[Stein 187]

, ,
Known as: , (NCC).
Siglum: Ś_c

[description of manuscript]

More ▾

Title	Haravijaya
Commentary	[title of commentary]
Author	[author]
Commentator	[commentator]

Physical description
Language/Script	[Sanskrit in Latin script.]
Format	e-text
Material	digital

History
Date of production	unclear
Place of origin
Provenance	[record of ownership]
Acquisition	[how it was acquired]

Ś_c

||śrī ⸤gaṇeśāya namaḥ||

||sthite tha tasmin api jṛmbhamāṇasaṃrambham udgīrya vacaḥ surārau|

⸤uvāca dūtaḥ punar eva vākyam ojasvitādurdharadhairyabandhaḥ||1||

śrutidīpatiraskṛtāndha⸤kārā pratibhāsampadamakṣatāṃ vahantī|

jayati vyavahārahetur ekā matir evārtha⸤vinirṇayaṃ vidhātrī||2||

viśinaṣṭy aniśaṃ śarīrabhājāṃ karaṇagrāmam aśeṣam e⸤va jihvā|

kṛtadhīrayathodgatānumānā kurute yatra sarasvatī pratiṣṭhām_||3||

bhaktyai⸤kabhāvitamanāḥ prabhave trikāla-

kalyāṇi yatkathayate hitabhāgibhṛtyaḥ|

tasyā⸤śu nūnam avadhīraṇamāryavṛttāḥ

paśyanty anarthapariṇāmamito pi kecit_||4||

⸤daityodadher asya ca vākyaratnair visadbhir antaḥ śravaṇodarebhyaḥ|

taṭācalānām iva kanda⸤rebhyo nirastam eṣāṃ ghanam andhakāram_||5||

prāptā suvarṇaghaṭanāṃ śubhabījasūti-

⸤hetur gṛhītatdṛdayātisuvṛttabhāvāt_|

vāṇī sato madhuratām aniśaṃ vahantī

kaṃ karṇi⸤kā ca na hared iha paṅkajasya||6||

gambhīraghoraparipūritadigvibhāgam

asmin pu⸤raḥ sphurati vāriṣu svāvatāram_|

daityadhinātham akarot kalikā bhaṭānām

abhyullasanti ⸤śikhinām iva candrakorvyaḥ||7||

vibhinnacittaiḥ pravibhidyamānam ebhir vacas sādhv i⸤ti mā maniṣṭhāḥ|

vivekabhājo viralā hi loke vyatītasaṃkhyā nanu santi mūrkhāḥ||8||

⸤prāyaẖ kṛśair api guṇair bahumānagurvīṃ

sambhāvanāṃ vidadhadātmani mūḍhacetāḥ|

⸤bibhranmano guṇamahastv api sāvalehaṃ

hāsyatvam eva laghuvṛttir upaiti lokaḥ||9||

⸤dūravyapoḍhacaritātiśayāḥ svaśaṃsāṃ

kurvanti nīcamatayo rasanāsahasraiḥ|

ślāghyā⸤tmanāṃ guṇagaṇagrahaṇe tu nūnaṃ

stambheramā iva bhavanti vivṛttaijihvāḥ||10||

sanmaṇḍaLlasthitikṛtā tanunāpi nūnaṃ

kodaṇḍadaṇḍa iva bhāti guṇena sādhuḥ|

nīcas tu ⸤tasya saralonnatasādhuvṛtte

sambhāvyate kuṇir iva grahaṇe py ayogyaḥ||11||

yaḥ ⸤sajjano jagati yaś ca mukhaikavṛttir

dvāv apy alīkavacasāv abhidadhmahe tau|

⸤eko guṇānasata eva yataḫ parasya

vaktītaraḥ kila sato pi vinihnute tā⸤n_||12||

āropya dūram asato pi guṇān bravītu

sādhuẖ khalastu tadapahnavavṛtti⸤r āstām_|

cetas samāśvasiti yasya punaḫ prakarṣa-

paryantageṣv api na teṣu sa ka⸤ścid ekaḥ||13||

āvarjyate vasara eva hi cittavṛttir

atyantadakṣiṇatayā suja⸤nasya vāgbhiḥ|

prāpte madhāv avirataṃ navacūtayaṣṭir

