niryāya khecarapurandhriratopabhoga¦
yogyāntaropava⸤nakalpalatānikuñjam|
rociṣṇur atnanikurambanitambabhāga-
viśrāntabhāska⸤rarathaṃ sa tamāluloke||1||
Stein 187
- , ,
- Known as: , (NCC).
- Siglum: Śc
[description of manuscript]
More ▾
| Title | Haravijaya |
| Commentary | [title of commentary] |
| Author | [author] |
| Commentator | [commentator] |
| Physical description | |
|---|---|
| Language/Script | [Sanskrit in Latin script.] |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- Śc
||⸤śrī gaṇeśāya namaḥ||
abhyāhatā hi makaraḥ sphuradacchatārā-
prastā⸤ratārakiraṇotkadanturaśrīḥ|
mūlena yasya mathitaḥ sakalo mbur āśi-
r atyu⸤nnatena śikhareṇa ca nākamārgaḥ||2||
āloḍanāya suradaityagaṇena sindho-
r āro⸤pite sapadi yatra kavāṭapṛaṣṭham|
sasmāra kūrmapatir ādivarāhapāda-
pī⸤ṭhīkṛtas tad atibhūribharasya nūnam||3||
yasyātivelaparivartavivartamāna-
⸤toyendhanānalaśikhāvalayena dadhre|
dugdhāmbudhau niravalambananākamārga-
Lvisrastasūryapariveśaviḍambakatvam||4||
baddhāspadā galitanirjharagharma⸤vāri-
nirdhautagaṇḍavadanā kamaṭhasya pṛṣṭhe|
yasyākulaṃ saparuṣāyitavi⸤bhrameva
mūrtirnitambavalanena jahāra cetaḥ||5||
yasyāmburāśipayasā ⸤samam eva mantha-
pīḍām ivābhipatanena viśaṅkya gāḍham|
udgrīvakūrma⸤viṣam aśvasitavyudasta-
vīcīni nirjharajalāni yayuḫ pratīpam||6||
ākṛṣṭa⸤vegavigaladbhujagendrabhoga-
nirmokapaṭṭapariveṣṭatayāmburāśeḥ|
manthavya⸤thāvyupaśam ārtham ivāśu yasya
mandākinī ciram aveṣṭata pādamūle||7||
kalmā⸤ṣayan sapadi yaḫ pṛthum adhyabhaga-
mārādadṛśyata nabhaścaracakravālaiḥ|
līlā⸤vivṛttiparimaṇḍaladugdhasindhu-
śītāṃ subimbapariṇā hi mṛgāvacūlaḥ||⸤8||
ābhoginetraparivartanavibhrameṇa
mūrtyā nitambavalanākulatāṃ vahantyā|
⸤yasyāśanair aviralotkalikākalāpa-
paryākulaṃ hṛdayam ambunidhir mamantha||⸤9||
yasyormibhir mathanakālavijṛmbhitāmbhaḥ
kṣīrodasindhur apahastitakau⸤stubhāni|
nyāsīcakāra suradaityahaṭhāpahāra-
bhītyeva ratnapaṭalāni guhāgṛ⸤heṣu||10||
rorambhasaṃkulakarāladalāravinda-
saṃbaddhahaṃsavalayāmala⸤sindhutoyam|
siddhāvaruddhamaṇikandaragāḍharāsa-
saṃrambhaghorahariṇāri⸤ghanābhirāmam||11||
bhāṣāsamāveśaḥ
kallolabhaṅgaghaṭitapratibimba⸤cakra-
m aikṣiṣṭa yaṃ pṛthuni kūrmakavāṭapṝṣṭhe|
tuṅgaṃ vibhajya bahudheva vapur bhramanta-
⸤m āloḍanāya jaladhes suradaityalokaḥ||12||
yugalakam
yasmin bhrama⸤ty anuvivartanaviplavārta-
kūrmādhirājakarajoddhṛtaratnaṣaṇḍaiḥ|
