yasyāmaravadhūr dadhre madanānṛjuhāvatām |
sumālī so 'tha saṅgrāme ripusenāṃ juhāva tām || 1 ||
Kāvyamālā 22, OCR
- , ,
- Known as: , (NCC).
- Siglum: KOCR
Kāvyamālā from OCR-Here only canto 3
More ▾
| Title | Haravijaya |
| Commentary | Viṣamapadoddyota |
| Author | Ratnākara |
| Commentator | Alaka |
| Physical description | |
|---|---|
| Language/Script | [Sanskrit in Latin script.] |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- KOCR
L⸤trayaścatvāriṃśaḥ sargaḥ |
L⸤yatkṛte madanenānṛjuhāvatāṃ devayoṣid dadhre sa sumālī nāma daityas tām arisenāṃ juhāva yu⸤ddhāyāhūtavān_ | anṛjur vaktraḥ | hāvaś ceṣṭāviśeṣaḥ || 1 ||
saṅgrāmakānanottālatālanistriṃśamaṇḍale |
vidyādharagaṇe darpād avasānaṃ suradviṣām || 2 ||
tato 'tatītitottātīnānā nānā na nūnanā |
sa susāṃso 'susāsāsir irārorārir airirat || 3 ||
tato 'surāṇām antaṃ vidyādharagaṇe ⸤'tati gacchati sati sa sumālī tām eva nānā bahuvidham airirac cikṣepeti saṃbandhaḥ | ītīnā⸤m upadravāṇāṃ tottā vyathakaḥ | vināśaka ityarthaḥ | atra ‘kartari ca’ iti ṣaṣṭhīsamāsaprati⸤ṣedho na bhavati | ‘janikartuḥ prakṛtiḥ’ ity anena tadanityatvasya jñāpitatvāt_ | atīnānā ⸤inasya prabhorano ratham atikrāntaḥ svāmiratham atikramya paramparam_ nataṃ raṃgā (?) | nūno navo ⸤nā puruṣo na kiṃ tarhi purāṇaḥ | susāṃsaḥ suṣṭhu sahāṃsābhyāṃ vartate | balavān ityarthaḥ | a⸤susāsāsiḥ asusau prāṇāntakāriṇau āsaḥ śarāsanam asiś ca yasya saḥ | irā bhūs tayā ⸤rorā daridrā arayo yasya | tenaivāhṛtatvāt_ | nūna iti ‘navasya nū ādeśo nastnaptanap_⸤khāś ca pratyayāḥ’ iti sādhuḥ | airirad iti ‘īra gatau’ ity asya curādiṇijantasya luṅi rū⸤pam_ | atrottaratra ca vyākhyāntaraṃ kvacit saṃbhavad api na kṛtaṃ kliṣṭatvād granthagauravabhayāc ca || 2 || ⸤3 ||
⸤(ekākṣarapādaḥ | yugmam_)
sārāmarṣinikṛttārikaṇṭharaktahradākulā |
samantapañcakorvīva babhūva raṇapaddhatiḥ || 4 ||
sāraiḥ sudṛḍhair amarṣibhiḥ sapatnair nikṛttāś chinnāḥ | samantapañcakaṃ kṣetram_ | tatpakṣe tu ⸤ripukaṇṭhā rāmarṣiṇā kṛttāḥ | seti ca pṛthakpadenorvī viśeṣyate || 4 ||
nādyāniṣata tenājau ke tucchatrapatā kayā |
tatsenayā dadhe bhagnaketucchattrapatākayā || 5 ||
tena sumālinā ⸤samare kenāghāniṣata sarve nihatāḥ | bhagnāḥ ketuś chattraṃ patākā ca yasyās tathāvidhayā ca ⸤tatsenayā kayā tucchatrapatā dhṛtā | na kayācit_ | sarvaiva pracuralajjābhūd ityarthaḥ | aghāniL⸤ṣateti hanter luṅi ciṇvadbhāva iḍāgamaś ca || 5 ||
Lso* 'tha nandī dadhaccakraṃ raṇaśrīnābhimaṇḍalam |
eko 'py aneka ity ājau vicarann aikṣyatāribhiḥ || 6 ||
- ⸤1. ‘somanandī’ kha.
aneka iti pratyekaṃ ripūṇāṃ saṃrambheṇa ⸤praharaṇāt_ || 6 ||
bhedenaibhaṃ raṇe tasminn avasāya kaṭaṃ kayā |
nāroci senayā tasya navasāyakaṭaṅkayā || 7 ||
aibhaṃ kaṭaṃ gajagaṇḍaṃ bhedenāvasāya pralayaṃ nītvā kayā senayā nāroci ⸤sarvayaiva śobhitam_ | navasāyakaṭaṅkayā navaśaraśobhayā || 7 ||
daityā daityā ivoddāmadordaṇḍabalaśālinaḥ |
surāḥ surā ivānyonyaṃ vyatijaghnur mahāhave || 8 ||
vyatijaghnuḥ parasparaṃ jaghnuḥ | ⸤‘itaretarānyonyopapadāc ca’ iti karmavyatihāre taṅṅabhāvaḥ || 8 ||
viṣāṇamusalair nūnam abhinandanti no rasām |
vyūḍhatvaṃ ke sma daityānām abhindanandantinorasām || 9 ||
ye dantino niścita⸤m eva rasāṃ bhuvaṃ viṣāṇamusalair abhindan vidārayām āsus te gajā daityasaṃbandhinām urasāṃ pīvaratvaṃ ⸤ke nābhinandanti sma | sarva evābhyanandan_ | kṣitivattadbhede pāṭavābhāvāt_ | kecit pā⸤dābhyāsānurodhena ‘abhinan_’ iti paṭhanti tat tu na yuktam_ | luṅi dakāralopasyālākṣa⸤ṇikatvāt_ || 9 ||
pratyajñāyi prasaratā vī*reṇājāvadantatā |
nairguṇyam āśu bhajataḥ piber iva viṣāṇinaḥ || 10 ||
- 2. ‘dhīreṇa’ ka.
nairguṇyam akiṃcitkaratvam āśrayato gajasya kenacid vīreṇādantatā pratya⸤jñāyi | dantaśunyo 'yam iti pratijñā kṛtā | anyathā kathaṃ yudhyeta | piber iva | yathā pi⸤bādeśasya lakṣye guṇābhāvaṃ bhajato 'dantatā akārāntatā pāṇininā pratijñātā | anyathā ⸤hi laghūpadhatvād guṇaḥ syāt_ || 10 ||
raṇe śivābhir ama nāgr amanāg amitaṃ cakale varam |
adṛśyatāsthiśeṣatvaṃ gamitaṃ ca kalevaram || 11 ||
amitaṃ sthūlaṃ varaṃ cotkṛṣṭaṃ kalevaraṃ śarīraṃ śivā⸤bhir amanāk_ cakale saṃkhyātam_ | ‘kala śabdasaṃkhyānayoḥ’ | asthiśeṣatvaṃ gamitaṃ cādṛśyata ⸤māṃsārthitayā vicāritam_ || 11 ||
babhuḥ śrīvṛkṣakharjūrīsaṃniveśamanoramāḥ |
turagāḥ kānanacchāyāḥ paryāptavaṭavarṇakāḥ || 12 ||
śrīvṛkṣaḥ kharjūrī cāvartaviśeṣau | anyatra śrīvṛkṣo ⸤bilvaḥ kharjūrī ca taruviśeṣaḥ | paryāptā vaṭavarṇās tilakabhedā yasya tādṛk kaṃ śiro yeṣām_ | L⸤vaṭaś ca nyagrodhaḥ | varṇakāś candanataravaḥ || 12 ||
Labhāvi rabhasān nākastriyā mānavatāṃ tayā |
raṇadhūlyā dadhe tasyās triyāmā navatāntayā || 13 ||
mānavatāṃ śūrāṇāṃ rabhaso 'bhilāṣas tasmā⸤t tayā nākastriyā bhāvitam_ | śritotkaṇṭhita(ṇṭha)yā sthitam_ | lyablope pañcamī | tasyāś ca ⸤tadabhisaraṇodyatāyā raṇadhūlyā triyāmā rātrir ādadhe kṛtā | tayeti vā hetutṛtīyā | aham a⸤nayā vṛto 'ham anayā vṛta iti yas tad dhetukas teṣāṃ raṇas taddhūlyetyarthaḥ | navena stutyā tāntayā ⸤khinnayā śūrāṇāṃ punaḥpunaś cāṭukaraṇāt_ || 13 ||
puṣpadanto 'paratrātha bhraman diṅnāgavibhramaḥ |
daityān sīmantayāmāsa sāgarormīnivoddhataḥ || 14 ||
sīmantayāmāsa dvidhākarot_ || 14 ||
yudhi nighnañjayāvāptikāṅkṣiṇo 'tismayācitaḥ |
abhayaṃ tair asau senāṃ kāṃ kṣiṇoti sa yācitaḥ || 15 ||
⸤jayāvāptiṃ kāṅkṣanti ye 'rayas tān ativismayācito bahunā garveṇa yukto vinighnaṃs taiś cāri⸤bhir abhayaṃ yācitaḥ kāṃ senāṃ kṣiṇoti sma | na kāṃcit_ || 15 ||
sa prajñātatamo 'py ekas tadānāhatalakṣaṇaḥ |
bhīṣmo 'py aśāntanavatāṃ vidadhāra nadan raṇe || 16 ||
prajñāta......⸤lakṣaṇam ity abhidhānāt_ | anāhataṃ lakṣaṇaṃ dhvajo yasyeti tu na virodhaḥ | bhīṣmo 'śānta⸤navaś cety api tu virodhaḥ || 16 ||
so 'bhūt svanaśriyābdotkamayūrāgamakṛttayā |
icchayāsya bhaṭā yoddhumayū rāgam akṛttayā || 17 ||
abdeṣu jaladeṣūtkānāṃ mayūrāṇām āgamakṛd asau siṃhanā⸤dasamṛddhyābhūt_ | tayā svanaśriyāsya cecchayā bhaṭā yoddhuṃ rāgamayuḥ saṃprāptāḥ | akṛttayā ⸤avinaṣṭayā || 17 ||
prabhañjano 'risenāsu tadāsāv acyuto raṇe |
bhāsvān vapuṣi cābhāsīt piṃśann amaravidviṣām || 18 ||
prabhañjano vāyur api | bhāsvān ravir api | amaradviṣām iti ‘jāsi⸤niprahaṇa—’ iti ṣaṣṭhī || 18 ||
sālāṃsaḥ salilollolalolāsiḥ sūllaso 'ṃsalaḥ |
līlālasaṃ lalāsāsau sāso 'sallālasāsulūḥ || 19 ||
asau gaṇo līlālasaṃ kṛtvā lalāsa cikrīḍa | sā⸤lāṃsaḥ sālatarusamaskandhaḥ | salilasyollolas taraṅgas tadvallolo 'sir yasya saḥ | suṣṭhūllasa⸤tīti sūllasaḥ pramuditaḥ | aṃsalo balavān_ | sāsaḥ sahāsena prāsena dhanuṣā vā vartate L⸤saḥ | asatī ninditā lālasā vāñchā yeṣāṃ te asallālasā māraṇodyatā ripavas teṣā⸤m asūṃl lunāti yaḥ sa tathoktaḥ | dvyakṣaraḥ || 19 ||
⸤(dvyakṣaraḥ)
Lya ekastarasā daityān vaṃśān iva suparvaṇaḥ |
kṣmābhṛtkaṭakasaṃcārī babhañja surakuñjaraḥ || 20 ||
parvāṇy utsavāḥ saṃdhayaś ca | kṣmābhṛto ⸤nṛpāḥ parvatāś ca | kaṭakaḥ skandhāvāro nitambaś ca | surakuñjaraḥ suraśreṣṭho devagajaś ca | sa⸤rvatra ‘vṛndārakanāgakuñjaraiḥ pūjyamānam_’ iti samāsaḥ || 20 ||
sāditānavatī senā saṃyugaṃ rabhasāditā |
sāditā yudhyamānena tenāreḥ sahasā ditā || 21 ||
sādino gajāśvārohāḥ | ⸤teṣāṃ tāno vistīrṇatā sāsti yasyām_ | tādṛśī sā senā tena gaṇena sāditāvasādaṃ ⸤nītā | sahasā ditā khaṇḍitā | ‘do avakhaṇḍane’ | rabhasāt saṃyugamitā gamitā || 21 ||
(saṃdaṣṭayamakam_)
ghanasaṃtamasacchāyā nīlavajravarūthinī |
tīkṣṇavartmabhir ākīrṇā pātalorvīva bhogibhiḥ || 22 ||
⸤anyeṣu viṣayeṣv anagho nirdoṣo 'khaṇḍito vā ghanaś ca nyāyo vīravrataṃ yasyāḥ | ātataṃ ca ⸤tāmasaṃ krodhaṃ yayā tādṛśī yā matā jñātā | sā nīlavajrākhyasya daityasya senā tīkṣṇa⸤vartmabhiḥ khaḍgair ākīrṇā āśu tvaritam āsīt_ | bhogino 'pi tīkṣṇavartmāno dṛṣṭiviṣāḥ | ⸤tīkṣṇaṃ viṣaṃ vartmany apāṅgadeśe yeṣām iti kṛtvā | sārā prakṛṣṭā ābhā yasyāḥ | śubha ārāsaḥ ⸤śabdo yasyāḥ | sāratā sāvaṣṭambhatvaṃ mamatāhaṃkāras tayo rasā bhūmiḥ | tama eva tāmasam_ | ⸤prajñāditvād aṇ_ || 22 ||
sārābhāśu śubhārāsā sāratāmamatārasā |
yāny ānaghaghanan yāyā sā matātatatāmasā || 23 ||
23 ||
⸤(anulomapratilomapādaḥ | yugalakam_)
sa kārtāntikasiddhāntaprakriyām iva tāṃ javāt |
tadā viluptajyākendrām avadhīdavadhānataḥ || 24 ||
viluptajyākaś chinnamaurvīka indraḥ svāmī yasyās tādṛśīṃ ⸤tāṃ senāṃ sa gaṇo 'vadhīt_ | avadhānata ekāgratayā | avadhair vā ahatair ānataḥ praṇataḥ | kā⸤rtāntikā gaṇakāḥ | prakriyā śailī | tatra jyā grahāṇām asphuṭānāṃ jīveti prasiddhā sphu⸤ṭīkaraṇayuktiḥ | kendraṃ madhyamandabhedena dvividhaṃ cālyamāno grahaḥ | yathā caitat tathā taL⸤c chāstrād evāvagantavyam_ | atra pakṣe 'viluptety akārapraśleṣaḥ || 24 ||
Lbabhūvur nandino roṣād asṛgālohitā dṛśaḥ |
na yasya pratibhāty ārād asṛgālo hi tādṛśaḥ || 25 ||
nandino dṛśo 'sṛ⸤graktaṃ tenevālohitā babhūvuḥ | yasya tādṛśo nīlavajrajātīyo nāsṛgālaḥ pratibhāti | ⸤api tu sagāla eva | palāyamānatvāt_ || 25 ||
sa tasya valgato dehād asināpātayacchiraḥ |
dinātyaya ivāstādreḥ sphuradarkasya maṇḍalam || 26 ||
26 ||
balaṃ vismāyi śailāder uru dhuryatayobhayam |
tenāsta divyāḥ khaṃ draṣṭuṃ rurudhur yatayo 'bhayam || 27 ||
śailādir nandī | tasyobhayaṃ ⸤balaṃ sauṣṭhavarūpaṃ senākhyaṃ ca dhuryatayā uru prabhūtam āścaryakaraṃ yasmād āsta tena kāraṇena ⸤divyā yatayo devarṣayaḥ khaṃ rurudhuḥ | abhayaṃ kṛtvā draṣṭum_ || 27 ||
abhraṃkaṣatvaṃ dadhataḥ kaṭakacchāyayānvitāḥ |
vibabhuḥ subhaṭās tasya senorvīkulaparvatāḥ || 28 ||
kaṭakaḥ sainyaṃ nita⸤mbaś ca || 28 ||
dikcakraṃ praṇatābhītidānavācā rurutsatām |
kīrtis teṣām agād bhagnadānavā cārurutsatām || 29 ||
praṇatānām abhītidānarūpayā vācā dikcakram ārurutsatāṃ roddhum icchatāṃ ⸤teṣāṃ gaṇānāṃ kīrtir utsatām acchinnapravāhatvaṃ yayau | yato bhagnadānavā cāruś ca || 29 ||
āsphālya nikvaṇanmaurvātantrīkāś cāpavallakīḥ |
gandharvapṛtanā daityaiḥ sārdhaṃ raṇaralīṃ vyadhāt || 30 ||
⸤ralī goṣṭhī || 30 ||
tejo 'hṛta surārīṇām anṛjvālābhidhāvatām |
sthitir gatyā raṇe yeṣām anṛjvālābhi dhāvatām || 31 ||
gandharvasenā tejaḥ surārīṇām ahārṣīt_ | ata eva nṛjvālā puruṣa⸤tejas tadabhidhā nāsti yeṣām_ | ete tejasvinaḥ puruṣā iti na kaścit tānvyavaharatī⸤tyarthaḥ | yeṣāṃ dhāvatām anṛjvā kuṭilayā gatyā raṇe sthitir alābhi prāptā || 31 ||
sphuṭārdhacandram uddāmavāhinīpātasaṃkulam |
maheśvaraśiraś chāyaṃ śvasannāgaṃ raṇāṅganam || 32 ||
⸤śivasyāpatyaṃ śaivaḥ kumāraḥ | śivādibhyo 'ṇ_ | sa raṇāganaṃ viveśa | ardhacandraś candrakha⸤ṇḍo 'pi | vāhinī gaṅgāpi | nāgāḥ sarpā api | viśveṣāṃ samagrāṇāṃ śāvānāṃ śiśūL⸤nām īśo vibhur adhidevatā | śaiśavaṃ bālyam_ | śavānām aṃśā bhāgās teṣv āśābhilāṣas te⸤nāveśinaḥ sonmādāḥ śivāvaṃśāḥ sṛgālīsaṃdhā yatra raṇāṅgane | viśāṃ vaśī ⸤janānāṃ madhye jitendriyaḥ || 32 ||
Lviveśa viśvaśāveśaḥ śaśīva śivaśaiśavaḥ |
śaivaḥ śavāṃśāśāveśiśivāvaṃśaṃ vaśī viśām || 33 ||
33 ||
⸤(dvyakṣaraḥ | yugmam_)
dadhatka*rāṅgulivrātabhogīndrakṛtaveṣṭanām |
sa śaktim asurāmbhodhimāthimandaravibhramām || 34 ||
- ⸤1. ‘karāṅgulī’ kha.
34 ||
saṅgrāmabhūmiṃ karuṇām adadhat tāmasāvṛtaḥ |
yaśo nighnan ripucamūm adadhat tāmasāvṛtaḥ || 35 ||
asau kumāro ripucamūṃ ⸤nighnanyaśo 'dadhad babhāra papau vā | ......syā eva ‘dheṭ_ pāne’ | ‘vibhāṣā dheṭ_śvyoḥ’ ⸤iti vibhāṣā caṅādeśaḥ | tāṃ saṅgrāmabhūmimṛto gataḥ karuṇām adadhad adhārayat_ | tāmasā⸤vṛtaḥ krodhāviṣṭaḥ || 35 ||
tam abhīyus tanucchāyatimirāvṛtadiṅmukhāḥ |
satārakā varūthinyaḥ kṣayakālaniśā iva || 36 ||
tanucchāyaṃ śarīrakāntir eva timiram_ | ‘vibhāṣā senāsurā—’ ⸤iti napuṃsakam_ | tārako nāma daityaḥ, tārakāṇi ca jyotīṃṣi || 36 ||
sa vyadhād akṣatāśastāḥ sannayo dhāmahāsinā |
savyadhā dakṣatāśastāḥ sannayodhā mahāsinā || 37 ||
sa kumāras tāḥ ⸤senā dakṣatayā śastā api sannayodhāḥ savyadhāś ca mahāsinā vyadhād akarot_ | akṣatā⸤śo 'khaṇḍitāsthaḥ | sanayaḥ sunītiḥ | dhāmahāsinā tejasā prahasanaśālinā | ‘vyadhaja⸤por anupasarge’ ity ap_ || 37 ||
(samudgayamakakā*ñcīgomūtrikāmurajajālaba*ndhāḥ)
- 2. ‘kāñcī’ ka-pustake nāsti.
- 3. ‘bandhāś ca’ ka.
kṛtāntanagarīsālavalayaṃ ca*kritaṃ dhanuḥ |
dadhat tenātha yuyudhe tārakākṣo ma*hāhave || 38 ||
- 4. ‘cā⸤ñjitaṃ’ ka.
- 5. ‘sahāhave’ kha.
tārakākṣaprabhṛtayo daityāḥ || 38 ||
śubhadātā tadā daityānavasyandanave gataḥ |
tatsaṅgrāmāṅganaṃ reje navasyandanavegataḥ || 39 ||
danave dānavānāṃ jananyai ⸤śubhadātā śreyasaḥ khaṇḍayitā kumāraḥ saṅgrāmāṅganaṃ gato daityān avasyan vyāpādayan_ | taccaraL⸤ṇājiraṃ navānāṃ syandanānāṃ vegena śuśubhe | danava iti ‘kriyāgrahaṇam api kartavyam_’ | iti ⸤saṃpradānatā || 39 ||
Ltatsainikān samīke sa camūracitasacchriyaḥ |
kṣeptuṃ jagattrayāpāyasamīraṇa ivācalān || 40 ||
sa kumāraḥ | samīke raṇe | tasya ripoḥ sainikānekaśaḥ pratyekaṃ śaṃ ⸤sukhena kṣeptuṃ śaśāka | camūbhī racitā camūraiś ca mṛgabhedaiś citā vyāptā satī śrīr yeṣām_ | ⸤śaśikeśasya candramauler aṃśakaḥ sutaḥ | aśokā pramuditā gaurī yatra samīke | śiśu⸤r bālaḥ | ata eva śukī krīḍāśukabhṛt_ | aśūko durdāntaḥ kekīnām īśo mahāmayūras tasyā ⸤kāśaḥ samantād bhrājamānaḥ kauśikaḥ śakraḥ | sa yathā varṣeṇāvarjayati mayūraṃ tathāsāv api ⸤nijaṃ samarottejanayā | śūkā karuṇā || 40 ||
śaśikeśāṃśako 'śokakauśikīke śiśuḥ śukī |
śaṃ śaśākaikaśo 'śūkakekīśākāśakauśikaḥ || 41 ||
41 ||
⸤(dvyakṣaraḥ | yugalakam_)
lakṣmīḥ ṣaṭcaraṇacchāyāśobhīny asurasainikaiḥ |
dadṛśe tasya vaktrāṇi padmānīvādhitasthuṣī || 42 ||
tasya ṣaṇmukhāni raṇacchāyāśo⸤bhīni padmānīvādhiṣṭhitavatī śrīḥ sainikair dṛṣṭā | padmāny api ṣaṭcaraṇānām alīnāṃ chāyayā ⸤śobhāśālīni || 42 ||
manvānās taṃ śaraiḥ saṃkhye te purastād ripuṃ jitam |
tejo 'rkam iva bibhrāṇaṃ tepur astādri puñjitam || 43 ||
te daityās taṃ ripuṃ saṃkhye raṇe purastād agrato jitaṃ manvānās tadī⸤yaiḥ śarais tepuḥ saṃtaptā jātāḥ | astā jitā adrayo yatra tādṛśaṃ tejaḥ puñjitaṃ dhāraya⸤ntam_ | ādityam iva | so 'py astādrau puñjitam eva dhāma dhārayati || 43 ||
sudarśanaśrīr dviṣatāṃ sa cakribhujam āśritaḥ |
śirāṃsi pīvaracchedaskandhacakrāṇi śātayan || 44 ||
sa īśaśiśuḥ ⸤kumāraḥ śaraiḥ śārā āśānāmaśrīḥ paryantān ārarau jagrāha | śobhanā darśanasya rūpasya śrī⸤r yasya | cakriṇaḥ sarpās tān bhuṅkta iti cakribhuṅmayūraḥ | tam āśrito 'dhirūḍho ripuśirāṃsi ⸤śātayan bhindan_ | tathā sudarśanaḥ śauricakraṃ tasyaiva śrīr yasya | so 'pi cakribhujaṃ haribāhu⸤m āśritaḥ śatruśirāṃsi śātayati | śūrayati sādhv iti śūrī vikrāntaḥ | ‘sādhukāriṇi ca’ ⸤iti ṇiniḥ | aśriyā rorā daridrā aṃśavo yasya saḥ | śaśinam īrayati nyakkarotīti ⸤śaśīro rāhus tam aśnātīti śaśīrāśī rāhughātī | reśino siṃhakāḥ | ‘reśṛ hiṃsāyām_’ | ⸤tān api śṛṇāti hinastīti reśiśīḥ | ariśaḥ pratiripuṃ śaśannāplutibhir gacchan_ | L⸤ariśa iti ‘saṃkhyaikavacanāc ca vīpsāyām_’ iti śas_ || 44 ||
Lśūrīśaśiśurāśāśrīr aśrīrorāṃśur ārarau |
śaśīrāśī śaraiḥ śārā reśiśīrariśaḥ śaśan || 45 ||
45 ||
(dvyakṣaraḥ | yugalakam_)
upasargā iva gatāḥ kriyāyogena śūnyatām |
āsaṃs tasya hatā bāṇair aprāptagatisaṃjñakāḥ || 46 ||
tasya bāṇair āhatā ⸤daityā aprāptā gatir gamanaṃ saṃjñā ca cetanā yaiḥ kriyāyogeṇa ca śūnyatāṃ gatā nirvyārā ⸤āsan_ | upasargāḥ prādaya iva | te hi kriyāyogam antareṇa gatisaṃjñāṃ na pratilabhante | ⸤‘upasargāḥ kriyāyoge’, ‘gatiś ca’ iti vacanāt_ | upasargavyapadeśaś ca yogyatāvaśāt_ || ⸤46 ||
spṛhāṃ kenākarot tasmai sajjātīyāya sāravān |
taccamūś ca dviṣaḥ saṃkhye sajjātīyāya sā ravān || 47 ||
sāravān balī kas tasmai spṛhāṃ na cakāra | sajātīyāya sujanmane | ‘jātyantāccha⸤bandhuni’ iti svārthe chaḥ | tasya camūḥ śatrūn atīyāyāticakrāma | sajjā saṃnaddhā | sāravā⸤n ninādayuktān_ || 47 ||
tam abhyait ketumālīti navāñjanamalīmasaiḥ |
anvīyamāno ditijaiḥ prāvṛṭkāla ivāmbudaiḥ || 48 ||
48 ||
kṣuṇṇaṃ tena samidvartma tadīye dānavartibhiḥ |
vyaroci ca gajaiḥ saṃkhye tadīye dānavartibhiḥ || 49 ||
dānavartibhir dānavānāṃ gatibhiḥ kṣuṇṇaṃ tadraṇavartma tena ⸤ketumālinā īye gatam iti karmaṇi lakāraḥ | tadīye ca samare gajaiḥ śobhitam_ | dāna⸤vartibhir madajalapravartanaśīlair madasthair vā || 49 ||
tadāsau vīrakopāttaśubhalakṣmīparigrahaḥ |
ṣaḍjanyāsatayā bi*bhranmukhāni gayam a*bhyayāt || 50 ||
- ⸤1. ‘bibhyat_’ kha.
