Kāvyamālā 22, OCR

, ,
Known as: , (NCC).
Siglum: K_OCR

Kāvyamālā from OCR-Here only canto 3

More ▾

Title	Haravijaya
Commentary	Viṣamapadoddyota
Author	Ratnākara
Commentator	Alaka

Physical description
Language/Script	[Sanskrit in Latin script.]
Format	e-text
Material	digital

History
Date of production	unclear
Place of origin
Provenance	[record of ownership]
Acquisition	[how it was acquired]

K_OCR

⸤pañcāśaḥ sargaḥ |

bhagneṣv adhokṣajapitāmahavāsaveṣu

daityādhipena sakalaiḥ saha lokapālaiḥ |

pa*ñcākṣam ity abhidadhe bhagavān saroṣa-

m āsphālya niṣṭhuram athonnatakoṭicāpam || 1 ||

notes▲
- 4. ‘pāñcākṣaṃ’ ka.

paśyādhunāmum uragāśanaketum atra

bhagnaṃ virugṇaraṇarāgam ito 'ndhakena |

yasya vyadhāyiṣata candramarīciśubhraiḥ

sādhāraṇāṃśukabhṛtaḥ kakubho yaśobhiḥ || 2 ||

daityaindramārgaṇagaṇābhihatasya paśya

ratnacchaṭāruṇitam ātmabhuvaḥ śarīram |

Lnidrāvimuktamadhusūdananābhipadma-

niṣpandisāndramadhudigdham ivādhunāpi || 3 ||

paśyātatāyikaṭhināsthiśilāvibheda-

kuṇṭhīkṛtāśri kuliśaṃ yudhi nirjitasya |

daityaiḥ kare śatamakhasya bhayodayottha-

gharmāmbusiktam iva saṃtanute na tejaḥ || 4 ||

daityāsthivajrakaṣaku*ṇṭhatarāracakraṃ

cakraṃ trapāparicayacyutacaṇḍacaryam |

viṣṇor bhayākulatayā vyapalīnavahni-

dhūmāyamānam avalokaya pāṇilagnam || 5 ||

notes▲
- ⸤1. ‘kuṇṭhitatāracakracakraṃdapāpanicayacyuta’ ka.

ābaddhakopaditijādhipabāhucakra-

cakrīkṛtātanuśarāsanabāṇapātaiḥ |

bhaṅgīśataiḥ prakaṭara*ndhraparītamadhya-

m ā*pūrṇam eti vitataśriyam arkabimbam || 6 ||

notes▲
- 2. ‘ratna’ ka.
notes▲
- 3. ‘ācūrṇaṃ’ kha.

nārācanirdalitabimbatayaiṣa bhagna-

saṅgrāmadurlalitadurdharadhairyabandhaḥ |

adhyāsyamānahṛdayo hariṇena paśya

saṃkrāntakātaratadīyamanā ivenduḥ || 7 ||

paśyāstaparvatam ivābhrakapaṅkanīla-

m āsādya dānavacamūpatim etad agre |

paryākulo 'dhikam anūṣmatayā raṇe 'tra

bhagnaḥ pratapavibhavena sahaiva bhānuḥ || 8 ||

bibhradgadāṃ vidalitārikapālagurvīṃ

līlāvilambitamanoharaśaṅkhapadmaḥ |

vyāpāritāyudhaśato 'ndhakabāṇavarṣai-

r nābhāti śaurir iva jarjarito 'rthanāthaḥ || 9 ||

Lpaśyaiṣa nirjayakṛtabhrukuṭīvibhaṅga-

cchāyopabṛṃhitanavāñjanapuñjavarṇām |

vaktraśriyaṃ ghaṭitanīlapaṭāṃ hriyeva

dhatte yamaḥ pariharan mama dṛṣṭimārgam || 10 ||

dhatte mukheṣu varuṇo ripuroṣavahni-

jvālāruṇāṃ tanum asāv asamāptakampaḥ |

nityāvabaddham akarālayavāsalagna-

durvāravāḍavakṛśānuśikhām ivaitām || 11 ||

utsṛṣṭadiggajagalanmadavārigaṇḍa-

piṇḍīkṛ*tair aviralaṃ bhramaraiḥ patadbhiḥ |

paśyaiṣa kiṃśukavanabhramamohamandai-

r anvīyate 'gnir asurair vihitoṣmabhaṅgaḥ || 12 ||

notes▲
- ⸤1. ‘talaiḥ’ kha.

sāndrībhavaty amalamecakakhaḍgamegha-

ghorāndhakārani*karaḥ sthagitāntarikṣaḥ |

saṃtrāsavihvalavalatpratipattimūḍha-

gāḍhānilocchvasitadhūmaśikhāsahasraiḥ || 13 ||

notes▲
- 2. ‘nikara’ ka.

ya*tkīrtanād api nijeṣu niketaneṣu

bhītair marudbhir udavijyata baddhakampam |

udyacchamānam avalokya tam āhavāgre

saṃbhremuṣā suragaṇena yato 'pasasre || 14 ||

notes▲
- 3. itaḥ prabhṛty aṣṭāviṃśatiślokāḥ ka-pustake tru⸤ṭitāḥ santi.

