Stein 187

, ,
Known as: , (NCC).
Siglum: Ś_c

[description of manuscript]

More ▾

Title	Haravijaya
Commentary	[title of commentary]
Author	[author]
Commentator	[commentator]

Physical description
Language/Script	[Sanskrit in Latin script.]
Format	e-text
Material	digital

History
Date of production	unclear
Place of origin
Provenance	[record of ownership]
Acquisition	[how it was acquired]

Ś_c

śrī gaṇeśāya namaḥ||

krīḍā⸤rasena sa kadācid athādhisānu|

līlāvalambitahimādrisutākarāgraḥ|

⸤pratyagrakāñcanalatāñcitasanniveśa-

m ākrīḍamaṇḍapam amaṇḍayad aśma⸤dhāmnaḥ||1||

tasmin kṛtāsanaparigraham adrirāja-

kanyānukūlarasadi⸤gdhakathāvidagdham|

anyonyaghaṭṭanavicūrṇitaratnabandha-

hemāṅgadāsu ⸤samarādhibhuvo dhijagmuḥ||2||

vellajjaṭāpaṭalaśevalavallarīkāṃ

cū⸤ḍendukhaṇḍakuṭilorumṛṇāladaṇḍām|

ākāśasindhum avataṃsakapā⸤lahaṃsa-

hāsām amī dadhatam aikṣiṣatainam ārāt||3||

karṇāvataṃsagha⸤ṭitotphaṇadandaśūka-

phūtkāramārutaparāhatalocanotthaiḥ|

riktīkṛtāṃ śi⸤khikaṇaprakarais satoṣa-

gaurīkṣitāṃ suranadīṃ śirasā vahantam||4||

cū⸤ḍāgatena jaḍadīdhitinā tanutva-

m āseduṣā sarabhasaṃ pravivikṣuṇārāt|

⸤bhāsvallalāṭataṭanākatalārkabimba-

m adhyāsyamānam iva bibhratam ūrdhvaca⸤kṣuḥ||5||

śailātmajāvadanacandramasaḥ kathaṃ nu

lekhāsi me na sadṛśī śa⸤śinā sakośam|

ūrdhvekṣaṇotthaśikhinīva nipitsunettha-

m adhyāsitonna⸤talalāṭataṭopakaṇṭham||6||

stambheramājinagalatkṣatajānuseka-

saLmpāditāruṇarucā kvacid uttamāṅge|

tāmbūlarāgaparipāṭalayeva danta-

⸤paṅktyā virājitakirīṭakapālaṣaṇḍam||7||

jyotsnārucāmbaram alaṃ vi⸤malaṃ diśanta-

m induṃ nidhāya mukuṭe dayitāyamānam|

tallāñchanacchavi⸤m ivātanukālakūṭa-

cchāyācchalena dadhataṃ pṛthukaṇṭhalagnām||8||

⸤saṃhārakālakavalīkṛtasaptalokā-

m ambhotibhārabharamantharameghalī⸤lām|

kaṇṭhāntarālaparivartinipītadhūpa-

vartitviṣaṃ viṣamayīṃ dadhataṃ ⸤ca lekhām||9||

preṅkhatkarālamaṇiśaṅkhasahasraśāra-

hāroragendraphaṇa⸤bhaṅguravīcicakram|

kaṇṭhasthitotkaṭaviśaṅkaṭakālakūṭa-

kūṭaprabhā⸤prakarakūrmagṛhaṃ vahantaīm||10||

bhasmāṅgarāgadhavalaṃ parapuṣṭapiñcha-

cchā⸤yāṅgadoragaphaṇākulitāṃsakūṭam|

aurvāgnidhūmamalinīkṛtavīci⸤bhaṅga-

dugdhormimālisadṛśīṃ śriyam āśrayantam||11||