- 2. ‘abhyadhāt_’ kha.
asau kumāro vīrakopena gṛhītaśamaśo⸤bhaḥ ṣaṭ_ ca mukhāni bibhradgayāsuram abhīyāya| janyāsatayā janye 'syatīti janyāsas tadbhāvena | ⸤raṇe nirasitum ityarthaḥ | atha ca dhvanitam_—ṣaḍ_jasya svarasya nyāso yeṣu mukheṣu tāni ⸤tathā tadbhāvenopalakṣitāni mukhāny aṃśakān bibhratsauvīrakākhyena grāmarāgeṇopāttaśubhaśrī⸤r abhiyayāv iti || 50 ||
vidadhe nighnatā tena tamastārātinādayā |
tatsenayā śaraiś cakre tamastārātinādayā || 51 ||
taṃ gayāsuraṃ nighnatā tenādayā kṛtā | nirdayam eva tam avadhīd iL⸤tyarthaḥ | astārātinā nirākṛtadviṣā tatsenayā ca śaravarṣeṇa tamaḥ kṛtam_ | tārātinādayā ⸤uccair atiśayena nadantyā || 51 ||
Lu*dasāhi sa saṃhārasahasrakarabhāsvaraḥ |
yuyutsāsāhasotsāhaśālibhiḥ sahasāsuraiḥ || 52 ||
- ⸤1. ‘tadasāhi’ kha.
sa guhaḥ kair asurair ākor yuddhabhūmer udasāhi soḍhaḥ | kekī ⸤mayūra īrako netā yasya | nāsti kutsitā kārā bandhanam akatīti vā | karmaṇy aṇ_ | ka⸤rakā aśanivarṣaṃ tasya kārakaḥ śakras tasyārayo daityās tān rujatīti kvip_ | ākekara⸤kair bhayān nimīlitanayanaiḥ piṅgalākṣair vā | arokair niṣprabhaiḥ | ‘ruca dīptau’ | vistīrṇaṃ kaṃ ⸤śira ūrū vā yeṣāṃ taiḥ || 52 ||
kekīr ako 'kukārākaḥ karakākārakāriruk |
kair ākekarakair ākorarokairurukorukaiḥ || 53 ||
53 ||
(dvyakṣaraḥ | yugalakam_)
tārakāntasthitispaṣṭadṛṣṭadṛṣṭataraujasā |
sa śaktyā dīprayā hāralatayeva śriyaṃ dadhau || 54 ||
tārakāsyasya daityasyāntasthitir maraṇam_ | tā⸤rāṇāṃ ca muktāmaṇīnāṃ kāntā sthitī ramyam avasthānam_ | ojaḥ prabhā || 54 ||
cetasā baddharoṣeṇa mānināgaganānimā |
tato raṇabhuvaṃ caṇḍī tāmitā mamatāmitā || 55 ||
māninā ⸤cittenopalakṣitā caṇḍī tāṃ raṇabhuvamitā gatā | gaganavan nāsti nimā paricchedo yasyāḥ | ⸤mamatayāhaṃkāreṇa cāmitā aparicchinnā || 55 ||
⸤(yukpādapratilomaḥ)
tannikṛttaviparyāsaniviṣṭagrīvatāṃ gataḥ |
adṛṣṭacaramājau svaṃ bhaṭaḥ pṛṣṭham ivaikṣata || 56 ||
tayā nikṛttā viparyayeṇa ca niviṣṭā ⸤grīvā yasya tadbhāvaṃ gato bhaṭaḥ svapṛṣṭam ivāpaśyat_ || 56 ||
nābhāc chrutir ivāhīnā sadoṃkāratayā na yā |
agāhi bhartuḥ saṅgrāmasado 'ṅkāratayānayā || 57 ||
bhartuḥ śivasyāṅke āratayā ⸤krīḍitayā anayā saṅgrāmasado 'gāhi viloḍitam_ | yā śrutir iva na nābhāt api tu ⸤śuśubha eva | śrutir vedaḥ | sadoṃkāro raṇapraveśasamaye pāṭhakāle ca yasya tadbhāvanāhīnā ⸤sahitā || 57 ||
sā pramāpaṇaniṣṇātair aśūnyā bhaṭamaṇḍalaiḥ |
niṣadyeva tadā mṛtyoḥ sphuṭadaṃṣṭrā cakāsatī || 58 ||
sā bhagavatī eṇāriṇā siṃhena raṇerāṃ samarabhuvaṃ rīṇā śliṣṭā rarāṇa ⸤siṃhanādam akarot_ | pramāpaṇaṃ hiṃsanam_ | ‘mīñ_ hiṃsāyām_’ | anyatra pramā vikreyāṇāṃ L⸤padārthānāṃ paricchedaḥ | paṇo mūlyam_ | bhaṭā yodhāḥ svāmigrāhyabhogodgrāhakāś ca | niṣadyā ⸤āpaṇaḥ | daṃṣṭrā rathyāpi | reṇunā rorau vegavāhitvād rahitāv ūrū yasya tena | arṇorāṇāṃ ⸤raṇo dhvanis tasyāraṇiḥ kāraṇam_ | tattulyasiṃhanādetyarthaḥ | tathā aṇavaḥ prāṇās teṣām u⸤raṇair hiṃsābhir upalakṣitāḥ | rīḥ śleṣo maittrī | ‘rīṅ_ śleṣaṇe’ iti dhātuṣu keṣāṃcit pāṭhāt_ | ⸤tām īrayanti kṣipantīti rīraṇā dānavās teṣām ariṇeti hiṃsā eva viśleṣataḥ || 58 ||
Lreṇurororuṇārṇoraraṇāraṇiraṇūraṇaiḥ |
rarāṇaiṇāriṇā rīṇā raṇerāṃ rīraṇāriṇā || 59 ||
59 ||
⸤(dvyakṣaraḥ | yugalakam_ | ṣa*ḍbhiḥ kulakam_)
- ⸤1. ‘ṣaḍbhiḥ kulakam_’ ka-pustake nāsti.
avāravāṇatāṃ vairiramaṇīkucamaṇḍalaiḥ |
sārdhaṃ dadhānā daityoghānavetya sadṛśātmanaḥ || 60 ||
sā devī sadṛśātmano yuddhayogyasvabhāvān asurān avetya jñātvā .........devānāṃ ⸤naur ivābhavat_ | tayaiva teṣāṃ tato nistāritatvāt_ | aritrāsakṛdarīṇāṃ bhayajananī | a⸤ritrasya ca kenipātanasyāsakṛtkṣepakāraṇaṃ yasyām_ | karṇaḥ śrotraṃ ......... | avāra⸤bāṇatā nirnirodhaśaratvaṃ vaidhavyādakañcukatā ca | sāratayā sthairyeṇārahito 'dhyāsaḥ samarā⸤dhiṣṭhānaṃ yasyāḥ | sā dhyātā ca satī kṣatasādhvasā bhinnabhayā | ādhyānaṃ cintanam_ | ⸤sādhubhir apy asādharmyāṃ dhiyaṃ rāti yā || 60 ||
sāratārahitādhyāsā sā dhyātā kṣatasādhvasā |
sādhvasādharmyadhīrāsā sārādhītiratā rasā || 61 ||
61 ||
⸤(saptadaśākṣaraṃ padmam_)
raṇasindhuṃ sumanasāṃ tadānīm uttitīrṣatām |
sāritrāsakṛdutkṛṣṭakarṇāntā naur ivābhavat || 62 ||
62 ||
⸤(tri*bhiḥ ku(ti)lakam_)
- 2. ‘tribhiḥ kulakam_’ ka-pustake nāsti.
vāditā tarasā bhīmā bherīṇāṃ sakalā tatiḥ |
sāditā tatra sāyāmā sārīṇāṃ sabalā gatiḥ || 63 ||
63 ||
(gomūtrikājālabandhaḥ)
tayā kṛtasya saṅgrāme vajranābhasya bhasmasāt |
u*dātta eva tatrāsīd darpasyāntaḥ suradruhām || 64 ||
- ⸤3. ‘tadātve’ ka.
udāttaḥ śreṣṭho L⸤babhūva | bhagavatīkṛtatvāt_ || 64 ||
Lra*thamardo bhuvas tasyā natasthāvaratām adāt |
anirjitaripuḥ sāpi na tasthāv aratā madāt || 65 ||
- ⸤1. ‘rathāmardo’ ka.
tadīyo rathamardaḥ kṣiter natasthāvaratām adāt_ natāḥ ⸤sthāvarā adridrumādayo yasya tadbhāvaṃ dadau | sāpi madād anirjitaripur aratā ca krīḍārahitā ⸤na tasthau || 65 ||
ambhodharacchavīndhārāśobhāṃ ca yudhi bibhrataḥ |
vājino vāhayāṃcakruḥ kṛpāṇāṃś cāmbikābhaṭāḥ || 66 ||
66 ||
tāyamānaghanacchāyā yācchānaghanam āyatā |
nālpakapratimāsthāsu susthāmātiprakalpanā || 67 ||
acchā nirmalā anaghā akhaṇḍitā namā bhaktalokā ⸤yasyāḥ | āyatā unnatā | āsthāsu viṣaye 'lpakapratimā na, mahājanaiḥ sadṛśī | samya⸤g āśāpūraṇāt_ | śobhanā sthāmno balasyātiprakalpanā yasyāḥ || 67 ||
⸤(anulomapratilomapādaḥ)
saṃyuge 'nargalasthām apā*titagrahatārakaiḥ |
yugāntotpātadeśīyair na sāsahyata dānavaiḥ || 68 ||
- 2. ‘patitāgraha’ ka.
utpātadeśīyair u⸤padravasadṛśaiḥ || 68 ||
(yu*galakam_)
- 3. ‘yugalakam_’ ka-pustake nāsti.
kṣatārkaruktayā dadhre tadāśv asitimā navaḥ |
tadrūpaṃ vīkṣya ko na sma tadāśvasiti mānavaḥ || 69 ||
tayā tadā āśu tvaritam asitimā kṛṣṇatvaṃ dadhre | navo nūtanaḥ | ⸤kaś ca mānavo manuṣyas tasyās tad asitaṃ rūpaṃ vīkṣya nāśvasiti sma | tasya daityanidhananidā⸤natayā sarva evocchvastaḥ || 69 ||
jayaśrīrabhasākṛṣṭiprasāritakaropamaiḥ |
savyāpasavyavikṣiptair nighnatī vidviṣaḥ śaraiḥ || 70 ||
vajraketur nāma daityas tayāghānīti viśeṣakam_ | savyā⸤pasavyau vāmadakṣiṇau | yā satataṃ hatārivargā avadātā ca nirmalā | gajamadenānando ⸤yasya tādṛśena hariṇā siṃhenāsurān yātā tān prati dhāvitā | na sundarān durnirīkṣyān_ | ⸤asravatā gajarudhiraliptena | atra prathamārdhād dvitīyārdham ekaikenākṣareṇāntaritaṃ nirgacchatīti L⸤samañjaso 'yaṃ bandhaḥ || 70 ||
yā hatārigaṇājasram avadātā na sundarān |
yātā gajamadānandahariṇāsravatāsurān || 71 ||
71 ||
⸤(samañjasabandho gūḍhārdhaślokaḥ)
Ltayāghāni ruṣā vajraketuḥ ketur divaukasām |
vikirantyā raṇe dṛṣṭiṃ kṣayolkāpuñjavibhramām || 72 ||
72 ||
(ti*lakam_)
- ⸤1. ‘tribhir viśeṣakam_’ kha.
māyāmūrtīr dviṣaḥ saṃkhye sāsrākṣīd amitāyudhā |
tatsenā ca tayā cakre sāsrākṣī damitā yudhā || 73 ||
amitā yudhā bahalapaharaṇā sā ripuraṇe ⸤māyārūpā mūrtīr asrākṣīn nirmitavatī | ripusenā ca tayā yudhā yuddhena damitā satī sāsrākṣī ⸤sabāṣpanayanā kṛtā || 73 ||
dordaṇḍadarpodrekeṇa sāvajñaṃ carato yudhi |
pramathān dānavānīke pāriplavatayā sakṛt || 74 ||
sā caṇḍī seśāsu salokapālāsu āśāsu dikṣu śaṃ sukhena ⸤pramathān_ śaśāsa vyāpārayat_ | sāśīrāśiṣāṃ padam_ | saśaṃsā stutiyuktā śiśusūr janavatsa⸤lā | sāśā jayābhilāṣiṇas tān syaty antaṃ nayatīti sāśasā | āśu śīghram_ | śaśīśaṃ ⸤haraṃ śīyate gacchatīti śaśīśaśit_ | sāṃśur bhāsvarā | śaśān mṛgān śaśati plutibhir ga⸤cchatīti śaśaśāśī siṃhas taṃ suvati prerayati yā sā || 74 ||
sāśīḥ saśaṃsā śiśusūḥ sāśasāśu śaśīśaśit |
śaśāsāśāsu seśāsu sāṃśuḥ śaṃ śaśaśāśisūḥ || 75 ||
75 ||
⸤(dvyakṣaraḥ | yugalakam_)
sahasradhā vibhajyāpi sthitam ātmānam āhave |
nināya pañcatām eva dviṣaṃ māyāśatākulam || 76 ||
pañcatāṃ maraṇam api ⸤|| 76 ||
sā saṃkhye svaḥsadāṃ śaśvad eva tārā dhanāyate |
tena cakrur matiṃ nānyadevatārādhanāya te || 77 ||
svaḥsado devāḥ | teṣāṃ sā samare nityam eva dhanāyate sarvasvamayāśā (?) | tārā ⸤saṃsārottārakāriṇī | tena kāraṇenānyāsāṃ devānām ārādhanārthaṃ te matiṃ na vidadhuḥ || 77 ||
tatsaṅgrāmāntarikṣaṃ ca vīthīmārgapariṣkṛtam |
vicitramaṇḍalatayā vidadhāratarāṃ śriyam || 78 ||
⸤vīthīmārgamaṇḍalāni yuddhaśāstroktāḥ saṃcāraviśeṣāḥ | ākāśe tu vīthī surasaritpravāhaḥ | ⸤mārgaḥ sūryasya panthā dakṣiṇottaralakṣaṇaḥ | maṇḍalaṃ raviśaśinor bimbam ābhogo vā || 78 ||
Lgajaḥ pariṇaman dandhredhre dantakośam anaṅgadam |
dviṣāṃ yudhi vyadhattārādantako 'śamanaṃ gadam || 79 ||
L⸤dantasya koṣaḥ pratimā | tam anaṅgadaṃ kaṭakaśūnyaṃ gajo vahan_ pariṇaman_ dantaprahārān dadat_ ⸤antakaś ca dviṣām ārād aśamanam apratividheyaṃ vyādhim akarot_ || 79 ||
tigmāṃśukarasaṃparkāt sphurantī karavālikā |
kubjāpy ekasya saṅgrāme caturasrāṃ śriyaṃ dadhau || 80 ||
caturaśrā ......... ⸤manoharā ca || 80 ||
jaghne siṃhatanuś caṇḍyāḥ saruñjitaravāribhiḥ |
tatsainyāni surāś cakruḥ saruñji taravāribhiḥ || 81 ||
caṇḍyāḥ siṃhasya tanur aribhir jaghne tāḍitā | saruñjitaravā siṃha⸤nādayuktā | suraś cārisainyāni saruñji savyathāni vidadhuḥ | taravāribhiḥ khaḍgaiḥ || 81 ||
kodaṇḍāsphālanottālaravakātaritadviṣaḥ |
yodhās tatpuruṣatve 'pi vispaṣṭadvandvatāṃ yayuḥ || 82 ||
⸤tatpuruṣatve tasyāḥ saṃbandhini pauruṣe sati yodhā vispaṣṭadvandvatāṃ prakaṭakalahatvaṃ yayuḥ | ta⸤tpuruṣaś ca samāso dvandvatvaṃ pratipadyata iti viruddham_ || 82 ||
caṇḍī senāsu kupyantī sādīpiṣṭāsu rāhave |
śriyam aikṣiṣṭa tatkhaḍge sādī piṣṭāsurāhave || 83 ||
āsu senāsu madhye rāhave ⸤(daityaviśeṣāya) sā kupyantī adīpiṣṭa śuśubhe | tasyāś ca khaḍge sādī hayārohaḥ śriyam ā⸤have dadarśa | piṣṭāsuḥ pareṣāṃ visarita(vidalita)prāṇaḥ || 83 ||
śaradaṃṣṭrākarālatvaṃ dadhadbhir dānavān raṇe |
nānānīkānanaiḥ kiṃ nu pṛtanāsu na bhūbhṛtaḥ || 84 ||
sā bhūbhṛtaḥ sutā ⸤pārvatī raṇe tāsu pṛtanāsu dānavān kiṃ nu na yātā | niścitam eva yātetyarthaḥ | ānu(ru)ti⸤mātrāsu ninādaikaparāsu | aṅgāni hastyaśvarathapattayas teṣāṃ parakīyāṇāṃ nāśe rasaḥ sakti⸤s tatra tiṣṭhanti yās tāsu | tārakabhayottāraṇahetavaḥ sainyāḥ subhaṭā yāsāṃ tāsu | sā tu ⸤nānāvidhair anīkānām ānanair bhāsitā | śobhane ca nyāse vyūharacanāyām ekaratā tatparā | L⸤kṛttiś carma saiva vāsas tenopalakṣitā | sahāsavena pānena vartamānā yā attir bhakṣaṇaṃ tatra ⸤kṛta āyāsaḥ samantād yatno yayā | ata eva susthā sukhena tiṣṭhantī | saraśanā kāñcī⸤yuktā | aṅganā kalyāṇāṅgī | ‘aṅgāt kalyāṇe’ iti nakāro matvarthīyaḥ | sutrāmā śakra⸤s tena cātinu(ru)tā asibhā khaḍgaśobhā yasyāḥ sā tathā || 84 ||
bhāsitānu(ru)timātrāsu sunyāsaikaratā sutā |
nāṅganāśarasasthāsu sā yātā kṛttivāsasā || 85 ||
85 ||
sāsavāttikṛtāyāsā susthā saraśanāṅganā |
tāsu tārakasainyāsu sutrāmātinu(ru)tāsibhā || 86 ||
86 ||
⸤(pratilomānulomābhyāṃ ślokadvayam_ | tilakam_)
Ltatra sphuṭarasaiś citraiḥ suślokavinibandhanaiḥ |
anekasargaiḥ saṅgrāme mahākāvyāyitaṃ bhaṭaiḥ || 87 ||
⸤rasaḥ samarahevākaḥ śṛṅgārādiś ca | citraiś citrakāvyavadbhir api | śloko yaśo vṛttabandhaś ca | ⸤sargaḥ sṛṣṭir vicchedasthānaṃ ca || 87 ||
rājitānumatāvāraravā tāmasakāyasā |
sāyakāsarasārādhadharā sāranutājirā || 88 ||
sā raṇābdheḥ pāraṃ yiyāsu sadvairimaṇḍalam iyāyeti ⸤saṃbandhaḥ | aṃśukānyeva sītāḥ sītālakṣitāḥ paṭāḥ | te copariplavānāṃ vātagatijñānāya ⸤kriyante | rathā eva plavā uḍupāḥ | sāyāsāḥ sopadravāḥ | saha seyair avasādaneyair vartamānāḥ (?) | ⸤sahāyasair nārācair vartamānāḥ | sāsūyāś ca yeyā yātavyā yāsu tādṛśīṣu pṛtanāsu satīṣu ⸤rājitā | anumataś ca niṣeddhum aśakyo ravo yasyāḥ sā | tāmasānāṃ pāpaikaratānāṃ kāyā⸤n syati paryantaṃ nayati yā | sāyakeṣv āse ca prāse raso yasyāḥ sā | ārādhaḥ samārādhanaṃ ⸤tasya dharā bhūḥ | sāranutā sajjanaiḥ pūjitā | ājiṃ rātīty ājirā saṅgrāmapradā | sāsiḥ ⸤sakhagā | asūn suṣṭhu suvati pareṣāṃ prerayati yā sā | tathā śobhanaṃ ca yudhyata iti sayutsa⸤ṅgrāmanipuṇā | rājitetyādi ślokasya viparyayeṇa. pāṭhe ślokāntaraṃ jāyate | tatrānurasā ⸤anukūlahevākā | sāraṃ syantīti sārasā ripavaḥ | tāmayanti parān khedayantīti tāmā ⸤yodhās tatsamūhena nutā | śiṣṭaṃ spaṣṭam_ || 88 ||
⸤(asaṃyogākṣarānekapāṭhanandikavartanaḥ (?))
ketanāṃśukasītāṅka rathaplavakṛtāspadam |
saṅgrāmajaladheḥ pāraṃ pṛtanāsvarimaṇḍalam || 89 ||
89 ||
sāyāsāsu saseyāsu sāyasāsu yiyāsu sat |
sāsiḥ sāsūyayeyāsu seyāyāsususūḥ suyut || 90 ||
90 ||
⸤(dvyakṣaraḥ | ti*lakam_)
- ⸤1. ‘aṣṭabhiḥ kulakam_’ kha.
