Kāvyamālā 22, OCR

, ,
Known as: , (NCC).
Siglum: K_OCR

Kāvyamālā from OCR-Here only canto 3

More ▾

Title	Haravijaya
Commentary	Viṣamapadoddyota
Author	Ratnākara
Commentator	Alaka

Physical description
Language/Script	[Sanskrit in Latin script.]
Format	e-text
Material	digital

History
Date of production	unclear
Place of origin
Provenance	[record of ownership]
Acquisition	[how it was acquired]

K_OCR

⸤aṣṭamaḥ sargaḥ |

itthaṃ gaṇādhipatikopakṛśānuśānti-

hetor ivendumaṇihāralatāguṇeṣu |

muñcatsu śaṃkarakirīṭakarālacandra-

khaṇḍāṃśupātavaśataḥ śucivārivarṣam || 1 ||

⸤ittham ityādi pañcabhiḥ kulakam_ | gaṇādhipatiśabde ‘svāmīśvarādhipati—’ iti vi⸤hitāyāḥ ṣaṣṭhyāḥ ‘pratipadavidhānā ca ṣaṣṭhī na samasyate’ iti samāsapratiṣedho na vartate | ⸤‘dāyādyaṃ dāyāde’ iti prakṛtisvaratvena tadanityatvasya jñāpitatvāt_ | apare punar ācakṣate—⸤saptamī bādhikā mā bhūd iti śeṣalakṣaṇaiva ṣaṣṭhī tena pratiprasūyata iti nāsti tasyāḥ pra⸤tipadaṃ vidhānam iti | hārā eva latāḥ | tadākṛtitvāt_ | karālo bahalaprabhaḥ || 1 ||

prālambamauktikaparisphuradaṃśujāla-

jyotsnātapacchuraṇapāṇḍuritāntarāsu |

Lpītāripakṣaśaśiśubhrayaśaḥsvivāsi-

yaṣṭiṣv anekabhaṭapāṇitalasthitāsu || 2 ||

L⸤prālamba āprapadīno hāraḥ || 2 ||

māṇikyakandukam amandaravīndubimba-

śobhādharaṃ karatalāgravivartanābhiḥ |

ālānitasya bhujakalpatarau vidhāna-

piṇḍaṃ diśann iva parākramakuñjarasya || 3 ||

māṇikyakanduka eva vidhānapiṇḍaḥ karibhojanakava⸤laḥ | ālānito nibaddhaḥ || 3 ||

paryaṅkabandhaghaṭanāvikaṭena kāla-

kāyaśriyā viṣadhareṇa parītamūrtiḥ |

paryantavarti dalitāñjanadhūlipuñja-

sacchāyasindhuparikhakṣitimaṇḍalaśrīḥ || 4 ||

parītā parivalitā || 4 ||

ākṛṣya kālamusalo musalaṃ salīla-

m āmāṃsalāṃsaśikharaskhaladuttarīyaḥ |

vākyaṃ nirargalamudāharadabhranāda-

sāśaṅkatāṇḍavitaṣaṇmukhanīlakaṇṭham || 5 ||

5 ||

(pañcabhiḥi kulakam_)

