niryāya khecarapuraṃdhriratopabhoga-
yogyāntaropavanakalpalatānikuñjam |
Lrociṣṇuratnanikurambanitambabhāga-
viśrāntabhāskararathaṃ sa tam āluloke || 1 ||
Kāvyamālā 22, OCR
- , ,
- Known as: , (NCC).
- Siglum: KOCR
Kāvyamālā from OCR-Here only canto 3
More ▾
| Title | Haravijaya |
| Commentary | Viṣamapadoddyota |
| Author | Ratnākara |
| Commentator | Alaka |
| Physical description | |
|---|---|
| Language/Script | [Sanskrit in Latin script.] |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- KOCR
⸤caturthaḥ sargaḥ |
⸤rociṣṇu bhrājanaśīlam_ | ‘alaṃkṛñ_—’ ādisūtreṇeṣṇuc_ | nikurambaṃ samūhaḥ || 1 ||
abhyāhatāhimakaraḥ sphuradacchatārā-
prastāratārakiraṇotkaradanturaśrīḥ |
mūlena yasya mathitaḥ sakalo 'mburāśi-
r atyunnatena śikhareṇa ca nākamārgaḥ || 2 ||
L⸤ahayo makarāś ca prāṇibhedāḥ | ahimakaraś ca sūryaḥ | tārāvatprastāro yeṣāṃ te tārā muktā⸤maṇayaḥ | tatkaranikareṇa | tārāprastārasya ca tāreṇa dīptimatā kiraṇotkareṇa danturā ⸤hasantī samunnatā vā | tārakiraṇaḥ sītāṃśuḥ | tasya codgatair aṃśubhir iti vā nākapakṣe ⸤yojyam_ || 2 ||
āloḍanāya suradaityagaṇena sindho-
r āropite sapadi yatra kavāṭapṛṣṭham |
sasmāra kūrmapatir ādivarāhapāda-
pīṭhīkṛtas tadatibhūribharasya nūnam || 3 ||
sindhumathanāya yasmin pṛṣṭhāsthisamāropite kūrmarājo varāhapādabharasyā⸤smarat_ | mandarabharasya tatsadṛśatvāt_ | sadṛśavastudarśanaṃ ca smṛtim utthāpayati | uktaṃ ⸤ca—‘sadṛśādṛṣṭacintādyāḥ smṛtibījasya bodhakāḥ’ iti | bharasyeti ‘adhīgarthada⸤yeśāṃ—’ iti karmaṇi ṣaṣṭhī | kavāṭaḥ karparam_ || 3 ||
yasyātivelaparivartavivartamāna-
toyendhanānalaśikhāvalayena dadhre |
dugdhāmbudhau niravalambananākamārga-
visrastasūryapariveṣaviḍambakatvam || 4 ||
ativelaṃ muhurmuhuḥ | toyendhano ⸤vāḍavaḥ | pariveṣo maṇḍalam_ || 4 ||
baddhāspadā galitanirjharagharmavāri-
nirdhautagaṇḍavadanā kamaṭhasya pṛṣṭhe |
yasyākulaṃ sapuruṣāyitavibhrameva
mūrtir nitambavalanena jahāra cetaḥ || 5 ||
gaṇḍā mahopalāḥ prāṇibhedā vā | gaṇḍau ca ka⸤polau | vadanam agramānanaṃ ca | kamaṭhaḥ kūrmaḥ | ākulaṃ sabhayaṃ sarāgaṃ ca | puruṣāyitaṃ ⸤viparītaṃ suratam_ | yatra yoṣitpuruṣavad ācarati | nitambo madhyabhāgaḥ śroṇiś ca || 5 ||
Lyasyāmburāśipayasā samam eva mantha-