vicchāyatā bhu⸤jagarājaphaṇair arugṇa-
pātālatālutimirais tarasādhijagme||13||
yasmi⸤n miṣatpralayameghaghaṭāsahasra-
vidyutkarālarasanena taṭījalārdrāḥ|
vyā⸤ttān anena phaṇinodadhimanthagaḍha-
khedādapāyiṣata kaṃdararandhravātāḥ||⸤14||
yasyācakāsati taṭībhuvi nīlagaṇḍa-
śailā nijacchaviviluptaravi⸤prakāśāḥ|
kṣīrāmbudher mathanasambhṛtakālakūṭa-
piṇḍā ivoddhatataraṅga śataLvyudastāḥ||15||
śyotatsu kandaradarīnikarān praviśya
dugdhārṇavotthitasudhā⸤rasaśīkareṣu|
ambhobhṛtaḥ prakaṭapattrapuṭālavāla-
līlāṃ dadhuẖ kṛtapa⸤dā yad upatyakāsu||16||
kurvanti yasya kaṭakeṣvamalendranīla-
ratnastha⸤lāny udadhimanthavighūrṇitasya|
vyāvṛttilolaśikharāgravipāṭyamā⸤na-
tārāpathas khalitakhanḍaśatānukāram||17||
daṃṣṭrāgṛhītagurusambhrama⸤bhūtadhātrī-
paryastakātaratarekṣaṇapātapītam|
yacchṛṅganirjharajalas tru⸤tibhir dadhāva
pātālapaṅkakaluṣaṃ vapur ādikolaḥ||18||
sthūlendranīla⸤kaṭakapratibimbyamāna-
m ābhāti yasya śaśalakṣmanirudhyam adhyam|
kṣīroda⸤kūrmapatipṛṣṭham ivādikola-
vinyastapādaśabalīkṛtabindubimbam||⸤19||
yasyāndhakāranikurambabhido nitamba-
sīmni prabhāprakaraśāritadig vi⸤bhāgān|
dṛṣṭvā maṇīn grahavimugdhamanā niśāsu
sañcāra eva dṛśam āśu kar⸤oti bāhyaḥ||20||
yo bījayann iva niṣaṇṇarathaṃ taṭeṣu
śūnyāmbarambarabhramāṇa⸤khinnam aśītaraśmim|
ābhāti dūragatakandararandhravāta-
pātabhramīva|⸤litavāridatālavṛntaiḥ||21||
preṅkhatkarālakuravindaśilānitamba-
⸤baddhāspadaṃ kṣaṇam aśītamarīcibimbam|
yasya tviṣānumimate sadṛ⸤śatvam āpta-
mūṣmāyamāṇam adhisānu kṛtapratiṣṭhāḥ||22||
spaṣṭābhilakṣya⸤ramaṇīyakuśaprasūti-
r avyāhatā muniniketakṛtāspadaśrīḥ|
sānusthiti⸤r janakarājasuteva bhāsva-
daṅkollapallavatayā śriyam ety asya||23||
na⸤ktaṃ vilagnadhavalagrahacakrabāla-
durlakṣyasaurabhabharānumitātmarūpaiḥ|
a⸤bhyānatā kusumarāśibhir ucchavasadbhi-
r ābhānti yasya kaṭake kaladhautavallyaḥ||⸤24||
saṅkrīḍato vikaṭaratnaśilāsu cakra-
cītkāratāraravapūritadik pura⸤stāt|
yasyādhisānu ravikūbariṇo bhavanti
moghīkṛtas tava giraẖ khalu ⸤vālakhilyāḥ||25||
āsannabhānum asitopalajālanaddha-
sopānatīra⸤nalinīnatanāgayūtham|
nākādhirūḍhanavanīlatamālavallī-
baddhvāLndhakāragahanātanusānukuñjam||26||
piśācabhāṣāsamāveśaḥ
ābaṃ⸤ddhavāsukiphaṇāgaṇaphūtkṛtāgni-
tāpasphuṭadvikaṭakoṭiśikhāśma⸤kūṭam|
kodaṇḍam indumukuṭaḥ svabharakṣamaṃ ya-
m ādāya dānavapurīẖ ki⸤la nirbibheda||27||
yugmam
bhettuṃ purāsurapurīḫ parameśvareṇa
