prāpte prabhātasamaye 'tha śaśāṅkamauli-
rudbodhito vividhabhāgadhasūtavāgbhiḥ|
abhyāhatānakaśatadhvanidattasaṃjñaḥ
senāsaridbharitamaikṣata sainyasindhum||1||
Kāvyamālā 22, E Text Acharya
- , ,
- Known as: , (NCC).
- Siglum: K
[description of manuscript]
More ▾
| Title | Haravijaya |
| Commentary | [title of commentary] |
| Author | [author] |
| Commentator | [commentator] |
| Physical description | |
|---|---|
| Language/Script | [Sanskrit in Latin script.] |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- K
catvāriṃśaḥ sargaḥ|
tasyātha saṃbhramavalatphaṇacakravāla-
murvītale 'dhipatinā phaṇimaṇḍalīnām|
saṃstambhitaśravaṇatālamudañcitākṣa-
mākarṇito vidhuritasthiti diggajendraiḥ||2||
brāhmāṇḍakhaṇḍatalavāraṇakharvyamāṇa-
mūrtidigantaragurupratiphāladīrghaḥ|
L
puñjīkṛtaḥ kṣititale ghanatāmavāpya
bhindanrasātalamivātibhareṇa bhūyaḥ||3||
kampākulīkṛtasasaṃbhramalokapāla-
pālīpuraṃdhrihṛdayo bibharāṃcakāra|
prasthānadundubhiravaḥ kṣayakālavalga-
duttālakālakaratālaninādalīlām||4||
(tilakam)
utsṛjya saṃyugarasādatha tasya deha-
bhāgārdhasaṃdhighaṭatanāṃ niriyāya gaurī|
taccittabhāgagatasattvavidhūtabhīru-
vaiklavyayogamiva mānasamudvahantī||5||
unnidrakarṇaśikharārpitapārijāta-
līlāvataṃsagalitairmadhuśīkaraughaiḥ|
saṃsicyamānamiva kuṅkumapattrapaṅka-
lekhāṅkitaṃ śuci kapolatalaṃ vahantī||6||
līlānatena sakalāṃ karapallavena
lāvaṇyakāntimamalāmiva saṃpramārṣṭum|
preṅkhatpinākimukuṭāspadacandraraśmi-
dhūlicchaṭāmalinitacchavimīhamānā||7||
ekāvalī viracitā kucamaṇḍale 'tra
tuṅgatvamīyuṣi parasparapīḍanena|
L
tatspardhayeva savalītrayatāmavāptaṃ
muṣṭigrahe 'pi śithilaṃ dadhatīti madhyam||8||
pratyagrayāvakarasasphuraṇāruṇāgra
bhāsvannakhendukiraṇaprakarāpadeśāt|
saṃdhyāṃ prasādanaparāṃ galitābhyasūyā-
mārabdhapādapatanāmiva dhārayantī||9||
(pañcabhiḥ kulakam)
tasyā mukhaṃ sarabhasārpitakāntadṛṣṭi-
rdṛṣṭvā cirādatha śaśāṅkakalāvataṃsaḥ|
saṃdarśaneṣu nayanatritayaṃ nimeṣa-
doṣopaghātaghaṭanojjhitamabhyanandat||10||
niryāya tasya vapuṣaḥ sucirādavāpta-
gāḍhopagūhanarasotpulakānubandhaḥ|
prasthānamaṅgalavidhirvidadhe tayātha
sevotsavapravaṇamātṛgaṇopanītaḥ||11||
tasyāpinehurabhimantritamātmanaiva
vakṣaḥsthale gaṇacamūpatayaḥ kathaṃcit|
kaṇṭhaprabhāśabalabhāsi pinaddhaloha-
jālāntarabhramavimugdhadhiyastanutram||12||
mandākinīsalilanirjharasicyamāna-
bhāsvattṛtīyanayanānaladhūmadigdhaḥ|
L
tasyātatāyiśarapātabhiyādhimauli
saṃvītakaṅkaṭa ivāmṛtaraśmirāsīt||13||
tatkālalolasurasindhutaraṅgabhaṅga-
visrastabandhalulitaṃ ca jaṭākalāpam|
uṣṇīpabhogipatireva babandha tasya
gāḍhaṃ punaḥ pratidiśaṃ phaṇamaṇḍalībhiḥ||14||
chāyāndhakārakaluṣīkṛtapīnakaṇṭha-
pīṭhasphuradbhujagarājaphaṇāmaṇiśrīḥ|
