Kāvyamālā 22, OCR

, ,
Known as: , (NCC).
Siglum: K_OCR

Kāvyamālā from OCR-Here only canto 3

More ▾

Title	Haravijaya
Commentary	Viṣamapadoddyota
Author	Ratnākara
Commentator	Alaka

Physical description
Language/Script	[Sanskrit in Latin script.]
Format	e-text
Material	digital

History
Date of production	unclear
Place of origin
Provenance	[record of ownership]
Acquisition	[how it was acquired]

K_OCR

L⸤saptamaḥ sargaḥ |

krūrakrudhām atha karābhihatāṃsakūṭa-

m ullāsitabhrukuṭi dantavighaṭṭitauṣṭham |

teṣām anekavidhaghoravikāraceṣṭa-

m ātāmradṛṣṭi sadasi sphuritaṃ tad āsīt || 1 ||

L⸤etādṛśi mahimni skandhayoḥ saṃbhavati ke dviṣanto nāma te ya evaṃvidhaviruddhācaraṇe ⸤vyāpṛtā ity aho vṛthānayoḥ pīnatvam ity āśayena śūrāṇām aṃsaśikharāhananam | raṇakaṇḍūbhareṇa ⸤vā | sphuritaṃ vikṣobhaḥ || 1 ||

vinyastapādabharakampitakuṭṭimāgra-

m āghaṭṭanāvighaṭitāmalamaulibandham|

krodhaḥ sabhāṃ nyaviśatāṅgadakoṭilagna-

visrastakomaladukūladaśaṃ smarāreḥ || 2 ||

2 ||

vakṣaḥsthale gaṇapateḥ kupitasya hāra-

cchedocchaladbahalamauktikapaṅktir ādhāt |

prāgvidrutāṅkaśaraṇāgataśatrulakṣmī-

svedodabindubisaracchuriteva śobhām || 3 ||

prāk_ pūrvam akṛte 'pi raṇe vidrutā bhayāt palāyitā ⸤|| 3 ||

chāyāṃ kiranmalinitāmbaradigvibhāgā-

m āvirbhavadbhrukuṭibhaṅgabhayānakena |

vaktreṇa kālamusalaḥ sakalāriloka-

saṃhārarātrighaṭanām iva kartum aicchat || 4 ||

kālamusalādayo gaṇāḥ | arisṛṣṭeḥ saṃhārārthaṃ rātrir atra kālarajanī | tasyāḥ ⸤saṃhārakatvāt_ || 4 ||

saṃrambhagarbhagurumanyumanāś cakāra

huṃkārabhairavaravaṃ yudhi vīrabhadraḥ |

jṛmbhāvikāsivikaṭānanakaṃdarārdha-

bhāgāntarālakuharapratiśabdadīrgham || 5 ||

yudhi saṃrambhā yuddhaviṣayā āṭopās taiḥ || 5 ||

uddāmaroṣabharanirbharabhairavīya-

bhīyantraṇārahitahuṃkṛtanādasāndrāḥ |

Laṃsasthalābhihatitāraravā bhaṭānāṃ

saṃdhiṃ kathaṃcid abhidan na divaspṛthivyoḥ || 6 ||

bhairavīyā haraL⸤saṃbandhinī | divaspṛthivyor iti................................. || 6 ||

