iti sphuratkisalayapāṭalārciṣi sphuṭodaye savitari saukhaśāyikāḥ |
aviskhalatsu*lalitabandhayā girā garīyasāṃ gurum upatasthur īśvaram || 1 ||
Kāvyamālā 22, OCR
- , ,
- Known as: , (NCC).
- Siglum: KOCR
Kāvyamālā from OCR-Here only canto 3
More ▾
| Title | Haravijaya |
| Commentary | Viṣamapadoddyota |
| Author | Ratnākara |
| Commentator | Alaka |
| Physical description | |
|---|---|
| Language/Script | [Sanskrit in Latin script.] |
| Format | e-text |
| Material | digital |
| History | |
|---|---|
| Date of production | unclear |
| Place of origin | |
| Provenance | [record of ownership] |
| Acquisition | [how it was acquired] |
- KOCR
⸤ekonatriṃśaḥ sargaḥ |
- ⸤1. ‘salalita’ kha.
sukhena śayyaṃ śayitaṃ pṛcchantīti saukhaśāyikā bandinaḥ | ‘pṛcchatau susnātādibhyaḥ’ ⸤iti ṭhak_ | anuśatakāditvād ubhayapadavṛddhiḥ | aviskhalannavidyamānaḥ (?) saṃskārād avi⸤calitatvād rāmaṇīyakayukto gumpho yasyāḥ | upatasthur asevanta | atra sevāmātravivakṣāyāṃ ⸤saṃgatakaraṇasyāvivakṣitatvāt_ ‘upāddevapūjā—’ iti taṅabhāvaḥ | yathā—‘upatasthur yathodya⸤ntam ādityaṃ mantrakovidāḥ |’ ityādau maharṣivyāsaprabhṛtīnām_ || 1 ||
vimucyatāṃ śayanatalaṃ divākaraḥ karotkarair vidalitavidrumāruṇaiḥ |
karoty asāv udayamahībhṛtaḥ kramāt parisphuran sphuṭam iva padmarāgatām || 2 ||
2 ||
kramādimās tava bhavaneṣu bhānumatprabhāhatās tadupalasālabhañjikāḥ |
pṛthūnmiṣaddahanaka*ṇotkaracchalāt tamaśchidaḥ suvata ivāryamārbhakān || 3 ||
- 2. ‘karotkara’ ka.
tasya bhānor uL⸤palāḥ sūryakāntāḥ || 3 ||
Layaṃ kṣaṇād dayitatamena bhānunā samāgamas tava bhavatīti śaṃsitum |
sphuratpadas taralitam auṣasānilaiḥ kuśeśayaṃ nayanam ivāmbujaśriyaḥ || 4 ||
uṣaso vikāra auṣasāḥ prābhātikāḥ || 4 ||
vivasvato vicakaruṣaḥ kṣapātamaḥ sphuṭajjapākusumavipāṭalās tviṣaḥ |
vibhānty amūr nabhasi suvarṇagairikacchaṭā ivāsitamaṇipaṭṭakuṭṭime || 5 ||
vicakaruṣaḥ ⸤kṣiptavataḥ | ‘ṛcchaty ṝtām_’ iti guṇaḥ || 5 ||
śritodaye hatatimirotkare janā dadur dṛśo dinakṛti baddhasaṃbhramāḥ |
khavartmano mumuciṣi śītarociṣi cyutaḥ padān na bhavati gauravāspadam || 6 ||
śītarociṣīty anādare saptamī | nabho⸤mārgaṃ muktavantaṃ śaśinam anādṛte 'smād deśād anādṛtacyuta ityādi (?) || 6 ||
tatas tatīr udayagatāryamāśmanām ahaskare karanikaraiḥ spṛśaty adaḥ |
piśaṅgitaṃ gaganatalaṃ vibhāvyate tadutthayā dahanaruceva saṃdhyayā || 7 ||
aryamāśmānaḥ ⸤sūryakāntāḥ | teṣām udayādrigatānāṃ paṅktīr āditye karaiḥ spṛśati sati sūryakāntotthitayā ⸤vahniprabhayeva saṃdhyayā kapiśitaṃ dṛśyate nabhaḥ || 7 ||
