iti rātrimukhe samaṃ priyair ghaṭamānāsu cakoradṛṣṭiṣu |
aparāḥ priyaviprayogato bhṛśamāsedur upaplutāṃ daśām || 1 ||
Kāvyamālā 22, OCR
- , ,
- Known as: , (NCC).
- Siglum: KOCR
Kāvyamālā from OCR-Here only canto 3
More ▾
| Title | Haravijaya |
| Commentary | Viṣamapadoddyota |
| Author | Ratnākara |
| Commentator | Alaka |
| Physical description | |
|---|---|
| Language/Script | [Sanskrit in Latin script.] |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- KOCR
⸤caturviṃśaḥ sargaḥ |
⸤aparāḥ puraṃdhrayo virahavaśena viṣamām avasthām āsedur āgatāḥ || 1 ||
smarakārmukayaṣṭivibhramaṃ kuṭilā cāndramasī kalāvahat |
dadhati sma tadīritāḥ śarā iva tanvyās tad abhīṣavo vyathām || 2 ||
tadīritāḥ kāmena L⸤preritāḥ || 2 ||
na tadā tamaso 'bhavat kvacic chaśidhāmnaś ca viśeṣadarśanam |
akarot sutanoryadandhatāṃ ciram asyā virahe vijṛmbhitam || 3 ||
tamovaccandratejo 'pi virahe yasmād āndhyaṃ vyadhād atastayor virahiṇyā vi⸤śeṣo na dṛṣṭaḥ || 3 ||
Lkusumeṣupṛṣatkapakṣajaḥ paridhunvanvirahāśuśukṣaṇim |
adhṛtadraḍhimāṇi subhruvāṃ hṛdayānty āśu dadāha mārutaḥ || 4 ||
4 ||
ka ivaiti vipadvatīha no pratikūlatvam adoṣavān api |
sudṛśo virahe 'mṛta(sravāḥ śaśibhāso)pa yad ūhur agnitām || 5 ||
5 ||
pratibimbitavallabhākṛtau gurumūrchātimiraiḥ sma dūyate |
api cetasi dhūsarīkṛte śvasitair darpaṇavat tadāparā || 6 ||
śvāsair darpaṇa iva mūrchātamobhiś cetasi malinīkṛte pa⸤rāpi puraṃdhrir upataptā || 6 ||
kusumaṃ nijabandhanād iva prasabhaṃ dakṣiṇamārutāhatam |
nyapatannijasaṃniveśataḥ sukumāraṃ kuṭilabhruvo manaḥ || 7 ||
7 ||
madanasya śarāsanāśrayām aparāṃ jyām iva kartum icchatā |
bisatantutatistanau sthitā marutādhūyata vāmacakṣuṣaḥ || 8 ||
8 ||
pratipannasamāgamaṃ priye śramasaṃvegavaśād ivāyatam |
hṛdayaṃ śvasiti sma nirbharaṃ gurucintābharabhārapīḍitam || 9 ||
bharaḥ samūhaḥ || 9 ||
vijahīhi śucaṃ purā tava vyapayāty eṣa viyogasaṃjvaraḥ |
kṣaṇam āśvasihi vyapohituṃ vyasanaṃ dhīratayā hi śakyate || 10 ||
saṃjvaraḥ saṃtāpaḥ || 10 ⸤||
cirakālavataṃsitotpalaspṛhayā mañjurutaiḥ paribhraman |
iti dhīrayati sma kām api śravaṇopāntam ivaitya ṣaṭpadaḥ || 11 ||
11 ||
⸤(yugalakam_)
iha vallabhaviprayogataḥ praviśanty ujjhitaśaṅkamādhayaḥ |
vyadhita vraṇitaṃ śaraiḥ smaro vivṛtadvāram itīva tanmanaḥ || 12 ||
12 ||
aviluptaparamparāsthitair dayitapremavimarṣavistaraiḥ |