cikṣepa pāṇikamalena ruṣā vilūya

viṣyandisāndramakarandavilīnabhṛṅgām |

kaṇṭhasrajaṃ ratarasāgataśatrulakṣmī-

līlāvighātarabhasād iva meghanīlaḥ || 7 ||

7 ⸤||

krūrakrudhaḥ karatalena lalāṭapaṭṭa-

m āpāṭalaṃ malayataḥ sadasi trimūrteḥ |

ālakṣyatopari tṛtīyavilocanasya

bhrūmañjarīva navadhūmaśikhotpatantī || 8 ||

8 ||

jihmībhavadbhrukuṭipāṭalarāgadṛṣṭi-

tiryagvivṛttavadanaṃ hasitāṃśugauraḥ |

śauryoṣmaṇā prathitasāranirargalena

bhasmībhavann iva bhujaḥ śikhināluloke || 9 ||

9 ||

vaktraṃ dadhad daśanadaṃśabhayād ivāśu

kampākulādharadalasthiti vajramuṣṭiḥ |

dordaṇḍam āhata kareṇa surāribhaṅga-

saṃrambharāgavikasatpulakaprabandhaḥ || 10 ||

10 ||

śvāsānilā natamukhasya karābhighāta-

bhinnāvaniprakaṭarandhrapathapraviṣṭāḥ |

pātālagarbhanalinīm analasya cakru-

r uddhūtaśeṣaphaṇapāṇḍurapuṇḍarīkām || 11 ||

pātālagarbha eva nalinī tām analakarābhighātabhinnāyā bhuvo vivaL⸤reṇa praviṣṭāḥ śvasitamaruto nirdhūtaśeṣaphaṇaśvetapadmāṃ vidadhuḥ || 11 ||

uttaṃsapuṣpanavakesarasāndradhūli-

piṅgīkṛto madhumadena papāta bhṛṅgaḥ |

Lnirmathnataḥ sapadi bhṛṅgiriṭer lalāṭa-

m ūrdhvākṣitāraka ivāgniśikhāpiśaṅgaḥ || 12 ||

12 ||

roṣāruṇīkṛtadṛśo naḍakūbarasya

huṃkāradhūmapaṭalīṃ mukharandhrabhāgāt |

daityādhirājakavalīkaraṇādareṇa

kṛtyām ivaikṣata janaḥ sahasotpatantīm || 13 ||

naḍakūbaro ⸤harasya suhṛdo dhanadasya sutaḥ | kṛtyā mahotpātakṛddevatāviśeṣaḥ || 13 ||

kaṇṭhāvalambimakarandarasātipāna-

visrambhamantharavilīnaśilīmukhaughā |

dṛptārisaṃgarajalāśayakuñjarasya

bhāti sma śṛṅkhalam ivotpaladāma jiṣṇoḥ || 14 ||

arisamaram eva ⸤saras tatra viloḍakatvāt kuñjararūpasya jiṣṇoḥ śṛṅkhalam ivotpaladāma śuśubhe || 14 ||

niryannakhāṃśusalilaughakṛtābhiṣeka-

m ekaṃ sahāyam anaghaṃ yudhi manyamānaḥ |

bāhudrumaṃ karatalena parāmamarśa

durdarśamūrtir atha karśitasarvalokaḥ || 15 ||

15 ||

preṅkhallalāṭakaṣaṇotthitasāndradhūma-

lekhānuṣaṅgakṛtalagnakabandhamoham|

tigmāṃśubimbam asudarśabhayaṃkaraika-

mūrtiḥ sumūrtiradadarśad akarśitaśrīḥ||16||

⸤kaṣaṇaṃ vidāraṇam_ | dhūmalekhāsaṃbandhāt kṛtaḥ kabandho 'tra lagna iti bhramo yena tādṛśaṃ ⸤ravibimbaṃ sumūrtiradadarśatpradarśayāmāsa | kabandhaḥ śirorahitaḥ pumān utpātasūcakaḥ | rāhu⸤r ity anye | akarśitaśrīḥ paryāptaśobhaḥ || 16 ||