dinaśriyo mukham aruṇāruṇaprabhāpiśaṅgitasphuṭaghanamegharājikam |
virājati pratinavakuṅkumacchaṭākṛtatviṣaṃ dadhad iva pattramañjarīm || 8 ||
8 ||
apārayanty upahataśītadīdhitiprabhām ivāhimakaradhāmasaṃpadam |
nimīlitātanutaratārakādhunā vibhāvarī viśati mahīdhragahvaram || 9 ||
upahatā niśākarasya rucira⸤nayetikṛtvā tigmāṃśutejasaḥ saṃpadam ivāpārayantī aśaknuvatī | draṣṭum iti śeṣaḥ | tārakā ⸤jyotīṃṣi | yā ca darśanaśaktyabhāvāt tejaḥpunadarśane na paṭuḥ sā nimīlitakanīnikā pa⸤tantī gahvaraṃ praviśati || 9 ||
nināya yadvirahavijṛmbhaṇākulo vibhāvarīṃ katham api sābhyupāgatā |
vilokitā dayitatamā tathā mudaṃ tanoti no rajaniviyogipattriṇaḥ || 10 ||
10 ||
yathā śaśī pipatiṣur astaparvate navāṃśumatkiraṇavirugṇacandrikaḥ |
karoty aho api nijasaṃpadaḥ sphuṭaṃ dviṣadgatā vipadadhikaṃ sukhodayam || 11 ||
aho apīti ‘ot_’ iti pragṛhyasaṃjñāyāṃ ‘plutaL⸤pragṛhyā aci’ iti prakṛtiḥ || 11 ||
⸤(yugalakam_)
smarāturapriyatamapāṇijakṣatīr niśāgame navanihitā mṛgīdṛśām |
nayann asāv adhikamanojñarāgatāṃ navātapo nipatati gaṇḍamaṇḍale || 12 ||
12 ||
Lvikāsibhir diśi diśi garbhanirbharasravanmadhugrahaṇādhiyeva satvaram |
saroruhair dalapaṭalacchalān mithaḥ prasāryate 'ruṇamaṇiśuktimaṇḍalam || 13 ||
madhu madyam api || 13 ||
tanoty asau navakuśakoṭidaṣṭayā vibhāvarījalakaṇamālayā sthalī |
rasāyuṣām upari bhareṇa ghūrṇatāṃ vipāṇḍuracchavikusumodgamabhramam || 14 ||
rasāyuṣo bhra⸤marāḥ || 14 ||
ghanair ivātanutaracandrakacchalasphuṭāmarāyudhaśataśobhibhir diśaḥ |
dhutair amī vidadhati picchamaṇḍalaiḥ śikhaṇḍino rajanipayaḥpariplutāḥ || 15 ||
candrakacchalenendrāyudhaśobhibhiḥ kampitaiḥ kalāpanicayair meghair ivāvaśyāya⸤jalākīrṇā diśaḥ kurvanti mayūrāḥ || 15 ||
adhikṣapaṃ dhavalakapolamaṇḍalasphuṭoditapratimatayā mṛgīdṛśām |
tadāhitām iva paripāṇḍuraśriyaṃ dadhaty amī tava bhavanapradīpakāḥ || 16 ||
16 ||
upeyuṣīṃ kamalarajovṛtekṣaṇo na vīkṣate rathacaraṇāhvayaḥ priyām |
sukhaṃ cirād upanatam apy asaṃśayaṃ vrajaty aho vidhihatakasya dūratām || 17 ||
rathacaraṇāhvayaś cakranāmā || 17 ||
vibhāvarīviratihatasya dundubheḥ kṛtavyathaṃ svanam avakarṇya kāmibhiḥ |
punas tarāṃ kṣaṇaśayitair nimīlyate vilocanaṃ ratarasajāgarāruṇam || 18 ||
⸤punas tarāṃ punaḥ punaḥ || 18 ||
prabhātajaṃ virahapariplavaṃ vadhūracintayanty anunayam agrahīn nayā |
yiyāsate suhṛdi na sā na dūyate kuto 'thavā su*khamanudarkadarśinām || 19 ||
- ⸤1. ‘kuśalam udarkadarśinām’ kha.