tayā kārmukam ākṛṣṭaṃ nāśārambhe suradviṣām |
udacārayadoṃkāram iva kreṃkāram āhave || 91 ||
91 ||
Lyo 'nukurvan mṛdhe vardhamānaṃ dāmodaraṃ jitaḥ |
na kenacid dviṣābhīkṣṇam ānandāmodarañjitaḥ || 92 ||
mṛdhe raṇe L⸤dāmodaram anukurvan_ | ānandenāmodena ca kusumādisaurabheṇa ranjito yo na kena⸤cij jitaḥ | sa daityo nāgaṃ gajam ārūḍho vipāṭhaiś ca śarair virasitaḥ | ............ ⸤granthaparamārthe bhramati | bhramaṇaṃ calanaṃ mohaś ca || 92 ||
sa tayā nāgam ārūḍho vipāṭhair virasīkṛtaḥ |
babhrāma gahanāgādhe granthatattva ivāhave || 93 ||
93 ||
⸤(yugalakam_)
naiṣṭhuryeṇa raṇe caṇḍī samagrāvā savājibhiḥ |
nāsahyatāribhiḥ śaktyā samagrā vāsavājibhiḥ || 94 ||
naiṣṭhuryeṇa samo ⸤grāvā pāṣāṇo yasyāḥ sā caṇḍī savājibhiḥ sāśvair api vāsavena sahājiḥ sa⸤ṅgrāmo yeṣāṃ tair aribhir nāsahyata | yataḥ śaktyā samagrā pūrṇā || 94 ||
anyonyāyodhanaspardhādurdharaprasaroddhurāḥ |
tām abhīyus tamaskāṇḍakallolā iva te dviṣaḥ || 95 ||
sādhvasenāvahata ⸤āyāsaḥ prayatno yatra tathā kṛtvā te dviṣas tām abhiyayuḥ | tān atra raṇe sā saṃyātā | tama⸤skāṇḍaṃ timiranikaraḥ | kaskādir ayam_ | śita āsas tīkṣṇakuntaḥ sa eva ravis tatas trāso ⸤yasyāḥ sakāśāt_ | avirasatāñchitā avarasyenāyatā | sotsāhetyarthaḥ | heti khede | ⸤vasā asthirasas tasyādhvā mārgo 'sthīny eva tāni syati vināśayati yā sā || 95 ||
tāñchitāsaravitrāsā sātrāvirasatāñchitā |
sādhv asāv ahatāyāsaṃ saṃyātā ha vasādhvasā || 96 ||
96 ||
⸤(anulomapratilomapādaḥ pādādyantayamakaṃ ca)
śriyaṃ citrīyamāṇena caritena dadhaty asau |
sajjātirekān aṃśeti surair astūyatāhave || 97 ||
⸤tathā sajjātiḥ sujanmā | ekānaṃśeti bhagavatīnāma | sajjo vātireka utkarṣo yasyāḥ | ⸤anaṃśā samāghātarahitā | ‘aśa samāghāte’ | atha ca satī vyatirekeṇa vidyamānā jātiḥ ⸤sāmānyaṃ sā caikānaṃśā niravayavā sakṛdekatra nirdeśe 'py anyatra taṃ vināpi gṛhyate || 97 ||
jayajāyuyujā yujjijjyāyo yojyajyayejyayā |
yājyayā yuyuje yeye 'jeyayā yājajāyayā || 98 ||
⸤ijyata iti yājo haras tasya jāyayā caṇḍyā yeye yātavye ripau yuyuje 'bhiyogaḥ kṛtaḥ | ⸤jaye jāyum auṣadham iva yunakti yā tayā | yudhi jit_ tayā jyāyobhiḥ praśasyatarair yojyā L⸤jyayayā ijyayā yāgena | ajeyayā jetum aśakyayā || 98 ||
⸤(dvyakṣaraḥ)
Lbibhratī hetisaṃdohanakraughākulatāṃ dviṣaḥ |
veleva pṛtanā viśvakṣayodvṛttasya toyadheḥ || 99 ||
vidhunā tulyamānanaṃ da⸤dhatyā | praṇatānām aghāni ca pāpāni vidhunānayā nyakkurvatyā nayā sapatnasenāghāni nihatā | ⸤saṃdohaḥ samūhaḥ || 99 ||
sā dadhaty ānanaṃ tulyam aghāni vidhunānayā |
praṇemuṣām avicchinnam aghāni vidhunānayā || 100 ||
100 ||
⸤(yu*galakam_)
- ⸤1. ‘tribhiḥ kulakam_’ kha.
parācīnaṃ vidhāyāśu sainyaṃ samaradurmadam |
sāñjasaujasikasyārād dhūmrākṣasyodajāsayat || 101 ||
sā dhūmrākṣasya daityasyodajāsayat_ hiṃsām akarot_ | ‘jāsi⸤niprahaṇa—’ iti karmaṇi ṣaṣṭhī | parācīnaṃ parāṅmukham_ | aujasikas tejasvī || 101 ||
sārābhā vivibhārāsā rājitāgagatājirā |
bhātājite tejitābhā vigatena nate gavi || 102||
⸤vigatena garuḍagāminā hariṇā tejitābhā satī sā devī ajite śatrau gavibhūmau nate ⸤sati bhātā śuśubhe | sārābhā sudṛḍhaśobhā | vibhā dīptiḥ rāsaḥ śabdas tau vividhau ⸤yasyāḥ | rājitam age parvate gataṃ gamanaṃ yasyāḥ | ājirā yuddhapradā ca || 102 ||
⸤(sarvatobhadraḥ)
natānām anatānāṃ ca samaṃ vyavahāra sā |
nināyaurjityam ekeṣām anyeṣāṃ jīvitaṃ kṣayam || 103 ||
ekeṣāṃ ⸤natānām aurjityaṃ kṣayaṃ nivāsam anayat_ | nijagṛhe teṣām aiśvaryam akarod ityarthaḥ | anyeṣām ana⸤tānāṃ tu jīvitaṃ kṣayaṃ vināśaṃ nināyeti saṃbandhaḥ || 103 ||
ahanyata balaṃ teṣāṃ sadā nagajayā tayā |
reje vīravarūthinyā sadānagajayātayā || 104 ||
sadā saṃtataṃ tayā nagajayā pārvatyā tadbalaṃ hatam_ | sadānaṃ samadaṃ gajānāṃ yātaṃ gamanaṃ yasyāḥ | tayā vīrāṇāṃ vā⸤hinyā ca bhrājitam_ || 104 ||
bibhratī subhaṭenocair ākalpasthiticārutām |
āliṅgyata raṇe kīrtiḥ svarganārī ca tatkṣaṇam || 105 ||
akalpaṃ kalpāntāvadhi | ākalpaś ca veṣaḥ || 105 L⸤||
Ltāṃs tathāviślathanmaulibandhān āhitavepathūn |
vīrān āsannapātatvād asārān sākṛtāhave || 106 ||
106 ||
tārottāratarī tīrata*rutārītir uttarā |
tīritārātirātoru taratārātiruttiraḥ || 107 ||
- ⸤1. ‘taratorīti’ kha.
tāretyādi viśeṣakam_ | sā vaiṣṇavī nāma devatā citraṇa yuddhaviśeṣeṇa (ā⸤yate) parāṃ śobhām asmayā garvaśūnyā satī babhāra | yā dviṣataḥ sakāśāt parāñci parāṅmu⸤khāni surasainyāni trāyate sma | kīdṛśī | taranty asmān mumukṣavaḥ śūrāś ceti tāro bhavasamudraḥ | ⸤taduttāre tarī sūkṣmaḥ plavaḥ | tīratarubhis tasyanti tān ādāya pratipakṣānupakṣayaṃ nayantīti ⸤tīratarutasaḥ | ‘tasu upakṣaye’ | tādṛśām arīṇām ītir upadravaḥ | saṃhartṛtvāt_ | uttarā udgata⸤vegā | arātibhī rāto datto ya urutaras tāraḥ plavanaṃ sa tīritaḥ samāpto yayā | yataḥ ⸤ati......abhi...... || 107 ||
⸤(ekāntaritadvyakṣaraḥ)
vaiṣṇavī samarakrīḍāvihāraikava*yasyayā |
gadayā daityalokasya śirāṃsi yudhi bhindatī || 108 ||
- 2. ‘javasyayā’ kha.
108 ||
dviṣataḥ surasainyāni parāñci trāyate sma yā |
sā babhāra śriyaṃ saṃkhye parāṃ citrāyate 'smayā || 109 ||
109 ||
⸤(tilakam_)
kālarātrir javenāstraparyastakulaparvatā |
vapuṣābhraṃkaṣeṇātha bhītidā suravidviṣām || 110 ||
anijāḥ śatravaḥ teṣāṃ kāla⸤rātriḥ | jānujena javena janānūnānalpabalān ajījanajjanayāmāsa | anujananī bhūtānāṃ ⸤karuṇāparatvād apareva mātā | sāpi janany eva | ajasyeva janasyaijanaṃ kampanaṃ jānānā | ⸤paśum iva kampamānaṃ janaṃ manyamānetyarthaḥ | nijenājinena carmaṇopalakṣitā || 110 ||
jānujenānujananī jānānājajanaijanam |
nijājinenānijajau janānūnānajījanat || 111 ||
111 L⸤||
⸤(dvyakṣaraḥ | yugalakam_)
bhramayantyā jvalacchūlaṃ māheśvaryās tadābhavat |
nabhaḥ puratrayaploṣaśikhineva piśaṅgitam || 112 ||
112 ||
Ladabhrabhītide 'nindye dakṣamānacchasādini |
bhramāga*tagamāsāde bhīmatattvam agacchati || 113 ||
- ⸤1. ‘tata’ kha.
samare brāhmī śriyam āsadat prāpeti viśeṣakam_ | adabhrā prabhūtā | anindya ity a⸤kārapraśleṣaḥ | dakṣāṇāṃ praguṇayodhānāṃ mānaṃ chyanti cchindantīti dakṣamānacchāḥ | tā⸤dṛśāḥ sādino yatra | bhramāgatagamānāṃ vistīrṇagatīnām āsādaḥ samantād avasādo yatra | ⸤‘cho chedane’ ity asya pacāditvād ac_ | bhadrā gajaviśeṣās teṣām aśvānāṃ ketūnāṃ ca mālā ⸤yatra | bhadrāśvaḥ ketumālaś ca parvataviśeṣau || 113 ||
⸤(ardhabhramaḥ)
samare lakṣyabhadrāśvaketumāle nirargalam |
tasminn avaninirmāṇavibhāga iva durgame || 114 ||
114 ||
ratnākṣamālāṃ bibhrāṇā raṇaśrīmaṇimekhalām |
brāhmī saraṇasaṃrambhavibhramā śriyam āsadat || 115 ||
115 ||
⸤(ti*lakam_)
- 2. ‘tilakam_’ kha-pustake nāsti.
aprāptāṃ saṃyuge prāṃśuketudantini śāntatām |
kurvatīṃ viśikhais tāṃ sma ke tudanti niśāṃ tatām || 116 ||
prāṃśavaḥ ketavo ⸤dantinaś ca yatra tasmin raṇe śāntatām aprāptāṃ tāṃ ke tudanti sma na kecid avyathayan_ | yato ⸤viśikhair vistīrṇāṃ niśāṃ kurvatīm_ | śaravarṣeṇa raver ācchāditatvāt_ || 116 ||
anyathā yudhyamānaindrī daityānāṃ hṛdayāvidhā |
kṛtamārgaṇakṛtyāsīt sahasreṇaiva cakṣuṣām || 117 ||
anyatheti | ⸤prasiddhaviparītena prakāreṇa | hṛdayāni vidhyatīti hṛdayāvit_ | ‘nahi vṛtivṛṣi—’ iti ⸤kvipi dīrghaḥ || 117 ||
gīrvāṇajanatābhyetya tuṣṭāvasarato 'nu tām |
dviṣo vīkṣya raṇādbhītyā tuṣṭāva sarato nutām || 118 ||
gīrvāṇāḥ surāstajjanatā raṇādbhayena dviṣaḥ sarataḥ palāyamānā⸤n ripūn ālokya tuṣṭā anu ca tadanantaraṃ tām aindrīm avasaratas teṣu teṣu prasaṅgeṣu nutām abhyupetya ⸤tuṣṭāva stutavatī || 118 ||
bibhratī ratnakodaṇḍapariveṣavibhīṣaṇam |
sodvṛttārikulotpātacandrabimbam ivānanam || 119 ||
araya eva palāyanaparatvena rallā mṛgās tadālīr alam atyarthaṃ sā ⸤airirac cikṣepa | ralīlolā samaragoṣṭhīgṛghnuḥ | līlayā lunāti śatrūś chinattīti līlālūḥ | L⸤rolasya samarasyollolair vilāsair lalāḥ savilāsāḥ | arālā īlyaḥ kṛpāṇikā yāsām_ | ⸤......... || 119 ||
Lralīlolārirallālī līlālūrairirallalāḥ |
rolollolairarālailīrurarororarīralam || 120 ||
120 ||
⸤(dvyakṣaraḥ | yu*galakam_)
- ⸤1. ‘trayodaśabhiḥ kulakam_’ kha.
śikhaṇḍajitapicchaśrīr namravaktreṇa kekinā |
uhyamānā jvalacchaktiḥ kaumārī raṇamāsadat || 121 ||
śikhaṇḍena kabarīkalāpena jitā picchasya śrīr yayā | ⸤śaktir āyudhabhedaḥ || 121 ||
vinirdhūtaravidyotām ahnoṣṭāśāntareṇunā |
gaṇasainyena sā lakṣmīm ahno 'ṣṭāśāntare 'ṇunā || 122 ||
ahno dinasyāṣṭānām aṃśānām antare lakṣmīm aṇunā svalpe⸤nāpi gaṇasainyena sā ahnoṣṭa sthagitavatī | aśāntareṇunā mahārajaskena || 122 ||
bibhratī saṃyugotpātamaholkām atanuṃ gadām |
saśaṅkhapadmā kauberī vaiṣṇavyāḥ śriyam āsadat || 123 ||
śaṅkha⸤padmau nidhiviśeṣāv api || 123 ||
dviṣacchiraḥ kandukaughaiḥ sāraṃsta na na tāpadam |
nayanty arikulaṃ stheyaḥsāraṃ stananatāpadam || 124 ||
sā tāpadaṃ sthiratarasāraṃ cārikulam āpadaṃ nayantī ⸤stanābhyāṃ ca natā dviṣatāṃ śiraḥkandukanicayair nāraṃsta [iti na] || 124 ||
sāndhakārā diśaḥ sarvāḥ kurvatī raṇareṇubhiḥ |
tām abhīyāya garjantī yā tadā vṛṣaparvaṇaḥ || 125 ||
tayā senayā ⸤sā nekṣitā | yato yātayā bhayāt palāyitayā | nuttayā preritayā | tanu tūṣṇīṃ nutayā svaba⸤ndibhiḥ stutayā | āttarayair gṛhītavegaiḥ surair anviṣṭaḥ pāto 'bhibhavo yasyāḥ | senayā sasvā⸤mikayā || 125 ||
natayā senayā tatra yātayā nuttayā tanu |
nuttayāttarayānviṣṭapātayā senayekṣitā || 126 ||
126 ||
⸤(murajabandhaḥ | yugalakam_)
kṛtānubandhām utpaśyann āgneyīṃ dhāraṇām iva |
jagatkṛtam availlokaḥ sarvam evātra bhasmasāt || 127 ||
agnir devatā yasyāḥ | ‘sarvatrāgnikalibhyāṃ ḍhak_’ iti ḍhak_ L⸤|| 127 ||
Lkarisindhutatiś cāru kaṭakacchā yayādhikam |
bhinnārer yā tadā reje kaṭakacchāyayādhikam || 128 ||
kaṭā eva kacchā gahanapradeśā yasyās tādṛgareḥ kariṇām eva sindhūnāṃ tatīr adhikaṃ ⸤śirasi jale ca yayā bhinnā tāṃ yāmyām āsādya | kṛtapuṅkhaś ca śāstrakuśalo 'pi saṃhitaśaro vā ⸤daityaloko na nyavartiṣṭa na punar āgataḥ | tayaiva hatatvāt_ | yādhikaṃ prabhūtaṃ kaṭakasya cchāyayā ⸤śuśubhe | yamasyeyaṃ yāmyā | ‘yamāc ca’ ity aṇa || 128 ||
kṛtapuṅkho 'pi saṅgrāme daityaloko nirargalam |
saṃprāpya na nyavartiṣṭa yāmyāṃ yamapurīm iva || 129 ||
129 ||
⸤(yugalakam_)
kīrtir jajñe samīkeṣu navaiva svatayāṃ tayā |
bhṛkuṭyā mumuce cāsau na vaivasvatayātayā || 130 ||
yāmyā svatayā nija⸤tvena vaivasvatayātayā yamānusṛtayā bhṛkuṭyā na muktā || 130 ||
yudhi kṣayaghanasyeva vidyujjihvasya garjataḥ |
pratinādacchalenāśā bhītā iva vicukruśuḥ || 131 ||
131 ||
dadhau dhiyā sapatneṣu yayā vairāvataṃsatām |
vigarhyaḥ sa tam ārūḍho yayāv airāvataṃ satām || 132 ||
airāvataṃ suraga⸤jam ārūḍhaḥ sa vidyujjihvo yayau | tayā dhiyā sātāṃ garhyo nindanīyo yathā śatruṣu vairam evā⸤vataṃso yasya tadbhāvaṃ dadhau | bhūṣaṇam iva vairaṃ dhṛtavān ityarthaḥ || 132 ||
tejasvimaṇḍalasyārāt kurvann antardhim āhave |
abhraṃkaṣavapuḥ śrīmān sa tadāstācalo 'bhavat || 133 ||
tejasvimaṇḍalaṃ ⸤sūryabimbam api | antardhir māraṇam adarśanaṃ ca | astā acalā yena || 133 ||
taṃ cireṇa gatāyāsā samāyāpakṣapātinī |
nītipā kṣapayāmāsa sā yātā gaṇarecitam || 134 ||
asta ⸤āyāso yataḥ sā | tathā samāyeṣu cāpakṣapātinī yā | samā sarvatra suravarge samadṛṣṭiḥ | ⸤ata evāpakṣapātinīti vā yojyam_ | nītipā nayapālinī | gaṇarecitaṃ gaṇair aśakyatvā⸤t tyaktam_ | taṃ daityaṃ yātā pratidhāvitā || 134 ||
⸤(anulomapratilomārdho 'yam_)
anāropitabāṇena bāruṇī dhanuṣā kṣaṇam |
nijamaṇḍalasaṃsthānacāruṇā virarāja sā || 135 ||
maṇḍalaṃ puram api | tac cāgameṣu vāruṇyā L⸤vṛttam uktam_ || 135 ||
Llālitailīlatālātā līlālalitatātatā |
tālottālā tilatulālolitālulitālitā || 136 ||
lālitaṃ vidyutam elīlataivālātam ulmukaṃ yayā vāruṇyā | elī kṛ⸤pāṇikā | līlābhir lalitatā ramyatvaṃ tayā tatā vistīrṇā | tālaiḥ karatālais tālataru⸤vadvā uttālā udbhaṭā | tilatulā tilavattulitā viloḍitā ālulitā alitā ari⸤karma yuddhaṃ yayā | rephalakāraḍakārāṇām ekatvasmaraṇād evam uktam_ || 136 ||
⸤(dvyakṣaraḥ | yugalakam_)
vispaṣṭasundarasitā daityasenākumudvatīḥ |
tīkṣṇair aṃśuśaravātaiḥ saurī ca sa*macūkucat || 137 ||
- ⸤1. ‘samacukruśat_’ ka. ‘saṃkocayāmāsa’ iti ka-pustake ṭippaṇam_.
vispaṣṭaṃ su⸤ndākhyasya daityasya rasitaṃ yāsu | kumudvaty astu sundaryaḥ sitāś ca bhavanti || 137 ||
śātaṭaṅkāḥ pramādena hīyamānā raṇājire |
cāpaṭaṃkāranādena sābhimānā rarājire || 138 ||
sā⸤bhimānā manasvino raṇāṅgane rejuḥ | ṭaṅkā āyudhabhedaḥ || 138 ||
⸤(kāñcībandhaḥ)
cāpam āhavasaṃrambhakarṇāntākṛṣṭicakritam |
vāyavyā bibharāmāsa nijamaṇḍalavibhramam || 139 ||
vāyavyā vāyur devatā yasyāḥ | ⸤‘vāyvṛtupitruṣaso yat_’ | vāyave vā hitā vāyavyā | ‘gavādibhyo yat_’ | asyā api maṇḍalaṃ ⸤vṛttam evoktam_ || 139 ||
viṣehe senayā saṃkhyasahā sā śātaṭaṅkayā |
rundhānayā ripor bhūmnā sahāsāśātaṭaṃ kayā || 140 ||
sā kayā ripoḥ senayā soḍhā na kayācit_ | saṃkhyasahā saṅgrā⸤masahiṣṇuḥ | śātaṭaṅkayā tīkṣṇāyudhaviśeṣeṇa āśātaṭaṃ ca bāhulyena rundhānayā sthagayantyā ⸤|| 140 ||
viḍambayantī sārdhendumaṇḍalām aṣṭamīniśām |
sā* dīpraparaśuḥ saṃkhye śriyaṃ vaināyakī dadhau || 141 ||
- 2. ‘saṃdīpra’ kha.
141 ||
sārdhacandraśaravrātaiḥ śarīrāṇi suradruhām |
cakārānalakānyājau vadanāni ca yoṣitām || 142 ||
analakāni nalakair alakaiś ca śūnyāni | nalakāni jaṅghāsthīni || ⸤142 ||
Lsvanaśriyā dhvanadyodhaiḥ sā garīyasyamā yayā |
sā jigāya dhvaneḥ krauryaṃ sāgarīyasya māyayā || 143 ||
svanaśriyā dhvanadbhiś ca yodhaiḥ sā vaināyakī garīyasy abhūt_ | amā paricchedara⸤hitā | yayā svanaśriyā sā devī māyayopalakṣitā sāgarīyasya dhvaneḥ krauryam ajayat_ ⸤|| 143 ||
tām abhyayuṅkta yāsaṃkhyasaṃkhyāvadbhir vṛtā bhaṭaiḥ |
sūciromṇaś camūr nādaiḥ sūcitapralayāgamā || 144 ||
sūciromābhidhasya daityasya yā camūs tāṃ vaināyakīm abhyayuṅkta samāskanditavatī ⸤sā tayā devyā tatra raṇe āse nirasteti viśeṣakam_ | asaṃkhyasaṃkhyā gaṇanātītasaṅgrāmā | ⸤avadbhiḥ pālakair bhaṭaiś ca vṛtā | bhāseddhā pramayā samṛddhā | ahātaṃ tananam āsādayati labhate | ⸤vistīrṇā yā māyā tāṃ dayante rakṣayanti ye mahādaityās taiḥ sevitā | ‘deṅ_ rakṣaṇe’ | sā⸤sahastatayā saprāsakaratvenāśāntasārā saṃtatotkarṣā | ahitasamidripubhiḥ saha raṇas tayā ⸤yutā yuktā | sahasā balena ditāḥ khaṇḍitāḥ senānām ahitavāhinīnām āśā yayā | a⸤hitadyutā śatruśriyā yātānusṛtā | avitrastarāsā nirbhayasiṃhanādā | addhā niścitam eva | ⸤sabhāmā sakrodhā | ‘bhāma krodhe’ || 144 ||
bhāseddhāhā*tatananā sādimāyād asevitā |
sāsahastatayāśāntasārā hitasamidyutā || 145 ||
- ⸤1. ‘tatra tananā’ kha.
145 ||
⸤(prastāraślokaḥ)
sahasā ditasenāśā tayāse sāhitadyutā |
yātāvitrastarāsāddhā sabhāmā tadanantasit || 146 ||
146 ||
⸤(caturaṅgāśvapadapūraṇaślokaḥ | tilakam_)
ru*ndhatyā kukubhaḥ sarvā vikarṇair apy ajihmagaiḥ |
senayā vṛṣasenasya saṅgrāmāgrabhuvas tadā || 147 ||
- 2. ayaṃ ślokaḥ ka-pustake nāsti.
tasya daityasya senayā sa⸤marabhūmer ālīya vinaśya lulāyāyino mahiṣagāmino yamasyālayaṃ bhavanaṃ yaye prayātam_ | vi⸤karṇaiḥ | śarair ajihmagaiḥ spaṣṭair diśaḥ sthagayantyā | atha ca vikarṇā bhujagā ajihmagā bhava⸤ntīti virodhaḥ | teṣāṃ kuṭilagatitvāt_ | līlāyāyibhir yayubhir aśvair ullolā yeyā abhi⸤gamyā yasyām_ | lāya ādānam arthād ripūṇāṃ tatra lolayā sābhilāṣayā | lāyo grahaṇaṃ ⸤tadvatī gṛhyamāṇā lolūyā ripuviṣayā lavanecchā yasyās tayā | lāya iti ‘lī dravīkaraṇe’ L⸤ity asya caurādikasyāciprayogaḥ || 147 ||
Llīlāyāyiyayūllolayeyayā lāyalolayā |
lāyilolūyayālīya lulāyāyilayaṃ yaye || 148 ||
148 ||
⸤(dvyakṣaraḥ | yugalakam_)
sarākṣasapurīdāhalagnamārutivibhramaḥ |
ajṛmbhata surārīṇāṃ pādapātitatoraṇaḥ || 149 ||
pādapātibhiḥ padātibhis tato ⸤vistīrṇo raṇo vavṛdhe | mārutir hanūmān_ | tatpakṣe pādābhyāṃ pātitas toraṇo yeneti yo⸤jyam_ || 149 ||
śaktīr vahanto yaśasā navā yuyudhire citāḥ |
caklamuś cāsurā bhītyā na vāyuyudhi recitāḥ || 150 ||
navāḥ śaktīr vahanto yaśasā citā dānavā yuyudhire yuddham akurvan_ | tathā ⸤bhītyā mocitās tyaktā vāyuyudhi samīrapradhāne samare na klāntāḥ || 150 ||
divaukasām athoddāmavegadaṇḍahatā bhṛśam |
vineduḥ paruṣaṃ bheryo varūthinyaś ca saṃyuge || 151 ||
uddāmavegair da⸤ṇḍair uddāmabhiś cocchṛṅkhalair vegadaṇḍaiḥ karibhir yathākramaṃ hatā bheryaḥ senāś ca paruṣaṃ vineduḥ || 151 ||
sasāra pṛtanā nānā dhunānāriṃ sasāhasā |
satarjanaguṇāsphoṭadhī*rayodhagaṇāsurī || 152 ||
- ⸤1. ‘vīra’ ka.
