||śrī gaṇeśāya namaḥ||

||oṁ ityāgatāẖ kalitacandrakalāprakāśa| karpūravāsasurabhīnyanukūlavṛttīḥ | premāmṛtārdramanaso dayitā madhūni nīlārabindaśabalāni vadhūr apīpyan_ || 1 || udgrīvarājatavarāvaravīsalīla- haṃsīsanāthaśuciśuktiśataikadeśā| āpānabhūmir amarādritaraṅgiṇīva lakṣmī tadātanuta kāñcanavālukābhiḥ || 2 || indoẖ kalā iva vikāsavatīḫ pṛthak tvam abhyāgatā nipatitāẖ katham apy athorvyām_ śuktir janā maṇimayīr jagṛhur vidhūta- roṣāḫ pipāvayiṣavo tha vadhūni yoṣāḥ || 3 || tāsām adṛṣṭacarapārvaṇacandramukta- nidrārabindaghaṭanāsadṛśatvam āptāḥ | līlāgṛhītamadhupūrapiśaṅmagaratna- koṣāẖ karāś śriyam atha prathayāṃ babhūva || 4 || kiṃ kāryam atra bhavatā vijahīhi cāpam ity abhyadhād iva rutair madanaṃ dvirephaḥ| raṅgattaraṅgataralotpalagarbharatna- pārīvikīrṇasahakārasaharṣacetāḥ || 5 || pratyagraśoṇimaṇiśuktitalena śīdhu- dhārāṃ vadhūẖ karakato madhurābhirāmām_| jagrāha pāṭalapalāśamukhena bāla- sūryāṃśurājim iva paṅkajinī patantīm_ || 6 || utkṣipyamāṇakanakābaravīvikīrṇa- maireyarecakarayākularatnakośaiḥ| strīṇāṃ vikāsinavatāmarasābhirāma- rūpair atāmi sukumāratayā karāgraiḥ || 7 || sampādyate bhṛśam anena mamāvataṃsa- cchāyeti ratnakarakānnipatanramaṇyāḥ | vyāvṛtibhiś caṣakamadhyajuṣaś cakāra śīdhuḫ pradakṣiṇam iva kṣaṇam utpalasya || 8 || asyā jito pi niravadyamukhendunā tvaṃ tiṣṭhan puro na kim apatrapase sadoṣaḥ| ity utpale karalaravair iva huṃ cakāra bhṛṅgas saśīdhucaṣakapratibimbacandram_ ||9|| pītaẖ kalaṅkavapuṣas saha śīdhunāyam indur mano malinayiṣyati mā tavācchām_ itthaṃ prapañcacaturastaruṇaḫ pibantīṃ mugdhāṃ kareṇa parihāsaraso vyarautsīt_ || 10 || śobhāṃ babhāra makarandarasāyamāna- maireyagarbhamaṇikāṃsyakarālakośam_| vāmabhruvāṃ prakṛtitāmratalābhirāma- dīrghāṅgulīdalakulaṃ karapuṇḍarīkam_ || 11 || ālakṣya lakṣmamalināṃ pratimāgatasya mūrtiṃ tuṣāramahasaḥ parimārṣṭumicchuḥ | kācitkarāṅgulitaraṅgitaśīdhupūram āyāsyati sma caṣake paramārthamugdhā || 12 || vinyastaśītalarajassura¯ṣv avandam indīvarāṇi caṣakeṣu salīlam ūrdhvam_ | āploṣata bhramarapakṣamarudvidhūta- pakṣmāvalīlalitadhūlilaghūni tāsām_ || 13 || vistāraśālimadhurāñcitapakṣmaśobham abhyarṇan_ bhṛṅgaḫ papau vikacam utpalam ānanena dṛṣṭyā punar madhuni bimbitam akṣi nāryāḥ || 14 || niśśvāsavātadhutaśīdhutaraṅgaraṅgi tasthau prasāritaviloladalaṃ taruṇyāḥ | tatsaurabhātiśayavāsanam ātmamūrter ādātum utpalam ivāsarabhājanāgre || 15 || tvatsannidhiglapitaśobhatayā mayātra kaṣṭaṃ vataṃsaparabhāgarucir na labdhā | ity abhyadhād iva śilīmukhaśiñjitena nīlotpalaṃ caṣakabimbitam akṣi vadhvāḥ || 16 || nārīviniśśvasitadhūtamadhūrmipūra- pāriplavaḥ prapatitaḥ pratimāpardeśāt_ ātmānam indur asakṛt parivṛtya ratna- paryāmadhāvad iva lagnam alaṃ viśuddhyai || 17 || anyābhidhāgrahaṇabaddharuṣo bibharti pārī vilakṣyahasitadyutibhis taruṇyāḥ | āplāviteva vibabhau patibimbavarti- śīdhudravīkṛtamṛgāṅka¯¯cchaṭābhiḥ || 18 || āvarjite sapadi yatra taraṅgabhaṅga- dolādhiroharabhasāt sahasodanaṃsīt_ niśśeṣite madhuni tatra śuceva jāta- saṅkocam utpalam adhomukhatām ayāsīt_ || 19 || vispaṣṭalakṣmaṇi saśīdhutaraṅgaratna- pārītalapratimite śaśini priyāyāḥ | gaṇḍasthale ca vikacotpalakarṇapūra- kalmāṣibhāsi bibhideva janasya dṛṣṭiḥ || 20 || prāptāvadhūtakamalacchavicandramūrti- pādāvamārgasubhagaś caṣakālavāle | lakṣmīm aśokaviṭapīva vikāsitāmra- vīcicchaṭākisalayo vidadhāra śīdhuḥ || 21 || āliṅgitā prasṛtaraśmibhuja¯¯¯ ¯pratimitena tuṣārabhāsā | prītyā vikāsinavanīlasarojacakṣus saudaryasañjinitayeva surā babhūva || 22 || kiṃcin nipīya caṣakottaralāyatākṣyā labdhauṣṭhacumbanasukhaḫ pariśeṣitas san_| śīdhur mudeva surabhiśvasitāvadhūta- paryucchvasat saralavīcibhuvāṃ nanarta || 23 || niśśeṣite tha madhuni sphaṭikācchaśukti- garbhād udaiyata śucipratimāpadeśāt_| savāditārakanavotpalaśobhine tri- netrodarād iva tuṣārakareṇa bhūyaḥ || 24 || sīmantinīvadanapaṅkajadīyamāṇa- gaṇḍūṣaśīdhuni ciraṃ hṛdayālavāle| puṣpāstrabāṇabakulaẖ kamitur babhāra paryucchrasanmukuladṛṣṭimanoharatvam_ || 25 || nālakṣyatārkamaṇibhājanamadhyamaṃ yat- sāvarṇyataḥ sphuṭam alaṃ pratimendubimbam_ | utkṣipyamāṇam iva sotpalasindhuvāra- puṣpāvataṃsaruci tanmadhunāvirāsīt_ || 26 || vīkṣya sphuratsarasaśīdhuni ratnaśukti- garbhe bhilakṣyahariṇaṃ pratibimbam indoḥ | ālīyate sma madhupo madhupānalobha- līnālijālaśabalastabakābhibhaśaṅkī || 27 || bhāti sma ratnacaṣake śaśino niṣaṇṇa- mīṣannipītapariśeṣitaśīdhugarbhe | tadvīcidhautavanitādharabimbalagna- tāmbūlakṛṣṇikam iva sphuṭalakṣma bimbam || 28 || āvarjitasya madhuno ruṇaratnaśukti- garbhe śujālabhṛti kāñcanakarkarībhiḥ | pūro nvamīyata mukhānilaghūrṇamāna- vistāritacchadanavotpaladarśanena||29 koṣodarapratimitaś śaśabhṛtpurandhri- hāsāṃśuvicchuritapāṇḍuramadhyabimbaḥ| nirmṛṣṭalāñchanamalaś śriyam āsasāda sodaryayā madirayeva taraṅgahastaiḥ || 30 || saugandhyam āpa madhu ratnakarālakośa- vinyastam utpalavataṃsavikāsaśāram_ | pratyagralagnasahakārakṛtādhivāsam ucchvāsabhinnam uta vāmadṛśaḥ pibantyāḥ || 