keyūrapannaga⸤viniśśvasitāhatāṃsa-

kūṭotthitena navadhūlanabhasmanoccaiḥ|

sāvartacakra⸤m upari bhramatendubimba-

saṃvāditām upagatena virājamānam||12||

⸤gambhīrakaṇṭhakuharāspadakālakūṭa-

niryatprabhādhikamalīmasabhogi⸤hāram|

vakṣassthalaṃ tuhinaśailaśilāviśāla-

m ālambinīlanalina⸤srag ivombahantam||13||

aṅkāśrayāṃ rucirakāñcanabhaṅgapiṅga-

cchāyā⸤bhirāmavapuṣaṃ himaśailakanyām|

kurvantam añjanamalīmasakāla⸤kūṭa-

kaṇṭhaprabhābhir abhitaḥ punar eva kālīm||14||

saṃvījyamānam ⸤asakṛt kaku~~bho~~dopadhāna-

baddhāspadaṃ dviguṇitonnatabāhudaṇḍam|

lāṅgūla⸤cāmarakarālaśikhāmarudbhi-

r udbhinnabhaktimanaseva kakudmatārāt||⸤15||

sevāgatāmaragaṇādhipapārijāta-

karṇāvataṃsasurabhīkṛtam aṅghri⸤yugmam|

gandhānubandhimadhupapratibimbalakṣma-

śārodarair nakhaśaśiprakarai⸤r dadhānam||16||

dantaprabhādalitakaṇṭhaviṣāndhakāra-

cchāyasya sanni⸤dhijuṣaḥ karivaktramūrteḥ|

ūrdhvekṣaṇānalaruco ghanacīnapiṣṭa-

dhūlicchaLṭā iva mukhe viniveśayantam||17||

kulakam

tasmai praṇamya maṇi⸤mauliviṭaṅkakoṭi-

ṭaṅkāhatikvaṇitakāñcanapādapīṭham|

śailādi⸤nā nataśirassu nivediteṣu

teṣūcitāsanaparigrahanirvṛteṣu||18||

⸤ājaghnire svaraviśeṣakṛtāsthamārga-

citrapracārayatipāṇilayābhi⸤rāmāḥ|

vispaṣṭavādyavidhayaẖ karaṇānubandha-

bhājaẖ krameṇa murajāḥ sphuṭa⸤mārjanāṅkāḥ||19||

yugalakam || atra pāṭhāntaram|

ājaghnire ⸤tha murujā pravibhaktamārga-

citrapracārayatipāṇilayaprapañcāḥ|

⸤sammārjanākaraṇayogavibhaktamārga-

cetoharābhimatavādyavidhivyava⸤sthāḥ||20||

kroḍīkṛtādritanayāḥ śaśikhaṇḍamauli-

maulāpadānuraci⸤tastuti mātaras tat|

līlālalāmalalanābhinayaprapañca-

sañcāracā⸤ru rasabhāvadṛśo bhininyuḥ||21||

āpītapāṭalasitetarakundagaura-

⸤dehatviṣo lalitanartanavibhramasthāḥ|

bhremur gaṇādhipatayo bhinayakriyā⸤su|

mūrtā rasā iva pariṣkṛtaraṅgapīṭhāḥ||22||

teṣāṃ purā puraripau viṣama⸤prayoga-

nṛttopadeśarabhasāt svayam ujjhihāne|

pātālarandhram abhavan natabhūmi⸤pīṭha-

niṣpiṣṭaśeṣaphaṇaratnakarāvakīrṇam||23||

so bhyutthito bhuvanam ā⸤kulayāṃ cakāra

vispaṣṭadṛṣṭatimiravyapalīnahaṃsam|

līlāvarāha i⸤va dhūmajaṭāsaṭāgra-

viṣyandisindhujalasīkaradurdinārdram||24||

bhasmā⸤ṅgarāgadhavaleṣu bhujeṣu tasya