pīḍām ivābhipatanena viśaṅkya gāḍham |
udgrīvakūrmaviṣamaśvasitavyudasta-
vīcīni nirjharajalāni yayuḥ pratīpam || 6 ||
L⸤6 ||
ākṛṣṭivegavigaladbhujagendrabhoga-
nirmokapaṭṭapariveṣṭatayāmburāśeḥ |
manthavyathāvyupaśamārtham ivāśu yasya
mandākinī ciram aveṣṭata pādamūle || 7 ||
bhartur mathanavyathocchittaye pādānte yasya surasarid ivāveṣṭata luṭhitavatī | nirmoka eva ⸤paṭṭo 'ṃśukabhedas tena pariveṣṭaḥ parivalanaṃ yasya tadbhāvena hetunā | pādāḥ pratyantaśailāḥ, ⸤pādau ca caraṇau || 7 ||
kalmāṣayan sapadi yaḥ pṛthumadhyabhāga-
m ārād adṛśyata nabhaścaracakravālaiḥ |
līlāvivṛttiparimaṇḍaladugdhasindhu-
śītāṃśubimbapariṇāhamṛgāvacūlaḥ || 8 ||
dugdhasindhur eva śītāṃśubimbasya pariṇāhaḥ parimāṇḍalyaṃ tatra ⸤mṛga evāvacūlaṃ cihnaṃ tadrūpaḥ suragaṇair yo vilokitaḥ | mṛgo 'pi madhyam indoḥ śabalī⸤karoti || 8 ||
ābhoginetraparivartanavibhrameṇa
mūrtyā nitambavalanākulatāṃ vahantyā |
yasyāśanair aviralotkalikākalāpa-
paryākulaṃ hṛdayam ambunidhir mamantha || 9 ||
bhogī vāsukir eva netram ākarṣaṇarajjus tasyā samantāt_ | ābhoginoś ca ⸤savistārayor netrayor dṛśoḥ parivartanaṃ paribhramaṇam_ | nitambaḥ śroṇir api | utkalikā vī⸤caya utkaṇṭhāś ca || 9 ||
yasyormibhir mathanakālavijṛmbhitāmbhāḥ
kṣīrodasindhur apahastitakaustubhāni |
nyāsīcakāra suradaityahaṭhāpahāra-
bhītyeva ratnapaṭalāni guhāgṛheṣu || 10 ||
apahastito 'bhibhūtaḥ | nyāsīcakāra nikṣiptavān_ || 10 ||
Lrolambasaṃkulakarāladalāravinda-
saṃbaddhahaṃsavalayāmalasindhutoyam |
siddhāvaruddhamaṇikaṃdaragāḍharāsa-
saṃrambhaghorahariṇārighanābhirāmam || 11 ||
L⸤rolambā bhramarāḥ | valayaḥ samūhaḥ | sindhavaḥ saritaḥ | rāsaḥ śabdaḥ | hariṇārayaḥ siṃhāḥ ⸤|| 11 ||
(bhāṣāsamāveśaḥ)
kallolabhaṅgaghaṭitapratibimbacakra-
m aikṣiṣṭa yaṃ pṛthuni kūrmakavāṭapṛṣṭhe |
tuṅgaṃ vibhajya bahudheva vapurbhramanta-
m āloḍanāya jaladheḥ suradaityalokaḥ || 12 ||
12 ||
(yugalakam_)
yasmin bhramaty anuvivartanaviplavārta-
kūrmādhirājakarajoddhṛtaratnakhaṇḍaiḥ |
vicchāyatā bhujagarājaphaṇair arugṇa-
pātālatālutimirais tarasādhijagme || 13 ||
anuvivartanaṃ paścādbhramaṇam_, tad eva viplavo bādhaḥ | tālu gahanam abhyantaraṃ ca ⸤|| 13 ||
yasyonmiṣatpralayameghaghaṭāsahasra-
vidyutkarālarasanena taṭījalārdrāḥ |
