ekacatvāriṃśaḥ sargaḥ |

atha katham api tasyāḥ saṃkaṭadvārasīmna- s tridaśagaṇavariṣṭhair añjasānvīyamānaḥ | śrutaharijayaśabdaḥ sphītavāditraghoṣai- r girikaṭakataṭāntān nirjagāmendumauliḥ || 1 || 1. ‘druta’ ka.

tasyāḥ puraḥ sīmāvadhiḥ | tataḥ kṛcchreṇa mandaragireḥ kaṭaka.........niryayau | tasyā iti vā pañcamī | tadviśeṣaṇaṃ saṃkaṭena variṣṭā sahā (?).........rāḥ | añjasā spaṣṭaṃ tvaritaṃ vā | harir indraḥ | vāditrāṇi tūryāṇi || 1 ||

kvaṇitamukharaghaṇṭācakravāladhvajāgraṃ rathavaram adhiruhya prasthitasyotpatākam | svayam avahitacetā maṅgalaṃ saṃvidhitsuḥ sarabhasam abhidadhmau vaiṣṇavī tasya śaṅkham || 2 || 2. ‘grathita’ ka.

vaiṣṇavī mātā tasya maṅgalaṃ cikīrṣuḥ śaṅkham abhidadhmau mukhenāpūritavatī || 2 ||

navadhavaladukūlaiḥ kalpitāḥ sainikānāṃ śaśikarasitakīrtikṣīrasindhūrmibhaṅgāḥ | dviradaghanabalākāḥ prollasantyas tadānī- m anilabalavilolā vaijayantyo virejuḥ || 3 ||

3 ||

sphuṭamaṇipariṇāhaprasphuratpuṣkaraśrī- r drutam upari niyantrā hantum utkṣipyamāṇaḥ | udayagiriśikhāgrādūravartyarkabimba- śriyam atanum atānīḍuiḍ ḍiṇḍimaḥ kuñjarasya || 4 ||

niyantā gajārohaḥ | tena gajasyopari hantuṃ vādayitum utkṣipyamāṇo ḍiṇḍimaṣṭambhaka (?) iti prasiddho vāditrabhedaḥ pūrvādiśikharasaṃnikarṣasthasya raveḥ śobhām atanot_ | sphuṭamaṇipariṇāhena ratnamayena kaṭakena sphurantī puṣkarāgrasya śrīr yasya | anyatra sphuṭo maṇer iva pariṇāho yasya saḥ | tataḥ prasphurantī puṣkarāṇāṃ padmānāṃ śrīr yasmād iti bahuvrīhī vidhāya viśeṣaṇasamāsaḥ | niyantrāruṇena drutaṃ hantuṃ tvaritaṃ gantum upary udayagirer utkṣipyamāṇa ity arke 'pi kecid ayūyujan_ | ‘hana hiṃsāgatyoḥ’ iti hanter gatāv api pāṭhāt_ || 4 ||

pratigajamadagandhāghrāṇahelāvyudastaḥ sphuradudaraniviṣṭaspaṣṭarekho 'grahastaḥ | śriyam abhṛta kareṇor nākasaṃrohaṇāya drutam iva subhaṭānāṃ baddhasopānapaṅktiḥ || 5 ||

5 ||

diśi diśi makarandaṃ puṇḍarīkodarebhyaḥ sarabhasam api pītvā hārimādhuryam uccaiḥ | dviradapatimadāmbhastiktam āsvādayanto virasarasanam antarvaktram ūhur dvirephāḥ || 6 ||

antarvaktraṃ mukhāntare bhramarā virasaṃ rasanaṃ nīrasam āsvādanam avahan_ | pūrvaṃ tiktam abhyavahriyate tato madhuram_ | na tu viparyayeṇa || 6 ||

pratigajam adhikopād dhāvatāṃ kuñjarāṇāṃ sapadi mukhapaṭenācchādya vaktrāṇy alīnām | aviralamadatoyāpānagoṣṭhīnirāse bahuguṇam api manye doṣahetuṃ kadācit || 7 ||

