Kāvyamālā 22, OCR

Kāvyamālā from OCR-Here only canto 3

More ▾
Title Haravijaya
Commentary Viṣamapadoddyota
Author Ratnākara
Commentator Alaka
Physical description
Language/Script [Sanskrit in Latin script.]
Format e-text
Material digital
History
Date of production unclear
Place of origin
Provenance [record of ownership]
Acquisition [how it was acquired]

⸤pañcaviṃśa sargaḥ |

itthaṃ śaśāṅkātapadarśanena vijṛmbhamāṇāṃ surasundarīṇām |
sasaṃbhramaṃ kāścana tām avasthām abhyetya dūtyaḥ suhṛdāṃ vivavruḥ || 1 ||
⸤śaśāṅkātapo jyotsnā | śaśāṅka eva vātapaḥ saṃtāpakatvāt_ | vivavruḥ prakaṭayāmāsuḥ ⸤|| 1 ||
dhṛtāravindacchadasaukumārye haste ca puṣpās taraṇe ca tasyāḥ |
vipāṇḍuratvaṃ dadhatī nitāntaṃ kapolabhittiś ca tanuś ca tasthau || 2 ||
āstaraṇaṃ śayyā || 2 ||
saugandhyakṛṣṭaiḥ śvasitānilānāṃ tadūṣmadāhāhitagāḍhakhedaiḥ |
pipāsyamānā madhupair bhramadbhiḥ patanti tasyā nayanāmbudhārāḥ || 3 ||
tadūṣmā śvasitasaṃtāpaḥ || 3 ||
candrodayārambhavijṛmbhitena vyadhāyi tasyā makaradhvajena |
velātaṭorvyā iva netraśuktimuktāśrubindusphuṭamauktikatvam || 4 ||
makaradhvajaḥ samudro ⸤'pi || 4 ||
doḥkandalīnirjitasaukumāryaṃ mṛṇālam asyā nihitaṃ sakhībhiḥ |
karoti dāhaṃ saviśeṣam eva tanmatsareṇeva śarīrayaṣṭeḥ || 5 ||
doḥkandalī bāhulatā | tena saukumāryajayena | matsaro dveṣaḥ | matsarādiL⸤śabdāḥ śuklādiśabdavadguṇamātravacanā api || 5 ||
Lābibhratī candanapaṅkalekhāṃ lalāṭabhittiḥ śriyam eti tanvyāḥ |
āvirbhavaccandrakaleva dugdhasindhūrmilekhā virahātipāṇḍoḥ || 6 ||
6 ||
kucadvayaṃ saṃprati sā bibharti śvāsāgatālipratibimbagarbham |
uṣṇoṣṇabāṣpāmbukaṇapratānaploṣeṇa śāratvam iva prayātam || 7 ||
7 ||
saṃpraty asau muñcati bāṇavarṣam ābaddhakopeva manobhave 'pi |
prajāgareṇāruṇite bibharti vilocane padmapalāśadīrghe || 8 ||
bāṇanikaramocini kā⸤me 'py ābaddhakopeva | kupitasya tāmrekṣaṇatvāt_ || 8 ||
anekasaṃkalpavikalpagāḍhāṃ daśāṃ vahantyā virahe tvam eva |
svapne 'pi jāgraccarite ca tasyāḥ sukhasya duḥkhasa na heturekaḥ || 9 ||
anekaḥ saṃkalpo racanā yeṣām_ | ⸤svapne sukhaṃ tvaddarśanāt_ | jāgradavasthāyā tu duḥkhaṃ tvadanupalambhāt_ || 9 ||
viyujyatāsau bhavatā ca yasmin kṣaṇe sakhedaṃ vivaśā sakhī me |
sa dagdhabimbaḥ smarabandhureko didhakṣur enām udiyāya candraḥ || 10 ||
10 ||
tvayā viluptāvasaro natāṅgyāḥ śaraiḥ śarīraṃ kṛśatāṃ nayadbhiḥ |
bhinatti tasyā niśitair anaṅgaḥ kṣatis tu me cetasi gāḍhagurvī || 11 ||