vyāttānanena phaṇinodadhimanthagāḍha-
khedād apāyiṣata kaṃdararandhravātāḥ || 14 ||
yasya kaṃdararandhramaruto vivṛtāsyena vāsukinā mathanakhedād apāyiṣata pītāḥ | ⸤rasanā jihvā || 14 ||
yasyācakāsati taṭībhuvi nīlagaṇḍa-
śailā nijacchaviviluptaraviprakāśāḥ |
kṣīrāmbudher mathanasaṃbhṛtakālakūṭa-
piṇḍā ivoddhatataraṅgaśatavyudastāḥ || 15 ||
nīlā indranīlāḥ | maṇyantarāṇīti kecit_ | gaṇḍaśailāḥ ⸤pṛthūpalāḥ || 15 ||
ścyotatsu kaṃdaradarīnikarān praviśya
dugdhārṇavotthitasudhārasasīkareṣu |
Lambhobhṛtaḥ prakaṭapattrapuṭālavāla-
līlāṃ dadhuḥ kṛtapadā yad upatyakāsu || 16 ||
kaṃdarāḥ kacchāḥ | pattrapuṭā evālavālaṃ sekasalilādhāraḥ | upatyaL⸤kā parvatasyāsanno bhāgaḥ | ‘upādhibhyāṃ tyakann āsannārūḍhayoḥ’ || 16 ||
kurvanti yasya kaṭakeṣv amalendranīla-
ratnasthalāny udadhimanthavighūrṇitasya |
vyāvṛttilolaśikharāgravipāṭyamāna-
tārāpathaskhalitakhaṇḍaśatānukāram || 17 ||
kaṭako madhya⸤deśaḥ || 17 ||
daṃṣṭrāgṛhītagurusaṃbhramabhūtadhātrī-
paryastakātaratarekṣaṇapātapītam |
yacchṛṅganirjharajalasrutibhir dudhāva
pātālapaṅkakaluṣaṃ vapurādikolaḥ || 18 ||
dudhāva kṣālitavatī | kolaḥ sūkaraḥ || 18 ||
sthūlendranīlakaṭakapratibimbyamāna-
m ābhāti yasya śaśalakṣmaniruddhamadhyam |
kṣīrodakūrmapatipṛṣṭham ivādikola-
vinyastapādaśabalīkṛtam indubimbam || 19 ||
19 ||
yasyāndhakāranikurambabhido nitamba-
sīmni prabhāprakaraśāritadigvibhāgān |
dṛṣṭvā maṇīn grahavimugdhamanā niśāsu
saṃcāra eva dṛśam āśu karoti bāhyaḥ || 20 ||
sīmā avadhiḥ | ⸤graheṣu vimugdhaṃ grahā ete syur iti vipralabdhaṃ mano yasya sa bāhyas tadaparicito loko ⸤niścayotpādanāya saṃcāra eva dṛśaṃ karoti | yadi saṃcaranti tadāmī grahāḥ, anyathā ca ⸤maṇaya iti gatāv eva dṛṣṭim arpayati | anyasya viśeṣasyābhāvād ityarthaḥ || 20 ||
yo bījayann iva niṣaṇṇarathaṃ taṭeṣu
śūnyāmbarabhramaṇakhinnam aśītaraśmim |
ābhāti dūragatakaṃdararandhravāta-
pātabhramīvalitavāridatālavṛntaiḥ || 21 ||
vātasya ⸤pātenābhigatyā bhramī bhrāntis tadvalitair jaladavyajanaiḥ sūryam iva samāśvāsayann ābhāti pratiL⸤bhāsate || 21 ||
Lpreṅkhatkarālakuruvindaśilānitamba-
baddhāspadaṃ kṣaṇam aśītamarīcibimbam |
yasya tviṣānumimate sadṛśatvam āpta-
m ūṣmāyamāṇam adhisānu kṛtapratiṣṭhāḥ || 22 ||
