Kāvyamālā 22, OCR

, ,
Known as: , (NCC).
Siglum: K_OCR

Kāvyamālā from OCR-Here only canto 3

More ▾

Title	Haravijaya
Commentary	Viṣamapadoddyota
Author	Ratnākara
Commentator	Alaka

Physical description
Language/Script	[Sanskrit in Latin script.]
Format	e-text
Material	digital

History
Date of production	unclear
Place of origin
Provenance	[record of ownership]
Acquisition	[how it was acquired]

K_OCR

⸤trayastriṃśaḥ sargaḥ |

daityādhipaḥ śrutataduktavacaḥprapañca-

sāsūyamānasata*yātha sitasmitaśrīḥ |

prastāvamantikasado bhṛgunandanasya

vaktuṃ dideśa madhuroddhṛtayā bhruvaiva || 1 ||

notes▲
- 2. ‘tayā lasita’ kha.

abhyunmiṣatkanakaśṛṅkhalacakravāla-

raśmicchaṭāpaṭalavicchuritāṃ dadhānaḥ |

kālīṃ kalindatanayām iva dehakānti-

m ullāsikāliyaphaṇāmaṇirāgabhinnām || 2 ||

(yugalakam_)

ta*ccoditaḥ sa daśanaprabhayā surārī-

nandrīnmṛgāṅka iva candrikayā vilimpan |

dūtaṃ śaśāṅkaśakalābharaṇasya vākya-

m itthaṃ vimṛṣya śanakair uśanā babhāṣe || 3 ||

notes▲
- 3. ‘taccoditaṃ(to) daśanacandrikayā’ kha.

⸤daityādhipa ityādi yugmam_ | bhṛgunandana uśanāḥ śukraḥ | ityam ityarthāntaram_ (?) || 1 ⸤|| 2 || 3 ||

Lāsannavartidanujendraśarīrakānti-

kalmāṣitā tanur adṛśyata tasya gaurī |

svacchātmatāsphuṭataravratapītakukṣi-

bhāgasthadhūpamaṭaleva sabhātalasthaiḥ || 4 ||

svacchātmatvena sphuṭataraṃ vratanipītaṃ dhūmapaṭalaṃ yasyāḥ | śukro hy adhomukhaL⸤s tapasyan dhūmapaṭalaṃ purā papāv ity āgamaḥ || 4 ||

durvāravīryakaradīkṛtaviṣṭapasya

sā yasya paśyati mukhaṃ caraṇāśrayā śrīḥ |

nūnaṃ natipravaṇadurjayalokapāla-

pālīkirīṭamaṇidarpaṇamaṇḍalīṣu || 5 ||

durvāretyādisaptabhiḥ kulakam_ | pālī ⸤paṅktiḥ || 5 ||

ābhāti yasya namitākhiladiglatāgra-

candrātapāmalayaśaḥstabakojjvalaśrīḥ |

śauryadrumo bhuvanakānanasīmnyarāti-

sīmantinījanajaṭādṛḍhamūlabandhaḥ || 6 ||

jaṭāḥ saṃvalitāḥ keśāḥ, mūlāni ca || 6 ||

preṅkhatkarālakiraṇaprakarā ca yasya

hastāravindaghaṭitā karavālavallī |

baddhapratiṣṭhanadarājasutākarābja-

lobhāt patadbhra*marapaṅktir ivābabhāse || 7 ||

notes▲
- ⸤1. ‘madhupa’ kha.

nadarājaḥ samudraḥ | tatsutā ⸤lakṣmīḥ || 7 ||

saṃbhramya yaṃ praṇamatāṃ maṇipādapīṭha-

nirgharṣaṇād iva lalāṭata*ṭasthalībhyaḥ |

daityadruhāṃ guruṇi saty api nābhimāna-

bīje 'bhyudaiyata punar bhrukuṭīlatābhiḥ || 8 ||

notes▲
- 2. ‘tala’ ka.

