Kāvyamālā 22, OCR

Kāvyamālā from OCR-Here only canto 3

More ▾
Title Haravijaya
Commentary Viṣamapadoddyota
Author Ratnākara
Commentator Alaka
Physical description
Language/Script [Sanskrit in Latin script.]
Format e-text
Material digital
History
Date of production unclear
Place of origin
Provenance [record of ownership]
Acquisition [how it was acquired]

⸤ṣaṭcatvāriṃśaḥ sargaḥ |

sakālakūṭaṃ vahatīva yo galaṃ kalindakanyāsahitaṃ sahāryayā |
surasravantyāś ca jalaṃ samīrayankaliṃdakanyāsahitaṃ sahāryayā || 1 ||
ravibimbam ivābhiniryadaṃśucchuritākāśam athāmunā raṇāgre |
dhanurācakṛṣe ripukṣayāya sphuṭaṭaṅkāracitāṃ śriyaṃ dadhānam || 2 ||
⸤amunā hareṇa dhanurarivadhārtham ākṛṣyata | yaḥ sakālakūṭatvāt kalindakanyayā sahita⸤m iva galaṃ vahati | āryā gaurī tayā ca saha suranadītoyaṃ bibharti | dakam udakam arthād i⸤taranadīnāṃ tannyāsena hitaṃ vṛddham_ | ‘hi gatau vṛddhau ca’ | kaliṃ samīrayan pāpaṃ nirākurvan_ | ⸤sahāryayā hāryam haraṇaṃ tatsanāthayā | manoharayetyarthaḥ | ṭaṅkāreṇa dhvaninā citā yuktā | ṭa⸤ṅkena ca tvaṣṭuḥ śastrakeṇāracitā kṛtā || 1 || 2 ||
⸤(yugalakam_)
so 'bhramadvitatakārmuko raṇe mānaśevadhir udāravājibhiḥ |
taccharaiś ca girir arkatejasāmānaśe 'vadhirudāravājibhiḥ || 3 ||
sa haro mānasya śevadhir nidhir udā⸤rair vājibhir aśvaiḥ samare babhrāma | tasya ca śarair arkatejasām avadhir girir lokālokākhya ānaśe ⸤vyāptaḥ | udāravā udgataśūtkṛtirājir gamanaṃ yeṣām_ | ajer gatyarthakatvāt_ ‘ajyatibhyāṃ ⸤ca’ ity auṇādika iṇpratyayo bāhulakād bhāvasādhanaḥ || 3 ||
kṣayārkavaivasvatakālavahnibhiḥ kathaiva kā saṃharaṇakramodyataiḥ |
babhūva nātmāpy upamānam āhave durāsadatvena kapālamālinaḥ || 4 ||
4 ||
gaṇasenayā pratidiśaṃ tarasā prathamānayā samamayā ca tatam |
abhayaṃ surāripṛtanā sa*miti prathamānayā samam ayācata tam || 5 ||
    • ⸤1. ‘samitaṃ’ kha.
tarasā javena prathamā⸤nayā khyātim āyāntyā samamayā ca sābhimānayā gaṇānāṃ senayā tataṃ vistīrṇam_ | tadaiva L⸤daityasenā taṃ bhavam abhayaṃ paritrāṇaṃ samaṃ yugapad evāyācata | prathamo 'nayo 'parādho yasyāḥ ⸤|| 5 ||
Lraṇavartma himādrijāpatāvavateruṣyatha maṅgalecchayā |
surasadmabhuveva rambhaya rucirākhaṇḍalayajñayā jage || 6 ||
rucirānabhilāṣapradānakhaṇḍāṃś ca layān drutam adhyavilambitākhyān_ jānāti yā ⸤tayā rambhayāpsarasā jage gītam_ | svargabhuveva | tatpakṣe rucirasyākhaṇḍalasyendrasya yajñā ⸤yasyāṃ tayetyarthaḥ || 6 ||
śaśilekhayā śirasi yasya mugdhayā na vaśasya mānasam araṃsta naddhayā |
tam avāpya vairipṛtanā nanāśa sā navaṃśasyamānasamaraṃ stanaddhayā || 7 ||
na vaśasyānanyaparatantrasya yasya śirasi naddhayārdhacandrakalayā ⸤mānasaṃ hṛdayam araṃsta krīḍitam | taṃ navaiḥ stutibhir navam apūrvaṃ kṛtvā vā śasyamānaṃ samaraṃ ⸤yasya tādṛśaṃ haram avāpya sā ripusenā nanāśa palāyāṃcakre | stanaddhayā heṣamāṇaturagā ⸤|| 7 ||
viṣyandisāndrarudhirāruṇadhāturāga-
raktāni tasya viśikhair viśikhāsanāstaiḥ |
kṛttānyaloṭhiṣata daityaśirāṃsi gaṇḍa-
śailaśriyaṃ dadhati kāñcanaśailaśṛṅge || 8 ||
viśikhāsanaṃ dhanus tenāstaiḥ preritaiḥ | etac coktaṃ punaḥ śrutiprakarṣaṃ gamayatīti dha⸤nuṣaḥ prakarṣadhvananāya | dadhati bibhrāṇāni || 8 ||
natalokahitakriyāsamānānavamā yasya titāṃsatāṃ sadastraḥ |
yudhi śaktim asau dviṣāṃ sma ha*rtuṃ navam āyasyati tāṃ satāṃ sadastraḥ || 9 ||
    • ⸤1. ‘hantuṃ’ ka.
