iti sthite vākyam udīrya daityasaṅgrāmakāryaikarase gaṇendre |
sphuradvivakṣāvalitāṃsakūṭaḥ prabhāmayaḥ śāntamidaṃ babhāṣe || 1 ||
Kāvyamālā 22, OCR
- , ,
- Known as: , (NCC).
- Siglum: KOCR
Kāvyamālā from OCR-Here only canto 3
More ▾
| Title | Haravijaya |
| Commentary | Viṣamapadoddyota |
| Author | Ratnākara |
| Commentator | Alaka |
| Physical description | |
|---|---|
| Language/Script | [Sanskrit in Latin script.] |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- KOCR
⸤navamaḥ sargaḥ |
prabhāmayo nāma gaṇaḥ | śāntam anulbaṇam_ || 1 ||
Lyasyoddhatānvidviṣataḥ samūlaghātaṃ ghnatī yodhajanena nītiḥ |
alabdhayuddhotsavasaṃmadena prajñāparispandagurur jagāhe || 2 ||
yasyetyādi tasya prabhāmayasya dantaprabhā L⸤mukhaṃ vibhūṣayāmāseti daśabhiḥ kulakam_ | samūlaṃ hatvā samūlaghātam_ | ‘samūlākṛtajīveṣu ⸤hankṛñgrahaḥ’ iti ṇamul_ | parispanda unmeṣaḥ || 2 ||
savibhramollāsitakhaḍgavallīghanāndhakāravṛtadiṅmukheṣu |
ekākinaiva bhramatā salīlaṃ na yena bhītir dadṛśe raṇeṣu || 3 ||
yena raṇeṣu bhītir na dadṛśe ⸤nānubhūtā | timirānvite 'pi deśe 'nviṣyatā puruṣeṇa [na] kiṃcid avalokyate || 3 ||
agādhasattvāspadatāṃ gatena śūnyatvadoṣād dhṛdayena yasya |
vistīrṇatāleśalavānvaye 'pi na sāmyam ākāśam upājagāma || 4 ||
⸤sattvāspadatvena vistīrṇatayā ca saty apy anugame gaganaṃ yad dhṛdayena sāmyaṃ na yayau | śūnyatva⸤doṣāt_ | gaganaṃ hi śūnyaṃ rūparahitam_ | hṛdayasya śūnyatvaṃ pratibhāviraho nāstīti na ⸤tayoḥ sāmyam_ | sattvaṃ dhīratā caṭakādiprāṇī ca | vistīrṇatā audāryaṃ vipulatā ca ⸤|| 4 ||
avekṣya lakṣmīṃ vikacāravinde sarasvatī yasya kṛtapratiṣṭhām |
tatspardhayevātanusaukumāryaṃ paryāptaśobhaṃ mukhamadhyuvāsa || 5 ||
5 ||
yasyābhiyogeṣu rajāṃsy anīkavimardajātāni diśaḥ prasasruḥ |
nimnāvakāśeṣv avapūrya kīrtisaṃcārayogyām iva kartum urvīm || 6 ||
abhiyogaḥ parāvaskandaḥ | anīkaṃ sainyam_ || 6 ||
yo bāhumartyūrjitavairivṛndavimardarāgoddhuramāhaveṣu |
sadaiva baddhāspadarājalakṣmīsparśād ivotkaṇṭakitaṃ babhāra || 7 ||
7 ||
yenābhayaṃ nirjayanamramūrter vidveṣiṇaḥ saṃyugamūrdhni dattvā |
harāṭṭahāsacchavi dikpuraṃdhrīpaṭṭāṃśukaṃa cāru yaśo gṛhītam || 8 ||
8 ||
ākarṇakṛṣṭātanucāpamuktā nipetivāṃso yudhi yasya bāṇāḥ |
vicchinnajīvāni śarāsanāni vapūṃṣi cārātijanasya cakruḥ || 9 ||
