||śrī gaṇeśāya namaḥ||

|| oṁ ity| 'ardhadeharacitasthitim| uttamāṅga- gaṅgābhyasūyanaparāṃ| giriśasya| gaurīm_|| nātho| nigamya| saritām| 'atha| candradhāma- saṃmūrchitaḥ| krudha| iva| kṣubhitas| tad| ''āsīt_|||1|| utplutya| dūram anuvavrajuṣā| mṛgāṅkam| 'aṅkād| iivā| 'bhrapadavīm| 'avagāhamānam_|| svasthāna| eva| parivṛttijuṣā| muhūrtam| 'ambhodhinā| stimitaśāntajalena| tasthe|||2|| tāvad| vidhāya| jaladhis| stimitām| 'avasthām| uunmīlitānukṛtalocanaratnaśuktiḥ|| ścyotat sudhārdraśiśirāṃśukarāvamarśa- viśliṣṭaśleṣaviṣamūrcha ivo| udatiṣṭhat_|||3|| tārāpathaṃ| sapadi| śiśriyaṣas| salīlam| 'ardhena| yojayitum| iicchur| iivā| 'mṛtāṃśoḥ|| ullāsivīciphalakapratibimbito| sa- dabhyutsasarja| payasāṃ| patir| 'añjasā| 'rdham_|||44|| unnamramīnamakaraprakarāvacūla- kallolaketugajavājisamākulaṃ| sat_| atyaurvavahnim| 'agamaj| jaladher| 'amandam| ''āskandadānarabhasād| iiva| toyasainya|m_||56|| antargataurvaviṣavahniśikhābhitaptā ratnojjvalāś śitiruco vavaluḫ payodhau| kallolabhogipatayaḫ parirabdhaśīta- sacchāyacandrakaracandanaśākhivṛndāḥ||6|| abhyutthitena rabhaso rdhvataraṅgabāhu- sañchāditāmbaratalaṃ kṣitipīṣṭhapṛṭhe| asraṃsi ratnanidhanānadhijagmuṣātra sindhūpagūhanasukhaṃ saśuceva dūrāt_||7|| antassphuraddvikaṭavidrumadaṇḍanirya- cchāyanuviddham udadheś śaradabhrabhāsaḥ| āvartamaṇḍalamarājata muktanidra- raktāmbujaṃ madhuripor iva nābhicakram_||8|| madhyādirūḍhasakalapratimāgatendu- bimbasphuradvikaṭaratnaviṭaṅkapīṭhaḥ| adyamburāśi racitā jaladevatābhir doleva rājatitarāṃ sma taraṅgalekhā||9|| nīhāragaurarucibhir makarākarasya tārāgaṇair adhijalaṃ pratimāniṣaṇṇaiḥ| dadhre taraṅgabhujadaṇḍadṛḍhopagūḍha- jyotsnānidāghajalaśīkarabindulakṣmīḥ||10|| chāyāgatāvikalanūtanacandrabimba- vispaṣṭacakraghaṭanaṃ kṣubhitasya sindhoḥ| muktāmbaraṃ nipatati sma vinīlakānti daityādhipasya bhujavṛndam ivormijālam_||11|| cakre 'ṅkagāmaranadīśucihāragaura- kallolapīvarapayodharapṛṣṭhabhājaḥ| vīcīkarair jalanidhiḫ phaṇiphūtkṛtāgni- dhūmacchaṭāsitanavāgurupattravallīḥ||12|| pāriplavordhvavalitātanuratnakambu- sāvartacakrakaravartanavīcibāhuḥ| velāṅganā vilulitāñjananīlanāga- veṇīlatāś ciram anartayateva sindhuḥ||13|| vyaktaṃ rasātalamukhaṃ kṣaṇam udvahantī niśśeṣanetrakumudotsavahetum indum_ draṣṭuṃ kutūhalavaśād iva nāgaloka- lakṣmīr vyudāsa jalarāśijalottarīyam_||14|| velānilāhativijarjaritasya sindhoḫ pratyagraratnakusumastabakānyamandam_| kallolakampratanukānanamaṇḍalāni bhasmīcakāra vaḍavāmukhasaṅkṣayāgniḥ||15|| preṅkhatpravālavalayāruṇam indumauli- paryastalagnaviśikhāgniśikhāsahasram_| sindhoḫ puratrayam iva sphuradaindranīla- stambhāyatormi nabhasas salilaṃ nyapaptat_||16|| vaimānikāmaravadhūr gagane taraṅgaiẖ kṣiptā sarāgam avalokya payomanuṣyāḥ| adhyaurvavahni tadalābhavijṛmbhamaṇa- śokā