ullāsya_malayamārutave⸤llanābhiḥ||14||

vaktraśriyaṃ vitanute navasindhuvāra-

puṣpaprakāṇḍalavalīva ⸤sataḥ śuciśrīḥ|

śūlaṃ karoti śiraso viṣamañjarīva

karṇe kṛtā khalajana⸤sya tu vāgabhīkṣṇam_||15||

ābibhrataḥ khalu kalāvati pakṣapātam

udvṛttakāma⸤jayino vṛṣayānabhājaḥ|

vākyaṃ malīmasam api pratanoti kaṇṭha-

śobhāṃ sato vi⸤ṣam iva triśikhāyudhasya||16||

gāmbhīryaśāli hṛdayaṃ mahatāmagādha-

dhairyaṃ bhava⸤ty anukṛtākhilasāgarāmbhaḥ|

prāptaṃ nisargalaghusattvasamāśrayatvaṃ

manye tu tadda⸤dhati tulyamudumbarasya||17||

sādhāraṇair api guṇair bahumānam eti

bhūyiṣṭham eva ⸤puruṣo laghucittavṛtti|

lokottarair api na tair aparas tu dhatte

dolāyamānam atiru⸤ddhurakandharatvam_||18||

yasmin parisphurati śeṣaguṇaprakāśo

mandāyate śaśabhṛ⸤tīva ca tārakaughaḥ|

santoṣiṇo jagati so pi guṇo sti nāma|

tenāpi cetasi mado ⸤dhigapatrapatvam||19||

khyāti pumān iti pumān bhajate sa eva

yo laṅkṛto guṇaga⸤ṇaiś śiśirāṃśuśubhraiḥ|

so śmaiva samprati maṇiḥ prathitākaroti

yasya sphuranti na karā ⸤dalitāndhakārāḥ||20||

ālambite pi hi vikāsavidhau nirartha-

mānāvalepapavana⸤kṣatabuddhigandhāḥ|

vṛntāvaśeṣakusumākṛtayo na lakṣmīm

āsādayanti puruṣā gu⸤ṇahīnarūpāḥ||21||

svacchandatā khalagirāṃ na bhavanti vastu-

tattvaspṛśo jagati ke⸤cana tāsu śabdāḥ|

ātmastutiṃ sujanasaccaritāpalāpa-

pāpaṃ ca tena vidadhīta kathaṃ ⸤na mūḍhaḥ||22||

yogyo ham eva samaye na guṇā na santi

tān dūṣayedasata eva kathaṃ ⸤hy asādhuḥ|

lokāpavādaparidhūsaratām avāptair

dūyanta eva guṇino nanu tair abhīkṣṇam_⸤||23||

ye nirguṇāḥ paraguṇeṣu dṛḍhānurāgās

tebhyo namaḥ sakalasajjanaśekharebhyaḥ|

Lyeṣāṃ punar guṇavatām api sābhyasūyaṃ

ceto nyadīyaguṇasampadi dhik khalāṃs tān_||⸤24||

śūnyātmanas tv abhavanirjagtīha tasya

puṃso niśaṃ paraguṇagrahaṇābhiyoge|

⸤dhattetarāṃ sadasi saṃyugasaṅkaṭe ca

jihvendriyaṃ karatalaṃ ca na yaḥ kiṇāṅka⸤ma||25||

āścaryavṛtti hṛdayaṃ mahatāmaho nu

vistīrṇatālavakaṇānvayinā⸤kamārgam_|

ābaddhyate tanubhir apy akhilaṃ guṇair yad

akrītadāsamaniśaṃ vimalai⸤ḫ pareṣām_||26||

na prāpnuvanti samatām akhilair madīyair-

ete guṇaiḥ paraguṇe⸤ṣv iti yānti nerṣyām_|

prāptā ca taiḥ sadṛśatādhikatāthavaiṣāṃ

jātaś ca sādhur api matsara⸤mūḍhacetāḥ||27||

uddāmamatsaravimūḍhadhiyo bhavantu

mā vā pare malinitaccha⸤vivaktraśobhāḥ|

udbhinnapīnapulakābharaṇo bhavāmi

yatsatyam anyaguṇakī⸤rtanato ham ekaḥ||28||

śakyo na toṣayitum ātmani yaḥ kṛtāsthaiḥ

saṅkhyātigair api guṇair gu⸤rutāṃ dadhadbhiḥ|

svalpair asau paragataiḥ parituṣyatīti

vismāyi ceṣṭitamaho mahatas ta⸤d etat||29||