11 ||
viniṣpatantaḥ śalabhāḥ pradīpaśikhām ivābhyujjvalacārukāntim |
akampayan dagdhadaśāśrayāṃ tāṃ smareṣavaḥ saṃbhṛtapakṣmaśobhāḥ || 12 ||
⸤dagdhadaśām upahatāvasthāṃ pluṣṭāṃ ca vartim_ | pakṣmāṇy ubhayatra pakṣāḥ || 12 ||
antarviyogajvalanoṣmatāpaparīyamāṇair iva jātatṛṣṇaiḥ |
nipīyate mugdhadṛśo 'dharāgraraso 'dhunā niḥśvasitaprabandhaiḥ || 13 ||
tāpena vyā⸤pyamānaya(tvā)t_ jātatṛṣṇair iveti yojyam_ | ‘ivena [nityasamāso] vibhaktyalopaḥ pū⸤rvapadaprakṛtisvaratvaṃ ca’ iti nityaṃ samāsasyopasaṃkhyātatvāt katham evam iti cet_, na | chando⸤viṣayatvād asya na doṣaḥ | niścitaṃ caitat_ | ‘siṃhīrūpam iva’ iti bhāṣyakṛdvacanāt_ | tatra ⸤hi siṃhīva rūpam ityartho vivakṣitaḥ | ye tu ‘sāmarthye sati samāsena bhavitavyam_ | na ca ⸤parīyamāṇevaśabdayoḥ sāmarthyasaṃbhavaḥ yena samāsaḥ syāt_’ iti samādadhate teṣāṃ yena saha saṃgatārthatvam ivaśabdasya saṃbhavati tena sahāsya samāsaprasaṅgo nivartayitum aśakya iti prāktana L⸤eva parihāro jyāyān iti prāg eva pratipāditam_ || 13 ||
niśāsu vinyastamarīcidaṇḍamṛṇālanālena śarīrayaṣṭau |
tuṣārabhāsāpi nipīyamānalāvaṇyatoyeva vibhāvyate 'sau || 14 ||
14 ||
Llāvaṇyalakṣmyā maṇipārihāryaṃ rūpāmṛtāṃśoḥ pariveṣacakram |
na bhāti sākalpakaśalyaviddhā mṛṇālavallīvalayaṃ vahantī || 15 ||
pārihāryaḥ kaṭakaḥ | ⸤pariveṣaḥ paridhiḥ | ‘ākalpakam anaṅgena kṛtam asvāsthyam ucyate’ || 15 ||
kutūhaleneva kucadvayasya madhye 'vakāśādhigamāya tanvī |
sakhīkaranyastamṛṇālanālasūtraiḥ parītaṃ hṛdayaṃ bibharti || 16 ||
kucamadhye 'vakāśa ⸤labhantām iti kautukān nyastaiḥ | adhigamo lābhaḥ || 16 ||
rūpaṃ vahantī harati sma yūnāṃ yā cittavṛttiṃ śubhalakṣaṇāḍhyā |
avaimi tatpādatalastham eva jhaṣāṅkam āviṣkṛtacāruśobham || 17 ||
jhaṣāṅkaḥ kāmaḥ | sa yadā ⸤tasyāḥ pādatalasthas tadāyattavṛttiḥ | tadāsya śobhayā sāmarthyāc cittavṛttiharaṇaṃ na bhava⸤tīti | jane yo hīśvarasyopajīvitayā pādatale sthitaḥ sa tādṛśa eva prāyaśo dṛśyate | ⸤vastutas tu tasyāḥ pādatale jhaṣa evāṅko lekhārūpaṃ lācchanaṃ sthitam_ | yad āha śubhalakṣa⸤ṇāḍhyeti || 17 ||
na niṣṭhuratvaṃ hṛdayaṃ viyoge na saukumāryaṃ ca bibharti tasyāḥ |
vibhidyamānaṃ smaramārgaṇair yan na dārḍhyam āpnoti na śīryate vā || 18 ||
18 ||
niśāgame mandiraratnabhitticchāyāgatenārdratayā sakhī me |
anāmayapraśnavidhitsasyeva niṣevyate 'sau śiśiratviṣārāt || 19 ||
ārdratā sneho 'pi | āmayo rogas tadabhāvo 'nāmayam_ | arthā⸤bhāve 'vyayībhāvaḥ || 19 ||