daityadruho devāḥ | teṣāṃ bhrukuṭibhir latābhir iva nābhyudaiyata nollasitam_ ⸤|| 8 ||

śyāmībhavaty anudinaṃ ripumaṇḍalasya

yasyāhae viracito niśitāsipāṇeḥ |

Lākrāntadigvalayasainikacakravāla-

nirdhūtabhūtalaparāgahateva kīrtiḥ || 9 ||

parāgo rajaḥ || 9 ||

yena vyalokiṣata saṃyati vṛtraśatru-

līlānirastakuliśāgniśikhā vilagnāḥ |

bāhudrumeṣu rucirāṅgadapadmarāga-

ratnaprabhābhramavisaṃbhramam āhaveṣu || 10 ||

ratnaprabhābhrāntyā visaṃbhramaṃ kṛtvā yena vajrānalajvālā viloL⸤kitāḥ || 10 ||

helāvinirjitaharer na puro 'bhidhātu-

m asyāsti te 'tra gaṇakheṭa khaṭuṅka śaṅkā |

itthaṃ nisargataralapramathaplavaṅga-

saṃsargadurlalitatāsuvacaṃ vacaḥ kim || 11 ||

kheṭo 'dhamaḥ | khaṭuṅko mūrkhaḥ | duṣṭa ity anye | durlalito durvidagdhaḥ | ⸤tadbhāvena hetunā suvacaṃ vacaḥ kiṃ naiva vyāhartum etaj jāyate ityarthaḥ || 11 ||

(saptabhiḥ kulakam_)

prāgdarśitāsuravināśavibhīṣikeṇa

mādhuryasa*ṃbhṛtiviśeṣajuṣā ca* paścāt |

saṃdeśadānavacasā śabalena te 'tra

cetaḥ kṛtaṃ kimapi naḥ pratipattimūḍham || 12 ||

notes▲
- ⸤1. ‘saṃbhrama’ ka.
notes▲
- 2. ‘api’ ka.

pratipattir vicāraḥ ⸤|| 12 ||

durlaṅghyasāraga*hanāsu raṇāṭavīṣu

sthāṇāvivāśu vivaśaṃ vinipatya yasmin |

cakre 'bhyupeyuṣi vivartanabhāji bhaṅgaṃ

śārṅgāyudho vighaṭamānamanoratho 'bhūt || 13 ||

notes▲
- 3. ‘ghaṭanāsu’ ka.

anyaḥ sa eṣa bhujavajradṛḍhābhighāta-

niṣpiṣṭaśātravakulācalacakravālaḥ |

yenojjhitā yudhi dayāmṛdunātinamrā

yāthārthyam āpuramarāḥ pra*thitasya nāmnaḥ || 14 ||*

notes▲
- 4. ‘pratitathyanāmnaḥ’ kha.
notes▲
- ⸤5. asmād anantaraṃ ka-pustake ‘yugalakam_’ ity adhikam asti.

sāraṃ balam_ | sthāṇur aśākhas taruḥ | cakraṃ sudarśanaḥ | cakre rathāṅge sthāṇau ni⸤patya bhaṅgam upagate vegavatvān manaḥsadṛśo ratho vighaṭate || 13 || 14 ||

Lasyārivaṃśadahanānuguṇapratāpa-

cchāyaikadeśalavaleśam apūrayiṣyat |

dhāmādhipo jagati yady abhaviṣyad eṣa

na tvaṣṭṛṭaṅkavinikuṭṭanaghaṭṭitaujāḥ || 15 ||

tvaṣṭā viśvakarmā | L⸤tena purā duḥsahatejaḥprasaradurnirīkṣyo ravir bhrame 'dhiropya śastrakeṇa ca nikuṭya galita⸤tejāḥ kṛtaḥ | yadi ca tādṛg asau nābhaviṣyat tadaitadīyapratāpaśobhāyā leśamātram īṣad apy ā⸤tmani kadācid apūrayiṣyad ity andhakapratāpasyātiduḥsahataratvam uktam_ || 15 ||