yasya vibhor nataṃ lokaṃ prati hitakriyā ⸤asamānā lokātītā anavamā ca sarvotkṛṣṭā asau yudhi śaktiṃ titāṃsatāṃ vistārayi⸤tum icchatāṃ satām arīṇāṃ tāṃ śaktim upahartuṃ navaṃ kṛtvā āyasyati sma saprayatno 'bhūt_ | ⸤sadastraḥ śobhanāyudhaḥ | sadāṃsi ca sabhāstrāyate rakṣati yaḥ || 9 ||
turagakhuraśikhānipātapiṣṭatridaśamahīdhranitambadhūlipuñjaiḥ |
kapiśabalam athāmarāricakraṃ sphuṭam iva jāmbavadṛkṣasainyam āsīt || 10 ||
kapiśaṃ dhūsaraṃ balaṃ ⸤sainyaṃ yasya | jāmbavannāmnaś ca ṛkṣasyācchabhallasya sainyaṃ kapibhiḥ śabalaṃ vicitram_ || 10 ||
senābhir asyākriyatāricakram ahāsam ājāv aniśaṃ sitābhiḥ |
yaśaśchaṭābhir dadhato 'tha lakṣmīṃ mahāsamājāvaniśaṃsitābhiḥ || 11 ||
ājau raṇe ripucakram asya senābhir ahāsaṃ kṛtam | aniśaṃ sadā sitābhiḥ śubhrābhiḥ | maL⸤hatyā samājāvanau sabhābhuvi śaṃsitābhiḥ stutābhiḥ || 11 ||
Lsasṛje śaravṛṣṭir andhakād yair ditijais tatra vicitrahemapuṅkhā |
vimukhīkriyate sma sā patantī paṭuhuṃkāraravaiḥ svayaṃprabheṇa || 12 ||
svayaṃprabho nāma gaṇaḥ ⸤|| 12 ||
gīrvāṇavṛndam asurān adhisaṃyugorvi-
nāśakrameṇa samamardayataḥ samāyān |
matto mataṅgaja ivāśu sarojakhaṇḍa-
nāśakrameṇa sa mamarda yataḥ samāyān || 13 ||
sa gaṇaḥ saṃyugabhuvi samāyān saṃmukham āgatān asurān ambujakhaṇḍasya yo nāśas tatkra⸤meṇa mamarda vyanāśayat_ | ata evāsau gaja iva | asurāṃs tu nāśakram api tu saśakraṃ ⸤surasamūham eṇasamaṃ mṛgavadardayato ghnataḥ | tathā samāyān savyājān upasarpataḥ || 13 ||
tadguptyai raṇabhuvi nandiṣeṇamukhyā daityendraṃ pratimumucur mahāstravṛṣṭīḥ |
śṛṅgīvātanuku*liśāśribhinnasaṃdhis tābhiḥ sa drutam atha bhaṅguratvam āpat || 14 ||
    • ⸤1. ‘kuliśāśribhir na’ stha.
śṛṅgī ⸤nagaḥ | sa iti daityendraḥ || 14 ||
yudhi bhān nihatena vairiṇā sa hi ḍimbena jaṭāsurājitaḥ |
atha bhīma ivābhyayuṅkta tān sahiḍimbena jaṭāsurājitaḥ || 15 ||
(ḍimbena) bāhuyuddhena nihato vairī tena bhān_ dīpya⸤mānaḥ jaṭābhiś ca suṣṭhurājitaḥ sa gaṇas tān asurān bhīmasena ivābhyayuṅkta yuddhāyāhūtavān | ⸤bhīma......hiḍimbanāmā rākṣasaḥ | sa evenaḥ svāmī tena saha vartamānena jaṭākhyenā⸤sureṇājitaḥ | eṣa cārtho dvitīyapādasya śliṣṭoktirūpatvād adhigata iti yamakavyasanita⸤yaiva turīyapādasyopādānaṃ na tvasya puṣṭārthatā kācit_ | evaṃ tarhi hiḍimbajaṭāsurayos ta⸤dānīm api saṃbhavād atra samagram eva viśeṣaṇajātam ubhayor apy upamānopameyayor yojyata iti nāsti ⸤doṣaḥ || 15 ||
ājaghnur atrāvasare 'tha daityagaṇādhipāḥ saṃgararāgabhājaḥ |
kodaṇḍasaṃvartakameghacakrakreṃkāragarjāravapūritāśāḥ || 16 ||
daityānāṃ gaṇānāṃ cādhipāḥ saṅgrāmarāgaṃ ye bhajante yodhās tān ājaghnuḥ | ⸤atra hanteḥ sakarmakatvāt_ ‘āṅo yamahanaḥ’ ity ātmanepadābhāvaḥ || 16 ||
jaghāna tāṃs tridivabhido 'ripauruṣaṃ sa hāravān akalayato 'vadhānataḥ |
jigāya ca stanitamathāmbuvāhināṃ sahāravānakalayato 'vadhānataḥ || 17 ||
sa gaṇo hā⸤ravānarīṇāṃ pauruṣam akalayato 'gaṇayatas tān asurān avadhānata ekāgratayā jaghāna | tathā sa⸤hāraveṇa vartamāneṣv ānakeṣu paṭaheṣu layād vādanavyasanād ambudānāṃ garjitam ajayat_ | avadhaiL⸤r yeṣām anena na vadho vihitas tair ānataḥ kṛtapraṇāmaḥ || 17 ||
Lśriyam āpa sa candraśālikāntāṃ ciram āsevitabhasmapāṇḍurāṃ saḥ |
sphuṭasaudhatalasthitāṃ tadānīṃ dadhad āyodhanavartivīkṣitaśrīḥ || 18 ||
candreṇāvaśyaṃ śālamānaḥ ⸤kāntaḥ śivaḥ paryanto yatra tādṛśīṃ śriyaṃ dadhat sa bhagavān āpa samāyayau | saudham amṛtamayaṃ ⸤talaṃ yasya sāmarthyāc candramasaḥ | asmād aupacchandasikāt pratipādamantyākṣaralope vaitālī⸤yam ullasati | tatra sa devaḥ śriyaṃ bibhratsaudhatale harmyapṛṣṭe sthitāṃ candraśālikāṃ pragrīvakaṃ ⸤catuṣkikāṃ vā prāpad ityarthaḥ || 18 ||
nijaghāna nāsuravarūthinīṃ javān na batāyam ānaki raṇaṃ samāśritām |
śriyam asya śūlam atanoc ca saṃdadhan navatāyamānakiraṇaṃ samāśritām || 19 ||