pratigajaḥ pratipakṣakarī | nirāse nirastā | guṇās tantavo 'pi || 7 ||

śriyam atanuta rakṣābhūtivinyāsapāṇḍuḥ sapadi madajalena ścyotatā saptadhorvyām | dviradapatir anīcair visphuradgaṇḍaśaila- s tridaśanagaragaṅgāsrotasevārkaśailaḥ || 8 ||

saptadhā karakaṭakagaṇḍacakṣuḥśrotrapāyūpasthalakṣaṇaiḥ saptabhir dvārair urvyāṃ ścyotatā patatā | gaṅgāpravāho 'pi saptasu dvīpeṣu paribhramaṇād urvyāṃ saptadhaiva sravati | gaṇḍāv eva śailau ca | gaṇḍaśailāś ca mahopalāḥ | arkaśailaḥ sphaṭikagiriḥ || 8 ||

dadhur abhinavalākṣārañjitaiś cāmaraughaiḥ śriyam anukṛtavātyāraṃhasaḥ sainikānām | khuraśikharanipātakṣudyamānākhilorvī- janitaśikhiśikhaughāśliṣṭarūpā ivāśvāḥ || 9 ||

9 ||

sthagitasakaladikkānekasaṃkhyānasenā- janitagurubharoccair anvabhūd bhūri śaṃbhoḥ | kramavidhṛtavimuktoddāmaniḥśvāsatāmya- tphaṇipatiphaṇadolān dolanaṃ bhūtadhātrī || 10 ||

saṃkhyānaṃ saṃkhyā | phaṇā eva vistṛtatvād dolās tatra preṅkhanamavaniḥ prabhūtam anubhūtavatī || 10 ||

kariharirathapattivrātanirdhūtadhūli- prakarajanitakārśyam anvabadhnād adhastāt | laghuvidalanabhītivyākulātmā kathaṃci- t phaṇanigaḍasahasreṇāhinātho dharitrīm || 11 ||

harayo 'śvāḥ | laghu tvaritam_ || 11 ||

balasamudaya aiśe 'tītya gavyūtimātraṃ sthitavati śibirāgrāvāsabhūmir gṛhītva | prathamam iva tadānīṃ saugatānāṃ pramāṇaṃ dviradakulam analpaṃ kalpanāpoḍham āsīt || 12 ||

gavyūtiḥ krośadvayam_ | tanmātram atikramya harasaṃbandhini sainyasamudāye viśrānte sati gajānāṃ kulam āvāsakān gṛhītvā kalpanāpoḍham āsīt_ | kalpanā saṃnāhas tasmād apoḍhaṃ tadrahitam_ | ata eva bauddhānāṃ prathamaṃ pramāṇaṃ pratyakṣaṃ tadiva | tad api kalpanayā apoḍhaṃ kalpanāsvabhāvarahitam_ | śabdasaṃsargayogyapatitāsaṃjñānāṃ kalpanānāṃ ca pratyakṣaṃ tatsvabhāvaṃ bhavitum arhati | niyatipratibhāsatvāt_ | pratiniyatarūpaṃ hi vastu kāladvayān anuyāyi kathaṃ vyavahāropayogisaṃketaviṣayeṇa śabdena saṃsṛjyata ityevamādinā nayena bauddhāḥ pratyakṣaṃ kalpanāpoḍham ūcuḥ | analpaṃ bahu catuṣprakāram_ || 12 ||

surabalam avalokyāvāsitaṃ kānanāgre śakunaya urupakṣā dūram utpatya vegāt | drumaviṭapaśikhāgrābaddhanīḍapratiṣṭha- svatanayagatatṛṣṇāś cerur ākāśa eva || 13 ||

13 ||

kṛtagurutarakampān dolanavyākulāyāṃ bhuvi vinimitapādaṃ jaṅgamāndrīndrakalpaiḥ | atinibīḍanibaddhaiḥ kalpavṛkṣeṣu senā- dviradapatibhir āpe na tripadyā vilāsaḥ || 14 || 1. ‘jaṃgamādrīndu’ kha.

