prāpte prabhātasamaye 'tha śaśāṅkamauli-
r udbodhito vividhamāgadhasūtavāgbhiḥ |
abhyāhatānakaśatadhvanidattasa*ṃjñaḥ
senāsaridbharitam aikṣata sainyasindhum || 1 ||
Kāvyamālā 22, OCR
- , ,
- Known as: , (NCC).
- Siglum: KOCR
Kāvyamālā from OCR-Here only canto 3
More ▾
| Title | Haravijaya |
| Commentary | Viṣamapadoddyota |
| Author | Ratnākara |
| Commentator | Alaka |
| Physical description | |
|---|---|
| Language/Script | [Sanskrit in Latin script.] |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- KOCR
⸤catvāriṃśaḥ sargaḥ |
- 3. ‘saṃjñaṃ’ kha.
⸤māgadhāḥ sūtāś ca bandibhedāḥ | ānakaḥ paṭahaḥ | bharaṃ bharaṇaṃ karotīti vigṛhya ‘ta⸤t karoti—’ iti ṇici kṛte niṣṭhāyāṃ bharitaśabdaḥ || 1 ||
tasyātha saṃbhramavalatphaṇacakravāla-
m urvītale 'dhipatinā phaṇimaṇḍalīnām |
saṃstambhitaśravaṇatālam udañcitākṣa-
m ākarṇito vidhuritasthiti diggajendraiḥ || 2 ||
tasyetyādi viśeṣakam_ || 2 ||
brahmāṇḍakhaṇḍatalavāraṇakharvyamāṇa-
mūrtir di*gantaragurupratiphāladīrghaḥ |
Lpuñjīkṛtaḥ kṣititale ghanatām avāpya
bhindan rasātalam ivātibhareṇa bhūyaḥ || 3 ||
- 4. ‘digantaga’ kha.
L⸤brahmāṇḍakavāṭapṛṣṭhena vāraṇam uparigamananirodhas tena namyamānavapur adhogamanāśrayaṇāt_ || 3 ||
kampākulīkṛtasasaṃbhramalokapāla-
pālīpuraṃdhrihṛdayo bibharāṃcakāra |
prasthānadundubhir avaḥ kṣayakālavalga-
duttālakā*lakaratālaninādalīlām || 4 ||
- ⸤1. ‘tāla’ kha.
⸤pālī paṅktiḥ | karayos tālaḥ parasparāhananam_ || 4 ||
(ti*lakam_)
- 2. ‘cakkalakam_’ ka, ‘tribhiḥ kulakam_’ kha.
utsṛjya saṃyugarasād atha tasya deha-
bhāgārdhasaṃdhighaṭatanāṃ niriyāya gaurī |
taccittabhāgagatasattvavidhūtabhīru-
vaiklavyayogam iva mānasam udvahantī || 5 ||
tasya śivasya cittabhāgagatenāva⸤ṣṭambhena paricayāt tiraskṛtaḥ strīvaikalyayogo yasya tādṛśam iva mānasaṃ dhārayanty umā samara⸤rasena niriyād iti pañcabhiḥ kulakam_ || 5 ||
unnidrakarṇaśikharārpitapārijāta-
līlāvataṃsagalitair madhuśīkaraughaiḥ |
saṃsicyamānam iva kuṅkumapattrapaṅka-
lekhāṅkitaṃ śuci kapolatalaṃ vahantī || 6 ||
6 ||
līlānatena sakalāṃ karapallavena
lāvaṇyakāntim amalām iva saṃpramārṣṭum |
preṅkhatpinākimukuṭāspadacandraraśmi-
dhūlicchaṭāmalinitacchavim īhamānā || 7 ||
malinitā chaviḥ śobhā yasyā⸤s tādṛśīṃ kāntim iva kareṇotpeśayantī (utproñchayitum_) līlayā || 7 ||
ekāvalī viracitā kucamaṇḍale 'tra
tuṅgatvam īyuṣi parasparapīḍanena |
Ltatspardhayeva savalītrayatām avāptaṃ
muṣṭigrahe 'pi śithilaṃ dadhatīti madhyam || 8 ||