batāścaryamayaṃ devo daityasenāṃ javena na nijadhāna⸤na | api tu hatavān eva | ānaki paṭahavad raṇaṃ samāśritāṃ prāptām_ | samā aśrayo yasya ⸤tadbhāvaṃ dadhānam_ | navaṃ kṛtvā tāyamānā bahalībhavantaḥ kiraṇā yasya tādṛśaṃ ca śūla⸤m asya śobhām atanot_ || 19 ||
śeṣaḥ kim eṣa na kim asya phaṇāsahasra-
m ālokyate himagirir nanu niścalaḥ kim |
ity āhavābhimukham indukalāvataṃsa-
m āyāntam īkṣya samaśerata daityayodhāḥ || 20 ||
20 ||
raṇamūrdhni vicitraśastrajālair vyadhamandānavasādino 'bhiyātān |
pramathā rabhasena yudhyamānā vyadhamandānavasādino bhiyā tān || 21 ||
vyadhe tāḍane mandān alasāṃs tān dānavānāṃ sādino ⸤'śvavārān vyadhaman dikṣu prerayāmāsuḥ | pāghrā—’ ādisūtreṇa dhmo dhamādeśaḥ | bhiyā ava ⸤sādino vikalān_ | abhiyātān saṃmukham āgatān_ || 21 ||
ghaṭitaparikaro 'tha nālikābhiḥ prakaṭitavistṛtakālakhaṇḍanābhiḥ |
divasa iva nipatya gṛdhracakrair yudhi pidadhe mṛtavigrahaḥ sa teṣām || 22 ||
nālikā nāntikā (?) gha⸤ṭikā ca | kālakhaṇḍaṃ kālamāṃsam | nābhiḥ śarīrāvayavaḥ | kālasya ca truṭikalādeḥ ⸤khaṇḍanam atikrāntiḥ || 22 ||
sa prāṃśur ojasy asurān sma hantuṃ na hastirodhī yatate nave 'gāt |
senārajobhiḥ samare ca tasminn ahas tirodhīyata tena vegāt || 23 ||
sa devo daityān nihantuṃ na yatate sma | tān avajñayāvadhīd i⸤tyarthaḥ | yasmād ojasi nave viṣaye prāṃśur unnato hastirodhī ca | tena ca raṇe tasminn agād gire L⸤rajobhir ahardinaṃ vegāt tirodhīyata sthagitam_ || 23 ||
surāribāṇair atha hanyamānas tadā cakampe na mṛgāṅkamauliḥ |
bhujaṃgabhīmaiḥ kṣubhitāmburāśes taraṅgabhaṅgair iva tīraśailaḥ || 24 ||
24 ||
Lsa surayuvatibhir mṛdhe vivalgannavaśavalannayanābhir abhramābhiḥ |
vidadhad asakṛd aikṣyata svakāntyā navaśabalaṃ nayanābhirabhramābhiḥ || 25 ||
abhraṃ nabhaḥ sa kāntyā na⸤vaṃ śaṃ......kṛtvā valannayanābhir bhramannetrābhir abhramābhir bhramaśūnyābhir ābhiḥ | nayasya nīte⸤r nābhir agrimaṃ sthānam_ || 25 ||
vakṣaḥ śilāghanam atheṣubhir ullilekha
tasyāndhako 'dhiraṇasindhu vivartamānaḥ |
śṛṅgāgrakoṭibhir adhokṣajabāhuyantra-
mandīracakram iva mandarabhūdharendraḥ || 26 ||
bāhuyantram eva mandīraṃ manthānadhāraṇakaṭakaḥ || 26 ||
abhāji sakreṅkitam asya kārmukaṃ namat sareṇāvahitasya sādinaḥ |
ra*ṇe pṛṣatkān kirato 'tha śaṃbhunā na matsareṇāvahitasya sādinaḥ || 27 ||
    • ⸤1. ‘bale’ kha.
a⸤syāhitasya ripor namat kārmukaṃ sareṇau sarajasi raṇe śaṃbhunā bhagnam_ | sādino 'śvārohasya ⸤matsareṇa hetunā nāvahitasya | pārameśvaraṃ tattvam ajñātavata ityarthaḥ | sādino 'vasādakān_ ⸤|| 27 ||
taṃ jaghāna ripumattakāśinīvaktrapaṅkajavanakṣapākṛtā |
ardhacandraviśikhena dānavo maṇḍalīkṛtadhanuścyutena saḥ || 28 ||
mattakāśinī mukhyā yoṣit_ || 28 ||
kīrtiṣv avasthitamanā bhayado bhuvātha
sadyogajāsu ravadhūnitayā samāṃsaḥ |
kīrtiśriyā samuditaḥ samare cacāra
sadyo 'gajāsuravadhūnitayāsamāṃ saḥ || 29 ||
sadyogajāsu sādhusaṃbandhajanitāsu ⸤kīrtiṣu sthiracetāḥ sa harī raṇe cacāra | raveṇa dhūnitayā kampitayā bhuvā bhayapradaḥ sa⸤māṃso māṃsalaḥ | pīvara iti yāvat_ | sadyas tatkṣaṇam eva kīrtiśriyā yuktaḥ | na gajāsu⸤ravadhūbhir ūnitayā parityaktayā | tābhir vaidhavyacaryayā prakāśitayetyarthaḥ | akāro 'tra pra⸤śliṣṭaḥ | asamāṃsaś ca lokottaraskandhaḥ || 29 ||
prahlādādibhir atha sainyabhaṅgam ājau paśyadbhis tvaritam upetya daityanāthaiḥ |
jaghne sa* triśikhakṛpāṇabāṇavṛṣṭyā kālābhrair iva śikharī saghoragarjaiḥ || 30 ||
    • 2. ‘sma’ kha.
30 ||
raṇabhuvam ajito 'vatīrya dhāmnā samaravi mardanatāṃ tatāṃ tadāpat |
tridaśagirir api smarārisenāsamaravimardanatāntatāṃ tad āpat || 31 ||
dhāmnā samo ravir yatra tathā L⸤kṛtvā sa haras tadā tatāṃ vistīrṇāṃ mardanatāṃ vipakṣāṇāṃ kṣobhakatvam āpal lebhe | merur api ta⸤d āpat teṣāṃ daityānām āpad bhūtaḥ senāsamarasya vimardena natā antā yasya tadbhāvam āpad iti ⸤prakṛtaiva kriyānuṣajyate || 31 ||
Lprasṛtavahniśikhāsaralāṅguliṃ sa* yamahastam ivātha śilīmukham |
yudhi sasarja ruṣā suravidviṣe sa vapur asya nināya kabandhatām || 32 ||
    • ⸤1. ‘samayahasta’ ka.