31 || āvirbhavanmadanadohadajṛmbhamāṇa- niśśvāsamārutavikampipayodharaśrīḥ | viśramya kāpi kapiśaṃ pibati sma candra- bimbāvataṃsakusumastabake natabhrūḥ || 32 || sarpanniraṅkuśatayāruṇarāgasāndra- sindūrarañjitamukho nirapekṣavṛttiḥ | vāmabhruvāṃ pariṇamannatha va dhairya- vaprābhighātam akaron madagandhahastī || 33 || chāyāgatasphuritacandrakalātamāla- pattrābhirāmam asitotphalacārunetram_ | kācin madaśriya ivānanam udvikāsi- vīcibhru ratnacaṣakaṃ vibabhau vahantī || 34 || niśśvāsadhūtataralotpalayopalakṣya- vistārayā dayitapītavimuktayānyā | śobhāṃ babhāra madhupāṭalayāccharatna- śaktyā vadhūr lalitatārakayā dṛśā ca || 35 || niśśeṣitāsavam api pratimāgatendu- bimbāhitām iva dadhad gurutā tadānīm_ | āvirbhavanmadaviloladṛśaẖ karāgrād asraṃsata sphaṭikabhājanamasphuṭoktiḥ || 36 || vāmabhruvām atanunūtanapadmarāga- khaṇḍāspadārkamaṇibhājananirviśeṣam_ bhāvti sma rūḍhamadirāmadagāḍharāga- gaṇḍasthalapratimitaṃ śiśirāṃśubimbam_ || 37 || niśśvāsamārutahṛtapratimāniṣaṇṇa- sañcāriṣaṭcaraṇacittrakabinduśāraiḥ | śobhāṃ kuśeśayadṛśo bibharāṃ babhūvur ujjṛmbhamāṇamadapallavitaiḥ kapolaiḥ || 38 || āghūrṇamānanatapakṣmadṛśo madena saṃvāditāṃ tad anu gītavidher dadhānaḥ | akṣṇoẖ kapolaphalake dharapallave ca tristhānaśobhitaguṇo vicakāsa rāgaḥ || 39 || gaṇḍasthalī kapiśapānaparamparābhir ārūḍharāgamadatāmrarucis taruṇyāḥ | āvṛtticumbanakṛtotsavavallabhauṣṭha- tāmbūlarāgapariṇāmavaśād ivāsīt_ || 40 || bimbādharāñcitarucā madhunā tadātha pītena pakṣmaladṛśo cchakapolabhāge | āsīn madaḥ prakaṭitāruṇarāga eva kāryaṃ hi kāraṇasadṛg bhavatīti satyam_ || 41 || paśyāmi tāvad adhunā madhurāgatāmraḥ puṣṇāti kāṃ śriyamayaṃ lalanānanenduḥ | ity udvikāsam udamīmilad āśu ratna- kośas sakautuka ivotpalam akṣiśobham_ || 42 || saṃvādiṣaṭcaraṇatārakapakṣmapaṅkti- lakṣmīdharān dhavalimānam ivodgirantīm_ tanvyā dṛśaṃ madhumado mukulīcakāra bālātapaḥ kumudinīm iva gāḍharāgaḥ || 43 || preyovilokanarasād vicakāsa pīta- śīdhoḥ śanair madabharānmadirekṣaṇāyāḥ | pakṣmāgralagnanavakajjaladhūlijāla- bhārātigauravavaśād iva netrayugmam_ || 44 || śobhāṃ babhāra pariṇāmavirūḍhakānta- dantavraṇas sapadi pītasurāsavāyāḥ | cārubhruvaś caṣakabimbitacandrabimba- madhyāvalagnamalabindur ivādharauṣṭhaḥ || 45 || prāptasya manmathaśilīmukhatāmabhīkṣṇa- makṣṇaś ca vibhramavatāṃ karapuṇḍarīkam_ | sandhānakāraṇavaśād iva pakṣmapuṅkha- bhāgāgrakoṭiparamarśavilolam āsīt_ || 46 || abhyullasatkanakakuṇḍalapadmarāga- dhāmāruṇīkṛtakapolatale