⸤āsurī pṛtanā nānā bahuvidham ariṃ dhunānā sasāra yayau | tarjano ripūṇāṃ bhartsano yo ⸤guṇasphoṭo jyābhighātas tena saha vartamānā dhīrā yodhagaṇā yasyām_ || 152 ||
⸤(śaktibandhaḥ)
divo 'vatīrṇeva bhuvaṃ jagatpralayakālikā |
vārāhī malinacchāyā prabhāṃ bhānor atastarat || 153 ||
kā⸤likā meghamālā || 153 ||
yudhi cakraṃ dviṣām āśu nīrandhrasamayaṃ viyat |
akṛtāmbhodanirmuktanīraṃ dhrasamayaṃ viyat || 154 ||
dhrasā āyudhamedās tanmayam_ | meghaiś cotpāṭitair unmuktanīraṃ ⸤viyatkarma ripucakraṃ kartṛbhūtaṃ cakāra | nīrandhrasamayam avicchinnaniścayam_ | viyat_ vividhaṃ ⸤gacchat_ || 154 ||
sā rarāsa sarārāsā sārārāsasarārasā |
sārarā sasarārāsāsārā rāsasarā rasā || 155 ||
- 2. ‘dvyakṣarasamudgayamakaṃ’ ka.
- 3. ‘lomārgha’ kha.
sā vārāhī rarāsa ninādam akarot_ | rārāsā atyarthaṃ dīptās tejaL⸤svinaḥ | ‘rāsṛ dīptau’ | taiḥ saha vartate yā | sārasya balasyāram āgamanam asyanti kṣipanti ⸤ye teṣāṃ sarā saratīti sarā upasarpikā | arasā nīrāgā | sārarā sasaṅgrāmā | saha ⸤saraiḥ padātibhir vartamānam āram arisamūho yasyāḥ | āsānāṃ prāsānām āsāro vegād varṣaṇam arā⸤tiṣu yasyāḥ | rāsair nādaiḥ sarati yā | rasā bhūmir iva | sarvaṃsahatvāt_ || 155 ||
⸤(dvya*kṣaraḥ | samudgayamakapratilomānulo*magomūtrikamurajasvastikaśaktyādibandhāḥ)
Lsthirājir apy asthirājisārāpratimayā rucā |
cāmuṇḍā baddhavairā sā jitārātir mṛdhe babhau || 156 ||
mṛdhe raṇe ⸤sā cāmuṇḍā lokottarayā rucā ruruce | sthirājiḥ saṃtataraṇā sā na bhavatīti virodhaḥ | ⸤asthnāṃ rājibhiḥ sārā dṛḍheti tu vyākhyāyāṃ na virodhaḥ || 156 ||
⸤(musalabandhaḥ)
raṇe su*radruhāṃ sainyaṃ tadāsa marutāṃ gaṇam |
raṇasya ca śivā bheje tadāsamarutāṅgaṇam || 157 ||
- ⸤1. ‘suradruhaḥ’ ka.
taddānavānāṃ sainyaṃ ⸤marutāṃ gaṇam āsa cikṣepa | tadā śivā sṛgālī raṇasyāṅgaṇaṃ sthānam abhajat_ | asamarutā ⸤prabhūtataraninadā || 157 ||
kṛtāntaveśmapadavīvibhramābhir mahāhave |
surāsuraga*ṇā jaghnur gadābhir itaretaram || 158 ||
- 2. ‘ghanā’ kha.
158 ||
senāparyastanārācacakrāsārājitāsurā |
rājarājasya dānāmbuviṣyandikaṭakuñjarā || 159 ||
rājarājasya vaiśravaṇasyāstraiḥ sāre raṇe sā senā ⸤śuśubhe | āsāro vegavadvarṣam_ | dānāmbu viṣpandata iti karmaṇyaṇ_ || 159 ||
rāsabhinnanabhorandhradiṅmukhā sā raṇājire |
reje 'strasāre sānandahā*raśriyam upāśritā || 160 ||
- 3. ‘harāśriyaṃ’ kha.
160 ||
⸤(ślokābhyāṃ khaṅgabandhaḥ)
āliṅgitā yudhi prājyaśārvarāgatayā śriyā |
gaurīva yuddhyamānāsīd aparṇā svā*minaś camūḥ || 161 ||
- 4. ‘svāminā’ ka.
⸤kācic camūḥ kṛṣṇayā śārvareṇa timireṇāgatayā śriyā śliṣṭā yudhyamānā ca satī svāminaḥ ⸤sakāśād aparṇā apagataṛṇā babhūva | gaurīva | sāpi pracuraḥ śārvo harasaṃbandhī rāgo yasya ⸤tadbhāvena śriyā śliṣṭā aparṇā ca nāmnā || 161 ||
saṃyuge 'tisahasrāṃśuna*vadhāmarṣitāpibhiḥ |
nādīpyatāsurais tatra na va*dhāmarṣitāpibhiḥ || 162 ||
- 5. ‘navadhā⸤marṣa’ ka.
- 6. ‘vadhāmarṣa’ ka.
atikrāntaṃ sahasrāṃśor navaṃ dhāma L⸤tejo yeṣāṃ tādṛśān ṛṣīṃs tāpayanti dānavās tair nādīpyata na bhrājitam eva | vadhena hiṃsayāma⸤rṣitāṃ samatsaratvam avaśyam āpnuvadbhiḥ || 162 ||
Lvahnijvālāpiśaṅgordhvakeśair yātubhir anvitā |
laṅkeva na*ir ṛtī reje yudhi trāsakarī dviṣām || 163 ||
- ⸤1. ‘nair nṛtī’ kha.
yātavo rākṣasāḥ || 163 ||
tadraṇaṃ reṇurūpeṇa nāmoci tamasā varam |
yatrākṛtatarāṃ śūro nāmocitamasāvaram || 164 ||
varam utkṛṣṭaṃ ⸤tadraṇaṃ pāṃsumayena tamasā nāmoci na muktam_ | yasminn asau khaḍge sthite sati śūrajano nāmna ⸤ucitamaram atyartham akarot_ || 164 ||
uromaṇiśriyā śaurivibhramaṃ yudhi bibhrataḥ |
avipannapuraskārā rejire guravo gajāḥ || 165 ||
uromaṇir lakṣaṇaviśeṣaḥ kaustubhaś ca | puraskāro 'grataḥ ⸤karaṇaṃ pūjā ca | guravaḥ sthūlā hariś ca guruḥ sarvajanapūjyaḥ || 165 ||
vidviṣaḥ samare 'nanyasamāyāsa*yam ānayā |
aghāni rauravī senā samāyā sa*yamānayā || 166 ||
- 2. ‘samayā’ ka.
- 3. ‘samayā’ ka.
anayā nair ṛtyā ⸤vidviṣo ripūn āyāsayam ānayā khedayantyā rurunāmno daityasya senā hatā | ananyasamā ⸤lokātītā | samāyā chadmaprahāriṇī | sayamā yamādhiṣṭhitā || 166 ||
kalāpaśobhāṃ vibhrāṇam athāsādya śikhaṇḍinam |
nāgair iva raṇād bhītair vineśe dānavāhibhiḥ || 167 ||
dānavā evāha⸤yas tair vinaṣṭam_ | gajair iva | te 'pi dānavāhino madajalabhṛtaḥ | kalāpaḥ sainyasamudāyaḥ picchaṃ ⸤ca | śikhaṇḍī nāma gaṇo mayūraś ca || 167 ||
sphuratkuṇḍalaratnaughataḍitkiraṇakarburaḥ |
meghanīlo 'tha saṅgrāme prāvṛṭkā*lavad ābabhau || 168 ||
- 4. ‘kāla iva’ ka.
meghanīlo nāma daityaḥ | meghaiś ca nīlaḥ || 168 ||
⸤(atālavyaḥ)
śaravyāptipravaṇatāṃ dadhato raṇamūrdhani |
kṛtapuṅkhā bhaṭās tasya mārgaṇāś ca virejire || 169 ||
⸤śarair vyāptir digantācchādanaṃ śaravyasya ca lakṣyasyāptir upagamaḥ | kṛtapuṅkhāḥ śastrāstrakuśalāḥ ⸤saṃhitāś ca (?) || 169 ||
Lyena vyadhāyi svargo na nāśakro dhānuṣaṃ gataḥ |
sa krauryaṃ śabdam atanon nāśakrodhānuṣaṅgataḥ || 170 ||
aśakraḥ svargo yena na vyadhāyi naṃ | api tu kṛta eva | sa L⸤daityaḥ krauryaṃ gataḥ sandhānuṣaṃ nādam akarot_ | svasainikānāṃ nāśena yaḥ krodhas tadanuṣaṅgāt_ ⸤|| 170 ||
tīkṣṇaśalyanakhāgrābhir mārgaṇāṅgulibhiḥ kramāt |
yudhi gīrvāṇasenāyāḥ pattrabhaṅgaṃ vyadhatta saḥ || 171 ||
pattrabhaṅgo vāhanaviśe(śle)ṣaḥ pattracchedyaṃ ca || 171 ||
ākṛṣṭā dhanuṣo dūraṃ jyā yasya dhvanitānavam |
te*nājer dviṭcamūr ninye jyāyasyadhvani tānavam || 172 ||
- ⸤1. ‘tenājau’ ka.
yasya jyā dhanur ga⸤ṇo 'navam apūrvaṃ dhvanitā | tena daityena jyāyasy api ripucamūr ājer adhvani saṅgrāmamārge tānavaṃ ⸤nītā || 172 ||
saṃkhye balibhujaṃ tatra navāyasam api krudhā |
abhyāpatantaṃ taṃ vairipṛtanā na viṣehire || 173 ||
balinau bhujau yasya | navā āyasā... yasya | balibhukkākaḥ sa vā⸤yaso na bhavatīti ca virodhaḥ || 173 ||
saṃrambhaḥ sa babhūvāsya sāravairivadhe navaḥ |
valgitais tatrasuḥ senā sāravair iva dhenavaḥ || 174 ||
sārāṇāṃ vairiṇāṃ vadhena yo 'sya saṃrambho 'bhū⸤t sa iti lokottaraḥ | asya ca sāravaiḥ saśabdair valgitair dhenava iva senāstras tāḥ | ārava ⸤iti ‘upasarge ruvaḥ’ iti ghañ ca na pravṛttaḥ | ‘kṛtyalyuṭo bahulam_’ iti bāhulakāt_ || 174 ||
asahyo 'pi mahībhṛttvaṃ balabhadro 'py asīritām |
akūṭātmāpi tuṅgatvam adhattādbhutavṛtti yaḥ || 175 ||
anena meghanīlena dviṣaḥ senaiva nāyikā nunnā preritā satī nābhāji no | ⸤api tu bhagnā sevitā ceti viśeṣakam_ | sahyo jetuṃ śakyaḥ parvatabhedaś ca | mahībhṛdrājā ⸤parvataś ca sāmarthyāt sahya eva | anyathā virodhāsaṃgatiḥ syāt_ | balabhadro balena kalyāṇī ⸤haladharaś ca | asīrī sādhu khaḍgena prerayati yo 'haladharaś ca | akūṭātmā nirvyājahṛdayo 'pa⸤rvatasvabhāvaś ca | tuṅgatvaṃ sābhimānatā samucchrāyaś ca | anilaval lolena | līlā eva ullolā ⸤vīcayo yasya | lolayati parān palāyayatīti lolī tena | anūnānalenānalpena vahnineti ⸤rūpakam_ | elyā ca lūnāni dviṣāmānanāny eva tucchatvān nalāni tṛṇaviśeṣā yena | ardha⸤candrāḥ śaraviśeṣā eva nakhāḥ | ardhacandrākhyāś ca nakhā nakhakṣatāni | abhiyogo 'vaL⸤skandaḥ surataṃ ca | abhīkena nirbhayena kāminā ca | abhājīti ‘bhañjaś ca ciṇi’ iti ⸤nalope kṛte rūpam_ || 175 ||
Lnānenānilalolena līlollolena lolinā |
nunnānūnānalenailīlūnānananalena no || 176 ||
176 ||
⸤(dvyakṣaraḥ)
ardhacandranakhanyāsair abhiyogapaṭīyasā |
abhāji bhūmnābhīkena senāsīmantinī dviṣaḥ || 177 ||
177 ||
⸤(ti*lakam_)
- ⸤1. ‘pañcadaśabhiḥ kulakam_’ kha.
khaḍgasyānukṛtakrūrapātālātasya sādhutā |
kṣmā cāsīd iṣubhir bhinnapātālā tasya sā dhutā || 178 ||
anukṛtaṃ krūrapātam alātam ulmukaṃ yena ⸤tādṛśasya tatsaṃbandhinaḥ khaḍgasya sādhutā śreṣṭhatvam āsīt_ | sā ca bhūḥ śarabhinnapātālā ⸤dhutā kampitāsīt_ | pātālam adhastano deśaḥ || 178 ||
saprastāre raṇe tasya karātraiḥ pratihāribhiḥ |
sāmajatvasya sadṛśaṃ vyadhīyata viṣāṇibhiḥ || 179 ||
prastārapratihārau prasāraṇakuṇḍalī⸤karaṇe prastārapratihārakādayaś ca sāmabhaktayaḥ | uktaṃ hi—‘āvāhalakṣma hiṃkāraḥ prasavaḥ ⸤pratihārakaḥ | ............... sāmabhaktayaḥ ||’ iti | kariṇāṃ sāmajatvaṃ sāma......⸤karād utpatteḥ | kāraṇaguṇaprakrameṇa hi kāryotpattir dṛṣṭā || 179 ||
surastrīṇāṃ dṛśo bhagnakalāvatikalāvati |
nipetus tatra tigmāṃśuvibhāsinivibhāsini || 180 ||
tasminn apsarasāṃ dṛṣṭayaḥ ⸤patitāḥ | atikrāntāḥ kalāvantaḥ kuśalā yena kalāvāṃś candraḥ | atiśayena ca yaḥ ⸤kalāvān gītacitrādinipuṇas tatra yoṣitaś cakṣuṣprītim āsādayanti | tigmāṃśuvadvibhā dī⸤ptir yasya tādṛśenāsinā nivibhāsī nitarāṃ vidyotanaśīlaḥ || 180 ||
anekamukhatāṃ bibhratkartātra yugapaddhateḥ |
dviṣatāṃ saṃprahāre 'sāv ekakaḥ kamalāsanaḥ || 181 ||
anekamukhatāṃ ⸤bahūpāyatvaṃ caturānanatvaṃ ca | hater hananasya yugapatsamam eva yugānāṃ ca kṛtādīnāṃ paddhateḥ ⸤kartā vidhāyakaḥ | kamalā lakṣmīs tasyā asano 'pahatī kamalāsanaś ca brahmā || 181 ||
Lvāyavīyāya vāyavyayayuyāyy avyayāya yaḥ |
vyeyo vayovyayāyaiva yayāv avayavī yuvā || 182 ||
L⸤vāyavīyāya vāyusaṃbandhine vayovyayāya śarīranāśāya yo 'suro yayau ... vayasā ca śarīraṃ la⸤kṣyate | vāśabdaś cārthe | ayāvyair akutsitair yayubhir aśvair yāti tacchīlaḥ | avyayāya niṣpratiba⸤ndhāya | vyeyo viśeṣeṇa eyaḥ | avayavī praśastāvayavaḥ || 182 ||
⸤(dvyakṣaraḥ)
sisaṅgrāmayiṣus tena baddhāmarṣārimaṇḍalī |
saṃgarāṅganam u*dgūrṇaśastracchāyāndhakāritam || 183 ||
- ⸤1. ‘udrūḍha’ ka.
tena saha saṅgrāmārthinī yā ⸤ripusenā raṇājiram āpatsāñjasā spaṣṭam evāghāni nihatā | udrūḍhaṃ(rṇaṃ) bhramitam_ | ajarā udā⸤ttāś ca manasvino ye | pare ripavas teṣām apy ajayā jetum aśakyāḥ | añjanām agatā vyaktim aprāptāḥ | ⸤bhayenādṛṣṭigocaratvāt_ | nighātāya ripuhataye āgamanaṃ yasyāḥ || 183 ||
yājarāpattadākṣodadakṣodāttaparājayā |
sāñjanām agatāghāni nighātāgamanāñjasā || 184 ||
184 ||
⸤(pratilomānulomārdhaḥ | yugalakam_)
citram akṣaṇikasyāpi tatkriyāṃ pratisaṃyuge |
paryāptayaugapadyābhyāṃ yadvirodho 'sya nābhavat || 185 ||
saṃyuge ⸤kriyāṃ vyāpāraṃ pratyakṣaṇiko rasikaḥ | tādṛśasyāpyasya krameṇa yugapad vā virodhaḥ ka⸤laho yan nābhavat tac citram āścaryam_ | kenacid api prakāreṇāmunā saha yoddhuṃ kaścid api na praga⸤lbho 'bhūd ityarthaḥ | atha ca virodho dhvanyate—akṣaṇikaḥ kālāntarasthāyī yas tasya krama⸤yaugapadyābhyām arthakriyāṃ prati virodhe 'nupapattir nābhavad iti | bauddhadarśane bhāvānām arthakriyā⸤kāritvam eva sattvam_ | yad āhuḥ—‘yad evārthakriyākāri tad eva paramārthasat_’ iti | tac ca kṣaṇa⸤sthitidharmaṇa eva bhāvasyopapadyate nākṣaṇikasya | tasya kramayaugapadyābhyāṃ tadvirodhāt_ | ⸤tasya hi krameṇa tatkaraṇe ...... yugapat tataḥ kriyāyāṃ dvitīyasmin kṣaṇe tadabhāvāt_ ...... ⸤kriyāṃ kurvīteti saṃkṣepaḥ || 185 ||
raṇo 'bhūt spaṣṭasaṃghaṭṭarathadānavanāyakaḥ |
spṛhayāmāsa naivāliratha dānavanāya kaḥ || 186 ||
spaṣṭasaṃghaṭṭā rathā yeṣāṃ te dānavasvāmino yatra L⸤tādṛśaḥ samaro 'bhūt_ | athānantaraṃ ko bhramaro dānavāriṇe nāspṛhayat_ || 186 ||
vīrabhadrasya saṅgrāme yuddhyamānasya nirbharam |
sehe na prasare daityaiḥ kṣayavāyor ivādribhiḥ || 187 ||
187 ||
Lvidadhus tatra saṃrambhaṃ śūratāpini tāpini |
dviṣanto yudhi sāṭopaṃ dānavartinivartini || 188 ||
⸤tatra vīrabhadre dviṣaḥ kopāveśaṃ cakruḥ | śūratām āpnoti tac chīlas tasmin_ | dānavānāṃ ca ⸤ṛtiṃ gatiṃ nivartayati yas tasmin_ || 188 ||
dadṛśe 'nyatra caṇḍīśaḥ śūlaṃ raṇarasollasaḥ |
bhramayann analajvālātāpasaṃśoṣitāmbudhi || 189 ||
189 ||
yo ha*ntuṃ samare bhītānapalālasamānasaḥ |
paśyaty aricamūr dagdhuṃ na palālasamā na saḥ || 190 ||
- ⸤1. ‘hartuṃ’ ka.
yaś caṇḍīśo bhītān hantum apalā⸤lasamānaso nirabhilāṣahṛdayaḥ | sa ripusenā dagdhuṃ palālena samā na paśyati na | tṛṇa⸤tulyā eva manute || 190 ||
cakṣur vikṣipya rūkṣāgrapakṣmaparyantapāṭalam |
tasthāv akhaṇḍakodaṇḍacaṇḍadordaṇḍamaṇḍalaḥ || 191 ||
191 ||
sa cakāra camūr yuddhe matimān avamā yayā |
visismiye tayā viśvam atimānavam āyayā || 192 ||
sa matimāṃs tayā atimānavam āyayā lokātīta⸤m āyayā camūr avamā adhogatijuṣaś cakre | yayā viśvam api vismayamayāsīt_ || 192 ||
dadhatyā sthitim ārūḍhabhogibhadraśriyākulām |
saṃprahārabhuvā tasya malayādhityakāyitam || 193 ||
bho⸤gina īśvarāḥ sarpāś ca | bhadrā gajaviśeṣā api || 193 ||
sa dikṣu yaśasā lokān avācyo 'ṣṭāsu rañjayan |
na caklāma mṛdhe dhairyān na vācyoṣṭāsuraṃ jayan || 194 ||
aṣṭāsu dikṣu lokān yaśasā ⸤rañjayann ājau na pariśrāntaḥ | na vā dhairyād acyoṣṭa | avācyo 'nindyaḥ | āsuram asurasamū⸤ham_ | vāśabdaḥ samuccaye || 194 ||
vipracitteḥ samīke yatsainyam abhyāpatat krudhā |
dadhanmūrtīḥ sadṛk tisras tri*mūrti parameṣṭhinā || 195||
- 2. ‘trimūrtiḥ’ ka.
yat sainyaṃ ruṣābhyāgatam ata etad duddam upatāpapradaṃ damayā⸤māsa | trimūrti mūrtitrayadhāraṇād brahmaṇā tulyam_ | madena medo yeṣāṃ tān dunoti yaḥ | u⸤ddāmena ca dāmna āmodena mudaṃ harṣaṃ dadat_ | mamādir ahaṃkārādis taṃ madhnāti yaḥ | adamo L⸤nirupaśamaḥ | adat parān bhakṣayat_ || 195 ||
Lmadamedodududdāmadāmāmodamudaṃ dadat |
mamādimadado du*ddamadamodadadīdamat || 196 ||
- ⸤1. ‘duddamadadodadadīdadat_’ ka.