vyaktaṃ khaṭuṅkajanatāpihitātmano pi

nirmatsarās satatam unnamayanti ⸤sādhoḥ|

santo guṇān ghanarasātalatālupaṅka-

magnān maṇīñ jalanidher iva vīcibha⸤ṅgāḥ||30||

ātmābhimānaviṣamagrahanignacitta-

vṛtteḥ parasya na guṇeṣu kadācid āsthā|

⸤anyo bhinandati tanūn api tānavaśya-

marghyātmano jagati maṅgalamauktikābhān_||31

kurvantu nāma bahiranyaguṇeṣu kecid

atyantamatsaravimūḍhadhiyo bhyasūyām_

teṣāṃ ⸤punar jagati ye hṛdayāny abhīkṣṇaṃ

āvarjayanti nitarāṃ na guṇair guṇas taiḥ||32||

prā⸤ptāḥ prakarṣapadavīm amṛtormibhaṅga-

śītāḥ śaśāṅkarucayo gurumatsarāṇām_

yeṣāṃ ⸤sukhopakaraṇaṃ nu guṇāḥ pareṣām

ātmadruho dhigadhamānhatajanmanastān_||33||

dattvā ⸤bahiḥ paraguṇeṣv api sādhuvādam

antastu matsaraviṣānaladahyamānaḥ|

nirvāti mūḍha⸤hṛdayaḥ svavikalpaśilpa-

saṅkalpitaṃ kam api teṣv adhiropya doṣam||34||

ślā⸤ghyas sa eva nijavaṃśasumerukuñja-

kalpadrumaḥ sucaritātiśayena yasya|

vandyā ⸤guṇās tribhuvane pi na sambhavanti

śaureḥ kramā iva vinirgatakīrtigaṅgāḥ||35||

te⸤jodaridrā varam astu buddhiḥ prajñāvihīnena kim ojasā syāt_

kiṃ vāride garjati ⸤dattajhampaḥ prāpnoti nāśaṃ śarabho na tena||36||

candraprabhādhavalacāmaracakravāla-

⸤līlāvidhūnananibhena bhayākulatvāt_

yeṣāṃ jagattrayakacagrahadurnivāra-

rūpā vi⸤rājati jareva palāyamānā||37||

mahiṣaṃ mamāpi raṇamūrdhniṃ mā vadhītsurapakṣapātaLrabhasena caṇḍikā|

iti bibhrateva samavartinā bhayaṃ parijahrire vijitamṛ⸤tyavo pi ye||38||

te pi triviṣṭapasado vijitā bhavadbhir

yasyānubhāvavaśato vijitai⸤r api prāk_|

kālo nirargalatayā bhuvanatraye tra

krīḍatyaho jayaparājayalīla⸤yāsau||39||

tilakam_||

krūrasya kālakariṇo dṛḍhadīrghahasta-

pāśasya naiva sa⸤surāsuracakravālam_|

paryāptimeti jagad ekavidhānapiṇḍa-

līlāvakīṛṇa⸤kavalagrahavibhrameṇā||40||

daityādhipā ditijakaṇṭhanivartamāna-

phenacchaṭāva⸤layasaṃsmaraṇena yasya|

adyāpi bibhyati vadhūjanakaṇṭhalagna-

muktāphalagrathitahā⸤ralatāvalībhyaḥ||41||

āyodhaneṣu nirajīyata so pi yena

vajrānalendhanadharādharapa⸤kṣalakṣaḥ|

kiṃ kathyate ka iva vā jayaniścayo sti

kroḍīkṛtaṃ jagadanityatayā hi ⸤sarvam_||42||

yugalakam_||

pṛthvīvināśāhitaśokadīnāḥ kallolasaṅgha⸤ṭṭaravair digantān_

ākrandaśabdair iva pūrayanti parasparaṃ saṃvalitās samudrāḥ||43||

śe⸤ṣasya kuñcitakarālasirāvitāna-

vistāraśūnyaparipīvarakaṇṭhapīṭham_

sra⸤stāṃsamantharaviniśśvasitaṃ bibharti

viśliṣṭabhāralaghuvṛtti phaṇāsahasram_||44|

⸤apoḍhabhārātiśayasya śaurikūrmasya visrastavikūṇitāṅgeḥ|

nakhāṅkuśāghāta⸤vighaṭṭanotthāṃ na diggajendrā rujam āpnuvanti||45||