mukhendau | vyaktiṃ jagāma na nitambavatījanasya rūḍho pi sāndramadarāmaditāmrarāgaḥ || 47 || akṣṇor babhūva yadarālakarālapakṣma- lakṣmībhṛtor madhumadena vipāṭalatvam_ āhūtavaty abhimate pratipakṣavarti- nāmnānvabudhyata tad eva ruṣā taruṇyāḥ || 18 uttaṃsapaṅkajavikāsavilāsamoṣa- meṣo napekṣya madhunaẖ kurute mayūkhaiḥ | itthaṃ ruṣeva madarāgabharaḫ purandhri- gaṇḍasthalapratimitaṃ śaśinaṃ vyarautsīt_ 49 || anyābhidhānaparuṣe vacasi priyeṇa kāpīrite sapadi muktamudā samanyuḥ | sthūlāśrubindupaṭalair iva dhāvyamāna- rāśaṃ kapolatalam indusitaṃ babhāra||| 50 || ārūḍhagāḍhamadirāmadasāndrarāgam ādatta tāmrarucigaṇḍatalaṃ taruṇyāḥ | prātas samunmiṣadanūrukikīrṇadhāma- nirdhāvyamānaśaśibimbaviḍakatvam || 51 || rāmājanasya madhupānaparamparābhir acche kapolaphalake madarāgalakṣmīḥ | udbhinnabālakuṭilāṅgulicakravāla- saṃvādinūtananakhakṣatirāvir āsīt_ || 52 || kācit tuṣāramahisaḥ pratimāniṣaṇṇam abhyarṇavarti maṇikuṭṭimasīmni bimbam_ | pītāsavācchamaṇikośadhiyā salīlam āditsur unmadatayā jahasī sakhībhiḥ || 53 || anyā karāmburuhavartini pītaśīdhau vistīrṇaratnacaṣake smṛtivipramoṣāt_ | ujjṛmbhamāṇamadaghūrṇitanetram ātma- vakrendum acchamaṇidarpaṇa ity apaśyat_ || 54 || mattā tadābhinavapallavapāṭalābhir anyāparādhagaṇam akramam aṅgulībhiḥ | smerānanasya purato gaṇayāṃ cakāra bhartur madaskhalitamanmathamantharoktiḥ || 55 || sakhyā puro vidhṛtam unnatapadmakośa- hastāruṇāṅgulidalāgrakṛtaṃ pratiṣṭham_ | āśaṅkate sma vigalatpa.ripītaśeṣa- maireyadhāramaparā kuruvindakośam_ || 56 || raktārabindadalakomalahastakānti- piṅgīkṛtā madhuyuteti viśaṅkamānā | pītāsavām api muhuś śuciratnaśuktim anyā priyeṇa samadā jahaserpayantī || 57 || | ghūrṇaddṛśāṃ rabhasapītaparisruto pi dūrā¯irohavikasanmardamantharāṇām_ | vāmabhruvām abibharuś caṣakān kathañcid indīvarāhitagarimṇa ivāgrahastāḥ || 18 || gaṇḍasthalī ¯¯dṛśo madhupānalīlā- visrambhasambhṛtamadāruṇatāṃ tathāpat_ | tacchāyayā śravaṇavartiparītamūḍha- raktābjakānti viśliṣṭabhedamadirāmadatāmrarāgau| gaṇḍāvadhomukhapṛthaggatapadmarāga- ratnotpalojjvalasamudgakavāṭaśobhām_ || vyaktiṃ jagāma madarāgabhareṇa dṛṣṭer anyābhidhāgrahaṇajo dayitena roṣaḥ | niṣṭabdhatāraka¯¯¯¯bhinyavedi mṛṣṭaṃ punar mṛgadṛśo hṛdaye viśādaḥ || 61 || pītas tuṣārakiraṇo madhunaiva sārdham antaḫ praviśya caṣakaṃ pratibimbavartī | mānāndhakāram abhimānavatījanasya nūnaṃ bibheda yad asau prasasāda sadyaḥ || 62 ārūḍharāgataramanmathakampadhūta- samphullaśekharaśikhāgalitair