kalmāṣayatsu gaganaṃ karavartanābhiḥ|

śu⸤bhrābhrarājicakitaḫ parapuñjyamāna-

piñchāvacūlavapuṣaḥ śikhino vida⸤druḥ||25||

gāḍhāṅgadoragaphaṇāmaṇiraśmirāga|

rugṇāndhakāranikarāḥ ⸤paripārśvabhūmeḥ|

śailasya bhāskararucām avadhes tadīya-

bāhudrumais sapa⸤di cukṣudire śmakūṭāḥ||26||

vikṣiptabāhunivahasya vihasya dikṣu

tasyā⸤ṅgahārakaraṇakramakampimūrdhnaḥ|

agrātipātisalilā surasindhur ā⸤pa-

c cīnāṃśukojjvalatiraskariṇīvilāsam||27||

agre ninartiṣata eva Lvilocanāgni-

r asyāśu piñjaritadiṅmukhacakrabālaiḥ|

tigmāṃśubimba⸤kaṭakapratibaddhavṛtti-

r arcirbhir ātapatiraskariṇīṃ nirāsthat||28||

⸤ākṣipyamānavividhābhinayaprabandha-

sandarśanārtham iva sarvadiśā purastā⸤t|

vispaṣṭarecakarayākulabāhudaṇḍa-

piṣṭādrikūṭanikarān akarot sa ⸤mārgān||29||

tasyāṅgahāravalitātanuvṛttahasta-

bhasmāṅgarāgadhavalonna⸤tapīnabāhvoḥ|

sāvartacakravikaṭormighaṭāsahasra-

saṅkīrṇadugdhajala⸤dhipratirūpatāsīt||30||

vistāraśālikanakācalabījakoṣa-

cakrasya ⸤nṛttavalanāsu sahasrasaṃkhyaiḥ|

phullajjapāruṇatalair bhuvanārabinda-

kośa⸤sya patrapaṭalāyitam asya hastaiḥ||31||

pīnāṃsakūṭaghaṭitaṃ galakālakū⸤ṭa-

cchāyāniśānusaraṇārtham ivābhyupetam|

tenottamāṅgavidhutiślathamau⸤libandha-

visrastam induśakalaṃ bibharāṃ babhūve||32||

tasyordhvalocanamarīci⸤mato viśīrṇa-

piṅgatviṣaḥ ciram abhāvitarāṃ purastāt|

ābaddhavartanatayā vi⸤kasatkarāla-

raktāṅgulīdalakulaiẖ karapadmaṣaṇḍaiḥ||33||

sandehitā dhava⸤labhāsmanadhūlidigdha-

taddordrumānilarayoddhatavīcibhaṅgāḥ|

dugdhodadher nabha⸤si paprathire muhūrta-

m āliṅgitātanutarotkalikābhragaṅgāḥ||34||

pātāla⸤veśmagatabandhudidṛkṣayeva|

vikṣipyamānamaṇibandhanabaddhasaṃsthāḥ|

tasya vyadhu⸤ḫ phaṇabhṛtaḥ phaṇacakramukta-

phūtkāramārutaviśīrṇajalān payodhīn||35||

⸤vyaktāngahārakaraṇakramakīryamāṇa-

dordaṇḍamaṇḍalatayā bibharāṃ cakā⸤ra|

saṃhāramārutavikampitakalpavṛkṣa-

kailāsaśailasadṛśīṃ śriyam indu⸤mauliḥ||36||

tena vyadhīyatatarām iva vellitāgra-

dordaṇḍabhasmakaṇarāji⸤bhir ujjvalābhiḥ|

nirmitsyamānanijanṛttakriyābhiyoga-

yogyāntarālabhuva⸤nāntarasūtrapātaḥ||37||

ārabdhanartanakarāṅgulikoṭibhāga-

niṣṭhyūtadīdhi⸤tiśikhālikhitācchalekham|

tasyābhavat sphurad anekasahasrasaṃkhya-