jīvā L⸤jyā | jīvaś ca jīvitam_ || 9 ||
prakāśitāśeṣadiśekṣaṇeṣu kālāñjanaṃ matsarikāminīnām |
ciraṃ yaśaścandrikayāndhakāram āropya roṣād iva yasya bhagnam || 10 ||
matsariṇo vairiṇaḥ || 10 ||
ābhāṣamāṇasya gabhīraghoṣaṃ dantaprabhā tasya mukhaṃ tadānīm |
vibhūṣayāmāsa viniṣpatantī jyotsneva bimbaṃ paripūrṇam indoḥ || 11 ||
11 ||
⸤(daśabhiḥ kulakam_)
Lalaṃ tavābhyunnatadhairyavṛtteḥ saṃrambhitām etya kṛśe 'pi kārye |
saṃbhāvyate kiṃ kalaviṅkapakṣaravābhighātena kulādrikampaḥ || 12 ||
tava saṃrambhitā⸤m etyālam_ | saṃrambhāgamanaṃ na kāryam ityarthaḥ | ‘alaṃkhalvoḥ pratiṣedhayoḥ prācāṃ ktvā’ | ⸤kalaviṅkaś caṭakaḥ | kulādrayo himavatprabhṛtayaḥ | ‘himavān hemakūṭaś ca niṣadho merur eva ca | śvetaḥ ⸤kṛṣṇaś ca śṛṅgī ca saptaite kulaparvatāḥ’ || 12 ||
jyākṛṣṭicakrīkṛtakārmukasya samādhibhaṅge madanasya dīptā |
tāreva saṃrambhavatas tṛtīyā vipatkarī yasya babhūva dṛṣṭiḥ || 13 ||
jyākṛṣṭītyādi yugalakam_ | samādhibhaṅge ⸤sati saṃrambhavataḥ kruddhasya yasya tṛtīyā dṛṣṭir madanasya vipatkarī vināśakṛd āsīt_ | tāre⸤va | sāpi tṛtīyā vipatkarī vipatkarīti nāmnā || 13 ||
bibharti gurvīṃ jagato dhuraṃ yaḥ sargasthitipratyavahārakārye |
asmiñ śaraṇye 'pi surāsurāṇāṃ sthite 'tra vo brūta kim ākulatvam 14
pratyavahāraḥ pratyayaḥ ⸤|| 14 ||
⸤(yugmam_)
manye nimīlannayanāravindam etad vibhoḥ pañcamam asya vaktram |
jagaddhitādeva na kiṃcid anyad dhyeyātmanaś cintayatīndumauleḥ || 15 ||
pañcamaṃ vaktram īśānābhidhānam_ || 15 ||
vibhāti hāroragaratnakhaṇḍair eṣa kṣayagrastasurāsuraughaḥ |
sargāvatārapratimucyamānair jīvair ivādyāpy avimuktakaṇṭhaḥ || 16 ||
16 ||
bibharti nārāyaṇamūrtir eṣa sarvāṅgasaṃdhiprasṛtāḥ sravantīḥ |
itīva baddhabhrukuṭis taraṅgaiś cakāra keśagrahamasya gaṅgā || 17 ||
sravantīr nadīḥ | sarvāṅgasaṃdhiṣu ⸤viṣṇur nadīr bibharti ceti prasiddhataram_ | uktaṃ ca—‘yasya keśeṣu jīmūtā nadyaḥ sarvāṅgasaṃdhiṣu | ⸤kukṣau samudrāś catvāras tasmai toyātmane namaḥ ||’ iti || 17 ||
tanoti bhāgāntarakeśalagnajīmūtanirmuktajalaughalakṣmīm |
kapālamālākuharodareṣu surāpagā nākatalāt patantī || 18 ||
tanotītyādidaśabhiḥ ⸤kulakam_ | bhāgāntaraṃ vaiṣṇavo bhāgaḥ | jīmūtā balāhakāḥ || 18 ||
ambhodharaśyāmalam ardhabhāganiṣaṇṇanārāyaṇavaktrabimbam |
lalāṭavedīśikhisāndradhūmacchāyāparāmṛṣṭa ivaiti lakṣmīm || 19 ||
19 ||