196 ||
⸤(dvyakṣaraḥ | yugalakam_)
prahlādapṛtanācakraṃ hrādair mukharayaddiśaḥ|
sa tārakagaṇenoccaiḥ saṃprahāre himatviṣā || 197 ||
prahlādākhyasya daityasya tadā senācakraṃ ⸤candramasā asevi yuddhāyābhiyātam_ | tato 'nantaraṃ tad evāse nirastam_ || 197 ||
tato rasād aśāntena daśāntena kalāpinā |
kalāpinā tadāsevi tadāse vitatorasā || 198 ||
rasād vī⸤rākhyād aśāntenānivṛttena | daśāḥ śatrūṇām avasthās tāsām antena vināśahetunā | kalāpinā ⸤satūṇīreṇa | kalāś cāpnoti yas tena | vitatorasā vistīrṇavakṣasā || 198 ||
⸤(saṃdaṣṭayamakam_ | yugalakam_)
kare parivrāja iva pradhane 'dhikamaṇḍalau |
niśākarasahasrāṃśū daityān krodhān nijaghnatuḥ || 199 ||
jadhikama⸤ṇḍalau saṃpūrṇabimbau | parivrājakasya tu karo 'dhigatakamaṇḍaluḥ | evam ādau copamānopame⸤yayoḥ śabdamātreṇāpi sāmyasadbhāvād upamātvaṃ cintyam_ || 199 ||
daityacakram abhūd bhagnaprabhāvaraṇam aśvi tat |
indoś ca maṇḍalaṃ sāndraprabhāvaraṇam aśvitat || 200 ||
bhagnaprabhāvaraṇaṃ yasya ⸤tādṛśaṃ tad daityacakram abhūt_ | aśvi turagānvitam api | sāndraprabhaivāvaraṇaṃ yasya tad indubimba⸤m aśvitat_ vyadyotiṣṭa | ‘śvitā varṇe’ | ity ato ‘dyudbhyo luṅi’ iti luṅi parasmaipade ‘pu⸤ṣādi—’ iti sūtreṇa cleraṅādeśaḥ || 200 ||
apūryanta diśaḥ spaṣṭasaṃyugotkarṣabhairavaiḥ |
kakubhaḥ prāvṛṣīvātha tridaśāsuramaṇḍalaiḥ || 201||
saṃyugasyotkarṣeṇa bhairavair bhīṣaṇais tridaśānā⸤m asurāṇāṃ ca maṇḍalair yudhi diśaḥ pūritāḥ | prāvṛṣīva | tatra tu saṃyugaiḥ saṃgatahalāṅgair utkaiś ca ⸤ṛṣabhair dāntair diśaḥ pūryante ravair ninādaiḥ | vṛṣabhā api tisṛṣu daśāsu śaiśavādikāsv asuraṃ prāṇa⸤pradaṃ maṇḍaṃ poṣaṇārtham ācāmaṃ lānti || 201 ||
śriyaṃ daityādhipāḥ sainyairāsadaṇḍām arocitaiḥ |
dadhadbhis tṛṇatāṃ coccair āsadaṇḍāmaroci taiḥ || 202 ||
ḍāmarāḥ śūrās taducitaiḥ sainyair asurādhipāḥ L⸤śriyam āsadan prāpuḥ | taiś cāroci bhrājitam_ | uccair unnata āsāya kṣepaṇāya daṇḍo yasyās tāṃ ⸤tṛṇatāṃ kuntajātīyam āyudhaṃ dadhānaiḥ || 202 ||
Ltarasāmalakīnāśaśūnyāṃ śarabhadānavaḥ |
saṅgrāmorvīṃ vyadhattātha himaśailataṭīm iva || 203||
amalena kīnāśena yamena āmalakīnāṃ ⸤ca nāśena śūnyām_ || 203 ||
sarvātmanā raṇe tasminnavatāmasamañjasā |
tenāveśi dviṣāṃ senā navatāmasamañjasā || 204 ||
tena daityena dviṣāṃ senā navaṃ tāmasaṃ krodhamañjasā spaṣṭam ā⸤veśi praveśitā | avatām ātmānaṃ rakṣatām_ | asamañjasā viśarāruḥ || 204 ||
āmardakas tam abhyāgān navāñjanamalīmasaiḥ |
anvīyamāno ditijaiḥ prāvṛṭkāla ivāmbudaiḥ || 205 ||
205 ||
sa mārgaṇagaṇaṃ dūramastaṃ bhīdasya totratām |
saṅgrāmakariṇaḥ prāptam astambhīd asyato 'tra tām || 206 ||
⸤sa āmardako gaṇo 'sya śarabhasya dūramastaṃ kṣiptam atra raṇe śaranikaraṃ bhīdasya bhayapradasya ⸤raṇagajasya totratāṃ khedakaraṇāt pratodatvaṃ gatam astambhīn niruddhavān_ | tāṃ śatrusenām asyato ⸤nirākurvataḥ || 206 ||
pāriplavaharivrāto vaijayantyacchanirjharaḥ |
rarāja kūbarī ketor mandarādrir ivāhave || 207||
harayo 'śvāḥ siṃhāś ca | kūbarī rathaḥ || 207 ||
so 'vait kṣatiṃ dviṣāṃ tasminn avācām antike sthitām |
prāptaṃ yodhaṃ śivaughāḥ sma navācāmanti ke 'sthitām || 208 ||
sa ketus tasmi⸤n samare ripūṇāṃ kṣatim antike sthitām āsannām avaidajñāsīt_ | avācām adhomukhānām_ | ke vā ⸤śivānāmoghā yodham asthitāṃ karaṅkaśeṣatvaṃ prāptaṃ nācāmanti sma sarva eva bubhujire || 208 ⸤||
piṃṣan gajaghaṭā gurvīr urvīdharagurūn natāḥ |
babhāra kālamusalo raṇamūrdhni yathārthatām || 209 ||
209 ||
lalāṭenānvayaṃs tuṅganāso 'ṣṭāpadam āyatām |
sa raṇorvīm arātīnāṃ nāsoṣṭāpadamāyatām || 210 ||
sa nā puruṣo lalāṭenāṣṭāpadaṃ caturaṅgaphalakam anukurvan raṇabhuvam āyatām āgacchatāṃ ⸤ripūṇām āyatāṃ dīrghām āpadamasoṣṭa janitavān_ | tuṅganāsaḥ samunnataghoṇaḥ || 210 ||
tataḥ krauryodadher dīrghaiḥ srotobhir iva māninām |
nistriṃśair vyāptadikcakram abhyaid bhūr jaṭir āhavam || 211 ||
211 ||
Ldurutsahatvaṃ saṅgrāme na vāhinyā sa kṛcchrayan |
virarāmāsuravyūha navāhinyāsakṛcchrayan || 212 ||
L⸤sa dhūrjaṭir vāhinyā senayā asurasamūhaṃ kṛcchrayan parikliśnan na vyaraṃsīt_ | durutsahatvaṃ śrayan du⸤rabhibhavatvaṃ bhajan_ | navaṃ cāhīnāṃ sarpāṇāṃ nyāsaṃ hārādiracanāṃ karoti yaḥ || 212 ||
kṛtāṭṭahāsās tatsainye virūpākṣatayānvitāḥ |
sakṣveḍakaṇṭhāḥ prathamāstadvaidagdhīṃ samāsadan || 213 ||
⸤virūpāṇi viṣamāṇi vikṛtāni ca | kṣveḍā dhvaniviśeṣaḥ kṣveḍaṃ ca viṣam_ || 213 ||
saṃsārāriḥ sasāroruḥ sa sūrir asisārarut |
sasāraurasasīrīrāṃ sasiraṃ rāsasūr aram || 214 ||
sa ⸤śaṃbhuraurasasya sūnoḥ kumārasya sīriṇaś cerāṃ bhuvaṃ sasāra | saṃsārārir bhavocchettā | sasārau ⸤sotkarṣāv ūrū yasya | sūrir vidvān_ | aseḥ sāreṇa balena ruṇaddhīti kvip_ | sasiraṃ kaṇṭha⸤nāḍīh pūrayitvā rāsasūḥ siṃhanādakṛt_ | aram atyartham_ || 214 ||
(dvyakṣaraḥ)
nityāñjanopayogena nayanānīva vidviṣām |
nirjitānām anarmāṇi yena straiṇāni cakrire || 215 ||
nityaḥ sanātanaḥ | a⸤ñjano nīlapītādirūpeṇa vyaktaḥ | upayujyata ity upayogaḥ sarvopakārī upagatasamādhir vā | ⸤tathāvidhena yena śatrustraiṇāny anarmāṇi krīḍāśūnyāni kṛtāni | nayanānīva | tāny api ni⸤tyabhañjanasyopayogenānarmāṇyākhyarogarahitāni kriyante || 215 ||
sa pureva jaṭānaddhasāravāsukir ātatām |
babhārārātisenāsu sāravāsu kirātatām || 216 ||
sa haro jaṭābaddha⸤vāsukiḥ sāravāsu ripusenāsvātatāṃ kirātatām avahat_ | pureva yathā kirātārjunaraṇe | ⸤kirātatā hiṃsakatvaṃ śabararūpatā ca | na cāndhakakṣayāt kirātārjunayuddham avarakālam iti ⸤purevety asaṃgatiḥ śaṅkyā | ‘na kadācid anīdṛśaṃ jagat_’ iti nītyā kirātārjunavirodha⸤syāpi tataḥ pūrvam abhinivṛtatvāt_ || 216 ||
vahnigarbhacamūr yāca saptalokābhibhāvinī |
trilokīsarasīkṣobhakareṇa harahastinā || 217 ||
vahnigarbhasya yā camūḥ sā tu vibhunā hara⸤gajeneha samare 'hani divasa eva hatā | ata eva hariṇaiḥ saha gavi bhūmau vigatā samupaL⸤viṣṭā | sāyāsā sayatnāpi | bhuvi bhūmadhye sārāsā samutkṛṣṭakuntā || 217 ||
hariṇair iha sākaṃ sā sāyāsā vigatā gavi |
vibhunā bhuvi sārāsā tuṅgā tu nihatāhani || 218 ||
218 ||
⸤(prātilomyena sa evārthaḥ | yugalakam_)
Llīlāluṅkhitapuṅkhasthapatattramarutāhave |
saṃdhukṣayadbhir viśikhaiḥ pratāpāgnim ivoddhatam || 219 ||
⸤īśāno haraḥ āśānanāni diṅmukhāni viśikhair aniśaṃ saṃtataṃ nānaśe na, vyāptavān eva | ⸤luṅkhitaḥ spṛṣṭaḥ | śiśunā bālena śaśinā nāsty aṃśunāśo yasya | ata eva niśo rātre⸤r anūnaḥ | nānāṃśo bahuvidhāvatāraḥ | nā puruṣaḥ | pauruṣavān ityarthaḥ || 219 ||
śiśunā śaśinānaṃśunāśo 'nūno niśo 'niśam |
nāśānanāni nānāṃśo neśāno nānaśe śanaiḥ || 220 ||
220 ||
⸤(dvyakṣaraḥ | yugalakam_)
sanmātrācyutakaṃ tasya saṃprahāramahītalam |
spaṣṭāndhakaśriyaṃ bibhratkrīḍākāvyam ivābabhau || 221 ||
⸤satī mātrā sainyādisāmagrī yasya tādṛg acyuto harir yatra maṇḍale......paro 'rthaḥ saṃpadyate ⸤yathā—‘ni*yatam agamyam avaśyaṃ bhavati kila trasyatoraṇopāntam_’ iti | andhako daityaḥ | ⸤andhayatīty andhakaṃ ca gūḍhakriyāpadādi | yathā—‘ātāmrair āmrapadair navodgatair yāmavatīruci⸤tām_ (?) | tām adhunaiva smṛtvā mama hṛdayaṃ dīryate śatadhā ||’ iti || 221 ||
- 3. rudraṭālaṃkārastheyam āryā.
muṣṇantaṃ jīvitadhanaṃ sa vyaṃsakusumālakam |
jaghāna bhartā dehārdhaṃ savyaṃ sakusumālakam || 222 ||
jīvitam eva ⸤dhanaṃ muṣṇantaṃ ripuṃ sa bhagavāñ jaghāna | vicitrā aṃsakau skandhabhuvi śobhamānā mālā ⸤yasya | sakusumāś cālakāś cūrṇakuntalā yasya tādṛśaṃ savyaṃ vāmaṃ dehārdhaṃ bhartā dhārayitā ⸤|| 222 ||
trailokyapralayotpātadaśā iva ni*rargalāḥ |
yudhi ketumatīr dūrād āpatantīḥ su*radviṣām || 223 ||
- ⸤1. ‘nirargalaiḥ’ ka.
- 2. ‘śanair dviṣām’ kha.
īśitā vibhus tā ripūṇāṃ ketumatīḥ senāḥ śataśas taiḥ śarair atutta vyathayāmāsa | ⸤utpātadaśā api ketumatyo 'niṣṭasūcakajyotiṣmatyaḥ | śātitāśaḥ śatrūṇāṃ ghātitamano⸤rathaḥ | atītāśīrāśāsyābhāvāt_ | śiśuḥ śītāṃśur yasya tadbhāvenātato vyāptaḥ | tottā ⸤ripūṇāṃ vyathakaḥ | aśitā yajñādiphalasya bhoktā | āśāsvatanti saṃtataṃ gacchantīL⸤ty āśātair diṅmukhaprasāribhiḥ | śitais tīkṣṇaiḥ || 223 ||
taiḥ śātitāśo 'tītāśīḥ śiśuśītāṃśutātataḥ |
totteśitāśitāśātaiḥ śataśo 'tutta tāḥ śitaiḥ || 224 ||
224 ||
⸤(dvyakṣaraḥ | yugalakam_)
Lsamavartipurīvātha viśikhāvaliśobhinī |
vyaśīryatāśu taṃ prāpya vajrabāhuvarūthinī || 225 ||
viśikhāvaliḥ śara⸤paṅktiḥ | viśikhāsu ca rathyāsu balir upahāraḥ || 225 ||
tadā kṣaṇena vīryasya samadaḥ sahitaḥ padam |
reje stutanayaḥ sākṣānnayavedī kṣa*tāmataḥ || 226 ||
- ⸤1. ‘kṣitāmataḥ’ kha.
tadā bhagavān reje | vīryasya padaṃ ⸤sthānam_ | samadaḥ sābhimānaḥ | sahito hitakārī | stuto nayo yasya | yataḥ sākṣānnayaṃ ⸤vetti | kṣatāmataḥ kṣapitaripuḥ | ataḥ ślokāt kvacin mātrāviparivṛttau ślokāntaram utpa⸤dyate tasyārthaḥ—varyasya prārthanīyasya padam_ | tataḥ sarvaṃ labhyata ityarthaḥ | samaśabdaḥ sarva⸤paryāyaḥ | yathā samarājyaṃ vartata iti | samam asti yeṣāṃ te saminaḥ sarveśvarā daityās tā⸤ny ati khaṇḍayati yaḥ | sahataś ca sahiṣṇoḥ padam_ | sahiścurādiḥ ‘ādhṛṣād vā’ iti vikalpi⸤taṇickaḥ | astas tyaktastanayo 'ndhako yena | andhakasya tatputratvāt_ | nayasya vede jñāne ⸤sati kṣatāmatir nihatakubuddhiḥ | athavaivaṃ viparyayaḥ—īkṣaṇena varyasya padaṃ darśanamātreṇā⸤bhīṣṭapradaḥ | sāmadaḥ sāmāni rakṣati | ‘deṅ_ rakṣaṇe’ | sahatiḥ saha śatruhiṃsayā vartate | ⸤stutir nayo yasya | nayavādenokṣitaṃ siktaṃ srutam amṛtaṃ yena saḥ | anayaiva diśān yad apy atra samabhyūhyam_ || 226 ||
⸤mātrāpahāradānābhyāṃ yatheṣṭābhyāṃ ślokadvayam_—
ta*dākṣaṇena varyasya samidaḥ sahataḥ padam |
reje 'statanayaḥ sākṣānnayavede kṣatāmatiḥ || 227 ||
- 2. etac ślokaṃdvaya ka-pustake nāsti.
227 ||
tadekṣaṇena varyasya sāmadaḥ sahatiḥ padam |
reje stutinayaḥ sākṣānnayavādokṣitāmṛtaḥ || 228 ||
228 ||
manorathaṃ surārīṇāṃ viśiṣṭanaḍakūbaram |
ślathacakraṃ cakārājau vajranābhaṃ ruṣotthitam || 229 ||
ślathaṃ pataccakram āyudhaṃ yasya tādṛśaṃ vajranāgaṃ(bhaṃ) ⸤dhuraṃ yasya | ślathaṃ ca cakraṃ rathāṅgaṃ yasya | tādṛśavegavattvān manaḥsadṛśaṃ ratham akarod iti dhva⸤nitam_ || 229 ||
mayamāyāmayāyāmamāyī mamamayo 'yamaḥ|
yeyo 'māyamiyāyāmumameyayamayomayā || 230 ||
amuṃ bhagavān vajrabāhum amāyaṃ kṛtvā iyāya | mayākhyasya daityasya mā⸤yaivāmayo rogas tadāyāmaṃ mīnāti hinasti tacchīlaḥ | ‘mīñ_ hiṃsāyām_’ | mamamayo 'haṃL⸤kāramayaḥ | ayamo 'dvitīyaḥ | yeyo yoginām abhigamyaḥ | ameyā aparicchedyā yamā ⸤ahiṃsāsatyāsteyādayo yogāṅgāni yasyās tayā comayā gauryā upalakṣito yeyo vā || 230 ||
(dvyakṣaraḥ)
Ltasya veṇīlatā tena saṅgrāmād apasarpataḥ |
ayaśaḥpadavīvātha dadṛśe pṛṣṭhavartinī || 231 ||
⸤veṇīśabdena samarāt palāyamānasya daityasya strītvaṃ dhvanyate || 231 ||
tatrasur maṇḍalībandhais tasmiṃś carati tadbhaṭāḥ |
te kṛpāpākṛte dhyāninidhyāte nirditārdini || 232 ||
tasminn īśvare maṇḍa⸤lībhiś carati sati te daityabhaṭās tatrasur bhītāḥ | kṛpayā apākṛte tyakte | dhyānibhir nidhyāte ⸤parabrahmarūpatvāt_ | nirditā niḥśeṣeṇa khaṇḍitā ardino hiṃsakā yena || 232 ||
⸤(śū*labandhaḥ)
- ⸤1. ‘triśūlabandhaḥ’ kha.
triśikhena puraploṣavahninevāyudhena saḥ |
sūcilomānam āyāntaṃ pratilomagatiṃ dviṣām || 233 ||
sa hara⸤s triśūlena sūcilomākhyaṃ daityam avadhīt_ | śūlasya ca tisraḥ śākhā iti trayāṇāṃ purāṇāṃ ⸤dāhacihnam etat_ | vividhānām ādhīnāṃ vadhe dhīvāprājñaḥ | vidhair api vedhāḥ sraṣṭā | dhavānāṃ ⸤puruṣāṇām avadhiḥ | tadvyatirekeṇottamasya puruṣasyābhāvāt_ | dhiyaṃ dhāvati deśanābhiḥ śu⸤ddhīkaroti yaḥ | vadhvā vīvadhī dhartā | vinā garuḍena vāti gacchatīti vivo viṣṇus ta⸤m evaidhayati mānena vardhayati yaḥ | vidhuṃ ca dhatte bibharti yaḥ || 233 ||
vividhādhivadhe dhīvā vidhivedhā dhavāvadhiḥ |
dhīdhāvī vīvadhī vadhvā vivaidhī vidhudho 'vadhīt || 234 ||
234 ||
⸤(dvyakṣaraḥ | yugalakam_)
nijadhāna raṇe senāsv asau duścyavano balam |
aśeṣasuranātho 'pi vipulomātmajādaraḥ || 235 ||
asau ⸤haraḥ senāsu sthitaṃ balaṃ jaghāna | duṣṭaṃ cyavanaṃ ripūṇāṃ pāto yasmāt_ | vipulo mahānu⸤mātmaje guhe ādaro yasya | duścyavanaḥ śakraḥ sa balāsuraghātī kathaṃ pulomātmajāyāṃ ⸤śacyāṃ vigatādara iti virodhaḥ || 235 ||
yaś cakāra dviṣe kupyann avaktrāsavatāṃ sabhāḥ |
nāsau na tiṣṭhate nyāyānavak trāsavatāṃsabhāḥ || 236 ||
yaś ca tiṣṭhate yuddhāyāgacchate dviṣe kupyann ava⸤ktrāsavatāṃ mukhāsavaśūnyatvaṃ tasyaiva cakāra | śiraśchedakaraṇāt_ | sabhāḥ sadīptiḥ | asau ⸤haras trāsavatāṃ sabhā bhītapariṣado nyāyānavak_ evaṃ yudhyadhvam iti yuktīr avādīd eva | aL⸤nyathā nyāyānavak_ | yato 'sau na tiṣṭhate na | api tu vivād apade nirṇayaṃ karoty eveti sthe⸤yākhyāyāṃ taṅ_ syāt_ || 236 ||
Lprahāramūrchayā bibhradākulatvaṃ tam anyataḥ|
ke*tubāho raṇe sainyam apaśyan nīlalohitam || 237 ||
- ⸤1. ‘ketubāṇaḥ’ kha.
garāgāroragogrorā gaurīrāgī gurur girām |
gaurāgurugirīrāgo gaurarer gururogaruk_ || 238 ||
(dvyakṣaraḥ)
sanāgarājakaṭakaḥ saguhas tuhinojjvalaḥ |
tuṣārādir ivābhāti yohimān īśatāspadam || 239 ||
yo bhāti pra*tyayotkarṣād akṣayajñānalābhayā |
dṛśā ca saruṣā dhvastadakṣayajñānalābhayā || 240 ||
- 2. ‘prajñayotkarṣāt_’ kha.
yas tuṣārādrir iva rājate taṃ nīlalohitaṃ haraṃ ketubā⸤hor daityasya sainyam apaśyat_ | yaś ca prahāramūrcchitaḥ sa sarvaṃ nīlalohitaṃ paśyati | garasya viṣa⸤syāgārāṇi gṛhāṇi ye uragās tair ugramuro vakṣo madhyabhāgaś ca yasya | gauryaṃ rāgī vyasanī ⸤vatsalaś ca | gaurāḥ śubhrā aguravas tarubhedā yāsāṃ tathāvidhā girīrāḥ parvatabhuvo gacchati ⸤śrayati yaḥ | arer gaur vajra iva | himavāṃs tu dviṣo gaus tatra palāyyāvasthānād āspadam_ | gu⸤rūn mahato bhaktānāṃ rogān rujati yaḥ | nāgā bhujagā gajāś ca | kaṭakāḥ kaṅkaṇāni kaṭa⸤kaś ca madhyabhāgaḥ | guhaḥ kumāro guhāś ca khadāḥ | śiraḥprabhṛtibhir aṅgair dhāraṇāt īśitāspa⸤dam aiśvaryasya sthānaṃ himān īśatāspadaṃ ca | akṣayo jñānalābho yasyāḥ | dhvastā dakṣayajñe ⸤'nalasyābhā yayā || 237 || 238 || 239 || 240 ||
⸤(cakkalakam_)
nānādevakulākīrṇaṃ saddharmyasthiti tadraṇam |
citrarathyākulaṃ bheje kṛtāntanagaraśriyam || 241 ||
kulāni samūhā gṛhāś ca | satī ⸤dharmād anapetā harmyāṇāṃ ca sthitir yatra | rathyās turagā mārgāś ca | raṇe kṛtāntasya saṃnihita⸤tvāt tena nagataṃ(raṃ) viveśitam_(niveśitam_) || 241 ||
durbhedyayā camūs tasya māyayāvasitoṣitā |
raṇe śauryagṛhe krauryam āyayāv asitoṣitā || 242 ||
māyayā avasitā jñātā raṇe ⸤coṣitā sthitā taccamūḥ krūratām āyayau | asibhis toṣitā hlāditā || 242 ||
tasyoccaiḥ saṃgare tasmin navāridamano rathaḥ |
śaratkāla ivābhāsīd dalayann amaradviṣaḥ || 243 ||
navānā⸤m arīṇāṃ damanas tasya rathaḥ śuśubhe | śaratkāla iva | tatra tu nāsti vāridānāṃ manoraL⸤tho 'pi || 243 ||
Lsomāsomaḥ samāṃsāṃsaḥ somamāso 'samo 'simān |
mamāsesu samīmāṃsam āsāmāsa susāmasūḥ || 244 ||
mamatyahaṃkāras tamasyantīti mamāsā nirabhimānās teṣu samīmāṃsaṃ savi⸤cāraṃ bhagavān āsāmāsa sthitavān | sahomayā somena ca śaśinā vartate yaḥ | samāṃse māṃ⸤sale aṃse yasya | somaṃ mīnanti somamāḥ ṛtuvighātinas tān asyati yaḥ | asamo loko⸤ttaraḥ | asimān sakhagaḥ | suṣṭhu ca sāma sāntvaṃ vedaṃ vā sūte yaḥ || 244 ||
(dvyakṣaraḥ)
sanmaṇḍalāgratām ekapiṅgalānugato dadhat |
sa bhāsvāṃs tridaśārātīñ jaghānollāghavān raṇe || 245 ||
maṇḍalāgraṃ ⸤bimbasya koṭir api | ekapiṅgalo vaiśravaṇaḥ | ekaś ca piṅgalaḥ kaścid anucaraḥ | bhāsvān ra⸤vir api | udgataṃ lāghavaṃ yeṣām_ | ullāghaś ca roganirmuktiḥ | sā vidyate yasmāt_ | ‘ārogyaṃ ⸤bhāskarād icchet_’ iti vacanāt_ || 245 ||
saṃcariṣṇuḥ sasaṃrambhaṃ sa nā tanayaśobhitaḥ |
śauryam aprathayatsaṃkhye sanātanayaśo 'bhitaḥ || 246 ||
sa haro nā puruṣottamas tanayena śobhitaḥ śauryam a⸤bhito vistārayāmāsa | sanātanaṃ nityaṃ yaśo yatra tam_ || 246 ||
kṣayānilair ivāśeṣavivartanasahair uroḥ |
sainikais tasya kākṣeṇa sāvahelaṃ vilokitaiḥ || 247 ||
bhīrorair aribhir bhābhai rabhārīrā bhareribhiḥ |
rururībhir urabhrābhā bhābhāribhir urūrubhiḥ || 248 ||
tasya śaṃbhoḥ kākṣeṇa rūkṣa⸤kuṭilayā dṛṣṭyā dṛṣṭair uror daityasya sainikair irā yuddhabhūr aribhiś cakrair abhāri pūritā | bhīrorair bhayada⸤ridraiḥ | bhābhair nakṣatranibhaiḥ | bhareṇerayanti parān kṣipanti ye | rurur mṛgas tasyeva capalatayā rīr ga⸤tir yeṣām_ | ata evorabhrābhā meṣair iva śobhā yasyās tāṃ ruciṃ bibhrati ye | urū mahāntau ⸤ūrū yeṣāṃ taiḥ || 247 || 248 ||
(yugalakam_ | dvyakṣaraḥ)
sa dhīram urajoddāmagarjāḥ śīkaravarṣiṇaḥ |
gajadhārāgṛhā rejus tasyāśūnyāḥ kalāpibhiḥ || 249 ||
kalāpinas tūṇino mayūrāś ca || 249 ||
raṇe saṃkulatā prāpte sajjaṭaṅkaravāribhiḥ |
tadvapuḥ kariṇāseci sajjaṭaṃ karavāribhiḥ || 250 ||
sajjaḥ saṃ⸤nihitaṣ ṭaṅkaḥ śobhā ravaś ca nādo yeṣāṃ tair aribhiḥ saṃkule raṇe śobhanajaṭaṃ tadīyaṃ vapuḥ kaL⸤riṇā gajāsureṇa karavāribhiḥ siktam_ || 250 ||
Ldānavānāṃ ruṣā sainyaṃ daityānāṃ ca yuyutsu tat |
senayānugataḥ saṃkhye sarasvān iva velayā || 251 ||
bhūyeyo 'bhayayāyībhyo bhūyo yo 'bhībhayo 'bhayam |
yayābhibhūya bhūyo 'yaṃ bhābho 'bhīyāya bhāyayan || 252 ||
⸤(dvyakṣaraḥ)
sāsya saṃhāraveleva dalayantī kṣamābhṛtaḥ |
nāsahyatāsuraiḥ senā bāhuśālibhir apy alam || 253 ||
dānavānām ityādi viśeṣakam_ | asya ⸤harasya sā camūr asurair nāsahyata | yayā ayaṃ haro jaladhir ivāsurāṇāṃ sainyaṃ bhūyo bahutaram a⸤bhibhūya bhūyaś ca punar bhāyayann abhiyayau saṃmukhaṃ jagāma | yo bhūyeyo bhuvā bhūlokena śraddhayā⸤bhigamyaḥ | abhayayāyināṃ śaraṇāgatānām ibhyaḥ svāmī | ibham arhatītībhyaḥ | ‘daṇḍādibhyo ⸤yaḥ’ | abhībhayaḥ abhiyā ibhena yāti yaḥ | abhayaṃ nirbhayaṃ kṛtvā | bhābho nakṣatrakā⸤ntiḥ | kṣamābhṛtaḥ parvatā api || 251 || 252 || 253 ||
(tilakam_)
yasya senā diśo daityān avibhramadaśocitā |
yenārinārī vidadhe na vibhramadaśocitā || 254 ||
trividhasyāpi hartātha sa dhvāntasya garīyasaḥ |
saṅgrāmagagane bhāsvāṃs tejasāti du*rutsahaḥ || 255 ||
- ⸤1. ‘durutsahaṃ’ kha.
