[Stein 187]

, ,
Known as: , (NCC).
Siglum: Ś_c

[description of manuscript]

More ▾

Title	Haravijaya
Commentary	[title of commentary]
Author	[author]
Commentator	[commentator]

Physical description
Language/Script	[Sanskrit in Latin script.]
Format	e-text
Material	digital

History
Date of production	unclear
Place of origin
Provenance	[record of ownership]
Acquisition	[how it was acquired]

Ś_c

||śrī gaṇe⸤śāya namaḥ||

krodho tha tāṃ timiraviplavamandadṛṣṭir

ābaddhavepathur atikramayo⸤gavṛddhaḥ|

ābaddhamūrdhavidhutiḥ śvasitānubandha-

pāriplavādharadalaḥ śanakair avi⸤kṣat_||1||

abhyāpartannuśanasāsuracakravāla-

huṅkāradhūmanikaro dadṛśe purastāt_

Lāliṅgitākhilavapur vratakāryapāna-

paryāptasaṃstavavaśād iva dhūmitārkaḥ||2||

⸤vakṣassthalīmalanasaṃbhriyamānadhūma-

lekhāvalīśabalitāṃ kupito gnidaṃṣṭraḥ|

⸤ālagnapīnadayitākucakumbhapīṭha-

kālāguruprakarapattralatām ivohe||3||

⸤saṅgrāmadohadarasasphuṭitai rarāja

pīne hiraṇyakaśipostanayasya vakṣaḥ|

sthūlā⸤sthiśṛṅkhalanipātavirugṇakhaḍga-

dhārārajaḥkaluṣitakṣatajair vraṇaughaiḥ||4||

⸤krodhānmayenaracitā bhrukuṭiẖ kirīṭa-

māṇikyaraśmikapiśaśramavāribinduḥ|

⸤saṃhārakālarajanīva rarāja sāndhya-

rāgacchaṭāruṇitatārakamaṇḍalaśrīḥ||5||

⸤karṇāvataṃsavikacotpalakāntibhinna-

saṃrambhapāṭalakapolatalopasakūṭam_

⸤rākāpradoṣa iva rāhupariplutendu-

bimbaḥ kareṇa śatadundubhir āhatoccaiḥ||6||

sve⸤dāmbuśīkarakaṇaprakarāvakīrṇa-

vakṣaḥsthalīvraṇadarīkuharo nikumbhaḥ|

dadhre ⸤vibhinnakarikumbhamṛgārihasta-

visrastamauktikaguhāgṛhaśailalīlām_||7||

⸤sotsekamatsaradhiyo nalatārakasya

niṣpeturāhavarasasphurṭitavraṇebhyaḥ|

vakṣasstha⸤līvikaṭavapratalābhighāta-

bhagnāmaradviradarājaviṣāṇadaṇḍāḥ||8||

saṃrambha⸤bhāsuraruco harikandharasya

vaktreṇa sambhṛtarūṣaḥ sphuṭahāsabhāsā|

udgīrṇadagdha⸤salilārṇavabhasmadhūli-

santānavāḍavamukhānukṛtirvidadhre||9||

ātāmradṛ⸤ṣṭikiraṇacchuritācchagharma-

vāricchaṭākaṇakaṇāmaṇir ullasantī|

chāyāka⸤lindatanayājalamadhyajāla-

lagnā kaler bhrukuṭikāliyamūrtir āsīt_||10||

rā⸤hor alakṣyata mukhaṃ dṛḍhadantayantra-

niṣpeṣadhūmamalinīkṛtatālumūlam_

daityā⸤dhipaiḥ kavalitendukalaṅkapaṅka-

saṃsargadhūsaram iva pravijṛmbhamāṇam_||11

⸤siṃhīsuto daśanapaṭṭavighaṭṭanotthā-