muṣṭigrahe 'pi ⸤śithilam atikṛśatvān muṣṭim api pūrayitum akṣamaṃ madhyaṃ balītrayayogi bibhratītīva kucābhibhaL⸤vecchayā yathā tuṅge 'py atra kucamaṇḍale ekā kevalaiva balī racitā mayā tvatikṛśenāpi ⸤balītrayaṃ dhṛtam iti | vastutaḥ punar ekāvalī hāralatā || 8 ||
pratyagrayāvakarasasphuraṇāruṇāgra
bhāsvannakhendukiraṇaprakarāpadeśāt |
saṃdhyāṃ prasādanaparāṃ galitābhyasūyā-
m ārabdhapādapatanām iva dhārayantī || 9 ||
9 ||
(pañcabhiḥ kulakam_)
tasyā mukhaṃ sarabhasārpitakāntadṛṣṭi-
r dṛṣṭvā cirād atha śaśāṅkakalāvataṃsaḥ |
saṃdarśaneṣu nayanatritayaṃ nimeṣa-
doṣopaghātaghaṭanojjhitam abhyanandat || 10 ||
kāntā nāma dṛṣṭiḥ | ⸤uktaṃ ca—‘harṣaprasādajanitā kāntātyarthaṃ samanmathā | sabhrūkṣepakaṭākṣā ca dṛṣṭiḥ śṛṅgā⸤riṇī matā ||’ iti || 10 ||
niryāya tasya vapuṣaḥ sucirād avāpta-
gāḍhopagūhanarasotpulakānubandhaḥ |
prasthānamaṅgalavidhir vidadhe tayātha
sevotsavapravaṇamātṛgaṇopanītaḥ || 11 ||
upagūhanam āśleṣas tadrasenodgataḥ pulakaprabandho yatra tādṛśo ⸤maṅgalānāṃ maṇimantrauṣadhiprabhṛtīnāṃ vidhir itikartavyatāviśeṣas tayā vidadhe nibaddhaḥ ⸤|| 11 ||
tasyāpinehur abhimantritam ātmanaiva
vakṣaḥsthale gaṇacamūpatayaḥ kathaṃcit |
kaṇṭhaprabhāśabalabhāsi pinaddhaloha-
jālāntarabhramavimugdhadhiyas tanutram || 12 ||
apinehur abadhnan_ | lohajālaṃ tanutram_ || 12 ||
mandākinīsalilanirjharasicyamāna-
bhāsvattṛtīyanayanānaladhūmadigdhaḥ |
Ltasyātatāyiśarapātabhiyādhimauli
saṃvītakaṅkaṭa ivāmṛtaraśmir āsīt || 13 ||
kaṅkaṭavat kavacam ity anarthāntaram_ (?) L⸤|| 13 ||
tatkālalolasurasindhutaraṅgabhaṅga-
visrastabandhalu*litaṃ ca jaṭākalāpam |
uṣṇīṣabhogipatir eva babandha tasya
gāḍhaṃ punaḥ pratidiśaṃ phaṇamaṇḍalībhiḥ || 14 ||
- ⸤1. ‘lalitaṃ’ kha.
14 ||
chāyāndhakārakaluṣīkṛtapīnakaṇṭha-
pīṭhasphuradbhujagarājaphaṇāmaṇiśrīḥ |
ta*syājimaṅgalanibaddhanavendranīla-
kaṇṭhatravibhramam adhatta ca kālakūṭaḥ || 15 ||
- 2. ‘asyājisaṃgara’ ka.
chāyaiva tamas tena malinitā kaṇṭhasthasyāhipateḥ phaṇāmaṇiśrīr yena | ⸤kaṇṭhatro galatrāṇam_ || 15 ||
daṃṣṭrākarālamukhakaṃdaraniryadagni-
jvālāvalīdurupalakṣyakarālajihvam |
śūlaṃ ruṣārirudhirāsavapānagoṣṭhī-
saṃrambhalolavikaṭauṣṭhapuṭaṃ jajṛmbhe || 16 ||
16 ||
bhogīndrabhogakaṣaṇapratipannamadhya-
kārśyaṃ purā jalanidher mathanaprasaṅge |
tasyātha mandaram ivāhipatiś cakāra
kodaṇḍadaṇḍam adhiruhya sanāthakoṭim || 17 ||
kodaṇḍasya madhye kṛśatvād agre mahattvāc ca bhogīndra⸤kaṣaṇakṛśamadhyamandareṇa sāmyam_ || 17 ||
saṅgrāmadohadarasād iti śītaraśmi-
maulau pinaddhakavace vacasātha tasya |
pratyuptaratnaśakalacchaviśāritāni
varmāṇi bha*rmaghaṭitāni gaṇāḥ pinehuḥ || 18 ||
- 3. ‘rukmaghaṭitāni’ kha.