daśāśādeśadādeśaḥ śaśidaṃśadaśāśidoḥ |
deśī śaṃdadadāśudaid udaṃśuśaśidaḥ śadī || 256 ||
sa haraḥ saṅgrāmanabhasy āśu ⸤tvaritam udaid ujjagāmeti viśeṣakam | yadīyasenā daityān diśo 'bibhramadbhramayāmāsa | aśo⸤citā kṛtakāryatvāt_ | vibhramadaśāyāś cocitā ripunārī yena na kṛtā || hārdaṃ, mūrtam a⸤surādi, naiśaṃ ceti triprakāraṃ tamaḥ | bhāsvān ravir api | so 'pi lokatrayavartitvena trivi⸤dham andhakāraṃ hanti | daśānām āśānāmādeśāḥ pradeśās tān dayate rakṣaty ādeśo yasya | ‘deṅ_ ⸤rakṣaṇe’ | śaśidaṃśo rāhus taddaśāśinau doṣau bāhū yasya | śaśadaṃśā vā vyāghrādayaḥ | ⸤deśī dātā upadeṣṭā vā | śaṃdadat_ śreyaskaraḥ | udaṃśuṃ śaśinaṃ dayate rakṣati yaḥ | śadī ⸤yodhavān_ | śīyante parān avasādayantīti śadā yodhāḥ || 254 || 255 || 256 ||
⸤(dvyakṣaraḥ | tilakam_)
Ltena saṃjaghaṭe sārdhaṃ tatsenāyugapaddhatīḥ |
vivartayan kālaketuḥ kālacakravadanyataḥ || 257 ||
L⸤yugapat_ hatis tāḍanaṃ yāsām_ | yugānāṃ ca kṛtādīnāṃ paddhatīrvyavasthāḥ || 257 ||
pidadhur mārgaṇās tasya tam īśaṃ kāñcanocitāḥ |
chāyayā na vyadhur vyomni tamīśaṅkāṃ ca no citāḥ || 258 ||
tasya ⸤daityasya śarās tam īśaṃ bhagavantaṃ pidadhur asthagayan_ | kāñcanair ucitāḥ samavetāḥ | ‘uca sama⸤vāye’ | chāyayā ca citā vyāptāḥ | tamīśaṅkāṃ niśābhrāntiṃ na no cakruḥ | akurva⸤nn eva || 258 ||
dadhatā śūnyatāṃ śaśvatsainyena pratiyoginām |
asaṅgaraviyātena tasya nākatalāyitam || 259 ||
tasya saṃbandhināṃ pratiyoginām arīṇāṃ sainyena nākavadācaritam_ | rave⸤r yataṃ gamanaṃ yatra || 259 ||
śaravṛṣṭiṃ dviṣaḥ prāptāṃ sa viṣehe tu tāmitaḥ |
śyāmalatvaṃ dadhatkaṇṭhe saviṣe hetutāmitaḥ || 260 ||
sa tu haraḥ śatroḥ sakāśād āgatāṃ śaravṛṣṭiṃ viṣehe soḍhavān_ | ⸤tāmitaḥ krodhitaḥ | ‘mitāṃ hrasvaḥ’ ity atra vety anuvṛtter atra hrasvābhāvaḥ | yadivā tāṃ śaravṛṣṭi⸤mito 'smād areḥ prāptāṃ viṣehe iti yojanā | saviṣe sakālakūṭe | hetutayā trijagatkāra⸤ṇatvena hetunā amito 'paricchinnaḥ || 260 ||
sphuranmaurvītaḍidda*ṇḍas tatkodaṇḍaghanāghanaḥ |
sapṛṣatkaḥ praṇādena rājahaṃsān avivyathat || 261 ||
- ⸤1. ‘daṇḍaiḥ’ kha.
ghanāghano vivarṣur meghaḥ | pṛṣatkā binda⸤vo 'pi | uktaṃ ca—‘pṛṣatkabindupṛṣatāḥ pumāṃso vipruṣastriyaḥ’ iti | rājahaṃsā rājendrā ⸤haṃsabhedāś ca || 261 ||
nagnānugenānūnāgnigunā nenānugāninā |
nūnaṃ nāgān nagenena gaganaṃ gāṃ nagān agān || 262 ||
(dvyakṣaraḥ)
śaraiḥ pūrayatā guptā vibhunā harivāhinī |
vyaśnuvānā diśaḥ sarvās tarasaitya suketunā || 263 ||
Lsamāraṇe samagrāse 'samagrāse 'samā raṇe |
surāriṇā samānebhāsamāne bhāsurāriṇā || 264 ||
anena vibhunā guptāpi harivāhinī vāsavasenā suketunāmnā surā⸤riṇā daityena vegenāgatyāse nirasteti viśeṣakam_ | nagnānugena digambarasahāyena | anūnā⸤gnir bahalavahnir gaur vilocanaṃ yasya | anu paścādgāmino gāyanā yasya | nagasya kailāsasya na⸤gāyā vā gauryā inena svāminā nūnaṃ niścitam_ | nāgān_ gajān_ gaganaṃ gāṃ bhuvaṃ nagāL⸤n girīn_ agāṃś ca tarūn_ śaraiḥ pūrayatā | kutra senā nirastety āha—saha māraṇena vartate yat_ | ⸤asamaś ca grāsaḥ pareṣāṃ kavalīkaraṇaṃ yatra | asamānaṃ ca lokottaraṃ yat tādṛśe raṇe | senā ⸤ca samagrā sakalā | asamā ananyasadṛśī | samānāś cāhaṃkāriṇa ibhā yasyāḥ | ariṇā ⸤cakreṇa bhāsurā ca | bhāsuram ari cakraṃ vā yasya surāreḥ || 262 || 263 || 264 ||
(tilakam_)
sa saṃgarāṅgane bhaṅgaparācīnamataṅgaje |
anaṅgaketunārabdhasuramaṅgalagītinā || 265 ||
nādinādīnanodena nidānonena nādinā |
nādi nādau na nunude nūnaṃ nānaudanādinā || 266 ||
sa ⸤suketur anenānaṅgaketunā smaradhvaṃsakena hareṇa nā pauruṣavān api ādau prathamam eva na nunude na ⸤raṇe praviṣṭamātra eva nirākṛtaḥ | ādinā pradhānena | adīneṣu śūreṣu nodo nivasanaṃ ⸤yasya | nidānena hetunā ūnena rahitena | nityatvāt_ | nādinā nādavatā | nūnaṃ niści⸤tam_ | nānāvidhamodanaṃ viśvātmakamatti tacchīlena | bhagavataḥ saṃhārakatvāt_ || 265 || ⸤266 ||
⸤(yugmam_ | dvyakṣaraḥ | pādādyantayamakaṃ ca)
tenānāyi pratisrotaḥ śaraughais timirāśibhiḥ |
vāhinī visphuratkūlakuñjarājiḥ suparvaṇaḥ || 267 ||
suparvaṇo daityasya vāhinī senā tena sāyakānāṃ samūhaiḥ pratisrotaḥ pratīpaṃ nītā | ⸤timiraṃ tamo dīptimattvād aśnanti ye taiḥ | visphurantaḥ kūle nikaṭe kuñjarā yasyās tādṛśā ⸤ājir yasyāḥ | visphurantyaḥ kuleṣu kuñjānāṃ rājayo yasyās tādṛśī ca vāhinī nadī ti⸤mīnāṃ rāśibhir upalakṣitaiḥ śarasy āmbhasaḥ pravāhaiḥ pratisroto 'parasyāḥ sravantyāḥ pravāhaṃ ⸤nīyate || 267 ||
jaghāna ca vinighnaṃ taṃ vinighnantaṃ sa bhāsuram |
sabhāsu rañjayannākaṃ jayann ākampivigraham || 268 ||
sa haraḥ sabhāsu nākaṃ rañjayan_ jayaṃś ca taṃ daityaṃ jaghāna | vinighnantaṃ ⸤tāḍayantam_ | bhāsuraṃ dīptam_ | ākampivigrahaṃ bhayena calaśarīram_ || 268 ||
durgasālam ivārātiṃ sacchedakramaśīrṣakam |
kurvaṃs tasya bhaṭān saṃkhye javād āpatito 'tha saḥ || 269 ||
Ljujūre rājarājājirorujārjirujo rujan |
rarājājo rurūrjājūrojo 're rururārjijat || 270 ||
sa haras tasya ⸤daityasya bhaṭān_ jujūre jaghāna | ‘jūrī hiṃsāgatyoḥ’ | saha cchedakrameṇa vartamānaṃ śīrṣaṃ ⸤śiro yasya tādṛśam ariṃ kurvan_ | koṭṭaprākāram iva | tatra tu sacchedāni bhaṅgīyuktāni ⸤aśvatthapattrākārāṇi kramaśīrṣakāṇi yuddhasthānāni kriyante | yad uktam_—‘kramaśīrṣakaiś cāL⸤śvatthapattrasaṃsthānair ekārāntai(?)r ācitāgram_’ iti | kauṭilyas tu—‘murujakaiḥ kapiśīrṣakai⸤ś cācitāgram_’ iti bruvāṇas tāni kapiśīrṣakāṇīti manyate | rājarājasya dhaneśasyājau ⸤rorujām atyarthaṃ vyathakatvam arjayanti ye tān api rujanti ye pravīratarās tān nujan_ sa ca ra⸤rāja | ojaś ca vīryam arer ārjijat_ avajahāra | ruror daityasyor jaṃ balaṃ jvarati bhanaktīti ⸤kvip_ | ‘jvaratvarasṛvyavimavām_’ iti saṃprasāraṇadvayam_ | ajo nityaḥ | urur mahān_ || 269 || ⸤270 ||
⸤(yugmam_ | dvyakṣaraḥ)
tatsenāyāḥ prahaṇanaiś cetohāri su*radruhām |
raṇaṃ tadāsīt kṛtibhiḥ parītaṃ ratasaṃnibham || 271 ||
- ⸤1. ‘suradviṣām_’ ka.
tasya harasya senāyāḥ prahaṇanaiḥ prahārair daityānāṃ cetohāri cittaharaṃ kṛtibhiś ca ⸤yuddhakuśalair yuktaṃ yuddham āsīt_ | suratam iva | tad api kartarīprabhṛtibhir āghātaiś cetohāri sundaraṃ ⸤sītkṛtibhiś ca sītkāraiḥ sahitam_ || 271 ||
niryāntyā jvālayā heteḥ sa bhayānakayāśritaḥ |
divaukasāṃ dviṣadbhītyā sabhayā na kayāśritaḥ || 272 ||
pratyastraśastrasaṃdohayodhī yodhābhinanditaḥ |
śikṣāviśeṣam akṣuṇṇaṃ darśayann āhavāṅgane || 273 ||
hārihārāhiraṃhohirāho raṃhorihā hareḥ |
haro haraharārāho roruhoruruho 'hahī || 274 ||
sa haro heter āyudhasyāśritaḥprāntād gaccha⸤ntyā jvālayā hetubhūtayā bhayānakayā surāṇāṃ sabhayā parṣadā kayā nāśritaḥ śatrubhayād iti ⸤viśeṣakam_ | pratyastraiḥ pratipakṣāyudhaiḥ śastraiś ca yudhyate yaḥ | hārī ruciro hārāhir yasya | ⸤aṃhohiḥ pāpapradhāno vṛtrāsuras tasya rāhor grasanapravṛttasya harer indrasya raṃhorihā vegenāriṃ ⸤hatavān_ | haraharā sādhuvādas tasyāra āgamanaṃ yatra tathā kṛtvā āhantīty āhas tāḍakaḥ | ⸤‘anyeṣv api dṛśyate’ iti ḍaḥ | rū(ro)ruhāv atyarthaṃ prasarantāv ūruruhau jaṅghākāṇḍe yasya saḥ | ⸤ahahīti vismaye || 272 || 273 || 274 ||
⸤(tilakam_ | dvyakṣaraḥ)
tadā krūrabalopetaṃ rarāja bhaṭamaṇḍalam |
yudhi śauryācitāṃ bibhrallakṣmī vṛṣṇiku*lopamām || 275 ||
- 2. ‘kulopamam_’ kha.
krūraṃ niṣkṛpaṃ balaṃ sainyam_ | akrūrā⸤khyaś ca vṛṣṇiḥ | balo haladharaḥ | śauryeṇa śauriṇā ca kṛṣṇenācitāṃ vyāptām_ || 275 ||
Lsamadānagajāmardī samadā nagajāmataḥ |
vairirājaparāmarśī sa rarāja parāmayaḥ || 276 ||
L⸤sa śivaḥ śuśubhe | samān akhilān dānagajān āmṛdnāti yaḥ | samadān sābhimānān asyati yaḥ ⸤(kvibantaḥ) | nagajāmato gaurīpriyaḥ | parāmarśo bādhaḥ | pareṣām āmayo vyādhiḥ || 276 ||
(tūṇībandhaḥ)
utsṛjya samaraṃ sārdham abhimānena dānavāḥ |
amānto dikṣu bhūyastvād atha kāñcanabhūbhṛtaḥ || 277 ||
durdāradordrūdaraduddūrodāraradīradāḥ |
duddārirodarā rudradarādadadire darīḥ || 278 ||
⸤dānavā rudrasya darād bhītyā meror darīr ādadire jagṛhuḥ | durdārā vidārayitum aśakyā dordravo ⸤bhujataravas teṣām udareṇa kūpareṇa duvanti ye ......... | duddā upatāpapradā ye 'rayas teṣāṃ ⸤rodaṃ rodanaṃ rānti dadati ye || 277 || 278 ||
⸤(yugmam_ | dvyakṣaraḥ)
avāmadakṣiṇasthena lalāṭataṭavartinā |
vidviṣo 'kṣṇā dahann ārāt syandanena raṇe bhraman || 279 ||
sakai*ṭabhārau tatrājilālasaḥ savasau tadā |
balibhaumo 'rkasacchāyaḥ sa kailāsavad ābabhau || 280 ||
- ⸤1. ‘kaiṭabhāri’ kha.
sa haraḥ kailāsādrir iva śuśubhe | vāme ⸤dakṣiṇe ca bhāge tiṣṭhati na yat tena cakṣuṣā dviṣā dahan_ | avāmo 'nukūlo dakṣiṇasthaḥ ⸤sārathir yasya tādṛśena rathena bhraman_ savasau vasvākhyasurasahite | valibhas trivalīsanātha ⸤auma umāsaṃbandhī bhāgo yasya | ‘tundivalivaṭer bhaḥ’ | balinaś ca bhaumā mahī gṛhā yasmin_ | ⸤arko ravir arkāś ca sphaṭikāḥ || 279 || 280 ||
⸤(yugalakam_ | samañjasabandho gūḍhacaturthaḥ)
saṃvartakagha*ṭāghoraghargharorjitagarjitaiḥ |
kṛte tadānīṃ sa*ṅgrāme sahasā dānavādhipaiḥ || 281 ||
- 2. ‘ghanāghora’ kha.
- 3. ‘samare’ kha.
sā gaṇāpakṣaye kṣmā ca sthāvarāviratātibhīḥ |
bhītitāravirāvasthā cakṣmāye kṣapaṇāgasā || 282 ||
sā ca kṣmā kṣitir gaṇānām apakṣayo yatra ⸤tādṛśi raṇe cakṣmāye dudhuve | ‘kṣmāyī vidhūnane’ | sthāvarāṇām apy aviratā atiśayena bhīr yaL⸤syām_ | kṣapaṇaṃ gaṇānāṃ hiṃsanamevāgo daityānām aparādhas tena yā gaṇānāṃ bhītis tayā tāre ⸤virāve tiṣṭhati | yā tasatyaṅṅantītyarthaḥ (?) || 281 || 282 ||
(anulomapratilomārdhaḥ | yugmam_)
Lsuravairicamūṃ śliṣyanvidhūmāśleṣaśobhinā |
locanajvalanenārād vapuṣā ca virājitaḥ || 283 ||
yudhi yeyāyudhīyāyāṃ dhyeyādhyeyo dhiyādhidhūḥ |
yodhādhāyī dhayo yodhyaṃ dhāyyādheyo 'dhyayūyudhat || 284 ||
(dvyakṣaraḥ)
sa mārgamargalādaṇḍo jayadvārasya vidviṣām |
avāptaśalabhacchāyaṃ śaraiś cakre vihāyasaḥ || 285 ||
yo yudhi raṇe yodhyaṃ ripum adhya⸤yūyudhat_ adhikaṃ yodhayāmāsa | sa haraḥ śarair labdhaśalabhākhyaprāṇicchāyam iva viyanmārgam aka⸤rod iti viśeṣakam_ | vigatasya dhūmasyāśleṣeṇa dhūmābhāvena śobhate yo locanāgnis tena, vidhoḥ ⸤śaśina umāyāś cāśleṣeṇa śobhate yat tena ca vapuṣā śobhitaḥ | āyudhena jīvantyāyudhīyā ⸤yodhāḥ | ‘āyudhācchaḥ’ | te yeyā abhigamyā yasyām_ | dhyeyair brahmādibhir apy ādhyeya u⸤tkaṇṭhayā smartavyaḥ | dhiyā ādhidhūr manorogadalanaḥ | yodhānādhatte tatra tatra niveśayati ⸤yaḥ | dhayatīti dhayaḥ śatrūṇāṃ yaśasaḥ pātā | dhāyyayā samidhām ādhānamantreṇādheya āma⸤ntraṇīyaḥ || 283 || 284 || 285 ||
(tilakam_)
tasmin kurvati tān vairinakre 'ṅkāropitāpadaḥ |
yodhais tad dhanuṣaḥ sehe na kreṃkāro 'pi tāpadaḥ || 286 ||
aṅke āropitā āpad yeṣāṃ tādṛśāṃs tān asu⸤rāṃs tasmin kurvati sati yodhais tadīyasya dhanuṣaḥ kreṃkāro 'pi nāsahyata | tāpapradatvāt_ | ⸤vairiṇāṃ nakre hiṃsake || 286 ||
saṃprahāratalorvyā ca* subhaṭaṃ suravidviṣaḥ |
nitye na tarasā yogaṃ bhūmivardhanatāṃ gatam || 287 ||
- ⸤1. ‘api’ kha.
kayā kukākukāyāyakākīkākaukakākayā |
kukaikaikikayā kaṃ yaḥ kākī kāko 'kakākayā || 288 ||
⸤(dvyakṣaro yukpādayamakaś ca)
Lpraṇataṃ sa vibhuḥ śatrum utsasarjā*kulaṃ raṇe |
himavān iva sannāgavidārīracitasthitiḥ || 289 ||
- ⸤1. ‘ākulaḥ’ kha.