udarka āgāmī kālaḥ, uditaś ca bhānuḥ || 19 ||
na niṣṭhitā nanu rajanī vilambyatāṃ tadāgame punar api mā kṛthāś ciram |
iti sravannayanajalaṃ priyoditaṃ gataṃ prati ślathayati kāmino manaḥ || 20 ||
ni⸤ṣṭhitā samāptā || 20 ||
niśīthinīvyapagamadundubhisvanair vinidratām api sahasābhyupāgatā |
yiyāsur apy abhimatakaṇṭhagocaraṃ na kāminī ślathayati bāhupañjaram || 21 ||
yiyāsur api kāntā preyaḥkaṇṭhagataṃ bāhupañjaraṃ na śithilayati | L⸤virahabhayāt_ || 21 ||
viyogajāṃ śucam asahair vyapohituṃ niketanair uṣasi ni*ṣidhyate 'dhunā |
apāvṛtaprakaṭakavāṭasaṃpuṭasphuṭāravair gamanam ivāñcitabhruvaḥ || 22 ||
- 2. ‘nirudhyate’ ka.
saṃpuṭaṃ dvayam_ || 22 ||
Ladaḥ kramād vikaṭanitambakānanadrumāntarakṣaṇaghaṭitaṃ divaḥ patat |
virājati sphuṭavihagāṇḍamaṇḍalaśriyaṃ dadhadgrahakulamastabhūbhṛtaḥ || 23 ||
23 ||
digaṅganānavakaladhautamekhalā nabhastalodadhivaḍavānalatviṣaḥ |
niśātamaḥkṣatadharavajrakoṭayo vibhānty amūs taraṇiruco '*ruṇodgatāḥ || 24 ||
- ⸤1. ‘navodgatāḥ’ ka-kha.
aruṇodgatā lohitollāsāḥ || 24 ||
bibharty asau pṛthutaramaṇḍalorasā vibhāvarī dṛḍhaparirambhavibhramaiḥ |
śaśacchalācchiśirakaras tadunnatastanāsitāgurunavapattramañjarīm || 25 ||
⸤maṇḍalam evoras tenāgurupattralatāṃ dhatte śaśī śaśavyājena || 25 ||
sphuṭodayaḥ punar api bandhaviplavaṃ purā tava vyapanayati kṣapākaraḥ |
pratīkṣatāṃ tadavadhir atra mā kṛthā manāg api kṣapitaguruśriyaṃ śucam || 26 ||
26 ||
hataprabhe śaśini gte 'stagahvaraṃ vihāya tadvapur avatīrṇam ambarāt |
iti kvaṇanmadhupamiṣeṇa lāñchanaṃ kumudvatīm iva khalu dhīrayaty adaḥ || 27 ||
27 ||
(yugalakam_)
madhuspṛhānibhṛtanilīnaṣaṭpadaṃ kuśeśayaṃ hṛdayam ivāravandinī |
bibharty asau tapanaviyogasaṃjvarajvalacchikhāśataśikhidāhadhūsaram || 28 ||
viyoga⸤saṃtāpa evāgnidāhas tena dhūsaraṃ malinam_ || 28 ||
acandrikāmalayajapaṅkacarcanā atārakāgaṇama*ṇimekhalāguṇāḥ |
digaṅganāḥ śaśividhurā ivādhunā dadhaty amūr lulitatamaḥkacāṃ śriyam || 29 ||
- 2. ‘parimekhalā’ ka.
