[floral] || cha || ꣹

꣹ spaṣṭocchasatkiraṇakesarasūryabiṃba- vistīrṇṇakarṇṇikam atho divasāraviṃdaṃ| śliṣṭāṣṭadigdalakalāpapuṣpāvatāra- baddhāṃ cakāramadhupācali saṃcukoca|| astādrigoracaracaraṃtaruruce cirāya gorocanārucimarīci virocanasya| biṃbaṃ dināṃtapavanāhatapuṃḍarīka- parjastapakṣmarajaseva vilaṃghyamānaṃ|| siṃdhau kusuṃbhakusumastabakābhitāmra- mājihmakāṃci tapanaḥ pratibiṃbitaṃ saṃ| saṃpaśyati sma nijamaṃḍalamastakūṭa- saṃghaṭṭabhagnarathakāṃcanacakraśaṃkī|| prāptaṃ kramād valanapuṃjitadigvibhāga- vikṣiptadīptikusumakṣiapitāyatitvaṃ| astādrimūrddhani babodha saroja- baṃdhūkaśeṣaramatho divasāvadhiśrīḥ|| astāvalaṃbiravibiṃbatayodayādri- cūḍormmiṣatsakalacaṃdratayā ca sāyaṃ| saṃdhyāpranṛttaharavādyagṛhītakāṃsya- tāladvaye ca samalakṣyata nā¦kalakṣmīḥ|| pratyagrarāgaghaṭaneṃdukalākirīṭa- śailādhirājasutayor iva gāḍhasaṃpat| saṃdhyāhitātha divasakṣapayoḥ śarīre bhāgadvayoviralavṛttir ajṛmbhita śrīḥ|| saṃdhyāpravṛttirucirāruṇasārdradhātu- dhūlicchaṭākapisitāṃbaradigvibhāgāḥ| avyaṃburāśi giripaṃktir iva nyapapta- dabhyāsajaṃkuliśatākulitā dinaśrīḥ|| preṃkhāku¦lāyakalanonmukhapatricatra- kolāhalākulavisaṃkaṭadiglatāgraḥ| tigmāṃśupātavisadākṛtadūradṛśya- cchāyāpathe 'viniśamaṃdarapādapo 'bhūt|| prāpte 'staśailaśikharasthitipuṣṇabhāsi lokānusārasaralatvajuṣā nalinyaḥ| saṃdhyāṃ sasaṃbhramamavanmiṣateva sāya- mātāmrakorakakarāṃjalijānubaṃdhāḥ|| saṃdhyātapāruṇita¦pārśvataṭāvalaṃbi- biṃbaikadeśajaladaḥ kṣaṇamastamaiṣu| vajrāvraṇānanagalatkṣatajokṣitāra- vicchinnaviślathapatata ivāvabhase|| abhyeṣunaḥ pariṇatiṃ samayakrameṇa sāyaṃ nabhaḥsarasi vāsarapaṃkajasya| srastāṃśupakṣmaravimaṃḍalabījakośa- cakra svabhāra paridhūsarapīvaratvaṃ|| tuṃgāvakāśaracitasthitimātapasya śeṣaṃ¦ samutsukatayaiva didṛkṣamāṇāḥ| utkaṃdharā iva sarojabhuvo babhūvu- tannaprakorakakarālitapuṃḍarīkāḥ|| ākṛṣyamāṇam iva paścimadigvibhāga- baddhāspadadvira¦dadīrghakarārgalena| tārācchabuddhudakarālanabhastaḍāka- raktāṃbujaṃ tapanabiṃbam alaṃbatārāt|| paryastamastagiri sādhuni sārdrasādhya- rāgāruṇacchavi sahasramarīcibiṃ¦baṃ| kaṃdarppakopitaharasphuritānalārci ūrddhnākṣitārakatirohitabhedam āsīt|| āvirbhavattimirasaṃvalāanānuviddha- saṃdhyāṃśudhūsaravipāṭalam uṣṇadhā¦mnaḥ| bhātiḥ sa niśvasitadhūmaśikhāvakīrṇṇa- śeṣaḥ sudhāmaphaṇaratnaviḍaṃbi biṃ|baṃ|| muktāṃbarastimirabhāskaralupyamāna- lakṣmīmalīmasaruciprakaṭopaghāṭaḥ| a¦hnāya vāsarahitaḥsphuṭalohitaśrīḥ| uṣṇāṃśurastagirikānanam abhyavikṣat|| siṃdūrarājiṣu ghanaṃ sphuradanyavarṇṇa- bhedeṣv alakṣyam adhimaṃdirabhitticitraṃ| bhāti sma¦ nirjitajaratsvakaghoṇaśoṇa- rāgolbaṇacchavi raveḥ karacakravālaṃ|| ābhāsatāṃbaratalaṃ divasāvasāna- rāgāruṇacchavi viḍaṃbayadaṃbu siṃdhoḥ| saṃkā¦bhiyuktamadhukaiṭabhahastapūru- vaikuṃṭhanābhinalinodaradhūlipiṃgaṃ|| a¯puṣaḥ sapadi caṃdrakiṇe nivāsa- yaṣṭiṃ sanair nijabharānamināgrabhāgāṃ| sadhyātapo nayati kaṃtaratāṃ sma kaṃṭam ullāsitasphuritacakrakacakravālaḥ|| uttānakūrmakaraṇisphuraduṣṇaraśmi- biṃbā śaniḥ saridiva sphuṭapatrinādā| āstādharīdhvaśikharātri¦papatra dhātu- paṃkoruṇāt_|pajalā jaladho dinaśrīḥ| vistāyatamabhajata kṣaṇadāvatāram ārdrībhavaṃtimiradhūsaritāruṇaśrīḥ|| dhūmacchaṭābhihatavidrumadaṃ¦ḍakhaṃḍa- saṃvāditān dinakarasya dadhatkaraughaṃ| tuṃgātmatāsadṛśamadhyavajahnuṣo 'sta- śailamṛtasya nidhanaṃ vrajatu pradiṣṭāḥ|| ālaṃbito 'ṃbaratalātsatatā karaughaiḥ siṃdho na yaḥ saha sahasrarucā nyapasta| tejaḥ prakarṣaparihānim upeyivāṃsa- mānātpradoṣatamasābhidhubhūṣyamāṇaṃ| aṃbhonidhau tapanamanvapataddinaśrīr ekātmatāṃ vi¦dadhatām idam eva yuktaṃ|| ārūḍhamārdavamuṣāṃbuvilaṃbamāna- biṃbaḥ krameṇa nipatatraviraṃtarikṣāt| ullāsitatsalilatuṃgataraṃgabhaṃga- saṃsargajātajaḍim eva ca bhāra tejaḥ| visraṃsamānakapilāṃśuśikhāsahasra- viṣpaṃdisārdrarudhirastruti sūryabiṃbaṃ| cchinnaṃ javājyalanidhau nipapāta kāla- khaḍgena visphuritasahna ivottamāṃgaṃ|| gaurīra gaurakaraśekharakaṃṭhapīṭha- baddhāspadāt anuviṣacchavilaṃghitaśrīḥ| śyāmībabhūva jaladhau kaladhautakāṣa- piṃgacchavistimirasaṃvalitāsa saṃdhyā|| aṃtarvvivakṣir iva bhānumato rathāśva- paṃkti sphuratsalilasailabhavanyadṛṣṭā| svābhānilaiḥ sapadi jarjjarayāṃcakāra siṃdhorjalaṃ nibudhaphenilavīticakraṃ|| uccaikṣipe 'vataratām avisiṃdhu padmaḥ ba¯ravāṅmukhatayā sthagitekṣaṇaśrīḥ| sevārasād iva tadaṃgasamīraṇena karṇṇaprakīrṇṇakaśikhānikaro harīṇāṃ|| preyāṃ¦samarkkam iva dṛṣṭipathavyabhīta- maṃtarvvikalparacitākṛtimīhamānāḥ| premṇā vilokayitum askhalitena cakra- raṃbhojanetravinimīlanamaṃbujinyāḥ|| śyāmāvatārasamayena malīmasatva- māmeduṣī sthagitatigmamarīcirociḥ| sallohakāṃtamaṇineva tadāṃdhakāra- kālāyasaṃ pratibhamācakṛṣe purastāt| bhāvaṃ krameṇa cayitārkkaviyogajanma- dāhajvaravyathitadigvanitā¯¯staiḥ|| kṣmāmaṃḍalaṃ vigalitāṃjanabāṣpatoya- leśoṃkarair iva tamaḥsakalaiḥ supūre| klāṃtardi¦vākarakarālakarābhiṣaṃgata- cchāyameśiśriya¯¯¯ticiraṃ tarūṇāṃ| līlāniṣaṇṇavinimīlitalocanādha- romāṃcamaṃtharasamūracamūracakraṃ|| chāyāpathais ti¦mirasaṃvalanānubaṃdha- nirvyāmadīrghaviṭapai kṣitipīṭhapṛṣṭhaṃ| śārībabhūva patite caraṇau kaliṃda- kanyāviveṣṭanavibhinnajalaughakalpaiḥ|| maṃdānilāhati taraṃgitakeśarāgra- raktāraviṃdamakaraṃdasamītilagnāḥ| bhagne 'hani bhramarasaṃhatayaḥ prasaska- reṣyaṃtiśātimirapatticamūyamānāḥ|| astādripārddham