tasyājimaṅgalanibaddhanavendranīla-
kaṇṭhatravibhramamadhatta ca kālakūṭaḥ||15||
daṃṣṭrākarālamukhakaṃdaraniryadagni-
jvālāvalīdurupalakṣyakarālajihvam|
śūlaṃ ruṣārirudhirāsavapānagoṣṭhī-
saṃrambhalolavikaṭauṣṭhapuṭaṃ jajṛmbhe||16||
bhogīndrabhogakaṣaṇapratipannamadhya-
kārśyaṃ purā jalanidhermathanaprasaṅge|
tasyātha mandaramivāhipatiścakāra
kodaṇḍadaṇḍamadhiruhya sanāthakoṭim||17||
saṅgrāmadohadarasāditi śītaraśmi-
maulau pinaddhakavace vacasātha tasya|
pratyuttaratnaśakalacchaviśāritāni
varmāṇi bharmaghaṭitāni gaṇāḥ pinehuḥ||18||
saṃvitalohamayavarmavapurbabhāra
babhrorupoḍha raṇamaṅgararatnamālam|
astācalābhimukhapātinibaddhapaṅkti-
nakṣatracakraśabalāmbaravartmalīlām||19||
pratyuptalohitakaratnakaṇāṃśusāra-
nīlābhrakacchavitanucchadamūrtiruccaiḥ|
saudāminīruciradāmamarīcibhinna-
lolābhravibhramamadhatta śilādasūnuḥ||20||
saṃhāradhūmamalinā kaladhautasānu0-
bhāgāntare nipatitā rajanīva meroḥ|
vakṣaḥsthale sarasakuṅkumapaṅkabhāji
bhāti sma kālamusalasya dṛḍhātha māḍhī||21||
abhyunmiṣanmarakatāṃśuśikhāsahasra-
saṃlakṣyamāṇaparabhāgatanutrabandhā|
ābaddhaśebalalavā nalinīva nāga-
vaktrasya mūrtirarucatsphuṭapuṣkaraśrīḥ||22||
hautāśaneḥ kavacamecakitā ca mūrti-
ruddīptiratnaghaṭitoruśirastrabandhā|
ābhādanekavikaṭodayaśailaśṛṅga-
lagnārkabimbavalayeva yugakṣayadyauḥ||23||
uddāmasaṃyugarasasphuṭitavraṇottha-
raktacchaṭāvikaṭabindunibaddharandhram|
pratyuptadīptataranūtanapadmarāga-
māsīdivātiguru daṃsanamagnikasya||24||
vakṣaḥsthale bṛhati hetiśatābhighāta-
rūḍhavraṇasthapuṭitasphuṭasaṃniveśam|
caṇḍeśvarasya śuśubhe śubhalohavarma-
sāvartamambha iva sānutaṭe himādreḥ||25||
durvāravairivaravāraṇavīrabhadra-
vakṣaḥsthalīvinihitā virarāja māḍhī|
saṃvartameghamalināsurasaṃprahāra-
lakṣmīvadhūmukhaviguṇṭhanajālikāśrīḥ||26||
abhraṃkaṣollasitaketanavaijayantī-
kalmāṣitāmbaratalāḥ pratimā vahantaḥ|
rakṣādhikāranavabhūtisudhopalepa-
pāṇḍutviṣo racitasaṃnidhayaḥ suraughaiḥ||27||
stamberamā mukharitāmbaraśaṅkhaghaṇṭā-
ḍhakkāravā dhavalacāmaracāruśobhāḥ|
vispaṣṭadantamaṇitoraṇasaṃniveśāḥ
sainyairyudhe vidadhire surasadmarūpāḥ||28||
(yugalakam)
L
pratyagramauktikavitānanidhānakumbha-
rakṣākulājagarabibhramahastadaṇḍāḥ|
rejurgajā vikacakīcakayaṣṭikoṭi-
velladvilolakadalīvikarālapṛṣṭhāḥ||29||
kumbhasthalīnihitamaṅgalamālikāgra-
viṣyandamānamadhupaṅkanilīnabhṛṅgāḥ|
lakṣmīṃ dadhuḥ śikharalagnadvāgnidhūma-
jālākulāḥ kulanagā iva mattanāgāḥ||30||
utkarṇatālapavaneritakumbhakūṭa-
sindūradhūlipaṭalacchuraṇābhirāmam|
uddhūtatāmarasareṇupiśaṅgyamāna-
dikcakravālamuṣasīva babhūva viśvam||31||
līlācaladdhavalacāmaracakravāla-
śāīkṛtākhiladiśo 'tha sahasrasaṃkhyāḥ|
utkīrṇapattramakarīśataśātakumbha-