yeṣām avastuviṣayaḥ prathitaḥ kilātma-

lābhaḥ parasparakṛtaḥ plavamānavṛttiḥ|

dūraṃ vyatītya nikhilān khalu tān vikalpā-

ñ śabdāṃś ca yaḥ sthitim asaṃkaramūrtir āpat||6||

yeṣām ityādika⸤m ekādaśabhiḥ kulakam_ | yeṣāṃ śabdavikalpānāṃ parasparaṃ vikalpaiḥ śabdānāṃ śabdaiś ca vika⸤lpānāṃ kṛtaḥ svarūpalābhaḥ kila avastuviṣayo na vastusaṃsparśī pratītaḥ | vastugatānvaya⸤vyatirekān anuvidhānād eva plavamānavṛttir arthabahiṣkṛtatvād uparīva vastuno bhraman_ | itthaṃ ca ⸤‘vikalpayonayaḥ śabdā vikalpāḥ śabdayonayaḥ | teṣām anyonyasaṃbandhenārthaṃ śabdāḥ spṛśa⸤nty amī ||’ iti | anyasyāpi vastunaḥ sakalavikalpadhvaniviṣayābhāvād īśvarasya tatprati⸤pādanayā kā praśaṃseti ced āha—dūram iti | sarvātmanetyarthaḥ | anyad dhy upādhimukhena prakārā⸤ntareṇa vā kenacic chabdavikalpair gocarīkriyate | devas tu teṣāṃ na kathaṃcid api kadācid vi⸤ṣayaḥ | vikalpaḥ śabda evāntaḥsaṃkalparūpaḥ | asaṃkaramūrtiḥ sattvarajastamobhir asaṃkīrṇaL⸤rūpaḥ | nirguṇatvāt_ || 6 ||

Lyenāsakṛtpralayakālaniśāvatāra-

prārabdhatāṇḍavanirargalaḍambareṇa |

utkṣiptam ambaram ivāparamūḍhasāṃdhya-

rāgaṃ vinirgaladasṛgdvipacarma babhre || 7 ||

yenāmbaraṃ vasanam ibhacarma babhre bhṛtam_ | aparam ambaram ākāśa⸤m iva || 7 ||

yasyābhrasindhusalilormighaṭāsamīra-

paryastamūlaparivartikirīṭacandram |

chedābhiyuktakarajāgram ivaiti lakṣmī-

m adyāpi mūrdhni parameṣṭiśiraḥkapālam || 8 ||

mūlaṃ kapālasyādhastano deśaḥ kaṇṭhasthānam_ | tatra parivartī samantāt tiṣṭha⸤n mukuṭendur yasya | ata evādyāpi kapālasya nakhāgracchedasaṃbhāvanā || 8 ||

yasyādrirājasutayā ratimaṇḍaleṣu

vinyastayāvakarasaḥ karajaḥ salīlam |

helāvilūnanalināsanavaktranāla-

viṣyandisāndrarudhirārdra ivāluloke || 9 ||

ratisamaye ⸤gauryā maṇḍanārtham arpitālakaraso nakho yasya tathāluloke dṛṣṭaḥ || 9 ||

saṃdhyāsu yasya nayanāgniśikhāsahasra-

sīmantyamānatimiraṃ suravartma dhatte |

paryantavartisalilasphuradaurvavahni-

hetiprakāśakapiśodarasindhulīlām || 10 ||

sīmantyamānaṃ dvidhā ⸤kriyamāṇam_ || 10 ||

yasyordhvalocanam anindhanadhūmarāśi-

r adhyāsta etad anapekṣitareṇulakṣmā |

akṣuṇṇa eva dahanaḥ skhaladuttamāṅga-

gaṅgājalokṣaṇaśamānuguṇetarārciḥ || 11 ||

reṇulakṣmā vāyuḥ | akṣuṇṇo 'pūrvaḥ | jalokṣaṇenopaśāntāv anuguṇe⸤tarā ananuguṇā arciṣo jvālā yasya || 11 ||

yasya vyalokyata suraiḥ puradāhakāle

helordhvakṛṣṭam abhisaṃhitasāgnibāṇam |

Lbāṇāsanaṃ saralasaṅgabhujaṃgaghoṇa-

bhāsvattṛtīyanayanabhrukuṭīkarālam || 12 ||

saralasaṃgatanāsaṃ tadūrdhvanayanaṃ tatsaṃbaL⸤ndhibhrukuṭivatkarālaṃ bhīṣaṇam_ | atra bāṇasya ghoṇopamānam_ | bhāsvannayanam agneḥ | dhanuṣa⸤ś ca bhrukuṭiḥ || 12 ||