anyonyagāḍhamalanena rarāja dhūma-

varticchaṭā karapuṭād viyad utpatantī |

īṣad vinidradalamaṇḍalapuṇḍarīka-

koṣodarād bhramarapaṅktir ivāgnikasya || 17 ||

dhūmaśikhaiva cchaṭā carcā | karapuṭaṃ pāṇiL⸤dvitayam_ || 17 ||

Lkrodheśvarasya ca kirīṭakapālapaṅkti-

r ūrdhvekṣaṇānalaśikhāpaṭalāvamarśāt |

saṃhārabhānukaratāpitaśailakūṭa-

ṭāṃkāratāraravam asphuṭad uttamāṅge || 18 ||

18 ||

niḥśeṣam ākulitaśeṣaśarīranāla-

m āghūrṇamānavikaṭābhrapalāśakhaṇḍam |

caṇḍeśvarasya saruṣo bhuvanāravinda-

m uṣṇoṣṇaniḥśvasitatāpavaśenaṃ mamlau || 19 ||

19 ||

sasvedaśīkaram akampata tālaketu-

r ātāmratālutalabhīṣaṇajṛmbhavaktraḥ |

saṃkalpanirjitapuraḥsthitavairilakṣmī-

gāḍhopagūhanavaśād uta tīvramanyoḥ || 20 ||

tālaketus tīvrān manyoḥ kāraṇabhūtād akampata | śrīsa⸤m āliṅganahevākād ivety utprekṣā | āliṅgitukāmasya svedaḥ kampo jṛmbhā ca prādurbhavanti | ⸤utaśabda ivārthe || 20 ||

tiryagvivartitamukhasya lulāyaketo-

r hāsacchaṭādhavalabhāsmanabhakticitraḥ |

bāhur jayadviradahasta ivārarāja

pīnāṃsakūṭavikaṭonnatakumbhapīṭhaḥ || 21 ||

bhāsmanabhaktir bhasmacarcā || 21 ||

sasyandire sadasi gharmajalāni sāndra-

sindūratāmramukharāgarucaḥ prakopāt |

saṃdehitendukiraṇāṅkuragauratāra-

hārācchabindupaṭalāni sunandakasya || 22 ||

indukarāṅkuravadgaurās tārā ⸤muktāmaṇayo yeṣāṃ te hārāḥ saṃdehitāḥ saṃdehaviṣayīkṛtā yena tādṛśam acchaṃ bindupaṭalaṃ ⸤yeṣām_ | jaleṣu hi bindavo hariṣv iva tārā nirantarasaṃniviṣṭā iti bindudvāraka evoL⸤dakeṣu keṣāṃcana hārasaṃdehaḥ || 22 ||

caṇḍe ca cukrudhiṣi taccaraṇātibhāra-

khedākulonnamitapīvaradīrghadoṣṇā |

Lśeṣeṇa kuñcitakarālaphaṇāsahasra-

visraṃsinī kṣitir abhāritarāṃ kathaṃcit || 23 ||

cukrudhiṣi kruddhe | kuñcitaṃ vakram_ || 23 ||

kruddhaṃ mayūrapatiketanam aṃśujālai-

r na dvādaśāpi kakubhaḥ paridīpayantaḥ |

saṃhāravāsaram ivātanudrunirīkṣya-

rūpaṃ vilocanasahasraruco na cakruḥ || 24 ||

vi⸤locanāny eva sahasrarucaḥ sūryās te kumāraṃ kalpāntadivasam iva durdarśamūrtiṃ vidadhuḥ | kumā⸤rasya ca ṣaṇmukhatvād vilocanāni ravivad dvādaśaiva || 24 ||

kṣuṇṇāṅgadāruṇaśilāśakalotthasāndra-

dhūlicchaṭāpaṭalakuṅkumapaṅkacarcā |

pañcākṣakopavikṛtiḥ kṛtamaṇḍaneva

sasvedaśīkarakaṇotkaramauktikāsīt || 25 ||

aruṇaśilā padmarāgadṛṣat_ ⸤|| 25 ||

diṇḍeḥ sphuliṅgakaṇikāḥ saruṣaḥ kiradbhi-

r anyonyapāṇimalanotthitadhūmadigdhaiḥ |

nāploṣi dhūrjaṭisadaḥ katham apy athaurva-

saṃvāditāṃ vidadhataḥ paruṣākṣipātaiḥ || 26 ||

26 ||

viṣyandamānaghanagharmakaṇāvakīrṇa-

mucchvāsikuṅkumavilepanam agnidhāmnaḥ |

vibhrāntatārakaviśaṅkaṭaśātakaumbha-

śailādhirājakaṭakaśriyam āpa vakṣaḥ || 27 ||

śātakaumbhaṃ suvarṇam_ | ‘śātakumbhaṃ’ iti pāṭhe tad eva || 27 ||

niṣpiṣṭahāravidhutoddhādhūlipuñja-

bhasmacchaṭābhir aruṇacchavilocanaśrīḥ |

kṣmāmaṇḍalaṃ jvara ivākulayāṃcakāra

durvārakopavikṛtiḥ sadasi trimūrdhā || 28 ||

ko⸤po bhīṣaṇam avasthāntaram api | vikṛtiḥ pralāpo 'pi | trimūrdhā kaścana gaṇaḥ | jvaro 'pīL⸤dṛśa eva | yad uktam_—‘tripādbhasmapraharaṇas triśirā raktalocanaḥ’ iti || 28 ||