upajagmuṣi¦ tigmabhāmi nī¯ śītakiraṇo 'bhyudito na veti tārā ivātha rajanītimiraprayuktāś cetaś ciraṃ caraṇabhūmiṣu caṃcarikāḥ|| prāpte 'staśailaśikharaṃ taraṇāvabaddha-¦ sārdrānubaddhatamaso 'py abhavanvanāṃtāḥ| saṃcāriṣaṭcaraṇacakragṛhītadāna- gaṃḍūṣabaddhagurugaṃdhagajāṃdhakārāḥ|| bhāsvacchavirbhuvanaveśmagataḥ śasāma yāvatpataṃgapatanāddivasapradīpaḥ| tāvatkuto 'py udabhavan nayanopaghāta- dakṣamakhīmalamalīmasamaṃdhakāraṃ| naktan nipetuṣi tuṣāravipakṣitāsi śūrair ivāsamasamīkaraṇapra¦galbhaiḥ| dyaurlohajālamalinais tarasā tamobhi- nātastave diśi diśi stimirānnabaṃdhaiḥ|| āsīd vikocabharajihmitapakṣmamāla- māmīlitabhramaratārakamabjanetraṃ| aālagnanaiṣajalabiṃdughanāṃdhakāra- jālena kajjalarucā janalocanānāṃ|| rūpāvalokanasukhaṃ pra꣹sabhādahāri kiṃ vā śubhaṃ prabhavato malinātmanaḥ syāt| ākrāṃtatārakanirargalajṛmbhamāṇa- tārāvatītimiradhūsaraviplavāṃtāḥ| aklībiṣurbhuvanarūpanirūpaṇāya saṃmīlitā iva dṛśaḥ sakalā janānāṃ| chāyā krameṇa sakalām atha kānanānāṃ sūryāṃśaśeṣam abalāṃ samatāṃ nayadbhiḥ|| saṃhārameghamalinair atimeduratva māsādya saṃpapṛcire kakubhastamobhiḥ| vyaktopakāram amunā sthagitāsu dikṣu preyogṛhaṃ sukham alakṣitam e¦va yāmaḥ|| dhammellabaṃdharucirair abhisārikābhiḥ premṇā tamaś ciram itīna śirobhirūḍhe| daṃṣṭrākarālapṛthupotratarāvalagna- kāsārapaṃkakaluṣān_ salilād upasthaḥ| grastāṃ¦dhakārasakalā bahalāṃdhakāra- kūṭā ivāsta vanasūkarayūthanāthāḥ|| ābaddhapadmamukulāṃjali jācito mām utsṛjya sāṃprati gataḥ katham aṃśum ālī| aṃtarniruddhamadhupakvaṇitair itīva svapnāyate sma nalinī niśi baddhanidrā|| visrastakesaravibhāvitabījakośa- mūlaślathapraviralāṃtarapāṃḍupatraṃ| kṛcchreṇa baddhamukulaṃ saralorudīrghaṃ nālā karālam abhavaj jaraḍhāraviṃdaṃ|| śliṣyeddalāgraghaṭitaḥ kṣaṇadodabiṃdu- viṣyaṃdakarmmamitakeśaradhūlijālaṃ| gaṃbhīrakukṣikuharakramapuṃjamāna- saugaṃdhyagaṃdhamaraviṃdavanaṃ nidadrau|| śyāmāmukhe śaśikarair dalitaṃ na tāvad īśatprasāritapalāśapuṭaṃ dvirephaiḥ| ityaṃjasā na vicakāsa na caṃcukoca paryaṃka¯ kumudakā¦nanacakravālaṃ|| saṃkocasaṃhṛtadalasphuṭalakṣamāṇa- dūrāṃtarālanavakuṅmalacakravālaṃ| saṃkocasaṃhṛtadalasphuṭalakṣamāṇa- dūrāṃtarālanavakuṅmalacakravālaṃ|| śītāṃśupādaparimardaghṛṇām avāpya lakṣmīr mumoca śanakaiḥ kamalākarāṃkaṃ|| preṃkhātkarālaparipāṃḍupalāśapaṃktiḥ saṃdhānarājiśabalīkṛtadigvibhāgaṃ| bhāti sma dṛśyamukulānanaraṃdhrapīta- jyotsnāvinirgamanamārgam ivāraviṃdaṃ|| kṛcchreṇa mīlanam avāpa viśīrṇṇajīrṇṇa paṃkotkaraślathavilaṃbitapakṣmamālaṃ| vistāradhūsarahariccha¦vibījakosa cakraṃ purāṇakamalaṃ kamalākarāṃke|| prātaḥ samāgamasukhānugamaṃ vidhāya cetasyanīyata niśā rabhasena