tatsyandanaṃ sapadi codaya darpamūḍha-

daityādhipābhimukhamūrjitasiṃhavāham |

ūṣmāṇam etam adhunā viṣameṣuvarṣaṃ

saṃtyājayāmi yudhi śailam ivātra yāvat || 15 ||

Lity ūcuṣi smararipau tarasā mumoca

sūto 'ndhakaṃ pratirathaṃ kṛtamerukampam |

daityādhipasya na cacāla ratho 'pi yantṛ-

saṃcoditaḥ kimapi bhāvi bhiyeva paśyan || 16 ||

vyasyann ivāśu bhuvanatritayādhirājya-

lakṣmīṃ patattramarutātha sumerukuñjāt |

gṛdhraḥ paretapatidūta iva dhvajāgra-

m adhyāsta tasya rabhasād aruṇottamāṅgaḥ || 17 ||

sasyandire jalabhṛto bhuvanāravinda-

koṣapratiṣṭhamakarandarasāyamānam |

sānandagṛdhrakulaṣaṭpadacakravāla-

vāñchāvipūraṇam anargalam astravarṣam || 18 ||

khaḍgājughū karaṇaghāñjughuru(?)r ghanaughā

nirghātaghoraghaṭanāsthitim āpa pṛthvī |

vajrābhighātaparuṣaṃ piśitāśinaś ca

cakrur mahāpralayaśaṃsinam aṭṭahāsam || 19 ||

dhairyāvadhīritaśubhetaraghorarūpa-

cihnasya dānavapateḥ samarājirorvyām |

śaṃbhoś ca dṛṣṭajayaliṅganirākulasya

vegāt samīyatur athātirathau tatha tau || 20 ||

ahrādi dundubhibhir āhananādaguñji

guñjāgaṇena vidhurair mukharair abhāvi |

akvāṇi gomukhaśataiḥ paṇavairarāṇi

tasmiṃs tayor atha raṇe pravijṛmbhamāṇe || 21 ||

āhanyamānakikharānakagomukhādi-

vāditraghoṣamukharāḥ kakubho babhūvuḥ

Ldaityāś ca śailakuharapratiśabdadīrgha-

ghorā trayeṇa (?) mumucur yudhi siṃhanādam || 22 ||

yodhā yudhe kṛtadhiyo rabhasena valgu-

saṃvādiphalgunam aphalguphalaṃ vavalguḥ |

pāṇisthitākṛpakṛpāṇanipātapīta-

mattadvipākṛpakṛpāṇakṛpīṭapaṭṭāḥ || 23 ||

saṅgrāmamaṅgalam upetya jaguḥ sakampa-

hastāṅgulīśithilakoṇahatā vipañcīḥ |

śaṃbhovilokananirargalajṛmbhamāṇa-

pīnadhvajāḥ sarasam apsaraso dadhatyaḥ || 24 ||

tasyātha mūrdhni madamantharitadvirepha-

pakṣānilābhihatakampitakesarāgrā |

ānandanirbharanabhaścaracakrahasta-

muktā papāta surapādapapuṣpavṛṣṭiḥ || 25 ||

ābhādakheṭakhaṭakāmukhahastadīrgha-

raktāṅgulīnakhamaṇipratibimbagarbham |

pratyuptadīptatararatnam ivocchikhāccha-

raśmicchaṭaṃ kanakakuṇḍalam andhakasya || 26 ||

tasmin dudhūvuṣi dhanurdharadhairyabandha-

m āyodhane dhanadayodhajanena sārdham |

senānakā iva tadā girayo vinedu-

r maurvīninādamukharīkṛtarandhrabhāgāḥ || 27 ||

kodaṇḍakoṭighaṭitoragarājamaurvī-

vellatphaṇāmaṇigaṇapratibimbagarbham |

māṇikyaśekharam ivāmṛtaraśmikhaṇḍa-

m īṣat kirīṭaghaṭitaṃ bibharāṃcakāra || 28 ||

Ltasyormibhaṅgaviṣamonnatabāhudaṇḍa-

khaṇḍān dahan dhanuṣi dānavasindhunāthān |

jvālākarālitamukhas tarasātigāḍha-

maurvīkṛtasthitir arājata bhogirājaḥ || 29 ||

kodaṇḍadaṇḍaghaṭitāṭanigāḍhabandha-

tāntena tasya vikasatphaṇacakravālam |

nāgeśvareṇa papire śiśirāḥ śiraḥstha-

mandākinījalataraṅgaghaṭāsamīrāḥ || 30 ||

śūtkāripakṣamarutaḥ sphuradagniśāta-

śalpāḥ śarāḥ śaśikalāṅkitabāhumadhyāt |

niścakramur ditisutābhimukhaṃ himādri-

kuñjāntarālagahanād iva rājahaṃsāḥ || 31 ||