kṛtatīrtha ivādhṛtis tanor avatāraṃ kurute sma mānase || 13 ||
aviluptā paramparā paunaḥpunyena pravṛttir yatra tathā kṛtvā ⸤sthitaiḥ | vimarṣo vicāraḥ | tīrthaḥ sopānarūpo 'vataraṇamārgaḥ | avatāro 'vataraṇam_ | atra L⸤ghañ utpattau cintyaḥ samādhiḥ | mānasaṃ saro 'pi || 13 ||
Lasamāptavikalpasaṃkulasmarasaṃkalpanibaddhamālayā |
atidairghyabhṛteva subhruvaḥ sasṛpe bhāvanayānuvallabham || 14 ||
sasṛpe prasṛtam_ || 14 ||
na ca kārśyadaśāṃ natabhruvaṃ madano jyāṃ ca śarāsanāṭanim |
sumanaḥsukumāravigrahāṃ virarāmāpaghṛṇo 'dhiropayan || 15 ||
15 ||
kṛtacandanapaṅkacarcanām aparāṃ tāpadhṛto vyadhuḥ kṣaṇāt |
guruśoṣakṛśāṃ sarojinīm iva sugrīṣmakabhaṅgavāsarāḥ || 16 ||
⸤sugrīṣmako vasantastasya bhaṅgo yatra sa tathocyate nidāghaḥ || 16 ||
sphuṭasaurabhasaṃpadāgatā madhupā niḥśvasitānilāṃs tanoḥ |
papur eva tadūṣmaviplutāḥ sukham evādhikaduḥkhasādhanam || 17 ||
17 ||
niśitair aśarīramārgaṇair hṛdayasya kṣatim īyuṣaḥ kṣaṇāt |
śaśicandrikayāñcitabhruvaḥ paruṣaṃ kṣārarajaś chaṭāyitam || 18 ||
18 ||
virahānalatāpaviplavavyathayevāśu palāyanonmukham |
aparā hṛdayaṃ na pāṇinā gurucintānihitena nārudhat || 19 ||
19 ||
abhinanmadanas tathā śaraiḥ sudṛśaś cittaśaravyam utsukam |
na punaḥ pratisaṃdadhau yathā tadabhinnāṃśavinākṛter dhanuḥ || 20 ||
⸤taiḥ śarair abhinno na tāḍito yaś cetaso 'ṃśas tasya vinākṛter abhāvān na bhūyaḥ saṃdadhe dhanuḥ | ā⸤dyair eva śarai samagram eva bibhedetyarthaḥ || 20 ||
taṭabhūmir ivāparā babhau makarāṅkena vivṛddhim īyuṣā |
niśi locanaśuktisaṃpuṭacyutabāṣpodakabindumauktikā || 21 ||
makarāṅkaḥ samudro 'pi || 21 ||
apanidramadhūkapāṇḍurā sudṛśo 'dṛśyata gaṇḍamaṇḍalī |
gamitāśrujalaplavair iva kraśimākīrṇatayātinimnatām || 22 ||
22 ||
surabhiśvasitānilāgatāḥ kṛtamūrchā madhupāyino 'parām |
anayan bhṛśam ākulātmatām uragāś candanakandalīm iva || 23 ||
23 L⸤||
bhavanonnatacandraśālikāśayane dīrghaviyogabhītitaḥ |
prathamaṃ priyakaṇṭhavartinī niśi nidrām abhajat kṣaṇaṃ na yā || 24 ||
24 ||
Laparekṣitum āhitaspṛhā dayitaṃ svapnavitīrṇadarśanām |
bata tām api bahv amaṃsta yat tad aho kāryagater vicitratā || 25 ||
25 ||
⸤(yugalakam_)
abalatvam upeyuṣī tathā virahe kācid atāmyadutsukā |
vinimīlitapakṣmapīḍitaṃ katham apy aśrujalaṃ yathāmucat || 26 ||
26 ||
pratimapatitāṃ sakhīva tāṃ gurutāpopaśamāya subhruvam |
vyadhitāntarupāgatārdratāṃ śaśikāntopalasālabhañjikā || 27 ||
