|| śubhaṃ ||
|| ity ety āditrayodaśabhiẖ kulakam_
dhi dhāraṇa ity a
sya sthāne dhṛ dhāraṇa iti kecit paṭhanti tasya rūpaṃ vidadhāreti na dhṛṅa ātmanepadapra
saṅgāt_
dviṣaḥ kṣayaṃ yenānāyiṣata nītās saṃkhyaṃ raṇam saṃkhyā ca gaṇanā anapāyatā ni
rdoṣatvam anaśvaratvaṃ ca aṣṭādhikam śataṃ manvantarāṇāṃ kalpaḥ kālatā saṃhārakatva
m aharādirūpatā ca ||
dhavāl lānti gṛhṇantīti dhavalāni sasvāmikāni śu
klāni ca śrīs samṛddhiś śobhā ca ||
kukṣau bhavaḥ kaukṣeyako siḥ kulakukṣigrīvābhyaḥ
śvāsy alaṅkāreṣv iti ḍhakan_ sa rākṣasa iva yasya dviṣāṃ prakṣayāyāsīt_ satī cā
rurāśā jayaṃ pratyāsthā yasmin_ aṇitaṃ prahāraracito dhvaniḥ pānaṃ śastrāṇāṃ mā
rjanadravyam_ tayoḥ śauṇḍatām ābhimukhyaṃ dadhat_ bahūnāṃ lakṣāṇāṃ bhedanīyāṇāṃ
pāṭane kṛtodyamaḥ
taṃ śoṇitasya pāne śauṇḍatāṃ bibhrad bahulakṣapāsu kṛṣṇarātriṣv aṭane paribhrāntāv u
dyato najalpadaśanasamūhaś ca kṣayāya bhavati
subandhus sadbāndhavaḥ āmodena praka
rṣeṇa manoramām_ suṣṭhu bandhureṇa hṛdyenāmodena saurabheṇa ramyām_ sphuraccharā nissa
radbāṇā arayo yasyāṃ iṣīkaś śālmaliḥ jalamadhyasambhavas stambaviśeṣa ity a
nye
yena ripuṇām amalam api yaśo malinīkṛtaṃ vidhuratadvadhūniśśvāsahetutvāt_
suvṛtte sucarite sthitir yasya
raṇāṅgaṇabhūmir eva kalaśī manthanabhāṇḍaṃ tadgatam a
rilokaṃ yo daṇḍenāhatvāt_ sahasradhā mathitaṃ miṣṭam_ atha cātakkram akarot_
daṇḍaś caturaṅgabalaṃ nāsti gavi bhūmau raso yasya bhuvas tenaiva hṛtatvāt_ yan mathi
taṃ daṇḍena mathā hatatvāt_ daṇḍāhatam iti prasiddham_ tad gorasam udaśvin na bhavatī
ti ca śābdo virodhaḥ | eṣāṃ trayāṇām apy anarthāntaratvāt_
caturasratāyās sarvato ramyatva
syāśrayaḥ svīkāro yatra tādṛśīm api lakṣmīṃ bibhratam arim anaṣṭāpadam anbahiṣkṛtā
padam eva yaẖ kṛtavān_ sandhivigrahau prathamadvitīyau nayaguṇāv āvāṣkṛtasandhiḥ
phalakadvayoparacitatvād abhivyañjitabendhadvayo vigrahaś śarīraṃ yasya tādṛśaṃ
yatkṛttrimarūpaiḫ padātyādibhir āracitaṃ caturadratāśrayāṃ catuṣkoṇatvaviṣayāṃ
śobhāṃ bibharti sāmarthyāc caturaṅgaphalakaṃ tadaṣṭāpadaṃ neti ca virodhaḥ tasya hi
paṅktau paṅktau padāṣṭakopeta
pūrvavākyāpekṣayā yadyapi lakṣmīṃ dadhataṃ tathāpi ripum anaṣṭāpadam evākaro
d iti tv ekavākyatāyām anvayo na yujyate | vākyabheda evaṃ jātīyakasyobhayā
bhīṣṭatvād yadyapi asitrijagatījayalabdhakīrtiḥ kveyaṃ tathāpi raṇalampaṭatā
hatā te saṅgrāmamūrdhni bhaṭamuṣṭigate kṛpāṇe kiṃ jñāyate śrayati kiṃ capalā jaya
śrīr iti