kuruvindaḥ padmarāgabhedaḥ | tviṣā tulyatvam āptam api ravim anumimate ⸤tarkayanti | ūṣmāyamāṇatvāt_ | ūṣmāṇam udvamann ūṣmāyamāṇaḥ | ‘bāṣpoṣmabhyām udvamane’ iti
⸤kyaṅ_ || 22 ||
spaṣṭābhilakṣyaramaṇīyakuśaprasūti-
r avyāhatā muniniketakṛtāspadaśrīḥ |
sānusthitir janakarājasuteva bhāsva-
daṅkollapallavatayā śriyam eti yasya || 23 ||
kuśā darbhāḥ, kuśaś ca sītāsutaḥ | na vibhiḥ pakṣibhir āhatā kṣuṇṇā | ⸤samunnatatvāt_ | nāsti ca vyāhataṃ śīlabhramo yasyāḥ | muniniketaiḥ saṃketaiḥ kṛtā ā⸤spadānāṃ gṛhāṇāṃ samṛddhir yasyām_ | muninikete ca vālmīkigṛhe kṛtā āspadasya ⸤sthiteḥ śobhā yayā | bhāsvanto 'ṅkollānāṃ nikocākhyatarūṇāṃ pallavā yatra | bhāsvati aṅke ⸤ca ullapan_ lavaḥ sutaḥ tadbhāvena | ‘aṅkoṭe tu nikocakaḥ’ ity abhidhāneṣu pāṭhād aṅkollaśa⸤bdasyeha prayuktir ayukteva lakṣyate | asau tu ṭakārasya llādeśe kṛte prākṛta eva prayogam a⸤rhati | tathā ca vārarucaṃ sūtram_—‘aṅkoṭe llaḥ’ iti || 23 ||
naktaṃ vilagnadhavalagrahacakravāla-
durlakṣyasaurabhabharānumitātmarūpaiḥ |
abhyānatāḥ kusumarāśibhir ucchvasadbhi-
r ābhānti yasya kaṭake kaladhautavallyaḥ || 24 ||
durlakṣyam api saurabhasya ⸤bharād anumitaṃ svarūpaṃ yeṣām_ || 24 ||
saṃkrīḍato vikaṭaratnaśilāsu cakra-
cītkāratāraravapūritadikpurastāt |
yasyādhisānu ravikūbariṇo bhavanti
moghīkṛtas tava giraḥ khalu vālakhilyāḥ || 25 ||
saṃkrīḍataḥ kūjataḥ | ‘samo 'kūjane’ iti kūjane ⸤pratiṣedhāt_ ‘krīḍo 'nusaṃparibhyaś ca’ ity ātmanepadābhāvaḥ | kūbarī rathaḥ | vālakhilyā L⸤maharṣayo brahmaṇaḥ putrāḥ || 25 ||
Lāsannabhānum asitopalajālanaddha-
sopānatīranalinīnatanāgayūtham |
nākādhirūḍhanavanīlatamālavallī-
baddhāndhakāragahanātanusānukuñjam || 26 ||
26 ||
(piśācabhāṣāsamāveśaḥ)
ābaddhavāsukiphaṇāgaṇaphūtkṛtāgni-
tāpasphuṭadvikaṭakoṭiśikhāśmakūṭam |
kodaṇḍam indumukuṭaḥ svabharakṣamaṃ ya-
m ādāya dānavapurīḥ kila nirbibheda || 27 ||
koṭiśikhāsu śṛṅgāgreṣu | aśmakūṭāḥ pāṣāṇarāśayaḥ | ⸤indumukuṭo haraḥ || 27 ||
(yugalakam_)
bhettuṃ purāsurapurīḥ parameśvareṇa
bāṇāsanīkṛtatanuḥ pratanoty abhikhyām |
yo 'dyāpy amuktabhujagādhipadīrghabhoga-
jyābandhabandhura iva srutanirjharāmbhāḥ || 28 ||
srutanirjharajalatvād adyāpy amuktena jyābandhena rucira iva || 28 ||