kokaiḥ| kṛcchrād viyogacakitais tu dinaṃ vyalaṃghi duḥkhe sukhaṃ bhavitu sādhu sukhe na duḥkhaṃ|| abhyunmiṣadvikaṭamaṃḍalapuṃḍarīka- garbhopatatvamadhupakvaṇitānubaṃdhaiḥ| aṃtardukhaḥ skhalitaghoṣam iveṃdupāda bhagnātapa¦klamamaserata paṃkajinyaḥ|| tāvannirargalamudaidaśalātmamūrtti- kalmāṣitāṃbaratalaṃ grahacakravālaṃ| sūryeṃdumaṃḍalasamudgakavāṭakośa- viśleṣakīrṇṇanava¦ratnakaṇānukāri| bhāsvanniśīthavanapuṣpakadaṃbakena| nākāṃburāśijalabudbudajālakāna| brahmāṃḍaśuktipuṭamauktikamaṃḍalena| bhūṣān niśoḍhunikareṇa parām avā¦꣹pa|| nīhāragauraśiśirāṃśumarīcirāśi- nirbhinnanaiśanidhirīśatamaḥ prabaṃdhaṃ| ālakṣyata sphuritatārakacakravāla- śārīkṛtaṃ tatavibhramamaṃtarikṣaṃ| lakṣmīṃ dadhanniśabalīkṛtadigvibhāga- raśmicchaṭāpaṭalabhinnatamāṃsyamaṃdaṃ| jyotīṃṣi rātrivanitāsulabhānyasūta ratnarvvikalpataruvallirivollasaṃtī|| nirghṛṣṭaśailavinighṛṣṭayugādighṛṣṭi- daṃṣṭrāgrakoṭiparimaṃḍalasaṃniveśaṃ¦ śītodasīkarakaṇacchavi sāritābhra nātha nabhasi grahacakravālaṃ|| utsṛjya harmyaśikharāṇi nivāsayaṣṭi- koṭipraviṣṭacaraṇair gṛhakekisārthaiḥ| uddhūtacaṃdrakacitānavi¦tanyamāna- cchāyācchalena vavṛṣe ghanamaṃdhakāraṃ| kālāguruprakarakṛṣtavicitrapatra- bhaṃgo payodharataṭe kabarīṣu līnaṃ| vyutthānam utpaladṛśāṃ giriratnasāra- jūṣāspadeṣu timiraṃ vidadhāviviṃdoḥ|| kṣīṇādharorujaṭhareṣu visaṃkaṭeṣu naiśaṃ tamastimitatāmabhitastathāpat| vispaṣṭamaihiśata palvalapaṃkamoha- mugdhā yathā mahiṣasaṃhayo 'vagāḍhuṃ| saṃdhyātapacchuraṇapiṃgamarudvidhūta- vistārikesaraśikhaivanamadhyabhāgbhiḥ|| āptotthitair vvigalite 'hani puṃḍarīkair ajṛṃbhtai rabhasitād aparair nidadhre|| vistīrṇṇadaṃtapa¦righasphuradaṃśurāśi- sīmaṃtyamānatimireṣu madāṃbu pātraaṃ nīlaṃ kaṭeṣv akṛtadṛṣṭivighātahṛṣṭi- vṛṣṭaiḥ śilīmukhakulaiḥ vanakuṃjarāṇāṃ|| niṣṭyūtakajjalakarālaśikhāśikhaṃḍor utsaṃgavṛttim adhigamya niketanānāṃ| snehānubaṃdhibhir adīpi dināvasāna- saṃdhyābhrakair iva sarāgakaraiḥ pradīpaiḥ|| bhāṃti sma dīrghadhavalāgṛhabhittiyo¦dha- niṣṭyūtakajjalaśikhānikaraiḥ pradīpaiḥ| netrair ivāṃjanaparāgakaṇāvakīrṇṇa- tūlīvinirgamanamārganibaddharāgaiḥ| nirbhidyamānam api jālagavākṣamārga- tiryak_pradīparucirājibhir aṃdhakāraṃ| sārdrībabhūva bhavanodaradahyamāna- kālāgurūtthaghanadhūmaśikhāvalībhiḥ|| śikhiviśikhacite purāṃtalagna smararipucāpa ivārkkaraśmicakre| asurakulam ivātha cakranāmnāṃ hṛdayamadahyata vimūyogadīnaṃ| prathamam avivaritri cchinnaniḥśeṣamūlaṃ tadanu śikhariśṛṃgaṃ vyaṃgarāgānubaṃdhaṃ sthitam atha ghanavīthyā ra¦tnarāśiṃ vivakṣu- staraṇirapacitaśrīrātapaṃ saṃjahāra||

cha ||

iti haravijaye mahākāvye pradoṣavarṇṇano nāmaikonnaviṃśatimaḥ sargaḥ||

cha ||