dhūmacchaṭā bhujaganāyakabhogadīrghāḥ|

⸤grāsīkṛtasya śaśalakṣmabhṛtaḥ kalaṅka-

lekhā ivodagiradantaritāntarikṣāḥ||12||

⸤niṣṭhyūtayā kavalitāmṛtadhārayeva

vaktrāntarālabhuvi bhūribharādamāntyā|

tasyā⸤tinniṣṭhuraruṣo vikaṭāṭṭahāsa-

bhāsāvabhāsitasabhābhavanaṃ babhāse||13||

⸤svedāmbukardamitacūrṇitatārahāra-

dhūlicchaṭādhavalitātanur induketoḥ|

vinya⸤stacandanaraseva rarāja vairi-

lakṣmīsamāgamasamutsukamānasasya||14||

jṛmbhā⸤vikāsigurumatsaradurnirīkṣya-

mātāmramānanamarājata vajrabāhoḥ|

autpātikaṃ Lvikaṭarandhraniruddhamadhya-

mudraśmimaṇḍalam iva sphuṭam uṣṇadhāmnaḥ||15||

kā⸤lāntakasya sakalārikulakṣayāya

dhūmacchaṭā malayato tha lalāṭapaṭṭam_

⸤puṣpāvataṃsavigalanmakarandabindu-

pānārthinī madhupapaṅktir iva nyapaptat_||⸤16||

roṣāruṇekṣaṇamarīcivilaṅghyamāna-

jihmotkaṭābhrukuṭivajraśikhasya ⸤vaktram_

antarviṣānalaśikhāśatapiṅgyamāna-

kāloragādriśikharaśriyam ā⸤sasāda||17||

abhyunmiṣacchikhiśikhāpaṭalaṃ subāhur

anyonyagāḍhamalanena ka⸤radvayastham_|

tvaṣṭā viṭaṅkataraṭaṅkanikuṭṭanottham

ādhatta cakraghaṭanārtham ivā⸤rkatejaḥ||18||

saṃrambhiṇaḥ kṣitisutakaṭhorakopa-

rāgāruṇacchavi vilokya vapu⸤s tadānīm_|

daityādhipāḥ kṣaṇam aśaṅkiṣatānapoḍha-

gāḍhorugarbhaśayanakṣata⸤jacchaṭārdram_||1923||

ṭāṅkārayanvikaṭakuṭṭimapaṭṭapṛṣṭham

aṅguṣṭhakoṭidṛḍha⸤ṭaṅkakaṭhoraghātaiḥ|

naṣṭāṣṭadik taṭatamaś chaṭamaṭṭahāsam

aṭṭārakūṭabhiduraṃ vya⸤dhitāgnidaṃṣṭraḥ||24||

cakre tigāḍhakarapiṣṭakarālahāra-

tārāvalīvilu⸤litātanucūrṇapūrṇam_

vajravraṇaugham avacūrṇanakāmyayeva

saṃrambhagarbharasasphu⸤ritaṃ vidarbhaḥ||205||

kṣmāmaṇḍalaṃ bibhidivāgurupārṣṇighāta-

pātena kopakalu⸤ṣo tha hiraṇya¯¯¯|

cakre rasātalam adṛṣṭacarārkabimba-

sandarśanākulakutūha⸤likādraveyam_||21||

vispaṣṭajihmataraceṣṭitacittavṛttir

utsṛṣṭasādhucari⸤tapratipattiduṣṭaḥ|

krodhaḥ kṣaṇād avinayaikaraso bhyasūyāṃ

kurvan mṛgāṅkamukuṭe nara⸤kaṃ jagāhe||22||

vakṣassthalīlulitahāramṛṇāladaṇḍā-

ṣaṇḍaḥ prakopamahi⸤ṣeṇa vigāhyamānaḥ|

chāyājalaughakalilaḥ kaluṣākulaśrīr

uddāmavepathu⸤ratholvalapalvalo bhūt_||23||

saṃvartakasya karavajraśikhānipāta-

piṣṭāṅgadāṃsa⸤śikharotthitadhūmaketuḥ|

cāmīkarottham aparaṃ bibharāṃ cakāra

keyūrabandham iva saṃsa⸤di bāhudaṇḍaḥ||24||

daṣṭauṣṭhapṛṣṭhavikaṭabhrukuṭīkarāla-