jihmāmṛ⸤tāṃśukalikāṅkam ivāntarikṣam||38||

uddāmarecakarayabhramaṇānubandha-

Lsaṃbaddhabudbudakaṇākulasiddhasindhuḥ|

lakṣmīm anujjhitakirātadaśāva⸤naddha-

nāgendrakañcuka ivāsya babhāra jūṭaḥ||39||

tadbāhughūrṇanavalanmṛ⸤garājakṛtti-

vajrāśriśātanakhakoṭinipātabhītaiḥ|

digdantibhis tvaritakuñci⸤tajānuparva-

kharvībhavadvikaṭakumbhataṭair viṣedhe||40||

tasyāṅgahārakaraṇā⸤kulabāhuṣaṇḍa|

daṇḍāspadā sapadi kesarirājakṛttiḥ|

tārāś cakarṣa ka⸤rajaiś caṭulīkaḍāra-

cūḍājuṣaḥ priyam ivoḍupateś cikīrṣuḥ||41||

dorda⸤ṇḍamārutavighaṭṭitaśailakūṭa-

dhūlicchaṭāpaṭaladhūsaram uṣṇadhāmnaḥ|

uddhū⸤lanonmṛditabhasmarajobhir aiccha-

d īśaḫ pramārṣṭum iva bimbitalātmadarśam||⸤42||

lakṣmīpater iva nirargaladaṇḍapāda-

śākhāgrakoṭighaṭitaḥ kṣaṇam u⸤ṣṇaraśmiḥ|

tasyābabhāv adhinabho rghajalāvasakta-

padmāsanānamitaratnakamaṇḍalu⸤śrīḥ||43||

tasyāstarīṣata navābhinayakriyāsu|

dikcakravālam abhitaḥ sthagi⸤tāntarikṣāḥ|

ambhodhimārgagamanābhimukhāś śirastha-

sindhupravāhanivahā i⸤va bāhudaṇḍāḥ||44||

tena vyalokyata valadbhujadaṇḍaṣaṇḍa-

caṇḍānilāhati⸤vighaṭṭanaviprakīrṇam|

prabhraṣṭam ambaratalād vidhutottamāṅga-

visrastaśīka⸤rakapāladhiyendubimbam||45||

brahmasanāmburuham āhitasarvaloka-

kampe ⸤vibhoś śiśirakāla ivānukāre|

paryantabāhuvanadhūlanabhasmadhūli-

nīhāra⸤pātadalitacchadaśobham āsīt||46||

graiveyakoragaphaṇāmaṇicakravāla-

⸤sandhyāruṇoḍuśavalaṃ sthagayāṃ cakāra|

diṅmaṇḍalaṃ pralayakālaniṣevi tasya|

⸤kaṇṭhaprabhā timiranīlaruciḥ sphurantī||47||

cūḍājaḍāṃśur api jūṭajaṭā⸤nikuñja-

baddhāspadaḥ pratidiśaṃ sucirād avāpa|

ārabdhanartanakarānilaghaṭṭa⸤māna-

tārāpurandhriparirambhasukhāni śaṃbhoḥ||48||

līlāvadhūtaśiraso sya vala⸤jjaṭāgra-

niṣpyandisāndrasalilokṣitakoṭibhāgāt|

uccaṇḍatāṇḍavarasasya ⸤vinirjagāma

mandākinī madhuripor iva daṇḍapādāt||49||

tasyāśuśoṇi⸤tam ivojjagarur gariṣṭha-

dordaṇḍaghātavidhurā girayas tadānīm|

udvartanānilaraLyotthitadhātaveya-

dhūlicchaṭāruṇitanirjharavīcibhaṅgāḥ||50||

tena vyadhāyi⸤ṣata bāhuvanaprakoṣṭha-

baddhāsitoragaphaṇāmaṇirāgapiṅgāḥ|

saṃhārakāla⸤rabhasotthitadhūmadaṇḍa-

kalmāṣitānalaśikhā iva digvibhāgāḥ||51||

ta⸤syādhinṛttam analollbaṇadṛṣṭipāta-