sāndrībhavaty utkaṭakālakūṭacchāyānuviddhāñjanamecakaśrīḥ|
avyañjitānulbaṇabhāgasaṃdhiḥ kaṇṭhāntarasya cchavir ullasantī||20||
avyañjiL⸤taś ca savarṇatvād aprakaṭito 'nulbaṇo masṛṇo bhāgayoḥ saṃdhir yatra | ‘paṭapuṭa’ ity atra paṭhita⸤syāñjeścurādiṇici kṛte vyañjita iti rūpam_ || 20 ||
Lśiraḥsthalabhraṃśisurasravantīniṣevanābhyāgatahaṃsalīlām |
śarīrabhāgāntarapāṇipadmabaddhapratiṣṭho 'ñcati pāñcajanyaḥ || 21 ||
añcati vrajati || 21 ⸤||
sthitiṃ vidhatte sabhayā kathāṃcid vakṣaḥsthalārdhe vinimīlitākṣī |
vilambihāroragaphūtkṛtāgnijvālātaḍidvisphuraṇeṣu lakṣmīḥ || 22 ||
22 ||
saṃpreritārdhasya ca vakṣaso 'ntaḥ śarīrabhāgeṇa jagatsaśampam |
sampādayaddīdhiticakravālaṃ tucchatvam āgacchati kaustubhasya || 23 ||
vakṣaso 'ntare saṃpreritaṃ praveśitam ardhaṃ yena tādṛśasyāpi kaustubhasya karanikaraḥ ⸤śarīrabhāge tucchatām āyāti | dyutibahalatvāt_ | śampā vidyut_ || 23 ||
ṭaṅkāhatoṣṇadyutimaṇḍalotthasphuliṅgasantāna ivābhiramaḥ |
hāroragāṇāṃ phaṇaratnakhaṇḍas tasyaiva dhatte parivāralīlām || 24 ||
ṭaṅkaḥ śastrakam_ | ⸤tasyaiva kaustubhasya || 24 ||
prakṣālyate 'ntarviniguḍhanābhihradapratiṣṭhāmbujabījakoṣaḥ |
pīṭhaḥ sasatkāram ivābjayoneḥ kukṣipraviṣṭodadhivīcibhaṅgaiḥ || 25 ||
abjayoneḥ pīṭha āsanabhūto 'mbujasya bījakoṣaḥ karṇikā ⸤jaladhitaraṅgakhaṇḍaiḥ prakṣālyate | [saṃpūtam iva kṛtvā] || 25 ||
trayo 'pi lokāḥ pratipattum aikyam arhanti mūrtyor anayor itīva |
vivakṣayodeti nigūḍhasaṃdhibhāgā valīnāṃ tritayasya lakṣmīḥ || 26 ||
26 ||
ity eṣa miśrīkṛtakaiṭabhāriśarīrabhāgo vibhutāviśeṣam |
vyanakti lokatritaye 'py aśeṣam ananyasādhāraṇatām upetam || 27 ||
27 ||
⸤(daśabhiḥ kulakam_)
grāsīkṛtānantaphaṇāprakāṇḍair jvālākalāpaiḥ sphuritaṃ kṛśānoḥ |
visrabdham ārabdhasitāravindasahasrahomair iva vāḍavasya || 28 ||
grāsīkṛte⸤tyādidaśabhiḥ kulakam_ | evam ādau ca vākyārthasaṃgatir yat tad adhyāhāreṇa karaṇīyā | pra⸤kāṇḍaśabdaḥ praśaṃsāvacanaḥ | anantaḥ śeṣaḥ | vāḍavaḥ kṛśānur vaḍavāgniḥ | vaḍaveva vāḍavaḥ ⸤vaḍavāsadṛśaḥ | tasya samīpe 'sya vahner jvālāsamūhair viśvas tam ullasitam_ | sajātīyatvāt_ L⸤|| 28 ||
jvālāvalībhiḥ kaladhautaśailaśilonnatābhiḥ kṛtatāpayoccaiḥ |
gabhīrarandhrodarasaṃpraviṣṭakulādrikūṭaṃ sphuṭitaṃ dharitryā || 29 ||
29 ||
Lvilīyamānāsu himasthalīṣu tuṣāraśailasya vanāni dagdhum |
