tīkṣṇaiḥ śilīmukhanakhair atha saṃprahāra-
kaṇḍūvinodanam arātijanasya tūrṇam |
kurvantam antakapurīpṛthusālacāpa-
cakro 'bhyayuṅkta mayamāhavamūrdhni śauriḥ || 1 ||
Kāvyamālā 22, E Text Acharya
- , ,
- Known as: , (NCC).
- Siglum: K
[description of manuscript]
More ▾
| Title | Haravijaya |
| Commentary | [title of commentary] |
| Author | [author] |
| Commentator | [commentator] |
| Physical description | |
|---|---|
| Language/Script | [Sanskrit in Latin script.] |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- K
L
L
L
L
L
L
L
ekonapañcāśaḥ sargaḥ |
vaktrāravindanimitaṃ karagāḍhasaiddha-
pārśvadvayaṃ yudhi babhāra sa pāñcajanyam |
vairiñcamaṇḍamiva niḥśvasitānilola-
paryasyamānamudarāntarato viniryat || 2 ||
ābaddhakaṅkaṭakapāṇiniruddhapārśva-
bhāgaḥ sugandhivadanānilapūrṇarandhraḥ |
tenānimīlitavilocanapakṣmabandha-
m ādhmāyi saṃyugarasād atha pāñcajanyaḥ || 3 ||
senābhir asya vijitastanayitnughoṣa-
m astātatāyi yudhitas tanuṣībhir uccaiḥ |
srastāṃśumaṇḍalavihastagabhastimāli-
vistāriṇībhir avatastarire daśāśāḥ || 4 ||
akṣmāyi tasya śithilīkṛtanāganātha-
vistāribhoganibiḍaṃ bharakharvitaṃ sat |
L
kṣmāmaṇḍalaṃ jaladhilaṅghitatīralekha-
m ājahruṣībhir abhitaḥ kakubhaś camūbhiḥ || 5 ||
tārkṣyo 'tha cañcupuṭadaṣṭabhujaṃgamūrti-
r ākāśam uḍḍiḍayiṣus tarasā dharitryāḥ|
pṛṣṭhena vigrahabharaṃ madhusūdanasya
jagrāha dānavacamūsariduṣṇaraśmeḥ || 6 ||
udgacchatā gaganavartma javena tena
dūrāvagāḍhadṛḍhabhinnarasātalāgrāḥ |
ākṛṣṭimuktavasudhāḥ kṣaṇavighnakheda-
m uddadhrire nakharasaṃhatayaḥ kathaṃcit || 7 ||
tatpakṣabhāgaracitāspadanāganātha-
bhāsvatphaṇāmaṇivitānaparīyamāṇam |
saṃdhyātapāruṇitatārakacakravāla-
kalmāṣatām iva jagāma tadāntarikṣam || 8 ||
jyākṛṣṭimaṇḍalitakarkaśadaṇḍacaṇḍa-
kodaṇḍamaṇḍalatayā raṇakānanorvyām |
śaurer jitorjitaripustridaśair vyaloki
baddhālavāla iva komalakīrtivallyāḥ || 9||
senā dudhūnayiṣato dviṣatām amuṣya
dordaṇḍamaṇḍalitakārmukamadhyamuktaiḥ |
kāṇḍair akāṇḍanibiḍoḍḍamarapracaṇḍa-
naiśāndhakāravidhurā vidadhe dharitrī || 10 ||
taccāpanirdhutavirugṇaśirastrabandha-
puṅkhāvaśeṣavinimagnaśaraiḥ śirobhiḥ |
nākadruhāṃ drutam abhāji raṇājirorvyāṃ
līlāvanaddhanavapattrapiśācikāśrīḥ|| 11 ||
pakṣānilāvadhutanākasarittaraṅga-
bhaṅgacchaṭāmalitanāmaniviṣṭakarṇaiḥ | (?)