paryāṇapaṭṭaviniveśakarālapṛṣṭhāḥ||32||
māṇikyakhaṇḍakhacitāñcitahemabhāsva-
dāyānadīdhitipiśaṅitadigvibhāgāḥ|
udraśmiratnakaṇaśāritaśātakumbha-
preṅkhatkhalīnasakhaṇatkṛtivaktrabhāgāḥ||33||
L
sāṅgrāmikīṣu kuśalairgamitāstadānīṃ
vīthīṣvamandatarasaḥ pṛtanāturaṃgāḥ|
svedodabinduśabalastuvabhāgavaktra-
śobhāḥ sudhodgamanalagnakaṇā ivāsan||34||
(tilakam)
sānukatāṃ vidadhato 'pyupamānaśūnyā
mandā api glapitacaṇḍasamīravegāḥ|
ākuñcitordhvakhuradaṇḍavibhaktapāda-
vinyāsacārugatayasturagāḥ prasasruḥ||35||
bhāti sma mūrtiranilaughavighaṭyamāna
māñjiṣṭhacāmaratayā caturāñcitānām|
utpetuṣāṃ kila purā śikhinastadīya-
jvālākalāpaniciteva turaṃgamāṇām||36||
lakṣmīṃ dadhurvipulakairgamanairabhīkṣṇa-
maṅgaiśca cāruśucibhiścaturasrapuṇḍrāḥ|
paryāṇapaṭṭapaṭalaisturagā nigāla-
bhāgaiśca devamaṇiśobhitasaṃniveśaiḥ||37||
saṅgrāmanāṭakakutūhalināṃ tadānī-
mutthāpakena dadhato mudamuttamānām|
vispaṣṭabhāṇḍarucayo 'tivicitrarūpā
lakṣmīṃ dadhurjavanikāmahitāsturaṃgāḥ||38||
vistāraśāli kṛtibhiḥ kṛtarūpavarṇa-
māviddhagāmikaraṇapravibhaktaśobham|
savyañjanakramamarājata dhātuvādya-
līlāṃ dadhānamanupaplutamaśvasainyam||39||
nirdhūtakesarasaṭāvalitāñcitāgra-
bhāgaṃ patadbirabhitaḥ pṛtanāturaṃgāḥ|
cakrustarāṃ divi tadutpatanābhiyoga-
yogyāmiva kṣaṇavilagnapadaiḥ khurāgraiḥ||40||
vistāraruddhavasudhāḥ pratibaddhaketu-
sītāpaṭāñcalavivalganaśāritāśāḥ|
sajjākhilopakaraṇāḥ samarāmburāśi-
potaśriyaṃ sapadi śiśriyire rathaughāḥ||41||
ākrāntayānavarataṃ bhaṭanāyakena
cītkārasītkṛtimanoramatāṃ dadhatyā|
saṃdarśitoruyugasajjaghanaśriyāpi
tatrābhiyogasamaye rathakaṭyayā śrīḥ||42||
āyodhanānuguṇaveṣaparigrahācca
tejasvinastadapanuttaya āvirāsan|
saṃhārabhānava ivākhilalokasarga-
nāśasphuratkiraṇadanturamaṇḍalāgrāḥ||42||
śītāṃśumaulirapi kesaricakravāla-
yoktrīkṛtāhipatibhogasahastrabhīmam|
adhyāruroha rathamagniśikhāpiśaṅga-
māyodhanānuguṇaveṣaparigrahaśrīḥ||44||
uṣṇīṣabhogiphaṇaphūtkṛtivātaghāta-
puñjīkṛtatripathagājalaveṇiśubhram|
tasyoṣṇavāraṇamadhāryata bhāgalagna-
māṇikyakhaṇḍakhacitonnatahemadaṇḍam||45||
tasya prakīrṇayugalaṃ śaśiraśmiśobhi
śabdānubandhimaṇikasbubhuje tadānīm|
pārśvasthite dudhuvutuḥ svayambhyupetya
mandākinī sarabhasaṃ yamunā ca bhaktyā||46||
yenāśu nirdhutasaṭābharamambarāgra-
mārohatā ni'sitapāṇijamaṇḍalena|
naktaṃmukheṣu śaśabhṛtprasabhaṃ vyadhāyi
bimbāvalambiśaśadāraṇakāndiśīkaḥ||47||
ākarṇya yasya madaśoṣaviṣaṇṇabhṛṅga-
gaṇḍasthalāḥ sapadi ruñjitatāranādam|
aṅgeṣu bhītibharasaṃkucitā nijeṣu
vāñchanti dūramiva dikkariṇaḥ praveṣṭum||48||
śrīkaṇṭhaśekharaśaśāṅkakalākarāla-
vellatsaṭāpaṭaladhūnanabaddharoṣaḥ|
utplutya dārayitumīhata eva vajra-
sūcīśitairnakhamukhairapi mārutaṃ yaḥ||49||