natāṅgyāḥ| uttuṅgapīvarakucapratimāniṣaṇṇaḥ preyānivāśu samabhāvyata puṣpavarṣaiḥ || 63 kṣīṇātmanaḥ pratiniśaṃ śaśinaḥ krameṇa sambhṛtya kāntim iva viśvasṛjā nidigdhām_ | bibhraty arājata madena purandhrigaṇḍa- bhittis sphuratpiculapallavapāṭalaśrīḥ || 64 rejus striyo madhumadāruṇagaṇḍabhitti- lagnāvataṃsitavikāsiśirīṣapuṣpāḥ | ārūḍhapākaphalagocaravartimugdha- kīrābhir anvitaguṇā navadāḍimībhiḥ || 65 āvirbhavanmadanavibhramaśubhrahāra- cchedāṃśavaś śaśirucām abhiniṣpatantaḥ | bhānti sma śīdhusamakālanipītaratna- pārītalapratimitendukalābhirāmāḥ || 66 || niśśeṣatāsavalaghuṃ pratibimbavarti- śītāṃśumaṇḍalakṛtātibharām ivaikā | hastāśrayāṃ gurum amanyata ratnaśuktim āvirbhavanmadhumadālasadehayaṣṭiḥ || 17 || uddāmamānahati cāturatāratamya- bhedānubandhimadhupānaparamparābhiḥ | hastāśrayaṃ sphaṭikabhājanamañcitākṣyāś cetaś ca nirbharamanāyitarāṃ prasādam_ || 68 || dṛṣṭavyalīkadayitolbaṇamanyuveśa- līlāvidhūtaśiraso kṣṇigate vikāsam_ | tatpreraṇāhitanijāspada¯¯bhaṅga- bhītyeva karṇakusumaṃ sudṛśaś cakampe || 69 || āvirbhavan manasi dūranirasyamāna- mānāndhakāraviśado madanaḫ pibantyāḥ | sakhyānvamīyata cakoradṛśo bhibharti vistāritacchadanavotpaladarśanena || 70 || prāpyāvataṃsitamanoharagandhapuṣpa- līnadvirephanavahṛdyamadhuprasaṅgam_ | śyāmālatā iva dadhur daśanāṃśupakṣma- ramyasmitastabakavibhramapallavatvam_ || 71 || pratyakṣam anyayuvates svakaropanīta- maireyagarbhacaṣakas taruṇīm apīpyat_ | yannāyakamadam avāpa yathā gatena pītena¯¯smayavatī madhunā tathāsau || 72 || akṣṇorvikāram upapādayatāvasāda- maṅgeṣu dotpulakapaṅktiṣu bhūyatoccaiḥ| vyaktītarīkṛtagirāhitadhūnanena tanvyā madena madanena¯¯¯ vyabhedi || 73 || netradvayaṃ madhumadena vipāṭalatvam ādhatta mantharitatārakam āyatākṣyāḥ | gandhākulabhramarapakṣadhutāvataṃsa- nīlābjapakṣmarajaseva kṛtābhighātam_ || 74 || nālīyate sma surabhiśvasite vataṃsa- nīlotpale na caṣake na ca mālyapuṣpe | tāsāṃ vikāsimadirāmadasāndranirya- dāmodasampadupanītiratir dvirephāḥ || 75 || āloka eva dayitasya babhūva baddha- kampā tanur mṛgadṛaśaḫ pulakoparuddhā| antassthaśīdhusamakālanipītakāṃsya- bimbāgatendukṛtaśītavijṛmbhikeva || 76 || mānāvalepabharasambhṛtam apy apoḍha- nānāvidhapriyatamānunayavyavastham_ | vistāritaṃ hṛdi nitambavaṃtījanena nirmajjati sma madhupūra ivāśu dhairyam_ || 77 || nirmṛṣṭapānalaghukāni manāṃsi kurva- lajjām apāsya vidadhat suratābhilāṣam_ | āliṅganānyaśithilāni diśanpriyāṇām āvirbhavan bahumato madavibhramo bhūt_ || 78 || līlāravindadhutapakṣmaśikhāparāga- piṅgīkṛtā galitamānarujo nirīyuḥ | śvāsā muhur madāruṇitā ivābhi- bhartṛ smarapraṇavatāpiśunāḥ purandhreḥ || 79 || utsāhitā sakalaśīdhu¯¯ ¯¯¯¯lambitahrīḥ | ālījaneṣv anupasaṃhṛtavākyaśeṣān bhartuś cakāra saviśeṣakutūhalatvam_ || 80 || mānāndhakāram avadhūya śucau prasāda- candre dhirohati manombaram ambujākṣyāḥ | ujjṛmbhamāṇasarasotkalikāsahasrair avyāhatā makaraketur avāpa vṛddhim_ || 81 || nirmṛṣṭamānalaghutāṃ hṛdayānyavāpur āvirbhavan madhumadāñcitavibhramāṇām_ | udbhinnapīnapulakair vihitāvasādam aṅgaiḫ punar mṛgadṛśāṃ gurubhir babhūve || 82 || jagrāha vaktrakamalaṃ hṛdayaṃ ca rāgo dṛṣṭis tanuś ca parimantharatāṃ prapede | caskhāla komalapadaṃ gamanaṃ vacaś ca cetasy upeyuṣi madaṃ surasundarīṇām_ || 383 || tāvat salīlam anupaplutarāgagarbham agre jage yuvatir utpalalocanānām_ | āśrāvitaśrutivibhedakṛtavyavastha- hārisvaragrathitasāraṇavallakīkaiḥ || 34 || āpādayan nayanapakṣmanimīlanāni bhāvānubandhavaśato dayitāyamānaḥ | veṇuẖ kayācid adharāgranipīḍanena vispaṣṭam akriyata nirbhararāgagarbhaḥ || 35 || aṅke niveśya caturāṅgulipallavāgra- sañcāracāruyatipāṇilayaprapañcām_ | āsphālayat karatalādivibhedadhātu- vādyaprapañcarucirām aparā vipañcīm_ || 36 || bhrūvibhramānumitagāḍhatarāvadhānam anyā vilolamaṇikuṇḍalaghṛṣṭagaṇḍam_ | gāyanty avādayad anekavikalpakalpa- koṇāvaghaṭṭanakalakvaṇitāṃ ca kūrmīm_ || 37 || anyā niveśa hṛdaye vinipīḍitaika- pīnastanā sapadi bhāvanayaiva sāram_ | āśāvaya¯¯laguṇakvaṇitāmalābu- vīṇāṃ kiṇāṅkasukumāratarāṅguliśrīḥ || 38|| tāsām amandamadamantharamañjhukaṇṭha- kuṇṭhākṣaraskhalitalolapadaprabandham_ | ārdro pi śuṣka iva geyavidhir babhāra| sadveṇurañjitamanoharavibhramatvam_ || 39 || avyaktavarṇam abhavat taruṇījanasya yatkarṇavarti madamantharagītaśeṣam_ | ādhitsubhis tadanusandhim ivātimañju- niśśvāsamārutahṛtair alibhiś śiśiñje || 40 || itthaṃ vijṛmbhitatarāṃ madhupānagoṣṭhī- bandhā kramāt suratanāṭakapūrvaraṅgaḥ | uddāmakāmakamanīyaguṇābhirāma- rāmāvirāmaramaṇākulakāmilokaḥ || 91 || tadābhilaṣyanty asakṛt priyānanān nipātum avyāhati kāpiśāyanam_ | niśāntakālāvadhi jāgaraṃ rasādiyeṣa pṛṣṭhaṃ na tu kāpi śāyanam_ || 92|| bhāvāveśanimīlitekṣaṇayugaṃ saṃpūritair veṇubhir mūrchadbhiẖ kṛtasauṣṭhavaṃ rasabharād āvarṇya gītaṃ punaḥ | premasnigdham apāyayanta ratayes tās tv aryamāṇā iva srastāṅgaślathasandhiratnaraśanādāmasvanaiẖ kaminaḥ || 93 ||

iti śrīrājānaratnakaviracite haravijaye mahākāvye pānagoṣṭhīvarṇanaṃ nāma ṣaḍviṃśaḥ sargaḥ ||