tāmrānanasya kaṭasa⸤mpuṭapeṣajanmā|

antassthaśeṣaphaṇaratnanidhānabhūmi-

pīṭhe papāta śarabhasya kṛśānu⸤vartiḥ||25||

saṃhāramārutadhutapralayāgniheti-

tālūracakraparimaṇḍalacakṣuṣo⸤ccaiḥ|

vindhyāsureṇa bhayakātaradaityadṛṣṭāṃ

caṇḍīṃ ruṣaṃ dhṛtavatā paruṣaṃ jagarje||26||

⸤pādābhighātadalitaṃ kṣitipīṭhabandham

agre nusandhirabhasād iva kālacakraḥ|

cakre Ltigāḍhakarasampuṭapiṣṭahāra-

tārāvalīlulitadhūlikaṇāvakīrṇam_||27||

⸤abhyuttatāma karatāmarasāvamṛṣṭa-

timyallalāṭakaṭako stamayāya śatroḥ|

ātā⸤mradṛṣṭiratimatsarataḥtamāla-

nīlacchaviḥ kṛtatamītimiro timāyaḥ||28||

sve⸤dodabinduśabaloṣmavilīnamauli-

viṣpandihemarasamiśratayā lalāṭe|

bhrūbhe⸤darājirajitasya rarāja kopa-

līlāpurandhricaṭulātilakāyamānā||29||

pre⸤ṅkhannakhāṃśuparikalpitakaṇṭhadāma-

durdarśanaḥ parimamarṣa kareṇa kopāt_|

⸤vajrābhighātavikaṭavraṇabaddhasaṃstha-

vicchinnahārakaṇakarburakānti vakṣaḥ||30||

⸤dikcakravālamanaghasmaraghasmarendu-

maulīkṣaṇasmaraṇasambhṛtasambhramārdram_

⸤krodhāgnidīprataratārakatārakākṣa-

kākekṣitaṃ na katham apy aśanair adhākṣīt_||31||

⸤jṛmbhāvikāsimukhakandaradṛśyamāna-

jihvālataḥ sapadi vihvalayansurārīn_

⸤āvartagahvaraparisphuritapravāla-

vallīkarālajaladhiśriyam āpa dhundhuḥ||32||

⸤vajraprabheṇa vikaṭāduraso vilūya

muktāphalastabakadāma vikīrṇam ūrdhvam_

āsa⸤nnadeśaracitasthitiśītaraśmi-

tārāpurandhriparivāravilāsam āpat_||33||

krodho⸤ddhatabhrukuṭibandhakabandhavaktra-

cchāyāndhakāravisaraprasaropaghātam_|

cakruẖ karāla⸤daśanāṃśuśikhāsahasra-

śobhābhṛtaḥ sapadi ketumato ṭṭahāsāḥ||34||

vajrānalo py a⸤nalabhāsvaraghoradṛṣṭi-

pātair dahann iva jagadgurumatsaraśrīḥ|

smeraḥ savibhramam abi⸤bhramad udgatāṃśu-

cakrāhitārkaparidhiṃ karapadmaśākhām_||35||

tena krudhā dudhuvuṣo⸤ddhatam uttamāṅgam

ullāsibhiḥ kanakamaulimarīcicakraiḥ|

dṛṣṭavyudastaraviraśmir i⸤va vyadhāyi

sambhrāntakhecaragaṇā divasasya lakṣmīḥ||36||

sambhremuṣā suragaṇena vilo⸤kito tha

jīmutaketur abhinanditasamprahāraḥ|

hārāt salīlamalunāttaruṇārkabimba-

⸤durdarśalocananipītatadātapaśrīḥ||37||

mūko pi bhrukuṭitaraṅgitaṃ lalāṭe bi⸤bhrāṇaḥ karatalatāḍitāṃsakūṭaḥ|

saṃrambhasphuradaruṇekṣaṇo jagarja krodhāndho badhi⸤ritasaptalokamuccaiḥ||38||

vivartitādharavikasatkapolabhūrvicintitāhitaraṇa⸤lābhaharṣulaḥ|