pātālatālutarameti vanāntava⸤llī-

śyāmatviṣaṃ kamaṭhapṛṣṭhakṛtāspado yaḥ|

dordaṇḍalāṅgalamukhena nināya dūra⸤m

urvīṃ kalindatanayām iva sīrapāṇiḥ||46||

kvāsau hiraṇyākṣamahāsurendraḥ kro⸤ḍākṛtir yaṃ vinihatya śauriḥ|

surendralakṣmyā samamujjahāra pātālamagnāṃ sahasā ⸤dharitrīm_||47||

pañcabhiḥ kulakam_||

uttambhite vanitale sahasaiva bhinna-

pātāla⸤randhragatasantamasāẖ karaughāḥ|

śeṣottamāṅgamaṇidīdhitibhiḥ sahoṣṇa-

raśmeḥ pra⸤tāpitabhujaṅgagaṇā ghaṭante||48||

kalpādikolakalanākulitāṃ salīla⸤m

urvīṃ didṛkṣur iva vismayamānacetāḥ|

visrastamūlaśithilātanukarṇaśu⸤kti-

rutkandharībhavati kūrmapatiḥ sthirāṅghriḥ||49||

daṃṣṭrāṭanikrakacanirdali⸤tālagardam

ambhodhimadhyabhuvi sañcaratas salīlam_|

lakṣyībhavatyavanirāyatakarṇa⸤randhra-

niṣpītatatsaliladṛśyatayā purastāt_||50||

ghoṇānilenābhihatā patantī ra⸤sātalāntaḥ punar eva bhūmiḥ|

ālambhate gāḍhakaragrahendumarīcigauracchavimāśu ⸤daṃṣṭrām_||51||

potrābhighātadalitācalacakravālam

uttambhitātanurasātalatālunaḥ Lkṣmā|

ābhāty amuktapṛthuśeṣaphaṇāspadeva

gāḍhāvalambhitaniśākaragauradaṃṣṭrā||⸤52||

vapuralaghu vighūrṇayan vinighnan ghurughurughargharaghoraghoṣaghoṇa⸤m|

vighaṭayati saṭānilābhighātair anaghaghaṭāghaṭanānghanāghanaughān_||⸤53||

potrasthalasthagitavāridavartmaruddha-

visrambhasañcaraṇasauṣṭhavajihmya⸤mānāḥ|

āmanyate nyabhuvanodarasaṃpraveśam

utkīrṇakarṇakuharāśrayiṇaḥ samī⸤rāḥ||54||

tārāgaṇair abhimukhaṃ tarasā patadbhir

abhyarcyate dhutasaṭānilaghaṭyamā⸤naiḥ|

digdevatākaratalaprahitair dharitrī

muktāphalāgranikarair iva potralagnā||55||

⸤nirdhautāmalakaravālanīlabhāsi brahmāṇḍaṃ vapuṣi samagram aśnuvāne|

ākāśaṃ ⸤dadhad avakāśaśūnyatāṃ ca svacchāyācchalata ivākhilaṃ nilīnam_||56||

pātā⸤larandhratamaseva navābhranīlam

āliṅgitaṃ durupalakṣyatayā parītam_|

potrasthala⸤sthagitabhānuniśāndhakāre

daṃṣṭrā vyanakti vapur utthitam antarikṣe||57||

ity uddhṛtakṣi⸤titalasya harer varāha-

rūpasya tatpura ivāmbudanīlamīkṣe|

śālukakandam iva ku⸤ndadalāvadāta-

daṃṣṭrāṭanikrakacakoṭivilambamānam_||58||

ekādaśabhiḥ ⸤kulakam_||

bhedonmukhasvacchanakhātmadarśavispaṣṭabimbodayaghoravaktre|

yathā⸤rthatām eva cirād upaiti pañcānanatvaṃ karavālacakre||59||

jṛmbhāvikāsimukha⸤kandaranirgatā ca

jihvā samudvahati vahniśikhāpiśaṅgī|

niśśvāsamārutavika⸤mpitagūḍhanābhi-

padmocchvasacchithilapāṭalapattralīlām_||60||

gambhīratārata⸤raghargharabhīmaghoṣa-

śikṣopadeśarabhasād iva nākamārge|

saṃvartavāridaghaṭā ghaṭi⸤tābhyudeti

saṃrambhanirdhutasaṭānilaghaṭṭanābhiḥ||61||

nipatati ghaṭavisphuli⸤ṅgacakro vikaṭamukhodarakandarātkṛśānuḥ|