32 ||
sa guṇai raṇeṣv api yaśaḥpaṭaṃ tato 'mṛduvāyaseṣu samado rasaṃ gataḥ |
rucimān dhanurmukharayandviṣaccamūmṛduvāya seṣu samadorasaṅgataḥ || 33 ||
amṛduvāyaseṣu krūrakākeṣu raṇeṣu sa devo yaśaḥ⸤paṭam uvāya vyūtavān_ | ‘veñ_ tantusaṃtāne’ | guṇāḥ śauryādayas tantavaś ca | samado madena saha ⸤vartamānaḥ | rasaṃ gato raṇarāgaṃ prāptaḥ | asaṅgato 'prasaktyā avahelayaiva seṣu saśaraṃ ca dha⸤nuś cālayann arisenāṃ mṛdnāti yaḥ | samau ca yogyau ājānuvilambinau doṣau bāhū yasya ⸤saḥ || 33 ||
ekatra tridaśagaṇair abhidrutānām anyatra pramathabalaiś ca dānavānām |
kīrtyaivāhavabhuvam ujjhatām aśeṣāṃ paryāptā daśa kakubho 'pi no babhūvuḥ || 34 ||
kīrtyaiva ripukīrtanamātreṇa yaśasaiva ca || 34 ||
nākadviṣām atha gaṇaṃ yudhi ca*kṛvāṃsa-
m āyāsabhājamahitāntakaraṃhasaṃ tam |
tuṣṭāva sāmbarasadāṃ muditāvarugṇa-
māyā sabhājam ahitāntakaraṃ hasantam || 35 ||
    • 2. ‘cakrivāṃsaṃ’ ka; ‘carkṛvāṃsaṃ’ kha.
sā surāṇāṃ sabhā bhagna⸤māyā satī tamajaṃ tuṣṭāva | yato daityānāṃ gaṇamāyāsabhājam eva cakṛvāṃsaṃ kṛtavantam_ | ⸤atra ‘yudhi cakrivāṃsaṃ’ iti kvacit pāṭhaḥ | sa tu na yuktaḥ | krādiniyamādiṇniṣedhaprāpteḥ | ⸤ahitānām arīṇām antakaṃ vināśakaṃ raṃho yasya | ahibhis tāntāḥ khinnāḥ karā yasya | ⸤hasantaṃ ca sāṭṭahāsam_ || 35 ||
daityānīkeṣv āyasasa*ṃnāhanipātād ākarṇyoccais tārakhaṇatkāram asīnām |
sasmāraugho nākasadāṃ parvatapālīpakṣacchedakrūravirūkṣadhvanitānām || 36 ||
    • 3. ‘nāṃ tāhanipātāt_’ ka.
36 ||
sa mānayāmāsa dṛśāsamānayā samānayā saṃyati bhāsamānayā |
samānayādreḥ sutayāsamānayā samānayāto 'virahaṃ samānayā || 37 ||
sa devo nākināṃ samūham asamānayā lokottarayā ⸤samānayā sapramāṇayā bhāsamānayā ca dṛṣṭyā mānayāmāsa | nāsti viraho yatra tathākṛtvā ⸤umayā samānayātaḥ sahagataḥ | samānayā sābhimānayā | asamo 'naḥ prāṇo yasyās tayā | L⸤saha ca mānena jñānena pūjayā vā vartamānayā || 37 ||
Lditijasamitināyakena tasminn atha raṇavāsagṛhe viluptamānā |
kusumaśararipoḥ priyeva bhejenavanakharājividāritorudaṇḍā || 38 ||
ditijānāṃ samitiḥ samūhas tasyā ⸤nāyakena vibhunā smarāreḥ saṃbandhinī priyeva bheje | seneti sāmarthyāt_ | ‘madanaripucamūḥ’ ⸤iti tu yuktaḥ pāṭhaḥ | nāyakaḥ kāmuko 'pi | māno dairghyādiparimāṇamahastāvaś ca (?) | ⸤nāsty avanaṃ rakṣā yatra tādṛśī yā kharā viṣamā ājis tatra vidāritā uravo daṇḍāḥ ke⸤tavo yasyām_ | navābhiś ca nakhānāṃ rājibhiḥ kṣatapaṅktibhir vidāritāv ūrūdaṇḍo yasyāḥ || 38 ||
sa mānasīm āttasamānasīmā sindhor vidhāyārijanasya pīḍām |
hasann iveśaṃ sahasanniveśaṃ sphuratkapolāmalakāntir asthāt || 39 ||
⸤sa daityanāthaḥ śatrujanasya mānasīṃ pīḍāṃ kṛtvā kapolakāntiyogād īśaṃ sakaṭakaṃ hasann i⸤vāsta | sindhoḥ samudrād āttasamānasīmā gṛhītacitta(tocita)maryādaḥ || 39 ||
nirāsa taṃ bāṇagaṇair gaṇādhipas tato 'sya tenāpratimena karmaṇā |
jagāma vailakṣyagṛhītatanmukhatviṣeva sārdhaṃ paripāṇḍutāṃ yaśaḥ || 40 ||
40 ||
akṛta yudhi vināyako vidviṣāṃ na ca kam atanutāpadāvaṃ citam |
mṛ*tam amaravadhūḥ śritā vibhramān acakamata nutāpadā vañcitam || 41 ||
    • ⸤1. mṛtam ityādi pādaḥ ka-pustake nāsti.
⸤vināyako gaṇādhipaḥ kaṃ ca ripum atanus tāpa eva dāvo yasya tādṛśaṃ nākarot_ | citaṃ ⸤pravṛddham_ | amaravadhūś ca yudhi saṃmukhaṃ hatatvād āpadā vañcitaṃ vipadā tyaktaṃ mṛtaṃ yodham acaka⸤mata prārthayāṃcakre | nutā vallabhalābhena ślāghitā || 41 ||
bhogīndrabhogāyatabaddhaśobhapraveṣṭanābhiḥ sa* raṇājirorvyām |
vyarājata kṣīrasamudramanthasarambhasajjīkṛtamandaraśrīḥ || 42 ||
    • 2. ‘sma’ kha.