tripadī pādam ekam utkṣipya pādatrayeṇāvasthānaṃ tadvilāso gajendrair nāpe na labdhaḥ | atigāḍhaṃ nibaddhatvāt_ | vinimitāḥ pādā yatra tathā kṛtvā bhuvaś cālanaṃ nigaḍhacchedātiyogena || 14 ||

dṛḍhaniyamitarajjuskandhasaṃdānitānāṃ srutamadajalagaṇḍābhogakāṣair gajānām | tvag apatad avarugṇā kānanānokahebhyaḥ sahajam api vimūḍhāḥ kaṃ na viśleṣayanti || 15 || 1. ‘kośaiḥ’ kha.

saṃdānitā baddhāḥ | anokahās taravaḥ | vimūḍhā madagajā api | ye tvag ādibhede 'pi niḥsaṃjñāḥ || 15 ||

srutaghanaghanasārakṣodasaugandhyabhājo maṇitaṭakṛtavīcikṣobhamandākinīkāḥ | drumagahanaviluptārkāṃśusaṃtāpaśītāḥ śikharikaṭakabhūmīr adhyavātsur dhvajinyaḥ || 16 ||

ghanasāraṃ karpūram_ | adhyavātsur adhyatiṣṭhan_ || 16 ||

sphuṭitavikaṭagṇḍābhogamādyaddvirephā vikasadaviralailākandalīkānanāḍhyāḥ | upamaṇiguham adreḥ phullakośātakīkā yuvatibhir anuyātāḥ kecid āsedur urvīḥ || 17 ||

elā kandalī kośātakī ca latābhedāḥ || 17 ||

atha śaśadharamauleḥ sainikāḥ sānudeśe diśi diśi vicarantaḥ kalpitair vājisainyaiḥ | pratibhayataralākṣaṃ dṛśyamānā mṛgaughaiḥ sthitir iti ciramāsandarśitācchodanecchāḥ || 18 ||

darśitā ācchodanecchā mṛgayāraso yais tathāvidhāḥ sainikā babhūvuḥ | sthitir iti kila prayāṇakāle vijigīṣūṇāṃ mṛgayānuṣṭhānam anindya ācāra iti | kalpitaiḥ subaddhaiḥ || 18 ||

sarabhasam anuviddhā kenacit sādinoccaiḥ sphuritataralatārā śyāmalāṃśucchaṭābhiḥ | vyavadhim iva vidhātuṃ bhītipāriplavākṣī hariṇayuvatir aicchat saṃbhramād ātmamūrteḥ || 19 || 2. ‘kāminā’ kha.

sādī hayārohas tenānusṛtā mṛgī kanīnikāprabhābhir bhayāt svadehasya vyavadhānam ivācikīrṣīt_ || 19 ||

drutataram api naṣṭā sādisainyāvamardā- t tanayam anavalokya kvāpi tatraiva yātam | punar asunirapekṣaṃ kṛṣṇasārāṅganāgā- t padam iha na vipatteḥ kasya tṛṣṇāthavā syāt || 20 ||

naṣṭā palāyitā | asavaḥ prāṇās tan nirapekṣaṃ punar āyayau | vipatteḥ padam āspadaṃ tṛṣṇā kasya na syāt sarvasya bhavet_ || 20 ||

śravaṇaghaṭitamaurvīmaṇḍalībhūtacāpa- cyuticaturataraśrīr dhanvinānvīyamānam | hariṇamanaparādhaṃ mārgaṇo maṅkṣu bhīttvā tvaritam iva vilakṣo 'lakṣitaḥ kṣmām avikṣat || 21 ||

taraśrīr javasamṛddhiḥ | dhanvaśabdo vrīhyādiḥ | maṅkṣu tvaritam_ | vilakṣo niḥśaravyaḥ | yaś cānaparādhaṃ kaṃcana nihanti sa vilakṣo lajjitaḥ kṣmām ivālakṣitatvāt tvaritaṃ praviśati || 21 ||

kṣititalagatapuṅkheneṣuṇottambhyamāna- sphuṭataragalanālaḥ kaścid udgrīva eva | drutam iva calitānāṃ vallabhānāṃ tadānīṃ hariṇaśiśurasūnāmūrdham aikṣiṣṭa mārgam || 22 || 1. ‘uttumbyamāna’ ka.