cāpātmanaḥ śaśikalābharaṇārdhabhāga-
lagnādrijākarasarojaniviṣṭamuṣṭeḥ |
yasyoragādhipaguṇena ghanābhyaghāni
tatkambupaṅktir avanaddhatalāyamānā || 29 ||
⸤kambavo valayāḥ | talaṃ godhā || 29 ||
bhartuḥ sthitārdhavapuṣi sphuṭagāḍhabandha-
tāmyatphaṇīndraphaṇaphūtkṛtakātarāpi |
muṣṭigrahaṃ girisutā ślathayan na yasya
bhāvānuraktahṛdayaḥ kurute na kiṃ vā || 30 ||
bhāvena tattvataḥ || 30 ||
uttāpitaḥ pralayakālavijṛmbhamāṇa-
saṃrambhakarkaśakṛśānuśikhāsahasraiḥ |
nirvāpayann iva nitambabhuvo vibhāti
yo 'dyāpi kaṃdaramukhaskhalitair marudbhiḥ || 31 ||
nirvāpayañ śītalī⸤kurvan_ | mukhaṃ vadanam api || 31 ||
Lvispaṣṭadantarucayaḥ pṛthugaṇḍaśaila-
śobhā nitāntavikaṭonnatavaṃśakuñjāḥ |
yasyābhirāmaguṇatāṃ dadhati pradeśāḥ
sajjāṭavīraṇahitā gajayūthapāś ca || 32 ||
vīnāṃ spaṣṭā danteṣu pāṣāṇeṣu śikharasaṃnikṛṣṭeṣu bahiL⸤rnirgatapradalaneṣu ruciḥ sthānābhilāṣo yeṣām_ | vispaṣṭā ca prakaṭā daśanadyutir yeṣām_ | ⸤gaṇḍaśailāḥ sthūlopalāḥ | gaṇḍāv eva śailau | kaṭhinonnatatvāt_ | vaṃśo veṇuḥ pṛṣṭhanāḍī ca | ⸤kuñjo hanur api | sadbhir jāṭair latānāṃ mūlānāṃ vā samūhaiḥ | vīraṇaiḥ śākaviśeṣais tṛṇabhedair vā | ⸤hitāḥ prītisahitāḥ | tān vā hitāḥ gatāḥ | ‘hi gatau vṛddhau ca’ | sajjebhyo 'ṭavīṣu | ⸤raṇebhyaś ca hitāḥ kṛtopakṛtayaḥ | gajayūthapā mahāgajāḥ || 32 ||
yasyotpatan pratidinaṃ saviśeṣam eva
nālaṃ vilaṅghayitum unnatiśāli śṛṅgam |
āyāsitāruṇakarordhvavikṛṣyamāṇa-
preṅkhatkhalīnamukhavājiratho vivasvān || 33 ||
khalīnaṃ kavikā || 33 ||
yasyācakāsati nirargalanīrabhāra-
bhūribhramadbhramaramecakameghacakrāḥ |
adyāpi lokaparivartadaśākṛśānu-
dhūmākulā iva guhāgṛharandhrabhāgāḥ || 34 ||
⸤nirargalo niṣpratibandhaḥ | mecakaṃ kṛṣṇam_ | lokaparivartadaśā kalpāntaḥ || 34 ||
līlāvilolakalakaṇṭhavihaṃgakeli-
kolāhalākulakulāyakulāmalāṅke |
kakkolakandakadalīlavalīlavaṅga-
mālālalāmajalamañjulakūlakacche || 35 ||
⸤kulāyo nīḍam_ | āmalādyās tarulatābhedāḥ | mañjulā ramaṇīyāḥ || 35 ||
(bhāṣāṣaṭkasamāveśaḥ)
yasmin salīlam asitonnatagaṇḍaśaila-
nāgaḥ karoti vikarālakarāvamarṣāt |
raktātapābhinavapallavabhaṅgam arka-
bimbālavālavalayasya dinadrumasya || 36 ||
karā raśmayaḥ ⸤karaś ca hastaḥ || 36 ||
(yugmam_)
Lyo 'bhraṃkaṣaṃ śikharam utkaṭapadmarāga-