vaktraṃ yathā smitavikāsikapolabhitti

dhatte na vakti ca yathā sphuṭam eṣa kiṃcit |

manye bhaviṣyati tathā suracakravāla-

dāvānalaḥ sphuritahetiśikhāsahasraḥ || 16 ||

hetir āyudham a⸤rciś ca | śikhā jvālā koṭiś ca || 16 ||

dūre 'stu tāvad athavaiṣa surendralakṣmī-

m asyānugeṣv api ma*hatsu harir na labdhā |

pattrair api kṣitiruhaḥ pratibaddhavṛtti-

r āsādayaty avanimuṣṇakarātapaḥ kim || 17 ||

notes▲
- ⸤1. ‘sahatsu’ ka, ‘sasatsu’ kha.

labdhā prāpsyati | kṣitiruhas taroḥ pattraiḥ ⸤pratibaddhavṛttir nibaddhaḥ || 17 ||

adhyāsitāṃ puram imām asuronnatena

saṃbibhrataḥ prathitamānaparigrahatvam |

na hrepayanti danusūnubhaṭān pragalbha-

m ete kim arkakiraṇā api laṅghayantaḥ || 18 ||

imāṃ purīṃ laṅghayanto 'rkakarā dānavabhaṭān kiṃ na hrepayanti ⸤lajjayanty eva parābhavakaraṇāt_ || 18 ||

chāyāvibhaṅgakaluṣaḥ kriyate yad indu-

r uṣṇatviṣānudivasaṃ pratikāraśūnyaḥ |

nirdahyate jalanidhir vaḍavāgninā ca

taj jāḍyajṛmbhitam avaimi tayor vigarhyam || 19 ||

jāḍyaṃ śaityam api || 19 ||

Lkāmaṃ bhavanti śataśo jagatīha kulyā-

s tulyānubhāvabalatā kuta eva teṣām |

āliṅgyate tadatiriktaguṇodayaśrī-

r yatsaṃpadā tadapi vācyapadaṃ jaḍānām || 20 ||

kulyās tadanvayajāḥ | L⸤jaḍānāṃ vācyapadaṃ garhāsthānaṃ na tu dhīmatām_ || 20 ||

kālakramād adhigatodayam ekato 'pi

bījāṅkurāt sapadi yātam adhīmukhatvam |

vallīkulāya kimasūyati mūlajāla-

mūrdhāvakāśaracitasthitaye tarūṇām || 21 ||

tarūṇāṃ mūlajālam adhomukhatvād ū⸤rdhvadeśavartine śākhānicayāya kimasūyati naiva | svabhāvata eva keṣāṃcid unnatatvāt_ ⸤|| 21 ||

