidarpaṇa ity apaśyat || 54 ||
mattā tadābhinavapallavapāṭalābhi-
r anyāparādhagaṇam akramam aṅgulībhiḥ |
smerānanasya purato gaṇayāṃcakāra
bhartur madaskhalitamanmathamantharoktiḥ || 55 ||
sakhyā puro vidhṛtam unnatapadmakoṣa-
hastāruṇāṅgulidalāgrakṛtapratiṣṭham |
āśaṅkate sma vigalatparipītaśeṣa-
maireyadhāramaparā kuruvindakoṣam || 56 ||
raktāravindadalakomalahastakānti-
piṅgīkṛtāṃ madhuyuteti viśaṅkamānā |
pītāsavām api muhuḥ śuciratnaśukti-
m anyā priyeṇa samadā jahase'rpayantī || 57 || |
ghūrṇaddṛśāṃ rabhasapītaparisruto'pi
dūrādhirohavikasanmadamantharāṇām |
vāmabhruvām abibharuś caṣakān kathaṃci-
d indīvarāhitagarimṇa ivāgrahastāḥ || 18 ||
gaṇḍasthalī mṛgadṛśo madhupānalīlā-
visrambhasaṃbhṛtamadāruṇatāṃ tathāpat |
tacchāyayā śravaṇavartiparītamūḍha-
raktābjakānti [śitipaṅkaruhaṃ yathābhūt] || 59 ||
...............
viśliṣṭabhedamadirāmadatāmrarāgau |
gaṇḍāvadhomukhapṛthaggatapadmarāga-
ratnotpalojjvalasamudgakavāṭaśobhām || 60 ||
vyaktiṃ jagāma madarāgabhareṇa dṛṣṭe-
r anyābhidhāgrahaṇajo dayitena roṣaḥ |
niṣṭabdhatāraka........bhinyavedi
spaṣṭaṃ punar mṛgadṛśo hṛdaye viṣādaḥ || 61 ||
pītas tuṣārakiraṇo madhunaiva sārdha-
m antaḥ praviśya caṣakapratibimbavartī |
mānāndhakāram abhivānavatījanasya
nūnaṃ bibheda yad asau prasasāda sadyaḥ || 62 ||
ārūḍharāgatarumanmathakampadhūta-
saṃphullaśekharaśikhāgalitair natāṅgyā|
uttuṅgapīvarakucapratimāniṣaṇṇaḥ
preyānivāśu samabhāvyata puṣpavarṣaiḥ || 63 ||
kṣīṇātmanaḥ pratiniśaṃ śaśinaḥ krameṇa
saṃbhṛtya kāntim iva viśvasṛjā nidigdhām |
bibhraty arājata madena puraṃdhrigaṇḍa-
bhittiḥ sphuratpiculapallavapāṭalaśrīḥ || 64 ||
rejuḥ striyo madhumadāruṇagaṇḍabhitti-
lagnāvataṃsitavikāsiśirīṣapuṣpāḥ |
ārūḍhapākaphalagocaravartimugdha-
kīrābhir anvitaguṇā navadāḍimībhiḥ || 65 ||
āvirbhavanmadanavibhramaśubhrahāra-
cchedāṃśavaḥ śaśirucām abhiniṣpatantaḥ |
bhānti sma śīdhusamakālanipītaratna-
pārītalapratimitendukalābhirāmāḥ || 66 ||
niḥśeṣitāsavalaghuṃ pratibimbavarti-
śītāṃśumaṇḍalakṛtātibharām ivaikā |
hastāśrayāṃ gurum amanyata ratnaśukti-
m āvirbhavanmadhumadālasadehayaṣṭiḥ || 17 ||
uddāmamānahati cāturatāratamya-
bhedānubandhimadhupānaparamparābhiḥ |
hastāśrayaṃ sphaṭikabhājanamañcitākṣyā-
ś cetaś ca nirbharamanāyitarāṃ prasādam || 68 ||
dṛṣṭavyalīkadayitolbaṇamanyuveśa(ga)-
līlāvidhūtaśiraso'kṣṇigate vikāsam |
tatpreraṇāhitanijāspada[saṃdhi]bhaṅga-
bhītyeva karṇakusumaṃ sadṛśaś cakampe || 69 ||
āvirbhavan manasi dūranirasyamāna-
mānāndhakāraviśado madanaḥ pibantyāḥ |
sakhyānvamīyata cakoradṛśo'bhibhartṛ
vistāritacchadanavotpaladarśanena || 70 ||
prāpyāvataṃsitamanoharagandhapuṣpa-
līnadvirephanavahṛdyamadhuprasaṅgam |
śyāmālatā iva dadhur daśanāṃśupakṣma-
ramyasmitastabakavibhramapallavatvam || 71 ||
pratyakṣam anyayuvateḥ svakaropanīta-
maireyagarbhacaṣakas taruṇīm apīpyat |
yannāyako madam avāpa yathā ca tena
pītena [na] smayavatī madhunā tathāsau || 72 ||
akṣṇorvikāram upapādayatāvasāda-
maṅgeṣu cotpulakapaṅktiṣu bhūyasoccaiḥ|
vyaktetarīkṛtagirāhitadhūnanena
tanvyā madena madanena [ca na] vyabhedi || 73 ||
netradvayaṃ madhumadena vipāṭalatva-
m ādhatta mantharitatārakam āyatākṣyāḥ |
gandhākulabhramarapakṣadhutāvataṃsa-
nīlābjapakṣmarajaseva kṛtābhighātam || 74 ||