suragirir iva kīrṇaratnarāśiḥ prala⸤yanirargalamārutavyapāstaḥ||62||

chāyāviḍambitataḍitpracayā vibhāti

roṣāru⸤ṇā ditijavakṣasi saṃpatantī|

antarnigūḍhan nivasannavanābhipadma-

garbhasravanmadhu⸤gadābaliteva dṛṣṭiḥ||63||

nirdhūtakesarasaṭānilaghaṭyamānam

indoḥ puraḥ pa⸤tati maṇḍalam antarikṣāt_|

tīkṣṇāgrakoṭinakhadāraṇasambhrameṇa

lakṣīkṛta sapadi rū⸤pam ivopahartum_||64||

ākarṇya ruñjitaravañ jitavārigarbha-

saṃvartakālajalada⸤stanitātighoram_|

aṅgeṣu bhītibharasaṅkucitā nijeṣu

vāñchanti dūram api dikkari⸤ṇaḥ praveṣṭum_||65||

karakalitakarālacakradhārāpariṇatayeva nakhāgrakoṭibhāgāḥ|

Lvighaṭitavikaṭāsthijatruvakṣo vidadhati tīkṣṇatayā parīyamāṇāḥ||67||

a⸤ṅke kunāṭaka ivottamanāyakasya

nāśaṅ kavir vyadhita yasya murārir ittham_|

ākrānta⸤kṛtsnabhuvanaḥ kva gatas sa daitya-

nātho hiraṇyakaśipuḥ saha bandhubhir vaḥ||68||

daśabhiḥ ⸤kulakam_||

surāsuravrātakirīṭakoṭiratnaprabhāpāṭalitāṅghriśākhā|

kharvātmanā ⸤saṃhriyate svamūrtiḥ pūrvaṃ tato dānavavaṃśalakṣmīḥ||69||

saṃpīḍitāvayavasandhiga⸤tāḥ kathañcid

īṣadvivṛtya sarito bhimukhaṃ vrajantyaḥ|

yānti pratīpamatisaṅkaṭakukṣi⸤randhra-

baddhāspadodadhitaraṅgavighaṭvyamānāḥ||70||

ābadhatoṣabalidānavahastakumbhā⸤d

arghāmbhasā nipatitaṃ karapuṇḍarīke|

ambhojaviṣṭarakamaṇḍalutaś ca daṇḍa-

pāde vi⸤rugṇajagadaṇḍakavāṭakhaṇḍe||71||

niśśeṣalokākramaṇotthitasya kalindakanyā⸤salilatviṣo ṅghreḥ|

śyamībhavanty āśu diśāṃ mukhāni daityāṅganānāṃ ca rucā sphurantyā||⸤72||

śeṣorageṇa bhuvanāvasathāṇḍakhaṇḍa-

ruddhāvakāśavirasollasite ṅghripadme|

⸤sambhāvi~~nda~~tānyacaraṇena rasātalānta-

ruttambhyate katham api kṣitir āviśantī||73||

⸤uttasthuṣo laṅghayituṃ jaganti pradakṣiṇāvartapinaddhapaṅktiḥ|

bibhāti ratnāṅgadavi⸤bhrameṇa pādasya saptarṣigaṇo dhigulpham_||74||

vistāribāhukarabaddhamuhūrtasaṃstha-

⸤candrārkamaṇḍalarucā sthagitāntarikṣam_|

lakṣmīṃ ghaṭitāparacāruśaṅkha-

cakreva mū⸤rtir adhikaṃ tarasollasantī||75||

trailokyalaṅghananirargaladaṇḍapāda-

ghātocchvasat ka⸤nakakarparavibhrameṇa|

uttambhyate maghavataḥ tridaśādhipatya-

līlātapattram iva nirjara⸤vaṃśalakṣyā||76||

itthaṃ samagrabhuvanākramaṇena śārṅga-

pāṇer asau kva nu gatā balidānavaśrīḥ|

⸤prakṣāliteva caraṇena samaṃ viriñca-

hastāravindakarakārghajalacchaṭābhiḥ||77||

na⸤vabhiḥ kulakam_||

līlāvidhau bharanipīḍitaśeṣabhoga-

śayyājuṣo muraripor api nā⸤bhipadmam_|

yenāmburāśitanayāhṛdayena sākam

ākampitaṃ karatalāgravighaṭṭa⸤nābhiḥ||78||

udbhavyate jalataraṅgaghaṭāmarudbhir

ambhonidhāvabhihataṃ harinābhipadma⸤m_|