bhogīndrāṇāṃ śarīreṇa baddhaśo⸤bhau praveṣṭau bhujau nābhiś ca yasya | mandaras tu vāsukeḥ prakṛṣṭābhir veṣṭanābhir abdhimathanasamaye ⸤vyarucat_ || 42 ||
mukhaśriyaṃ bibhrad asau vinirjitasvaruṃ tu dantena samānanāgatām |
jaghāna meghān vyatipetivān raṇe svaruṃtudaṃ tena samānanā gatām || 43 ||
asau tu gaṇapatir dantena vinirjitaḥ svarur vajraṃ yayā tādṛśīṃ mukhaśobhāṃ ⸤tathā samaṃ yogyaṃ yadānanaṃ mukhaṃ tadāgatām_ | samānanāgatāṃ nāgena sārūpyaṃ dadhānaḥ svaruṃ⸤tudaṃ suṣṭhumarmāvidham ariṃ tena dantena hatavān_ || 43 ||
stamberamā vinihitāñcitacīnapiṣṭa-
vispaṣṭapāṭalim asaṃbhṛtakumbhaśobhāḥ |
Lsaṃbhāvitāḥ pradhanamūrdhni dadhur madāmbhaḥ-
sa*ṃbhāriṇo gaṇapateḥ parivāralīlām || 44 ||
    • ⸤1. ‘saṃbhāvinaḥ’ ka.
saṃbhāvitā yogyatayā matāḥ || 44 ||
katham api sānakapaṭahā raṇabhūmīḥ prāpya varcasā na kapaṭahā |
sthagitāśo 'bhanagaṇḍaṃ druhiṇasya dadhan mukhaṃ sa śobhanagaṇḍam || 45 ||
L⸤mahānakair bherībhiḥ paṭahaiś ca vartamānā raṇabhuvaḥ prāpya sa gaṇeśo brahmaṇo 'ṇḍaṃ katham api nābha⸤nak_ kenāpi prakāreṇa na bhinnavān_ | varcasā tejasā sthagitadik_ | kapaṭahā parakīyaṃ ⸤vyājaṃ hatavān_ || 45 ||
vya*carat tarasātha ṣaṇmukho yudhi śaktyobhayarūpayā śritaḥ |
asamārcir ivāhutīr vahansphuṭasaṃpannavaṣaṭpadāḥ srajaḥ || 46 ||
    • 2. ‘vyarajāt_’ ka.
sāmarthyam āyudhabhedaś ca śaktir ubhayarūpā | sphuṭasaṃpado navāḥ ṣaṭ_⸤padā alino yāsu | sphuṭaṃ kṛtvā ca saṃpannaṃ vaṣaḍ iti padaṃ yāsu || 46 ||
surayuvatijanasya tatra nānāsurabhidi vibhramadakṣatāmalāsīt |
śriyam atanuyaśaś ca tasya śubhraṃ surabhi divi bhramadakṣatām alāsīt || 47 ||
nānādaityabhe⸤dini tatra surastrīlokasya nirmalā vibhrameṣu dakṣatā prauḍhatvam āsīt_ | tasya ca surabhiśreṣṭhaṃ ⸤divi ca bhramadyaśaḥ śobhāmalāsīj jagrāha | ‘lā ādāne’ | akṣatām akhaṇḍām_ || 47 ||
saṃvartameghamalinā dadhato 'tha taikṣṇya-
m akṣuṇṇapāṭavajuṣaḥ pratipakṣabhe*de |
tasyo*daghāniṣata daityabhaṭāḥ kṛpāṇa-
paṭṭāś ca gāḍhaparivāragaṇāḥ sva*sainyaiḥ || 48 ||
    • 3. ‘bhedī’ kha.
    • 4. ‘udakhāniṣata’ ka.
    • ⸤5. ‘susainyaiḥ’ kha.
⸤taikṣṇyaṃ niṣkaruṇatāpi | udaghāniṣata ūrdhvaṃ hatā utkṣiptāś ca | parivāraḥ koṣo 'pi || 48 ||
raṇāṅganorvīṃ dadhad āhitonmadadvipakṣayo dhāma sa kṛttadānavaiḥ |
cakara bāṇair bahulāsutaḥ skhaladvipakṣayodhām asakṛt tadā navaiḥ || 49 ||
⸤bahulāsutaḥ kārtikeyas tadā kṛttadānavaiś chinnadanujair navaiś ca śaraiḥ skhalanto vipakṣāṇāṃ yodhā ⸤yatra tādṛśīṃ samarabhūmiṃ kṛtavān_ | dhāma tejo dadhat_ | āhitaś conmadānāṃ dvipānāṃ ⸤kṣayo yena || 49 ||
niḥśeṣāṃ sakanakakambunetraśobhaḥ saṅgrāmāvanikalaśīṃ viloḍya śatroḥ |
rīḍhābhiḥ prakaṭitasāra eka uccair vaiśākhaḥ sapadi babhūva bāhudaṇḍaḥ || 50 ||
netraṃ dukūlaṃ nayanaṃ vā, manthānarajjuś ca | rīḍhāḥ śatruṣv avamānāḥ kṣo⸤bhāś ca | sāro balaṃ navanītaṃ ca | vaiśākhaḥ kumārasaṃbandhī manthānadaṇḍaś ca || 50 ||
Ldaityān ahimahima himataro 'ddhā roddhā dalayati yatibhayahṛdyaḥ |
hṛdyaḥ sa jagati gatihṛdasaṃkhye saṃkhye kṛtaratir atigurur āsīt || 51 ||
aheḥ L⸤śeṣasya mahimā yatra hitam upakārakaṃ taraḥ syado yatra tathā kṛtvā addhā niścitaṃ yo 'surān da⸤layati sa kumāro hṛdyaḥ saṃkhye raṇe kṛtaratitvād atiguruś cāsīt_ | roddhā ripūṇāṃ pratiṣe⸤dhakaḥ | yatīnāṃ bhayaṃ harati yaḥ | gatiṃ ca harati yaḥ | sāmarthyād arīṇām_ || 51 ||
mahājigoṣṭhīpratibaddhasauṣṭhavair vidagdhalokair iva karṇaśālibhiḥ |
tad āhave satkavikāvyapāyibhir dadhe mukhaśrīḥ pṛtanāturaṅgamaiḥ || 52 ||
turagāḥ ⸤karṇaśālinaḥ supramāṇakarṇatvāt_ | vidagdhās tu sadasadarthāvadhāraṇāt_ | satkavikābhir avya⸤pāyābhiḥ (sahitaiḥ) satkavīnāṃ ca kāvyaṃ pibanti ye taiḥ || 52 ||
