tigmapratāpatapanātapa eva yasya
saṃkocitārikulakīrtikumudvatīkaḥ |
rūḍhaṃ jagattrayasarasyanayadvikāsa-
lakṣmīṃ vipāṇḍurayaśaḥśatapattrakhaṇḍam || 1 ||
Kāvyamālā 22, OCR
- , ,
- Known as: , (NCC).
- Siglum: KOCR
Kāvyamālā from OCR-Here only canto 3
More ▾
| Title | Haravijaya |
| Commentary | Viṣamapadoddyota |
| Author | Ratnākara |
| Commentator | Alaka |
| Physical description | |
|---|---|
| Language/Script | [Sanskrit in Latin script.] |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- KOCR
Ldaśamaḥ sargaḥ |
L⸤tigmetyādi śithilitanāgabandho jūṭaḥ kapardo yasya tādṛśaṃ śiro vidhūya vahnigarbho ⸤nāma gaṇo giram ujjagārety ekādaśabhiḥ kulakam_ | ucchvāsītyādikam asyaivāntaryugalakam_ || 1 ⸤||
ucchvāsiśeṣaphaṇapāṇḍurapuṇḍarīka-
khaṇḍopasevanadhiyeva rasātalāntaḥ |
krauñcādrikuñjavivarotthitahaṃsayūtha-
mārgānusārarabhasād iva diṅmukheṣu || 2 ||
2 ||
vispaṣṭagaurakarasūtrasudhāmayūkha-
rekhāmṛṇālaśakalaspṛhayeva nāke |
yasyāniśaṃ dhavalapakṣabalena kīrti-
haṃsī savibhramam iti bhramati trilokyām || 3 ||
karā eva sūtrāṇi tantavo yasya | sudhāmayūkhaḥ śaśī | tatkalaiva bisakhaṇḍam_ | ⸤dhavaṃ bhartāraṃ lānti gṛhṇantīti dhavalāḥ svāmyanuyāyinaḥ śubhrāś ca | pakṣāḥ sahāyā aṅga⸤ruhāś ca || 3 ||
⸤(yugalakam_)
gaṇḍasthalaṃ samiti yasya vipakṣabhaṅga-
rāgotthapīnapulakābharaṇaṃ babhāse |
lakṣmyā vicumbitam ivādhiśayānayāṃsa-
kūṭopadhānavikaṭonnatabāhuśayyām || 4 ||
aṃsaśikhara evopadhānaṃ gaṇḍakaṃ yasyām_ || 4 ||
paryantabahagaviśarārutaraṅgabhaṅga-
sindhuplavā bhujagarājaphaṇāsvamandam |
preṅkhattarā vasumatī balabhārabhūri-
khedākulā calati digvijayāya yasmin || 5 ||
vasumatī bhūmiḥ śeṣaphaL⸤ṇāsu preṅkhattarā atīva dolāyitābhūt_ | sindhuplavaḥ samudrāṇāṃ salilapūraḥ || 5 ||
Lyena prakīrṇakagaṇāḥ surakuñjareṇa
bhagnā mṛgāṅkadhavalāḥ pratipakṣalakṣmyāḥ |
niṣkṛṣṭakoṭimukhanirgatasūkṣmasūtra-
jālā mṛṇālavalayā iva paṅkajinyāḥ || 6 ||
prakī⸤rṇakagaṇāś cāmaraughāḥ | pūjyaḥ suraḥ surakuñjaraḥ | ‘vṛndārakanāgakuñjaraiḥ pūjyamānam_’ iti
⸤samāsaḥ | surasaṃbandhī ca kuñjaro gajaḥ || 6 ||
yasyonmadadviradakumbhavibhedamukta-
saṃsaktamauktikaśikhānikarāvakīrṇaḥ |
kṣīrāhutīr iva mumoca yudhi pratāpa-
vahnāvarīndhanasamedhitadhāmni khaḍgaḥ || 7 ||
śikhā raśmayaḥ || 7 ||
yasmin samuccalati voḍhum ivāntarikṣa-
nirdhūtadhūlidharaṇīvalayaṃ dvitīyam |
bhāty utthitaṃ kṣitibhṛtāṃ dhavalātapattra-
khaṇḍacchalena pṛthuśeṣaphaṇāsahasram || 8 ||
