avalokya dānavacamūpatīnayo vimukhānraṇādgiriśamārgaṇārditān|
smitadidhītisphuritagaṇḍamaṇḍalo nijagāda daityapatiritthamūrjitam||1||
Kāvyamālā 22, E Text Acharya
- , ,
- Known as: , (NCC).
- Siglum: K
[description of manuscript]
More ▾
| Title | Haravijaya |
| Commentary | [title of commentary] |
| Author | [author] |
| Commentator | [commentator] |
| Physical description | |
|---|---|
| Language/Script | [Sanskrit in Latin script.] |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- K
L
L
L
pañcacatvāriṃśaḥ sargaḥ|
tasyotsisāhayiṣato dviṣatāṃ vadhāya
saṃrambhiṇo ditisutānsamarānparācaḥ|
vaktrādanabhyavahṛto 'pi vinirjagāma
sāndraḥ sudhaugha iva dantamarīcirāśiḥ||2||
he daityāḥ kathamabhimānaśālinno 'pi vyārugṇāhavarasamāśu vidravantaḥ|
nekṣadhve pṛthunijavaṃśavaijayantīmākṣiptāṃ dhavalaruciṃ pareṇa kīrtim||3||
senā vilokayati jihmamasau sahāsa-
māyodhanātsapadi vaḥ prapalāyamānān|
śūlāyudhena kṛtasaṃnidhirapyabhīkṣṇa-
mārādakhaṇḍaparaśūracitāñcitaśrīḥ||4||
analpapakṣaprasaraṃ patadbhirvipakṣanārācapataṅkacakraiḥ|
samiddhatāṃ saṃdadhatī kathaṃ vo nirvāpitā dīpaśikheva śaktiḥ||5||
kalmāṣitāṃsaśikharairbhujamaṇḍalīṣu
ratnāṅgadaiḥ kimiva śaṃsata bhārasūtaiḥ|
etā bhavantu raṇanirvaravairivarga-
dordaṇḍadarpadalanojjvalamaṇḍanā vaḥ||6||
kālarātribhujasaṃhatīrimāḥ pretanāthapurapaddhatīrgadāḥ|
bibhrato 'pi bhayakātarekṣaṇaṃ na hriyaṃ vrajata kiṃ parāṅmukhāḥ||7||
laghīyasāpi dviṣato bhayena hatatrapaṃ vidravatāmidānīm|
na mudgara bhānti kṛtāntaharmyastambhā amī pāṇitalasthitā vaḥ||8||
notpādayetkathamupekṣitadurvipakṣa-
helānikārakaluṣā virasatvamittham|
udbhūyamānadhavalāñcitacāmaraughā
tadduḥkhasaṃbhṛtajarādhavaleva lakṣmīḥ||9||
helānipātahatasaṃhatahastihasta-
hetiḥ saheta sahasānilavellyamānāḥ|
siṃhaḥ saṭā api kathaṃ gururoṣagāḍha-
gambhīragarjitanināditaśailakuñjaḥ||10||
arātiśastravraṇarohakarmaṇe vadhūjanasyārpayatāṃ cirāya vaḥ|
saruñji pṛṣṭhāni bhaviṣyati sphuṭaṃ virūḍhalajjābharamantharaṃ manaḥ||11||
hetivraṇābharaṇaśūnyaviśaṅkaṭāṃsa-
kūṭāḥ kathaṃ nu bhavatāṃ bata bāhudaṇḍāḥ|
gaṇḍopadhānapadavīṃ dayitājanasya
nītā bhaveyuradhunā bahumānapātram||12||
prāyeṇa kāryakaraṇaṃ prativisphuranti
tejasvino na bahusādhanasavyapekṣāḥ|
L
lokānvinirdahati saptabhireva sapta
saṃhārakālamudito dahanaḥ śikhābhiḥ||13||
kṣataujasāmapi ripuṇālaghīyasā palāyanonmukhamanasāmito 'dhunā|
karāśrayā nijakiraṇacchalena vaḥ samudvamantyayaśa ivāsiyaṣṭayaḥ||14||
kliṣṭaṃ malena na kadācidahemabaddha-
mābandhyatāvirahitaṃ spṛhaṇīyarūpam|