Lbhāsvatphaṇāmaṇikaṇolbaṇavahnicūrṇā-

kalmāṣitāmbaratalān mukharandhrabhāgāt |

valmīkakūṭakuharād uragā ivāgni-

ketor nirīyur atha huṃkṛtadhūmadaṇḍāḥ || 29 ||

phaṇāma⸤ṇikaṇavad ulbaṇaṃ bhāsvaraṃ vahnicūrṇaṃ sphuliṅgāḥ | valmīkaḥ pipīlakakṛtaḥ samucchrito mṛ⸤drāśiḥ || 29 ||

āmardakasya suravairivimardino 'pi

dikkāminīmukhanavāgurupattralekhā |

huṃkāradhūmapaṭalī bhuvanāravinda-

koṣodarabhramarapaṅktir adhatta śobhām || 30 ||

30 ||

krodhāvapiṣṭaśaśabhṛtkiraṇacchaṭāccha-

hārāvalīvivalitāgniśikhasya dhūliḥ|

saṃrambhavibhramadiśāmukhajṛmbhamāṇa-

lakṣmīkapolatalarodhrarajaśchaṭāsīt||31||

vivalitā viniḥsṛtā || 31 ||

jyotiṣmataḥ śikhiśikhānikurumbapiṅga-

jihmotkaṭabhrukuṭibhaṅgabhayaṃkaratviṭ |

sāmbhobharasthirataḍidguṇameghaśobhi

vaktraṃ vilokya sabhayā bibhayāṃbubhūve || 32 ||

bubhūve iti ‘bhavater aḥ’ ity atvaṃ ⸤na bhavati | bhavater iti kartṛnirdeśāt kartur anyatra lakārotpattau tadabhāvāt_ | anye tu-eta⸤[danya]dīyamatam | tato bhavitavyam evātra bhavater aḥ iti manvānā babhūve ity eva paṭhanti || 32 ||

tārasya tāratarahuṃkṛtiroṣagarbhāṃ

vinyasyato 'gnikapiśāṃ dṛśam āśu tiryak |

tattāpayogagalitātanupattrabhaṅga-

hemāṅgadāṃsaśikharo bhujadaṇḍa āsīt || 33 ||

⸤tasyāgnes tāpavaśena galitam atalpapattralataṃ keyūraṃ yasya tādṛśam aṃsakūṭaṃ yasyeti bahuvrīhigaL⸤rbho bahuvrīhiḥ || 33 ||

Lniḥśeṣam ekakavalagrahasauṣṭhavena

mṛtyor iva tribhuvanaṃ saruṣo jighatsoḥ |

jṛmbhāvikāsi vadanaṃ vikarālajihva-

m ālokya saṃsadi vijahvalur asya lokāḥ || 34 ||

vijahvalus trastāḥ || 34 ||

niḥśaṅkahuṃkṛtakṛśānukaṇāvakīrṇa-

vistīrṇatāmratalatāluvijṛmbhamāṇam|

saṃdhyāpiśaṅgam aruṇāṃśuśikhāvamarśa-

śoṇagrahaṃ nabha ivorjitavaktram āsīt||35||

35 ||

jṛmbhāvikāsi mukham agnimukhasya tāmra-

jihvākarālavikaṭasphuṭadantamālam|

reje 'mbarīṣam iva nirgatavahniheti-

paṅktipratiṣṭhadhavalodaralājagarbham||36||

jihvākarālaṃ vikaṭadanta⸤mālaṃ ca vadanam ambarīṣaṃ bhrāṣṭram iva vyarucat_ | vahnipadaṃ punaḥ śrutiprakarṣaṃ gamayatīti vī⸤psayā ca prakṛṣṭarūpaṃ dīpādi vyavacchinatti | paṅktipratiṣṭhāḥ paṅktirūpeṇa saṃniviṣṭāḥ || 36 ||