ṭāṃkāratārāravaraudrahetir bhavaty avāptaprasaraḥ kathaṃcit || 30 ||
vilīyamānā galantyaḥ || 30 ||
nirvāpaṇaṃ ratnalatāṃśutoyair jvālāvalīnām iva saṃvidhitsūn |
dahaty amandaṃ suraśākhino 'pi dhūmacchaṭāsaṃśayitadvirephān || 31 ||
31 ||
jaṭānikuñjāspadam indumaules tacchāyayeva cchuritaṃ kapālam |
jvālākalāpāntarasaṃniruddhaṃ vinirdahaty uṣṇamarīcibimbam || 32 ||
kapālam iva tacchāyayā ja⸤ṭānikuñjaprakāśena cchuritaṃ sūryabimbam api pluṣyati yaḥ || 32 ||
śaśāṅkabimbaṃ prathamāvalagnadhūmacchaṭāvibhramalakṣmalekham |
viṣyandisāndrāmṛtabaddhadugdhadhārāhutiḥ pluṣyati viplutārciḥ || 33 ||
vibhramaḥ sādṛśyaṃ bhrā⸤ntir vā || 33 ||
tārākulaṃ sāndraśikhāsahasratāmrātapāpāditapiṅgim ārāt |
dahaty alaṃ śaritadigvibhāgasphuliṅgasaṃdohavinihnutaṃ sat || 34 ||
piṅgimā kāpiśyam_ | saṃdohaḥ samūhaḥ || 34 ||
māñjiṣṭharāgāruṇacāmaraughaviḍambibhir bhītamarudvidhūtaiḥ |
śikhāśatais tatkṣaṇapārśvalagnair dahaty amandaprasaraḥ surendram || 35 ||
maruto devā api ⸤|| 35 ||
caturmukhasyātanukarṇikāgrakarālaparyantavighūrṇitārciḥ |
bhasmīkaroti kṣaṇadīprarūpapakṣmacchdaṃ viṣṭarapuṇḍarīkam || 36 ||
pakṣmāṇi kesarāḥ || 36 ||
iti kramād bhasmamayaṃs trilokīm anekaśo 'muṃ pralayāgameṣu |
uddhūlanāvibhramabhūticarcāsaṃpādanenopacacāra vahniḥ || 37 ||
bhasmamayan bhasmasāt kurvan_ || 37 ||
⸤(daśabhiḥ kulakam_)
rasātale gāḍhaniveśitāṅghriḥ kiṃcid bharābandhurakaṃdharāgraḥ |
sasauṣṭhavaṃ pṛṣṭhapuṭaṃ bibharti kūrmaḥ samāropitamandarādriḥ || 38 ||
rasetyādi ⸤dugdhābdher ittham uditaḥ kaṇṭhe 'sya viṣarāśir utpalaśobhāṃ bibhartīti caturdaśabhiḥ kulakam_ | ābandhuram ānatam_ || 38 ||
anyonyaviddhāṅgulicakravāladordaṇḍamadhye bhramato murāreḥ |
śailasya tatpārśvavighaṭṭanena prakoṣṭharatnābharaṇair viśīrṇam || 39 ||
murāreḥ prakoṣṭhagatair maṇivalayair viśīrṇam_ | mandaraśailasya bhuja⸤madhye bhramataḥ | anādare caiṣā ṣaṣṭhī | ‘ṣaṣṭhī cānādare’ iti | tad iti śailasya parāmarṣaḥ | L⸤ye punar anādaro 'tra na tathā pratīta iti vipratipannās tan mate śailasaṃbandhi yad dordaṇḍapārśva⸤yor vighaṭṭanaṃ teneti yojyam_ | anyonyaviddhāṅgulīty anena ca nirūpitaḥ karkaṭākhyo hastaḥ | ⸤uktaṃ ca—‘aṅgulyo yasya hastasya hy anyonyāntaranirgatāḥ | sa karkaṭa iti jñeyaḥ’ iti ⸤|| 39 ||
Lvibhānti saṃdānitadandaśūkavikṛṣyamāṇasya gireḥ sudhārdrāḥ |