bharmaghaṭitāni hiraṇmayāni || 18 ||
Lsaṃvitalohamayavarmavapur babhāra
babhror upoḍha raṇamaṅgalaratnamālam |
astācalābhimukhapātinibaddhapaṅkti-
nakṣatracakraśabalāmbaravartmalīlām || 19 ||
babhravāL⸤dayo gaṇāḥ | ratnamālāyā lambamānatayāvasthānāda[stā]bhimukhaṃ patantyaiva nakṣatra⸤paṅktyā sāmyam_ || 19 ||
pratyuptalohitakaratnakaṇāṃśusāra-
nīlābhrakacchavitanucchadamūrtir uccaiḥ |
saudāminīruciradāmamarīcibhinna-
lolābhravibhramam adhatta śilādasūnuḥ || 20 ||
lohitakaḥ padmarāgaḥ | ‘lohitān maṇau’ iti svārthe kan_ | ⸤abhrakaṃ dhātubhedaḥ | tanucchado māḍhī ca kavacaḥ || 20 ||
saṃhāradhūmamalinā kaladhautasānu-
bhāgāntare nipatitā rajanīva meroḥ |
vakṣaḥsthale sarasakuṅkumapaṅkabhāji
bhāti sma kālamusalasya dṛḍhātha mā*ḍhī || 21 ||
- ⸤1. ‘sāḍhī’ ka.
21 ||
abhyunmiṣanmarakatāṃśuśikhāsahasra-
saṃlakṣyamāṇaparabhāgatanutrabandhā |
ābaddhaśebalalavā nalinīva nāga-
vaktrasya mūrtir arucat sphuṭapuṣkaraśrīḥ || 22 ||
parabhāgaḥ śobhāti⸤śayaḥ | nāgavaktro vināyakaḥ | puṣkaraṃ kariśuṇḍāgraṃ kamalaṃ ca || 22 ||
hautāśaneḥ kavacamecakitā ca mūrti-
r uddīptiratnaghaṭitoruśirastrabandhā |
ābhādanekavikaṭodayaśailaśṛṅga-
lagnārkabimbavalayeva yugakṣayadyauḥ || 23 ||
hautāśaniḥ ku⸤māraḥ | tasya ṣaṇmukhatvāc chirastrāṇy api ṣaḍeveti bahuṣu pūrvādriśṛṅgeṣv arkabimbāni biL⸤bhratī kalpāntadyaur iva mūrtis tasya śuśubhe || 23 ||
Luddāmasaṃyugarasasphuṭitavraṇottha-
raktacchaṭāvikaṭabindunibaddharandhram |
pratyuptadīptataranūtanapadmarāga-
m āsīd ivātiguru daṃsanam agnikasya || 24 ||
agnikākhyasya gaṇapater daṃsanaṃ bandha⸤(vraṇa)raktabindunibaddha vivaratvād ardhasyūtapadmarāgam ivāsīt_ || 24 ||
vakṣaḥsthale bṛhati hetiśatābhighāta-
rūḍhavraṇasthapuṭitasphuṭasaṃniveśam |
caṇḍeśvarasya śuśubhe śubhalohavarma-
sāvartam ambha iva sānutaṭe himādreḥ || 25 ||
sthapuṭito viṣa⸤mīkṛtaḥ | śubhalohaṃ kālāyasam_ || 25 ||
durvāravairivaravāraṇavīrabhadra-
vakṣaḥsthalīvinihitā virarāja māḍhī |
saṃvartame*ghamalināsurasaṃprahāra-
lakṣmīvadhūmukhaviguṇṭhanajālikāśrīḥ || 26 ||
- ⸤1. ‘meghamalināmbara’ kha.