uttumbya(ttambhya)mānam utkṣipyamāṇam_ | gala eva nālaṃ ka...nam_ || 22 ||

na khalu jagati śūnyaṃ kiṃcid astīha dhāmnā yuvatimanusarantaṃ garbhabhārālasāṃ yat | vikaṭakuṭilaśṛṅgāghātapātena kaṃci- d vanabhuvi hariṇo 'pi svairam āhantum aicchat || 23 ||

23 ||

vikaṭaguruviṣāṇādabhrarāṇyavāñci prasabham abhihatānām uttamāṅgāni pūrvam | giribhuvi hariṇānām āśu paścād vapūṃṣi srutadhiralaghuni vyomamārgān nipetuḥ || 24 ||

adabhraḥ prabhūtaḥ | avāñcy adhomukhāni || 24 ||

prakaṭavikaṭaśṛṅgaiḥ kānanaṃ mandarādre- r dadhata iva nivāsaprītiyogāc chirobhiḥ | nabhasi pṛṣatayūthā dūram utplutya petu- r daśanakhuravirugṇālagnanārācapuṅkhāḥ || 25 ||

daśanāgraiḥ khaṇḍitā ālagnānāṃ nārācānāṃ puṅkhā yais te pṛṣatānāṃ mṛgāṇāṃ yūthā nyapatan_ || 25 ||

upagatam avalokyāvajñayā sainyam uccai- r agaṇitagurubhītir muktasaṃrambham agre | hariṇaparivṛḍho 'sthād anyathā sattvabhājaḥ katham iva gurudhairyasyojasāsyopamā syāt || 26 || 1. ‘api’ ka.

parivṛḍhaḥ prabhuḥ | asya mṛgarājasya saṃbandhinaujasā sattvabhājaḥ katham upamā syāt_ | nāsau siṃhavīryeṇopamīyata ityarthaḥ | atraujaseti karaṇe tṛtīyā | na tu tulyārthayoge | atulopamābhyām iti pratiṣedhāt_ || 26 ||

vyapagataghṛṇam ārān mandarasyāṅkavarti ghnati suragaṇasainye dvīpi siṃhādisattvam | pratikakubham udasthur manyumantas tadānīṃ tadanu varavarāhāḥ pratyanīkāyamānāḥ || 27 ||

dvīpino vyāghrāḥ | pratyanīkaṃ pratipakṣasainyam_ || 27 ||

camarahariṇavṛndaṃ vālabhārākṣipātai- r anukṛtanijanārīkeśahastekṣaṇatviṭ | kvacid api parihṛtyādhāvatāṃ sainikānāṃ hariśarabhavarāhadvīpi hantavyam āsīt || 28 ||

hariśarabheti ‘vibhāṣā vṛkṣamṛga—’ ity ekavadbhāvena | harayaḥ siṃhāḥ || 28 ||

surabhikusumabhajo rupaśobhāṃ dadhatyā- s taralahariṇadṛṣṭeḥ kānanorvīramaṇyāḥ | surata iva mṛgavyāvibhrame 'nyor 'dhacandra- sphuṭakarajanipātaiḥ pāṭayāmāsa gaṇḍam || 29 ||

rūpā mṛgā rūpaṃ ca dehasaṃsthānam_ | taralā hariṇānāṃ hariṇasyeva dṛṣṭir yasyāḥ | mṛgavyā mṛgayā | ardhacandrāś candrārdhaphalakasadṛśāḥ śarā eva karajās teṣāṃ nipātāni pātanāni | ardhacandrākhyāś ca karajanipātā nakhakṣatāni | gaṇḍaḥ khaḍgākhyaḥ prāṇī kapolaś ca | ‘vakro nakhāṅkaḥ kathito 'rdhacandro grīvāstanotsaṅgavibhūṣaṇaṃ yaḥ’ ity ukter ardhacandrasya na kapolasthānam iti ced asad etat_ | sukumāre hi saṃprayoge śāstrasya viṣayaniyamane vyāpāraḥ | paryāpte tu rativege nijanijapadollaṅghanenāpi nakhapadād ādīnāṃ viniveśane na doṣaḥ | uktaṃ hi—‘śāstrāṇāṃ viṣayas tāvad yāvan mandarasā narāḥ | raticakre pravṛtte tu naiva śāstraṃ na ca kramaḥ’ || 29 ||