vighūrṇamānapratimāchalena taraṅgabhaṅgā iva mathyamānāḥ || 40 ||
girer mandarasya bhramatpratibimbavyājena sudhārdratayā mathyamānā iva taraṅgakhaṇḍā ⸤api rājante | saṃdānito baddhaḥ | dandaśūkaḥ sarpo vāsukir iha || 40 ||
āśīviṣākarṣaṇagāḍhakāṣakṛśībhavanmadhyaparicyutābhiḥ |
śailasya nimnāntaravartinībhir nitamba evopacitaḥ śilābhiḥ || 41 ||
āśīviṣaḥ ⸤sa eva || 41 ||
daityendraniṣpīḍitakaṇṭhapīṭhaphullatphaṇāmaṇḍalaphūtkṛtotthaiḥ |
kṣayārkabimbair iva vīcicakramāpīyate bhogipateḥ sphuliṅgaiḥ || 42 ||
42 ||
surāsurākarṣaṇaghūrṇamānamanthācalāghātaviśīryamāṇā |
taraṅgapaṅktiḥ śaraṇārthinīva gṛhṇāti vegena diśaś catasraḥ || 43 ||
43 ||
uttasthuṣīṃ toyanidheś ca lakṣmīṃ cetovikalpaiḥ pariripsunārāt |
āliṅgyate mandara eva gāḍhabhujopapīḍaṃ garuḍadhvajena || 44 ||
toyanidher utthitāṃ lakṣmīm āliṅgitukāmena śauriṇā ma⸤ndara evāliṅgyate | tanmukhenaiva tadāliṅganasyābhīṣṭasya siddhatvāt_ | bhujopapīḍaṃ bhujā⸤bhyām upapīḍya | ‘saptamyāṃ copapīḍa—’ iti ṇamul_ || 44 ||
vaikuṇṭhadordaṇḍadṛḍhopagūḍhā vivepate mandaraśailamūrtiḥ |
kauśeyasaṃkāśanitambabhittivisraṃsamānāmalanirjharāmbhāḥ || 45 ||
vaikuṇṭho hariḥ | kauśeyaṃ ⸤dukūlādi sundaraṃ vastram_ | tatsadṛśaṃ nipatan niharajalaṃ yasyāḥ | nitambaḥ śroṇir api || 45 ||
kṣaṇaṃ dadhānāmṛtalābhagarbhavisrambhasaṃbhāvanavipralambham |
saṃvāditadvalguguṇābhyudeti surādhipānāṃ dayitā sarisrut || 46 ||
⸤sarisrutsurā surāṇām abhimatā | tasyām amṛtaguṇānāṃ saṃvādāt_ | ata eva sā muhūrtam amṛ⸤talābhasya garbhe visrambhasya saṃbhāvane prāptau vipralambham amṛtalābho na viśvataḥ(niścitaṃ) ⸤syād iti bhrāntim eteṣāṃ dadhatī | nāyikā ca saṃbhāvitavisrambhaṃ viraham api bibhratī da⸤yitā manohāriṇī | amṛtatulyatvāt_ | vipralambho viraho 'pi || 46 ||
uttiṣṭhati prāṃśunavapravālavallīnikuñjagrathitā muhūrtam |
lekhāmalā dhūrjaṭijūṭakoṭinivāsayogyām iva kurvatīndoḥ || 47 ||
pravālā viL⸤drumāḥ | yogyā nityābhyāsaḥ || 47 ||
Lmāṇikyapuṣpoccayalagnanārīkacāgrasaṃkrāntam ivāruṇatvam |
pravālavallīvalayeṣu bibhratsalīlam uttiṣṭhati pārijātaḥ || 48 ||
pravālavallyaḥ kisalayapradhānāḥ śākhāḥ vidruma⸤latā vā || 48 ||
kṣodocchvasadvidrumareṇubhaṅgo muhūrtalagnaḥ suravāraṇasya |
ālānalīnonnataśātakaumbhastambhatvam āgacchati mandarādriḥ || 49 ||
ālānaṃ bandhanam_ || 49 ||
nirdahyamāno bhiṣajeva kiṃcit sthānāntareṣv aurvahutāśanena |