vāraṇo niṣeddhā | jālikā jālīti pra⸤siddhaṃ pratanuvasanam_ || 26 ||
abhraṃkaṣollasitaketanavaijayantī-
kalmāṣitāmbaratalāḥ pratimā vahantaḥ |
rakṣādhikāranavabhūtisudhopalepa-
pāṇḍutviṣo racitasaṃnidhayaḥ suraughaiḥ || 27 ||
ketanāni dhvajās tatpatākābhiḥ śabalitanabhastalāḥ kariṇaḥ ⸤sainikaiḥ kṛtāḥ | pratimā dantakoṣaḥ, devānāṃ pratikṛtayaś ca | rakṣāyām adhikāraḥ prastāvo ⸤yasyāḥ | rakṣārtham upādīyamānetyarthaḥ | tatra.........rakṣā bhūtebhyo vivakṣitā | surasadmanāṃ ⸤tu varṣopanipātāt_ | bhūtir makkolādiraja eva | sudhā makkolabhedaḥ || 27 ||
stamberamā mukharitāmbaraśaṅkhaghaṇṭā-
ḍhakkāravā dhavalacāmaracāruśobhāḥ |
vispaṣṭadantamaṇitoraṇasaṃniveśāḥ
sainyair yudhe vidadhire surasadmarūpāḥ || 28 ||
28 ||
(yugalakam_)
Lpratyagramauktikavitānanidhānakumbha-
rakṣākulājagarabibhramahastadaṇḍāḥ |
rejur gajā vikacakīcakayaṣṭikoṭi-
velladvilolakadalīvikarālapṛṣṭhāḥ || 29 ||
mauL⸤ktikanicayasya nidhānāny āspadāni kumbhāḥ kavāṭās tadrakṣāyai vyākulā ajagarasadṛśāḥ ⸤karadaṇḍā yeṣām_ | nidhighaṭeṣu cājagarā rakṣākulā bhavantīti prasiddham etat_ | kīcako ⸤veṇus tadyaṣṭir eva kadalī dhvajas tatra | ‘kadalī vaijayantī’ iti tu kecit_ || 29 ||
kumbhasthalīnihitamaṅgalamālikāgra-
viṣyandamānamadhupaṅkanilīnabhṛṅgāḥ |
lakṣmīṃ dadhuḥ śikharalagnadavāgnidhūma-
jālākulāḥ kulanagā iva mattanāgāḥ || 30 ||
30 ||
utkarṇatālapavaneritakumbhakūṭa-
sindūradhūlipaṭalacchuraṇābhirāmam |
uddhūtatāmarasareṇupiśaṅgyamāna-
dikcakravālam uṣasīva babhūva viśvam || 31 ||
⸤uṣasi sindūrarajaś churitaṃ tāmarasarajorājamānaṃ dikcakram iva viśvam āsīt_ || 31 ||
līlāca*laddhavalacāmaracakravāla-
śārīkṛtākhiladiśo 'tha sahasrasaṃkhyāḥ |
utkīrṇapattramakarīśataśātakumbha-
paryāṇapaṭṭaviniveśakarālapṛṣṭhāḥ || 32 ||
- ⸤1. ‘valat_’ kha.
⸤līletyādikalāpakam_ || 32 ||
māṇikyakhaṇḍakhacitāñcitahemabhāsva-
dāyānadīdhitipiśaṅgitadigvibhāgāḥ |
udraśmiratnakaṇaśāritaśātakumbha-
preṅkhatkhalīnasakhaṇatkṛtivaktrabhāgāḥ || 33 ||
āyānam aśvābharaṇam_ || 33 ||
Lsāṅgrāmikīṣu kuśalair gamitās tadānīṃ
vīthīṣv amandatarasaḥ pṛtanāturaṃgāḥ |
svedodabinduśabalas tuvabhāgavaktra-
śobhāḥ sudhodgamanalagnakaṇā ivāsan || 34 ||
kuśalair aśvaśāstrajñair vīthīṣu L⸤mārgeṣu gamitāḥ saṃcāritāḥ | vīthayaś ca turaṃgaśāstre nava prasiddhāḥ | yad uktam_—‘caturasraṃ ⸤kāṅkaṃ māyūram ardhamāyūram iti sāṃnāhyaṃ vīthicatuṣṭayam_ | valganaṃ nīcair gataṃ laṅghanaṃ dhoraṇaṃ ⸤nāroṣṭa(?)m ity aupavāhyaṃ vīthipañcakam_ ||’ iti | stuvas turagāṇāṃ lalāṭadeśaḥ | tasya śra⸤modabinduśabalatvāt sudhodgamaneneva lagnakaṇāḥ keṣāṃcid aśvānām amṛtād utpatteḥ || 34 ||
(tilakam_)
sānukatāṃ vidadhato 'py upamānaśūnyā
mandā api glapitacaṇḍasamīravegāḥ |
ākuñcitordhvakhuradaṇḍavibhaktapāda-
vinyāsacārugatayas turagāḥ prasasruḥ || 35 ||
⸤sānūkatām anyena sadṛśatvaṃ bibhrato 'py upamānaśūnyā iti virodhaḥ | sahānūkaiḥ śubhair lakṣaṇai⸤r vartanta iti tu vyākhyāyām avirodhaḥ | ‘anūkaḥ praguṇataraḥ pra(pro)thaḥ’ iti tu kecit_ | ⸤mandā alasās te samīravegaṃ glapayantīti virodhaḥ | ‘tatra mandamṛgākhyās tu turagā lakṣa⸤ṇānvitāḥ’ iti tu mandajātitvād avirodhaḥ || 35 ||