līlākirātavapuṣo dadṛśe śarīra-

cchāyā ca yasya rabhasena vanecaraughaiḥ |

antarnigūḍhagalagocarakālakūṭa-

kūṭaprabhāpariṇater iva mecakaśrīḥ || 13 ||

13 ||

mukte 'pi kāraṇakirātavapuṣyudagni-

netraprabhāruṇitamauktikahāralekham |

yasyādrirājaduhitābhimukhī babhāra

guñjāphalasragupagūḍham iva stanāgram || 14 ||

guñjā raktikā || 14 ||

mādhuryam akṣataguṇaṃ dadhataṃ rasasya

saṃkṣobhitākhilasurāsuracakravālam |

akṣuṇṇam eva makaradhvajam ūrdhvacakṣu-

r aurvānalaḥ sapadi yasya vibhor adhākṣīt || 15 ||

yasyordhvacakṣur evaurvānalo makara⸤dhvajaṃ kāmam akṣuṇṇaṃ samastam eva dadāha | rasasya śṛṅgārahāsyāder mādhuryaṃ ramaṇīyatā | aurvā⸤nalo 'pi makaradhvajam abdhiṃ bhasmasād akarot_ | evaṃguṇatvād apūrvam akṣuṇṇam_ | samudro hi lavaṇarasaḥ ⸤surāsuraiḥ kṣobhito na madhurarasas teṣāṃ kṣobhayitā | rasas toyam api || 15 ||

na spṛśyate 'pi kamalaprabhavo yadīya-

māyākavāṭapuṭapāṭanapāṭavena |

asmin prabhau tribhuvanasya nikāraleśa-

saṃbhāvanāpi kurute parato 'nutāpam || 16 ||

māyaiva kavā⸤ṭapuṭaṃ paṭṭakadvayam_ | parataḥ śatroḥ | nikāraḥ paribhavaḥ | tatkaṇikāsaṃbhāvanāpy asmin bhuva⸤napatau saty anutāpaṃ kurute | naiva karotīti kākuprayogaḥ || 16 ||

⸤(ekādaśabhiḥ kulakam_)

asyāhave ka iva śūlam idaṃ saheta

śākhānalakvathanaduḥsthitasāgarāmbhaḥ |

Lbibhrajjagatkavalanotthitakālarātri-

kopotkaṭabhrukuṭibhaṅgabhayaṃkaratvam || 17 ||

śākhāḥ śūkāḥ L⸤|| 17 ||

etatkarāspadam arālaśikhākarāla-

śākhāntarālataralānalavisphuliṅgāḥ |

etasya muñcati jagatkṣayakālavahni-

bījacchaṭā iva diśo daśa śārayantīḥ || 18 ||

sphuliṅgāśabdaḥ strīliṅgo 'py agnikaṇavācakaḥ || 18 ||

paśyatsu bhītividhuraṃ vibudhādhipeṣu

tīkṣṇāgrakoṭikarajakrakacena kopāt|

asyottamāṅgam aravindasado 'py amanda-

m ucchindataḥ sadasi kaḥ pratibandhako 'bhūt||19||

aravindasatkamalāsanaḥ ⸤|| 19 ||

daṃṣṭrākarālamukhakaṃdarakoṭibhāga-

helāvidāritagajāsuraghoramūrtiḥ |

pañcānanatvam anaghaṃ surasiṃha eṣa

cūḍāśaśāṅkakalikāsaṭayā bibharti || 20 ||

pañcānanatvaṃ sadyojātādipañcavaktratvaṃ siṃhatā ca | surasiṃhaḥ suraśreṣṭhaḥ surasadṛ⸤śaś ca siṃhaḥ kesarī || 20 ||