ivāśu jaladhau dadhati sma campām_||17|| kṣiptās tathordvham udadhes taralais taraṅgair bhaṅgaiḫ plavā saha vimānagaṇair viceruḥ| ālokya saspṛham amīṣu yathā surastrī sāṃyāttrikāścyutimamaṃsata nākadhāmnaḥ||18|| gambhīkṛtasphuritavidrumatāmratoya- tālūni rejur udadher vivṛtāni pātum_ tālūramaṇḍalamukhānyasamaurvatāpa- tṛṣṇāvaśād iva niśākaracandrikāmbhaḥ||19|| abhraṅkaśaiḥ sphuṭamalair jaladhis taraṅga- bhaṅgeṣu śītakiraṇasya babhāra bimbaiḥ| śyāmāṅganājanakṛtāspadacāruratna- vātāyanāsitaśilācitaharmyalīlām_||20|| prāpte vivṛddhim adadhau sphuṭaphenahāsa- sindhuprabhādhavalakañcukapūrṇapātram_ velāṅganāḫ phaṇabhṛtāṃ tarasāpajahrur jihmapravālavikarāṅgulikoṭikṛṣṭam_||21|| ālokyatoddhutaparasparasamprahāra- kaṇḍūyanākulabhujair mukharāgalakṣmīḥ| saṃsaktaśaṅkhaśakalatsaruvīcibhaṅga- khaḍgodareṣv adhipayodhi payomanuṣyaiḥ||22|| abhyuddhṛtapracuraratnanidhānakumbha- gambhīragartanikarair iva sindhur ābhāt_|| āvartamaṇḍalaśataiḫ prasabhāpaviddha- paryantavartibhujagāyasaśṛṅkhalaughaiḥ||23|| kāśmīrakesaraparāgarucir vyaloki lokena śītakiraṇasya niśāmukhe yat_| taddhāvyamānam iva nīranidher udagra- vīcicchaṭābhir abhavat paripāṇḍu bimbam_||24|| abhraṅkaṣakṣubhitasindhutaraṅgabhaṅga- ¯¯¯¯mṛgāṅkavapuṣo viralaṃ galadbhiḥ| phullāni kair avakulāni kalaṅkabindu- vṛndair ivālivalayaiś śabalībabhūvuḥ||25|| kallolacakram udadhes taṭaśailasānu- nirdhautadhāturasarañjitam ābabhāse| prātas samunmiṣadanūrukarātapāṅkam abhraṅkaṣaṃ śikharajālam ivāśmadhāmnaḥ||26|| helāvidāritataṭācaladaityavapra- vakṣassthalaprakaṭaśuktinakhormihastaḥ| sindhur nṛsiṃha iva tāravirāvavṛttir uddhūtavāḍavakṛśānuśikhāsaṭo bhūt_||27|| bhāti sma garbhagirikāñcanakūṭakoṭi- niryanmayūkhanikurumbhakarambyamāṇam_ māyāśayālumadhusūdananābhipadma- paryastakesarasahasram ivāmbu sindhoḥ||28|| bibhrājire jalanidher bhujagottamāṅga- māṇikyakhaṇḍakiraṇacchuritās tadānīm_| tīreṣu lagnavaḍavāgniśikhās taraṅga- bhaṅgāḫ palāyanaparāyaṇatām ivāptāḥ||29|| sindhor udīyuṣi himatviṣi candrakānta- viṣyandavāribhir ivāhitavṛddhiyogāḥ| āsphālanena taṭaśailaśilātaleṣu| pasphāyine sphuritaratnarucas taraṅgāḥ||30|| bhogīndrabhogaviniṣaṇṇatanos tadānīṃ pratyakṣam eva bhujagāśanaketanasya| bhasmīcakāra makarākaram aurvavahniś śakto na rakṣitum ihāpadi ko pi kiñcit_||31|| lakṣmacchalabhramaramaṇḍalaśāratāra- bhāsā śaśipratimayotthitayā cakāśe| paryantaghūrṇitataraṅgapalāśajāla- tālūratāmarasakarṇikayārṇavaśrīḥ||32|| jvālājaṭālavaḍavāmukhavahnisāndra- dhūmābhighātaghaṭanavyathitair ivācchām_ muktāphalāśrukaṇasaṃhatim utsasarja vistāribhir jalanidhir maṇiśuktinetraiḥ||33|| pratyagraśoṇimaṇidīdhiticakravāla- gaṇḍūṣaśīdhuvisarāḥ pulināni sasruḥ| aprauḍhatīravanakesaraśākhiṣaṇḍa- sekakriyārtham iva sindhutaraṅgalekhā||34|| ūhuḫ pravālaviṭapāṅkurakoṭibhāga- lagnā