tenāśu jihmagatibhair apajuhnuve 'rka-
tejo vikāsyatha daśasv api dikṣu bāṇaiḥ || 12 ||
anyonyapṛṣṭhaparirakṣitacāpacakra-
nirmuktaśātataraśalyaśarābhighātaiḥ |
sainyair ajigrahadasāvasurādhipasya
dikcakravālam asakṛt pralayapracaṇḍaiḥ || 13 ||
krīḍatkṛtāntabhaṭamuṣṭidurodaraika-
līlāvarāṭakagaṇaiḥ samarāṅgaṇordvyām |
śubhair aśīśarad asau śaradāryamāṇa-
senāmataṅgajaśiraścyutamauktikaughaiḥ || 14 ||
abhyarṇamṛtyukṛtasaṃnidhipāśapāṇi-
niḥśaṅkahuṃkṛtibhayaṃkarakiṃkarāṅkam |
āyodhanaṃ suraripoḥ prasaratpatattra-
m āsthānamaṇḍapam ivābhavad antakasya || 15 ||
tasyotpatattramarutaḥ kṣaṇam ambarāgra-
saṃcāriṇo mukharatāṃ dadhataḥ pṛṣatkāḥ |
daityādhipakṣatajaśoṇamukhā babhūvu-
r mandākinītaṭaniketanarājahaṃsāḥ || 16 ||
śaurer niśātataraśalyaśatair arāti-
senāśirāṃsi yudhi cicchidivadbhir ārāt |
dikcakramauryatatarāṃ tarasā vahadbhi-
r anyonyam āhavamukheṣu śilīmukhaughaiḥ || 17 ||
saṃkūṇitekṣaṇamukhaiḥ pravibhāgadṛśya-
nāḍīnirokagalitakṣatajāktakaṇṭhaiḥ |
āśyāmikāgradaśanais tadapāstabāṇa-
kṛttair aloṭhi yudhi daityacamūturaṅgaiḥ || 18 ||
utkṣiptamūlakuṭilabhruvijṛmbhamāṇa-
roṣāruṇaṃ yad abhavat subhaṭasya vaktram |
vailakṣyato nu paripāṇḍuratām avāpa
tatkṛttakaṇṭhagalitakṣatajapravāham || 19||
trailokyam arcicayiṣo dhavalair yaśobhi-
r ānañjuṣaḥ samaracañcuratāṃ murāreḥ |
bāṇāḥ prasasrur abhitaḥ kamalāsanāṇḍa-
valmīkakūṭavikaṭodaradandaśūkāḥ || 20 ||
taccāpacakranipatanniśitārdhacandra-
nirlūnitendukaragauralasatpatākāḥ|
vicchinnakīrtaya ivāvanatā na reju-
r āyodhaneṣu bhaṭakūbariketudaṇḍāḥ || 21 ||
dedīpyamānavapuṣā dalitāndhakāra-
kūṭā nivṛttapunarāgatayo viśuddhāḥ |
tenābhavan valayinonnatakārmukeṇa
muktāḥ śarāstaraṇimaṇḍalabhedadakṣāḥ || 22 ||
tastambhire pratidiśaṃ tarasā vimāna-
vīthyo 'bhyupetya raṇavartmadidṛkṣamāṇāḥ |
tanmārgaṇaiḥ sabhayakautukanākibhīru-
muktāhitāspadaniśāntagavākṣamārgāḥ || 23 ||
ādadhmire pratiravapratipannadairghyaiḥ
śailādhirājakuharāṇy abhitas tadānīm |
taccāpacakravivarānaghaghātapāta-
niryātaśātaśarasaṃbhṛtatāranādaiḥ || 24 ||
māṇikyaraśmiśakalojjhitanākaśakra- (?)
