|| śubhaṃ ||

|| tigmetyādi śithilitanāgabandho jūṭaẖ kapardo yasya tādṛśaṃ śiro vidhūya vahnigarbho nāma gaṇo giram ujjagārety ekādaśabhiẖ kulakam_ ||1 10

ucchvāsītyādikam asyaivāntaryugalakam_ ||

karā eva sūttrāṇi tantavo yasya sudhāmayūkhaś śaśī tatkalaiva bisakhaṇḍam_ dhavaṃ bhartāraṃ lānti gṛhṇantīti dhavalāḥ svāmyanuyāyinaḥ śubhrāś ca pakṣās sahāyā aṅgaruhāś ca ||3

aṃsaśikhara evopadhānaṃ gaṇḍakaṃ yasyām_ ||4

vasumatī bhūmiḥ śeṣaphaṇāsu paiṅkhattaram atīva dolāyitābhūt_ sindhuplavas samudrāṇāṃ salilapūraḥ ||5

prakīrṇagaṇāś cāmaraughāḥ pūjyaḥ suras surakuṃjaraḥ vṛndārakanāgakuṃjaraiḫ pūjyamānam iti samāsaḥ surasambandhī ca kuṃjaro gajaḥ ||6

śikhā raśmayaḥ ||7

antarikṣe prasāritā dhūlir eva bhūmaṇḍalam_ ||8

padmarāga eva pīṭhaṃ padmarāgāṇāṃ ca pīṭham āsanam_ āndolanaṃ preṅkhanam_ ||9

anekatra mārge sandhivigrahayātrādau bhuvanatraye ca vṛttir yasyāḥ ujjvalāś cāravo varṇahaṃsāḥ praśastānyakṣarāṇi yasyā ujjvalavarṇāś cāsitarucayo haṃsāḫ pakṣiṇo yasyāṃ | yasya prasādād ākāre krodhaharṣabhayādayaḥ | bhāvasthā nopalabhyante tadgāmbhīryam udāhṛtam_ ||11

udāttam udbhaṭam_ śabdāyate śabdaṃ karoti śabdavairakalahābhrakaṇvameghebhyaẖ karaṇa iti kyap_ ||12

śātakumbhaṃ vamati yo maṇis sa kasyaścid eva syamantakākhyo nāparaḥ || 13

arthāẖ kāryāṇi ghaṭādayaś ca bhāvāḥ ||14

viśāradimā pāṇḍityaṃ tam avāptas sudhīs svapratitabhayaiva mohaṃ mohajanakaṃ śattrum unmūlayati yad uktaṃ buddhyaivopakramas tāvat phalaniṣpattaye sadā kvacit kalyāṇamitrasya śasyate siṃhavṛttitā na kiṃcit kvacid astīha vastv asakhyaṃ vipaścitām_ ayo bhedyam upāyena dravatvam upanīyata iti andhayatīty andham āndhyahetuḥ || 15

trayīvāntā daṇḍanītir itividyā hi mānavāḥ | trayyā eva vibhāgo yaṃ yeyam ānvīkṣikī kileti tisro vidyāḥ tā adhīyate vidanti vā traividyās teṣu madhye vṛddhā nipuṇadhiyo bṛhaspatimukhāḥ pakṣāntare tisra eva vidyā traividyaṃ vedatrayaṃ tatra vṛddho brahmāpy anyatra svārthe cāturvarṇyādidarśanāt_ halo yamāṃ yamīm ilopaḥ sthirā vipakṣāḥ kāmakkrodhalobhamānamadaharṣāḥ ṣaḍāntarāś śattravaḥ tamāṃsi ca maṇḍalāgraḥ khannaḥ maṇḍalasya cāgraṃ purobhāvaḥ ||16

mahatāṃ hṛdayeṣu prathamaṃ gambhīratāṃ parisamāpya tato niścitam | abdhyādiṣu tāṃ vidhir vihitavān_ tasya hṛdayavatino gāmbhīryatvāder aṃśa ekadeśaḥ tasya yaḫ paramāṇurūpo lavas tato vaśiṣṭā ||17

traupāyā eva aupayikās sāmadānabhedadaṇḍāḥ upāyahrasvatvaṃ ceti ṭhak_ adhikurvate bhibhavanti adheḫ prasahana iti taṅ_ tīkṣṇās sūkṣmamatayaḥ ||18