lakṣyīkṛteṣu phaṇino maṇibandhaneṣu|

ta⸤ttāpakhedaparivartanalakṣyamāṇa-

pītodarāḥ kanakakambuvilāsam āpuḥ||52||

⸤sānandanandikaratāḍitapuṣkarāgra-

cetoharāṅkikapayodharanādahṛṣṭaḥ|

⸤ārabdharecakarayaḥ kalayāṃ cakāra

līlāṃ sa mecakagalaḥ sphuṭacandraka⸤śrīḥ||53||

sāvartanābhir abhito lalitāṅgahāra-

śobhā manoramaparikramatāṃ ⸤vahantī|

ceto jahāra dayitā rasabhāvahṛdya-

rūpā kriyā puraripoś śubhahasta⸤dṛṣṭiḥ||54||

dordaṇḍaṣaṇḍavalanāny atisaṃkaṭatva-

m utprekṣya no vidadhire kakubhāṃ ⸤purastāt|

vinyastamandacaraṇaṃ paricakrame ca

bhūmaṇḍalaṃ vidalatīti dayā⸤nubandhāt||55||

brahmāṇḍakarparaparisphuṭanābhisaṃdhe-

r ūrdhvaṃ viracyata tathā na ca ⸤daṇḍapādaḥ|

itthaṃ na śītakiraṇābharaṇasya nṛtta

m ādhāradurbalatayā savilā⸤sam āsīt||56||

taraṅgayugalakam

kukṣipraviṣṭasuranirjhariṇī⸤taraṅga-

jhāṃkāratāraninadair nṛkapālapaṅktiḥ|

nṛttakriyāsu vidadhāv iva sādhuvā⸤daṃ

yasyottamāṅgabhuvi sātiśayāsv amandam||57||

ālokitas tuhinaśai⸤labhuvā sahāsa-

m ākṛṣya śekharaśaśāṅkakalāṃ smarāreḥ|

nindad vidūṣaka⸤bhuvaṃ bhujagāriketu-

r agre cakāra kuṭilonnatadaṇḍakāṣṭham||58||

etā⸤ni tāni talapuṣpapuṭāni kāni

cetoharāṇi karaṇāni gaṇādhināthāḥ|

⸤ity aṅgahāravidhayaḥ sphuṭatatprapañca-

yogāñcitasthitibhṛtas sthirahastamukhyāḥ||⸤59||

itthaṃ tridhātmakaraṇaṃ gaṇamaṇḍalīṣu

saṅkrāntim asya nayato sadasi sthitā⸤su|

paryāptadarśanasukhaṃ vinimeṣapakṣma-

cakṣus-sahasram abhavat spṛhaṇīyam aindryāḥ||⸤60||

āviṣkṛtānukṛtivibhramanāgavaktra-

līlābhyudastakarakoṭivipāṭyamānāḥ|

Lambhobhṛtaś śiśiraśīkarabinduvṛnda-

viṣyandino bhinayajaṃ klamam asya ja⸤hruḥ||61||

itthaṃ salīlam abhineyavijṛmbhamāṇa-

vispaṣṭabhāvarasavṛtti ⸤niṣevya nṛttam|

sārdhaṃ nyavartata gaṇair vibhur uttamāṅga-

gaṅgātaraṅgakaṇasa⸤mbhṛtibhinnakhedaḥ||62||

śailātmajāvijitatadgaṇakṛṣyamāṇa-

vṛddhokṣani⸤ṣṭhurakhurāhatamandarādriḥ|

tasya glahīkṛtavimudgakirīṭacandra-

khaṇḍaẖ ka⸤dācana durodaravibhramo bhūt||63||

iti samayam anaiṣīt tatra tās tās sa ce⸤ṣṭā

vidadhad acalakanyāviprayogānabhijñaḥ|

surapatibhir abhīkṣṇaṃ ratnapaṭṭā⸤ṅghripīṭhī-

luṭhitamaṇikirīṭāṣṭāpadais sevyamānaḥ||64||

iti haravija⸤ye mahākāvye tāṇḍavavarṇanaṃ nāma dvitīyas sargaḥ ||