dīrghaṃ viniḥśvasati tindukinīprasūna-

vispaṣṭapāṭaladṛśi triśikhe samanyau |

āsannam eva bhuvanapralayāvatāra-

m ābaddhavepathur amanyata rājalokaḥ || 37 ||

⸤tindukinī raktikā | avataraty asminn ity avatāraḥ | bhuvanānāṃ pralayo yatrāvatarati taṃ kāL⸤lam āsannam evāmanyata gaṇānāṃ lokaḥ || 37 ||

keyūracakradalanocchaladindranīla-

khaṇḍāvalī karatalābhihatāṃsabhitteḥ |

kālasya kuṭṭimatalāmburuhopahāra-

gandhākulabhramarasaṃhativibhramābhūt || 38 ||

vibhramaḥ śobhā || 38 ||

saṃcūrṇitāṅgadakarālakarāhatāṃsa-

kūṭotthaniṣṭhuravirāvavipūritāśam |

akrodhi bodhitasurāsuracakravāla-

saṃhāradurdharaparākramam antakena || 39 ||

39 ||

Lcaṇḍānanasya karatāḍanakhaṇḍyamāna-

keyūraratnakaṇakoṇakaṇatkṛtiśrut |

daityakṣayādhikasaroṣakṛtāntadanta-

saṃghaṭṭabhairavaravānukṛtiṃ cakāra || 40 ||

kaṇa⸤tkṛtirūpā śrut_ kaṇatkāraśabdaḥ || 40 ||

āghātabhagnavikaṭavraṇakaṃdharāṃsa-

kūṭocchalacchithilitāṅgadadoḥpracaṇḍaḥ |

mṛtyor iva pratikṛtiḥ sa cukopa kopa-

kampākulotpulakapīnakapolabhittiḥ || 41 ||

41 ||

cakrāyudhaṃ sapadi cukrudhivāṃsam aṃsa-

kūṭāvamardamṛditormikapāṇiyugmam |

saṃhārabhāskaradurīkṣyamukhaṃ nirīkṣya

no sasmaruḥ svam api jātabhiyaḥ suraughāḥ || 42 ||

ūrmikā vālikā || 42 ||

cakre diśo ditisutāhavasāvahela-

hāsollasaddaśanadīdhiticakravālaḥ|

vyaṅgyāhitapralayapaiśunajṛmbhamāṇā-

kāṇḍe (?) tarūtthakusumā iva nīlavajraḥ||43||

vyaṅgyasya prakaṭa⸤nārhasya ripūṇāṃ pralayasya paiśunaṃ sūcanā yatra tathā kṛtvā vijṛmbhamāṇāya (?) akāṇḍe ⸤tarūtthāni akāṇḍajāni kusumāni yeṣu (?) tādṛśīr eva diśo daśanāṃśuyogād akarot_ ⸤|| 43 ||