sa senayā jaganmanomṛdur vaśīkayā jitaḥ |
aviskhalaṃs tadā ruṣāmṛdurvaśī kayājitaḥ || 53 ||
jagatāṃ manaḥpramāthi⸤ny urvaśī yatra tādṛśyā senayā kumāraḥ kayā jitaḥ na kayācit_ | ruṣā kopenāmṛduḥ krūraḥ | ⸤vaśī jitendriyaḥ | ājitaḥ samare | ādyāditvāt tasiḥ || 53 ||
gurumuṣṭighātaparipīḍitaṃ javād vinipātya vṛtram atha kuñjarānanaḥ |
paraśuprahāravikaṭavraṇorasaṃ sa sahasramāyam akarot parāṅmukham || 54 ||
paraśuprahārair vikaṭā ⸤vraṇā yasmāt_ | arasaṃ vīrarasaśūnyam_ | vikaṭavraṇam uro yasyeti tu na yuktam_ | ‘uraḥprabhṛ⸤tibhyaḥ—’ iti kapprasaṅgāt_ | ‘samāsāntavidhir anityaḥ’ iti ca kabvidhau na śakyate va⸤ktum_ | ‘śeṣād vibhāṣā’ iti sūtrārambhāt_ || 54 ||
kedārayantaṃ samadantamālam arātilokaṃ śaralāṅgalānām |
ke dārayantaṃ samadaṃ tamālanīlaṃ hariṃ jetum alaṃ babhūvuḥ || 55 ||
śarā eva lāgalāni halāni teṣām a⸤rijanaṃ kedārayantaṃ kṣetraṃ kurvāṇaṃ samā dantamālā yasya tādṛśaṃ ca hariṃ ke daityāḥ | paribhā⸤vituṃ samarthā babhūvuḥ | dārayantaṃ dviṣo ghnantam_ | samadaṃ sāhaṃkāram_ || 55 ||
savisarāsurasāravasāsave suravaro viarāsurasāsravaḥ |
sa varavīravasāv uruvairisūr avasare virasaṃ virarāsa saḥ || 56 ||
sa surāṇāṃ ⸤varo haris tasminn avasare virasaṃ virarāsa dhvānam akarot_ | savisarā prasarantī surāṇāṃ sāra⸤bhūtā vasaivāsavaṃ pānaṃ yatra | vivare rasātale ye 'surās teṣv api sāsravaḥ kleśaiḥ saha vartate | ⸤tadvartino 'pi daityān abādhiṣṭetyarthaḥ | avivaraṃ vā saṃtataṃ kṛtvā | saha ca varair vīrair vasubhiś ca ⸤suraviśeṣair vartamāne | vasu vā tejaḥ | uruvairisūr mahatām api ripūṇāṃ prerakaḥ || 56 ||
(tryakṣaraḥ)
maṇiśatakarabhāsurāṅganānāṃ ditijacamūghaṭamānasaṃsadaṃ saḥ |
akṛta ca samaraṃ surāṅganānām atanu dadhac chucimānasaṃ sadaṃsaḥ || 57 ||
sa haL⸤rir ditijānāṃ camūbhir yujyamānā saṃsadā sabhā yatra tādṛśaṃ samaraṃ dhārayann apsarasāṃ mānasa⸤m atanuṃ kṛtvā śuci prītyā viśadam akarot_ | sadaṃsaḥ suskandhaḥ || 57 ||
Ljetā vegāṃs tīvrabhā vāyavīyān vṛtrārāter baddhabhāvā yavīyān |
śrutvāhṛṣyat tatra cāṇūrapīḍāḥ prākkartāsau dṛptacāṇūrapīḍāḥ || 58 ||
vṛtrārāter indrasya ⸤yavīyān anujo viṣṇur aṇūrapīḍāḥ svalpā api stutīr ākārṇyāhṛṣyat_ | yatas tā baddhabhāvāḥ sā⸤kūtāḥ | asau tu vāyavīn vegāj jetā vāyor api caturagatiḥ | tīvrabhā duḥsahadyutiḥ | cāṇū⸤rākhyasya ca daityasya pīḍāḥ prathamam eva vidhātā || 58 ||
bhāty ākāśaśyāmale yasya dehe vāsaśchāyā san navā pītaraṅgā |
paryaṣkāri dvārikā yena pūrvaṃ nānāharmyāsannavāpītaraṅgā || 59 ||
vapuṣi navā vāsasaś chāyā sa⸤ñ śobhanaṃ kṛtvā cakāsti | pītaraṅgā kapiśavarṇā | raṅga iti raṅgater gatyarthasya ghañi rūpam_ | ⸤yena ca nānāvidheṣu haryeṣv āsannā vāpīnāṃ taraṅgā yasyāṃ tādṛśī dvārikākhyānagarī ⸤paryaṣkāri bhūṣitā || 59 ||
raṇe natā yena ripor varūthinī sahāsam āsannavadhe 'nukampitā |
śaśaṃsa yaḥ sīriṇam ahavakriyāsahāsamāsannavadhenukaṃ pitā || 60 ||
āsannavadhe 'pi raṇe yena natā satī ripucamūḥ sahāsaṃ kṛtvānu⸤kampitā | āhavakriyāyām asamarthaḥ sāmarthyarahito 'ta evāsamo nyūno 'sannasādhunavaś ca ta⸤ruṇo dhenukanāmāsuro yasya tādṛśaṃ ca sīriṇaṃ yaḥ ślāghitavān_ | pitā janakaḥ sarveṣāṃ ⸤pālakatvāt_ || 60 ||
saṃpraty arātipṛtanāḥ sahasā vijitya
tā rakṣa vīra samare cakitāḥ samāyāḥ |
ityarthivāgbhir ajahāt sa tu tās tatīr na
tārakṣavīr asamarecakitāḥ samāyāḥ || 61 ||
sa harir ittham arthināṃ vāgbhis tā arātipṛtanā jahau | na tu ⸤tarakṣur nāma daityas tatsaṃbandhinīs tatīr yodhapaṅktīḥ | yasmād asamarecakitā maṇḍalair bhrāntāḥ sa⸤māyāś ca savyājās tāḥ | kiṃvidhā vāca āha—he vīra, samāyāḥ samagatīs tā ripusenāḥ ⸤samare vijitya sāṃprataṃ rakṣa prasādena yojaya | yataś cakitāḥ sabhayāḥ || 61 ||