cāpākṛtīṣvasanamuktaśaraughabhinnāḥ |
śārṅgāyudhaḥ sapadi nānubabandha daitya-
senā diśaḥ samiti śiśriyuṣīrbhayātāḥ || 25 ||
tasyāśu vivraṇayiṣo dviṣatāṃ vapūṃṣi
karṇāntakṛṣṭivalayīkṛtacāpamuktāḥ |
sārāvam etya tarasā tanupuṅkhapakṣa-
pātāvadhūtajaladā viśikhā nipetuḥ || 26 ||
tasyāhavātirabhasād adhiśiśrivāṃsi
sainyāni nirjayadaśāvidhuratvam ārāt |
nābhyūhire niśitaśalyaśilīmukhaugha-
ghorāndhakāravidhurān atha digvibhāgān || 27 ||
utkhātanandakavikṛttavipakṣakaṇṭha-
nāḍīnirokagalitena nirākulātmā |
viṣvaksasaṃbhramapariplavamānasainya-
māpiplavatkṣititalaṃ kṣatijena śauriḥ || 28 ||
śaurer amandam udaḍīyata pakṣapāta-
vātābhighātavidhutābhrapalāśakhaṇḍam |
saṃkhye śilīmukhagaṇena vimuktasaṃkhya-
māninyuṣā tu gaganotpalam ākulatvam || 29 ||
tena nyavāriṣata bhinnaghanāghanaugha-
saudāmanīkṣaṇaparītakṛśānuśalyaiḥ |
daityādhirājapṛtanāḥ kṛtanākiloka-
kampaiḥ śanair aśaniśātataraiḥ śaraughaiḥ || 30 ||
pratyagrapāṃsuparuṣāḥ pratipannadikka-
m udbhūtapatrapaṭalā viyadutpatantyaḥ |
bhremustarāṃ bhayakṛto bhuvanāvasāna-
vātyā iva pratidiśaṃ suradaityasenāḥ || 31 ||
preṅkhaddavānalaparītaviṭaṅkakūṭa-
vindhyācalāvayavavibhramamūhivadbhiḥ|
piṅgordhvakeśanivahair navanīlabhābhiḥ
saṅgrāmavartma tadayāyata yātudhānaiḥ || 32 ||
saṅgrāmasīmni patitaḥ subhaṭaprahāra-
mūrchākulaḥ sapadi rātrimaṭo mumūrṣuḥ |
khagāvakṛttanipatatkarikarṇatāla-
vṛntānilena samavījyata yātudhānyā || 33 ||
nistriṃśaghātavinikṛttabhaṭottamāṅga-
pīnāṃsacakraracitāspadapīnajaṅghāḥ |
cakruḥ kṛtāntapuruṣā iva tatra bhīti-
m āvṛtya sainikajanasya raṇe kabandhāḥ || 34 ||
saṅgrāmasīmni karavālavilūnavīra-
senāmataṅgajasahasrakaraprakāṇḍaiḥ |
tārkṣyīyatuṇḍaparikhaṇḍitabhogibhoga-
pātālatālulalitatviṣiranvarodhi (?) || 35 ||
kampānubandhihṛdayaṃ pratipannaśoṣa-
bimbādharaṃ subhaṭadarśanato 'tra nāryāḥ |
L
puṣpāyudhāṅkalalitaṃ valitāṅgabhaṅga-
niḥsaṅgamantharavijṛmbhikam āvirāsīt || 36 ||
rociṣṇuratnanikurumbaviṣaṅgapiṅga-
kīlālakaṅkaṭitavīcibhujās tadānīm |
ambhodhayo ditijanāyakacakravāla-
m āyodhayanpraharaṇīkṛtanakracakrāḥ || 37 ||
saṃvītalohakavacābhir ivodabhāra-
saṃbhāranīlarucibhir haricāpabhāgbhiḥ |
abhyāgamāya sataḍitkaravālikābhi-
r abhyāyaye jaladajālavarūthinībhiḥ || 38 ||
tīkṣṇārdhacandraśaradāritamāhavāgra-
lakṣmīpayodharabharaṃ karikumbhayugmam |
uttuṅgapīvaram aliptatarāmabhīka-
kḷptārdraśoṇaruciśoṇitakuṅkumena || 39 ||
romāñcapīnatanutā ca sakampatā ca
dārdhyānubandhi ca sakhīṣvapi loṭheanatvam |
khedodabindunikaraś ca samanmathāyā
dṛṣṭe babhūva subhaṭe suralokanāryāḥ || 40 ||
saṅgrāmabhūḥ sphuritakhaḍgataraṅgabhaṅga
valgannirargalatayoddhatavāhinīkā |
āpāṇḍuketuvasanāmalanirjharāṅka
vistārikūbarikulācalamaṇḍalāsīt || 41 ||
caitanyam āpya mukharānakatūryaśaṅkha-
śabdena dikṣu sapadi vrajatā vikāsam |
uttiṣṭhati sma viṣadaṣṭa iva prahāra-