asya sthitā śirasi śekharacandrakhaṇḍa-

saṃparkaśītataratuṅgataraṅgabhaṅgā |

uddāmadhāmaraviśoṣitasaptasindhau

saṃśoṣam eti na jagatpralaye 'pi gaṅgā || 21 ||

21 ||

asya kṣayeṣv alikalocanatīvravahni-

tāpasphuṭatkanakakarparadarpaṇāgre |

vispaṣṭam adritanayā vadanaṃ vilokya

padmāsanāṇḍam akhilaṃ saphalīcakāra || 22 ||

alikaṃ lalāṭam_ || 22 ||

saṃvartakālarajanīṣu vijṛmbhamāṇa-

m asyālimecakaruci sphurad etad āsyam |

Lviśvaṃ viśatpralayam eti tad andhakāra-

bījāyamānam abhito diśi dakṣiṇasyām || 23 ||

saṃvartakālaḥ kalpāntaL⸤s tadrajaniṣu | kṛṣṇatvāt tāsāṃ rajanīnām andhakārasya bījam iva dakṣiṇadiggatam etadīyam āsya⸤m aghorākhyaṃ praviśadviśvaṃ pralayam eti kṣīyate || 23 ||

dūre 'thavaiṣa viṣayīkṛtasaptaloka-

duḥkhānalaprabhavabhāvavikāraśūnyaḥ |

āstām aśeṣam ahadādiviśeṣaniṣṭha-

viśvodayasthitivināśadaśaikahetuḥ || 24 ||

bhāvavikārāḥ ṣaṭ_ janmādayaḥ | maha⸤dādayo viśeṣā buddhyādayo vikārā ity asakṛd uktam_ || 24 ||

lakṣmīm apūritapadatraya eva daitya-

nāthasya saṃprati baler iva śārṅgapāṇiḥ |

paśyatsu dānavabhaṭeṣv aham ākṣipāmi

cakrāṃśupiñjaritapīvarabāhudaṇḍaḥ || 25 ||

trīṇi padāni kramā yāvan na ⸤paryante tāval lakṣmīm abhiharāmīty atilāghavasyoktiḥ | padatrayaṃ bhūrbhuvaḥsvalakṣaṇam api || 25 ||

(yugalakam_)

kṣundan ripor vighaṭamānadṛḍhāsthisaṃdhi-

bandhāṃś camūparivṛḍhānahamūḍharīḍhaḥ |

kālasya kiṃ musalatām adhunā vidhāya

nāmno bibharmi yudhi tatpuruṣārthatattvam || 26 ||

⸤camūparivṛḍhāḥ senāpatayaḥ | rīḍhā avajñā | prahāra ity anye | he tatpuruṣa tatpuruṣākhyamukha | ⸤tatpuruṣaśabdo 'tra viṣaye 'rśaādyajantaḥ | nāmno 'rthatattvam arthaparamārtham anvitārthatvaṃ nāma ⸤kim udvahāmi | ripukṣodena kālamusalatākaraṇāt_ | yadi vā nāmno 'nvitatvād āgataṃ tada⸤tisubhagaṃ puruṣārthasya pauruṣasya tattvaṃ kiṃ vahāmīti yojyam_ | atha ca kālasya musalatāṃ ⸤kṛtvā kālamusala iti tatpuruṣanāmnaḥ samāsasyārthatattvaṃ bibharmīty uktam_ | kālasya musala L⸤ity evaṃ kālamusala iti ṣaṣṭhīsamāsaḥ || 26 ||

paryantavartijalarāśitaraṅgabhaṅga-

cīnāṃśukāracitacañcalacīracihnam |

kṣmāmaṇḍalaṃ karagṛhītasumerudaṇḍo

līlātapatram iva kiṃ sahasoddharāmi || 27 ||

cīrāṇi khaṇḍāḥ || 27 ||

Ldiksundarīr upadihānam ahānibhāgbhi-

r acchācchacandanarasair iva māṃ yaśobhiḥ |

paśyantu saṃprati bhaṭā dṛḍhapārṣṇighāta-

paryastahemagiribhagnasurārisaṃstham || 28 ||

upadihānaṃ ⸤limpantam_ | pārṣṇiprahārapatite sumerau vināśitā daityānāṃ saṃsthā sthitir yena || 28 ||

