tigmapratāpatapanātapa eva yasya
saṃkocitārikulakīrtikumudvatīkaḥ|
rūḍhaṃ jagattrayasarasyanayadikāsa-
lakṣmīṃ vipāṇḍurayaśaḥśatapattrakhaṇḍam||1||
Kāvyamālā 22, E Text Acharya
- , ,
- Known as: , (NCC).
- Siglum: K
[description of manuscript]
More ▾
| Title | Haravijaya |
| Commentary | [title of commentary] |
| Author | [author] |
| Commentator | [commentator] |
| Physical description | |
|---|---|
| Language/Script | [Sanskrit in Latin script.] |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- K
L
L
L
L
daśamaḥ sargaḥ|
ucchvāsiśeṣaphaṇapāṇḍurapuṇḍarīka-
khaṇḍopasevanadhiyeva rasātalāntaḥ|
krauñcādrikuñjavivarotthitahaṃsayūtha-
mārgānusararabhasādiva diṅmukheṣu||2||
vispaṣṭagaurakarasūtrasudhāmayūkha-
rekhāmṛṇālaśakalaspṛhayevva nāke|
yasyāni'saṃ dhavalapakṣabalena kīrti-
haṃsī savibhramamiti bhramati trilokyām||3||
(yugalakam)
gaṇḍasthalaṃ samiti yasya vipakṣabhaṅga-
rāgotthapīnapulakābharaṇaṃ babhāse|
lakṣmyā vicumbitamivādhiśayānayāṃsa-
kūṭopadhānavikaṭonnatabāhuśayyām||4||
paryantabahagaviśarārutaraṅgabhaṅga-
sindhuplavā bhujagarājaphaṇāsvamandam|
preṅkhattarā vasumatī balabhārabhūri-
khedākulā calati digvijayāya yasmin||5||
yena prakīrṇakagaṇāḥ surakuñjareṇa
bhagnā mṛgāṅkadhavalāḥ pratipakṣalakṣmyāḥ|
niṣkṛṣṭakoṭimukhanirgatasūkṣmasūtra-
jālā mṛṇālavalayā iva paṅkajinyāḥ||6||
yasyonmadadviradakumbhavibhedamukta-
saṃsaktamauktikaśikhānikarāvakīrṇaḥ|
kṣīrāhutīriva mumoca yudhi pratāpa-
vahnāvarīndhanasamedhitadhāmni khaḍgaḥ||7||
yasminsamuccalati voḍhumivāntarikṣa-
nirdhūtadhūlidharaṇīvalayaṃ dvitīyam|
bhātyutthitaṃ kṣitibhṛtāṃ dhavalātapattra-
khaṇḍacchalena pṛthuśeṣaphaṇāsahasram||8||
suśliṣṭamadhyaghaṭitāspadapadmarāga-
pīṭhojjvalāmamalahāralatāṃ dadhānaḥ|
āndolanāya racitāṃ sthagitāntarikṣa-
vistāribāhuvanadevatayeva dolām||9||
bibhradvikāsipuṭatārakadṛṣṭipūrṇa-
gaṇḍasthalaṃ śaśisitasmitaśobhivaktram|
ādhūya kopaśithilīkṛtabhogibaddha-
jūṭaṃ śirolulitapiṅgajaṭākalāpam||10||
dantaprabhādhavalabhāsamanekamārga-
vṛttiṃ manoharapadojjvalavarṇahaṃsām|
L
gāmbhīryasindhughaṭitāṃ giramujjagāra
jahnurbhagīrathasutāmiva vahnigarbhaḥ|11||
(ekādaśabhiḥ kulakam)
vākyaṃ prabhāmaya yaditthamudāttamāttha
tenābhidhātumadhunāhamapi pravṛttaḥ|
sarvo 'nubhāvagarimā sa mukhānilasya
śabdāyate śrutisukhaṃ yadatīva veṇuḥ||12||
vākyaṃ vacasvijanadurvacamitthameta-
dadyāmalaṃ tvadaparaḥ ka ivābhidadhyāt|
syātkaścideva sa maṇirnanu śātakumbha-
niṣṭhīvitā jagati yasya mata prasūtim||13||
yeṣāṃ nisargavimalatvamupādadhānā
nārthānprakāśayati dīpaśikheva buddhiḥ|
krodhāndhakāragahane pravijṛmbhamāṇe
te 'ndhībhavanti nanu satsvapi locaneṣu||14||
bibhrāṇayā vimalatāmadhikaṃ dhiyaiva
mohaṃ vyapohati viśāradimānamāptaḥ|
dikcakravālavinirodhi vijṛmbhamāṇa-
mandhaṃ tamastirayati prabhayaiva bhānuḥ||15||
candrodaye 'pi jaladhiḥ stimitatvameti
vidyullatāpi parimuñcati cañcalatvam|
tigmāṃśumaṇḍalamapi grasate na rāhuḥ
prajñāvatā naya iha pravitanyamāne||16||
