|| śubham_ ||

uṣāvatāraḫ pradoṣaḥ avataraty asminn ity avatāraḥ avitṛptyor ity adhikāraṇe ghañ_

gorocanā gavāṃ viṣāṇamadhyād udbhūto rāgadravyaviśeṣaḥ virocanaḥ sūryaḥ pakṣmāṇi kesarāḥ

kusumbhaṃ padmakam_

valanaṃ parivartanaṃ veṣṭanaṃ ca | tena saṃkalitaiẖ kiraṇair ava kusumaiḥ kṣapitāyatiḥ | niṣpratāpo dairghyahīnāś ca || bandhūkaṃ bandhujīvakam_

astyetyādiślokasyeha pāṭhaḥ pramādaja iva lakṣyate agre hy andhakārodgamānantaraṃ candrodayo varṇayiṣyate kāṃsyatālaṃ vyādyabhāṇḍaviśeṣaḥ nāka nabhaḥ

pratyagrā rāgeṇa lauhityenābhiṣv aṅgeṇa ca ghaṭanāśleṣo yasyām_ sandhyā kālaviśeṣas tasyai hi kāryajanakatvāt_ sandhiś ca śarīrayormiśrīkaraṇaṃ tatrāhitā kṛtā

sandhyāpravṛttir eva rudhirāruṇā tu dhūliḥ || sandhyāpravṛttivad vadhiravac cāruṇeti yojyam_ nyapaptat_ nipapāta | pūtaḫ pūm_ iti pum_ abhyāpatanti yānti kulīnāṃ caṭakānāṃ śatāni tair ākalitaḥ

chāyāpathaḥ nabhonadīpravāho pi

lokasyānusāro nuvartanaṃ tena tena vastunārādhanaṃ tena saralatvaṃ sadācāratā

taṭāvalambī bimbasyābhogasyaikadeśe | yeṣāṃ patattrāṇi pakṣāḥ

tirohitabhedam alakṣitaviśeṣaṃ sadṛśam ityarthaḥ |||

ambaram ākāśaṃ vasanaṃ ca lakṣmīś śobhā tayāpahṛtayā yajāta viśvasya malinarucir vicchāyaḥ prakaṭopaghātaś ca spaṣṭaprahāraḥ vāsarebhyo dinebhyo hito janakatvāt_ vāsena ca gṛheṇa rahito nirdhanatvāt_ | rohitā raktā lohitaṃ ca rudhiram_ |||

ghoṇā nāsikā |||

madhukaiṭabhau daityabhedau tābhyāṃ bhaṅgāya dhūtaṃ kampitaṃ

karaṇis sāmyam_ |||

adhyavajahnuṣo vyavahṛtavataḥ ||| pratiṣṭhā maryādāvasthānam_ karāḫ pāṇayo pi |||

gaurakaraś candraḥ |||

sairibhā mahiṣāḥ teṣāṃ roṣo śvais saha śaśvadvirodhāt_ phenilaṃ phenavat_ phenādilac ca |||

prakīrṇakaṃ cāmaram_ haraya aśvāḥ |||

lohakānto yaskāntamaṇiḥ sa dūrastho pi lohākarṣaṇakṣama iti prasiddham eva kālāyasam ity ayoviśeṣasya saṃjñā | anośmāyassarasāṃ jātisaṃjñayor iti ṭac_ |||

tāvat_ tataḥ tāvān vā kramo lpā paripāṭī |||

abhiṣv aṅgaḫ parābhavaḥ samūracamūrau mṛgaviśeṣau |||

kalinyakanyā yamunā tasyā bhāvini veṣṭanenā pitur ādityasya pātād duẖkhajananena bhūmau vallena vibhinnāny adhikamalināni jalāni tattulyaiḥ ||||

samītis sahapānam_ camūyamānās senātvam ācarantyaḥ |||

caṃcarīkā bhramarāḥ teṣāṃ saṃcārabhūmayaḥ kusumitāḫ pradeśāḥ cārapakṣe caraṇabhūmiś caryamāṇasya gamanamārgaḥ ||||

bhāsvān āditya eva bhāsvatī ca bhrājamānā cchavir yasya pataṅgas sūryaś calābhaś ca maṣī kajjalarasaḥ |||