sālabhañjikā stambhotkīrṇā putrikā | sā subhruvas tāpaṃ śamayi⸤tum iva tām antarakarod iti pratīyamānotprekṣā | tāpo duḥkham api | antarhṛdaye 'pi | ārdratā ⸤sneho 'pi || 27 ||
śaśino jaladher udīyuṣo gurutadgarbhaviṣāgnineva tām |
upagūḍhaśikhā marīcayo ghanamūrchākulitāṃ niśi vyadhuḥ || 28 ||
jaladher udgatasya śaśino viṣāgnineva śliṣṭāgrāḥ karās tāṃ yoṣitaṃ mū⸤rchayā vyākulīcakruḥ || 28 ||
vibhabhau ghanasārasaṃhatir nihitā snigdhasakhījanais tanau |
sudṛśo 'śrukadarthanābhayād galitā gaṇḍatalād iva cchaviḥ || 29 ||
ghanasāraṃ karpūram_ || 29 ||
smaratāpabhareṇa vibhramā na parimlānimavāpur adbhutam |
sudṛśas tarupallavā iva smitapuṣpābharaṇojjvalaśriyaḥ || 30 ||
smitapuṣpam evābharaṇaṃ tenojjva⸤ladyutitvāt param atyantaṃ vibhramā na mlānim āpuḥ || 30 ||
karam arpitam ānane dadhau smarajṛmbhāsu pidhānalīlayā |
galitāñjanadhūsaraṃ vadhūḥ śvasitaiḥ pluṣṭam ivātanūṣmabhiḥ || 31 ||
31 ||
vinimīlitalocanāmbujā dadhatī kaṇṭakitāṃ tanutvacam |
nalinīva śaśāṅkaraśmibhir drutam amlāyata kācid utsukā || 32 ||
32 ||
virahānala............tattanuṭāṃkāra ivopaśuśruve |
śayanīkṛtaphullapaṅkajasphuṭapakṣmāspadaṣaṭpadāravaḥ || 33 ||
tasyā virahi⸤ṇyās tanoḥ śarīrasya ṭāṃkāra iva ṣaṭpadadhvaniśrutaḥ || 33 ||
dayitāgamane 'pi bhāvinīṃ sthitim ālokya vikalpasaṃbhṛtaiḥ |
vidadhe pulakādibhis tanau sakṛdabhyāsa ivāñcitabhruvaḥ || 34 ||
34 ||
Lvyajanīkṛtapadminīdalaskhalitair dūram ivānilair vapuḥ |
samupodvalito mṛgīdṛśaḥ saviśeṣaṃ madanānalo 'dahat || 35 ||
samupodvalito 'tiL⸤vṛddhiṃ nītaḥ || 35 ||
lulitālakavallarīkatāṃ dadhatā pāṇitale niṣeduṣā |
aparākhyadanālapanty api smarasaṃtāpadaśāṃ mukhendunā || 36 ||
36 ||
śaśabhṛnmaṇihārayaṣṭayo na śamāyotpalacakṣuṣo 'bhavan |
smarasaṃjvaraśoṣitocchalacchaviviṣyanditavāribindavaḥ || 37 ||
śaśabhṛnmaṇayaś candrakāntāḥ | śamaḥ saṃtāpaśāntiḥ || 37 ||
virahe mṛgaśāvacakṣuṣāmayugāntapralaye vijṛmbhite |
navapaṅkajakomalaṃ yayāvahimāpātavivarṇatāṃ vapuḥ || 38 ||
⸤nāsti yugānto yatra tādṛśaḥ pralayo virahaḥ | hṛtacetanatvāt_ || 38 ||
dayite cirayaty anukramād viyadāskandati candramaṇḍale |
bhṛśam utkalikākulā muhurmumuhurmūḍhamanorathāḥ striyaḥ || 39 ||
mūḍhā niṣpattim anā⸤gatāḥ || 39 ||
jagrāha nūnam atuṣāramarīcibimba-
madhyapraveśapunaruktivaśotthamauṣṇyam |
yadviprayuktataruṇījanadehadāha-
m induḥ spṛśan karaśikhāvalibhiś cakāra || 40 ||
40 ||
āścaryam etad asamaṃ makarandabindu-