adyāpi yatkaratalavyaparoparābhi

ghātasmṛtivyatikarād iva baddhakampa⸤m_||79||

kvāsau madhur nanu gataḥ saha kaiṭabhena

yasyādhipūruṣakaronmalanādasṛgbhiḥ|

⸤vyapte mbhasi sphuṭadalakṣitatāmrakaṇṭha-

cchedā jhaṣā jhaṣanidhau śvasiteṣu celuḥ||80||

⸤tilakam_||

kiṃ kīrtitair bahubhir atra mahāsurendrair

indrānujena raṇabhūmiṣu jaghnire ye|

Lsaṅkṣepa eṣa ditijādhipa matpratīpa-

vārtāntarāyam abhiṣeṇanam indumauleḥ||81||

vi⸤spaṣṭadaṇḍaghaṭanā sphuṭam aṣṭamūrti-

senādhunā śithilitavyavasāyabandhā|

abhyetya ⸤bhasmadhavalā bhavatāṃ karoti

kampaṃ jarāgamadaśeva vijṛmbhamāṇā||82||

uttaṃsi⸤toḍḍapatikhaṇḍamṛṇālakāṇḍa-

kalmāṣitānalakaḍārakarālacūḍam_

phenacchaṭā⸤śabalitāviralapravāla-

vallinikuñjam iva dugdhamahāsamudram_||83||

pratyagroṣṇī⸤ṣacandrāmalakiraṇaśikhāśleṣanihnūyamāna-

preṅkhac cūḍākapālodarakuharadarīghū⸤rṇanāmandavegaiḥ|

śaṅkhakṣo~~rtha~~dāvadātaiḥ skhalanakhalakhalārāvamaukharyabhāgbhir

mandā⸤kinyā jalaughair lulitagirisutābhāgadhammilabandham_||84||

svassindhoẖ kapilajaṭā⸤nikuñjavellacchevālāmalajalavīcisicyamānaiḥ|

utkhātāṃ pulinagataiḥ kapālahaṃ⸤sair bibhrāṇaṃ bisalatikām ivendulekhām||85||

āsādya saṃyugamukhe śaśikhaṇḍa⸤mauli-

mahnāya jarjaritadurdharadhairyabandhāḥ|

muktābhimānalaghavaḥ kakubho bhajanti

sā⸤rdhaṃ tadīyayaśasā na cireṇa daityāḥ||86||

cakkalakam_||

uddaṇḍāmbhojakha~~ṇṭha~~ṇḍaślathani⸤biḍapuṭakroḍadhūlīkaḍāra-

krīḍatkaṇḍūlagaṇḍāmaragajamṛditāpāṇḍudiṇḍirapiṇḍā|

⸤piṇḍīśūrāḥ puro vaḥ punar api gulaḍahākhaṇḍalastrīstanāgra-

preṅkhatkallolakāṇḍā bhava⸤ti surasarinmattakāraṇḍavaśrīḥ||87||

jṛmbhārambhābhirāmaślathamukulamukhālakṣyala⸤kṣmīkapakṣma-

preṅkhadbhūlīpiśaṅgabhramarakavalitāmandaviṣyandagarbhāḥ|

krīḍantaḥ kalpava⸤llīḥ kisalayakalikā komalāḥ karṇapūra-

premṇā lumpanti hastais sarabhasam acirā⸤n nandane nākanāryāḥ||88||

tāvad bāṣpāmbupūraplutanayanayugasvarganārīkarāgrair

jyotsnāgaura⸤tviṣo mī tava sadasi dhutāś cāmarā visphuranti|

yāvat saṃhārahelām iva na gaṇacamūm ā⸤gatāṃ saptalokī-

citrākāravyavasthāvighaṭanacaturām īkṣase candramauleḥ||89||

sampra⸤ty eva krodhavahnau pataṅgā jātā gehenandino yan na yūyam_|

tanme rājñāmaṅgalasragvibhūṣāṃ prā⸤pto mūrdhā dhūrjaṭer daityanāthāḥ||90||

ityākṣipya pragalbhaṃ danutanujapatīn roṣarūkṣāruṇā⸤kṣāṃs

tatkālālaṅghyatejaḥprasaragurubharā¯hatārkaprakāśaḥ|

piṃśanratnāṅgadālīṃ dhutaka⸤piśarajaḥ kalpitāśāṅgarāgā

sāṅgārāpāṅgadṛṣṭiẖ katham api kupitas tatsabhāṃ dūta au⸤jjhīt_||91||

iti śrīmahākavirājānakaratnaviracite haravijaye mahākāvye ⸤dūtapratigarjitaṃ nāmāṣṭātriṃśas sargaḥ||