antarikṣe prasāritā ⸤dhūlir eva bhūmaṇḍalam_ || 8 ||
suśliṣṭamadhyaghaṭitāspadapadmarāga-
pīṭhojjvalām amalahāralatāṃ dadhānaḥ |
āndolanāya racitāṃ sthagitāntarikṣa-
vistāribāhuvanadevatayeva dolām || 9 ||
padmarāga eva pīṭham_, padmarāgāṇāṃ ca pīṭham āsanam_ | ā⸤ndolanaṃ preṅkhaṇam_ || 9 ||
bibhradvikāsipuṭatārakadṛṣṭipūrṇa-
gaṇḍasthalaṃ śaśisitasmitaśobhivaktram |
ādhūya kopaśithilīkṛtabhogibaddha-
jūṭaṃ śirolulitapiṅgajaṭākalāpam || 10 ||
10 ||
dantaprabhādhavalabhāsam anekamārga-
vṛttiṃ manoharapadojjvalavarṇahaṃsām |
Lgāmbhīryasindhughaṭitāṃ giram ujjagāra
jahnur bhagīrathasutām iva vahnigarbhaḥ || 11 ||
anekatra mārge saṃdhivigrahayātrādau bhuvanatraye ca vṛttiL⸤yasyāḥ | ujjvalāś cāravo varṇahaṃsāḥ praśastānyakṣarāṇi yasyām_, ujjvalavarṇāś ca sitarū⸤cayo haṃsāḥ pakṣiṇo yasyām_ | ‘yasya prasādād ākāre krodhaharṣabhayādayaḥ | bhāvasthā nopala⸤bhyante tadgāmbhīryam udāhṛtam_’ || 11 ||
⸤(ekādaśabhiḥ kulakam_)
vākyaṃ prabhāmaya yad ittham udāttam āttha
tenābhidhātum adhunāham api pravṛttaḥ |
sarvo 'nubhāvagarimā sa mukhānilasya
śabdāyate śrutisukhaṃ yad atīva veṇuḥ || 12 ||
udāttam udbhaṭam_ | śabdāyate śabdaṃ karoti | ⸤‘śabdavairakalahābhrakaṇvameghebhyaḥ karaṇe’ iti kyap_ || 12 ||
vākyaṃ vacasvijanadurvacam ittham eta-
d adyāmalaṃ tvadaparaḥ ka ivābhidadhyāt |
syāt kaścid eva sa maṇir nanu śātakumbha-
niṣṭhīvitā jagati yasya mata prasūtim || 13 ||
śātakumbhaṃ vamati yo maṇiḥ ⸤sa kaścid eva syamantakākhyo nāparaḥ || 13 ||
yeṣāṃ nisargavimalatvam upādadhānā
nārthān prakāśayati dīpaśikheva buddhiḥ |
krodhāndhakāragahane pravijṛmbhamāṇe
te 'ndhībhavanti nanu satsv api locaneṣu || 14 ||
arthāḥ kāryāṇi ghaṭādayaś ca bhāvāḥ || 14 ||
bibhrāṇayā vimalatām adhikaṃ dhiyaiva
mohaṃ vyapohati viśāradimānam āptaḥ |
dikcakravālavinirodhi vijṛmbhamāṇa-
m andhaṃ tamas tirayati prabhayaiva bhānuḥ || 15 ||
⸤viśāradimā pāṇḍityaṃ tam avāptaḥ sudhīḥ svapratibhayaiva mohaṃ mohajanakaṃ śatrum unmūlayati | ⸤yad uktam_—‘buddhyaivopakramas tāvat phalaniṣpattaye sadā | kvacit kalyāṇamittrasya śasyate siṃ⸤havṛttitā || na kiṃcit kvacid astīha vastv aśakyaṃ vipaścitām_ | ayo 'bhedyam upāyena dravatvaL⸤m upanīyate ||’ iti | andhayatīty andham āndhyahetuḥ || 15 ||
Lcandrodaye 'pi jaladhiḥ stimitatvam eti
vidyullatāpi parimuñcati cañcalatvam |
tigmāṃśumaṇḍalam api grasate na rāhuḥ
prajñāvatā naya iha pravitanyamāne || 16 ||
16 ||
traividyavṛddharacitaṃ nayavartma śaśva-