saṃdohavarṣibhir api prasavātmakair yat |
vāmabhruvāṃ virahaviplutacetanānāṃ
saṃśoṣyate tanuraho viśikhaiḥ patadbhiḥ || 41 ||
prasavātmakaiḥ puṣpasvabhāvaiḥ || 41 ||
digdhā ivodadhiviloḍanavibhramottha-
lakṣmacchalocchalitahālahalacchaṭābhiḥ |
mūrchāṃ vyadhuḥ śaśabhṛtaḥ kiraṇāḥ sudhāmbu-
viṣyandino 'pi virahāturasundarīṇām || 42 ||
42 ||
vṛṣṭiṃ navāṃ rasamayīṃ vikiraty amanda-
m ātaṅkadāyini śaśāṅkaghane ghanorvāḥ |
Lsthūlāśrubindukaṇamauktipaṅktir āvi-
rāsīn nirāyatavilocanaśuktigarbhāt || 43 ||
43 ||
anyādṛg apy aparathaiva janasya nūnaṃ
bhāvasthitir bhavati viplutacittavṛtteḥ |
naktaṃkarasya kiraṇāḥ sudhayā yadārdrāḥ
preyoviyogavidhurās taruṇīradhākṣuḥ || 44 ||
anyādṛkag_ L⸤anyādṛśī || 44 ||
vikṣiptavellahalabāhulatāḥ karābja-
raktāṅgulīdalamarīcimadhucchaṭābhiḥ |
tāḥ saṃvibhāgam iva paṅkajasaṃstarasya
saṃtāpaśuṣkamakarandakaṇasya cakruḥ || 45 ||
vellahale sukumāre | saṃstaraḥ paryaṅkaś ca śayyā || 45 ||
niḥśvāsamārutaparāhatapuṇḍarīka-
paryaṅkapiṅgalaparāgakaṇāpadeśāt |
reje viyogaśikhibhītipalāyamāna-
gaurātmadehaparamāṇugaṇeva kācit || 46 ||
46 ||
srastā bhujābjaśayanān maṇikuṭṭimastha-
raktāravindamukhalagnanakhāṃśulekhā |
udgrīvahaṃsaśiśucañcuvikṛṣyamāṇa-
sūtrā mṛṇālakalikeva tanor abhāsīt || 47 ||
bhujā ⸤bāhuḥ || 47 ||
tanvyāḥ śaśāṅkaśakalaṃ pratibimbitaṃ sa-
dacche kapolaphalake vidadhāra lakṣmīm |
cetonimagnaniśitasmarabāṇaśalya-
niṣkarṣaṇānihitakaṅkamukhāyamānam || 48 ||
vidadhāra dadhre | tudādiṣu kecit_ ‘dhi dhāraṇe’ ity asya sthāne ‘dhṛ dhāraṇe’ ⸤iti paṭhanti tasyaitad rūpam_ | ānihitaṃ samarpitam_ | kaṅkamukhaṃ śalyoddharaṇabhāṇḍam_ || 48 L⸤||
śayyīkṛtaikakarapaṅkajasaṃniṣaṇṇa-
m acchaṃ kapolaphalakaṃ vidadhāra kācit |
Lsaṃdhukṣitasmarakṛśānuśikhāśatasya
roddhuṃ ruṣeva śaśinaḥ pratimāvakāśam || 49 ||
49 ||
itthaṃ visaṃsthuladaśāḥ sudṛśo babhūvu-
r indūdayollasitaratnanidhau pradoṣe |
ujjṛmbhamāṇaramaṇaprathamānurāga-
mānapravāsavidhurasthitivipralambhāḥ || 50 ||
ujjṛmbhamāṇo ramaṇaviṣayo yo navānurāgas tena mānasya pravāso niṣkāsanaṃ tato ⸤hetor vidhurasthitir bhagnāvaṣṭambho viyogo yāsām_ || 50 ||
⸤iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave ⸤rājānakaśrīratnākarasya kṛtau ratnāṅke haravijaye mahākāvye ⸤virahavarṇano nāma caturviṃśaḥ sargaḥ |
iti rājānakajayānakasunor ala⸤kasya kṛtau haravijayaviṣamapadoddyote caturviṃśaḥ sargaḥ ||