upoḍharāgaiḥ pratibaddhakhedam ālokamārgaṃ dayitaṃ nayadbhiḥ |
gṛhītacittaiḥ kriyate kṛśāṅgyāḥ sakhījanasyānukṛtir vikalpaiḥ || 20 ||
rāgaḥ prītir api || 20 ||
sthūlāśrudhārāpatanānubandhapramṛṣṭisaṃjātabhayeva tanvyāḥ |
gaṇḍārpite saṃprati pāṇipadme na bhāti lagnāgurupattravallī || 21 ||
21 ||
vidūyate sā nipataddvirephakalmāṣitābhir navamañjarībhiḥ |
smareṣubhir dhūrjaṭilocanāgniśikhāvadagdhābhir ivekṣitābhiḥ || 22 ||
22 ||
saṃdhukṣaṇāyeva jhaṣāvacūlanāḍiṃdhamenograviyogavahneḥ |
nyastāṃ śarīre bisadaṇḍakhaṇḍanāḍīṃ natabhrūḥ saralāṃ bibharti || 23 ||
nāḍim agnyuttejaL⸤nāya yo dhamati sa nāḍiṃdhamaḥ suvarṇakārādiḥ || 23 ||
tvadviprayogānaladāhatapte mlānīkṛtāmbhoruhiṇīpalāśe |
acchinnapātāḥ kucakumbhapṛṣṭhe tasyāśchamityaśrukaṇāḥ patanti || 24 ||
24 ||
Lkroḍena sā ketuśikhāgralagnam ivānurāgān makaraṃ smarasya |
niśāsu lakṣmodvahatā tuṣāramarīcinā dagdhaśarīrayaṣṭiḥ || 25 ||
kroḍo madhyaṃ tena smarasya ⸤dhvajaṃ makaram iva lāñchanaṃ vahatā śaśāṅkena sā dahyate || 25 ||
lalāṭapaṭṭāmbaracandralekhāṃ lāvaṇyaratnākaraphenarājim |
lalāṭikāṃ candanapaṅkadigdhāṃ kaṃdarpalīlākadalīṃ bibharti || 26 ||
lalāṭasyālaṃkāro lalā⸤ṭikā | ‘karṇalalāṭāt kann alaṃkāre’ iti kan_ || 26 ||
⸤(yugalakam_)
sacandanās taddhṛdaye sakhībhir muhurvyadhīyanta śamāya hastāḥ |
vinirgalatsvacchanakhāṃśutoyadhārāpraṇālīsaralāṅgulīkāḥ || 27 ||
dhārāpradhānāḥ praṇālyaḥ sūkṣmāḥ ⸤salilamārgāḥ | tadvatsaralā aṅgulyo yeṣām_ || 27 ||
niśāsu tasyāḥ pratibimbamindoralakṣyata kṣāmakapolabhāge |
lakṣmodvahattacchayanīkṛtaikahastāṅguliśyāmakiṇāyamānam || 28 ||
28 ||
saṃtāpyamānā virahānalena śaśāṅkalekhārucirā sakhīnām |
tasyās tanuḥ svedajalacchalena vilīyamāneva tanoti khedam || 29 ||
29 ||
vibhāvyate mauktikahārayaṣṭyā viyogavahneḥ praśamāya subhrūḥ |
nijaprabhācandanavārivarṣaiḥ sakhyeva saṃsiktakṛśāṅgalekhā || 30 ||
30 ||
vinidranīlotpalapuṇḍarīkamṛṇālavallīvalayānvitāṃ sā |
dhatte daśām aśrujalāvakīrṇām udyānavāpīm iva manmathasya || 31 ||
31 ⸤||
vikalpajālākulitaṃ tadīyaṃ cetaḥ paribhrāmyati nirvyavastham |
viniṣpatanmanmathamārgaṇaughapatattravātair iva nudyamānam || 32 ||
32 ||
dhṛtoṣmabhiḥ śvāsasamīrapātair nirdagdham evoṣṭhadalaṃ tayādya |
na dahyate yāvad alaṃ śarīram upaihi tāṃ tāvad apāsya mānam || 33 ||
33 ||
viḍambitāpūrvavinidrapadmavicumbanālagnamṛgāṅkabimbam |
na bhāti cintāhitaśūnyadṛṣṭi karāravinde vadanaṃ tadīyam || 34 ||