vahati karatalena baddharāgaṃ raṇadali tāmarasaṃ ca yaḥ sahāsam |
yudhi mayatanayo 'munā nijaghne raṇadalitāmarasaṃcayaḥ sahāsam || 62 ||
raṇadali ⸤kvaṇadbhramaraṃ sahāsaṃ ca vikasvaraṃ tāmarasaṃ kareṇa dhatte tenāmunā mayākṣyasyāsurasyātmajaḥ ⸤sahāsaṃ hasitena saha nihataḥ | raṇe dalito 'marāṇāṃ saṃcayaḥ samūho yena saḥ || 62 ||
nākaukasāṃ vidadhatīḥ pṛtanās tadānīṃ
vyāpāryamāṇakaravālalatā nikṛttāḥ |
Lsenāḥ śarair danubhuvo 'nugato balena
vyāpāryamāṇakaravālalatā nikṛttāḥ || 63 ||
sahaL⸤rir vyāpāryamāṇābhiḥ karavālalatābhir nikṛttāś chinnās tridaśānāṃ pṛtanāḥ kurvatīr andhakasya ⸤tāḥ senāḥ śarair vyāpa sthagitavān_ | lalatā valgatā balena sīriṇānusṛtaḥ | aryamāṇo ⸤jñāyamānaḥ ke śirasi ravaḥ śarapātajanito yāsām_ | nikṛntatīti nikṛt_ nikarāṇāṃ ⸤chettā || 63 ||
diśi diśi śamayadbhir dūram anvīyamānaṃ
divasakaram arīṇāṃ cāmarair vījyamānam |
samiti ripugaṇo 'nyair nātisaṃrambhavegā-
d iva sakaram arīṇā cāmarair vījyamānam || 64 ||
sakaraṃ saraśmikam api divasakaraṃ sthagayadbhir arīṇāṃ cāmarair vījyamānam amaraiś ca ⸤vījyamānaṃ viśeṣeṇejyamānam abhyarcyamānaṃ taṃ hariṃ ripujano 'bhiyayau | arīṇām agatīnām_ | ⸤nāsti rīr gatir yeṣām iti kṛtvā | ‘rī gatireṣaṇayoḥ’ | atra ‘vāmi’ iti vikalpena ⸤‘neyaṅuvaṅ_—’ iti pratiṣiddhāyā api nadīsaṃjñāyāḥ pakṣe 'bhyanujñātatvātannibandhano nuḍāgamaḥ ⸤|| 64 ||
sthitavati tatra go*ptari bhaṭais tridaśāṅganābjinī-
savitari tuṅgatodayam anekapa*rājayor jitāḥ |
ditijagaṇasya bhītim atidurdharatāṃ dadhau kriyāḥ
sa vitarituṃ gato 'dayam anekaparājayorjitāḥ || 65 ||
    • ⸤1. ‘yoptari’ kha.
    • 2. ‘parājayor jitaḥ’ kha.
tridaśāṅganā evābjinyas tāsāṃ savitari vikāsajanakatvāt sūrye tasminn acyute tu⸤ṅgatāyā aunnatyasya udaya ullāso yatra tathā kṛtvā sthite sati bhaṭair anekapānāṃ rājayo ⸤dvipaghaṭā arjitāḥ | sa ca harir adayaṃ kṛtvā daityānāṃ bhayaṃ vitarituṃ dātuṃ durdharatvaṃ gato ⸤na kasya ripoḥ parājayenorjitāḥ samṛddhāḥ kriyāḥ babhāra || 65 ||
bibhradbhujau muraripuḥ pratipakṣabhānu-
r āhū tadā navacamūr avadhūyamānāḥ |
ā*śiśvasat sumanasāṃ pṛtanāś camūbhi-
r āhūtadānavacamūr avadhūyamānāḥ || 66 ||
    • 3. ‘āśvāsayat_’ ka-kha.
pratipakṣā eva bhānava⸤s teṣāṃ rāhū grasanodyatatvena tatsadṛśau bhujau bibhrat tadā harir asurāṇāṃ dhvajinīr āśiśvasat_ | ⸤yatas tā navā bālā yāś camūrāṇāṃ vadhvastā ivācarantīḥ | bhītā ityarthaḥ | camūbhi⸤parakīyābhir avadhūyamānāḥ prathamaṃ cāhūtā yuddhāyāgū(kā)ritā dānavānāṃ pṛtanā yābhiḥ L⸤|| 66 ||
Ltri*divavartma ghaṭitān sahasāhitakampayā
sa*madanāgamatayā tarasā rathino dadhau |
raṇamayagahane valinā ruruce śriyā
samadanāgamatayātarasārathinodadhau || 67 ||
    • ⸤1. ‘tridaśa’ kha.
    • 2. ‘samara’ kha.
tridivavartma svargamārgaḥ sa rathino vīrān dadhau | samadano 'psarodarśanāt sakāma ⸤āgamo yeṣāṃ tadbhāvena sahasā apratarkitaṃ tarasā ca vegena saṃghaṭitān_ | tathā ca raṇamaye ⸤udadhau samarasamudre balavatā hariṇā śriyā śuśubhe | āhitakampayā ripūṇāṃ ca kṛtabha⸤yayā | samadaiḥ sarāgair nāgair hetubhir matayābhipretayā | ataro durlaṅghyaḥ sārathir yasya hareḥ || 67 ||
puropavanapaddhatīr vasatir ambarastrīśriyā-
madhūnitarasāpapāvanatamānasānuttamāḥ |
praviśya ca ratotsukā navatamālavalligṛhaṃ
madhūni tarasā papāvanatamānasānuttamāḥ || 68 ||
⸤ambarastrī suraramaṇī śriyāṃ sthānaṃ nagaropa............[itaḥparaṃ ṭīkā nopalabdhā |]
sa saṃyati patattriṇāṃ nijarucārikāntīr jaya-
nn amandarasamāṃsadorjitama*daḥ samāyojayan |
vyathām agamad u*ddhato ditijamaṇḍalaṃ mṛtyunā
namandarasamāṃsadorjitamadaḥ samāyojayan || 69 ||
    • 3. ‘madāḥ’ ka.
