||oṁ tigmapratāpatapanātapa ⸤eva yasya
saṅkocitārikulakīrtikumudvatīkaḥ|
rūḍhaṃ jagattrayasarasy anaya⸤t vikāsa-
lakṣmīṃ vipāṇḍurayaśaśśatapattraṣaṇḍam_||1||
Stein 187
- , ,
- Known as: , (NCC).
- Siglum: Śc
[description of manuscript]
More ▾
| Title | Haravijaya |
| Commentary | [title of commentary] |
| Author | [author] |
| Commentator | [commentator] |
| Physical description | |
|---|---|
| Language/Script | [Sanskrit in Latin script.] |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- Śc
||śrī gaṇeśāya namaḥ||
ucchvāsiśeṣaphaṇapāṇḍuraLpuṇḍarīka-
ṣaṇḍopasevanadhiyaiva rasātalāntaḥ|
krauñcādrikuñjavivarotthitahaṃ⸤sayūtha-
mārgānusārarabhasād iva diṅmukheṣu||2||
vispaṣṭagaurakarasūtrasudhāma⸤yūkha-
rekhāmṛṇālaśakalaspṛhayeva nāke|
yasyāniśaṃ dhavalapakṣabalena kī⸤rti-
haṃsī savibhramam iti bhramati trilokyām_||3||
yugalakam_||
gaṇḍasthalaṃ sa⸤miti yasya virapakṣabhaṅga-
rāgotthapīnapulakābharaṇaṃ babhāse|
lakṣmyā vicumbi⸤tam ivādhiśayānayāṃsa-
kūṭopadhānavikaṭonnatabāhuśayyām_||4||
paryanta⸤bhāgaviśarārutaraṅgabhaṅga-
sindhuplavā bhujagarājaphaṇāsvamandam_
preṅkhattarāṃ ⸤vasumatī balabhārabhūri-
khedākulā calati digvijayāya yasmin_||5||
yena ⸤prakīrṇakagaṇās surakuñjareśaṇa
bhagnāḥ mṛgāṅkadhavalāḥ pratipakṣalakṣmyāḥ|
niṣkṛ⸤ttaakoṭimukhanirgatasūkṣmasūtra-
jālā mṛṇālavalayā iva paṅkajinyāḥ||6||
⸤yasyonmadadviradakumbhavibhedamukta-
sāṃsaktamauktikaśikhānikarāvakīrṇāḥ
⸤kṣīrāhutīr iva mumoca yudhi pratāpa-
vahnāvarīndhanasamedhitadhāmni khaḍgaḥ||67||
⸤yasmin samuccalati voḍhum ivāntarikṣa-
nirdhūtadhūlidharaṇīvalayaṃ dvitīyam_
⸤bhāty utthitaṃ kṣitibhṛtāṃ dhavalātapattra-
ṣaṇḍacchalena pṛthuśeṣaphaṇāsahasram_||8||
⸤suśliṣṭamadhyaghaṭitāspadapadmarāga-
pīṭhojjvalām amalahāralatāṃ dadhānaḥ|
āndo⸤lanāya racitāṃ sthagitāntarikṣa-
vistāribāhuvanadevatayeva dolām_||9||
bi⸤bhradvikāsipuṭatārakadṛṣṭighūrṇa-
gaṇḍasthalaṃ śaśisitasmitaśobhivaktram_
⸤ādhūya kopaśithilīkṛtabhogibaddha-
jūṭaṃ śirolulitapiṅgajaṭākalā⸤pam_||10||
dantaprabhādhavalabhāsam anekamārga-
vṛttiṃ manoharapadojjvalavarṇahaṃ⸤sām_|
gāmbhīryasindhughaṭitāṃ giram ujjagāra
jahnur bhagīrathasutām iva vahni⸤garbhaḥ|11||
ekādaśabhiḥ kulakam_||
vākyaṃ prabhāmaya yad ittham udāttamāttha