aparājayā parābhavaśūnyā kṣmā kṣitir yasya tadbhāvaṃ bibhradya induṃ vi
śinaṣṭy atiśete guṇais sārūpye pi sati nahīndur apagato rājayakṣmā kṣayavyā
dhir yasya tadbhāvaṃ bibharti tasya satataṃ tadākrāntatvāt_ ānandaṃ karotīty ānandakaraḥ |
ānandāś cānandahetavaẖ karāḥ | raśmayo yasya sa kalā lekhā api |
aneka
pānām ibhānāṃ kṣmā bhūmir yo hitasaṅgaro risaṃgrāmaḥ tatrājitam_ vikaṭāṃsaṃ
mahāskandham_ saha drāghimṇā dairghyeṇa vartate | cāru ramyam_ tārayati tayā dvipado
vā tārakaṃ śaraṇyam_ praveṣṭau bhujau anyatrānekena pakṣmaṇā āhitena saṅgena rājitam_
vikaṭāṃ vistīrṇāṃ cārū tārake kanīnike m_ |
yasyāpagatam arīṇāṃ jātaṃ samūho ya
tra tādṛśaṃ yas samarāṅganam akarot_ svargam iva hariḥ tatpakṣe nāsti pārijātaḥ yatre
ti yojyam_ puruṣottamo harir api |
vipakṣatāṃ śattrutvaṃ vigatāṅgaruhatvaṃ ca | kṣamābhṛ
to rājānaḫ parvatāś ca āsannena vadhenāturā duẖkhitā satī jitā paribhūtā sadbhi
r navair dhātubhir manaśśilādyai rājitā ca |
apakrametyādi kalāpakam_ apakra
mo vikramaḥ ||
aśmagarbhaṃ marakatam_
jayaśrīr eva sālabhañjikā stambhotkīrṇā
putrikās tasyās stambho bhujā yasya bhīruḥ strī
bhāratī vāk_ vāṅmayaṃ śabdabrahma pratā
no vistāraḥ
varṇāẖ kādaya eva komalatayā haṃsā viśuddhā nirapaśabdās teṣāṃ saṃ
hatir yasyāḥ viśuddhavarṇā ca sitarucir haṃsasaṃhatir yasyām_ prasādas samarpa
katvaṃ vimalatā ca
n nadī ca |
prātijanīnaṃ sarvajanayogyam_ sādhvarthe pratijanādibhyaḥ khañ iti khañ_
samantabhadram_ sarvataḫ praśastam_ avan_ avagacchan_
akṣuṇṇāḫ prabhūtā nirdoṣā vā
arthaẖ kāryam_ ghaṭādiś ca bhāvaḥ timiram ajñānam_ prabhābhir hetubhir asamānāna
nyasadṛśī
raso vīrādbhūtādijalaṃ ca atandritā analasā vṛttam ācaritaṃ vartula
tvaṃ ca bibhrati bibhrāṇā kūrcakesarā nārikelāḥ |
bhuvi svamaṇḍale apacāro viru
ddhācaraṇam_ vipākanīrasāḫ pariṇāmadurbhagāḥ
kṣamaṃ yogyam_
garīyasām a
vasthitiḥ saṃskāreṇa gurur eva pratīkṣyatāṃ yāti tam antareṇa suciraṃ tasyā abhāvāt_
saṃskāraḥ śāstrādinā yogyatādhānam_ upāvarjito kratuḥ
paro nyas tasya vṛttayo vyavahā
rā yathābhilāṣās svacchandatayā vyāptāḥ
śubhāvartis sanmārgaḥ tatra lekhā maryādā
śubhāyāś ca vartair gairikādigulikāyā lekhā rekhā maṇḍalaṃ dvādaśarājako
deśas tatra kāryaṃ tantrāvāpādikam_ maṇḍalaṃ ca sarvato bhadrādi tad eva kāryaṃ
prayojanam_ vicittrarūpāścaryā vividhasya ca cittrasya rūpaṃ yataḥ |
cirkitsa
kā bhiṣajaḥ | te yathā dravyasya paṃcāvayavān rasavīryavipākaprabhāvasaṃyogā