bhāti sma mūrtir anilaughavighaṭyamāna
māñjiṣṭhacāmaratayā caturāñcitānām |
utpetuṣāṃ kila purā śikhinas tadīya-
jvālākalāpaniciteva turaṃgamāṇām || 36 ||
añcitaṃ gamanam_ | śikhino 'gne⸤r utpetuṣām utpannānām_ | keṣāṃcid aśvānām agnikāraṇatvāt_ || 36 ||
lakṣmīṃ dadhur vipulakair gamanair abhīkṣṇa-
m aṅgaiś ca cāruśucibhiś caturasrapuṇḍrāḥ |
paryāṇapaṭṭapaṭalais turagā nigāla-
bhāgaiś ca devamaṇiśobhitasaṃniveśaiḥ || 37 ||
vipulakair vistīrṇaiḥ | ⸤vicitrā pulā gativiśeṣo yeṣāṃ tair iti vā | svārthe kan_ | vipalakaiś ca vividharomanthaiḥ | ⸤vipulaṃ kaṃ śiro yeṣāṃ tair iti vā | śucibhir nirdoṣaiḥ puṇḍraṃ tilakaḥ | nigīryate 'neneti ⸤nigālaḥ kaṇṭhaḥ | devamaṇayo divyāni ratnāny āvartabhedāś ca || 37 ||
Lsaṅgrāmanāṭakakutūhalināṃ tadānī-
m utthāpakena dadhato mudam uttamānām |
vispaṣṭabhāṇḍarucayo 'tivicitrarūpā
lakṣmīṃ dadhur javanikāmahitās turaṃgāḥ || 38 ||
utthāpakenordhvaL⸤khuratvenottamānām aśvaśāstrakuśalānāṃ mudaṃ dadatas turaṃgā lakṣmīm ūhuḥ | bhāṇḍam aśvālaṃkāraḥ | ⸤rūpaṃ dehakāntiḥ | jave nikāmaṃ hitāḥ prītihetavaḥ | raṅgās tu nāṭyabhuva uttamānāṃ nā⸤ṭyasvarūpanipuṇamatīnāṃ pramadaṃ diśantaḥ śobhāṃ dhārayanti | tatpakṣe utthāpaka utkṛṣṭaḥ ⸤sthāpakaḥ sūtradhāraprāyaḥ | uktaṃ ca—‘sthāpakaḥ praviśedanyaḥ sūtradhārasamākṛtiḥ’ iti | ⸤‘udaḥ sthāstambhoḥ pūrvasya’ iti sakārasya thakāraḥ | utthāpako vā sātvatīvṛttibhedaḥ | ⸤uktaṃ ca—‘aham utthāpyāse.........tāvad darśayātmanaḥ śaktim_’ iti | saṃghasamāśrayam utthita⸤m utthāpako jñeyaḥ ||’ (?) iti | bhāṇḍāni murajādayaḥ | rūpaṃ nāṭakaprakaraṇādi | javani⸤kayā tiraskariṇyā mahitāḥ pūjitāḥ | kvacit_ ‘utthāpanena’ iti pāṭhaḥ | tatrotthāpana⸤m utplāvanam_ | ‘yasmād utthāpayanty atra prayogaṃ nāndipāṭhakāḥ | pūrvam eva tu raṅge 'smiṃs tasmād u⸤tthāpanaṃ smṛtam_ ||’ iti pūrvaraṅgāṅgaṃ ca || 38 ||
vistāraśāli kṛtibhiḥ kṛtarūpavarṇa-
m āviddhagāmikaraṇapravibhaktaśobham |
savyañjanakramam arājata dhātuvādya-
līlāṃ dadhānam anupaplutam aśvasainyam || 39 ||
vistāraḥ prathamadhātubhedaś ca | kṛtinas turaṃ⸤geṣu (turaṃgaśāstra)gāndharvavedapravīṇāḥ | kṛto rūpasya varṇo mārjanādisaṃskāro yasya | ⸤kṛtarūpa......svarūpavarṇāḥ sthāyisaṃcā[ryā]rohyavarohirūpāḥ svarūpā yatra | āviddham udgataṃ ⸤dhātubhedaś ca | karaṇāni gatau vicchittiviśeṣāḥ | karaṇaś ca dhātubhedaḥ | vyañjanāni śrīvṛ⸤kṣādīni lakṣaṇāni teṣāṃ kramo yathāśāstram aṅgeṣu viniveśaḥ | vyañjanasya ca dhātuviśeṣasya ⸤kramaḥ puṣpakalādi (tālādi ?) | tatprabhedānāṃ yathāprāyaṃ (?) prayogaḥ | dhātavo vistā⸤rādyāś catvāras tantrīṣv aṅguligrahaṇena viśeṣaniṣpādyāḥ svaraprayogaviśeṣāḥ | tadāśritaṃ vādyaṃ ⸤dhātuvādyam | anupaplutaṃ svanāhitaṃ (?) doṣaśūnyaṃ ca || 39 ||
nirdhūtakesarasaṭāvalitāñcitāgra-
bhāgaṃ patadbhir abhitaḥ pṛtanāturaṃgāḥ |
cakrus tarāṃ divi tadutpatanābhiyoga-
yogyām iva kṣaṇavilagnapadaiḥ khu*rāgraiḥ || 40 ||
- ⸤1. ‘karaughaiḥ’ kha. ka-kha-pustakayor asmāc chlokād anantaraṃ ‘aśvavarṇanam_’ ity asti.