śūnyā viṣayādarśinī || 34 ||
mṛṇālinī candanapaṅkadigdhalalāṭikā ketakaśobhivaktrā |
prasannalāvaṇyajalā vipāṇḍupayodharā śrīr iva śāradī sā || 35 ||
vaktram ārambho 'pi | payodharau stanau | L⸤payodharāś ca balāhakāḥ || 35 ||
Lbimbāyamānādhararāgalakṣmīkadarthanākhedabhayād ivācchām |
aśruśrutiṃ jarjaratāṃ nayadbhiḥ śvāsānilair dattakucāgrakampā || 36 ||
36 ||
vigarhyamāṇātanuviprayogakṛśānusaṃtāpadaśeva dūram |
rutena bhṛṅgaiḥ kṛtaśoṣapuṣpaśayyāmadhusyandavivṛddhakhedaiḥ || 37 ||
viprayogāgninā saṃtāpadaśā yasyāḥ sā madhupair vi⸤garhyamāṇeveti yojyam_ || 37 ||
bibharti bimbāgatacandrabimbasaṃsparśaśītārtatayeva naktam |
gaṇḍasthalīm utpulakām anekakaṃdarpasaṃkalpavaśān natabhrūḥ || 38 ||
38 ||

⸤(cakkalakam_)

mūrchānubandhaśvasitapralāpaprajāgarotkampavijṛmbhaṇāni |
phalāny avāptāni tayā sukhārthamātmārpaṇaṃ tvayy api nāma kṛtvā || 39 ||
39 ||
‘vya*rtho hāro mṛṇālaiś citam api śayanaṃ dhik kim ambhoruhair vā
karpūraṃ dūra eva kṣipata himaśilāśarkarābhiḥ kim ābhiḥ |
mithyā maivātikhedaṃ bhajata gurutaraḥ ko 'pi dāhajvaro 'syā
ity anyonyaṃ tadālyaḥ subhaga parigadanty aśrupūraplutākṣyaḥ || 40 ||’
    • ⸤1. ayaṃ ślokaḥ prakṣipta iti bhāti, bhinnavṛttatvāt_.
40 ||
tadehi yāvan na bhajaty avācyāṃ daśāṃ sakhī me tava viprayogāt |
saṃcārikāyā vacaseti dūram utsāhitaḥ satvaram etya kaścit || 41 ||
saṃcārikā dūtī || 41 ||
upāsyamānāṃ śiśiropacāravyagrātmanā tatra sakhījanena |
niketanāntaḥ kadalīgṛhasya garbhe niṣaṇṇāṃ dayitām apaśyat || 42 ||
⸤upacaryate ebhir ity upacāra upakārakāṇi dravyāṇi | apaśyad iti kriyā ‘upekṣitāṃ’ ityādi L⸤ślokaparyantam anuṣaktā || 42 ||
śayyīkṛtaṃ gaṇḍatalasya bāṣpadhārāñjanaśyāmalitaṃ karāgram |
jṛmbhāpidhāne vadanasya dattaṃ śvāsair iva pluṣṭam upādadhānām || 43 ||
43 ||
kucadvayenāmalamauktikāṃśuplutāṃ vahantīm adhikonnatena |
antarviyogānalatīvratāpavilīyamānām iva hārayaṣṭim || 44 ||
44 ||
Lśarīkṛtair ebhir ananyajanmā bhinatti cetāṃsi viyoginīnām |
itīva puṣpāṇy upakārabhūmau saṃśoṣayantīṃ śvasitoṣṇavātaiḥ || 45 ||
ananyajanmā kāmaḥ || 45 ||
dhautāñjanair aśrukaṇaiḥ patadbhir ālakṣyamāṇākṣarapaṅktiśobhaiḥ |
anaṅgasaḍmeśavidhitsayeva kalmāṣayantīṃ śvasitoṣṇavātaiḥ || 46 ||
46 ||
candrodayenāhitavṛddhiyogāṃ vikīrṇamuktāphalacūrṇarāśim |
velām ivākrāntanavapravālāṃ daśāṃ vahantīṃ makaradhvajasya || 47 ||
⸤pravālāni pattrāṇi vidrumāṇi ca | makaradhvajo 'bdhir api || 47 ||