śikharibhuvi śikhaṇḍī valgubarhātibhārā- dalasitagatir ārād dhanvinānvīyamānaḥ | tvaritataram aśaknon na ghnato naṃṣṭum asmā- d vipadi bhavati kācid doṣarūpā guṇaśrīḥ || 30 ||

asmād dhanvinaḥ | naṃṣṭuṃ palāyitum_ | ‘masji naśor jhali’ iti numāgamaḥ || 30 ||

iti vihitamṛgavyair muktaparyāṇapaṭṭā vavalur avanipīṭhe sādibhiḥ kṛṣṭavalgāḥ | śramajalakaṇajālāśliṣṭajāmbūnadorvī- vidhutaghanaparāgāliṅgitāṅgās turaṃgāḥ || 31 ||

vavaluḥ parivṛttāḥ | jāmbūnadaṃ suvarṇam_ || 31 ||

rayacaturataraṅgakṣobhaśītair marudbhi- r dhutakapilasaṭāgrāḥ saikate nākasindhoḥ | adhijalamavaterur maṅktum utprothaghoṇāḥ kharakhuraśikharāgrakṣuṇṇapāṭhīnacakrāḥ || 32 || 1. ‘turaṃga’ kha. 2. ‘kapiśa’ kha.

prothas tuṇḍāgram_ || 32 ||

vighaṭitadalamudrān paṅkajaughān vihāya pramadavidhutapakṣās toya eva dvirephāḥ | api madajalabindūn dūram anvīyur elā- stabakasurabhigandhīn majjatāṃ vāraṇānām || 33 ||

33 ||

surasariti na yāval lakṣyamāṇādhvakhedāḥ sarabhasam avaterur majjanāyāmaraughāḥ | drutam asicata tāvac chīkarair agratas tā- n karakalitalavaṅgāmodahṛdyair gajendraḥ || 34 ||

yāvad amaraughāḥ snānāya nāvatīrṇās tāvad agre gajendraḥ śīkarais tān asicata siktavān_ | ‘ātmanepadeṣv anyatarasyām_’ iti luṅi cleraṅādeśaḥ || 34 ||

dviradapatisahasraiḥ srotaso 'ntarnimagna- kṣitidharagurudehālakṣyavaktrāgrahastaiḥ | tridaśasaridanekoddāmagarbhābhinirya- dgaṇapatir iva dūrāt sainikair āluleki || 35 ||

purā surasaridgarbhād eko gaṇapatir niriyāt_ tadā tu srotontaranimagnakāyair ālakṣyamukhakarāgraiś ca karibhir hetubhūtair garbhe niryadbahuvināyakeva gaṅgā sainikair dṛṣṭā || 35 ||

kṛtagurumadagaṇḍābhogabhūṣaṃ gajānāṃ bhramarakulam apohuḥ śīkarā hastamuktāḥ | kim aparam athavā syād āśritānāṃ jalebhyaḥ sapadi madabharāndhair dūram āropitebhyaḥ || 36 ||

apohur nirākurvan_ | jaḍā mugdhā jalāni ca toyāni | mado dānam api || 36 ||

plutisukham anubhūya prājyasindurareṇu- cchuraṇakapiśitormeḥ sindhugarbhād gajendrāḥ | kṣitibhṛta iva pakṣacchedino vajrapāṇeḥ punar abhayam avāpyāpy ujjihānā virejuḥ || 37 || 1. ‘bhaṃgāt_’ kha.