divi kṣaṇaṃ lagnapadatvāL⸤t khurais tata utpatanaśikṣām ivākurvata turagāḥ || 40 ||
Lvistāraruddhavasudhāḥ pratibaddhaketu-
sītāpaṭāñcalavivalganaśāritāśāḥ |
sajjākhilopakaraṇāḥ samarāmburāśi-
potaśriyaṃ sapadi śiśriyire rathaughāḥ || 41 ||
‘mūlata eva prabhṛti prāgraṃ yāvat prasā⸤ritaḥ pavanaiḥ | ketau niveśito yaḥ sa paṭaḥ sītāpaṭo jñeyaḥ ||’ upakaraṇam āyudhasaṃpadanādikaṃ ⸤ca || 41 ||
ākrāntayānavarataṃ bhaṭanāyakena
cī*tkārasītkṛtimanoramatāṃ dadhatyā |
saṃdarśitoruyugasajjaghanaśriyāpi
tatrābhiyogasamaye rathakaṭyayā śrīḥ || 42 ||
- ⸤1. ‘sītkāra’ kha.
anavarataṃ sadā | navaṃ ca rataṃ ramaṇaṃ yathākrameṇa | nāyakaḥ prabhuḥ kāmukaś ca | ⸤ūruṇā vistīrṇena yugena kāṣṭhaviśeṣeṇa sajjā (ghanā) yā śrīḥ sā saṃdarśitā yayā | saṃda⸤rśitā corvor yugasya yugmasya sataś ca jaghanasya śrīr yayā | abhiyogo raṇaḥ surataṃ ca | rathānāṃ ⸤samūho rathakaṭyā | ‘initrakaṭyacaś ca’ iti kaṭyac_ | tayā śrīrāpi prāptā | rathakaṭyā ⸤cātra nāyiketi viśeṣaṇasāmyād gamyate || 42 ||
āyodhanānuguṇaveṣaparigrahāc ca
tejasvinas tadapanuttaya āvirāsan |
saṃhārabhānava ivākhilalokasarga-
nāśasphuratkiraṇadanturamaṇḍalāgrāḥ || 43 ||
[‘sarvapaścāt padaṃ vartate’ iti bhāṣyakṛdvyava⸤hāradarśanād avyayena saha ṣaṣṭhīsamāsapratiṣedhasyānityatvaniścayāt tadanu tadupariprabhṛtīni śabda⸤rūpāṇi sādhutvaṃ nātivartante |] maṇḍalāgraṃ khaḍgo bimbasya ca purodeśaḥ || 43 ||
śītāṃśumaulir api kesaricakravāla-
yoktrīkṛtāhipatibhogasahasrabhīmam |
adhyāruroha ratham agniśikhāpiśaṅga-
m āyodhanānuguṇaveṣaparigrahaśrīḥ || 44 ||
agni⸤śikhāvatpiśaṅgatvaṃ rathasya kesarimayatvāt_ | teṣāṃ ca prāyaśaḥ kapiśavarṇatvāt_ | āyo⸤dhanānuguṇā saṅgrāmānurūpā | kvacit_ 'pṛthvīdharānuguṇa' iti pāṭhaḥ | tatra pṛthvīdharo 'tra L⸤kodaṇḍīkṛto mandaraḥ || 44 ||
Luṣṇīṣabhogiphaṇaphūtkṛtivātaghāta-
puñjīkṛtatripathagājalaveṇiśubhram |
tasyoṣṇavāraṇam adhāryata bhāgalagna-
māṇikyakhaṇḍakhacitonnatahemadaṇḍam || 45 ||
veṇiḥ pravāhaḥ | uṣṇavāraṇaṃ chattram_ || 45 ||
tasya prakīrṇayugalaṃ śaśiraśmiśobhi
śabdānubandhimaṇikam bubhuje tadānīm |
pārśvasthite dudhuvutuḥ svayam abhyupetya
mandākinī sarabhasaṃ yamunā ca bhaktyā || 46 ||
śabdānuba⸤ndhino maṇivalayā yasya tādṛgbhujo yayos te || 46 ||
yenāśu nirdhutasaṭābharam ambarāgra-
m ārohatā niśitapāṇijamaṇḍalena |
naktaṃmukheṣu śaśabhṛtpra*sabhaṃ vyadhāyi
bimbāvalambiśaśadā*raṇakāndiśīkaḥ || 47 ||
- ⸤1. ‘prathamaṃ’ kha.