śaśinā lokāntaragatatvān nihatā vai⸤dhavyadūṣitāḥ || 29 ||
śaśitviṣaṃ tvaritam ivodarāśrayāṃ rirakṣiṣur dinakararaśmiviplavāt |
asāvitaḥ kṛtanibirīsasaṃpuṭaṃ kumudvatī racayati pattramīlanam || 30 ||
saṃpuṭā mukulāḥ || 30 ||
papau tarāṃ priyatamayā samaṃ madhu pratikṣapaṃ dalaśayaneṣv aśeta yaḥ |
rasāyuṣaḥ śaśidhara tasya sāṃprataṃ samañjasaṃ saha kumudena bandhanam || 31 ||
śaśidhareti bhagavadāmantraṇam_ || 31 ||
tathā svapanmadhurasapānamattatāvicetanaḥ sarasijakukṣikoṭare |
yathā kramād aviditabandhanavyathaḥ śilīmukhaḥ sphuṭam adhunā vibudhyate || 32 ||
⸤asvapad iti ‘aḍgārgyagālavayoḥ’ ity atrāḍāgamaḥ || 32 ||
Ldadhadvapurvikasitaketakīrajovirūṣitaṃ kumudavanād vinirgatam |
vipāṇḍuraṃ tadudaravarticandrikācchaṭāśatasnapitam ivālimaṇḍalam || 33 ||
virūṣitaṃ churitam_ | rūṣer dhātuL⸤ṣv apaṭhitasyāpi miliprabhṛtivacchiṣṭaprayogadarśanāt sādhitaḥ || 33 ||
śritodayāruṇakaraṭaṅkakuṭṭanāvighaṭṭitaṃ diśi diśi dhāma bhā*suram |
galaty adaḥ savitur ivāstaparvatabhramārpitasphuṭavapuṣaḥ kṣapāpateḥ || 34 ||
- ⸤1. ‘bhāsvaram_’ ka.
aruṇasya karā eva ⸤ṭaṅkāḥ śastrakāṇi | bhramo yantram_ || 34 ||
samunmiṣattaraṇikarābhighātabhīpariplute śaśitimire śaśacchalāt |
sahasthite iva suranātha naśyato virodhitā vipadi parasparaṃ kutaḥ || 35 ||
35 ||
sphuṭākṣatāñcitakhacitoḍuśāratām upāgate phalaka ivāmbare 'dhunā |
śritodayāparagiriviṣṭarāv ubhau durodaraṃ tanuta ivendubhāskarau || 36 ||
sphuṭaṃ dṛśyam akṣataṃ meghādibhir adūṣita⸤m añcitaṃ ca ruciraṃ yatkham antarikṣaṃ tena citāni vyāptāni uḍūni nakṣatrāṇi taiḥ śāratā ⸤śabalatvam_ | sphuṭāś cākṣā devanākhyās tadbhāvena śobhanāḥ | khacitā dīptim antaḥ | ⸤uḍusadṛśāś ca śārā ayānayīnā (?) yasya tadbhāvaḥ | udayāparau pūrvapaścimau | durodaraṃ ⸤dhūtam_ || 36 ||
mṛṇālinīdalabhidhuraṃ yathā yathā samunmiṣaty ahimamarīcimaṇḍalam |
tiraskṛtāvatamasarāśimaṇḍalaṃ tathā tathonnamad iva lakṣyate nabhaḥ || 37 ||
mṛṇālinīdalavad bhiduram_ | sukumāram ityarthaḥ | avatamasaṃ saṃtataṃ ⸤tamaḥ | ‘avasamandhebhyas tamasaḥ’ ity ac_ samāsāntaḥ || 37 ||
adhaś cyutaṃ mama vapuṣo 'rdham ity api kṣa*pākṛtā bhramam a*bhivīkṣya bibhratā |
jalāśayapratimitamastaparvate jighṛkṣuṇā tad iva divo 'vatīryate || 38 ||
- 2. ‘kṣapābhṛtā’ ka.