vilolavaḍavānaladhumadigdhāḥ| śaṅkhāẖ karālajalavīciṣu tāmranāla- līlārabindamukulaśriyam ambudhāmnaḥ||35|| cakrus| sthitā nabhasi kūrmakuṭīrakasya kirmīritāḥ phaṇiphaṇāpaṇiraśmirāgaiḥ| saudāminīśabalitāmbudavṛndamoha- vidrāṇahaṃsavisaraṃ taṭam ūrmibhaṅgāḥ||36|| sthūlasphuliṅganikarāruṇarāgapuṣpa- śārīkṛtāḥ pavanavegavitanyamānāḥ| lakṣmīṃ dadhur jalanidher vaḍavāgnidhūma- lekhastadaṅkasaritām iva dīrghaveṇyaḥ||37|| kākolakaṇṭharucibhir vikasatkarāla- ratnāṅkaśīkarakaṇais sadṛśībhavadbhiḥ| preṅkholitair divi nijuhnuvire taraṅga- bhaṅgair bhujaṅgapatayaḥ kṣubhitasya sindhoḥ||38|| vistāribhis sphuritaratnamarīcirāga- dhātucchaṭāśabalitais tarasā taraṅgaiḥ| preṅkhadbhir ambaramatastaradamburāśi- rucchrāyam āpya śikharair iva vindhyaśailāḥ||39|| vīcīvighaṭṭanavikīrṇavilolaśuktir muktāṃśubhir makaraketur avāpa lakṣmīm_| sañcāravartmabhir ivābhinavotthitasya śītatviṣaḫ pramathanāthakirīṭadhāmnaḥ||40|| abhyāhatāniva vighūrṇitamandarādri- sānucyutair niśitakoṭibhir aśmakūṭaiḥ| ucchvāsalakṣyarudhirasrutitāmrarāga- cchedājjhaṣā jalanidhau dadhati sma kaṇṭhān_||41|| vyātenuṣībhir abhitaḥ sphuṭaphenahāsa- lakṣmīṃ rarāja jaladhis sarid aṅganābhiḥ| paścād upetya parihāsavidhitsayeva kallolapāṇipihitātanuśuktinetraḥ||42|| mandīkṛtasya śikhino jaṭharāspadasya toyātipānavaśataḫ pṛthuvīcihastaiḥ| uttejanārtham iva tīravanāntarāla- tālīsacūrṇanikaraṃ vicakarṣa sindhuḥ||43|| ujjṛmbhitāviralavepathavo dhijagmur āsajyamānavikaṭotkalikānubandhāḥ| abhyullasanmakaraketuśarābhighāta- kroḍīkṛtās taṭabhuvo bhṛśam ākulatvam_||44|| yasyodayādhigama eva kulādrituṅga- bhaṅgīśataiś śrivayam avāpa viśeṣagurvīm_| tasyāpramārṣṭum iva bimbakalaṅkam indor ambhodavartma jaladhis tarasā jagāhe||45|| candrāvadātarucayo jalader virejur ujjṛmbhitā diśi diśi sphuṭaphenapālyāḥ| preṅkhattaraṅgabhujagādhipadīrghabhoge nirmuktakañcukakalāpapulākaśobhāḥ||46|| saṃkṣobham ādadhatamudvatavīcicāpam aurvīnirargalaśarasthitim aurvavahneḥ| gaurīpater iva vilocanam ūrdhvasaṃstham oṣāṃ cakār makaradhvajamiddhamarciḥ||47|| uddāmavāḍavakṛṣāṇuśikhāsahasra- tāpānubandhaśamanārtham ivormihastaiḥ| nītā nadībhir arucajjhaṣaketanasya phenacchaṭāruciracandanapaṅkacarcā||48|| abhyutpatatsarabhasaṃ suracakrapīta- śeṣodarasthamadirāvyatiṣaṅgahetoḥ| muktāmbaraṃ nipatati sma taraṅgajālam ujjṛmbhamāṇamadamoham ivāmbudhāmnaḥ||49|| niśśeṣalokanayanotsavahetum ekam ālokya candram iva sambhṛtagāḍhatoṣaḥ| ambhonidhir galitamauktikabāṣpabindu- sandohaśāraśuciśuktivilocano bhūt_||50|| sindhoś cakāsati tarāṃ sma maṇiprakāṇḍa- raśmicchaṭāvisaravicchuritās tadānīm_| hartuṃ rasātalatamāṃsi gṛhītadīpra- dīpā iva pratidiśaṃ pṛthuvīcihastāḥ||51|| tārāpathaṃ caturapātasamīravega- dhūtā tathodapatadambudhivīcipaṅktiḥ| tanmadhyavartibhir alābhi