pātālamandiratale kim ivātra kṛtya-

m anyair vyatītagaṇanaiḥ phaṇināṃ śirobhiḥ |

ślāghyaṃ tad ekam api śeṣaphaṇāsahasra-

m ūrvīṃ bibharti yad aśeṣagirīndragurvīm || 22 ||

22 ||

viṣpandaśītarucinirjharavāridhauta-

dikkāḥ sahasragaṇanā nanu santi śailāḥ |

kṣmāpīṭhadhāraṇasahāḥ katicit tu nūna-

m avyāhatasthitikulavyapadeśayogyāḥ || 23 ||

kula ityādivyapadeśe nāmaikadeśe yogyā girayaḥ kulaśailāḥ || 23 ||

daityādhipaḥ smitamukho visasarja sorja-

m āvarjito 'ti dayayā yudhi jīvato yān |

rūḍhatrayā vada rasātalatāluvāsa-

m arhanti te kim amarāḥ kim athāsurendrāḥ || 24 ||

⸤sorjam āvarjito balavatpraṇataḥ || 24 ||

ity ūcuṣi tridaśavairigurāvamarṣa-

garbhaṃ vidhūnitaśirās tripurāridūtaḥ |

Ltuṅgābhimānagirinirjharajhāṃkṛtena

vākyena pūritasabhāgṛham ity avocat || 25 ||

ūcuṣi kathitavati | kvasoś chandasi ‘chandasy uL⸤bhayathā’ iti sārvadhātukatvād ātideśikena ṭittvenāpy abhimatasiddheḥ | kiṃ tvaṭi dvayor vibhā⸤ṣābhāvāt kānacaḥ kitkaraṇam anarthakam iti tatsāmarthyādasya bhāṣāviṣayam apratijānānās ta⸤tsahacaritasya kvasor api tadviṣayatāṃ pratipedire | kānackvasū kikinau yaṅlug iti kvaci⸤dbhāṣāyāṃ prayogadarśanād iti || 25 ||

kiṃ kathyate balavatī bhavitavyatātra

śocyaṃ sabhātalam idaṃ danujādhipasya |

yasyāsi vatsarasahasranipītagāḍha-

dhūmāndhakāritamatir gurutām upāsthāḥ || 26 ||

gurutāṃ tvam upāsthāḥ sevitavān_ || 26 ||

mā bhūt parasparavirodhisurāsuraugha-

saṃmardaduḥsthitam idaṃ jagad apy aśeṣam |

uktaṃ mayeti yad anujjhitakṛtyavastu

tad bāliśena bhavatāparathā gṛhītam || 27 ||

bāliśo ⸤mūrkhaḥ || 27 ||

sarvatra vastu vitathapratibhāsam eva

niḥsaṃśayaṃ bhavati vi*plavamandadṛṣṭeḥ |

mandākinīsalilam indumarīcigaura-

m utprekṣyate kṣatajam ity aniśaṃ piśācaiḥ || 28 ||

notes▲
- ⸤1. ‘sotplava’ kha.

viplavo bhrāntis timirādiś ca dṛṣṭir vijñānaṃ nayanaṃ ca || 28 ||

abhyudvahan dhavalatām api śītaraśmi-

śobhādharām ahitapakṣagataḥ surāreḥ |

atyantavakrahṛdayo raṇarāgam eva

śaṃsan virājasi na śaṅkha iva tvam ittham || 29 ||

ahitapa⸤kṣo 'niṣṭamatam_ | ahitasya ca śatroḥ pakṣaṃ gatas tadabhipretakṛt_ | ubhayavetanatvāt_ | śaṅkho ⸤'py ahitapakṣaṃ viruddhapārśvam upagataḥ | parājayasūcanāt_ | ahitena vā ripuṇā hriyamāṇas tatpakṣaṃ L⸤na rājate || 29 ||

Lnindyān api stuvata eva guṇānubhāva-

vandhyān a*dhikṣipata eva vimūḍhavṛtteḥ |

duḥsvāminas tanubhṛtām atidainyabhā*jaṃ

bhāvānuvṛttirasikām anujīvitāṃ dhik || 30 ||

notes▲
- ⸤1. ‘api’ ka.
notes▲
- 2. ‘bhājāṃ’ ka.

anujīvitāṃ dhig iti ‘dhig upary ādiṣu triṣu’ iti dvitīyā || 30 ⸤||

saṃpratyamī budhajanasya na cittavṛtti-

m āhlādayanti bhavato 'bhihataprakāśāḥ |

adyāpi kukṣikuharāspadapītadhūma-

śyāmīkṛtā iva bhṛgūdvaha vāci varṇāḥ || 31 ||

31 ||

antardadhatkaluṣatām api jihmavṛtti-

r āviṣkaroti guṇam eva bahiḥ pra*kāmam |

kukṣipraviṣṭaviṣasaṃhatir uttamāṅga-

ratnaprakāśam iva gūḍhapado vimūḍhaḥ || 32 ||

notes▲
- 3. ‘prakāśam_’ ka.