eko bhujaḥ sarasacandanapaṅkadigdhaḥ

kartuṃ kṣamo virahiṇīr mama dakṣiṇo 'yam |

kampākulā malayavāyurivātatāyi-

nārīlatā galitabāṣpakaṇaughapuṣpāḥ || 29 ||

⸤dakṣiṇo dakṣiṇadikpravṛtto 'pi | ātatāyī ripuḥ || 29 ||

dikcakravālarabhasagrahaṇapragalbha-

daityāndhakāranikaravyavadhānamagnām |

bhāsvān ivāśu divasacchavim uddharāmi

jiṣṇoḥ śriyaṃ rudhirapāṭalamaṇḍalāgraḥ || 30 ||

jiṣṇur indraḥ | maṇḍalā⸤graḥ khaḍgaḥ | maṇḍalasya bimbasyāgraṃ mukham_ || 30 ||

svedacchaṭārdrakarapiṣṭakarālahāra-

dhūlicchaṭārudhiracandanapaṅkacarcāḥ |

neṣyanti śoṣam acirān maruto mamāri-

bandīkarāvadhutacāmaramaṇḍalotthāḥ || 31 ||

31 ||

kampākulībhavad anekapalokapāla-

pālīkapāladalanotpulakaṃ kapolam |

eko 'pi kopakapilaṃ dadhadutkṛpāṇa-

pāṇiḥ kṛṇomi karuṇākṛpaṇo 'ricakram || 32 ||

anekapeṣu gajeṣu avasthitā⸤yā lokapālapaṅkteḥ kapālapāṭanenodgatapulakaṃ kapolaṃ bibhrad ahaṃ kampākulībhavad aricakraṃ kṛ⸤ṇomi hinasmi | ‘kṛñ_ hiṃsāyām_’| karuṇayā kṛpaṇo daridraḥ | dayārahita ityarthaḥ || 32 ||

gāmbhīryaśāliṣu raṇāmburuhākareṣu

muktvā guṇān bhavati kiṃ karalagnam anyat |

Lpaṅkāvilā bisalatā iva daityarāja-

senā vṛṣāṅka mama khaṇḍayato viśaṅkam || 33 ||

⸤muktveti samānakartṛkatvābhāvāt_ ktvāpratyayaś cintyaḥ | anye tv āhuḥ—muktveti ktvāntapraL⸤tirūpako 'yaṃ nipāto vinārthaḥ | guṇān muktvā vinetyarthaḥ | tadyoge ca guṇān iti dvitī⸤yā | ‘hā pratiyogeṣu ca dṛśyate’ iti dṛśigrahaṇāt_ | yathā—‘tam ṛte hāram alimlucaṃ vi⸤haṃgam_’ iti | guṇāḥ śauryādayas tantavaś ca | karalagnam upanataṃ hastapatitaṃ ca || 33 ||

saṃrambhiṇo mama vidhūtatamālakhaṇḍa-

cchāyāsu dānavavarūthavatīṣu saṃkhye |

nistriṃśayaṣṭiṣu nidāgharucer ivāsu

tejo 'dhunā sphuratu tigmatarapratāpam || 34 ||

⸤varūthavatyaḥ senās tāsu kṛṣṇatvād avajitatamāladyutiṣu madīyaṃ saṃprati tejaḥ parisphuratu | ⸤raver ivāsilatāsu | pratāpa ātapo 'pi || 34 ||

bibhraty abhīkṣṇam atiśāyi hi saukumāryaṃ

śaktā na kaṇṭakakṛtāṃ kṣatim eva soḍhum |

vismāpinī vinidadhātu niśātakhaḍga-

dhārāpathena padam askhalitaṃ na lakṣmīḥ || 35 ||

lakṣmīrasidhārāpathena padaṃ na nidadhātu ⸤kṣipatv eva | kaṇṭakāś caurasuvarṇakārādayaś cāṇakyoktāḥ | yā ca saukumāryāt kaṇṭakakṣatam api ⸤na sahate khaḍgadhārāpathe ca padam arpayati sāvaśyaṃ vismayahetuḥ || 35 ||

