[floral] || cha ||

niḥkramya kāṃcanagirer atha nākasiṃdhu- kallolasīkarakṣaṇakṣapitādhvakhedāḥ| majjannamarṣabhuvi vārṣadapudgala- vabhyājagāma śaśiśekhararājadhānīṃ|| tasmai sabhātalagatāpa kṛtapraṇāmaḥ sarvvaṃ nyavedayatarātiviceṣṭite nu| tasyājñayātha śrasamarapravaṇa¦sya dadhyau naṃdī jagattrayajuṣāṃ prathamādhipānāṃ|| abhyeyivāṃsy atha gaṇādhipasādhanāni pātālaśailajaladhitridivālayebhyaḥ| saṃdarśayantasakalaṃdubhṛto didṛkṣor i¦ty agrataḥ pravaṇamaulirasāvavocat|| ālokayetkalakakalāni raṇotkacitta- vṛttīni nātha gaṇanāthabalāny amūni| niḥśeṣadaityapṛtanādalanotsukānāṃ tulyā¦nubhāvabalatā bhavataiva yeṣāṃ|| bibhrajjaṭāḥ kapiśasūkaśikhāpisaṃgīr ākāśayānaguruvenavilolabaṃdhāḥ| vaikuṃṭhanābhisarasīruhakeśarāgra- saṃ¦krāṃtidhūlikapilā iva dīrghabhājaḥ|| ekena māsam iva darśitasaṃdhibaṃdham āṣāḍhamākalayatā karapallavena| anyena viṣṭarasaroruhakhaṃḍanārthi- haṃsopasāspadakamaṃḍalunā virājaṃ|| puṃjīkṛtācchaśubhabījamanorameṇa ratnākṣasūtravalayena virājamānaḥ| aṃśāvalaṃbi sabalaṃ mṛgacarmma bibhrad- ākāśadeśam iva lagnamudaṃśatāraṃ|| acchāṃgulīyakaśikhāśikharasthahāra- hārītadeharitāśmamarīcicakraṃ| aṃbhojinīvanam ivāsanapuṃḍarīka- khaṃḍāṃtaraprasavakāraṇam udvahaṃtaṃ| vedhāḥ svayaṃ sa vidhutāsanapuṃḍarīka- pakṣmacchaṭāvikaṭakoṭiparāgapiṃgāḥ|| āsannadaityadalanotsavaviprakīrṇṇa- piṣṭātakā iva diśaḥ samupaiti kūrvvan|