saṃprahāretyādi viśeṣakam_ | yo vibhuḥ kayā raṇabhuvā ⸤kam andhakabhaṭaṃ yogaṃ na nināya sarvam evāvanau nyapātayat_ | sarveṣāṃ bhūtebhya utpatter ante ca ⸤teṣv eva layād bhūmivardhanatvam_ | kukākavaḥ kutsitā dhvanayaḥ kāyāḥ śarīrāṇi tānayanti ⸤ye kākībhiḥ sahitāḥ kākaukā vāyasasamūhās teṣāṃ kāko laulyaṃ yasyām_ | ‘kai śabde’ L⸤ity asya kākāḥ | ‘kaka laulye’ ity asya kākaḥ | kokate māṃsādyaśitum ādatta iti kukaḥ | ⸤sa evaikaḥ śivāvāyasādir yasyām_ | ‘kuka vṛka ādāne’ | vibhus tu kakate 'vaśyaṃ kākī ⸤samaralampaṭaḥ | ‘kaka laulye’ | kāka īṣadakati kuṭilaṃ gacchati yo nirbhayatvāt_ | ‘ī⸤ṣadarthe’ iti koḥ kādeśaḥ | nāsti kaṃ śiro yeṣāṃ te 'kāḥ śiraś chinnā varākatvāt kākā ⸤iva kākā ripavo yasyām_ | nāgān ibhān vidārayati yaḥ | īreṇa ca ripūṇāṃ kṣepeṇa citā ⸤vyāptā sthitir yasya | himavāṃs tu nāgaiḥ puṃnāgatarubhir vidārībhiś ca latābhedaiḥ kṛtāvasthānaḥ ⸤|| 287 || 288 || 289 ||
(tilakam_)
sāsāsāsupipāsāsī so 'pipāsaḥ sapāpasūḥ |
sapaṃsāso 'sipāpāsī sopāsaḥ sa papau supāt || 290 ||
sa haraḥ papau svasainyaṃ rarakṣa | sāsāḥ saśarāsanāḥ (tān a⸤syati) | ‘avatyādinā vakārasyopadhāyāś ca saṃprasāraṇam | sāsānāmasūnasyantīti ⸤kvip_ |’ teṣāṃ yodharakṣāvidhātināṃ daityānāṃ suṣṭhupipāsāṃ nijasainyaṃ rakṣitum icchām asate bā⸤dhate tacchīlaḥ | ‘... vibādhane’ | syati śatrūn antaṃ nayatīti saḥ | ‘anyeṣv api dṛśyate’ ⸤iti ḍaḥ | apipāsaḥ kṣuttṛṣṇārahitaḥ | sapāpāṃś ca suvati prerayati yaḥ | saha paṃsena śa⸤trunāśena vartamāna āsaḥ kunto yasya | ‘pasi nāśane’ | asibhiḥ pānti ye tān apāsya⸤ti nyak karoti yaḥ | sahopāsayā bhaktajanasevayā vartate yaḥ | supāl lalitacaraṇaḥ | ‘saṃkhyā⸤supūrvasya’ ity akāralopaḥ || 290 ||
⸤(dvyakṣaraḥ)
satpuṅkhadṛḍhamuṣṭitvaṃ dadhadbhir mārgaṇāsibhiḥ |
vibhinnacchinnahṛtkaṇṭhāś cakrire tadbhaṭair bhaṭāḥ || 291 ||
satpuṅkhā vibhinnahṛdayāś ca mārgaṇāḥ | asayas tu dṛḍha⸤muṣṭayaś chinnakaṇṭhāś ca || 291 ||
kṛtakāmo 'tha gobhartā savyūḍhakamalāsanaḥ |
bhūtidhāma paraṃ bheje śaṃbhuḥ śaṃbhur ivāparaḥ || 292||
śaṃbhuḥ śivaḥ param atyarthaṃ bhūter bhasmano dhāma cchāyām ase⸤vata | kṛto hataḥ kāmaḥ smaro yena | ‘kṛñ_ hiṃsāyām_’ | gor vṛṣasya bhartā svāmī | savī ⸤yajñavān_ | yajamānamūrtitvāt_ | kamalasya mṛgasyāsanam āspadaṃ śaśī sa ūḍho yena | dvi⸤tīyaḥ śaṃbhur iva | śaṃbhur acyuto brahmā ca | tatrācyutaḥ—kṛtakaṃ kṛtrimaṃ narasiṃhādirūpam a⸤mati gacchati yaḥ | ‘ama gatyādiṣu’ | gor bhuvo bhartā dhārayitā | bhuvaḥ saṃsārasyotiḥ L⸤parirakṣā tasyā dhāma sthānam_ | paraṃ cotkṛṣṭaṃ bhajate | brahmā tu-kṛtakāmaḥ saṃpādita⸤manorathaḥ | gor vāco bhartā poṣakaḥ | sa iti lokātītaḥ | vibhir haṃsairūḍhaṃ kamalaṃ nalina⸤m evāsanaṃ yasya saḥ | bhūter utpatter dhāma viṣayaḥ kāraṇam_ || 292 ||
⸤(arthatrayavācī)
Ldhatte manobhavākāraṃ karaṃ yaḥ śambarājitam |
kṣobhito bhuvanāpāye vīcimān iva durdharaḥ || 293 ||
savasāsavasevāsu sāsāvāsāsu sauvavān |
suvāsoṃsaḥ savāsevī vāsavaḥ savasāv asau || 294 ||
(dvyakṣaraḥ)
varūthinīṣu samare daityarājakṣamābhṛtām |
vajrāhatibhir atyuccaiḥ śauryaśṛṅgāṇy aśātayat || 295 ||
asau vāsavaḥ savasau ⸤vasusahite raṇe senāsu śauryāṇy eva śikharāṇi cicchedeti viśeṣakam_ | śambena vajreṇa rā⸤jitaṃ śambarākhyena daityenājitam aparābhūtam_ | kāmenaiva śambarasya jitatvāt_ | vasaivāsavaṃ ⸤pānaṃ sevante ye sṛgālās taiḥ saha vartamānāsu | sāsāś ca saśarāsanā āvāsā gṛhāṇi ⸤yāsu senāsu | svasyātmana idaṃ sauvaṃ nijaṃ sainyādi tatpraśastam asyāsti | suvāsasī aṃse ⸤yasya | savān kratūn āsevate yaḥ || 293 || 294 || 295 ||
(tilakam_)
nanṛte sutarāṃ mūrtyā kābandhyāsamarecakaiḥ |
śaraśreṇir vicakare kā vandhyā samare ca kaiḥ || 296 ||
kabandhāḥ śiraś chinnāḥ | ⸤tatsaṃbandhinyā mūrtyā asamarecakair maṇḍalībhramaṇair nṛttam_ | kaiś ca samare kā śarapaṅktir vandhyā ⸤niṣphalā kṣiptā || 296 ||
tadā jina iva spaṣṭavajrāsanarucir mṛdhe |
kṣamādharagurur daityaskandham ārāj jigāya saḥ || 297 ||
jino buddha iva | so 'pi rūpavedanāsaṃjñāsaṃskāravijñānala⸤kṣaṇaṃ skandhaṃ saṃsāraduḥkhaṃ jitavān_ | vajrasyāsanaṃ kṣepo vajrāsanaṃ cāsanabhedaḥ | kṣamā⸤dharāḥ parvatāḥ kṣamāvantaś ca | ārād dūrāt_ | ‘mārān_’ iti pāṭhe skandhakarṭṛkāḥ mārā ⸤māraṇāni | tathā skandhaś ca māraś ca kāmastānajayad iti yojyam_ || 297 ||
dadhuṣī jaghanaṃ prāptaṃ kāñcīr avasanāthatām |
yasyāristrī daśāṃ nāpa kāṃ cīravasanātha tām || 298 ||
sisaṅgrāmayiṣus tena daṣṭadantacchadaḥ krudhā |
abhyaid a*bhyāgamārambhasaṃrambhādaśaniprabhaḥ || 299 ||
- ⸤1. ‘atyāgama’ ka.
athānanta⸤ramaśaniprabho daityaḥ krodhād abhyaid abhyāyayau | yasya ripunārī kāñcyā raveṇa sanāthatvam āgataṃ L⸤jaghanaṃ dadhuṣī pūrvaṃ dhṛtavaty api kā daśāṃ nopayayau | tām iti nikṛṣṭām_ | yataḥ sā cīra⸤vasanā jaratkarpaṭā | abhyāgamo rogaḥ || 298 || 299 ||
(yugmam_)
Lśauryānalaśikhājāle kauśikasya hatāhini |
nipete tena ni*rmṛṣṭasā*ratātāpanirmṛdham || 300 ||
- ⸤1. ‘nirvṛṣṭa’ ka.
- 2. ‘satatātāpa’ ka.
kauśikasyendrasya śauryam evā⸤gnijvālāpaṭalaṃ tatra tena daityena patitam_ | ahir vṛtraḥ | nirmṛṣṭaḥ sann utpuṃsito yaḥ sāratayā ⸤tāpas tejaḥ pratāpo vā tena nirmṛdhaṃ nirgataraṇaṃ kṛtvā || 300 ||
(śarabandhaḥ)
suketor atha saṅgrāme karālakuṭilabhruvaḥ |
pṛtanā bhūribhūreṇudhūsarāpi sphuranty alam || 301 ||
nunnanānāghanaughena nighānaghaghanāghanāḥ |
ghanāghanena nāghāni nāghnānā nunnanighnanauḥ || 302 ||
suketoḥ senā ghanāghanena ⸤śakreṇa na nāghāni hataiva | nunnaḥ puraḥ prerito vāhanabhūto ghanānām ogho yena | nighā nimitāḥ ⸤samārohapariṇāhāḥ anaghāś cākhaṇḍitā ghanā mattahastino yasyām_ | āghnānā tāḍayantī | ⸤nunnā parair nirastā ata eva nighnāḥ paravaśā ye teṣāṃ nauḥ | uttārakatvāt_ || 301 || 302 ||
⸤(dvyakṣaraḥ | yugmam_)
lalāṭataṭagāṃ dṛṣṭiṃ dhūrjaṭer anukurvatī |
sadānalakṣmā śuśubhe tatkuñjaraghaṭāraṇe || 303 ||
⸤dānam eva lakṣma lāñchanaṃ tena saha vartate yā | sadā analasyāgneḥ kṣmā bhūmiḥ || 303 ||
saṃprahāre sa paryastanānāśam bahulohitam |
vyadhād atanusaṃrambho nānāśaṃ bahulo 'hitam || 304 ||
⸤sa śakro nānāśam api tu sanāśaṃ bahulohitaṃ ca prabhūtai rudhiraiḥ sahitaṃ śatrum akarot_ | ⸤paryastāḥ patitā nānāvidhāḥ śambasya vajrasya hulāḥ prahāraviśeṣā yena || 304 ||
kapardīvāsurāmardī sa hālāhalavibhramaḥ |
tadā saṃjaghaṭe sārdhaṃ sīrapāṇiḥ suketunā || 305 ||
kapardī ⸤haraḥ | hālāhale surāsīre | hālāhalaṃ ca viṣam_ | suketur asuraḥ śobhanaṃ ca cihna vṛṣabhaḥ ⸤|| 305 ||
bibhradvapuḥ saraktaughavisraṃ sīrakṣato 'dayam |
tenākāri sa nāgāṃsavisraṃsī rakṣatodayam || 306 ||
saha raktaughasya visreṇām agandhena vartamānaṃ vapurbibhradibhaskandhāc ca visraṃsī sa L⸤suketus tena halinā kṛtaḥ | yasmād adayaṃ kṛtvā sīrakṣato halanirbhinnaḥ | udayaṃ rakṣatā ⸤pālayatā || 306 ||
Lvarāhalīlāñchitayā śriyā harir ivāśritaḥ |
puṣpavarṣaiḥ kriyās tanvan samabhāvyata khecaraiḥ || 307 ||
halī haladharo varāḥ kriyās tanvan devaiḥ puṣpavṛṣṭibhir āvarjitaḥ | lā⸤ñchitayā lāñchanīkṛtayā śriyā yuktaḥ | harir iva | so 'pi varāhasthalīlābhirāñchi⸤tayā saṃbaddhayā lakṣmyāvalambitaḥ | atra halīti tananakriyāyāṃ kartā gūḍhaḥ || 307 ||
⸤(gūḍhakartṛkaḥ)
yasyāmbhaḥ praṇato naiva narake saritām adhāt |
vibhinnadaityāṃ yaś caiko narakesaritāmadhāt || 308 ||
āpūrya daśanajyotsnāsaviśeṣavipāṇḍuram |
pāñcajanyaṃ ravādhmātabrahmasta*mbāntaraṃ raṇe || 309 ||
- ⸤1. ‘stambhāntaraṃ’ ka-kha.
sakākakīkasāke 'sau kaukasaiko 'kukākusūḥ |
sakāsūkaiḥ sa kaṃsāsī sākaṃ sāsāsiko 'kasat || 310 ||
kāsūḥ ⸤śaktis tayā saha vartamānair yodhaiḥ sākaṃ saha sa kaṃsāsī kaṃsaripū raṇe śaṅkham āpūryākasat ja⸤gāma | ‘kasa gatau’ | yasya praṇato jano narake saritāṃ salilaṃ naivādhāt_ na jātu papau | ⸤yaś ca narakesaritāṃ narasiṃhatvam adhād adhārayat_ | ...... na saha vartamāne raṇe 'sau khaḍgaviṣayaḥ | ⸤eko 'dvitīyaḥ | kaṃ samudrajalam evaiko gṛhaṃ tenopalakṣitaḥ | akukākusūḥ kutsitaṃ kākuṃ yo ⸤na sūte | sāsāsikaḥ sahāsena kuntenāsinā ca vartate yaḥ || 308 || 309 || 310 ||
⸤(dvyakṣaraḥ | tilakam_)
akṛtārikulakṣo*bhā lambanā eva vāhavaḥ |
ity avetya vyadhattāsau raṇe 'rikadanaṃ mahat || 311 ||
- 2. ‘kṣodā’ kha.
⸤ye bāhavo lambanā eva mukhyasya kāryasyābhāvāl lambanam evaiṣāṃ prayojanam_ | vastutas tu la⸤mbanā ity abhidhānam_ || 311 ||
doṣṇi dṛṣṭiṃ dadau pīne kaṃsahā yamatoraṇe |
dviṣo hantum apaikṣiṣṭa kaṃ sahāyamato raṇe || 312 ||
śirobhir amarārīṇāṃ nārācacchinnakaṃdharaiḥ |
nipetivadbhis tasyājau śauryadrumaphalāyitam || 313 ||
yamasya toraṇe doṣṇi kaṃsahā harir dṛṣṭim adāt_ | ata eva ⸤dviṣadvighātāya sahāyaṃ kam apekṣitavān_ | naiva kaṃcit_ || 312 || 313 ||
Lsa śarān dikṣu cikṣepa sacakro 'ṣṭāsu rakṣitā |
dviṣann avedi tenātha sa ca kroṣṭāsurakṣitā || 314 ||
saha cakreṇāL⸤yudhena vartamānaḥ sa harir aṣṭāsu dikṣu śarān amuñcat_ | rakṣitā pālayitā | tena ca sa dvi⸤ṣann arātiḥ kroṣṭā sṛgāla iti viditaḥ | asurān_ kṣiṇotīty asurakṣit_ tena || 314 ||
vyāpārayan sasaṃrambhaṃ sa nandakaparaśvadham |
saṅgrāmakānane senāṃ surāreḥ pattraśobhinīm || 315 ||
vallavo vālilīlailā vallīlāvo valāvalim |
lulāva līvo lolavāṃ(lolavāṃl līvo)l lavalīṃ volaloluvaḥ || 316 ||
⸤nandakamasiṃ paraśuṃ ca vyāpārayan sa ripor balānām āvalayo yasyās tādṛśīṃ senāṃ camūṃ senāṃ ⸤vā sanāyakāṃ balānām āvaliṃ lavalīṃ latām iva lulāva ciccheda | pattrāṇi vāhāḥ palla⸤vāś ca | ballavo goparūpaḥ | vālino vānarasya līlā evailāvallyo niṣkuṭīlatās tā rā⸤marūpeṇa lunāti sma yaḥ | līvaḥ liyaṃ paraiḥ saha śleṣaṃ vāti gacchati | lolaṃ kṛtvā vān_ ⸤prasaran_ | vāśabda upamāyām_ | ulasyopadravasya loluvo 'tyarthaṃ lo(lū)yitā || 315 ⸤|| 316 ||
⸤(dvyakṣaraḥ | yugmam_)
kaustubhāmbhoruhaṃ vakṣaḥsarasi dyotakesaram |
dadhal lakṣmīnivāsaikarāgeṇeva vipāṭalam || 317 ||
didevādividuddaivo davad eva dadad divam |
vedavādavidāṃ vidvad āvedī devadīdiviḥ || 318 ||
ādivitpurākalpajñaḥ sa dyota eva kesarā yasya tādṛkkaustubhābjaṃ dadhad dideva ⸤cikrīḍa | uddaiva ullaṅghitavidhiḥ | vedavādaṃ vidanti ye teṣāṃ davad eva śīghram eva divaṃ svargaṃ ⸤dadat_ | viduṣa āsamantād vedayati jñānaṃ lambhayati yaḥ | deveṣu madhye dīdivir vijigīṣu⸤r dyutimān vā | dīdiviśabdo ‘divo dve dīrghaś cābhyāsasya’ ity auṇādikaḥ || 317 ⸤|| 318 ||
⸤(dvyakṣaraḥ | yugmam_)
tatsaṅgrāmasadasyārād gāndharvaṃ ca kalevaram |
dhṛṣṭam āsādya tarasā kākī vairasyam ānayat || 319 ||
gāndharvam aśvasaṃbandhi kalevaraṃ śarīraṃ prāpya kākī vairasyam ānayaj jugupsāṃ ja⸤nitavatī | yoṣic ca sabhāyāṃ dhārṣṭyena kāmukaṃ svayam abhiyujya vairasyam āvahati saubhāgyakṣa⸤yāt_ || 319 ||
baddhakakṣyo harir bhāsvadānano dīnatāraṇe |
jahāvaricamūr nāgadānanodī natā raṇe || 320 ||
bhāsvadānanaṃ mukhaṃ yasya sa harir natā ripucamūr jahau tatyāja | dīnānāṃ L⸤tāraṇe rakṣaṇe raṇe baddhakakṣyaḥ kṛtodyogaḥ | nāgānāṃ dānaṃ nudati yaḥ || 320 ||
Lsamatsaro vidhāyāsāv āsthām anadhikasvanau |
yuyutsū saṃyuge tārasutārāv adhipau dviṣām || 321 ||
bhūbhāvābhāvabhībhāvāv ubhau bhauvāv avībhavat |
bhāvīva vibhavāv eva bhāve vā vaibhave bhavan || 322 ||
⸤(dvyakṣaraḥ | yugmam_)
saṅgrāmas tasya tābhyāṃ ca sārdhaṃ sa śaradurdinaḥ |
paryāyavijayotphullanetradevāsuro 'bhavat || 323 ||
asau ⸤harir āsthāṃ jayāśāṃ vidhāya yoddhum icchū tārasutārākhyāv ubhau daityapatī vibhavau samare ni⸤haniṣyamāṇatvāsaṃsārarahitāv evābībhavadbhāvayāmāsa | anadhikaḥ yasmād anyo 'dhiko nāsti ⸤sa svanaḥ siṃhanādo yayoḥ | bhuvo bhāvaḥ sattā tadabhāvena vā janānāṃ bhīs tatra bhāvo ⸤'bhiprāyo yayoḥ | bhauvau bhuvo 'patye | bhāvayaty avaśyaṃ bhāvī piṭatulyaḥ | bhakteṣu vatsala⸤tvāt_ | vaibhave ca vittasaṃbandhini bhāve snehe bhavan_ | keṣucit svāmīva sneham ācarann i⸤tyarthaḥ | vāśabdaḥ samuccaye || 321 || 322 || 323 ||
dadhatau pauruṣacchāyām amṛṣātāntadorjitau |
tau yudhyamānau tenālamamṛṣātāṃ tadorjitau || 324 ||
tadā tau daityāv amṛṣā satyam eva ⸤pauruṣaśobhāṃ bibhratau tena hariṇā amṛṣātāṃ māritau | antarbhāvitaṇy artho 'tra mriyatiḥ ⸤sakarmakaḥ | ūrjitau balavantau | atāntābhyāṃ ca dorbhyāṃ jitau prāptajayau || 324 ||
tayor u*rūruniṣpeṣān madhukaiṭabhayor iva |
patattriketanaṃ tuṣṭā tuṣṭāva surasaṃhatiḥ || 325 ||
- ⸤1. ‘gurūru’ ka-kha.
⸤ūrur mahān ūrvoś ca niṣpeṣaś cūrṇanam_ | patattriketano garuḍadhvajaḥ || 325 ||
tadvarūthavatīṃ kopād vipadantakaraḥ satām |
jaghānāsilatālūnadvipadantakaraḥ sa tām || 326 ||
sa hariḥ satāṃ ⸤vipadantakaro dāridryadalanaḥ kopāt tāṃ daityasenāṃ jaghāna | asilatayā lūnā dvi⸤pānāṃ dantau karāś ca yena || 326 ||
tatsaṅgrāme sasaṃrambhāḥ surastrībhir vilokitāḥ |
mṛtāḥ svargāmino 'bhūvan sajīvāś cobhaye bhaṭāḥ || 327 ||
ubhaye mṛtāḥ sajīvāś ca bhaṭāḥ svargasthā ⸤babhūvuḥ | mṛtānāṃ śubhagatiprātarjīvatāṃ cāsurakṣayeṇa nirbhayatvāt_ || 327 ||
Lsābhāsāsu sabhāsāṃsaḥ sābhībhāsu sa saubhabhit |
sābhaḥ sabhāsu bhūbhāsī sāsibhāḥsu sabhāsu bhān || 328 ||
⸤(dvyakṣaraḥ)
astūyata suraiḥ saṃkhye saṃcariṣṇur anargalam |
saṃvādilakṣaṇagranthaḥ sakṛttaddhitatāṃ dadhat || 329 ||
sa devaḥ L⸤sabhāsu surair astūyata stutaḥ | sahābhāsena prakāśena vartante yās tāsu sabhāsu | dīptiyukte ⸤aṃse yasya saḥ | sahābhībhir nirbhayair ibhair vartante yāḥ | saubhabhit_ sālvāsurabhedī | syatīti ⸤sā vinaṣṭā abhā aśrīr yasya | sabhāsu sanakṣatrāsu | bhuvaṃ bhāsayati yaḥ | sahāsīnāṃ ⸤bhāsā vartante yās tāsu bhān_ dīpyamānaḥ | sakṛd ekavāraṃ tebhyo devebhyo hitatām arivighā⸤tād upakāritvaṃ dadhat_ | lakṣaṇagrantho vyākaraṇam_ | so 'pi saha kṛdbhis taddhitaiś ca pratyayair va⸤rtate || 328 || 329 ||
(yugmam_)
abhraṣṭaḥ saṃyuge 'rīṇām apāyayatanād adaḥ |
rakṣaḥkulaṃ sa raktaughamapāyayata nādadaḥ || 330 ||
sa harir arīṇām apāyayatanād upatāpayogād anivṛttaḥ sannadas tadra⸤kṣasāṃ kulaṃ teṣām eva raktaughamapāyayata pāyayāmāsa | nādadaḥ siṃhanādakṛt_ || 330 ||
dalayan pṛtanāḥ śatro ruṣākrāntamanā mṛdhe |
avāryavīryātiśayaḥ so 'niruddhas tadābhavat || 331 ||
⸤śatrur bāṇāsuro 'pi | ruṣā kopena uṣayā ca bāṇāsuraduhitrā krāntaṃ mano yasya saḥ |
⸤aniruddho niṣeddhum aśakyo vāsudevapautraś ca || 331 ||
tena cakrābhighātena nighnatārer vinighnatā |
kṛtā nānāhavakṛtā sādhvasaṃśritasādhvasam || 332 ||
tena ripor nighnatā paravaśatā kṛtā | ⸤vinighnatā tāḍayatā | sādhu samyak_ asaṃśritasādhvasaṃ ca kṛtvā | nānāvidhān āhavān ka⸤roti yas tena || 332 ||
sthagitākāśadikcakraḥ sa mahāntaiḥ śarair dviṣām |
śirāṃsi pīvaracchedaskandhacakrāṇy anīharat || 333 ||
mahāntair ity apaśabdābhāsaḥ | mahadbhir iti yuktatvāt_ | mahānanto ⸤jīvitakṣayo yebhya iti tu nāpaśabdaḥ || 333 ||
⸤(apaśabdābhāsaḥ)
kāveko 'vī kaviḥ kaṃvaḥ kekivaiko 'kukākuvāk |
kavikākukavo 'vīkāv āvikaṃ vāvivekavat || 334 ||
⸤(dvyakṣaraḥ)
Lsa nihatya tato daityau yudhyamānāvasaṃbhramam |
cacāra pralayoṣṇāṃśudunirīkṣyavapū raṇe || 335 ||
sa harir daityau tārasutārau nihatya raṇe L⸤cacāra | kau bhūmāv ekaḥ | avati rakṣaty avaśyaṃ yaḥ | kavir apūrvanirmātā | kaṃ sukham asyā⸤stīti kaṃvaḥ | ‘kaṃśaṃbhyāṃ babhayastitutayusa’ iti vapratyayaḥ | kekī mayūras tadval līlayā vā⸤nti gacchantīti kekivāḥ kumārās teṣām ekaḥ pradhānam_ | bālakrīḍānidhānam ityarthaḥ | ⸤akutsitā kākuḥ svaro yasyās tādṛśī vāgyasya | kaveḥ śukrasya kākavo vyājās teṣāṃ ⸤kavo vaktā | ‘kuṅ_ śabde’ | avīkau nāsti vīr gatir yayor daityayoḥ | kim iva daityau ni⸤hatya, avivekavan nirvivekam āvikam iva | avaya evāvikāḥ | svārthe kaḥ | teṣāṃ samūha ⸤āvikam_ | vāśabda ivārthe || 334 || 335 ||
(yugmam_)
śuśubhe tena saktena māninā yamatākṛtau |
tatra dṛṣṭiṃ janaḥ prītim ānināya matākṛtau || 336 ||
tena māninā śuśubhe | yamatā śatrūṇāṃ ⸤saṃhārakatvaṃ tatkṛtau saktena vyasaninā | matākṛtau manoharākāre ca | tasmiñ jano dṛśaṃ ⸤prītim ānināya prāpayat_ | muhus tam evālokayad ityarthaḥ || 336 ||
atha vyutthānasaṃskāraḥ saṃskārān iva yogajān |
babādhe vibudhān darpāt kālāntakamahāsuraḥ || 337 ||
vyutthānaṃ cetaso bāhya⸤bhāvābhiṣvaṅgaḥ | tatsaṃskāra iva yogasaṃskārān abādhata kālāntako vibudhān_ || 337 ||
nijaghānorjitair bāṇai rajas tam asito 'triṇā |
stutaḥ so 'py amunā nunno rajastamasi totriṇā || 338 ||
⸤ajo haris tam asuraṃ śarair atāḍayat_ | asitaḥ kṛṣṇaḥ | atriṇā ca muninā stutaḥ | so ⸤'py ajo rajastamasi dhūlitimire 'munā daityena kṣiptaḥ | totriṇā pratodavatā || 338 ||
samavartipuradvāraparighaṃ mudgaraṃ javāt |
u*dgūrya tam ubhāhasti hastī hantum athābhyagāt || 339 ||
- ⸤1. ‘udgīrya’ ka-kha.