jihmā kuṭilā vṛttir yasya | gūḍhapadaḥ sarpaḥ | sa iva ratnaprakāśaṃ vimūḍho bahir eva guṇaṃ ⸤prakāśayati || 32 ||

vyaktaṃ samāśrayavaśād iha tatsvarūpa-

śūnyo 'pi tatprakṛtitāṃ bhajate jano 'yam |

śvāsānilaḥ saralatām upayāti veṇau

śaṅkhodare kuṭilatā punar asya siddhā || 33 ||

samāśrayo viṣayaḥ | andhakasya bhavān viṣaya iti taddoṣāt tasya ⸤doṣānuṣaṅga ity uktaṃ bhavati || 33 ||

yasyātatāyihṛdayāni nadan bibheda

niḥśvāsavātamukharīkṛtarandhramārgaḥ |

saṃkrāntakukṣikuharāspadasaptasindhu-

saṃghaṭṭaghorataraghoṣa ivāśu śaṅkhaḥ || 34 ||

yasyetyādi pañcabhiḥ kulakam_ | ātatāyino ripavaḥ | ⸤kṣārekṣudadhimadhukṣīraghṛtasvādūdakātmakāḥ saptābdhayaḥ | parikṣiptaṃ tais tu sarvaṃ mahītalam_ || 34 ||

Lpreṅkhatkarāṅguliśikhāgravivṛttivega-

vātāhatā jalabhṛtaḥ kakubhāṃ mukheṣu |

cakrasya yasya kiraṇaiś churitāḥ karāla-

dhārānikṛttadinakhaṇḍaruco nipetuḥ || 35 ||

L⸤aṅgulīnām agre cakrasya vivṛttir līlayā parivartanam_ || 35 ||

līlā harer abhṛta yasya kaṭhorakopa-

huṃkārapāvakaśikhā vadanāt skhalantī |

niḥśvāsadhūtahṛdayāspadagūḍhanābhi-

padmocchvasatkapiśakesaradhūlilīlām || 36 ||

36 ||

yasya sthitaṃ karahatastanapṛṣṭhasīma-

sīmantinīr uditaśabdakṛtānubandhaiḥ |

adyāpi pallavitapūritapāñcajanya-

śaṅkhasvanair iva mahāsuragehagarbhaiḥ || 37 ||

sīmā prāntaḥ | ru⸤ditasvarānubandhād adyāpi yasya saṃbandhina ādhmātasya pāñcajanyasvara ....... yeṣāṃ tair i⸤vāsuragṛhāntaraiḥ sthitam_ || 37 ||

tasyādhipāṇi surayauvatavaktrapadma-

vispaṣṭahāsaghaṭanācaturārkabimbam |

draṣṭāsi kaiṭabharipor asurendrakaṇṭha-

pīṭheṣu cakram acirāt parivartamānam || 38 ||

yuvatīnāṃ samūho yauvatam_ | ‘bhikṣādibhyo 'ṇ_’ | bhikṣā⸤diṣu strītvaviśiṣṭasya yuvatiśabdasya pāṭhāt_ ‘bhasyāḍhe taddhite’ iti puṃvadbhāvābhāvaḥ || 38 ||

(pañcabhiḥ kulakam_)

nāpnoti yasya yudhi dānavahetighāta-

mūrcchāndhakārapaṭalaṃ hṛdaye 'vakāśam |

grāsīkṛtoragasahasraphaṇapratiṣṭha-

māṇikyaraśmibhir iva pravilupyamānam || 39 ||

⸤nāpnotītyādipañcabhiḥ kulakam_ || 39 ||

ucchvāsikāñcanapatattrasamīravega-

visraṃsitaṃ nabhasi śītamarīcibimbam |

Lyenāṇḍakhaṇḍa iti nirdudhuve 'ṅgalagna-

m ākampitatribhuvanaṃ bhramatāhaveṣu || 40 ||

aṅgeṣu lagnaṃ śaśāṅkabimbaṃ yena śubhratvād ātmaL⸤no 'ṇḍasya khaṇḍa iti matvā vidhūnitam_ || 40 ||