sārṅgaṃ rasatyanidhiropitakoṭilagna- kalpakṣaऽऽऽऽyānalaśikhojvalaśiṃjinīkaṃ| saureḥ pravālavalayaprabhayāvalīḍhaṃ kallolamaṃḍalam iva kṣubhitasya siṃdhoḥ|| vakṣasthalāmarakṛtāspadakaustubhārkka- vispaṣṭapāṭalamayūkhaśikhāvamṛṣṭaṃ| nīlotpalākaram iva svayam eva mukta- kośaṃ samīkarabhasena vibhaktikhaḍgaṃ| asyātasīkusumadāmarucaḥ kṛpāṇa- paṭṭena nirmmalakarālakareṇa bāhuḥ|| saṃgrāmabhūmiṣu bhayaṃkaratāṃ kaliṃda- kanyājalaugha iva kāliyabhogināvat| ātāmrakaustubhamarīciśikhāvalīḍhaṃ yuddho¦꣹nmukhī mukham apāvṛtam udvahaṃtī| daityeṃdraśoṇitarasāsavapānagoṣṭhī- yogyām ivasya suranātha gadā vidhatte|| asyādhipāṇi racitāsthitir eṣa lakṣmīm īṣadvinidramukhakorakakairavaśrīḥ|| ꣹ kuṃdadviṣā daśanacaṃdrikayāvakīrṇṇa- mūrttir bbibhartti śaśiśekhara pāṃcajanyaḥ|| vakṣasthakaustubhamarīcivilaṃghyamānam asyāvikāsti karapaṃjaravartti vaktraṃ| pratyagraṭaṃkavinikuṭṭanamuktarakta- dhārāruṇīkṛtam ivāhimaraśmibiṃbaṃ|| daityasravisravikaṭāśriśikhāsahasra- niṣṭhyūtadhūsaritadiṅmukhavahnidhūmaṃ| vajraṃ pulomatanayāpatir apy amukta- nīlābhragarbham iva bibhrad asādhupetaḥ|| helādhutaśravaṇatālapalāśakoṭi- bhāgādhirūḍhadhavalacchaviśaṃkhahaṃsaṃ| ābhāti bhāsurarucir dahano 'dhiruhya- sūryaprakā¦sa iva pāṃḍurapuṃḍarīkaṃ|| eṣo 'ṃjanadviradamūrjjitadānavāri- dhārāṃdhakārabharanihnutibhāskarāṃśu| paśyāṃjanācalam ivonnatagaṃḍaśailam āruhya saṃyugarasānmarudabhyu¦petaḥ|| merāv iva sphuritakāṃcanagaurabhāsi saṃhāradhūmanikaro janamecakārciḥ| staṃber ame kṛtapadastarasā paraiti paśyāmareśayanayaiṣa gṛhītadaṃḍāḥ|| śmaśruprarohajaṭilaṃ bhuvanatrayaika- grāsaspṛhāvidhṛśaṃkhapiśaṃgakeśaḥ| vaktraṃ dadhadvikaṭamādivarāhaghora- ghoṇābhighātadalitādhaniraṃdhraraudraṃ|| niḥśeṣa¦vadhyajaniatākaravīrapuṣpa- śeṣām ivekṣaṇaruciṃ dadhadāmratāmrāṃ| āruhya kāsaram akhaṃḍacaṃḍa- hastāḥ paro 'sya ramasad upayāti mṛtyuḥ||

saṃdhyānubaṃdhigaganaṃ caṭulīkaḍāra- cūḍātaḍidbhir iva paśya vidarśayaṃtaḥ| āyāṃti kajjalamalīmasadehadīpti- luptātapaprasaramīśvara yātudhānāḥ|| pāśī spṛśan_ spṛśad ivāṃtakara¦sya pāśam āruhya nāgam upagacchati supratīkaṃ| ālolakarṇṇaśikharānilavegakṛṣṭa- kuṃbhasthalaskhalitamauktikatārahāraṃ|| paśyārthanatham avalaṃbitśaṃkhapadmam agre gadāda¦litadaityacamūttamāṃgaṃ| śārṃgāyudhaṃ javavatātra garutmateva padmaprabheṇa kariṇāṃtikamāpatantaṃ|| siṃhājināni paridhārabhasavyudāsa- saṃdaṣṭatārakatayā ghaṭitānyuraḥsyu| nirbhinnagaṃdhagajakuṃbhataṭāvaśakta- muktāphalair iva nakhaiḥ pratibhāṃti yeṣāṃ|| tanvaṃti vātarasaneṣu vapuṣpu mauli- dugdhāmṛtāṃśukalikā rabhasena yeṣāṃ| jyotsnātavāṃbaramalaṃ vimalaṃ svakāṃtiṃ| saṃtānasaṃśayitabhūtiparāgalepāḥ|| abhyāpataṃti ta ime vikaṭonnatāni rudrāḥ sureśa phaṇikiṃkiṇibhiḥ karāgraiḥ| āsphālya visphuradarātiruṣā nijāṃśa- kūṭaiḥ sahaiva kakudān iva kudmatāṃ vaḥ|