- 2. ‘dhāraṇa’ kha.
.........kam_ | pāṇijā nakhā⸤s tat samūhena śaśasya yad dāraṇaṃ tena hetunā kāṃdiśīko bhayadrutaḥ pradoṣeṣu śaśī kṛtaḥ || 47 ||
ākarṇya yasya madaśoṣaviṣaṇṇabhṛṅga-
gaṇḍasthalāḥ sapadi ruñjitatāranādam |
aṅgeṣu bhītibharasaṃkucitā nijeṣu
vāñchanti dūram iva dikkariṇaḥ praveṣṭum || 48 ||
⸤ruñjitaṃ siṃhagarjitam_ || 48 ||
śrīkaṇṭhaśekharaśaśāṅkakalākarāla-
vellatsaṭāpaṭaladhūnanabaddharoṣaḥ |
utplutya dārayitum īhata eva vajra-
sūcīśitair nakhamukhair api mārutaṃ yaḥ || 49 ||
karālā bhāsvarāḥ | vajrasūcī vajramayī sevanī || 49 L⸤||
tasmiṃs tuṣāranikurumbavipāṇḍubhāsi
siṃhīsute vidalitāñjanamecakārciḥ |
Lkātyāyanī kṛtapadā śriyam āsasāda
prāleyaśailagatanūtanameghavallyāḥ || 50 ||
50 ||
(cakkalakam_)
śārṅgāyudho '*pi bhuvanakṣayakālavahni-
śaṅkākulīkṛtasurāsuracakravālam |
tārkṣyaṃ vidhautakaladhautapiśaṅgapakṣa-
m ātmīyadehabharakharvitamadhyarohat || 51 ||
- ⸤1. ‘atha’ kha.
tārkṣyo vainateyaḥ || 51 ||
tārkṣyo 'pi cañcupuṭadaṣṭabhujaṃgamūrti-
bhāsvatphaṇāmaṇirucicchuraṇāruṇena |
pṛṣṭhena vigrahabharaṃ vasudevasūno-
r jagrāha dānavaraṇasya ca cetasoccaiḥ || 52 ||
vigraho deha eva bharo bhāraḥ | vigrahaś ca kalahasta⸤drūpo bhara āṭopaḥ || 52 ||
kṣoṇīva pakṣapavanoddhṛtaśai*lajāla-
m uttiṣṭhataḥ śitanakhāgravidaṣṭamūrtiḥ |
tasyādhinākam atanur bibharāṃcakāra
śobhāṃ kṣaṇaṃ caraṇakoṭigatābhralekhā || 53 ||
- 2. ‘pakṣajāla’ kha.
53 ||
piṅgatviṣaṃ kavalitoragacakravāla-
niryadviṣāgnipariṇāmavaśād ivāsau |
vistāritāṃ nabhasi hemamayīṃ patattra-
paṅktiṃ dadhatsarabhasoḍḍayanāya reje || 54 ||
54 ||
udgacchato gaganavartma garutmato 'tha
dūrāvagāhadṛḍhabhinnarasātalāgrāḥ |
ākrṣṭamuktavasudhāḥ kṣaṇavighnakheda-
m ātenur asya girisaṃhatayaḥ kathaṃcit || 55 ||
dūram avagāhanena dṛḍhaṃ vidāritaṃ pātālāgraṃ ⸤yais tādṛśāḥ śailanivahāḥ kenāpi prakāreṇākṛṣṭatvād gaganodmane garuḍasya kṣaṇaṃ vighnena khedaL⸤m udapādayan_ || 55 ||
Lsthulāsthigaṇḍaśikharojjhitadānavāri
dhārāndhakāritadiśaḥ suralokapālāḥ |
vinyastaśailagurupādavirugṇabhūmi-
bhāgān yathāyatham athāruruhur gajendrān || 56 ||
yathāyathaṃ yathāsvam || 56 ||
tāvat pra*tītamanasi pradhanotsavāya
darpād vinirjitaripau bhaṭacakravāle |
bālājano balavadākulatāṃ jagāma
tatkālasaṃbhramavilolavilocanaśrīḥ || 57 ||
- ⸤1. ‘pratīpa’ kha.