- 3. ‘ativīkṣya’ kha.
38 ||
ito 'dhunā girigurughātaghaṭṭanāvighūrṇitārṇavajaladevateva te |
manoramāmalitatimiśritāṃ śriyaṃ bibharty asau bhava bhavanāravindinī || 39 ||
a⸤lināṃ tatibhir miśritāṃ padminīṃ manoramāṃ śriyaṃ dhatte || 39 ||
sarāgatāṃ kakubhi gataḥ śatakratoḥ kramād amūṃ jigamiṣasi pracetasaḥ |
sahāsam ity alikulahuṃkṛtair iva prabhākaraṃ kathayati nātha padminī || 40 ||
rāgaḥ prasaktir api | ⸤hāso vikasanaṃ hasitaṃ ca || 40 ||
śilīmukhaḥ sarasijapakṣmapeśalaṃ vilambitaṃ nigaḍam ivārdhavicyutam |
dadhanmadhuvyatikaralagnam aṅghriṇā visarpati tvaritam apoḍhabandhanaḥ || 41 ||
madhu madyam api | visarpati vrajati || 41 L⸤||
Laharpateś ciram animeṣadarśanaklamād iva srutaghanabāṣpaśīkaram |
sarojinī rajanipayaḥpariplutaṃ bibharty asau vikasitam abjalocanam || 42 ||
42 ||
śilīmukhā vidhutapatattramārutaprasāritair uṣasi sugandhayanty amī |
diśo 'dhunā nijatanulagnavisphuṭatkuśeśayotkaramakarandaśīkaraiḥ || 43 ||
43 ||
saraḥśriyaḥ śapharukaśobhino 'mbujāt savibhramabhramaraghaṭā vivasvatā |
ito 'dhunā śitimaṇiyaṣṭimaṇḍaliviḍambikā karanikareṇa kṛṣyate || 44 ||
śapharukaṃ bhūṣaṇasamudgamakam_ | tasmād indranīlamayīva latāsaṃ⸤hatir vivasvatā sarojād ākṛṣyate bhramarapaṅktiḥ | karanikaraḥ pāṇivikṣepo 'pi || 44 ||
manoramasmitahasitāṃ parisravanniśājalasphuṭaruditotpalekṣaṇām |
ito 'dhunā śritakilakiñcitām iva prabhākaro ramayati nātha padminīm || 45 ||
⸤smitaṃ vikāsaḥ | kilakiñcitaṃ harṣaśokādisaṃkararūpaḥ prāg uktalakṣaṇaś ceṣṭāviśeṣaḥ || 45 ||
bhujālatām aśithilakaṇṭhavartinīṃ ratotsukā dayitatamasya kurvatī |
vijṛmbhate kila vinimagnapīvarastanadvayā tadurasi mattakāśinī || 46 ||
⸤suratotsukatvena preyasaḥ kaṇṭhe gāḍhavartinīṃ bhujalatāṃ tadvakṣasi ca nimagnaṃ stanadvayaṃ ku⸤rvatī pradhānā kāminī vijambhate samullasati | krīḍata ityarthaḥ | ayam arthaḥ parokṣo 'pi lo⸤kapravādasiddha iti dyotanāya kilaśabdaḥ || 46 ||
ratotsavapramadaviśeṣapīvare parāpnuyāt katham iva te 'tra mekhalā |
nitamba ity abhidadhaduccakaiḥ śukaḥ sahāsatām uṣasi karoti subhruvaḥ || 47 ||
pramadam ahimnā pīvare nitambe 'smin me⸤khalā kathaṃ parāpnuyāt_ naiva paryāptiṃ labheta || 47 ||
na lāghavaṃ valanavilāsavibhrame vilokitaṃ kvacana mayedṛśaṃ tanoḥ |
kalāravair vadati nitambamaṇḍale niyojitā madhuram itīva mekhalā || 48 ||