vikāsitobhayapuṭaphullatārakāmamarṣaṇo dṛśamanimeṣiṇīṃ da⸤dhau||39||

visrabdhamaicchadavasāditavāsavoṃ sa-

visraṃsamānavasanaḥ savasāvaseke|

⸤vyaṃsāsuraś ciramavisrasavisrutāsra-

visrāvanāvasikaraḥ samare visartum_||40||

prahlāLdo vikaṭaviṭaṅkadaṃṣṭramāsyaṃ bibhrāṇaḥ karatalatāḍitāṃsakūṭaḥ|

digbhittipratipha⸤litāṭṭahāsabhāsā saṃhāre hara iva dattasambhramo bhūt_||41||

diksundarīsphuṭanavāṃ⸤śukam indugaura-

mānandanirbharamivāriyaśaḥ pipāsuḥ|

vyādādamandamatha kandara⸤kalpamāsya-

mātāmratālu śatadundubhirāttajṛmbham_||42||

pādāghātair dānavacakrasya ⸤tadānīm āpātālaṃ dṛṣṭagabhīrātanurandhrā|

sāsūyasya krodhavaśād indukirīṭe puspho⸤ṭa kṣmā rauravapātārtham ivārāt_||43||

siṃhāsanādasahanaḥ sahasojjihāsum

utsā⸤hasāhasarasena sahasramāyaḥ|

haṃsāṃsahārihasitaḥ sahasārihiṃsā-

sajjāhavo yu⸤dhi jaharṣa jahāsa coccaiḥ||44||

saṃrambhaghoratarahuṅkṛtadhūmaketu-

hetisphuliṅga⸤nikarairaśaniprabhasya|

pratyūṣire sapadi hāralatā muhūrta-

mātāmraratnapaṭalair iva ⸤dānavānām_||45||

kṛtabhuvanavināśāśaṅkahuṅkāragarbhāḥ

sapadi paruṣaroṣāviṣkṛteḥ ⸤sūciromṇaḥ|

madhukarakulanīlacchāyatastārakāgrā-

jjalabhṛta iva vidyunniṣpapā⸤tojjvalārciḥ||46||

gīrvāṇarājapṛtanā savicittavīrya-

sārastadāhavanirargala⸤cittavṛttiḥ|

nācintayat kurucamūr iva pāṇḍusūnur

uccāvacāstracaturo yudhi vipracittiḥ|⸤47||

kulagirigarimasthānalpakāyo timāyaḥ

karakuliśatalenāsphālayanbhū⸤rtadhātrīm_|

gurutarabharatāmyaddiggajaskandapīṭhe|

lulitavidhurasaṃsthārugṇabandhāṃ ca⸤kāra||48||

cakṣmāyire kṣitibhṛtaḥ karapiṣṭahāra-

muktāśilāśakalakarkaśaśarka⸤rābhiḥ|

abhyāhatāḥ kṣaya ivāsuracakravāla-

niśśvāsadurdharasamīraparamparābhiḥ||49||

⸤saṃkṣobhavibhramaviśīrṇavikīrṇahāra-

muktāphalācchakarakākaṇacakravālam_|

⸤abhyutpatadditisutastanayitnucakra-

mākrāntakṛtsnabhuvanatritayaṃ tadāsīt_||50||

kara⸤talamathanotthaṃ mantharībhūtabhānu-

prabhamanalamanalpajvālamālākarālam_

sakala⸤m amaravaṃśaṃ dagdhum utpādayantu

kṣayataraṇidurīkṣaś cukṣubhe kāñcanākṣaḥ||51||

⸤bibhraty udārataramānasadṛśyamūka-

śailakṣamārabhasalaṅghanadurdharatvam_

mattā va⸤līmukhavarūthavatīva dṛptā|

daityādhirājyagurumatsaravikriyāsīt_||52||

teṣā⸤m arociṣata cūrṇitapadmarāga-

ratnāṅgadaprakarapāṭaladhūlidigdhāḥ|