adyāpi pakṣapavano bhramatīha yasya

pātālavartmani javena viceruṣaḥ prāk |

vaidhavyaviklavabhujaṅgavadhūsahasra-

sāsrānubandhaguruniḥśvasitāpadeśāt || 41 ||

41 ||

pratyagrasaurabhabharākulitadvirepha-

mālāhaṭhāhṛtasudhārasaśīkarārdrāḥ |

bibhratsudhautakaladhautapatattrapaṅktī-

r jvālāvalīr iva sadhūmaśikhāḥ kṛśānuḥ || 42 ||

42 ||

tārkṣyo yudhi svakaralūnapatattramukti-

saṃmānitasphuradamoghanipātavajraḥ |

nīlābhrakacchavimuṣaḥ kusṛtipragalbhā-

n ekaḥ kṣaṇāt sa dalayiṣyati bhogino vaḥ 43

tārkṣyaḥ pakṣirājaḥ | ⸤sa purāsthiśeṣān bhujaṅgāñ jīvayitum amṛtāharaṇodyatas taiḥ suraiḥ saha saṅgrāmam akarot_ | tatra ca ⸤kruddhena vibudhapatinā parityaktaṃ kuliśaṃ tasminn amogham api moghībhavituṃ prastutam_ | tena sva⸤m ekataraṃ pakṣam ucchidya tatparityāgena mā bhūd asya vitathatvam asminn etan nipatatv iti saṃmānitam a⸤bhūd ity āgamaḥ | abhrakaṃ dhātubhedaḥ | tasya śuklasyāpi saṃbhavān nīlena viśeṣaṇam_ | kusṛti⸤r vyājo bhūmau saraṇaṃ ca | bhogina īśvarāḥ sarpāś ca || 43 ||

(pañcabhiḥ kulakam_)

niḥśeṣalokaparivartavinodadakṣa-

dakṣārirūkṣatarasā gaṇasenayaite |

yāsyanti kām api daśām asurā virugṇāḥ

saṃhāramārutaparamparayeva śailāḥ || 44 ||

lokaparivarta eva vinodaḥ krī⸤ḍā | dakṣāriḥ śivaḥ | tadvad rūkṣatarasā paruṣavegayā || 44 ||

diksyandinīṣu suravāraṇadānapaṅka-

śyāmīkṛtātapajalāsu vipannapakṣāḥ |

Lmattā mahāsurajhaṣāḥ paridṛṣṭakaṇṭha-

cchedā bhavanti na cireṇa samucchvasantaḥ || 45 ||

pakṣāḥ sahāyāḥ patattrāṇi ca | L⸤kaṇṭhacchedo dvidhā karaṇam_ | raktatvād vibhāgaś ca (?) || 45 ||

tiṣṭhantu tāvad atha vākhilasaptaloka-

saṃcāracāturajuṣaḥ pramathādhināthāḥ |

dordaṇḍayantraparivartitaratnasānuḥ

pātālavāsam aham eva karomi kiṃ vaḥ || 46 ||

caturasya bhāvaś cāturam_ | ⸤‘hāyanāntayuvādibhyo 'ṇ_’ | ratnasānur meruḥ || 46 ||

iti kathayati rūkṣālāpagarbhaṃ gaṇendre

dititanayapatīnāṃ krodhasaṃrambhahetoḥ |

karatalahataratnastambhapaṅktiḥ sabhā sā-

vamaragiritaṭīvoddhūtakalpadrumāsīt || 47 ||

saṃrambha āṭopaḥ || 47 ||

⸤iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave ⸤rājānakaśrīratnākarasya kṛtau ratnāṅke haravijaye mahākāvye ⸤bhā*rgavanirbhartsanaṃ nāma trayastriṃśaḥ sargaḥ ||

notes▲
- ⸤1. ‘śukravyāhāranirāso nāma’ kha.

iti ⸤rājānakajayānakasūnor alakasya kṛtau haravijayaviṣamapadoddyote trayastriṃśaḥ sargaḥ ||