|| śubham_ ||

aparāḫ purandhrayo virahāvaśena viṣamām avasthām | āsedur āgatāḥ |

tad udīritāẖ kāmena preritāḥ

tamovaccandratejo pi virahe yasmād āndhyaṃ vyadhād atas tayor virahiṇyā viśeṣo na dṛṣṭaḥ

śvāsair darpaṇa iva mūrchātamobhiś cetasi malinīkṛte parāpi purandhrir upataptā

bharas samūhaḥ

saṃjvaras santāpaḥ |

aviluptā paramparā paunaḫpunyena pravṛttir yatra tathā kṛtvā sthitaḥ vimarṣo vicāraḥ tīrthas sopānarūpo vataraṇamārgaḥ | avatāro vataraṇam_ atra ghaktotpattau cintyas samādhiḥ mānasaṃ saro pi

sasṛpe prasṛtam_

sugrīṣmako vasantas tasya bhaṅgo yatra sa tathocyate nidāghaḥ

taiś śarair abhinno na tāḍito yaś cetasāṃśas tasya vinākṛter abhāvān na bhūyas sandadhe dhanuḥ | ādyair eva śarais samagram eva bibhedetyarthaḥ |

makarāṅkas samudro pi |

sālabhaṃjikā stambhotkīrṇā putrikā | sā subhruvas tāpaṃ śamayitum iva tām antarakarod iti | pratīyamānotpekṣā tāpo duẖkham api antarhṛdaye pi | ārdratā sneho pi

jaladher udgatasya śaśino viṣāgnineva | śliṣṭāgrāẖ karās tā yoṣitaṃ mūrchayā vyākulīcakkraḥ |

ghanasāraṃ karpūram_

smitapuṣpam evābharaṇaṃ tenojjvaladyutitvāt param atyaṃ vibhramamānamlānim āpuḥ |

tasyā virahiṇyās tanoś śarīrasya ṭāṃkāra iva ṣaṭpadadhvaniś śrutaḥ

samupodvalito tivṛddhinītaḥ

śaśabhṛnducayaś candrakāntaḥ śamaḥ santāpaśāntiḥ

nāsti yugānto yatra tādṛśaḫ pralayo viraho hṛtacetatvāt_

mūḍhā niṣpattim anāgatāḥ

prasavātmakaiḫ puṣpasvabhāvair

anyādṛk_ anyādṛśī

vellahale sukumāre saṃstaraḫ paryaṅkaś ca śayyā

bhujā bāhuḥ |

vidadhāra dadhre tudādiṣu kecid dhi dhāraṇam_ ity asya sthāne dhṛ dhāraṇa iti paṭhanti tasyaitad rūpam_ ānihitaṃ samarpitam_ ¯¯¯mukhaṃ śalyoddharaṇabhāṇḍam_

ujjṛmbhamāṇo ramaṇaviṣayo yo navānurāgas tena mānasya pravāso niṣkālanaṃ tato hetor vidhurasthitir bhagnāvaṣṭambho viyogo yāsām_ ||