traividyavṛddharacitaṃ nayavartma śaśva-
dātasthuṣaḥ sthiravipakṣajito vijetuḥ|
lakṣmīrna muñcati kadācana cañcalāpi
dīprā rucirdinapateriva maṇḍalāgram||17||
śaṅke samāpya mahatāṃ hṛdayeṣu pūrva-
mīṣattadaṃśaparamāṇulavāvaśeṣam|
gambhīratāṃ jaladhiṣu sthiratāṃ nageṣu
vistīrṇatāṃ ca nabhasi vyadhitātha vedhāḥ||18||
prekṣāvato 'pyavihitaupayikaprayoga-
śūnyānabhīkṣṇamadhikurvata eva tīkṣṇāḥ|
cakṣupmato 'pi caraṇeṣvavadhānavandhyā-
nvidhyanti kaṇṭakaśikhā niśitā avaśyam||19||
kālādisādhanamaveks.itamarthasiddhi-
mabhyarṇatāṃ nayati niṣpratighaṃ jigīṣoḥ|
L
tannirvyapekṣamanasāṃ nayaśāsaneṣu
dordaṇḍadarparabhaso vinipātahetuḥ||20||
pātālamandiranivāsadṛḍhāndhakāra-
saṃsargajihmitadṛśo ditijādhināthāḥ|
dhārākṛśānujaṭilaṃ yudhi yasya cakra-
muṣṇāṃśumaṇḍalamivekṣitumapyaśaktāḥ||21||
saṅgrāmamūrdhani vipūrayituṃ na yena
yatnādapi sphuṭamapāryata pāñcajanyaḥ|
niḥśvāsanunnahṛdayāspadasaptaloka-
saṃsthānaruddhavikaṭānanarandhramārgaḥ||22||
vaktrāmṛtāṃ'suviniveśitapāñcajanya-
śaṅkhārpitāṃ kuṭilatāmiva yasya bibhrat|
ceto nisargasaralaṃ ripuvañcanaika-
kāryaprapañcaracanācaturatvameti||23||
yasya vyalokyata sudhāharaṇābhiyoge
līlāpuraṃdhrivapuṣaḥ kucakumbhayugmam|
vakṣaḥsthalīsarabhasotthitagūḍhanābhi-
rūḍhāravindamukuladvayaśobhi daityaiḥ||24||
yattīkṣṇakoṭikarajakṣatijṛmbhamāṇa-
lajjākulā kulavadhūriva dṛṣṭamārge|
bhartuḥ punarna ditijādhipateratiṣṭha-
dābaddhahāsasuracakravilokitā śrīḥ||25||
daṃṣṭrāśaśāṅkakalikāśakalaikadeśa-
koṇoddhṛtāmabhisamīkṣya babhūva yaḥ kṣmām|
L
ghoṇādarīvivaraghūrṇitasaptaloka-
līlāvarāharacanādarasaṃbhṛtaśrīḥ||26||
yasyātimantharagatervalivañcanārtha-
māgacchatastanuradṛśyata saśramāmbhāḥ|
saṃkocitāvayavasaṃkaṭasaṃdhiroma-
kūpāntarocchalitasindhujaleva daityaiḥ||27||
akrāmatastribhuvanaṃ valirājalakṣmī-
nirvāsanāya navavibhramamaṇḍanaśrīḥ|
ādhāyi yasya surasiddhavadhūkapola-
bhāgeṣu pādanakhadīdhitimañjarībhiḥ||28||
utkhāya nandanavanādupanīta eva
yena drume bhavanakānanabhūmibhāgam|
ālokyatāpyanavataṃsitatadvinidra-
puṣpe vikāsitadṛśā dayitānane śrīḥ||29||
yaḥ prāpya ballavakulasthitimabhranīla-
mantanirgūḍhamaparaṃ bibharāṃcakāra|
tatkālabaddhahṛdayāspadasindhukanyā-
gāḍhopagūhanarasādiva bāhuyugmam||30||
adyāpi śaiśavabhṛtā damitasya yena
śalyāyate śirasi kāliyapannagasya|
vinyastapādabharabhagnamudaṃśumāla-
mantaḥsphuratpṛthuphaṇāmaṇicakravālam||31||
aśrūyatānurahasaṃ pratipannagopa-
veṣasya yasya rabhasādvrajasundarībhiḥ|
L
gītadhaniḥ śvasitakampitagūḍhanābhi-
rūḍhābjakesaraparāgapāyakaṇṭhaḥ||32||
vakṣaḥsthale ghaṭitasaṃnidhirūḍhagūḍha-
rāgāvataṃsahṛdayādriśilāviśāle|
sā yasya ṣoḍaśanitambavatīsahastra-
gāḍhopagūhanavaśena nipīḍitā śrīḥ||33||
so 'nekanāskinikurambapuraṃdhriloka-
vaktrābjahāsaghaṭanāravimbimbacakraḥ|
kālakrameṇa harirapyaribhaṅgaśauṇḍa-
dordaṇḍadṛptamanaso ditijāñjaghāna||34||
(caturdaśabhiḥ kulakam)
kāryeṣu kālamusalānuguṇavyavastha-
mabhyetya tiṣṭhati ciraṃ taralāpi lakṣmīḥ|
sālaktakaṃ caraṇamambujakhaṇḍagarbha-