d ātasthuṣaḥ sthiravipakṣajito vijetuḥ |
lakṣmīr na muñcati kadācana cañcalāpi
dīprā rucir dinapater iva maṇḍalāgram || 17 ||
‘trayīvidyā daṇḍanī⸤tiritividyā hi mānavāḥ | trayyā eva vibhāgo 'yaṃ yeyam ānvīkṣikī kila ||’ iti ⸤tisro vidyāḥ | tā adhīyate vidanti vā traividyāḥ teṣu madhye vṛddhā nipuṇadhiyo bṛhaspa⸤timukhāḥ | pakṣāntare tisra eva vidyās traividyaṃ vedatrayam_ | tatra vṛddho brahmā | ṣyañ atra ⸤svārthe | cāturvarṇyādidarśanāt_ | ‘halo yamāṃ yami—’ iti lopaḥ | sthirā vipakṣāḥ ⸤kāmakrodhalobhamānamadaharṣāḥ ṣaḍāntarāḥ śatravaḥ tamāṃsi ca | maṇḍalāgraḥ khaḍgaḥ maṇḍalasya ⸤cāgraṃ purobhāgaḥ || 17 ||
śaṅke samāpya mahatāṃ hṛdayeṣu pūrva-
m īṣat tadaṃśaparamāṇulavāvaśeṣam |
gambhīratāṃ jaladhiṣu sthiratāṃ nageṣu
vistīrṇatāṃ ca nabhasi vyadhitātha vedhāḥ || 18 ||
mahatāṃ hṛdayeṣu prathamaṃ gambhīratāṃ parisamāpya tato niścitam a⸤bdhyādiṣu tāṃ vidhir vihitavān_ | tasya hṛdayavartino gāmbhīryatvāder aṃśa ekadeśas tasya yaḥ ⸤paramāṇurūpo lavas tato 'vaśiṣṭām_ || 18 ||
prekṣāvato 'py avihitaupayikaprayoga-
śūnyān abhīkṣṇam adhikurvata eva tīkṣṇāḥ |
cakṣuṣmato 'pi caraṇeṣv avadhānavandhyā-
n vidhyanti kaṇṭakaśikhā niśitā avaśyam || 19 ||
upāyā evaupayikāḥ sāmadānabhedadaṇḍāḥ | ⸤‘upāyād dhrasvatvaṃ ca’ iti ṭhak_ | adhikurvate 'bhibhavanti | ‘adheḥ prahasane’ iti taṅ_ | ⸤tīkṣṇāḥ sūkṣmamatayaḥ || 19 ||
kālādisādhanam avekṣitam arthasiddhi-
m abhyarṇatāṃ nayati niṣpratighaṃ jigīṣoḥ |
Ltan nirvyapekṣamanasāṃ nayaśāsaneṣu
dordaṇḍadarparabhaso vinipātahetuḥ || 20 ||
kālaḥ śaratsamayaḥ | prāyaḥ sa eva vijigīṣūṇāṃ vijiL⸤gīṣāyogyaḥ | sādhanam upakaraṇam_ || 20 ||
pātālamandiranivāsadṛḍhāndhakāra-
saṃsargajihmitadṛśo ditijādhināthāḥ |
dhārākṛśānujaṭilaṃ yudhi yasya cakra-
m uṣṇāṃśumaṇḍalam ivekṣitum apy aśaktāḥ || 21 ||
pātāletyādi | so 'pi hariḥ kālakrameṇaiva ⸤daityāñ jaghāneti caturdaśabhiḥ kulakam_ | jihmitā mandīkṛtā || 21 ||
saṅgrāmamūrdhani vipūrayituṃ na yena
yatnād api sphuṭam apāryata pāñcajanyaḥ |
niḥśvāsanunnahṛdayāspadasaptaloka-
saṃsthānaruddhavikaṭānanarandhramārgaḥ || 22 ||
22 ||
vaktrāmṛtāṃśuviniveśitapāñcajanya-
śaṅkhārpitāṃ kuṭilatām iva yasya bibhrat |
ceto nisargasaralaṃ ripuvañcanaika-
kāryaprapañcaracanācaturatvam eti || 23 ||
23 ||
yasya vyalokyata sudhāharaṇābhiyoge
līlāpuraṃdhrivapuṣaḥ kucakumbhayugmam |
vakṣaḥsthalīsarabhasotthitagūḍhanābhi-
rūḍhāravindamukuladvayaśobhi daityaiḥ || 24 ||
24 ||
yattīkṣṇakoṭikarajakṣatijṛmbhamāṇa-