48 ||
niśīthinīṃ samam ativāhya kāminā vrajaty asāv uṣasi muhuḥ skhalanty api |
tadutsukā galitadhṛtiḥ pratikṣaṇaṃ nirīkṣate vivalitakaṃdharaṃ vadhūḥ || 49 ||
asau vadhūḥ kāminā saha ⸤niśāṃ nītvā skhalanty api vrajati | taṃ ca kāminam utsukatvān nirīkṣate || 49 ||
samutthitaḥ śayanatalāt kṣamārajaśchaṭāhatobhayapṛthupārśvavigrahaḥ |
dadhatsadānavamathurāgataḥ śriyaṃ mataṅgajo 'para iva lakṣmaṇāgrajaḥ || 50 ||
kṣamā ⸤bhūmiḥ | sadānasya madajalamuco vamathoḥ karaśīkaranikarasya rāgato rañjanena śobhāṃ bi⸤bhradgajaḥ samutthitaḥ | dvitīya iva lakṣmaṇāgrajaḥ | lakṣmaṇo 'grajo 'syeti kṛtvā śatrughnaḥ | L⸤so 'pi navāṃ lavaṇaṃ rākṣasaṃ nihaty ātmanā nirmitāṃ mathurāṃ nāma nagarīṃ gataḥ | sadā ca ⸤lakṣmīṃ bibhratsamutthitaḥ samyag udayabhāk | kecit_ ‘abhayaḥ pṛthupārśvena lavaṇena saha vi⸤grahaḥ kalaho yasya saḥ | kalahasamaye ca dhūlicchaṭābhir āhataḥ’ iti śatrughne 'pi yojayanti ⸤|| 50 ||
Lnabhasvatām udavasitodarotthitāḥ sugandhitaṃ vidadhati vāsareṇavaḥ |
patanty amūr grahatatayo divākaraprabhāhatā diśi diśi vāsare 'ṇavaḥ || 51 ||
udavasitaṃ veśma | tadantarotthitā vāsasya paṭavāsādeḥ surabhicūrṇasya reṇavo ⸤vāyūnāṃ saugandhyam upajanayanti | vāsare ca ravikarāhatatvād aṇavaḥ svalpā grahatatayaḥ pa⸤tanti || 51 ||
sarojinī payasī hṛdīva bimbitaṃ śritaṃ taṭān ahimakaraṃ dadhāra yā |
tayālayaḥ sphuṭitakuśeśayotthayā na toṣitā nahi makarandadhārayā || 52 ||
ahimāḥ karā yasya taṃ raviṃ nalinī dadhāra dhṛtavatī | tayālayo bhramarā ⸤makarandasya dhārayā nahi toṣitā na | toṣitā evetyarthaḥ || 52 ||
eṣā viśālaviśikhāmukhaviprakīrṇa-
harmyopakārakusumapravaṇālipaṅktiḥ |
abhyetya bandhujanateva niśāndhakāra-
m arkāṃśubhinnamanuśocati tāranādaiḥ || 53 ||
viśikhā rathyā || 53 ||
satkarṇikākanakaviṣṭarasaṃniviṣṭa-
mūrtir nijaṃ kamalakesarapānasaṅgāt |
rolambacakram upari bhramaṇānubandhi
pāriplavatvam iva śikṣayatīśa lakṣmīḥ || 54 ||
⸤rolambā bhramarāḥ || 54 ||
bhāti dvirephakulam ujjhitanaidratandra-
raktāravindamakarandasapītilagnam |
adhyūṣuṣā śatamakhena mṛṇālasūtra-
garbhaṃ vilocanasahasram iva vyapāstam || 55 ||
tandrā dhūsaratvam iha | sapītiḥ sahapānam_ | śatamakhaḥ śakraḥ | ⸤tasya bisasūtrāntaranivāso brahmahatyābhayāt prasiddha eva || 55 ||