kālaś śaratsamayaḥ | prāyas sa eva vijigīṣūṇāṃ vijigīṣāyogyaḥ sādhanam upakaraṇam_

pātāletyādi so pi hariẖ kālakrameṇaiva daityāñ jaghāneti caturdaśabhiẖ kulakam_ jihmitā mandīkṛto ||

ditijādhipatiḥ hiraṇyakaśipuẖ ||25 ||

koṇaḥ prāntaḥ ghoṇā nāsikā ||26 ||

drume pārijātatarau nijagṛhakānanam ānīte sati pārijātakusumāvataṃsarahite pi śrīmukhe yena śobhādṛśyata | tadapaharaṇenaiva tasyāḫ paritoṣāt_ ||29

vallavā gopāḥ abhraṃ nabhaḥ sindhukanyā lakṣmīḥ |

anurahasaṃ rahasi anvavataptādrahasa ity ac_ vrajo ghoṣaḥ tatra sundaryo gopikāḥ kaṣāyo madhuraḥ ||32

mūḍhas sapatnīsannidhāvaprabuddho rāga evāvataṃso yasya tādṛkceto dhṛtaṃ || yathā ||33

hāsaḥ smitaṃ vikāsaś ca tad ghaṭanāyāṃ ravibimbaṃ cakkraṃ sudarśano yasya śauṇḍaḥ prasaktaḥ ||34

kāryeṣu kṛtyavastuṣv anuguṇā kālādyapekṣaṇenocitā vyavasthā niyamo yasya tādṛśaṃ puruṣam abhyetya calāpi lakṣmīś ciraṃ tiṣṭhati tasmān na cale ||35

tidhūmaśikhācchuritatvād gṛhītacittam evetuṃ ākāśaṃ śyāmāyate malinībhavati ||

kuraṅgarkaśiśor ity anyoktyāndhakasya nirdeśaḥ kara eva kālasya mṛtyoś cakkram_ nāsi na bhavati ||

anugaman vo yas tena vyatirekeṇa ca dṛṣṭotkarṣeṣu kāryaviśeṣeṣu sāraguravo mahāsattvān aviplavan tenocchāstrā bhavati

he ārya saṃrambhamohena krodhāndhatayā rabhasena pravṛttir avimṛṣyakāritā tayā rahitam iha kārye nayānusaraṇam idānīm icchāmi yasmād adhunā nayaprayoge sati kāryasya daivād asiddhāv api na kadācid vācyatāyogaḥ | uktaṃ ca . yat tu samyag upakrāntaṃ kāryam eti viparyayam_ pumāṃs tatrānupālabhyo daivāntaritavikramaḥ iti

kuṭṭakāḥ kuṭṭanaśīlāḥ jalpabhikṣakuṭṭeti ṣākan_

saṃprahārasaṃkhyaṃ ca yuddham_

śuṣmī tejasvī

śyāmā nāyikāpi

āsthā sthitiẖ

kiṃ tv iti yadyapy evam ūrjasi tathāpi prathamam upāyaṃ sāma bhedāpekṣayā ca dānam_ daṇḍāpekṣayā ca bhedaṃ pariharatas tava daṇḍe caturtha upāye nāsti | siddhis tasya kramaprayojyatvāt_ pūrvapūrvasiddhyā paraṇvaraḫ prayujyata iti hi nītijñaḥ | āśramāntara iva yathā prathamam aupayikaṃ brahmacaryādikam abhyudayopāyam ujjhataẖ kasyacic caturthāśrame yatitve na bhavati siddhis tathā te daṇḍa ityarthaḥ yathaivāśramāẖ kramopasevitāḥ phalasiddhyai prabhavanti tathaivopāya iti yāvat_ paralokaṃḥ śattrujanaḥ prakṛṣṭaś ca loko mokṣākhyaḥ jigīṣā paribhavodyamaḥ prāptīcchā ca yogaḫ prayuktiḥ samādhiś ca

loko lokavṛttam_

taralitā ratnasrag yatra tathākṛtvā parivṛttyā tadīyāṃ giram avihati nirargalaṃ kṛtvā prasarantīṃ gaṇayatiloko bhyanandadastauṣīt_ andhakāro mohas tamaś ca |||

|| iti haravijaye daśamas sargaḥ ||