n viviṃcate | vicārayanti | tathā jigīṣavo mantrasya paṃcaiva karmaṇām ārambho
pāya ityādikān prayoktān_ paṃca ca rasādayaḥ rasāḥ svādvamvlalavaṇatiktoṣa
ṇakaṣāyakāḥ
kiñcin sarvā vīryavatī hi sā | jaṭharenāgninā yogād yad udeti rasāntaram_ ra
sānāṃ pariṇāmānte sa vipāka iti smṛtaḥ | rasādisāmye yat karma viśiṣṭaṃ tat pra
bhāvajam_ saṃyogo dvayor bahūnāṃ vā dravyāṇāṃ sahitībhāvas sanniveśam ārabhate |
yathaikaikaśo dravyāṇīti bhiṣakchāstreṣu pratipāditāḥ
apārthatā phalavirahas ta
d yuktaṃ karma na śastam_ yad yu
aśakyāni ca kāryāṇi nārabheta vicakṣaṇa iti | daśadāḍimādivākyavadasaṅga
tārthatvaṃ cāpārthatā | akramaṃ vyutkramam aprayuktopāyaṃ kramahīnārthaṃ ca | yathā turagam athavā
mātaṅgaṃ me prayaccha madālayam iti
rthaṃ ca yathā sa bhāgyavaśān mahāpadam upāgata iti
virūpasandhi ca yathā kamale iva locane ime anubadhnāti vilāsapaddhatir iti
deśakālavirodhīty anena kārye prastute
tety atra lokaviruddhākhyo doṣaḥ tatra hi deśavirodha evokto
ruddhāni yathā
yasyāḫ paryantabhūmayaḥ | kadambakusumasmeraṃ madhau vanam aśobhateti
lakṣmīr abdher utthi
tatvāt taraṅgasaṃkrāntām iva niścitaṃ capalatāṃ vahati
patau sthiram āspadaṃ kurute
nayaprakāro nītiprapaṃcaḥ śriyo rjane para evāpūrva evopā
yaḥ kasya vā na vallabhaḥ pūrvavadudadheḥ akarthanāt surāsurāṇāṃ cāsaṃbhrānteḥ nayaḫ pra
kāra iti tu hṛdayaṅgamaḥ pāṭhaḥ
śāstrāṇy opaniṣado vedāntāḥ parasya puṃsaḫ paṃcadhā
tam annaprāṇamanovijñānānandamayatvena viparyaye durnaye mithyādṛṣṭau ca graho
bhiniveśaḥ
vibhajyamānā vibhāgenāsūtryamāṇā bhidyamānā ca arthakovidaẖ kāryajñaḥ
granthayo bandhāḥ parvāṇi ca mantharo lasaḥ guṇās sandhiṃ ca vigrahaṃ caiva yātrām āsana
m eva ca
ś ca smaraṇāt_
upāyās sekādayo pi
bhūbhṛtāḫ parvatā api
abhyupāyās sāmādaya evārāṇāṃ madhyakāṣṭhānāṃ saṃcayo ya
sya virūḍhakramaḥ kālanemi eva dhārā yasya maṇḍalaṃ rāṣṭram eva nābhiś cakramadhyaṃ
tasya bandhanaṃ yathānyato na yāti karaṇe lyuṭ_ athavā arir mittram arer mittraṃ mittrami
ttram ataḫ param_ tathārimittramittraṃ ca vijigīṣoḫ puraḥ smṛtam_ pārṣṇigrāhas tataḫ paścā
d ākkrandas tadanantaram_ āsārāvanayoś caiva vijigīṣoś ca pṛṣṭhataḥ | areś ca vi
jigīṣoś ca madhyamo bhūmyanantaraḥ | anugrahe saṃhatayos samartho vyastayor vadhe | ma
ṇḍalād bahir eteṣāṃ udāsīno balādhikaḥ | anugrahe saṃhatānāṃ vyastānāṃ ca vadhe pra|
bhur iti
maṇḍalakṛteś ca nābheś cakkramadhyasya bandhanaṃ stheyādhāyakam_ kāryāṇāṃ cakkras samū
he kāryam eva ca
cakruṃ rathāṅgaṃ