mūrchākulaḥ prapatitaḥ subhaṭo raṇorvyām || 42 ||
jyotsnāvadātarucirūrjitagarjitābhi-
r āvarjitaḥ kṣayaghanāghanamaṇḍalībhiḥ |
srastaḥ kṣitau ca karikumbhavibhedamukta-
muktāphalaśriyam avāt karakākaṇaughaḥ || 43 ||
meghāvalībhir abhito 'py apinehuṣībhiḥ
saṃvardhitābhir iva toyamalīmasatvāt |
vyāpāritāḥ pṛthulapīluśiraḥsthalīṣu
vidyutkṛpāṇalatikās tarasā nipetuḥ || 44 ||
phūtkāramuktaśikhicūrṇatayātha tāmra-
daṃṣṭrāviḍambitasasaṃdhyaśaśāṅkalekhaiḥ |
vaktrair ghanāghanaghaṭāghanaghoraghoṣa-
saṃghaṭṭam aṭṭahasitaṃ danujair nirāse || 45 ||
yodhaṃ nṛsiṃhanakhakoṭiniśātaśalya-
nārācabhinnarudhirokṣitadehayantram |
saṃhārabhāskarasahasradurīkṣamūrti-
m ārān nirīkṣitum api vyathitā na śekuḥ || 46 ||
tāvadviyogabhayavihvalacakravāka-
saṃghātakātaratarekṣaṇapātapītaḥ |
kṣīṇe 'hni puṇya iva nākatalāt patiṣya-
bhāsvānupāmbunidhi kīrṇakaro lalambe || 47 ||
astācalavyavahito viralāndhakāra-
cchāyānuviddham abhito dhṛtasaukumāryam |
ākṛṣṭadīrghadivasaṃ karajālam arkaḥ
spaṣṭābhilakṣyakiṇalekham ivodbabarha || 48 ||
devo 'pi śītakiraṇābharaṇas tadānī-
m ālokya vatsarasahasram atha vyatītam |
saṃdhyāsamādhiviniviṣṭamanā jajāpa
kiṃcin nimīlitavilocanam ātmatattvam || 49 ||
visrastasāndrakiraṇo vikaṭāstaśaila-
kūṭāvalambi vidadhe sahasoṣṇaraśmiḥ |
bimbaṃ vilambam anupetya cakāra cordhvaṃ
saṃdhyāsamādhim avadhūya haro 'nukāram || 50 ||
tasmin pranṛtyati tadīyavilocanāgni-
jvālāśikhāhatam ivāhimaraśmibimbam |
nirvāpaṇārtham iva dāhadaśodayasya
proccaiḥ parāci na cirāj jaladhau mamajja || 51 ||
śobhāṃ babhāra dinabhaṅgavigāḍharāga-
raktāmbaraṃ smararipāv atha tāṇḍavasthe |
tadbāhuyantraparighūrṇitanāgakṛtti-
viṣyandisāndrarudhirāṅkam ivāntarikṣam || 52 || |
nirdagdhadurmatidaśe samayānilena
nīte pradīpa iva nirvṛtim arkabimbe |
āvirbabhūva ghanakajjalajālakalpa-
m andhaṃ tamaḥpaṭalam āvilayaṃs trilokīm || 53 ||
āliṅgito jalanidher atha ratnakambu-
śobhādharātanutaraṅgabhujāvalībhiḥ |
lekhāṅganābhir udayācalam ārurukṣu-
r uttiṣṭhati sma śayanād iva śītaraśmiḥ || 54 ||
jyotsnāṅkurāvalir ivāvirabhūd dyuvallyā
reje 'grapallava ivātanusāṃdhyarāgaḥ |
L
pusphora puṣpanikurumba iva grahoghaḥ
pīnatvam āpa phalabandha ivāmṛtāṃśuḥ || 55 ||
dadhateva rasātalāntalagnaṃ sapadi kṣālitaśeṣam ūrmibhaṅgaiḥ| |
sphuṭalakṣmanibhena paṅkajālaṃ śaśinaudaiyata toyarāśimadhyāt || 56 ||
abhyutthite śeśabhṛti kramabhinnapīna-
naiśāndhakāram avalokya parasparaṃ te |
āsphālitasphuritadīdhitiratnadaṇḍa-
cāpāḥ punar yuyudhire suradaityayodhāḥ || 57 ||
iti niśitakṛpāṇaprāsanārācacakra-
vraṇitavibudhasenāsaṃkaṭe daityaloke |
prasṛtarudhirasindhukṣobhanirbhinnaratna-
drumasaraṇinitambā merubhittis tadābhūt || 58 ||
iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave rājānakaśrīratnākarasya kṛtau ratnāṅke haravijaye mahākāvye surāsuravimardo nāmaikonapañcāśaḥ sargaḥ |