nirvyājamāhuriha bhūṣaṇamāryavṛttāḥ
śauryapratāpajanitaṃ yaśa eva puṃsaḥ||15||
tāvadvrajanti gurutāṃ yaśasaiva yāva-
dadhyāsitā himavipāṇḍurucā mahāntaḥ|
lūne vikāsikusume ca śikhāgrabhāgā-
tkasyādaro bhavati śaṃsata tasya vṛnte||16||
ścyotatpraphullanavacūtasugandhidāna-
gaṇḍālimaṇḍalasaḍiṇḍimaḍambarebhyaḥ|
stamberamebhya iva kesariṇāṃ na bhītiḥ
saṃbhāvyate 'trabhavatāṃ bhavatāṃ ripubhyaḥ||17||
helānirastapavanā gurusaṃprahāra-
jṛmbhā mahāsurabhaṭāḥ paṭutāṃ jvrajantī|
nūnaṃ samīkabhuvi śītalatāṃ karoti
phūtkeva vaktravisṛtoṣmajuṣāṃ dviṣāṃ vaḥ||18||
na prāpnuvanti hi prāṅmukhatāmudāra-
sattvā ripo raṇamukheṣvapi hanyamānāḥ|
L
dahyanta eva jaladhervaḍavānalena
tasya vrajantyabhimukhaṃ ca taraṅgabhaṅgāḥ||19||
pratyakṣameva bhavatāmavirugṇamaurvī-
śākhākṛtāspadavicitrapatatricakrāḥ|
kodaṇḍatālataravo 'pyadhunā diśanti
yacchrīphalaṃ ripujanasya mahādbhutaṃ tat||20||
ni'sitamāyudhamañjalisaṃpuṭaḥ pulaka eva bhiyā ca tanucchadaḥ|
nanu bhavajjayasādhanamāhave praṇatireva śirastramiha dviṣām||21||
kaṇṭhe bhiyā vinihitaḥ karavāla eva
kaṇṭhatratāmupagataḥ śataśaḥ surāṇām|
ālokyatāṃ bhaṭajanena sahastatāla-
hāssphuraddaśanadīdhitimaṇḍalena||22||
pṛthvī varāhavapuṣā khagaketanena
yottambhitā phaṇiniketanataḥ kathaṃcit|
sā tarjanītulitavistṛtasaṃniveśā
śakyaṃ vidhātumativelabalairbhavadbhiḥ||23||
viśliṣṭadīrghabhujagādhipabhogabandha-
diṅmaṇḍalābhimukhadhāvadanargalāśvām|
śaktāḥ stha kartumavarugṇakhalīnapāśa-
bhītāruṇāṃ taraṇikūvariṇo 'pi saṃsthām||24||
vakṣaḥsthalīvigalitairghanagharmavāri-
leśaiḥ samīkajanitairnabhasi sthitānām|
L
śakyaṃ kṣaṇānmakaramandiraghasmaro 'pi
jvālākulaḥ śamayituṃ vaḍavānalo vaḥ||25||
tejasvino 'timahataḥ kvacanāpi nūnaṃ
tīkṣṇe mṛdau ca na vihanyata eva śaktiḥ|
utthāya nāganagarādvaḍavāgninaiva
sārdhaṃ vinirdahati sindhupatiṃ kṣayāgniḥ||26||
jvālākalāpakavalīkṛtakūrmaketu-
maurvaṃ kila jvalanāmūrujamāhurāryāḥ|
dagdhārikānānmamuṃ tu raṇaughaśūra-
kopānalaprabhavameva viśālasattāḥ||27||
saṃkhyānaśūnyamadhisaṃkhyamakhaṇḍavṛtti
dhairyaṃ parāmṛśati yo bhavatāmidānīm|
ākāśamutkhanati nūnamasāvakhinna-
cetā nakhāṭanikhanitramukhena sadyaḥ||28||
dīptārdhacandrakarikarṇaparaśvadhāgra-
pātadvidhākṛtamataṅgajadantadaṇḍe|
avyāhatatrividhapātakṛtātmayodha-
siṃhānukarṣavinipātitatomaraughe||29||
cetoharāñcitaviviktadhanurvikalpa-
śikṣāviśeṣaśucisauṣṭhavadhanvicakre|
L
nānāprakāraphalapuṣpapalāśakalpa-
saṃkalpitapracurasundarabhindipāle||30||
suśliṣṭamuṣṭiviniveśasukhagrahāśri-
saṃpannabarhiṇapatatriṇi digdhaśaṅkau|