lajjākulā kulavadhūr iva dṛṣṭamārge |
bhartuḥ punar na ditijādhipater atiṣṭha-
d ābaddhahāsasuracakravilokitā śrīḥ || 25 ||
L⸤ditijādhipatir hiraṇyakaśipuḥ || 25 ||
daṃṣṭrāśaśāṅkakalikāśakalaikadeśa-
koṇoddhṛtām abhisamīkṣya babhūva yaḥ kṣmām |
Lghoṇādarīvivaraghūrṇitasaptaloka-
līlāvarāharacanādarasaṃbhṛtaśrīḥ || 26 ||
koṇaḥ prāntaḥ | ghoṇā nāsikā || 26 ||
yasyātimantharagater valivañcanārtha-
m āgacchatas tanur adṛśyata saśramāmbhāḥ |
saṃkocitāvayavasaṃkaṭasaṃdhiroma-
kūpāntarocchalitasindhujaleva daityaiḥ || 27 ||
27 ⸤||
ākrāmatas tribhuvanaṃ valirājalakṣmī-
nirvāsanāya navavibhramamaṇḍanaśrīḥ |
ādhāyi yasya surasiddhavadhūkapola-
bhāgeṣu pādanakhadīdhitimañjarībhiḥ || 28 ||
28 ||
utkhāya nandanavanād upanīta eva
yena drume bhavanakānanabhūmibhāgam |
ālokyatāpy anavataṃsitatadvinidra-
puṣpe vikāsitadṛśā dayitānane śrīḥ || 29 ||
drume pārijātatarau nijagṛhakānanam ānīte sati pārijātakusumāvataṃsarahite 'pi ⸤śrīmukhe yena śobhā adṛśyata | tadapaharaṇenaiva tasyāḥ paritoṣāt_ || 29 ||
yaḥ prāpya ballavakulasthitim abhranīla-
m antarnigūḍham aparaṃ bibharāṃcakāra |
tatkālabaddhahṛdayāspadasindhukanyā-
gāḍhopagūhanarasād iva bāhuyugmam || 30 ||
ballavā gopāḥ | ⸤abhraṃ nabhaḥ | sindhukanyā lakṣmīḥ || 30 ||
adyāpi śaiśavabhṛtā damitasya yena
śalyāyate śirasi kāliyapannagasya |
vinyastapādabharabhagnamudaṃśumāla-
m antaḥsphuratpṛthuphaṇāmaṇicakravālam || 31 ||
31 ||
aśrūyatānurahasaṃ pratipannagopa-
veṣasya yasya rabhasād vrajasundarībhiḥ |
Lgītadhvaniḥ śvasitakampitagūḍhanābhi-
rūḍhābjakesaraparāgakaṣāyakaṇṭhaḥ || 32 ||
anurahasaṃ rahasi | ‘anvavataptādraL⸤hasaḥ’ ity ac_ | vrajo ghoṣaḥ, tatra sundaryo gopikāḥ | kaṣāyo madhuraḥ || 32 ||
vakṣaḥsthale ghaṭitasaṃnidhirūḍhagūḍha-
rāgāvataṃsahṛdayādriśilāviśāle |
sā yasya ṣoḍaśanitambavatīsahasra-
gāḍhopagūhanavaśena nipīḍitā śrīḥ || 33 ||
gūḍhaḥ ⸤sapatnīsaṃnidhāvaprabuddho rāga evāvataṃso yasya tādṛkceto dhṛtaṃ yayā || 33 ||
so 'nekanākinikurambapuraṃdhriloka-
vaktrābjahāsaghaṭanāravimbimbacakraḥ |
kālakrameṇa harir apy aribhaṅgaśauṇḍa-
dordaṇḍadṛptamanaso ditijāñ jaghāna || 34 ||
hāsaḥ smitaṃ ⸤vikāsaś ca, tad ghaṭanāyāṃ ravibimbaṃ cakraṃ sudarśano yasya | śauṇḍaḥ prasaktaḥ || 34 ||
⸤(caturdaśabhiḥ kulakam_)
kāryeṣu kālamusalānuguṇavyavastha-
m abhyetya tiṣṭhati ciraṃ taralāpi lakṣmīḥ |
sālaktakaṃ caraṇam ambujakhaṇḍagarbha-
saṃcāralagnamakarandam ivodvahantī || 35 ||