yathā muhūrtam ārād grahais taralabudbudavṛndalakṣmīḥ||52|| kallolapaṅktibhir athoragaphūtkṛtāgni- dhūmacchaṭāśabalitābhir apāti nāgāt_| bimbaṃ tuṣārakiraṇasya dadhāvuṣībhir ālagnatadgatamalābhir ivāmburāśeḥ||53|| aurvāgnidāhamanapekṣya rasānubandhoa- bhājo javādviviśuṣīẖ kakubhāṃ mukhebhyaḥ| sindhuś cakāra tarasā saritaḫ parācīḥ snigdhe pi jātu na jaḍasya bhavaty apekṣā||54|| antasthaśeṣaphaṇamaṇḍalaphūtkṛtottha- niśśvāsavātavaśato nu saratnarāgāḥ| sindhor avardhiṣata dhautadiśaś śaśāṅkaṃ dhāmāvamṛśejanitāmbharasā taraṅgāḥ||55|| saṅkṣobham āgatavataḫ prasarattaraṅga- bhaṅgotthitaṃ kramaviśaṅkaṭam amburāśeḥ| tālūramaṇḍalam adatta kulālacakra- nirvartyamānapariṇāhiśarāvalīlām_||56|| velāparyastakukṣiprakaravigalitasthūlamuktāphalāccha- jyotsnālokopaliptagrahamaṇiśabalavyomavīthīvilagnāḥ| tasthu sindhos taraṅgāḥ kṣaṇamatanuśikhāśekharaurvānalārci- stāpaploṣapraśāntyai śiśiraśaśadharasparśatarṣādivordhvam||57|| vitanvanto lakṣmīm aviraladarīdattaghanāṃ sphuradratnacchāyārucirataṭavallīvanabhuvaḥ| virejuḥ kallolāḥ kṣitibhṛta iva vyālavasatiṃ vihāyottiṣṭhantaḥ kṣubhitajalajālasya jaladheḥ||58|| sandhyānṛttānubandhadrutarayaśithilagranthinirmuktamadhyaṃ sthāṇorvair vyāghram ārād ajinam iva bhuvi sraṃsamānaṃ vireje| vajratrāsākulāntaḥ śritaśikharikacatkāñcanādityakorvī- niṣṭhyūtātīṣuvaṃśavyatikaraśabalacchāyam ambho mburāśeḥ||59|| dhutataṭagiridhātuvrātadhūlicchaṭābhiś śchuritapṛthumukhānāṃ sindhur ambhogajānām_ drutam akṛta śirassu svacchanakṣattramālā- śriyam atanutaraṅgakṣiptaratnāvalībhiḥ||60|| kṣiptvā tīreṣv anargānglapitaśaśirucas sañcayāṃs tān maṇīnāṃ tacconmūlyānukūlaṃ sarasaphalabhṛtāṃ maṇḍalaṃ pādapānām_ dūrārūḍhā nipetur jaladhijalarayās tatkṣaṇaṃ vāḍavāgnau ke vā na prāpnuvanti vyasanam upagatā vikriyāṃ jāḍyahetoḥ||61|| ādāyaurvānalakavalitaṃ śaṅkhacūrṇaṃ tadānī|m ākarṣantas taṭavanabhuvo nāgavallīdalaughān_| bhagnānekakramukaśakalagranthayo vīcibhaṅgāṃs tāmbūlasya sthitim avikalāṃ cakrur abdher ivettham||62|| prāptaẖ kām apy abhikyāṃ yadudayasamayārabdhavelāvijṛmbhā- sambhāroddāmitāmbhaẖ kulagiriśikharaśroṇituṅgais taraṅgaiḥ| tasyāśaktaḫ pramārṣṭuṃ malam amṛtaruco naktam aṅkotthitasya sthāne dhūmāyamānaṃ hṛdaya¯¯ dadhau sindhur aurvānalārciḥ||63|| sambhogoddāmalīlārasarabhasahasadvaktracandrāḥ purandhrīḥ kurvāṇasyāparādhasmṛtivimukhadhiyo vallabheṣv astamānāḥ| kandarpasyeva ketuṃ samakaram udadhir vīcidaṇḍaṃ jalaugha- kṣobhavirbhavighoṣasphuṭajayarāvaramyaṃ vyudāse||64|| pratikakubhaṃ gavākṣaghaṭitā vikāsikumudaśriyaṃ vidadhataḥ sphuṭataramaindavānarahitā gṛhītavikaṭadrumādriśikharāḥ| punar api seturabhasād valīmukhagaṇā ivāśukiraṇās sakalamacukṣubhanpatim apāṃ vikīrṇanavaratnaśārapulinam_||65||

iti haravijaye mahākāvye samudrollāsavarṇano nāma dvāviṃśas sargaḥ||