lokāntaraṃ jigamiṣoḥ śaśinaḥ pracaṇḍa-
bhānupratāpavidhurāś ciramastaśailaḥ |
Ltārāvarodhanavadhūḥ śirasā bibharti
tuṅgātmanāṃ samucitaṃ dhruvam etad eva || 56 ||
lokāntaraṃ jigamiṣuL⸤r mumūrṣur api | pratāpa udvejanam api || 56 ||
ceto dunoti sudṛśāṃ nanu tāranāda-
niṣṭho viyogavidhuraṃ raṇitena śaṅkhaḥ |
vyaktaṃ prakāśayata eva bahirviśuddhi-
m atyantavakrahṛdayād bata kasya śāntiḥ || 57 ||
viśuddhir niṣpāpatvam api | hṛdayam abhyantaram api | ⸤śāntiḥ sukham_ || 57 ||
karṇe kuśeśayadṛśām upaśalyavarti-
preyoviyogaviṣamajvarakātarāṇām |
krauñcasya saṃprati girāśanidhārayeva
marmacchidā karakarāyitam āpatantyā || 58 ||
upaśalyaṃ samīpam_ | krauñcaḥ pakṣibhedaḥ | aśanir vajram_ | kara⸤karāyitaṃ karakarety avyaktarūpaṃ kvaṇitam_ || 58 ||
āpraśnapūrvam upagūḍhavataḥ priyasya
bāṣpāmbupūrapihitātanulocanāyāḥ |
cakrīkṛtau madanalāsakakāṃsyatāla-
līlāṃ stanau mṛgadṛśaḥ kṣaṇam īśa dhattaḥ || 59 ||
priyasyety anādare ṣaṣṭhī | lāsako nartakaḥ ⸤|| 59 ||
pratyagradaṃśajanitaśvayathūnsalīla-
m ambhojakomalakarāṅgulikoṭibhāgaiḥ |
bimbādharān madhurasītkṛti saṃspṛśantyaḥ
kāntāḥ prayānti dayitāntikato 'dhunaitāḥ || 60 ||
60 ||
bhrūvibhramaṃ vidadhato bahudhaivataṃ ta-
m āsphālitāvikalaniḥsvanavallakīkāḥ |
gāyanti kiṃnarapuraṃdhrigaṇāḥ śaśāṅka-
maule vibhātasamaye tava bhinnaṣaḍjam || 61 ||
taṃ taṃ bhrūvikāraṃ bahudhaiva kurvantaḥ kiṃnarīgaṇā bhinnaṣaḍjākhyaṃ grāmarāgaṃ ⸤gāyanti | tasya prābhātikatvāt_ | anye ‘bahu vipulo dhaivatākhyaḥ svaro yatra tādṛśaṃ taṃ L⸤tvayaiva prāganubhūtam_’ iti yojanayā vyācakhyuḥ || 61 ||
Lbhramaṇavidhutapakṣaiḥ pītam ākāśa eva
prītikakubham akuṇṭhotkaṇṭham ārād dvirephaiḥ |
dalapaṭalavikāsasthūlabimbāmbujotthaṃ
vikirati makarandakṣodam uccaiḥ samīraḥ || 62 ||
pratikakubhaṃ diśi diśi | a⸤vyayībhāve ‘jhayaḥ’ iti ṭacsamāsāntaḥ || 62 ||
iti giram upakarṇya preyasībāhubandha-
vyatikarakṛtaratnāvāpakavyaktacihnam |
asakalaśaśimauliḥ kaṇṭhapīṭhaṃ dadhānaḥ
surabhiparimalāṅkaṃ hemaparyaṅkam aujjhīt || 63 ||
āvāpakāḥ kaṭakāḥ || 63 ||
⸤iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave ⸤rājānakaśrīratnākarasya kṛtau ratnāṅke haravijaye mahākāvye ⸤bhagavatprabodhanaṃ nāmaikonatriṃśaḥ sargaḥ |
iti rā⸤jānakajayānakasūnor alakasya kṛtau haravijayaviṣamapadoddyota ekonatriṃśaḥ sargaḥ ||