spaṣṭāṭṭahā⸤radalitātanusandhibandha-

viṣyandisāndrarudhirā iva digvibhāgāḥ||53||

kalmāṣitā⸤mbaratalāḥ pralayāvatāra-

śaṅkākulīkṛtajagattrayadṛśyamānāḥ|

ulkālatā vavṛṣire vṛṣaLrājaketu-

saṃrambhabhāsurasurāhitadṛṣṭipātaiḥ||54||

viṣyandamānaparipītavipa⸤kṣakhaḍgā-

dhārānipātasalilā iva dānavānām_|

svedāmbuśīkaramuco vibabhur vi⸤śāla-

vakṣassthalīṣu vikaṭavraṇakandaraughāḥ||55||

āsannasaṃyugatayā sumanī⸤babhūvur

uccais tarāṃ jahasurāhasatāṃsakūṭān_

hārāṃś ca cukṣudurudasthurathāsanebhyo

⸤mṛtyor api kṣatabhiyo na śaśaṅkire nye||56||

sabrahmadhūrjaṭiharīṃstridaśāṃstṛṇāya

⸤vispaṣṭamatsaradhiyo yudhi manyamānāḥ|

daityādhipāś cakamire kamalāsanāṇḍam

utplu⸤tya pāṭayitum utkaṭaroṣarūkṣāḥ||58||

tai rāhukopajanitapratipakṣapakṣa-

saṃhārabhīti⸤bhirapākṛtadhairyabandhaiḥ|

āsthānyasau suraripor bibharāṃ cakāra

durdharṣatāṃ yadupater iva ⸤vṛṣṇisainyaiḥ||58||

itthaṃ ruṣendhanavinākṛtam apy adhūmam

ūrdhvekṣaṇaṃ smararipor iva da⸤gdhakāmam_

jajvāla dānavasadaḥ pralayārkabimba-

durdarśaghoraghaṭitānalatārakaṃ ⸤tat_||59||

vidadhuravasare tra daityacakrapralayaparisphuṭapaiśunotthitāni|

sakala⸤bhuvanamaṇḍale py asaktabhayam animittaśatāni dāruṇāni||60||

pratidinam apavarga⸤dvārarandhrādamandaṃ

dinakṛta iva bimbādarghalādaṇḍadīrghāḥ|

pratikakubham akalkāḥ ⸤pātur ulkāḥ kṣayāgner

bhuvanadahanahelāsūtrapātāyamānāḥ||761||

tvaṣṭṛṭaṅka⸤ghaṭanānikuṭṭitagrāvasāravikaṭāsthisambhavam_|

dhūmarāśim iva bhānumaṇḍale ⸤lagnamaikṣata kabandhamāsuram_||62||

nirgacchan rajanikarasya bimbamadhyād utpātapra⸤saravaśena dhūmadaṇḍaḥ|

vaidagdhīṃ kuvalayadāmanīlabhāsaḥ khaḍgāsya vyadhita vi⸤lagnadattamuṣṭeḥ||63||

utpātadhumamalinair nijakośacakra-

garbhacyutaiḥ pariṇatiṃ ⸤samupeyivadbhiḥ|

akīryatāśu kamalāsanapuṇḍarīka-

bījair ivāmbaratalaṃ graha⸤cakravālaiḥ||64||

abhimukhapatināśāśaṅkayeva pradīptaṃ

viviśuranalamāśā ⸤dāhayuktyā tadānīm_

sphuritavikaṭahetuvyāptadik cakravālaṃ

gaganam api bhavi⸤ṣyat saṃyugacchāyam āsīt_||65||

kṣubhitaviṣamaveloddāmaratnākarāṇi

kṣayataruṇi⸤ruco nājīgaṇaṃstāni daityāḥ|

pratikakubhamakāṇḍoddāmarākhaṇḍalaśrī-

haraṇarabha⸤sakaṇḍūcaṇḍadordaṇḍaṣaṇḍāḥ||66||

iti śrī haravijaye mahakāvye andhakārasura⸤sabhākṣobho nāma catustriṃśas sargaḥ||