    • 4. ‘duṣṭato’ ka.
diśi diśi vīrabhadra ucitān niveśya pṛtanābhaṭān vidalaya-
n pramathanava*stuto 'tra samatāsakhedam akarod arātigajavān |
vigalitasaṃprahārarabhasaṃ dadhānam amarārisainyam atanu
pramathanavastutotra*samatāsakhedamakaro darātigajavān || 70 ||
    • 5. ‘vastuto ⸤bhramamatā’ ka.
    • 6. ‘bhramamatā’ ka.
saśrīmān amṛdur nisargagahane darpān nikṛttadviṣo
va*ṃśyaś cāruyaśas tadā dadhad adhaḥ sadyo hṛ*taśrīripoḥ |
dattārgho nayamārgagocaraguṇaḥ pu*ṣṭībhavanmāraṇe
sevānamralasa*tkarāñjalipuṭair vītāriśaṅkaṃ suraiḥ || 71 ||
    • 7. ‘vaṃśaḥ’. ka.
    • 8. ‘hita’ kha.
    • 9. ‘praṣṭhībhavan_’ ka.
    • ⸤10. ‘sañśarāñjali’ ka.
Litthaṃ durdharadarpadordrumatayā mṛdnaṃś camūr ā*tatā
bhāsvān sānumati kṣapā iva tadā sū*dāraśobhānugaḥ |
ṭāṃkārair vyathitārisaṃhati dha*nurvratyā(rvrātā)ttakīrtī raṇe
yatnāsañjitaśiñjinīkasa*raṭaḥ kāmaṃ tam avyaṃsayat || 72 ||
    • ⸤1. ‘ānatāḥ’ ka.
    • 2. ‘sadārasobhā’ ka.
    • 3. ‘dhanu......nvāṃta’ ka.
    • 4. ‘sarajāḥ’ ⸤ka.
⸤(yugalakam_)
‘śrīdurgadattavaṃśyaḥ sahṛdayagoṣṭhīrasena lalitāṅkam |
idam amṛtabhānusūnur vyadhatta ratnākaraḥ kāvyam ||’
(ity etad u*tthāryā)
    • 5. pūrvoktayugalakodbhūteyam āryetyarthaḥ.
ā*san raṇe vidalitāḥ kariṇāṃ yaśāṃsi
mandā radā mahati bhīr ucite 'napete |
rāgāmbudhau muditadevavadhūkṛtābhi-
r mandāradāmahatibhī rucitena pete || 73 ||
    • 6. ‘āmantraṇe’ ka.
raṇabhuvam adhunā jayāśaṃsayā dordrumālambano dārayan vidviṣo 'tyūrjitā
nanu vikaśalitāpadosannayā saṃgarakṣobhayā nuttamoheti bhīrūḍhayā |
nanu vikaśalitāpadosannayāsaṃgarakṣobhayā nuttamohetibhīrūḍhayā
kimiva ba*ta bhiyetibherīravair abhyadhāyīva koṇāhatiprastutair yudbhuvā || 74 ||
⸤(caṇḍavṛṣṭiprapātadaṇḍakena garbhayamakam_)
itthaṃ vīrāhatasuracamūr da*ttahastāvalamba-
svargārohipramuditabhaṭās tasya nākārisainyaiḥ |
ścyotaddānāsavasarabhasāpānalolālimālā-
sāndracchāyāsitamukhapaṭoddāmadikkuñjaraśrīḥ || 75 ||
nānādhutyāgapakṣe sabharasarabhasakṣepagatyā dhunānā
nādāsaktāraṇatrāviralabalaravitrāṇaraktā sadānā |
nādhāvatsādipakṣetarasarasaratakṣepaditsāvadhānā
nāhāsaktārirugbhīmudasarasadamugbhīruriktā sahānā || 76 ||
⸤(sragdharayānulomapratilomābhyāṃ cakracatuṣṭayam_)
Ltāvac ca śaṃbhubhṛkuṭī ni*bhṛtaikamukhyā
saṅgrāmakānanakarālatamālavallyā |
cāmuṇḍayā vikaṭavikramasindhuvīcyā
prāstāvi daityadalane yudhi ko 'pi kopaḥ || 77 ||
    • ⸤1. ‘nibhṛtaṃ kamādhyā’ kha.
vigalitadānavasārthaṃ bha*yaśuṣkakarīndrakaraṭadānavasārtham |
cakre 'ndhitāndhakabalaṃ tayā samīkaṃ yamasya bāhukavalam || 78 ||
    • 2. ‘bhaṭa’ kha.
caṇḍīdordaṇḍacaṇḍaprasarasarabhasottambhitāstraprabandha-
vyāpārāpārasīdadditidanutanujānīkasaṃkīrṇamadhyā |
ja*jñe sā tatkṣaṇena kṣatajanadanadīmagnasūdvignalagna-
prāṃśustamberamāśvā samaravasumatī krīḍanaṃ kālarātryāḥ || 79 ||
    • 3. itaḥprabhṛti agrimasargasyāṣṭamaślo⸤kaparyantam ekaṃ pattraṃ (281 saṃkhyakaṃ) kha-pustake truṭitam asti.
sārāviṣṭābhisārā janitatatanijakrodhadīprāvasārā
sārāvaprāsiśūrāharaharaṇarahaḥ svargakanyā viśālāḥ |
śālāvinyāyakaśrīranamamamanaravrātayuktā samāsā
sāmāsaktā yad āsīd amataśatapadacchedavṛṣṭāvirāsā || 80 ||

⸤(ṣoḍaśadalapadmabandhaḥ)

ratnādrau caṇḍikāyā vikaṭakarikaṭāṭṭālakuṭṭākakoṭi-
truṭyaṭṭāṃkāriṭaṅkakrakacakarakarārāv agurvī raṇorvī |
preṅkhatkhaḍgāgrakṛttaprakaṭabhaṭaśiraḥ pīvaraskandhacakra-
krīḍāny añcatkabandhakramavidhuradharādhāribandhā tadābhūt || 81 ||
⸤iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave ⸤rājānakaśrīratnākarasya kṛtau ratnāṅke haravijaye mahākāvye ⸤caṇḍikāsamarākṣepo nāma ṣaṭcatvāriṃśaḥ sargaḥ |