tenā⸤bhidhātum adhunāham api pravṛttaḥ|
sarvo nubhāvamahimā sumukhānilasya
śabdāyate ⸤śrutisukhaṃ yad atīva veṇuḥ||12||
vākyaṃ vacasvijanadurvacam ittham eta-
dadyām a⸤laṃ tvadaparaḥ ka ivābhidadhyāt_|
syāt kaścid eva sa maṇirnanu śātakaumbha-
niṣṭhī⸤vitā jagati yasya gatā prasūtim_||13||
yeṣāṃ nisargavimalatvam upādadhānā
Lnārthān prakāśayati dīpaśikheva buddhiḥ||
krodhāndhakāragahane pravijṛmbhamāṇe
⸤te ndhībhavanti nanu satsv api locaneṣu||14||
bibhrāṇayā vimalatām adhikaṃ dhiyai⸤va
mohaṃ vyapohati viśāradimānamāptaḥ|
dikcakravālavinirodhi vijṛmbhamāṇa-
⸤mandhaṃ tamastirayati prabhayaiva bhānuḥ||15||
candrodaye pi jaladhi stimitatvam eti
⸤vidyullatāpi parimuñcati cañcalatvam_
tigmāṃśumaṇḍalam api grasate na rāhu
⸤prajñāvatā naya iha pravitanyamāne||16||
traividyavṛddharacitaṃ nayavartma śaśva-
dāta⸤sthuṣas sthiravipakṣajito vijetuḥ|
lakṣmīr na muñcati kadācana cañcalāpi
dī⸤prā rucir dinapater iva maṇḍalāgram_||17||
śaṅke samāpya mahatāṃ hṛdayeṣu pūrvam
īśa⸤ttadaṃśtaparamāṇujalāvaśeṣam_
gambhīratāṃ jaladhiṣu sthiratāṃ nageṣu
vistīrṇāṃ ⸤ca nabhasi vyadhitātha vedhāḥ||18||
prekṣāvato py avihitaupayikaprayoga-
śūnyāna⸤bhīkṣṇam adhikurvata eva tīkṣṇāḥ|
cakṣuṣmato pi caraṇeṣv avadhānavandhyān
vidhyanti ka⸤ṇṭakaśikhā niśitā avaśyam_||19||
kālādhisādhanam avekṣitam arthasiddhi⸤m
abhyarṇatāṃ nayati niṣpratighaṃ jigīṣoḥ|
tan nirvyapekṣamanasāṃ nayaśāsaneṣu
do⸤rdaṇḍadarparabhaso vinipātahetuḥ||20||
pātālamandiranivāsadṛḍhāndhakāra-
⸤saṃsargajihmitadṛśo ditijādhināthāḥ|
dhārākṛśānujaṭilaṃ yudhi yasya cakra⸤m
uṣṇāṃśumaṇḍalam ivekṣitum apy aśaktāḥ||21||
saṅgrāmam ūrdhani vipūrayituṃ na ye⸤na
yatnād api sphuṭam apāryata pāñcajanyaḥ|
niśśvāsanunnahṛdayāspadasaptalo⸤ka-
saṃsthānaruddhavikaṭānanarandhramārgaḥ||22||
vaktrāmṛtāṃśuviniveśitapāñcaja⸤nya-
śaṅkhārpitāṃ kuṭilatām iva yasya bibhrat_|
ceto nisargasaralaṃ ripuvañcanaika-
kā⸤ryaprapañcaracanācaturatvam āpat_||23||
yasya vyalokata sudhāharaṇābhiyoge
⸤līlāpurandhrivapuṣaḥ kucakumbhayugmam_
vakṣassthalīsarabhasotthitagūḍhanābhi
⸤rūḍhārabindamukuladvayaśobhi daityaiḥ||24||
yattīkṣṇakoṭikarajakṣatijṛmbhamā⸤ṇa-
lajjākulā kulavadhūr iva dṛṣṭimārge|
bhartuḫ punar na tijādhipater atiṣṭha-
dābaddha⸤hāsasuracakravilokitā śrīḥ||25||