padaṃ rājyaṃ sthānaṃ ca na cirād acireṇa
upakramair u
pāyaiḫ prasāditā
udarkam āgāminaṃ kālam īkṣituṃ mṛtidurvi
dhaḥ prajñādaridro jano ghūka iva na samarthaḥ ghūka ulūkaḥ so py udarkam uditārkaṃ
kālam avalokayituṃ nālam_ prakāśe prasiddhe vastuni tamorahite ca darśanaṃ jñā
nam avalokanaṃ ca āndhyakṛto viplava upatāpaḥ
anukramāpakramāv
kau
mūlaṃ svadeśaẖ kandaṃ ca
ma āgāmī kālaḥ
jhaṣā matsyāḥ
mukhalāṅgūlas sūkaraḥ sa śunām api
grīṣme nikāryatāṃ paribhāvanīyatvaṃ yad upayāti tad atītakālasya jṛmbhitaṃ
kālātikramaṇasya phalaṃ tad ityarthaḥ nahi medasvitayā sūkarāṇāṃ grīṣmas samu
citaẖ kālaḥ tapasyaḥ phālgunaḥ kāriṇa iti kartur api sambandhitayā vivakṣaṇāt_
sambandhamātre ṣaṣṭhī anyathā na lokāvyayeti tan niṣedhaḥ syāt_
pakṣās svavargyā aṅga
ruhāś ca bhūmibhṛdrājā krauñcādriś ca | śaktiḫ prabhutvamantrotsāhalakṣaṇā praharaṇavi
śeṣaś ca mayūraketuḥ kumāraḥ
apravimṛṣṭo spṛṣṭo vigrahaẖ kalaho yeṣu tādṛśā api
guṇāḥ śriyaṃ prasādayanti prakarṣeṇotpādayanti vibhāvyamānānya¯¯¯lakṣyamā
ṇā āsanādayas trayo guṇā yeṣu pariṣkāramaṇayo vibhūṣaṇaratnani te tu vibhā
vyamāṇā āsane padake sandheḥ saṃśleṣasya saṃśrayo yeṣāṃ tādṛśāḥ śarīram asaṃspṛśya yad bhū
ṣayanti tac cittram_ prasādhanaṃ maṇḍanam api vigrahaś śarīram api
sāra utkarṣo
gauravaṃ ca guruḫ pūjyā kṣamā bhūḥ kṣamādharās sahiṣṇavaḥ parvatāś ca
śāsanaṃ śāstraṃ
mūrtibhedā hariprabhṛtayaḥ svayaṃbhūḥ śivaḥ
tair api daṇḍo yam upāya iti kṛtvā ā
śrita eva vṛddhāś ca vayojyeṣṭhāḥ tair daṇḍo yaṣṭir avalambanaṃ kriyate gatyupāyatvāt_
no iti pratiṣedhe
niruddhena randhraprasareṇa codyavatareṇa ślathībhavann asaṃpadyamāno
jaḍapraveśo mūrkhāṇām avakāśas tena yaḥ sthiraḥ sandhyākhyo guṇaḥ tena susthitās sa
karṇakāś ca bahuśrutāḥ kṛtinaḥ | kāryasindhoẖ kaṃ na tārayanti sarvam eva tatpāraṃ prāpnu
vanty uḍupā iva tatpakṣe randhraṃ chidram_ jalaṃ vāri sandhis saṃśleṣaḥ sakarṇakās sakhaṭa
kāḥ | sthitir maryādāvasthānaṃ ca
daivamānuṣyaṃ devamanuṣyasambandhitvaṃ tena prabhedaḥ pra
kṛṣṭaprakāraṃ rūpaṃ yeṣām_ antareṇāpi bhāvapratyayaṃ bhāvārthāvagatir bhavati
dvyekayoḥ dvivacanaikavacana iti
tadātvaṃ saṃprati āyataya eṣyanto māsasaṃvatsarā
dayaḥ
viluptamohāḥ yoginaḥ teṣāṃ pratipattiṃ prati gocarā vijñānaviṣayā asya ceṣṭāḥ
kasya vismayaṃ na tanvanti viruddhapratibhāsatvāt_ pṛthagjanā ajñāḥ viruddhapratibhā
satvaṃ ca ceṣṭānāṃ stotramārge pratipāditam_
iha carācarātmani sthāvarajaṅgama