kā⸤ryeṣu kṛtyavastuṣv anuguṇā kālādyapekṣaṇenocitā vyavasthā niyamo yasya tādṛśaṃ puruṣam abhyetya ⸤calāpi lakṣmīś ciraṃ tiṣṭhati tasmān na calati || 35 ||
nyāyyaṃ tad etad iha tāvad upaplave 'pi
kurvanti yan na jagati sthitibhaṅgamāryāḥ |
maryādayā virahitāḥ pralayāgame 'pi
kiṃ vācyatāṃ jaladhayo bhuvane na yātāḥ || 36 ||
36 ||
vistīrṇatāvayavaleśalavo 'pi tāva-
d asyānvakāri na mayā hṛdayasya kaṣṭam |
śyāmāyate 'mbaram itīva gṛhītacinta-
m etat tavocchvasitadhūmaśikhāvalīḍham || 37 ||
dhūmaśikhāchuritatvād gṛhīL⸤tacintam evaitad ākāśaṃ śyāmāyate malinībhavati || 37 ||
Luddāmadarpanikaṣān kariṇo vihāya
viṣyandidānajalanirjharadhautagaṇḍān |
pṛṣṭhe kuraṅgakaśiśoḥ karakālacakra-
m utplutya pātayitum icchasi nāsi siṃhaḥ || 38 ||
kuraṅgakaśiśor ity anyoktyā⸤ndhakasya nirdeśaḥ | kara eva kālasya mṛtyoś cakram_ | nāsi na bhavasi || 38 ||
tenojjhyatāṃ gaṇapate rabhaso 'yam asta-
nītiprapañcalaghuko vijigīṣubāhyaḥ |
kāryāntareṣv anugamavyatirekadṛṣṭa-
sāreṣu sāraguravo nahi viplavante || 39 ||
39 ||
ullāsyamānakuṭilabhrukuṭiprabandha-
baddhāndhakāragahane 'pi mukhendubimbe |
vyaktiṃ dadhat tava gaṇādhipa roṣa eṣa
kasyāspadaṃ vimalaśāstradṛśo na kuryāt || 40 ||
40 ⸤||
ābaddhasaṃbhramasurāsuracakravāla-
dṛṣṭāsya yadyapi tamaḥpaṭalāsitaśrīḥ |
avyāhatā tava gaṇādhipakhaḍgayaṣṭi-
r eṣā raṇeṣu bhuvanakṣayakālarātriḥ || 41 ||
41 ||
saṃrambhamoharabhasapratipattiśūnya-
m icchāmi saṃprati tathāpi nayānusāram |
kārye 'pi kartum adhunārya viparyaye 'pi
siddher bhavet kvacana yena na vācyatā vaḥ || 42 ||
he ārya, saṃrambhamohena krodhāndhatayā rabhasena pravṛttiravimṛśyakāritā tayā ⸤rahitam iha kārye nayānusaraṇam idānīm icchāmi | yasmād adhunā nayaprayoge sati kāryasya ⸤daivād asiddhāv api na kadācid vācyatāyogaḥ | uktaṃ ca—‘yat tu samyag upakrāntaṃ kāryam eti ⸤viparyayam_ | pumāṃs tatrānupālabhyo daivāntaritavikramaḥ ||’ iti || 42 ||
abhyutpatañjalabhṛtaḥ stanato nihantuṃ
kiṃ vikrameṇa vinipātaphalena kuryāt |
Lparyastadānajalakuñjarakumbhapīṭha-
kuṭṭākakoṭikarajakrakaco 'pi siṃhaḥ || 43 ||
kuṭṭākāḥ kuṭṭaL⸤m aśīlāḥ | ‘jalpabhikṣakuṭṭa—’ iti ṣākan_ || 43 ||
saṃhārakālaśikhino jaladhārayābhra-
khaṇḍaḥ śikhāhatim iva jvalitasya kartum |
kaḥ saṃprahārarabhasapratiṣedharaukṣya-
m īśas tava pramathanātha girāthavā syāt || 44 ||
saṃprahāraḥ saṃkhyaṃ ca yuddham_ || 44 ||
niḥsaṃkhyasaṃkhyakuśalapratipakṣapakṣa-
m aghnanbhavān iva na nirvṛtim eti śuṣmī |
aurvāgnir ekam api tiṣṭhati kiṃ muhūrta-