saṃrambhiṇaḥ śikhitam asya puraḥ prakīrṇāṃ

huṃkāravahnikaṇasaṃtatim attum aicchat |

krīḍāśukaḥ śikhibhuvaḥ paripākatāmra-

piṇḍīrapiṅgakaṇaśaṅki vimugdhacetāḥ || 44 ||

attuṃ grasitum_ | śikhibhūḥ kumāraḥ | piṇḍīraṃ dāḍimam_ || 44 ||

piṅgekṣaṇasphuradakalkamarīcivalga-

dulkāgnidāhabhayaviklavatām ivāptam |

Lbhrūbhaṅgapuñjitam adhatta lalāṭapaṭṭa-

m āghaṭya kuṭṭimatalaṃ caraṇena nandī || 45 ||

akalkā L⸤vimalā marīcaya evolkāgniḥ || 45 ||

uttānavaktrakuharotthitayāṭṭahāsa-

hāsatviṣā kaluṣayā bibharāṃbubhūve |

preṅkhaty anargalarasātalagarbhanirya-

dinduprabhādhavalaśeṣaśarīralakṣmīḥ || 46 ||

46 ||

romāñcapūritavikampikapolabhāga-

m udvartamānapuṭatāravipāṭalākṣam |

vaktraṃ vidaṣṭavikaṭauṣṭhavikṛṣṭanāsa-

m udbhrūvibhaṅgam abhṛtāruṇam abhraketuḥ || 47 ||

vikṛṣṭā dīrghīkṛtā || 47 ||

saṃprāpya saṃnahanam āhavagāḍharāga-

m ujjṛmbhitaḥ sapadi roṣa ivaiṣa sākṣāt |

pātālagahvaragabhīraravāvamarda-

pārṣṇiprahāravidhurām acakampad urvīm || 48 ||

saṃnahana⸤m udyogo mūrtitvaṃ ca || 48 ||

paryantabhāgavilasatpulakaṃ babhāra

hetivraṇaṃ saghanagharmajalaṃ jayantaḥ |

stokāvaśiṣṭajalatīravirūḍhabāla-

śaṣpāṅkurahradasarūpam uraḥsthalena || 49 ||

hetir āyudham_ | hrado nāgabhavanam_ || 49 ||

vyāvṛttivegaviśarārukarālahāra-

tārāvakīrṇamaṇikuṭṭim apṛṣṭhabhāgaḥ |

visraṃsitoḍugaṇaśāritabhūmipīṭha-

saṃhāramārutavilāsam asāv alāsīt || 50 ||

tārā muktāma⸤ṇayaḥ | alāsīt_ jagrāha | ‘lā ādāne’ || 50 ||

sāmarṣaharṣabharapārṣadapārṣṇipāṇi-

līlābhighātavidhurā dharaṇī rarāṇa |

Lpātālatāluni sasaṃbhramanāgabhīru-

garbhapragalbhavinipātanaghoraghoṣam || 51 ||

pārṣadā gaṇāḥ | tālu madhyam_ | L⸤bhīruḥ strī || 51 ||

keyūracakranikarais tridaśādhipānā-

m aṃsāvamardapatitair maṇikuṭṭimorvī |

reje puraṃdarakareritavajrapāta-

vicchinnapakṣatipuṭair iva bhudharāṇām || 52 ||

keyūram eva cakram_ | maṇḍalākṛtitvāt_ || 52 ||

daityapratāpaśikhiśāntim iva kṣaṇena

kartuṃ viśaṅkaṭalalāṭataṭasthalībhyaḥ |

te dharmaśīkarakaṇaprakarānsalīla-

m ākṛṣya karkaśaruṣaś cakaruḥ karāgraiḥ || 53 ||

ta iti pārṣadāḥ ⸤|| 53 ||

jṛmbhāvikāsaghaṭanāvikaṭair apāṅga-

paryantaniryadatanujvalanasphuliṅgaiḥ |

vaktrair gaṇādhipatayaḥ saruṣaḥ kṣaṇena

dikcakram agrasiṣateva karāladaṃṣṭraiḥ || 54 ||

jṛmbhā khyāsanikā (?) tasyā vikāsaḥ punaḥ punaḥ pravṛttiḥ || 54 ⸤||

teṣāṃ vivartanabhareṇa parasparāṃsa-

kūṭāvaghaṭṭaghaṭanādalitāṅgadānām |

sasraṃsire vikaṭakuṭṭimasīmni rugṇa-

bandhāḥ saroṣakarapeṣabhiyeva hārāḥ || 55 ||

55 ||

līlāvalokitakarālakṛpāṇapaṭṭa-

paryākulotpulakakañcukalokapālam |

niṣprakramaṃ pracukupe kapilaiḥ kapola-

bhāgaiḥ kapālisadasīti gaṇādhināthaiḥ || 56 ||

paryākulaṃ yuddhaṃ prati saṃrambhaḥ | kañcukaṃ vāravāṇam_ | niṣprakramaṃ viśṛṅkhalam_ | L⸤kapolabhāgair ity upalakṣaṇe tṛtīyā || 56 ||