daṃṣṭrāśaśāṅkakalikāśakalaikade⸤śa-
koṇoddhṛtām abhisamīkṣya babhūva yaḥ kṣmām_|
ghoṇādarīvivaraghūrṇitasaptaLloka-
līlāvarāharacanādarasambhṛtaśrīḥ||26||
yasyātimantharagater vali⸤vañcanārtham
āgacchatastanuradṛśyata saśramāmbhāḥ||
saṃkocitāvayavasaṅkaṭasa⸤ndhiroma-
kūpāntarocchalitasindhujaleva daityaiḥ||27||
ākrāmatastribhuvanaṃ va⸤lirājalakṣmī-
nirvāsanāya navavibhramaṇḍanaśrīḥ|
ādhāya yasya surasiddha⸤vadhūkapola-
bhāgeṣu pādanakhadīdhitimañjarībhiḥ||28||
utkhāya nandanavanā⸤dupanīta eva
yena drume bhavanakānanabhūmibhāgam_
ālokyatāpy anavataṃsita⸤tadvinidra-
puṣpe vikāsitadṛśā dayitānane śrīḥ||29||
yaḥ prāpya ballava⸤kulasthitim abhranīlam
antarnirgūḍham aparaṃ bibharāṃ cakāra|
tatkālabaddhahṛda⸤yāspadasindhukanyā-
gāḍhopagūḍhanarasād iva bāhuyugmam_||30||
adyāpi ⸤śaiśavabhṛtā damitasya yena
śalyāyate śirasi kāliyapannagasya||
vinyasta⸤pādabharabhagnam udaṃśumālam
antaḥsphuratpṛthuphaṇāmaṇicakravālam_||31||
⸤aśrūyatānurahasam pratipannagopa-
veśasya yasya rabhasād vrajasundarībhiḥ|
gīta⸤dhvaniś śvasitakampitagūḍhanābhi-
rūḍhābjakesaraparāgakaṣāyakaṇṭhaḥ||32||
⸤vakṣassthale ghaṭitasannidhirūḍhagūḍha-
rāgāvataṃsahṛdayādriśilāviśāle|
⸤sā yasya ṣoḍaśanitambavatīsahasra-
gāḍhopagūhanaraśena nipīḍitā śrīḥ||33||
⸤so nekanākinikurumbapurandhriloka-
vaktrābjahāsaghaṭanāravimbimbacakraḥ|
⸤kālakrameṇa harirapyaribhaṅgaśauṇḍa-
dordaṇḍadṛptamanaso ditijāñjaghāna||34||
⸤caturdaśabhiḥ kulakam_||
kāryeṣu kālamusulānuguṇavyavasthām
abhyetya tiṣṭha⸤ti ciraṃ taramāpi lakṣmīḥ|
sālaktakaṃ caraṇam ambujaṣaṇḍagarbha-
saṃcāralagna⸤makarandam ivodvahantī||35||
nyāyyaṃ tad etad iha tāvad upaplave pi
kurvanti yan na ⸤jagati sthitibhaṅgamāryāḥ|
maryādayā virahitāḫ pralayāgame pi
kiṃ vācyatāṃ ⸤jaladhayo bhuvane na yātāḥ||36||
vistīrṇatāvayavaleśalavo pi tāva-
dasyānva⸤kāri na mayā hṛdayasya kaṣṭam_
śmāyate mbaram itīva gṛhītacintam
etat tavo⸤cchvasitadhūmaśikhāvalīḍham_||37||
uddāmadarpanikaṣāṅkariṇo vihāya
Lviṣyandidānajalanirjharadhautagaṇḍān_|
pṛṣṭhe kuraṅgakaśiśoẖ karakālacakra⸤m
utplutya pātayitum icchasi nāsi siṃhaḥ||38||
tenojjhitāṃ gaṇapate rabhaso yama⸤sta-
nītiprapañcalaghuko vijigīṣubāhyaḥ|
kāryāntareṣv anugamavyatirekadṛ⸤ṣṭa-
sāreṣu sāraguravo nahi viplavante||39||
