śrīdurgadattanijavaṃśahimādrisānu-
gaṅgāhradāśrayasutāmṛtabhānusūnuḥ |
ratnākaro lalitabandham idaṃ vyadhatta
candrārdhacūlacaritāśrayacāru kāvyam || 1 ||
Jodhpur 11123
- Siglum: P_D_A
XXX Jodhpur 11123 as in Pasedach 2017. Fix header!XXX
More ▾
| Title | Haravijaya |
| Author | Ratnākara |
| Physical description | |
|---|---|
| Language/Script | Sanskrit in Devanāgarī script. |
| Format | digital |
| Material | digital |
| Extent | something we need here. |
| History | |
|---|---|
| Date of production | 2020 |
| Place of origin | Hamburg |
- P_D_A
lalitamadhurāḥ sālaṃkārāḥ prasādamanoramā
vikaṭayamakaśleṣodāraprabandhanirargalāḥ |
asadṛśagatīś citre mārge mamodgirato giro
na khalu nṛpate ceto vācaspater api śaṅkate || 2 ||
sārdrānandāmṛtarasaparispandaniḥsyandinīnām
asmadvācām atiśayajuṣāṃ vastutattvābhidhāne |
prauḍhajyotsnādhavalavikasaddigvadhūkarṇapūra-
brahmastambhastabakayaśasāṃ ko 'pi ṭāṅkāraṭaṅkaḥ || 3 ||
dhārā kāvyaprabandhapraṇihitaparamaḥ śrotrapeyā kavīnāṃ
bhāṣā....... 'pi yasya kvacid api na gatā bhāratī bhāratatvam |
prāptajñeyāvasānasphuradamalataraprātibhijñānasaṃpat
so 'haṃ ratnākaras te sadasi kṛtapadaḥ kṣmāpa vāgīśvarāṅkaḥ || 4 ||
yasyodaye tvatamasaṃ dadhato viśuddhir
āvirbhavaty aniśam eva jalāśayānām |
tadgrastavāṅmayasamudram avaihi rājan
ratnākaraṃ sa .................aurvyam || 5 ||
dṛbdhaḥ saṃprājñakair yatra jagati kavibhi vastu tatrāsti kiṃcit
kṣuṇṇe kṣuṇṇatvacintāgahanaviṣayatā tasya dūrastu tāvat |
tan maṃdābhipragalbhaprasaragurucirām agraṇīr bāṇa eko
rājan ratnākaraś ca jvalanavad avanau jājvalīti dvitīyaḥ || 6 ||
haravijayamahākave pratijñāṃ śṛṇuta kṛtapraṇayo mama prabandhe |
api śiśur akaviḥ kaviḥ prabhāvād bhavati kavis tu mahākaviḥ krameṇa || 7 ||