antaḥ patanmanmathapuṣpabāṇapakṣānileneva kṛtābhivṛddhīn |
vikampitottuṅgapayodharāgrān niḥśvāsadaṇḍān muhur utsṛjantīm || 48 ||
48 ||
sugandhiniḥśvāsarasāt patadbhis tadūṣmadāhāhitagāḍhakhedaiḥ |
na sevyamānaṃ na ca mucyamānaṃ śilīmukhair ānanam udvahantīm || 49 ||
49 ||
atyuṣṇabāṣpāmbukaṇapratānavidāhabhītyeva vikampamānam |
bimbādharaṃ niḥśvasitānubandhanitāntapāriplavam udvahantīm || 50 ||
50 ||
muktāphalatvaṃ nijakarṇaśuktipātena bāṣpāmbukaṇair ivāptaiḥ |
salīlam uttānitavaktracandrāṃ site 'bjamālāśayane niṣaṇṇām || 51 ||
⸤karṇāv eva śuktī tatra pātān muktāphalatvam ivāptaiḥ || 51 ||
sugandhiniḥśvāsarasena līnaṃ tadūṣmadāhe 'pi puro bhramantam |
viniṣpatadbhir daśanāṃśutoyair nirvāpayantīm iva bhṛṅgayūtham || 52 ||
52 ||
sakhīr latāpaṅkajajālaśayyāvidhūtadhūlīkapilaiḥ sadeśe |
niḥśvāsavātair hṛdayasthagāḍharāgopaliptair iva dhūnayantīm || 53 ||
sadeśe samīpe || ⸤rāgo 'dhyavasānam_ | tasya lauhityarūpeṇa rāgeṇaikyādhyavasāyāt tadupaliptair ivety utprekṣā | ⸤sakhīnāṃ dhūnanaṃ maivaṃ mariṣyatīti śaṅkayā kampaḥ || 53 ||
stanasrajā sārdham avāptaśoṣāṃ sākaṃ galantīṃ nayanāmbupūraiḥ |
dagdhāṃ sahālījanacittavṛttyā viyogasaṃtāpadaśānubandhaiḥ || 54 ||
śoṣo 'vaṣṭambhaḥ hāri(ni)r api | ga⸤lanaṃ kṣāmatāpattiś ca || 54 ||
subhrūlatāṣaṭpadamālayauṣṭhadalābhirāmāṃ śriyam udvahantyā |
avāptavaktrāśrayayāravindakāntyā pratīpaṃ vijitendubimbām || 55 ||
pratīpaṃ vaiparītyāt_ | indoḥ kamalakāntikadanahetutvena prasiddheḥ L⸤|| 55 ||
Lpayodharāgrapratiphālalīlāsamucchvasaccandanacūrṇadigdhaiḥ |
atyuṣṇadīrgheḥ śvasitānubandhair utkṣepanirhāsakadarthitāsyām || 56 ||
pratiphālaḥ pratighātaḥ | utkṣepanirhāsāv unnamananamane || 56 ||
mā smodgamanniḥśvasitena sārdhaṃ viyogaduḥkhādasavo 'bhitaptāḥ |
itīva saṃcintayat āśu bāṣpastambhena saṃrabhya niruddhakaṇṭhām || 57 ||
57 ||
samudvahantīṃ kṛśatātinimnagaṇḍasthalīghūrṇanamandavegān |
āvegasaṃphullapuṭagranāsāmārgāgatām̐l locanavāribindūn || 58 ||
āvegaḥ ⸤śvasitānubandhaḥ || 58 ||
cintānubaddhasphuṭaśūnyadṛṣṭi karārpitakṣāmakapolabhāgam |
mukhaṃ dadhānāṃ vinikuñcitabhrūlekhāpariṣvaktalalāṭalekham || 59 ||
vinikuñcitā cintayā kuṭilīkṛtā || 59 ||
nāsāpathenopagatāṃ nirugṇamuktāphalakṣodaparāgaśītām |
antarviyogānalatāpatṛṣṇāvaśād ivāśrusrutimāpibantīm || 60 ||
muktāphalānāṃ ⸤kṣodaś cūrṇaṃ tadrajasā saṃtāpaśamāya mukhārpitena śītām_ || 60 ||