tuṣārasya vipakṣa uṣṇaḥ | asamaṃ nimnonnatādi sthānam_ tasya samīkaraṇaṃ bhedābhāvāt_ asamajjaś ca pṛthagjanaḥ so pi śarais svarṇādidānenātmasamaḥ kriyate | yadi vā asamaṃ vilakṣaṇaṃ samīkaṃ saṅgrāmo yeṣāṃ tais saha raṇe yuddhe | pragalbhair iti yojyam_ lohajālaṃ kavaco pi

praṇayo pi tatparaḥ ||| cintayeva jaihmyaṃ malinatā pakṣmāṇi kesarā api |

tārāvatī niśā timiraṃ cakṣūrogo pi aklīviṣur akṣamā jātāḥ klīva adhārṣṭya ity asyānudātetto pi parasmaipadaṃ cakṣijo nubandhubaddhadvaprayasiṃjanenātmanepadānityatvasya jñāpitatvāt_ yathā saṃbhrameṇa kim akāṇḍa eva vo dhīratā kim iti māvasīdati | klīvatā kim api saṃgare gatiḥ śreyasī hi na paratra neha ceti anye tv āhuḥ . klīvā ivācarann aklīviṣur iti klīvaśabdāt sarvaprātipadakebhyaḥ kvib iti | eke ity ācārakvibantād atra parasmaipadam iti tad asat_ | ārabhyamāṇe pi sarvaprātipadikebhya ity asminn ācāre garbhaklīva ityādivākyam akārasyātmanepadanibandhanādatmānte tattvapratijñānāya vaktavyam eveti hi siddhāntikam_ tasmād asmadukta eva parihāro jyāyān_ |||

vyaktopakāran tamaś śirobhir iva dhṛtam_ |||

potraṃ sūkarasya mukhāgraṃ kāsāre palvalaṃ |||

svapnāyatī svapnavatīvācarati | gatārthatvān matume lopaḥ nidrā prabodhavigamo pi ||||

aṃjasā spaṣṭam_ |||

pādasparśena jugupsiteva lakṣmīḫ padmākoarasamīpam apatyākṣīt_ manasvinī ca pādaspṛṣṭā jugupsayā svadeśam apy ujjhati |

palāśāni pallavās teṣāṃ sandhāne sandhideśe | pāṇḍavo rājayas sitā lekhāḥ |||

harinnīlā pariṇāmavaśāt_ |||

duẖkhe nubhūyamāne bhaviṣyad api sukhaṃ sādhu ramaṇīyaṃ na tu tathā sukhe duẖkham āgāmino duẖkhasya dussahatvāt_ |||

udait_ uditam_ sūryācandram asāv eva samudgakasya kavāṭakośau kavāṭaḫ pṛṣṭhagataṃ pidhanam_ adhastanas tu saṃpuṭaẖ kośaḥ |||

nivirīsaṃ niviḍam_ nerviḍa¯¯sacau citataparipavanam_ |||

gṛṣṭis sūkaraḥ chavīty atraiva cchedaḥ ||| abhraṃ nabhaḥ

kekino mayūrāḥ ||

śitiratnair indranīlamaṇibhiḥ cittriteṣv alaṅkāryadeśe ca nīlatvād atighanaṃ tamaḥ śaśadharasya vyutthānaṃ nijapadān niṣkāsanām iva vyadhāt_ |||

nirokajaṭharāṇi garbhātyantarāṇi |||

kesarās saṭāḥ kiṃjalkāni ca vanaṃ kānanam udakaṃ ca | puṃḍarīkaiḥ vyāghraiẖ kamalaiś ca |||

parigho mudgaraḥ sīmantyamāṇaṃ dvidhā kriyamāṇam_ |||

niṣṭhūstā nirastāḥ śikhaṇḍāś cūlāḥ | utsaṅgaḥ pṛṣṭhamaṅkaś ca snehas tailaṃ prītiś ca adīpi jvalanaṃ bhrājitaṃ ca arbhakā bālāḥ karā raśmayo hastāś ca |||

tūlī śalākā jālapradhānā gavākṣā vātāyanāni |||

śikhiviśi vahnipraveśini khacite dīpte śikhipradhānena ca | viśikhena cite vyāpte purānto nagaraparyanta stripuranāśaś ca viprayogo viśiṣṭā śaraprayuktir api ||||

śṛṅgair vyaṅgyaḥ prakāśanīyaḥ plutaṃ javena racitollaṅghanam_ ghanavīthī nabhaḥ yo py apacitadhanas sa plavaṃ vidhāya jalaṃ praviśann ātmānam udvegena saṃharati ||

|| iti harāvajaye caikonaviṃśas sargaḥ ||