saṃcāralagnamakarandamivodvahantī||35||
nyāyyaṃ tadetadiha tāvadupaplave 'pi
kurvanti yanna jagati sthitibhaṅgamāryāḥ|
maryādayā virahitāḥ pralayāgame 'pi
kiṃ vācyatāṃ jaladhayo bhuvane na yātāḥ||36||
vistīrṇatāvayavaśelaśavo 'pi tāva-
dasyānvakāri na mayā hṛdayasya kaṣṭam|
śmāyate 'mbaramitīva gṛhītacinta-
metattavocchvasitadhūmaśikhāvalīḍham||37||
uddāmadarpanikaṣānkariṇo vihāya
viṣyandidānajalanirjharadhautagaṇḍān|
pṛṣṭhe kuraṅgakaśiśoḥ karakālacakra-
mutplutya pātayitumicchasi nāsi siṃhaḥ||38||
tenojjhyatāṃ gaṇapate rabhaso 'yamasta-
nītiprapañcalaghuko vijigīṣubāhyaḥ|
kāryāntareṣvanugmavyatirekadṛṣṭaḥ-
sāreṣu sāraguravo nahi viplavante||39||
ulāsyamānakuṭilabhrukuṭiprabandha-
baddhāndhakāragahane 'pi mukhendubimbe|
vyaktiṃ dadhattava gaṇādhipa roṣa eṣa
kasyāspadaṃ vimalaśāstradṛśo na kuryāt||40||
ābaddhasaṃbhramasurāsuracakravāla-
dṛṣṭāsya yadyapi tamaḥpaṭalāsitaśrīḥ|
avyāhatā tava gaṇādhipakhaḍgayaṣ.ṭi.-
reṣā raṇeṣu bhuvanakṣayakālarātriḥ||41||
saṃrambhoharabhasapratipattiśūnya-
micchāmi saṃprati tathāpi nayānusāram|
kārye 'pi kartumadhunārya viparyaye 'pi
siddherbhavetkvacana yena na vācyatā vaḥ||42||
abhyutpatañjalabhṛtaḥ stanato nihantuṃ
kiṃ vikrameṇa vinipātaphalena kuryāt|
L
paryastadānajalakuñjarakumbhapīṭha-
kuṭṭākakoṭikarajakrakaco 'pi siṃhaḥ||43||
saṃhārakālaśikhino jaladhārayābhra-
khaṇḍaḥ śikhāhatimiva jvalitasya kartum|
kaḥ saṃprahārarabhasapratiṣedharaukṣya-
mīśastava pramathanātha girāthavā syāt||44||
niḥsaṃkhyasaṃkhyakuśalapratipakṣapakṣa-
maghnanmavāniva na nirvṛtimeti śuṣmī|
aurvāgnirekamapi tiṣṭhati kiṃ muhūrta-
mudvīcimaṇḍalamabhasmamayanpayodhim|45||
śulī vikīrṇaśikhi śūlamidaṃ vikṛṣya
śārṅga ca saṃgaramukhesu rathāṅgapāṇiḥ|
cakrīkṛtatanudhanustarasā bhavāṃśca
dordaṇḍadṛptamanaso dalayantu daityān||46||
pīnonnatāṃsaśikharasya raṇāmburāśi-
helāviloḍananirargalamandarādreḥ|
doṣṇaḥ paribhramṇamaṇḍalitaḥ kṛpāṇa-
paṭṭo bibharti tava vāsukibhogalīlām||47||
tvāmantareṇa raṇakānanasīmni kasya
pīnonnatadviradakumbhakucābhighātaiḥ|
śyāmā nināya karavālalatā vikāsa-
lakṣmīṃ yaśaḥ kurabakadrumacakravālam||48||
gambhīratāṃ dadhati tāvaka eva dhairya-
māsthāṃ babandha hṛdaye 'tra viśālasattve|
L
pātālarandhramapahāya kṛtapratiṣṭha-
manyatra kiṃ jalanidheravadhāryate 'mbhaḥ||49||
kiṃ tu bravīmi paralokajigīṣayettha-
mabhyujjhataḥ prathamamaupayikaṃ vimohāt|
daṇḍe gaṇādhipa tava kramayogabhāji
naivāśramāntara iva dhruvamasti siddhiḥ||50||
lokānusārasaralaṃ nayavartma tāva-
detanmayedṛśamiti vyapadiśyate vaḥ|
devaḥ śubhāśubhamataḥ parameṣa vetti
gaurīpatirjagadupaplavasindhusetuḥ||51||
iti taralitaratnastragvivṛttyāndhakāra-
cchidamanugatanītiṃ bhāratīṃ tasya vaktrāt|
śaśabhṛta iva bimbāccandrikāṃ niṣpatantī-
mavihati kumudaugho rājaloko 'bhyanandat||52||
iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave rājānaka śrīratnākarasya kṛtau ratnāṅke haravijaye mahākāvye vahnigarbhanītisaṃdarbho nāma daśamaḥ sargaḥ|