tasmiṃstuṣāranikurumbavipāṇḍubhāsi
siṃhīsute vidalitāñjanamecakārciḥ|
L
kātyāyanī kṛtapadā śriyam āsasāda
prāleyaśailagatanūtanameghavallyāḥ||50|| (cakkalakam)
śārṅgāyudho 'pi bhuvanakṣayakālavahni-
śaṅkākulīkṛtasurāsuracakravālam|
tārkṣyaṃ vidhautakaladhautapi'saṅgapakṣa-
mātmīyadehabharakharvitamadhyarohat||51||
tārkṣyo 'pi cañcupuṭadaṣṭabhujaṃgamūrti-
bhāsvatphaṇāmaṇirucicchuraṇāruṇena|
pṛṣṭhena vigrahabharaṃ vasudevasūno-
rjagrāha dānavaraṇasya ca cetasoccaiḥ||52||
kṣoṇīva pakṣapavanoddhṛtaśailajāla-
muttiṣṭhataḥ śitanakhāgravidaṣṭamurtiḥ|
tasyādhinākamatanurbibharāṃcakāra
śobhāṃ kṣaṇaṃ caraṇakoṭigatābhralekhā||53||
piṅgatviṣaṃ kavalitoragacakravāla-
niryadviṣāgnipariṇāmavaśādivāsau|
vistāritāṃ nabhasi hemamayīṃ patatra-
paṅktiṃ dadhatsarabhasoḍḍayanāya reje||54||
udgacchato gaganavartma garutmato 'tha
dūrāvagāhadṛḍhabhinnarasātalāgnāḥ|
ākrṣ.ṭamuktavasudhāḥ kṣaṇavighnakheda-
mātenurasya girisaṃhatayaḥ kathaṃcit||55||
sthulāsthigaṇḍaśikharojjhitadānavāri
dhārāndhakāritadiśaḥ suralokapālāḥ|
vinyastaśailagurupādavirugṇabhūmi-
bhāgānyathāyathamathāruruhurgajendrān||56||
tāvatpratītamanasi pradhanotsavāya
darpādvinirjitaripau bhaṭacakravāle|
bālājano balavadākulatāṃ jagāma
tatkālasaṃbhramavilolavilocanaśrīḥ||57||
saṃstambhitā api tu maṅgalabhaṅgabhīro-
rbhīrorviṣādavaśaśūnyadhiyastadākṣṇaḥ|
nirdhautakajjalavidhūsarita nirīyu-
rindīvarānmadhukarā iva bāṣpaleśāḥ||58||
ādhīyamānamatisaṃbhramavepamāna-
visrastabāhulatayā bubudhentarāyam|
prasthānamaṅgalavidhānamapi pravīraḥ
saṅgrāmarāgarabhasollasacittavṛttiḥ||59||
baddhaspṛhaṃ dayitayā karavālayaṣṭi-
rālokitā bhaṭajanasya karapratiṣṭhā|
prāptā śititvamadhikaṃ tadapāṅgabhāsā
dhauteva tatkṣaṇamarājata visphurantī||60||
patyau raṇāya calite guruśokavṛtte-
rvāmabhurvaḥ sapadi kārśyadaśāṃ vrajantyāḥ|
L
māṇikyakamburavanau patitaḥ karāgrā-
llāvaṇyacandrapariveṣa iva vyarājat||61||
vaktraṃ vilokayitumūḍharasā cirāya
patyurvadhūrnihatamaṅgalarocanārdrān|
dodūyamānahṛdayā saviśeṣameva
siddhārthakānracayati sma lalāṭapaṭṭe||62||
āliṅgya gāḍhamaparā paricumbato 'tha
vaktraṃ priyasya samarāya viniryiyāsoḥ|
uṣṇoṣṇaniḥśvasitatatkṣaṇagāḍaśuṣka-
tāmbūlapaṅkarasamoṣṭhayugaṃ cakāra||63||
guptistanoriti kṛtādarabandhamādau
sparśāmṛtavyavadhirityapi sābhyasūyam|
bhāvadvayāśrayimanāḥ parirambha ittha-
maikṣiṣṭa varma dayitasya vadhūḥ pinaddham||64||
iti samaravimardautsukyabhājaḥ pravīrāḥ
kathamapi dayitābhirmucyamānā gṛhebhyaḥ|
sarabhasamatha puryā niryayuḥ sorjagarjaṃ
rathaturagavimardakṣobhite ratnasānau||65||
iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave rājānakaśrīratnākarasya kṛtau ratnāṅke haravijaye mahākāvye sainyasaṃrambho nāma catvāriṃśaḥ sargaḥ|