Lpratyāsīdatpārṣadaśvāsahelākṣiptakṣmābhṛtkūṭaṭāṃkāraghorā |

gaurībhartuḥ kliṣṭasattvā sabhā sā dadhre kalpāpāyavelānukāram || 57 ||

sattvāḥ prāṇinaḥ || 57 ||

vispaṣṭamuṣṭikarasaṃkarapiṣṭahāra-

muktāphaloddhataparāgavipāṇḍurāgraiḥ |

meghāvasānasamayair iva nākasadbhi-

r astokakoparacitasthitibhir bubhūve || 58 ||

karasya saṃkaro ⸤yogaḥ | atra nabho 'bhrāṇi ca meghāḥ | astokena bahunā kopena racitā sthitir yeṣu taiḥ | ⸤na stokakaiś cātakair uparacitā ca || 58 ||

anyonyapāṇimalanakṣatapadmarāga-

ratnormikoddhataparāgakaṇaiś cakāra |

brāhmī jagatkapiśitākhiladikprabhāta-

veleva phullakamalā karadhūlipuñjaiḥ || 59 ||

brāhmyādayo mātaraḥ | prabhātavelāpi saṃdhyārū⸤patvād brāhmī brahmasaṃbandhinī || 59 ||

krodhodgatākṛśakṛśānuśikhāsahasra-

niryāsabhāsvaritarūkṣakaṭākṣamokṣaiḥ |

tryakṣākṛtiḥ kṣaṇam adīpi jagattrayolkā-

daṇḍair iva tridaśasaṃbhramam ākṣipadbhiḥ || 60 ||

tryakṣākṛtir māheśvarī kṣaṇaṃ kaṭākṣamokṣair adīpi pra⸤dīptā babhūva | ākṣipadbhir ānayadbhiḥ || 60 ||

cakraṃ surāhitacamūgalacakravāla-

cchedābhilāṣarabhasād bhramayāṃcakāra |

caṇḍī karālasaralāṅgulikoṭibhāga-

lagnaṃ kare śravaṇapūram ivājilakṣmyāḥ || 61 ||

61 ||

dalitam asuracakrakrodhasaṃrambhagarbhaṃ

karakamalavidarbhaṃ vaiṣṇavī tatra dadhre |

vigalitamakarandaṃ padmarāgormikāgra-

kṣatividhutapiśaṅgacchāyadhūlicchalena || 62 ||

vaiṣṇavī karābjayor vidarbham abhyantaraṃ L⸤vimarditaṃ [ca] babhāra | kopāṭopavaśāt_ || 62 ||

Lbhrukuṭikuṭilitabhrūvibhramavyājacañca-

ccaṭulamadhupaveṇībandham ādhatta tāmram |

mukham akhilavipakṣakṣodasaṃrambhalakṣmī-

karakisalayalīlāpaṅkajaṃ bhadrakālī || 63 ||

saṃrambhalakṣmyāḥ karapallave līlāka⸤malarūpaṃ mukhaṃ bhadrakālī tāmram ādhatta krodhād aruṇam akarot_ || 63 ||

itthaṃ hāroddalanavigalattāramuktāphalaugha-

jyotiścakrākramaṇaśabalān kurvatī digvibhāgān |

sā veleva kṣubhitaviṣamā ratnarāśes tadānīṃ

sthāṇor garjadgaṇapatiśatollolajālā sabhāsīt || 64 ||

ratnarāśeḥ samudrasya ⸤velā jalavikṛtiḥ seva harasabhā kṣobheṇa viṣamā tadānīm āsīt_ || 64 ||

⸤iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave rājānaka ⸤śrīratnākarasya kṛtau ratnāṅke haravijaye mahākāvye sabhākṣobhavarṇano nāma ⸤saptamaḥ sargaḥ |

iti rājā⸤nakajayānakasūnor alakasya kṛtau haravijayaviṣamapadoddyote saptamaḥ sargaḥ ||