⸤mudgarākhyam āyudhaṃ ubhāhasti dvābhyāṃ karābhyāṃ bhramayitvā taṃ daityaṃ nihantuṃ hastī gajamukho ⸤vināyako 'bhyāyayau | ubhāhastiśabdo dvidaṇḍyādiḥ || 339 ||
abhagnaprasaroddāmatarasādī pratāpibhiḥ |
sainikaiḥ sa jaghānāmuṃ tarasā dīpratāpibhiḥ || 340 ||
uddāmatarāḥ sādi⸤no 'śvārohā yasya tādṛśaḥ sa vināyakaḥ pratāpibhiḥ sainikair amuṃ daityaṃ tarasā javena ja⸤ghāna | dīpratāpibhir dīpratvaprāpaṇaśīlaiḥ || 340 ||
Labhāji nāyakenāreḥ pratikarmakṛtasthitiḥ|
veśyeva dadhatī senā sphuṭakaitavasāratām || 341 ||
abhāji bhagnaḥ sevitaś ca | nāyako L⸤gaṇapatiḥ kāmukaś ca | pratikarma pratīpakaraṇaṃ prasādhanaṃ ca | kaitavaḥ ketusaṃbandhī sāro yasya ⸤kaitān sthānaviśeṣān vā sārayati yas tad bhāvaṃ dadhatīti kecit_ | veśyāpi kaitavena vyājena ⸤sāratāṃ dhatte || 341 ||
so 'vait kṣatiṃ dviṣāṃ tasmin na vācām antike sthitām |
prāptaṃ yodhaṃ śivaughāḥ sma na vācāmanti ke 'sthitām || 342 ||
tejasvimaṇḍalasyārāt kurvann antardhim āhave |
abhraṃkaṣavapuḥ śrīmān sa tadāstācalo 'bhavat || 343 ||
‘so 'vait_—’ ityādi ślokadvayaṃ prāguktam iha tu lekhakapramādā⸤t paṭhitam_ ||
bibhrataḥ sāṃyugīm uccair apare dhuram atra tām |
prāptāḥ prabhubhyaḥ kiṃ kīrter aparedhur amatratām || 344 ||
apare yodhāḥ svām alaukikīṃ raṇadhuram atra raṇe dhārayantaḥ kīrteś cāmatratāṃ pā⸤tratvam upagatāḥ prabhubhyaḥ kim aparedhur naivāparāddhāḥ || 342 || 343 ||
kṛtāntanagarīsālavalayaṃ cakritaṃ dhanuḥ |
dadhat tenātha yuyudhe jvālājihvaḥ samatsaram || 345 ||
nidhautakanakacchāyāḥ sacchadāḥ śīghragāminaḥ |
tārkṣyeṇa sadṛśās tasya sāyakā rejire raṇe || 346 ||
chadāḥ pakṣāś ca ⸤|| 344 ||
⸤(niroṣṭhyaḥ)
babhau tasya dviṣaḥ senā nighnatī vraścanādibhiḥ |
sainyaiḥ sa janitāmarṣanighnatīvraś ca nādibhiḥ || 347 ||
tasya senā vraścanādibhiś chedanaprabhṛtibhir vyāpārair arīn nighnatī śuśubhe | sa ca ⸤nādibhiḥ sainyair janito yo 'marṣas tasya nighnaḥ paravaśas tīvraś cābhūt_ || 345 ||
saptalokopasaṃhāra dṛṣṭasāraḥ surāsuraiḥ |
samare yudhyamāno 'sau nā*liṅgyata jayaśriyā || 348 ||
- ⸤1. ‘na’ iti kha-pustake nāsti.
asau daityo ⸤jayaśriyā samare na śliṣṭaḥ || 346 ||
Lkukudī dakadūdo 'ko 'kūdakaukāḥ kadaikakaḥ |
kekādakekike 'dūkakukakākādike 'kukut || 349 ||
(dvyakṣaraḥ)
sapuraskāram akṣuṇṇaprasaraṃ samarāṅgane |
sāḍambaram areḥ sainyaṃ hāstikaṃ ca khagādhipaḥ || 350 ||
vinihatya madāpānacañcurabhramaraṃ jayat |
patattracchāyayā tīkṣṇacañcur abhram arañjayat || 351 ||
kakudī dhvajī dakena jalena duvaṃ paritāpaṃ da⸤dāti yaḥ | vāruṇāstravarṣitvāt_ | ‘dūṅ_ paritāpe’ | akaḥ kuṭilagāmī | akutsite u⸤dake oko gṛhaṃ yasya | abdurgavāsitvāt_ | kadā ekakaḥ na kadācid ekākī | keL⸤kādaḥ kekī gṛhamayūro yasmin samare | adgakāś ca ripupratāpāḥ kukā māṃsādanaparāḥ kā⸤kādayo yasmin_ | akutsitā kut_ śabdo yasya saḥ | tīkṣṇacañcuḥ khagādhipaḥ pakṣāṇāṃ ⸤chāyayābhramākāśam arañjayat_ | puraskāraḥ pūjā purataḥ karaṇaṃ ca | prasaro gatir vistā⸤raś ca | āḍambaraḥ prapañco gajānāṃ galagarjitaṃ ca | hāstikaṃ hastisamūhaḥ | cañcurāś ca⸤ṭulā bhramarā yatra hāstike | jayal labdhajayaḥ || 347 || 348 || 349 ||
(tilakam_)
kṛtāpadānaḥ saṅgrāmasīmni dordarpato bhaṭaḥ |
udāttatām eva dadhat kevalāṃ svarito 'bhavat || 352 ||
udātta udbhaṭaḥ ⸤svaritaḥ svargaṃ gataḥ | udāttaś ca svaraḥ kathaṃ svarito bhavatīti virodho dhvanyate || 350 ||
sthito 'rir yasya veṣeṇa kuśacīvaratāpi nā |
jagle ca hariṇākrandakuśacīravatāpinā || 353 ||
⸤apinā pauruṣavān ripur yasya kuśacīravatā darbhavalkalinā veṣeṇa sthitas tena śakreṇa mlā⸤nam_ | ākrandarūpeṇa kutsitena śacyā raveṇa tapyate yas tena || 351 ||
sphūrjāvatātha saṅgrāme yenāvalgi nirargalam |
vajraketum asau darpād arpitātanusaṃbhramam || 354 ||
ma*mārimārī rāmoruraṃramo marmare marau |
mumāriramumārāmī rurumāramamīmarat || 355 ||
- ⸤1. ayaṃ ślokaḥ kha-pustake nāsti.
amuṃ vajraketu⸤m asau murāriḥ keśavo rurumāramamīmaradrurum iva māritavān_ | ‘upamāne karmaṇi ca’ iti ⸤ṇamul_ | marmare rūkṣe marau mamārayo 'haṃkārapradhānā ripavo ye 'palāyitās tān mārayati yaḥ ⸤|| 352 || 353 ||
⸤(dvyakṣaraḥ | yugmam_)
Lanekapāpaharaṇe vyagraḥ sapadi vidviṣām |
praṇatānāṃ ca viśliṣṭabhavacārakapañjaraḥ || 356 ||
sa kartāpsarasaṃ saṃkhye sajjahātismarakṣatām |
sajīvaṃ kiṃ dviṣāṃ sainyaṃ sajjahāti sma rakṣatām || 357 ||
daityādhipaiḥ sutīkṣṇaiś ca meghābhairdṛḍhamuṣṭibhiḥ |
nistriṃśair bādhyamāno 'pi na cakampe sthirasthitiḥ || 358 ||
vidviṣām anekapā gajās tadapaharaṇe, praṇatānāṃ cānekasya pāpasya ⸤haraṇe vyagraḥ | ‘vyagrāḥ’ iti pāṭhe vyagraṃ kṛtvā āste iti kvibvidheyaḥ | viśliṣṭaṃ vi⸤bhinnaṃ bhavacārakāṇāṃ saṃsārapravartakānāṃ tṛṣṇādīnāṃ pañjaraṃ samūho yena | sa devo 'rakṣatāṃ ⸤śatrūṇāṃ sainyaṃ sajīvaṃ sajjīvadeva kiṃ jahāti sma | nāmṛtaṃ kiṃcid atyākṣīd ityarthaḥ | sajjāḥ L⸤saṃnaddhās tān hantīti ‘kālasāmānye kvip ca’ iti kvip_ | atra bhūtakāle vyākhyāto na⸤padārthaḥ iti pādasaṃskārasamaye tasyābhāvāt_ ‘brahmādiṣv eva hanteḥ bhūte kvip_’ iti ⸤brahmādisūtreṇa niyamo na pravartate | tadabhighātāc cātiśayena smarakṣatām apsarasaṃ kartā | ⸤‘sādhukāriṇi tṛn_’ | sutīkṣṇair atyantaṃ samarādikuśalair niśitaiś ca | muṣṭir aṅgulisaṃniveśaḥ ⸤tsaruś ca | nistriṃśaiḥ krūraiḥ khaḍgaiś ca || 354 || 355 || 356 ||
⸤(tilakam_)
sa dāvair iva dhenūnāṃ senānāṃ jvalitaiḥ śaraiḥ |
sadā vairivadhe 'nūnāṃ śaktiṃ bibhradbhayaṃ dadau || 359 ||
sa hariḥ sadā satataṃ vai⸤riṇāṃ vadhe śaktim anūnāṃ bibhratsenānāṃ bhayaṃ śarair dadau | dhenūnām iva dāvair vanavahnibhiḥ ⸤|| 357 ||
⸤(ayugyamakam_)
tadaivāsurayodhānāṃ hataśeṣatvam īyuṣām |
cakre hṛdi padaṃ no bhīḥ kurvatām abhayāñjalim || 360 ||
yadāyayāyī yuddo 'yaṃ deyadāyī diyaṃ dadat |
yadudāyādayādodududayāya dayāṃ yayau || 361 ||
ayaṃ devo yadā dayāṃ yayau tadaiva bhīr asurayodhānāṃ hṛdi padaṃ na babandha | a⸤yam anukūlaṃ daivaṃ yāti yaḥ | diyaṃ ripūṇāṃ kṣayaṃ dadat_ | ‘dīṅ_ kṣaye’ | yadūnāṃ vṛṣṇīnāṃ dā⸤yādā ripava eva yādāṃsi nakrādayas tān dunoti yaḥ | udayāya vijayārtham_ || 358 ⸤|| 359 ||
⸤(dvyakṣaraḥ | yugmam_)
Lāmodadhāmabhis tasya sumanobhiḥ kṛtasthitiḥ |
kabandhayogyā śuśubhe navaśeṣā raṇakṣitiḥ || 362 ||
āmodo harṣaḥ saurabhaṃ ca | sumanaso devāḥ puṣpāṇi ca | navaśeṣā nūtanā mālā ⸤|| 360 ||
dviṣo raṇe 'parāmṛṣṭaḥ sa tatakṣa triyāmayā |
rāmasyeva kriyāsyāsīt satatakṣattriyāmayā || 363 ||
sa haris triyāmayā aparāmṛṣṭaḥ satataprabuddho dviṣatas tatakṣa kṣapitavān_ | satataṃ ⸤sadā kṣattriyāṇām āmayo rogo yasyāḥ sakāśāt tādṛg asya ca kriyā bhārgavasyevāsīt_ L⸤|| 361 ||
bhartuḥ saṃpratipattīnāṃ smaraṃś ciram aviklavaḥ |
sāṃyugīṃ sahasā yoddhuṃ naiva tatra kumārakaḥ || 364 ||
tatra kaḥ subhaṭaḥ sāṃyugīṃ kuṃ raṇabhuvaṃ yoddhuṃ nāra sarva eva yayau | ‘ṛ gatau’ | ⸤saṃpratipattayaḥ prasādāḥ | atra karmakriyākartāras trayo 'pi gūḍhāḥ || 362 ||
⸤(gūḍhakriyākarmakartṛkaḥ)
tenāhatānāṃ saṅgrāme 'navame 'ghāsi tair asau |
kravyakūṭaḥ kṣapāṭais tu navameghāsitair asau || 365 ||
asau khaḍge ⸤'navame sarvotkṛṣṭe sati tena hariṇāhatānāṃ saṃbandhī kravyakūṭo māṃsarāśis taiḥ kṣapāṭair niśācarai⸤r aghāsi grastaḥ | ‘ghasḷ adane’ | navameghavadasitaiḥ kṛṣṇaiḥ | asau yaḥ parita patitaḥ || 363 ||
paśyato yudhi tadraṃho garuḍānilabhāsvatām |
mantharatvaṃ gates tatra kasya cetasi nāsphurat || 366 ||
⸤raṃho javaḥ || 364 ||
raṇabhūmiṣu daityānāṃ sacamūkāsu raṅgatām |
jahāra pauruṣacchāyāṃ sa ca mūkāsuraṃ gatām || 367 ||
sa hariḥ sacamūkāsu senāsahitāsu raṇorvīṣu raṅgatāṃ valgatāṃ daityānāṃ ⸤satāṃ tān anādṛtya mūkākhyam asuraṃ gatāṃ pauruṣakriyām apaninye || 365 ||
tārakākhyaṃ sa saṅgrāme śitaśalyaiḥ śilīmukhaiḥ |
puñjīkṛta ivāśeṣalokasaṃvartapāvakaḥ || 368 ||
Lyaśaḥ śayyāśayaḥ śaṃyuḥ śaśīśāśayaśāyyaśān |
yayuyāyy āśayā śaṃ śaṃyeyo 'śāyāyyaśāyayat || 369 ||
sa haris tāra⸤kākhyam asuraṃ śanair aśāyayaddīrghanidrāṃ nināya | yaśa eva śayyā tatra śete tiṣṭhati yaḥ | ⸤‘adhikaraṇe śeteḥ’ ity ac_ | śaṃyuḥ kalyāṇavān_ | ‘śaṃkaṃbhyāṃ—’ iti yus_ | śaśīśasya ⸤candramauler āśaye śete | yo 'bhīṣṭakaraṇān na śāmyatīty aśān udyuktaḥ | śameḥ kvipi ‘anunā⸤sikasya—’ ityādinā dīrghaḥ | ‘mo no dhātoḥ’ iti ca natvam_ | yayubhir aśvair yāti yaḥ | ⸤āśayā āsthayā śaṃyeyaḥ śreyortham abhigamyaḥ | yataḥ śaṃ mūrtam eva śreyo bhagavān_ | tārakā⸤khyam āśrayāśaṃ vahnim iti vākyoktarūpakam_ (?) | āśayāyī śatrukṛtāṃ tanūkṛtiṃ na yāti ⸤yaḥ (?) || 366 || 367 ||
⸤(dvyakṣaraḥ | yugmam_)
sa kāladamanasyātha yudhi nighnan varūthinīḥ |
dadhad dhruvam iva bhreje cakraṃ bhramitatārakam || 370 ||
bhramyā bhramaṇena tatā vistīrṇā arā madhye śalākā ⸤yasya | bhramitāś ca tārakā jyotīṃṣi yena | dhruvādhīnavṛttitvān nakṣatrāṇām_ || 368 ||
taṃ surāṇḍajavītaṃsaṃ vītaṃ saṃpadam ujjvalām |
nijaghāna ca vidhyantaṃ vidhyantaṃ ca jagāma saḥ || 371 ||
sa L⸤hariḥ surā evāṇḍajāḥ pakṣiṇas teṣāṃ vītasaṃ pañjaraṃ, ujjvalāṃ saṃpadaṃ vītaṃ viśeṣeṇa gataṃ ⸤vidhyantaṃ ca ghnantaṃ tam asuraṃ jaghāna | vidheś ca prārabdhasya karmaṇo 'ntam avasānaṃ yayau || 371 ||
sa kṛśānur ivoddīptaḥ prabhañjanasahāyatām |
dadhacchaktim jvaladdhetim ditijānīkakānane || 372 ||
pippodapādī dīpo 'pi pādādau dadadāpadam |
didīpe padado 'pādipādapaṃ dudadīdipat || 373 ||
⸤sa devaḥ prabhañjane ripumardane sahāṃ samarthām āyatāṃ ca śaktiṃ bibhradditijasainye didīpe ja⸤jvāla | jvalana iva | so 'pi prabhañjano vātaḥ sahāyaḥ sārathir yasya tadbhāvaṃ śaktiṃ ca ⸤dadhatkānane jvalati | hetir āyudhaṃ jvālā ca | pippodam ātmajñānaṃ pādayati bodhayati ⸤yaḥ | ‘pada gatau’ | gatyarthatayā cāsya jñānārthatvāt_ | pādasya ṛgādisaṃbandhina ādau ⸤prārambhe dīpaḥ prakāśakaḥ | praṇava ityarthaḥ | tasya ca praṇavarūpatvam uktam_—‘tasya vācakaḥ ⸤praṇavaḥ’ iti | apiḥ samuccaye | āpadaṃ dadat_ | dviṣatām eva | padaṃ svargāpavargādi dadāti ⸤yaḥ | apādī yasya paraiḥ kṣapitatvād gaticaturau pādau na staḥ | ata eva sa pādapa iva taṃ ⸤codadīdipat protsāhayāmāsa | dunotīti dutsapatnopatāpī || 372 || 373 ||
⸤(dvyakṣaraḥ | yugmam_)
varṇasthitimatīmarthyāṃ dadhadrucirabhāsvarām |
giraṃ ca pādapacchāyāṃ śriyaś ca caturasratām || 374 ||
Lsamānāni samānāni sa saṃyati sasaṃyati |
sadāhāni sadāhānipalāni capalāni ca || 375 ||
⸤(āvalibandhaḥ)
pragalbhaṃ valgamānāni bhujadarpātarpayat |
nikṛttārātikaṇṭhotthai rakṣāṃsi kṣatajāsavaiḥ || 376 ||
sa hariḥ ⸤saṃyati raṇe sasaṃyati niyamaṃ kṛtvā rakṣāṃsi rudhirāsavais tarpayāmāsa | tarusadṛśīṃ giraṃ śri⸤yaś ca ramyatāṃ dadhat_ | varṇā akṣarāṇi nīlādayo brāhmaṇādyāś ca | arthyāmarthād abhidheyā⸤d drumaharaṇalakṣaṇāt prayojanād dhanāc cānapetām_ | rucirā manoharā bhāsvarā dīptimatī | sa⸤mānāni sāhaṃkārāṇi | punaś ca kulavayaḥprabhṛtibhis tulyāni | sadāhāni dehoṣmasahi⸤tāni | sadā satatam ahāni hānirahitaṃ palaṃ māṃsaṃ yeṣām_ | capalāni cañcalāni ca L⸤|| 374 || 375 || 376 ||
⸤(tilakam_)
utsṛjya vakṣaḥśrīr yasya na parā cikuraṃ gatā |
dviṣām āsīd raṇāt tasminn aparāci kuraṅgatā || 377 ||
sa bhindan dviṣataḥ senāḥ sapattrākṛtavāraṇaiḥ(vairibhiḥ) |
raṇājirorvīm akhilām asṛjocchalatā girau || 378 ||
pīlūpalālpapālīpe lolālāpālipippale |
pālī pāpolapālopī līlāpī lolupo 'lipat || 379 ||
yasya vakṣaḥ parityajya parā sātiśayā śrīś cikuraṃ keśaṃ na ⸤gatā | vakṣasi keśeṣu ca yugapasthitetyarthaḥ | śrīḥ śobhāpi | tasminn acyute raṇād aparāci ⸤aparācīne sati ripūṇāṃ kuraṅgatā mṛgatvaṃ palāyanaparatvam āsīt_ | sa harir ucchalatā ra⸤ktena merugirau raṇāṅganorvīm alipat_ | sapattrākṛtāḥ sapattram ātmānaṃ praveśyātivyathitāḥ śa⸤travo yaiḥ | sapattraśabdāt kṛñā yoge ‘sapattraniṣpattrād ativyathane’ iti ḍāc_ | pīlavas tarupaṅktīḥ ⸤pāti yo giriḥ (?) | lolālāpāḥ śīghratararaṇitā alayo yeṣu tādṛśāḥ pippalākhyā⸤s taruviśeṣā yasmin_ | pālayaty avaśyaṃ pālī pālaka. | pāpāny evolapās tṛṇaviśeṣās tāṃ⸤l lopayati yaḥ | līlāpī ca | lolupaḥ samare lampaṭaḥ || 377 || 378 || 379 ||
⸤(dvyakṣaraḥ | tilakam_)
tārkṣyapakṣānalavyastasaratnaśikharotkaram |
saṃprahārarasādhmātapādātonmūlitadrumam || 380 ||
sa vyadhatta tathādīrghasūtras tamagam anyathā |
tattaṭīḥ khecarās tyaktvā sūtrastamagamanyathā || 381 ||
sa ⸤harir adīrghasūtra āśukārī tamagaṃ meruparvatam anyathā viśṛṅkhalaṃ tathā cakāra yathā tattaṭāni ⸤suṣṭhūttrastaṃ samayaṃ kṛtvā vimucya khecarā agaman_ | pādātaṃ padātisamūhaḥ || 380 ⸤|| 381 ||
(yugmam_)
Lkṛtahemojjvalacchāyapattrabhaṅgān suparvaṇaḥ |
so 'kiraddadhato bāṇān mayadānavavibhramam || 382 ||
pattrabhaṅgaḥ pakṣāṇāṃ vicchittiḥ | suparvaṇaḥ sugranthīn_ | mayas tu suparvaṇo deL⸤vasya pattrabhaṅgaṃ vāhanavināśam akarot_ | suparvaṇa iti jātāv ekavacanam_ || 382 ||
śarīrīśo 'śarīrāśīr aṃśo 'ṃśaḥ śiśirāṃśuruk |
śārairāśāḥ śarair āśa śūraśrīśraḥ śarāruśūḥ || 383 ||
sa hariḥ ⸤śāraiḥ śabalaiḥ śarairāśā diśa āśa vyāptavān_ | śarīriṇām īśaḥ prabhuḥ | aśarīraṃ ⸤mokṣaḥ | nāsti śarīraṃ yasminn iti kṛtvā tadāśāste iti | aṃśā brahmādayas teṣā⸤m īśaḥ | śiśirāṃśuruk_ candraprabhaḥ | śūrāṇāṃ śriyaṃ śṛṇāti hinasti yaḥ | ‘śṛñ_ hiṃ⸤sāyām_’ iti kaiścid dhātuṣu paṭhyate tato mūlavibhujāditvāt kaḥ | śarāruṣu hisakeṣu śū⸤rayati vikrāmati yaḥ || 383 ||
(dvyakṣaraḥ)
aṅge vṛddhiguṇāśliṣṭā dhātavaḥ pratyayair iva |
rūpābhivyaktim anvītā vivavrur asuraiḥ surāḥ || 384 ||
aṅge hastyādicaturaṅge bale dehe vā vṛddhilakṣaṇena guṇe⸤nāśliṣṭā daityair anugatāś ca devā rūpasyākṛter vyaktiṃ prakaṭayāṃcakruḥ | pratyayair anugatā dhātava ⸤iva | te 'py aṅge 'ṅgasaṃjñāyāṃ satyāṃ vṛddhyā kvacid guṇena ca yuktā rūpābhivyaktiṃ lakṣyasiddhi⸤m āviṣkurvanti || 384 ||
iti bhaṭabhṛkuṭīnāṃ kopanī yāpanīyā
kṛtibhir udasidhārāvārimattārimattā |
dyuyuvatirataratnābhogasārāgasārā-
dajani samarasaṃpatsāsurāṇāṃ surāṇām || 385 ||
sāsurāṇāṃ sadaityānāṃ surāṇāṃ raṇasamṛddhir itthaṃ jātā | aga⸤sārāt_ agasāraṃ girim āśritya | lyablope pañcamī | bhaṭabhṛkuṭīnāṃ ......... asidhārā⸤jalena matteva viśṛṅkhalā arimattā śatrumattvaṃ vairakaraṇaṃ yasyām_ | dīptān asīn ālokya ba⸤hulataraṃ tatra yodhā yuyudhur ityarthaḥ | dhuvadhūnāṃ rataratnam utkṛṣṭaṃ rataṃ tadābhogena ca sārā sa⸤m utkṛṣṭā || 385 ||
⸤iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave ⸤rājānakaśrīratnākarasya kṛtau ratnāṅke haravijaye mahākāvye ⸤citrayuddhavarṇanodghāto nāma trayaścatvāriṃśaḥ sargaḥ |
iti rājānakajayānakasūnor alakasya kṛtau haravijayaviṣamapadoddyote ⸤trayaścatvāriṃśaḥ sargaḥ ||