ulāsyamānakuṭilabhrukuṭipra⸤bandha-
baddhāndhakāragahane pi mukhendubimbe|
vyaktiṃ ca dadhattava gaṇādhipa roṣa e⸤ṣa
kasyāspadaṃ vimalaśāstradṛśo na kuryāt_||40||
ābaddhasambhramasurāsuracakra⸤vāla-
dṛṣṭāsya yadyapi tamaḥpaṭalāsitaśrīḥ|
avyāhatā tava gaṇādhipakhaḍga⸤yaṣṭir
eṣā raṇeṣu bhuvanakṣayakālarātriḥ||41||
saṃrambhamoharabhasapratipatti⸤śūnyam
icchāmi samprati tathāpi nayānusāram_|
kārye pi kartum adhunārya viparya⸤ye pi
siddher bhavet kvacana yena na vācyatā vaḥ||42||
abhyutpatañjalabhṛtas stanato ni⸤hantuṃ
kiṃ vikrameṇa vinipātaphalena kuryāt_|
paryastadānajalakuñjarakumbhapīṭha-
⸤kuṭṭākakoṭikarajakrakaco pi siṃhaḥ||43||
saṃhārakālaśikhino jaladhā⸤rayābhra-
khaṇḍaś śikhāhatim iva jvalitasya kartum_
kas samprahārarabhasaprati⸤ṣedharaukṣyam
īśas tava pramathanātha girāthavā syāt_||44||
nissaṅkhyasaṅkhyakuśala⸤pratipakṣapakṣa-
maghnanbhavān iva na nirvṛtimeti śuṣmī||
aurvāgnir ekam api ti⸤ṣṭhati kiṃ muhūrtam
udvīcimaṇḍalam abhasmamayanpayodhim_||45||
śūlī vikī⸤rṇaśikhi śūlam idaṃ vikṛṣya
śārṅga ca saṅgaramukhesu rathāṅgapāṇiḥ|
cakrīkṛta⸤tanudhanuḥ tarasā bhavāṃś ca
dordaṇḍadṛptamanaso dalayantu daityān_||46||
pīnonnatāṃ⸤saśikharasya raṇāmburāśi-
helāviloḍananirargalamandarādreḥ|
doṣṇaḥ paribhra⸤maṇamaṇḍalitaẖ kṛpāṇa-
paṭṭo bibharti tava vāsukibhogalīlām_||47||
tvām a⸤ntareṇa raṇakānanasīmni kasya
pīnonnatadviradakumbhakucābhighātaiḥ|
śyāmā ⸤nināya karavālalatā vikāsa-
lakṣmīṃ yaśaḥ kuravakadrumacakravālam_||48||
⸤gambhīratāṃ dadhati tāvaka eva dhairyam
āsthāṃ babandha hṛdaye tra viśālasattve|
pātā⸤larandhram apahāya kṛtapratiṣṭham
anyatra kiṃ jalanidher avadhāryate mbhaḥ||49||
kin tu Lbravīmi paralokajigīṣayettham
abhyujjhitaḥ prathamamaupayikaṃ vimohāt_|
⸤daṇḍe gaṇādhipa tava kramayogabhāji
naivāśramāntara iva dhruvam asti siddhiḥ||⸤50||
lokānusārasaralaṃ nayavartma tāvad
etan mayedṛśam iti vyapadiśyate vaḥ|
de⸤vaḥ śubhāśubhamataḥ parameṣa vītti
gaurīpatirjagad upaplavasindhusetuḥ||51||
⸤iti taralitaratnasragvivṛtyāndhakāra-
cchidamanugatanītiṃ bhāratīṃ tasya vaktrāt_
⸤śaśabhṛta iva bimbāccandrikāṃ niṣpatantīm
avihati kumudaugho rājaloko bhya⸤nandat_||52||
iti śrī rājānaka rattnaviracite haravijaye mahākāvye vahni⸤garbhanītisandarbho nāma daśamaḥ sargaḥ||