uccaiḥśravā dhūtasaṭāsahasraḥ savegam uttiṣṭhati vīcimadhyāt || 50 ||
bhiṣag vaidyaḥ | antaraṃ viśeṣaḥ ⸤|| 50 ||
śaśāṅgagaurād api dugdhasindhor abhyudgataḥ śyāmarucirviṣaughaḥ |
grāsīkṛtaḥ kaṇṭhagato 'sya dhatte prabhābhir indīvaradāmalīlām || 51 ||
51 ||
⸤(caturdaśabhiḥ kulakam_)
cakrībhavanmaṇḍalam uṣṇaraśmer indoś ca dhatte pṛthurandhramadhyam |
āsannadaityendravināśavalgadutpātaśaṃsīva bhayaṃkaratvam || 52 ||
cakrībhavad ityādidaśabhiḥ kulakam_ | raviśaśinor maṇḍalam antaḥ ⸤pṛthurandhratvād bhayānakatvaṃ bibharti utpātasūcakam iva | sarandhrasyaiva tasyotpāta⸤sūcanāt_ || 52 ||
rathapratiṣṭhoṣṇamarīcitāpapariplutā vedamayās turaṃgāḥ |
muhur valadgrīvavivṛttalolapārśvakramāt kūbariṇaṃ vahanti || 53 ||
kūbarī rathaḥ || 53 ||
cakrīkṛtoṣṇāṃśuśikhākṛśānuhetipratānāhitapākakāṣṭhā |
saśailakīlā vasudhā rathatvam āpāditā gāḍham upaiti dārḍhyam || 54 ||
śikhā raśmayaḥ | tā evāgnijvālāḥ | ⸤kāṣṭhā prakarṣaḥ || 54 ||
vrajann agastyena purārkamārgarurutsayā vṛddhim alaṃ niruddhaḥ |
rupāntareṇāmbaravartma bhūyo ruṇaddhi vindhyācalavaṃśaketuḥ || 55 ||
vindhyādir eva vaṃśaketur veṇurūpo dhvajaḥ || 55 ||
madhyaṃ samuṣṭigrahasauṣṭhavaṃ ca kṛśīkṛtaṃ vāsukibhogakāṣaiḥ |
dadhannatāntobhayakūṭakoṭiḥ kodaṇḍadaṇḍatvam upaiti śailaḥ || 56 ||
56 ||
girīndracāpāṭanigāḍhabandhanipīḍanād bandhurakaṇṭhapīṭhaḥ |
karoti nāgaḥ śvasitānalena dāhakriyāyā iva pūrvaraṅgam || 57 ||
nāgo L⸤'tra vāsukiḥ | pūrvaraṅgaḥ prastāvaḥ || 57 ||
Lkrameṇa daityendravipattihetoḥ saṃkṣiptadeho nijam āyayaiva |
janārdano mārgaṇatām upaiti pureva lokeṣu nirargalaujāḥ || 58 ||
daityendrās tārakākṣakamalākṣavidyunmā⸤linaḥ | daityendraś ca baliḥ | vipattir maraṇam āpac ca | mārgaṇaḥ śaro yācakaś ca || 58 ||
śarīkṛtasyāgrata eva śaureḥ śalyībhavaty āhitatīvradāhaḥ |
didhakṣyamāṇāsuracakravālabālājanasyānu kṛśānurāśiḥ || 59 ||
śa⸤rīkṛtasya śaurer agrata eva prathamakālam agradeśe vā śikhinicayaḥ śalyībhavati phalatāṃ pra⸤tipadyate | anu paścāt sa evāsurayoṣitāṃ śalyībhavati duḥkharūpatāṃ bhajate | bahutaradāhavidhānāt_ || 59 ||
ākṛṣṭāniḥśeṣakulādrikūṭaniṣpeṣadakṣakṣayakālaraṃhāḥ |
mahāsurīṇāṃ hṛdayaiḥ karoti kampaṃ marutpuṅkhapatattrapaṅkteḥ || 60 ||
marutpuṅkhapakṣāṇāṃ kampaṃ karoti asurīhṛdayaiḥ saha | tāny api ka⸤mpayatītyarthaḥ | raṃho javaḥ || 60 ||