dvāri śriyo mama bhujārgaladaṇḍa eṣa

niḥsyandatāṃ nayatu saṃprati saṃprahāre |

anyonyam āttaghaṭanāvatanū kavāṭa-

paṭṭāv ivobhayavarūthavatīniveśau || 36 ||

śriyo dvāri praveśano⸤pāye raṇe madbhujārgala evobhāv api svaparasaṃbandhinau senāniveśau niścalatāṃ nayatu | palā⸤yananirodhāt_ | dvāre cārgalābandhena paṭṭakadvayaṃ niścalīkriyate || 36 ||

līlāvarāha iva nirvarapīvarāṃsa-

kūṭasphuratpravikaṭāṅgada eṣa bāhuḥ |

paryastakāñcanagiriḥ kṣapayan vipakṣā-

n ujjṛmbhatāṃ mama navāmbudamecakaśrīḥ || 37 ||

nirvaro 'nanyasaL⸤dṛśaḥ | nirgato vara utkṛṣṭo yasmāditi kṛtvā || 37 ||

Lanyonyamatsaradurutsahabāhudaṇḍa-

darpodayoddhurasurāsurakṛṣyamāṇām |

lakṣmīm upendra iva mandaraśailamūrti-

m ekaḥ karomi bhujapañjarasaṃnibaddhām || 38

38 ||

svacchaṃ yaśonivaham āvahatu trilokī-

līlātmadarśam acireṇa viśeṣato me |

saṅgrāmadhāmanihatātanubāhudaṇḍa-

darpoddhatāhitacitārajasaiva hastaḥ || 39 ||

mama karas trilokyā ⸤mukurabhūtaṃ yaśonivaham ahitānāṃ citārajasaiva vimalaṃ karotu || 39 ||

śaknoty anugraham abhīkṣṇam apagrahaṃ ca

kartuṃ mahān hi mahataḥ samaye mahasvī |

bhānuḥ kṣaye viparipūrayatīndum āśu

vicchāyatāṃ ca nayati prasabhaṃ prabhāte || 40 ||

apagraho nigrahaḥ ⸤|| 40 ||

ambhodarājimalinātanukālakūṭa-

lekheva manmatharipoḥ samavartisīmā |

kaṇṭhagrahaṃ samaravartmani pūrvadeva-

nāthasya saṃprati karotu mamāsiyaṣṭiḥ || 41 ||

samavartino yamasya sīmā mārgaḥ | kaṇṭhagraham āliṅganam api || 41 ||

te kūṭaśalmaliviśaṅkaṭakaṇṭakaugha-

tīkṣṇāgraniṣṭhuranikartunikṛttakaṇṭhāḥ |

nālokitā prabhuvipattir itīva nātha

nṛtyantu saṃbhṛtamudaḥ samare kabandhāḥ || 42 ||

kūṭaśa⸤lmalir narakasaṃbhavī taruviśeṣaḥ | yantrakṣepyaḥ praharaṇaviśeṣa ity anye | tatkaṇṭakavattīkṣṇāL⸤greṇa nikartunā khaḍgena nikṛttakaṇṭhāś chinnaśirasaḥ || 42 ||

āyodhane śravaṇatālavidhūtakumbha-

sindūradhūliparipāṭalitaṃ madāmbhaḥ |

muñcantu śoṇitam iva pratipakṣacakra-

senāvināśapiśunaṃ gajagaṇḍameghāḥ || 43 ||

43 ||

Ltasyādhunaiva piśitāśanalobhalagna-

helollasadvikaṭakaṅkamukhaiḥ śarīrāt |

ākṛṣṭaśaktaśakalaughaśalākam astu

sānāthyalagnam iva nātha śakuntacakram || 44 ||

kaṅkāḥ pakṣiviśeṣāḥ | ⸤tanmukhaiḥ śarīrād ākṛṣṭāḥ śastraśakalaughāḥ śalākāś ca kāṇḍaphalakāni yena tathāvidham adhu⸤naivāstu vihagavṛndam_ | sānāthyam upakāraḥ | yaś copakārapravṛttaḥ sa duḥkhitasya kaṅkamukhaiḥ ⸤śalyoddharaṇabhāṇḍais tatkṣaṇam eva śalyoddharaṇaṃ karoti || 44 ||