tāvad iti yāvad evaṃ sarve samarasaṃmukhā⸤s tāvad aṅganājano 'naṅga(?)viṣaye 'tyartham ākulo jātaḥ | pratītaṃ prakṛṣṭam_ || 57 ||
saṃstambhitā api tu maṅgalabhaṅgabhīro-
r bhīrorviṣādavaśaśūnyadhiyas tadākṣṇaḥ |
nirdhautakajjalavidhūsaritā nirīyu-
r indīvarān madhukarā iva bāṣpaleśāḥ || 58 ||
58 ||
ā*dhīyamānam atisaṃbhramavepamāna-
visrastabāhulatayā bubudhentarāyam |
prasthānamaṅgalavidhānam api pravīraḥ
saṅgrāmarāgarabhasollasacittavṛttiḥ || 59 ||
- 2. ‘ādhūya mānaṃ’ kha.
59 ||
baddhaspṛhaṃ dayitayā karavālayaṣṭi-
r ālokitā bhaṭajanasya karapratiṣṭhā |
prāptā śititvam adhikaṃ tadapāṅgabhāsā
dhauteva tatkṣaṇam arājata visphurantī || 60 ||
⸤baddhaspṛhatvaṃ karapratiṣṭhatvāt_ | iyam asya preyasī sāṃpratamanayā sārdham eṣa viharatīty abhiL⸤prāyād vā | śititvaṃ śyāmatā tīkṣṇatvaṃ ca || 60 ||
patyau raṇāya calite guruśokavṛtte-
r vāmabhruvaḥ sapadi kārśyadaśāṃ vrajantyāḥ |
Lmāṇikyakamburavanau patitaḥ karāgrā-
l lāvaṇyacandrapariveṣa iva vyarājat || 61 ||
61 ||
vaktraṃ vilokayitum ūḍharasā cirāya
patyur vadhūr ni*hitamaṅgalarocanārdrān |
dodūyamānahṛdayā sa*viśeṣam eva
siddhārthakān racayati sma lalāṭapaṭṭe || 62 ||
- ⸤1. ‘vihita’ ka.
- 2. ‘savilambaṃ’ kha.
siddhārthakāḥ sarṣapāḥ || 62 ⸤||
āliṅgya gāḍham aparā pa*ricumbato 'tha
vaktraṃ priyasya samarāya viniryiyāsoḥ |
uṣṇoṣṇaniḥśvasitatatkṣaṇagāḍhaśuṣka-
tāmbūlapaṅkarasam oṣṭhayugaṃ cakāra || 63 ||
- 3. ‘m api cumbato’ kha.
63 ||
guptis tanor iti kṛtādarabandham ādau
sparśāmṛtavyavadhir ity api sābhyasūyam |
bhāvadva*yāśrayimanāḥ parirambha ittha-
m aikṣiṣṭa varma dayitasya vadhūḥ pinaddham || 64 ||
- 4. ‘dvayāśraya’ ka.
tanor dehasya varma guptiḥ parito rakṣākāraṇam ity ādareṇa sparśāmṛtasya vyavadhānahetu⸤r ity asūyayā ca vadhūr āliṅganasamaye tad adrākṣīt_ || 64 ||
iti samaravimardautsukyabhājaḥ pravīrāḥ
katham api dayitābhir mucyamānā gṛhebhyaḥ |
sarabhasam atha puryā niryayuḥ sorjagarjaṃ
rathaturagavimardakṣobhite ratnasānau || 65 ||
sorjā balavatī garjā siṃhanādo ⸤yatra tathā kṛtvā niryayur yodhāḥ | mandare kṣobhite sati || 65 ||
⸤iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave ⸤rājānakaśrīratnākarasya kṛtau ratnāṅke haravijaye mahākāvye ⸤sainyasaṃrambho nāma catvāriṃśaḥ sargaḥ |
iti rājānakajayāna⸤kasūnor alakasya kṛtau haravijayaviṣamapadoddyote catvāriṃśaḥ sargaḥ ||