ity eṣa eva praṇavapratodavirañcisārathyasanātham ekaḥ |
rathāgram āsthāya sumeruketuṃ puratrayīṃ bhasmamayīṃ cakāra || 61 ||
praṇava oṃkāraḥ sa eva pratodaḥ preṣaṇako yasya bra⸤hmaṇaḥ | sumerur eva ketur dhvajo yasya | vindhyavad asyāpi ketutvāt_ | yadi vā meror atra dhvaja⸤paṭatvam arthād avasīyate | tena sumeruḥ ketau yasyeti yojyam_ || 61 ||
⸤(daśabhi kulakam_)
abhyuddhatāmarṣadurīkṣyamūrter jvalatkarālānalahetipiṅgam |
samullasantī bhrukuṭis tṛtīyaṃ dāhāya tīvraṃ nudatīva cakṣuḥ || 62 ||
abhyuddhatetyādi ⸤kalāpakam_ || 62 ||
ploṣāvalagnasya vapuṣy udagrajvālājaṭālasya vilocanāgreḥ |
praśāntihetor iva saṃbhrameṇa niryānti gharmodakaśīkaraughāḥ || 63 ||
63 ||
lalāṭapaṭṭekṣaṇatārakaughāt saṃdhyāghanād vidyud ivotpatantī |
saṃbhāvitā dṛṣṭinimīlanena na vīkṣituṃ piṅgarucojjvalārciḥ || 64 ||
acivālā vīkṣituṃ na pāritā | piṅgayā rucā dṛṣṭivighā⸤tāt_ || 64 ||
dagdhe 'sya kāme nayanāgninetthaṃ krodhaḥ prasādaś ca tathā jajṛmbhe |
aṅgeṣu lāvaṇyasudhāhradeṣu yathā sa lebhe padamaṅganānām || 65 ||
kāmaviṣaye 'sya krodho vyajṛmbhata | evaṃ nayanānalena dagdhatvāt_ | prasāL⸤daś ca tathā vijṛmbhito yathā sa madano 'ṅganānāmaṅgeṣu padaṃ babandha | bhayaṃ vihāya tatraiva ⸤sthitatvāt_ || 65 ||
⸤(kalāpakam_)
Lsaṃbhrāntadevāsurasaptalokadāhopaśāntyartham ivāmbunāthāḥ |
vīcicchaṭāghaṭṭanaghoraghoramanyonyam uddāmarayā ghaṭante || 66 ||
saṃbhrāntetyādikalāpakam_ || 66 ||
ūrdhvekṣaṇāgniglapitoṣṇim ārān mandībhavaty uṣṇamarīcibimbam |
anyonyasaṃpṛktasamudravāritaraṅgabhaṅgair iva laṅghyamānam || 67 ||
67 ||
kim etad ity ākulatāvivartaniṣpīḍitasyaiva caturmukhena |
raktacchaṭābhāsanapaṅkajasya galaty amandaṃ makarandavṛṣṭiḥ || 68 ||
ākulatayā vivartī ⸤vivalanam_ | evaśabdo bhinnakramaḥ | vṛṣṭir eveti || 68 ||
ity asya kālo 'pi vilaṅghitājñaḥ saṃdhukṣitaḥ kopahutāśanena |
babhāra dāvānaladahyamānaparijvalanmekalaśailalīlām || 69 ||
mekalo vindhyaḥ || 69 ||
⸤(kalāpakam_)
saṃvartameghamalinacchavikālakūṭa-
cchāyāchalena bhuvanapralayāgameṣu |
ābhāty ayaṃ kavalitākhilasaptaloka-
pātālarandhratamaseva niruddhakaṇṭhaḥ || 70 ||