m udvīcimaṇḍalam abhasmamayan payodhim || 45 ||
⸤śuṣmī tejasvī || 45 ||
śulī vikīrṇaśikhi śūlam idaṃ vikṛṣya
śārṅgaṃ ca saṃgaramukheṣu rathāṅgapāṇiḥ |
cakrīkṛtatanudhanustarasā bhavāṃś ca
dordaṇḍadṛptamanaso dalayantu daityān || 46 ||
46 ||
pīnonnatāṃsaśikharasya raṇāmburāśi-
helāviloḍananirargalamandarādreḥ |
doṣṇaḥ paribhramaṇamaṇḍalitaḥ kṛpāṇa-
paṭṭo bibharti tava vāsukibhogalīlām || 47 ||
47 ||
tvām antareṇa raṇakānanasīmni kasya
pīnonnatadviradakumbhakucābhighātaiḥ |
śyāmā nināya karavālalatā vikāsa-
lakṣmīṃ yaśaḥkurabakadrumacakravālam || 48 ||
śyāmā nāyikāpi || 48 ||
gambhīratāṃ dadhati tāvaka eva dhairya-
m āsthāṃ babandha hṛdaye 'tra viśālasattve |
Lpātālarandhram apahāya kṛtapratiṣṭha-
m anyatra kiṃ jalanidher avadhāryate 'mbhaḥ || 49 ||
āsthā sthitiḥ L⸤|| 49 ||
kiṃ tu bravīmi paralokajigīṣayettha-
m abhyujjhataḥ prathamam aupayikaṃ vimohāt |
daṇḍe gaṇādhipa tava kramayogabhāji
naivāśramāntara iva dhruvam asti siddhiḥ || 50 ||
kiṃ tv iti | yadyapy evam ūrjasvī asi tathāpi prathamam upāyaṃ sāma, bhedāpekṣayā ca ⸤dānam_, daṇḍāpekṣayā ca bhedaṃ pariharatas tava daṇḍe caturtha upāye nāsti siddhiḥ | tasya ⸤kramaprayojyatvāt_ | ‘pūrvapūrvāsiddhau paraḥ paraḥ prayujyate’ iti hi nītijñāḥ | āśramāntara ⸤iva | yathā prathamam aupayikaṃ brahmacaryādikam abhyudayopāyam abhyujjhataḥ kasyacic caturthāśrame ⸤yatitve na bhavati siddhis tathā te daṇḍa ityarthaḥ | yathaivāśramāḥ kramopasevitāḥ phalasiddhyai prabha⸤vanti tathaivopāyā iti yāvat_ | paralokaḥ śatrujanaḥ prakṛṣṭaś ca loko mokṣākhyaḥ | ji⸤gīṣā paribhavodyamaḥ prāptīcchā ca | yogaḥ prayuktiḥ samādhiś ca || 50 ||
lokānusārasaralaṃ nayavartma tāva-
d etan mayedṛśam iti vyapadiśyate vaḥ |
devaḥ śubhāśubham ataḥ parameṣa vetti
gaurīpatir jagad upaplavasindhusetuḥ || 51 ||
loko loka⸤vṛttam_ || 51 ||
iti taralitaratnasragvivṛttyāndhakāra-
cchidam anugatanītiṃ bhāratīṃ tasya vaktrāt |
śaśabhṛta iva bimbāc candrikāṃ niṣpatantī-
m avihati kumudaugho rājaloko 'bhyanandat || 52 ||
taralitā ratnasrag yatra tathākṛtvā parivṛttyā tadīyāṃ giram avihati nirargalaṃ ⸤kṛtvā prasarantīṃ gaṇapatiloko 'bhyanandadastauṣīt_ | andhakāro mohas tamaś ca || 52 ||
⸤iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave rājānaka ⸤śrīratnākarasya kṛtau ratnāṅke haravijaye mahākāvye vahnigarbhanīti⸤saṃdarbho nāma daśamaḥ sargaḥ |
iti rājānakajayānakasūnor alakasya kṛtau haravijayaviṣamapadoddyote daśamaḥ sargaḥ ||