upekṣitāṃ vibhramaṣaṭpadaughaiḥ paryastadordaṇḍamṛṇāladaṇḍām |
smaradvipasyāmbujinīm ivātiniśātananārācaviṣāṇabhagnām || 61 ||
61 ||
⸤(kulakam_)
saṃbhramya kaṇṭakitagātralatā salīla-
m āvedyamānadayitāgamanā kathaṃcit |
ānandabāṣpajalabindugurūkṛtāgra-
pakṣmodamīmiladatho nayanadvayaṃ sā || 62 ||
62 ||
śvāsāniloṣmagurudāhavidhūsarasya
nirvāpaṇaṃ spadi kartum ivādharasya |
śītān mumoca muhur aśrukaṇān vilambi-
pātān asau kuṭilapakṣmaśikhāgralagnān || 63 ||
63 ||
tasyās tadā ruciracandanavāripaṅka-
carcākṛtām iva vidhūsaratāṃ pramārṣṭum |
Lsvedāmbhasi plutisamunnamitapraharṣa-
romāñcarājini mamajja śarīrayaṣṭiḥ || 64 ||
64 L⸤||
kiṃ kāryam atra bhavatā dayitāgame 'pi
saṃtāpaśoṣitarasena śarīrayaṣṭau |
tanvyā itīva ghanacandanapaṅkalepo
romāñcarājibhir anudyata nirgatābhiḥ || 65 ||
65 ||
preyasy upeyuṣi sasaṃbhramam aśruvāri
yaccakṣuṣoḥ parimamārja sukhotsukāsau |
vispaṣṭam eva punar añjanapaṅkadigdha-
paryantatā ruditam āha tayoḥ sma tasyāḥ || 66 ||
66 ||
romāñcabhinnanavacandanapaṅkacarcaṃ
bhraśyanmṛṇālaśakalaṃ vicalajjalārdram |
visrastahāram upajagmuṣi sā priye 'tha
sārdhaṃ mumoca daśayāmbujapattraśayyām || 67 ||
jalārdrā jalaknūtaṃ vasanam_ || 67 ||
vicchidyamānavirahānalatāpaśuṣka-
sūtrā tadā dayitāgāḍhanigūhanena |
muktāphalāny amalahāralatā mumoca
gharmodabindupaṭalāni tanuś ca tanvyāḥ || 68 ||
sūtraṃ guṇaḥ | tanupakṣe tu sūtraṃ ⸤hāralataiva | snāyuvatsūtrāṇīti kecit_ || 68 ||
madhyasya tānavabhṛto dayitādalabdha-
sparśatvam unnativaśād bata māvayor bhūt |
cakrīkṛtau tadupagūhavaśād itīva
tanvyāḥ stanau sapadi vāmanatām adhattām || 69 ||
69 ||
romāñcapīnatanutāṃ dadhatoḥ krameṇa
saṃprāptayos taruṇayor atha kātaratvam |
Lāliṅganena cirasaṃbhṛtaviprayoga-
taptākhilāṅgaghaṭanā sudṛḍhā babhūva || 70 ||
tapteti sākūtam_ | taptayor hi ghaṭanā ⸤suṣṭhu dṛḍhā bhavati | ‘taptena taptamayasā ghaṭanāya yogyam_’ iti || 70 ||
itthaṃ dūtīmadhuravacanākarṇanādāgatānāṃ
ślāghyaḥ kālo vipulapulakālaṃkṛtiḥ ko 'py apūrvaḥ |
yūnām āsīd atanuvirahopaplavaklāntakāntā-
gāḍhāśleṣaślathabharagalattāraratnāṅkahāraḥ || 71 ||
galite 'pi hāre L⸤pulakenālaṃkṛtatvād apūrvatā || 71 ||
⸤iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave ⸤rājānakaśrīratnākarasya kṛtau ratnāṅke haravijaye mahākāvye dūtīsaṃkalpo nāma pañcaviṃśaḥ sargaḥ |
iti rājānakajayānakasūnor alakasya kṛtau haravijaya⸤viṣamapadoddyote pañcaviṃśaḥ sargaḥ ||