ākarṣasauṣṭhavasuniṣṭhravītaniṣṭha-
ṭāṃkāracaṇḍaguṇanartitacāpacakre||31||
duḥkhaṃ na kiṃcidaparaṃ puruṣatvahāne-
ryuddhe mudhā samudayo 'tra camūcarāṇām|
mārgo 'yameva bhavatāṃ nanu śāntihetu-
ryo 'rerjayaśriya iva kriyate 'varodhaḥ||32||
(cakkalakam)
tejasvino na khalu kācidapīha śakti-
rāpnoti kāryakaraṇe kvacanopaghātam|
ekāpi sāsti na śikhā vaḍavānalasya
yā nirdahatyaniśameva na sindhutoyam||33||
prāptāmadhiprahanamañcitadohadatvaṃ
senāṃ vidhāya surabharturanuttamāṅgām|
prājyaṃ yaśaḥ pibatu vo bhaṭacakravāla-
mavyāhataṃ paya ivendumarīcigauram||34||
ete ta eva nijakuṅkumapaṅkapiṅga-
saṅgrāmarāgavilasatpulakāḥ sthitā vaḥ|
L
adyāpi kampitapitāmahapuṇḍarīka-
saṃsaktakesaraśikhā iva bāhudaṇḍāḥ||35||
saṅgrāmakānanatamālalatāvaliṣu
senākalindatanayājalaveṇikāsu|
saṃvartakālarajanīṣu bhayānakāsu
nistriṃśayaṣṭiṣu kathaṃ bhavatāmanāsthā||36||
abhyāgamānmaraṇasaṃbhramataḥ kilāśu
yūyaṃ palāyanaparāyaṇatāmupetāḥ|
taccoṣmaṇā virahitaiḥ pratipannameva
yuṣmābhirityapunaruktamidaṃ kurudhvam||37||
saṅgrāmādaribhayaviplutāḥ parāñco nirhrīkā nanu viṣamīkurdhvametām|
vistīrṇāṃ kimiti mudhā kṛtāntalīlāvāhyālīmasurabhaṭā lalāṭabhittim||38||
śaureḥ padātaya ime raṇamūrdhni valgu-
vyāvalgitaiḥ kimiti vo na rujanti cetaḥ|
tīkṣṇāgratuṇḍavihagādhipakaṅkavaktra-
līloddhṛtāsuraparābhavaśalyakalpāḥ||39||
līlāgṛhītakuṭilendukalā kuśāgra-
saṃruddhakumbhataṭadiggajavāhikābhiḥ|
L
ākampitatribhuvanā tarasā vihāra-
helā suraiḥ sabhayavismayamīkṣitā vaḥ||40||
helāvinirdhutarajaḥ sumanaḥpratāna-
paryākulākulaśilīmukhacakravāle|
saṅgrāmakānanatale 'tra bhavadbhireva
bhagnā gadāśu haricandanaśākhivallī||41||
ullāsi dūrataramaskhalitatvamāpta-
mullaṅghitākhilajagatpratibandhaśūnyam|
ślāghyaṃ durāvatarayā bhujaśālināṃ hi
pūrvaṃ yaśastadanu visphuratīha tejaḥ||42||
avarugṇakambumaṇihāramekhalaṃ nakhakoṭipāṭitakapolamaṇḍalam|
patināśaduḥkhamacirādvijṛmbhatāṃ suratāyamānamasurāriyoṣitām||43||
avaśyamāyodhanamūrdhni dhūrjaṭermayā jitasya pramathapramāthinā|
dhvajāgrasaṃvellitakṛṣṇacāmarā vimuktakeśīva purī vibhāvyate||44||
paśyatyamandakaraghātavimūḍharakta-
śyāmacchavi stanayugaṃ mayi baddhakope|
śatrustriyāḥ parijano na cirātpinaddha-
vyālīnakañcukamivāhitadīnadṛṣṭiḥ||45||
ānandaśūnyahṛdayatvamupeyuṣīṇā-
mīrṣyāparigrahavinākṛtamānasānām|
viṣyandatāmaniśamārtijameva bāṣpa-
toyaṃ bhaṭā bhavadarātinitambinīnām||46||
śobhābhaṅgādānakṛdvo mahārghe yeyaṃ śliṣṭā śyāmikā śauryaratne|
saṅgrāmorvīvidravākhyā kṛpāṇapre"khaddhārāvāribhiḥ kṣālyatāṃ sā||47||