dānāṃbuvṛṣṭim abhito vikaṭaiḥ kiraṃtaḥ saṃvarttidurdinaghanair iva gaṃḍabhāgaiḥ|| vinyastapādabharabaṃdhuritāvanīvram ete 'dhirūḍhavasavaḥ kiraṇo 'bhyupetāḥ| niḥśeṣasātravakulaṃ pralayāgnidhūma- daṃḍāyamānakarakṛṣṇakṛpāṇapaṭṭāḥ|| vidyādharādhipatayaḥ śibiraṃ viśaṃti pāriplavaśravaṇakuṃḍalagaṃḍabhāgāḥ| āsajya sajjasamarā viśikhāṃdhanuḥṣu hastāṃgulīlaghuvivarttanatāranādāṃ|| ete viśaṃti sibiraṃ śiva¦śevadheste viśve 'śvinau dhanuṣitāś ca sasiddhasādhyāḥ|| niṣṭhyūtanākanagarapratibaddhasaiṃdhau biṃbodare śabalimānam upādadhānā| cchāyā va yasya śaśalakṣmamayī vibhāti niṣpaṃdamānayamunājalanirjharaśrīḥ|| sa svetadiggajapater adhiruhya pṛṣṭham abhyeti dīrghavikaṭaiḥ pṛtanāṃganānāṃ| netrotkarair amṛ¦tavarṣibhir iṃdur eṣa dattāṃjanai nijakarair iva dṛśyamānaḥ|

yoktrīkṛtaiḥ phaṇigaṇair atigāḍhabaṃdha- tīvrāṃtiśūtkṛta꣹samīranibhena śītāṃ| skhaṃdhānilān iva nipīya punarvvamadbhiḥr- ābaddhavāji^ni1 rathe racitapratiṣṭhaḥ|| kalmāṣitāṃbaratalonnatapakṣmabhāra- nirddhūyamānasitacāmaramaṃḍalīkaḥ| saṃkocabaṃdhaparihāradhiyā salīla- saṃdhīyamāna iva nāka kumudvatībhiḥ|| yogāśritāparavapurjaraḍhapratāpa- saṃpattir eṣa haritacchavisaptapatraḥ| bhānuḥ saran_¦ samaravibhrama eti paśya riktīkṛtāvajita eva savāsaraśrīḥ||

ārūḍhagūḍhacaraṇolbaṇamārgaṇāni kallolacāpavalayāni vinidhnavaṃtaḥ| saptāpy amī kalakalā¦kulitāṃtarikṣam abhyāhatā jaladhayaḥ sataraṃgiṇīkāḥ|| kṣoṇībhūto 'py upagatā śiśiraṃ na cābhra- kārāgṛhātkaṭakabhūmiṣu bibhratas te| nadīkṛtakṣapitapakṣatidṛṣṭasāra¦- vajrārbhakān iva ca garbhagatācirāśūn|| saṃvarttavāridaghaṭāpi gabhīraghora- ghoṣānubaṃdhabadhirīkṛtasaptalokāḥ| abhyeti ca samaraduṃdubhitāṃ cikīrṣu eṣā taḍitkiraṇakoṇakṛtāṃcitaśrīḥ|| abhyāpataṃti vikasatphaṇacakravāla- ratnotkaraiḥ kirṇapallavatāṃtarikṣaiḥ| dikpadminīvikacapāṭalapuṃḍarīka- ṣaṃḍā ivoragabalān iva darśayaṃti|| uddhūtacaṃdrakarapāṃḍuracāmaraugham aujasvitāṃ dadhadadhaḥkṛtavātaraṃhaḥ| ābhāti karkkaśabalaṃ surarājasainyam aśvīyamaṃcitataraṃ cia raśaṃkhalīnaṃ|| savyālabhūṣaṇatayonnatakāyamāna- śobhā nitāṃtamalagardabharāsabhīkā| caṃḍīraneṃdraśibirakṣitinirvviśeṣa- rūpā karālakarabhā rabhasād upaiti|| ratnākṣasūtravalayaṃ parivarttayaṃtī nakṣatramaṃḍalam iva kṣaṇadābhitāraṃ| brāhmī karākalitadaṃḍakamaṃḍaluśrīr eṣā śivātra śiśire kṛtasannidhir vvaḥ|| ābhāty asau sarasamuddhamṛṇālakāṃḍa- kaṃdāvalīkavala꣹nākulatā dadhānaiḥ| kuṃdacchadacchabibhiracchatadīyagarbha- dugdhacchaṭāpariṇater iva yānahaṃsaiḥ||