chāyāmayīṃ vidadhato bhuvaneṣv akāṇḍa-

kalpāvasānarajanīm iva tasya saṃkhye |

ākarṇakṛṣṭavalayīkṛtacārucāpa-

caktracyutā bhuvanamānaśire śaraughāḥ || 32 ||

maurvīkṛtasya khaṭakāmukhapāṇikṛṣṭa-

madhyaṃ krameṇa phaṇinaḥ phaṇacakravālam |

phūtkārapāvakaśikhā dhanuṣo 'tha tasya

cakrīkṛtād iṣugaṇāś ca samaṃ nipetuḥ || 33 ||

rūḍhāruḍhaṃ(ṣaṃ) tadurasi sphuṭakekipiccha-

puṅkhāḥ śarā ditijakārmukacakramuktāḥ |

kalpadrumā iva mahīdhrataṭīvicitra-

saṃphullaratnakusumastabakā nipetuḥ || 34 ||

kṛttopavītabhujagādhipamūrdharatna-

puṣpopakārakṛtasaṃyugavartmaśobhaiḥ |

Lvakṣaḥsthale puraripor asurendracāpa-

cakracyutaiḥ śaraśataiś caturaṃ nipete || 35 ||

kallolajālakalilā vivalatkapāla-

kūrmodarāḥ śirasi tasya śarāśrayāśaiḥ |

mandākinījalarayāḥ papire patadbhi-

r ahnāya sindhava iva pralayārkapādaiḥ || 36 ||

saṃdhāsyamānakṛtamārgaṇasaṃdhiyoga-

cakrībhavanmaṇiśarāsanabāhujālaḥ |

daityādhipaḥ sphuradanekaśaśāṅkakhaṇḍa-

mārtaṇḍamaṇḍala ivāmbaramārga āsīt || 37 ||

manye ca tasya valayīkṛtakārmukasya

saṅgrāmakarmaṭhakaṭhorakarālavāhoḥ |

prāgātatāyipṛtanāsubhir abhyapāti-

paścānniśātatarśalyamukhair vipāṭhaiḥ || 38 ||

ābaddhakopaditijādhipabāhudaṇḍa-

madhyān nirīyur atha saṃyugavartma bāṇāḥ |

saṃhāramārutaparāhatasindhuvīci-

cakrād ivojjvalitavahnimukhā bhujaṃgāḥ || 39 ||

niṣṭhyūtatīvraśikhinaḥ śitikaṇṭhamaulī-

mālākapālaśakaleṣu niśātaśalyāḥ |

niṣpetur arkakiraṇā iva karkaśeṣu

kailāsaśailaśikhareṣu surāribāṇāḥ || 40 ||

tatpātanirdalitamaulikapālapaṭṭa-

dhūmacchaṭāmalikalocanam āviśantīm |

sevāvicakṣaṇa iva śvasitair nirāsa

karṇāvataṃsabhujagaḥ śaśikhaṇḍamauleḥ || 41 ||

Luddāmadāhaparivartitajihmakoṭi-

r uttaṃsacandrakalikā śirasi smarāreḥ |

daityādhirājaviśikhāgniśikhāsahasra-

niryatsudhāsrutir abhūt saviśeṣatanvī || 42 ||

tasyāhave vikaṭapicchakalāpabhāra-

śaṅkucchalasphuṭitacandrakikhaṇḍyamānāḥ |

uddāmakopaditijādhipacāpacakra-

muktāḥ śarā viṣadharā iva saṃnipetuḥ || 43 ||

abhyāpatan muditakhecaracakravāla-

sāmājikastimitalocanacakradṛṣṭaḥ |

daityādhipo 'dbhutavidhāyi vijṛmbhamāṇa-

viśliṣṭasaṃdhiḍimaḍambaracāraṇo 'bhūt || 44 ||

ānemuṣo vijahatā dadhuṣaś ca darpa-

m ānighnatā juhuvuṣo 'bhimukhaṃ yatārāt |

tenākhilā yudhi parasparam ūyire 'tha

gāḍhaṃ śarair daśadiśo dṛḍhacāpamuktaiḥ || 45 ||

ākarṇakuṇḍalitakarkaśakāladaṇḍa-

cakrāyamāṇamaṇikārmukanirgatena |

bāṇena vakṣasi jaghāna mṛgāṅkamauli-

m ābaddhamatsaram athāvasare 'surāriḥ || 46 ||

devo 'pi dānavapateḥ pṛthujatrusīmni

tiṣṭhety udīrya śaraghātavivṛddhamanyuḥ |

preṅkhanmukhāgraśi*khinaṃ nicakhāna bāṇa-

m utsaṃkhyasaṃkhyakṛtapuṅkhatayorupuṅkham || 47 ||

notes▲
- ⸤1. ‘śikharaṃ’ kha.

tāv uttarottaraduruttaratāratamya-

tām yaddinākṛśakṛśānuparītabāṇau |

Lsaṅgrāmavartmani paraspararandhralābha-

bandhābhisaṃdhi ciram akramatām avandhyam || 48 ||