kiṃ vā mayā bhuvanakānanasīmadāha-

dāvāgnayo ripucamūcamarīmṛgendrāḥ |

tiṣṭhanty amī ditijarājasamijjayaśrī-

keśagrahotsukakarās tava deva yodhāḥ || 45 ||

samit saṅgrāmaḥ || 45 ||

kharvīkṛtādrijalanirbharavārigarbha-

gambhīrabhairavaravolbaṇavāraṇāsu |

nirvarṇyatāṃ samaranirvaravīrabhadra-

durvāratā varada vairivarūthinīṣu || 46 ||

he ⸤varada, vīrāṇāṃ bhadrā jayahetur durvāratā nirvarṇyatām avalokyatām_ | vārigarbho jaladaḥ ⸤|| 46 ||

śatrūttamāṅgaśakalīkṛtim ucyamāna-

raktāmbusekasukumāratarād abhīkṣṇam |

khaḍgālavālavalayāt saśilīmukhaugha-

saṅgrāmakānanatale ciram ullsantī || 47 ||

khaḍga evālavālaṃ sekajalādhāraḥ | śilīmukhā bhramarāḥ śarāś ca || 47 ||

āśritya śūrabhujapādapam indugaura-

cchāyaṃ yaśaḥ kusumarāśim upādadhānā |

vistāriṇī phalabharaprasavaikahetu-

r lakṣmīlatā sapadi vṛddhim upaitu nūnam || 48 ||

phalaL⸤m aiśvaryam api || 48 ||

(yugmam_)

Ltejasvinaḥ samuditāḥ sphuṭam ekam eva

dhuryāvalambanam ihojjvalayanti kāryam |

saṃhārakālasaviśeṣaruco 'titīvra-

m uṣṇatviṣo dinam ivodayadurnirīkṣyāḥ || 49 ||

dhuryāvalambanaṃ pradhānāśritaṃ kāryaṃ yadyapy ekaikasya karaṇakṣamaṃ tathāpi ⸤bahavaḥ samuditās tadujjvalayantpy uddīpayanti | vāsaram iva ravayaḥ | dhuryā ravirathaturagā api | ⸤saṃhāro ripukṣayo 'pi | udaya utsāho 'pi || 49 ||

ākarṇanākulaghanadvhanimohamanda-

mandākinīpulinamandirarājahaṃsam |

ākopakampitasurāsuracakravāla-

m uktveti kālamusalo vacanaṃ vyaraṃsīt || 50 ||

mandā nirutsāhāḥ | vyaraṃsīd iti ⸤‘vyāṅ_paribhyo ramaḥ’ iti parasmaipadam || 50 ||

sa vacanakuruvindavyañjitoddāmadhāma-

vyatikaragurubhāsvaccittaratnas tad āsīt |

sadasi gaṇapatīnāṃ sūcitāntarvivakṣā-

sphuradadharapuṭānāṃ vaktravinyastaddṛṣṭiḥ || 51 ||

vacanam eva kuruvindaṃ maṇiśastrādīnām u⸤ttejanadravyam_ || 51 ||

atha sakalatadīyorjasvivākyaprapañca-

śravaṇapulakitāṅgo vīralokaś cacāla |

upanataraṇalīlāniścayāsphālitāṃsa-

sphuṭitaruciraratnacchāyakeyūrabāhuḥ || 52 ||

52 ||

⸤iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave rājānaka ⸤śrīratnākarasya kṛtau ratnāṅke haravijaye mahākāvye kālamusaladaṇḍa⸤vyāhṛtivarṇano nāmāṣṭamaḥ sargaḥ |

iti rājānakajayānakasūnor alakasya kṛtau haravijayavi⸤ṣamapadoddyote 'ṣṭamaḥ sargaḥ ||