u¦dvṛttadānavacamūpatikaṃṭhapīṭha- niṣṭhyūtaśoṇitamalīmasasāvadhāraṃ| prācīva dik_ tapanabiṃbamudaṃsurāśi cakraṃ dadhaty upanatāghana vaiṣṇavīyaṃ|| traiyaṃbikī kaṭakameti vijihmakoṭim eṣā kirīṭasatataṃ dadhateṃdulekhāṃ| bhāsvattṛtīyanayanabhrukuṭivyudasta- vinyastabhāsmanaparāgalalāṭikābhāṃ|| cāmuṃḍayā paruṣabhaḥsaparā¦꣹gapūrṇṇam ākīrṇṇamasthisakalaiḥ sakapālakhaṃḍaṃ| bibhrāṇayā vapur adhiṣṭhitam īśa dūram etat_ śmaśānagṛhadevatayaiva śūnyaṃ|| caṃdrasya ca pratikṛtiḥ kṛtarāgabhaṃga- cetaḥ¦ prasādadhavalāṃśusudhādhunībhiḥ| āgacchati sphuritadikviviraṃ tavāccha- hāsacchaṭābhir iyam ucchalitaṃburābhiḥ|| preṃkhatkapālarasanāguṇarāsabhīya- carmmāṃbarāṃkitabhayaṃ꣹karamūrttir eṣā| yāmyā tavaiti¦ śibiraṃ śiva sāvahasta- karṇṇāvataṃśakalanākulitānanaśrīḥ|| ākaśmikapralayaghaśmaravahniheti- bhaśmīkṛtākhilakulācalanirvviśeṣaiḥ| śeṣān nibavya¦ ꣹dhavalair a¦pi lokapāla- pālīkapālapaṭalair iyad uttamāṃge|| gaṃgātaraṃgaparimṛṣṭaviṭaṃkakoṭi- khaṭvāṃgasaṃgiparimeṣṭijaṭānikuṃje| preṃkhatparetapatipatraviṣāṇagarbha- niḥpī¦꣹tasaptabhuvakṣatajāsavaśrīḥ| adhyāsya rāsabhasabhādhipatattriloka- saṃhāranāgarabhasena sabhīti sainyaṃ| saṃraṃbhabhāsuramukhī bisabhaṃgagaura- dattāṃśur eti śibiraṃ tava¦ kālarātriḥ|

kālī ca kokilakalāparuciḥ karāla- daṃṣṭrāṃkuraiti samarotkalikākulaiṣā| nirdagdhakāla kalikālakalaṃkaketur udbhinnaratnakalikeva vi¦dūrabhūmiḥ|| iti giram upakarṇṇyodīritāṃ naṃdināgre sakalam amarasenācakravālaṃ smarāriḥ| nijasibiraniveśāvāsabhūmīḥ praṇāma- ślathavikaṭakirīṭaṃ prāhiṇo 'ṃtanmukhena|| tigmāṃśusyaṃdanāśvadrutakhuradalitavyomavaidūryaratna- kṣodacchāye 'tha sāyaṃ malinayati tamaḥ paṃkapūre dharitrīṃ| ruddhālokāḥ kulāyagraharabhasarasatpatrinādānubaṃdhair anyonyālāpamānād vidadhur iva niśi vyākulā digvayasyāḥ||

cha ||

iti śrībālabṛhaspatyanujīvino vāgīśvarāṃka¦sya kave ratnākarasya kṛtau haravijaye mahākāvye sainyābhyāgamo mātṛsenāvarṇṇano nāmaikonnacatvāriṃśaḥ sargaḥ||