rūpe śive viśvasya sṛṣṭisaṃhārayoḥ kramaḫ pratibaddhavṛttir āyattaḥ
amuṣya muradvi
ṣo virūpasya brahmā samudabhūd iti devadattasya garbharūpo jāta itivad apādānatva
syāvivakṣaṇāl lokoktir iyam_ garbhīkṛtasya kalpāntasamaye kukṣau nivedi
tasya sāgarasyodare pratiṣṭhā yasya
kṣitijalapavanahutāśanasomasūryayajamānā
kāśākhyāḥ aṣṭ
m_ āṇavam aṇūnāṃ svabhāvajam_ kārmaṇaṃ śubhāśubhakarmaprabhavam_
plavānupla
vau sṛṣṭisaṃhārau tatkṛtena baudhena rahitā aṇava ātmānas tadā sve svabhāve tiṣṭhanti ya
dā svayambhuvo sya śaktiḥ jñānārūpā māyākṛtaṃ vivartam asabhyam avabhāsaṃ vicchindatī
samullasati
tattvāni śivādīni ṣaṭtriṃśan niśemuṣī niścitavaty asyaiva śemuṣī ma
tiẖ kāryanirṇayaṃ kartum arhaty amalīmasatvāt_ āddhve tiṣṭhatha ||
ekā pratipattis sā
mādīnām ekatarasyopādānam_ arhās stha kartum iti pāṭhaḥ
abhidheyavacobhi
ḫ prakaṭārthaiḥ śabdair yatkāryam āsūtryate tadāśu bhaṅgam eti nāśaṃ pratipadyate durdurūṭā
nām aṅgulibhis saha tā api tatra bhaṅgaṃ parivartanādirūpaṃ prāpnuvantītyarthaḥ yathā ma
tirahito pi vaitaṇḍikaloko ṅgulibhaṅgaṃ na karoti tathā gūḍhārthair eva padaiḥ ma
ntraṇīyam iti piṇḍārthaḥ ||
asty eva ca yuṣmākam api mantrakauśalam ity āha vandhyā
tmanām iti narendro
urvīdharasya rājño pra
tisaṃkramatvāl lakṣmīr aniśaṃ bhavati sthairyam ālambate
eva jitatvāt_ pariṇāmo vikāraḥ prakṛtibhogo mātyādibhiḥ upajīvanaṃ tatra
nirargalatvaṃ
ktir iti sāṃkhyānāṃ puruṣe prasiddhiḥ tatpakṣe tu viśuddhiḥ guṇair asaṃkīrṇatā pari
ṇāmo dharmāntaparigrahaḥ yad āhuḥ jahaddharmāntaraṃ pūrvaṃ
d apracyuto dharmī pariṇāmas sa ucyate iti prakṛtir avyaktan tasyā bhogaḥ tatkarmāṇāṃ pha
lānubhāvaḥ tatra nirargalatvaṃ niṣpratibandhatā apacārā rāgadveṣādayo doṣāḥ a
pratisaṃkramā codāsīnā || uktaṃ ca
darśitaviṣayā śuddhā cānantā ca iti
aupayikās sāmādayaḥ śaktayaḫ prabhuma
ntrotsāhapūrvāḥ guṇās sandhādayaḥ ity asakṛd uktam_ udayas tu sthānaṃ vṛddhiḥ kṣaya
ityevaṃrūpaḥ tatra sthānaṃ kośādaṇḍādher upacayāpacayaśūnyā sthitiḥ vṛddhis ta
syaivopacayaḥ | apacayas tu tasyaiva kṣayaḥ || anye punar ātmādayo mittrodayo
mantrodaya ityevaṃ trividham evodayaṃ jagaduḥ | etad akhilaṃ parasyātmanaś ca |
nirūpitaṃ yaiḥ pariplavārdhe bādhām anubhavatha |
ākāśaṃ śūnye nabhasi ca
a
rthaśarīraṃ kāvyavastu
pārṣadapatiḥ śivaḥ
utpatadbhramaratvāt karṇavivarai
r udvāntamohatamasa iva surasaṃ saṃghās tadvākyam asyābhyanandan_ ||
|| iti haravijaye viṣamapadoddyote dvādaśas sargaḥ ||