37 ||

salilagurusaṭāgrā vibhrato rugṇamūlāḥ khuraśikharavilagnā hemaśevālavallīḥ | tridaśasarita uccais tīram utprothaghoṇāḥ śvasitataralitormivrātam utterur aśvāḥ || 38 ||

38 ||

śramaśithilitakaṇṭhaṣṭhyūtaniḥśvāsavāta- vyatikaradhutasenādhūliruddhāntarālāḥ | taralasaralapucchaṃ cerur aśvāḥ sthalībhyo marakatamaṇisūcīkomalāñ śaṣpakhaṇḍān || 39 || 2. ‘puṣpān_’ kha.

sthalībhyaḥ sakāśād aśvāḥ śaṣpasya khaṇḍān agrabhāgān bāṣpāndhyāt kevalāṃś cerur āsvādayan_ || 39 ||

vidadhati gurupakṣotsekam ajñā jalānāṃ sphuṭam iha malinānām āśaye vartamānāḥ | yadamaragaṇasenāreṇupaṭṭā(ṅkā)vilāsu pratikakubham amād yannimnagāsv eva matsyāḥ || 40 || 1. ‘iva’ ka. 2. ‘maṃkāvilāsu’ kha.

jalānām āśaye tiṣṭhanto 'jñā gurubhiḥ pakṣair utsekaṃ madaṃ kurvanti | pakṣā vargyāḥ patattrāṇi ca | jalā jaḍā jalāni toyāni ca | āśayaś cittaṃ sthānaṃ ca || 40 ||

kṣitidharapatibhūmiṃ dūram ullaṅghya vegā- d atha harikaripattisyandanaṃ kalpitaṃ sat | drutataram uḍuvīthīmārgam abhyāhatābhraṃ sarabhasam udapaptad vyāptaviśvaṃ smarāreḥ || 41 ||

uḍuvīthī nabhaḥ | udapaptad ujjagāma || 41 ||

pratikakubham udasthāt sāmi yatsainikānā- m agamad atha samāptiṃ tena sarvaṃ vihāyaḥ | aparam api yadardhaṃ dūram utpitsu tasthā- v abhavad avanipṛṣṭhaṃ tena niṣṭhāpratiṣṭham || 42 || 3. ‘utkṣipya’ kha.

sainikānāṃ sāmi ardhaṃ yadutthitaṃ tena vihāyo nabhaḥ samāptim iva yayau | sainikānāṃ bhareṇālakṣitatvāt_ | niṣṭhāpratiṣṭhāṃ samāptiviśrāntim_ || 42 ||

diśi diśi pariśuṣyaddānatoyasrutīnāṃ tridaśagajaghaṭānāṃ dūram utpetuṣīṇām | dinakarakaratāpopaplavād ākulānā- m atinikaṭatayoccaiḥ pusphuṭuḥ karṇaśaṅkhāḥ || 43 ||

43 ||

punar upagatapakṣoḍḍīnaniḥśeṣaśaila- sphuṭaśikharaśikhāmbhaḥsyandasaṃdehamugdhaiḥ | diśi diśi ghanavṛndaiḥ pīyate sma dvipānāṃ vikaṭakaraṭabhittibhraṣṭam ārān madāmbhaḥ || 44 ||

44 ||

atanusalilagarbhāḥ kajjalaśyāmabhāso nabhasi jaladalekhā vellyamānā marudbhiḥ kṣaṇavalanavilolā vāraṇānāṃ navāndū- nibiḍanigaḍalīlāṃ pādalagnā vitenuḥ || 45 ||

andūr bandhanaśṛṅkhalā || 45 ||

anukṛtagiriśṛṅgābhogagaṇḍasthalāgra- skhalitavikaṭabhāsvattāranakṣatramālā | srutamadajalalekhābimbitā vāraṇānāṃ śriyam atanuta tārāpaṅktir ārāt phusphurantī || 46 ||

nakṣatramālā gajānāṃ śirastham ābharaṇam_ | tadanukāriṇī gajānāṃ madalekhāpratibimbitā tārakapaṅktiḥ śobhāṃ tene || 46 ||

śravaṇaśikharabhūṣācāmarān mā sma dhākṣī- d idam aviditavidyuddāmasaptārciṃṣārāt | jaladakulam itīvānudyatoccaiḥ purastā- d diśi diśi gajatābhiś caṇḍaśūtkāravātaiḥ || 47 || 1. ‘śītkāra’ kha.