nālīyate sma surabhiśvasite'vataṃsa-
nīlotpale na caṣake na ca mālyapuṣpe |
tāsāṃ vikāsimadirāmadasāndranirya-
dāmodasaṃpadupanītiratir dvirephaḥ || 79 ||
āloka eva dayitasya babhūva baddha-
kampā tanur mṛgadṛaśaḥ pulakoparuddhā|
antaḥsthaśīdhusamakālanipītakāṃsya-
bimbāgatendukṛtaśītavijṛmbhikeva || 76 ||
mānāvalepabharasaṃbhṛtam apy upoḍha-
nānāvidhapriyatamānunayavyavastham |
vistāritaṃ hṛdi nitambavatījanena
nirmajjati sma madhupūra ivāśu dhairyam || 77 ||
nirmṛṣṭapānalaghukāni manāṃsi kurvaṃ-
lajjām apāsya vidadhat suratābhilāṣam |
āliṅganānyaśithilāni diśanpriyāṇā-
m āvirbhavan bahumato madavibhramo'bhūta || 78 ||
līlāravindadhutapakṣmaśikhāparāga-
piṅgīkṛtā galitamānarujo nirīyuḥ |
śvāsā muhur madhumadāruṇitā ivābhi-
bhartṛ smarapravaṇatāpiśunāḥ puraṃdhreḥ || 79 ||
utsāhitā sakalaśīdhumadena vaktu-
m ardhodite navavadhūr avalambitahrīḥ |
ālījaneṣv anupasaṃhṛtavākyaśeṣā
bhartuś cakāra saviśeṣakutūhalatvam || 80 ||
mānāndhakāram avadhūya śucau prasāda-
candre'dhirohati manombaram ambujākṣyāḥ |
ujjṛmbhamāṇasarasotkalikāsahasrai-
r avyāhato makaraketur avāpa vṛddhim || 81 ||
nirmṛṣṭamānalaghutāṃ hṛdayānyavāpu-
r āvirbhavan madhumadāñcitavibhramāṇām |
udbhinnapīnapulakair vihitāvasāda-
m aṅgaiḥ punar mṛgadṛśāṃ gurubhir babhūve || 82 ||
jagrāha vaktrakamalaṃ hṛdayaṃ ca rāgo
dṛṣṭis tanuś ca parimantharatāṃ prapede |
caskhāla komalapadaṃ gamanaṃ vacaś ca
cetasy upeyuṣi madaṃ surasundarīṇām || 83 ||
tāvat salīlam anuplutarāgagarbha-
m agre jage yuvabhir utpalalocanānām |
āśrāvitaśrutivibhedakṛtavyavastha-
hārisvaragrathitasāraṇavallakīkaiḥ || 84 ||
āpādayan nayanapakṣmanimīlanāni
bhāvānubandhavaśato dayitāyamānaḥ |
veṇuḥ kayācid adharāgranipīḍanena
vispaṣṭam akriyata nirbhararāgagarbhaḥ || 85 ||
aṅke niveśya caturāṅgulipallavāgra-
saṃcāracāruyatipāṇilayaprapañcām |
āsphālayat karatalādivibhedadhātu-
vādyaprapañcarucirāmaparā vipañcīm || 86 ||
bhrūvibhramānumitagāḍhatarāvadhāna-
m anyā vilolamaṇikuṇḍalaghṛṣṭagaṇḍam |
gāyanty avādayad anekavikalpakalpa-
koṇāvaghaṭṭanakalakvaṇitāṃ ca kūrmīm || 87 ||
anyā niveśya hṛdaye vinipīḍitaika-
pīnastanā sapadi bhāvanayaiva sāram |
āśāvaya....laguṇakvaṇitāmalābu-
vīṇāṃ kiṇāṅkasukumāratarāṅguliśrīḥ || 8||
tāsām amandamadamantharamajhukaṇṭha-
kuṇṭhākṣaraskhalitalolapadaprabandham |
ārdro'pi śuṣka iva geyavidhir babhāra
sadveṇurañjitamanoharavibhramatvam || 89 ||
avyaktavarṇam abhavat taruṇījanasya
yatkarṇavarti madamantharagītaśeṣam |
ādhitsubhis tadanusaṃdhim ivātimañju-
niḥśvāsamārutahṛtair alibhiḥ śiśiñje || 90 ||
itthaṃ vyajṛmbhatatarāṃ madhupānagoṣṭhī-
bandhaḥ kramātsuratanāṭakapūrvaraṅgaḥ |
uddāmakāmakamanīyaguṇābhirāma-
rāmāvirāmaramaṇākulakāmilokaḥ || 91 ||
tadābhilaṣyanty asakṛt priyānanān nipātum avyāhati kāpiśāyanam |
niśāntakālāvadhi jāgaraṃ rasādiyeṣa pṛṣṭhaṃ na tu kāpi śāyanam || 92||
bhāvāveśanimīlitekṣaṇayugaṃ saṃpūritaveṇubhi-
r mūrchadbhiḥ kṛtasauṣṭhavaṃ rasabharād ākarṇya gītaṃ punaḥ |
premasnigdham apāyayanta rataye tās tv aryamāṇā iva
srastāṅgaślathasaṃdhiratnaraśanādāmasvanaiḥ kāminaḥ || 93 ||
iti.śrībālabṛhaspatyanujīvino vāgīśvarāṅkasya vidyādhipatyaparanāmno mahākave rājānakaśrīratnākarasya kṛtau ratnāṅke haravijaye mahākāvye pānagoṣṭhīvarṇanaṃ nāma ṣaḍviṃśaḥ sargaḥ |