⸤pralayakāle kavaliteṣu lokeṣu pātālānyeva randhrāṇi tadgatena tamasā vyāptagala iva | ta⸤syāpi kavalanāt_ | ‘kavalitair lokair hetubhis tamaseva niruddhakaṇṭhaḥ | punar adyārabhya lokā na ⸤kavalanīyā ity āśayena sthagitagalaḥ’ iti vyākhyānam āsīt_ | atra hi hetutayābhihi⸤tānāṃ lokānāṃ nirodhakriyayaivānvayān na tamasā yoga iti na lokatamaḥśabdayoḥ samā⸤sasya prasaṅgo 'sti | asāmarthyāt_ || 70 ||
bhāsvatkirīṭamakarīmaṇipattrabhaṅga-
cchāyāpiśaṅgitatalāṅgulipādayugmam |
asya sphurannakhamayūkhaśikhāchalena
prajñāprakāśam iva bhāti diśatsur ebhyaḥ || 71 ||
71 ||
saṃdehamohaviratir gahaneṣu kṛtya-
vastuṣv apoḍhatamasām api no matīnām |
Lasyāmalāḥ kila dhiyo vicaranti yena
tāsām uparyupari citraviśeṣaniṣṭhāḥ || 72 ||
apoḍhatamaso nirastājñānāḥ | ta⸤tsaṃbandhinīnām api matīnāṃ kāryeṣu vastuṣu viṣaye saṃśayarūpasya mohasya viratir nāsti | L⸤asmākaṃ tu viśeṣeṇa gahanaṃ durvijñeyam_ | asya punar amalā buddhayaḥ santi | yenāmalatvena ⸤tāsāṃ matīnām uparyupari tā vicaranti | vicitraviśeṣaviṣayatvāt_ | bhagavān eva sāṃpratikaṃ ⸤kāryatattvaṃ niścetum alam_ | yajjaḍātmāno vayam ityarthaḥ | kileti vyatireke || 72 ||
prajñātirekavaśato viśadāvabhāsa-
m ālocyamānam akhilaṃ khalu kāryatattvam |
puṣṇāti niṣpratigham arthaviśeṣajāta-
m uddhṛṣyamāṇam iva varṇakadāru gandham || 73 ||
vi⸤śadāvabhāsaṃ kṛtvā ālocyamānaṃ vimṛṣyamāṇam_ | niṣpratigham apratipakṣam_ | varṇakadāru ⸤candanakāṣṭham_ || 73 ||
mantreṇa pañcavidhatām upajagmuṣā ca
nītiprapañcaracanā vijigīṣupuṃsām |
ā saṃsṛti kramajuṣā bhuvanatraye 'pi
nirvartyate hi maruteva śarīrayātrā || 74 ||
karmaṇām ārambhopāyaḥ, puruṣadravyasaṃpat_, deśakālavibhāgaḥ, ⸤vinipātapratīkāraḥ, kāryasiddhiś ceti pañcaprakāro mantraḥ | marud api prāṇāpānasamānodāna⸤vyānabhedāt tādṛśa eva | yātrā ativāhanam_ || 74 ||
saṃrambham ittham apahāya nirūpayantu
saṃpraty anena kṛtanītipathaprakāśāḥ |
kāryaṃ bhavanta idam ujjhitamoham āryāḥ
prekṣāvatāṃ jagati tan na yad asty asādhyam || 75 ||
anenety ātmānaṃ nirdiśati bhaga⸤vantaṃ vā || 75 ||
ākarṇya vācam iti tasay gaṇādhināthā-
s tasthuḥ parasparaniveśitadṛṣṭayas te |
līlāvivṛttiśithilībhavadadrikūṭa-
pīnāṃsapīṭhaluṭhitāmalaratnahārāḥ || 76 ||
76 ||
⸤iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave rājānaka⸤śrīratnākarasya kṛtau ratnāṅke haravijaye mahākāvye prabhāmayanaya⸤prakāśanaṃ nāma navamaḥ sargaḥ |
iti rājānakajayānakasūnor alakasya kṛtau haravijayaviṣamapado⸤ddyote navamaḥ sargaḥ ||