yāvanna saṃyugayugāntasahasraraśmi-
reṣo 'stameti karavālakaraiḥ karālaḥ|
tāvadbhavadbhirayaśastimirairaruddha
ullaṅghyatāṃ laghutaraṃ raṇaśauṇḍamārgaḥ||48||
vidhyantyaṅgamamūryathā smitaruco muktā raṇaprekṣakai-
rnaivaṃ pattriparamparā kaṭuraṇatkodaṇḍakhaṇḍacyutāḥ|
saṃprastautyayaśo yathā ca nitarāmandhaṃ tamaścakṣuṣo-
rnaivaṃ vājikhurāgrakhaṇḍitaraṇakṣoṇīsamutthaṃ rajaḥ||49||
vārtābhaṅgaḥ prathayati yathā mūrchanāmindriyāṇāṃ
sāndro 'pyevaṃ na khalu subhaṭaprerito 'straprahāraḥ|
tyaktāḥ prāṇairbhṛśamaśucitāṃ naivamāyānti kāyā
yadvadvrīḍāṃ guṇamaṇikhaniṃ laṅghayanto laghīyaḥ||50||
ādyāpyetāsu gandhadviradakulanagoddaṇḍagaṇḍopalebhyo
niryāntīṣu pralīnabhramaraśitisarojanmakhaṇḍāsvakhaṇḍam|
dānāmbhonimnagāsu prakaṭitavikaṭāsaktayo vaḥ kṛpāṇāḥ
kurvantūdvṛttakṛṣṇoragakulavalanāḍambarāṇāṃ viḍambam||51||
ityutsāhasamṛddhisāgarapayaḥ pālīmṛgāṅkaprabhāṃ
krūrāmarṣakṛśānudīpanadaśākalpāntavātāvalīm|
śrutvā daityapateḥ parākramaguṇodārāgryagurvīṃ giraṃ
te bhūyo 'pyasurāḥ surāhavavipaddīkṣāsu dākṣyaṃ dadhuḥ||52||
glānigrastagajaṃ jitograturagaṃ sīdatpadātivrajaṃ
mandasyandanacāramasrasaritāṃ pūraiḥ pariplāvitam|
L
māyākovidadaityamuṣṭinipatatsvarvāsisarvāyudhaṃ
yodhairdaityapaterakāri karuṇāsvādānabhijñairmṛdham||53||
krandatsaṃkrandanānāṃ pramathamathanakṛnmattadaityādhipānāṃ
vidrāṇairāvaṇānāmaśaraṇavaruṇārabdhadiksaṃgrahāṇām|
glānigrāhigrahāṇāṃ gahanaraṇadharāniścaratkhecarāṇāṃ
sainyaṃ dainyātsurāṇāmaniśamaśaraṇaṃ daityacakreṇa cakre||54||
pīlūnāṃ khaḍgalūnairbahu bahumakaraiḥ kīrṇamantaḥkaraughai-
rvāhānāṃ śastraghātasthapuṭitavapuṣāṃ nakravadvyāptamaṅgaiḥ|
labdhāsthaiḥ sthūlamatsyairiva hatapatitairyuddhabhājāṃ bhujaughai-
rasrasrotasvinīnāmajani kulamathākuṇṭhakaṃ kaṇṭhadadhnam||55||
udbhūteṣu kabandhakaṇṭhakuharābhogādbhareṇāsṛjā-
mutpīḍeṣvatha padmarāgamusalasthūlākṛtispardhiṣu|
bibhrāṇā bhramivibhramaṃ bhṛtamahāyūthā vihaṃgāvalī
līlollāsitakālarātripṛthulacchattrākṛtiṃ prākarot||56||
kravyāśiniṣkuśitakuñjarakukṣikūpa-
nirmagnaniryadatanūdbhavaviddhasiddham|
digdantikumbhataṭadaghnabhaṭāsrakulyā-
garbhabruḍadvibudhamāhavavartma jajñe||57||
itthaṃ nirmathya daityādhipadhutavibudhānīkinīkinīnaikapāta-
prāptaprauḍhāvasādānatasuraśikharikliṣṭaratnāṅgaśṛṅge|
L
jāte durjātajanmajvaravidhuragaṇagrāmakāme prakāmaṃ
saṅgrāme 'tyugramugrālikabhuvi bhṛkuṭiḥ kūṭabandhaṃ
babandha||58||
iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave rājānakaśrīratnākarasya kṛtau ratnāṅke haravijaye mahākāvye subhaṭasaṃdīpanaṃ nāma pañcacatvāriṃśaḥ sargaḥ|