ratnaprabhāpaṭalapāṭalitaṃ bibharti |
saudāminīkapilakesaramālabhāri-
nīlābhrapatragaganotpalanāladaṇḍam || 37 ||
abhraṃkaṣaṃ nabhaḥspṛk_ | ‘sarvakūlābhrakarīṣeṣu kaṣaḥ’ iti khaś_ | L⸤mālabhārīti ‘iṣṭakeṣīkāmālānāṃ citatūlabhāriṣu’ iti hrasvaḥ || 37 ||
yasya prabhāvipulahārahitaiḥ stanāgraiḥ
ślāghyā tribhir valimukhaiḥ kṛtamadhyaśobhaiḥ |
lakṣmīṃ puraṃdhrijanatā maṇimaṇḍitaiti
sādhusthitiś ca munibhiḥ kaṭakāntareṣu || 38 ||
prabhayā vipu⸤lair hārair hitaiḥ sukhahetubhiḥ | prabhāviṇā ca pulahākhyena muninā arahitaiḥ | tribhir valīnāṃ ⸤tvaksaṃkocānāṃ mukhair agraiḥ ślāghyā | teṣāṃ manoharatvāt_ | ślāghyaś cātrir nāma munir yeṣām_ | ⸤valimukhaiś ca pariṇāmavaśād valīvadanaiḥ | madhyam udaram abhyantaraṃ ca || 38 ||
pāścātyabhāgam avalokayatāṃ śaśāṅka-
bimbasya lakṣmamalaśūnyatayā parītam |
utsaṅgasaṅgimṛgatāgamikatvam eti
tuṅgeṣu yasya śikhareṣu kṛtāspadānām || 39 ||
utsaṅgasaṅgī ⸤madhyalagno mṛgo yasya tadbhāvaḥ śaśāṅkasyāgamikatvam eti | āptopadeśād avagamyate | ⸤āgamo 'syāstīty āgamikaḥ | ‘ata iniṭhanau’ || 39 ||
ākṣiptacetasam anuttarasānutarṣa-
saccāṣakāntaracitasthitikesaraughaiḥ |
uttaṃsanīlanalinair iva yo bibharti
lakṣmīṃ nitambavalayaiḥ sapalāśacakraiḥ || 40 ||
anuttareṣv anuttameṣu sānuṣu tarṣo ⸤bhramaṇarucir yeṣāṃ taiḥ sadbhiś cāṣair vihaṃgamabhedaiḥ kāntaṃ kṛtvā racitasthitayaḥ kesaraughā baku⸤lakulāni yeṣu | tathā anuttarasena anutarṣeṇa rasakeṇa sacchobhanaṃ caṣakasaṃbandhi antaraṃ tena ⸤citasthitayaḥ kesaraughāḥ kiṃjalkasaṃhatayo yeṣām_ | citā vyāptā | palāśāḥ kiṃśukāḥ ⸤pallavāni ca || 40 ||
yasyopāntagataṃ niśāsu nayataḥ śyāmāśmaraśmicchaṭā-
saṃtānaiḥ śiśiratviṣaḥ puṭakinīpattraśriyaṃ maṇḍalam |
Lcakre ratnataṭeṣu kānanabhuvaś cūḍāśaśāṅkaprabhā-
saṃkocapraviluptapaṅkajavanacchāyā bhraman dhūrjaṭiḥ || 41 ||
śaśāṅkarucikṛtena saṃkocena vicchinnanalinaśobhā vanabhuvo yasya L⸤śaṃbhuḥ paribhramann akarot_ | śyāmāśmāna indranīlāḥ | puṭakinī padminī || 41 ||
⸤iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave rājānaka⸤śrīratnākarasya kṛtau ratnāṅke haravijaye mahākāvye mandaravarṇano nāma ⸤caturthaḥ sargaḥ |
iti ⸤rājānakajayānakasūnor alakasya kṛtau haravijayaviṣamapadoddyote caturthaḥ sargaḥ ||