saptārcir agniḥ | anudyata preritam_ | gajatā gajasamūhaḥ | ‘gajāc ceti vaktavyam_’ iti tal_ || 47 ||

churitasurapathāsūttuṅgakumbhasthalīṣu śravaṇadhutihatābhiś cīnapiṣṭacchaṭābhiḥ | kṣaṇaghaṭanavilolā nākanakṣatramālāḥ śriyam ananṛtamayyas tenire vāraṇānām || 48 ||

kṣaṇaṃ ghaṭanāya vilolā nabhonakṣatramālā vāraṇānāṃ kumbhasthalīṣu śobhāṃ tenuḥ | ananṛtamayyaḥ satyā eva | anyagajānāṃ kāma nakṣatramālā bhavanti kiṃ tv anukārarūpatvād asatyāḥ || 48 ||

vikaṭakanakakakṣyādāmasaudāminīkaṃ dviradakulam abhāsīd anyad āsīnam urvyām | suragaṇapatisenāruddhanākāvakāśa- vyatikaragurukhedasrastameghaughakalpam || 49 ||

kakṣyā madhyabandhanam_ || 49 ||

aruṇamaṇikirīṭacchāyayā laṅghyamānā galitamadajalārdre bimbitā gaṇḍabhāge | śiśirakiraṇalekhā lakṣyate sma dvipānāṃ nabhasi vikaṭakumbhasrastahemāṅkuśaśrīḥ || 50 ||

50 ||

akalitaguruvidyuddāmabhiḥ śyāmitāśai- r asalilagurugarbhair unnamadbhiḥ salīlam | dviradapatibhir uccais tastare nākamārgaḥ pratidiśam avarugṇālokam akṣuṇṇameghaiḥ || 51 ||

dviradapataya evākṣuṇṇameghā apūrvaghanāḥ | apūrvatvaṃ tu vidyutsalilayor abhāvāt_ | tastare samācchāditaḥ || 51 ||

glapitapavanavegaṃ vyomni paścārdhabhāga- sthirakhuraśikharāgrair apy anālambam eva | giritaṭavikaṭoraḥpreritāsannatāraṃ caṭulacaraṇakoṭinyāsamaśvaiḥ prasakhe || 52 || 1. ‘vegaiḥ’ ka.

......varūthaḥ || 52 ||

nabhasi turagasainyaṃ dūram utkarṇaghoṇa- sphuritamukhamanīcair utplutīr ādadhānam | hariṇakulam ivāsīd visphuraccitraratna- vyatikaraśabalābhir bhrājamānaṃ guḍābhiḥ || 53 || 2. ‘ādadānam_’ kha.

53 ||

javanapavanadhūtair vellitā visphuradbhi- r nabhasi vibabhur aśvā lākṣikaiś cāmaraughaiḥ | vikaṭakhuraśikhāgrakṣobhabhinnābhragarbha- skhalitacaṭulaśampāśliṣṭarūpā ivoccaiḥ || 54 ||

lākṣikair lākṣikayā raktaiḥ | ‘lākṣārocanāṭ ṭhak_’ | śampā vidyut_ || 54 ||

ravikaraparimarśād visphuradbhis tadānī- m apagataghanapaṅkaṃ nākam īlīsahasraiḥ | sarabhasaparivartālakṣyapāṇḍūdarārdhaiḥ sara iva śapharaughair ghūrṇamānair abhāsīt || 55 || 3. ‘elī’ ka-kha.

īlī churikā || 55 ||

vikaṭaśikharalagnāḥ ketudaṇḍāvalīṣu sphuritavividharatnacchāyakalmāṣabhāsaḥ | navajaladharakhaṇḍāḥ kekipicchātapatra- śriyam adadhur adhastād gacchatāṃ sainikānām || 56 ||

ratnānāṃ chāyā ratnacchāyam_ | ‘chāyā bāhulye’ iti napuṃsakatvam_ | kekino mayūrāḥ || 56 ||

sphuritamaṇikirīṭagranthigarbhāntarāla- pratimitamahimāṃśormaṇḍalaṃ vyomni teṣām | pratiphaladamalāṃśuvrātam āśāmukheṣu sphuṭakanakaśirastrābhinnarūpaṃ tadāsīt || 57 ||