bāṇāsa⸤nīkṛtatanuḫ pratanotyabhikhyām|
yo dyāpyamuktabhujagādhipadīrghabhoga-
jyā⸤bandhabandhura iva strutanirjharāmbhaḥ||28||
cāpatmanaś śaśikalābharaṇā⸤vabhāga-
lagnādrijākarasarojaniviṣṭamuṣṭeḥ|
yasyoragādhipaguṇena ⸤ghanābhyaghāni
tatkambupaṅktir avanaddhatalāyamānā||29||
bhartus sthitārdha⸤vapuṣi sphuṭagāḍhabandha-
tāmyat phaṇīndraphaṇaphūtkṛtakātarāpi|
muṣṭigrahaṃ ⸤girisutā ślathayan na yasya
bhāvānuraktahṛdayaḥ kurute na kiṃ vā||30||
u⸤ttāpitaḫ pralayakālavijṛmbhamāṇa-
saṃrambhakarkaśakṛśāṇuśikhāsa⸤hastraiḥ|
nirvāpayann iva nitambabhuvo vibhāti
yo dyāpi kandaramukhaskha⸤litai rmarudbhiḥ||31||
vispaṣṭadantarucayaḫ pṛthugaṇḍaśaila-
śobhā nitānta⸤vikaṭonnatavaṃśakuñjāḥ|
yasyābhirāmaguṇatāṃ dadhati pradeśās
sajjāva⸤ṭavīraṇahitā gajayūthapāś ca||32||
yasyotpatan pratidinaṃ saviveśam e⸤va
nālaṃ vilaṅghayitum unnatiśāli śṛṅgam|
āyāsitāruṇakarordhvavi⸤kṛṣyamāṇa-
preṅkhatkhalīnamukhavājiratho vivasvān||33||
yasyācakāsati ⸤nirargalanīrabhāra-
bhūribhramadbhramaramecakameghacakrāḥ|
adyāpi lokapari⸤vartadaśākṛṣāṇu-
dhūmākulā iva guhāgṛharandhrabhāgāḥ||34||
līlā⸤vilolakallakaṇṭhavihaṅgakeli-
kolāhalākulakulāyakulama⸤lāṅke|
kakkolakandaladalīlavalīlavaṅga-
mālālalāmajalama⸤ñjulakūlakacche||35||
bhāṣāṣaṭkasamāveśaḥ
yasmin salīlamasitonnata⸤gaṇḍaśaila-
nāgaẖ karoti vikarālakarāvamarṣāt|
raktātapābhinavapallava⸤bhaṅgam arka-
bimbālavālavalayasya dinadrumasya||36||
yugmam
yo bhraṅkaṣaṃ Lśikharamucchikhapadmarāga-
ratnaprabhāpaṭalapāṭalitaṃ bibharti|
saudā⸤manīkapilakesaramālabhāri-
līlātapattragaganitpalanādadaṇḍa⸤m||37||
yasya prabhāvipulahārahitaiḥ stanāgraiḥ
ślāghyā tribhirvalimukhaiḥ ⸤kṛtam adhyaśobhaiḥ|
lakṣmīṃ purandhrijanatā maṇimaṇḍitaiti
sādhuśthitiś ca ⸤munibhiẖ kaṭakāntareṣu||38||
pāścāty abhāgam avalokayatāṃ śaśāṅka-
⸤bimbasya lakṣmamalaśūnyatayā parītam|
utsaṅgasaṅgimṛgatāgamikatva⸤m eti
tuṅgeṣu yasya śikhareṣu kṛtāspadānām||39||
ākṣiptacetasam anu⸤ttarasānutarṣa-
saccāṣakāntaracitasthitikesaraughaiḥ|
uttaṃsanīlana⸤linair iva yo bibharti
lakṣmīṃ nitambavalayais sapalāśacakraiḥ||40||
yasyopānta⸤gataṃ niśāsu nayataḥ śyāmāśmaraśmicchaṭā-
santānaiś śiśiratviṣaḥ puṭaki⸤rīpattraśriyaṃ maṇḍalam|
cakre ratnataṭeṣu kānanabhuvaḥcūḍāśaśāṅkaprabhā-
⸤saṃkocapraviluptapaṅkajavanacchāyā bhramandhurjaṭiḥ||41||
iti ratnāka⸤rakakaṇṭhaviraṃśite haravijaye mahākāvye caturthas sargaḥ ||