57 ||

rathaturagakhurāgrakṣudyamānāt purastā- t pratipadam uḍucakrād utthitā dhūlilekhā | śriyam atanuta muktāvālukāyās tadānīṃ gaganamakarasadmany aśnuvānā digantān || 58 ||

makarasadma samudraḥ || 58 ||

sphuradatanutaḍit kā vellyamānā marudbhi- r dadhur aviralanīlaśyāmabhāso 'bhralekhāḥ | kṛtakavalanalīlārambhalagnaurvavahni- sphuṭavikaṭatarārciḥ sindhubhaṅgīvilāsam || 59 ||

kavalanaṃ grāsīkaraṇam_ | bhaṅgyas taraṅgāḥ || 59 ||

saparuṣarasitasyāmbhodharasyopariṣṭā- t saruṣam abhipatantaṃ siṃham ālokya caṇḍyāḥ | jagati viphalam eva prajñayā śūnyam uccaiḥ sphuṭam amanuta tejas tādṛśāṃ sainikaughaḥ || 60 ||

tādṛśām asthānaroṣiṇāṃ siṃhajātīyānāṃ prajñāśūnyatvād aphalam eva tejaḥ sainikajano mene || 60 ||

pramathapatirayāsīd dānatoyārdragaṇḍa- pratimitamaṇicitracchāyavaikuṇṭhaśārṅgaḥ | vikaṭaśikharabhāgālakṣyavṛtrāricāpa- kṣitidharapatilīlāṃ bibhradabhraṃkaṣaśrīḥ || 61 ||

61 ||

śriyam abhṛta purastād indumaules tadānīṃ gaṇapatir ativegāt prasthito nākamārgam | dadhad aparam ivendor bhāgam uṣṇīṣabhājaḥ paraśumukham amandollāsanāśāritābhram || 62 ||

uṣṇīṣabhājaḥ śiroveṣṭanavartino bhagavatsaṃbandhino vidhor dvitīyam ivārdhaṃ paraśumukhaṃ bibhradgaṇapatiḥ śuśubhe || 62 ||

dviradamadanadībhiḥ sainyam etat purastā- t kaluṣayati purā me candrikāgauram ambhaḥ | sacakitam iti mārgād bhītayevāpasasre khagapatiguruvegavyastayā nākanadyā || 63 ||

purā kaluṣayati kalaṣīkariṣyati | khagapatir garuḍaḥ || 63 ||

sphuṭam iha vimalānāṃ svacchatā ślāghyarūpā visadṛśam upadhānaṃ tatra doṣāya nūnam | pratimitam amaraughā menire yan nirīkṣya kṣititalam api śitābhīśubimbe kalaṅkam || 64 ||

upadhānam uparāgaḥ | śītābhīśur induḥ | tadbimbe svabhāvavimale 'pi pratibimbitam urvītalaṃ pṛṣṭhato vīkṣya tad eva devāḥ kalaṅkam ajñāsiṣuḥ | yathoktam_—‘cchāyā hi bhūmeḥ śaśino malatve nirūpitā śuddhimataḥ prajābhiḥ’ iti || 64 ||

itthaṃ sena smarārer jaladharapadavīṃ dūram ullaṅghya vegā- d āsīnā ratnasānos taṭabhuvi vividhavyūhavistārabhājaḥ | tasthur gavyūtimātraṃ dhṛtagurusamarārambhadaityendrasenā- niryāṇāpekṣam uccair diśi diśi vikasaccitravāditraghoṣāḥ || 65 ||

ratnasānur meruḥ | gavyūtimātram iti kālabhāvādhvagantavyāḥ karmasaṃjñā hy akarmaṇām_' iti karmasaṃjñā || 65 ||

iti śrībālabṛhaspatyanujīvino vāgīśvarāṅkasya vidyādhipatyaparanāmno mahākave rājānakaśrīratnākarasya kṛtau ratnāṅke haravijaye mahākāvye sainyaprasthānaṃ nāmaikacatvāriṃśaḥ sargaḥ |

iti rājānakajayānakasūnor alakasya kṛtau haravijayaviṣamapadoddyota ekacatvāriṃśaḥ sargaḥ ||