atha sa manthagirau sakalartubhir nijanijaprasavojjvalanā śriyā samam asevi kadācid upāśrito girijayārijayānaghadordrumāḥ 1 madhupa rāji parājita mānanī jana manas sumanas surati śriyam ābhṛta vāritavārijaviplavā sphuṭitātāmratatāmravanaṃ jagat 2 drutam apāsya yamena niṣevitām abhinavotkatayeva divākaraḥ diśim aśiśriyad eḍaviḍāśrayām asumatāṃ sumatāṃ vidadhat sthitim 3 sthitim adhur madhurām avalaṃbitastavakadarpaṇapallavapāṇayaḥ satilakojjvalapatralatā girer avanayo vanayogakṛtaśriyaḥ kṛtakuśeśayinīṃ rucayo madhuvyatikarād abhimaṃtharagāminaḥ| madhuliho divasāś ca vadhūr vyadhuḥ paravatīr avatīrṇamanobhavāḥ 5 dhruvam anekarasāvyavahārataḥ kṛtarasāyanasaṃgrahasusthitāḥ madhulihām asukhāyata saṃhatir vṛtimatītim atītya kṛtasthitiḥ madhurayā parapuṣṭagirā śanaiḥ savayaseva sametya madhuśriyā mṛgadṛśo ghaṭitās saha vallabhair mudam adhur samadhuryamanohṛtāḥ 7 surabhidāṃ dadhati pramadānvito navamadhūpahitatviṣa caṇpake surataharmya ivāracitasthitir navaratām varatāṃ madhupo na bhūt 8 kusumitā girikānanabhūmayaḥ kisalayāgharakhaṃḍanalālasaiḥ parabhṛtauaiḥ śraddadhāyiṣyata priyāḥ sumadanā madanāditaṣaṭpadaḥ madhurajṛṃbhaṇavibhramamādhavīmadhurasāsavapānamadotkaṭāḥ madhuliho yathayaṃtu mārnasaptāḥ smarasahā rasahāsavatī striyāḥ dadududaṃcitapakṣmakarālatāṃ kuravakastavako madhubodhitaḥ udasamaṃjasameṣa dunoti yac chucitayā citayāpi viyoginīḥ 11 tad abhidhāya tamāna satvaraṃ madhuravādini tattad iti striyaḥ rasaniyuktasakhīvacanāgatapriyatamāyatamānamuco bhavan 12

tilakam

jaraṭhapaṃkajabījasamatviṣo madhu nipātam abhiprajagalbhire madhuliho virahe kṛtadiṃmukhavyavadhayo vaghayogakṛtastriyaḥ 13 surabhimāsi kadācid anujjitā jaḍatayāpi navāliśatānvitāḥ śamavatām api tāmarasā darabhramarasajjalayā nalinī madhau jaladhidevatayā sadṛśīśriyaṃ sphuratarāgatarāgaruciṃ dadhau 16 caramapādavidhūtarajaḥ kaṇaprakaradhūsarapakṣatisaṃpuṭāḥ nyaviśatānugiraṃ kamalāḥ karānrasamanā samanādamalivrajāḥ 17 taralapallavatā prakarā babhau sumadhum ullasitabhramarotpalam kusumakośam ivānayituṃ latā vivalitā palitāpahṛtas taroḥ bhramarapaṃktinibhena manasvinībhrukuṭibaṃdha¦ ivāgalito patat kamalabhūmiṣu mānahatisphuṭaprasarakesaraketuśate madhau 19 śiśirabhāsi cireṇa dinaśriyā kṛtasamāgamavighna upāgate kaluṣatāpi mukhe madhusaṃgamān na niśayāniśayāpitamānayā 20 sarabhasaṃ śayanīya ivottaracchadakṛtatviṣa pītamadhūtkaṭaiḥ madhukaraiḥ vinipatra sajānibhiḥ sarasijorasi joṣam avasthitam 21 nidhuvanāvasare kamitavadhūrahṛta kuṃkumitena bhṛśaṃ manaḥ taralalocananirjitavisphuratkuvalayā valayāvaliśobhinī smarasakhasya padaṃ surabheriva stanavatī dadhatī samamīmanat alakadaśe niveśaparisphurannavayāvayavābharaṇāśriyam 23 vidadhataḥ pathikakṣapaṇaṃ prati smṛtibhuvo nijaśaktyupabṛṃhaṇam dadhurahāryataṭā sahakāritāmanavamā dhavamā saṃginaḥ 24 alibhir aṃjanadhūmamalīmasaiḥ smarabalair iva kaṃkaṭikair vṛte maruti saurabhaśālini nābhavas sarati kelirasākulaḥ 25 vikacapatrapuṭaṃ surabhiśriyas sarasavibhramakāṃcanapaṃkajaṃ vyadhita caṇpakam unmadanā vadhū rasakalāsakalālikulāravaiḥ26 rabhasayogatāḥ pathikāḥ gṛhāḥ madhukarāṃjanacūrṇavaśīkṛtāḥ mumucire pariraṃbhasukhāc chvasan nijavadhūjavadhūtatanuklamāḥ 27 śivapurīm iva śaivalasacchri¦yaṃ niviśamānam anargalam abjinīm bhramarayugmam avekṣya na kāḥ priyair yuvatayo bata yogam upāyayuḥ28 madhukarāṃjanabiṃdumanoramaprakaṭapatralatābharaṇojjvalāḥ na surabhāvabhavannatimuktakavratatayo tatayogaguṇaśriyaḥ 29 mukhanilīnaśilīmukhacūcukaṃ kamalinīmukulāṃburuhastanam vyadadaratkamiteva na rāgvāndinakaro na karotkarakoṭibhiḥ 30 smaramataṃga¦jadānajalacchaṭāvipinivāridhividrumavibhrame bhramarasaṃhatir āviravībhavat pracapalā ca śatarau śriyaṃ animiṣākṣaivilokitavibhramaṃ surabhimanmanaso navamālikām suravadhūm iva vīkṣya manobhuvo navaśamā vaśamāśu madhau yayuḥ 32 suparimṛṣṭakapolatalasphuranmaṇikarāli¦takāṃcanakuṃḍalaḥ na khalv abhīru madhau na samado madadolanavibhramaṃ 33 smaram adidipad ūrdhavilocanaṃ puraripoyava yaśikhipiṃgalam sphuṭam aśokam udīkṣya tadutsukā na kamitā kamitāramalaṃ vadhūḥ 34 vidhutapakṣmarajaḥ kapiśabhramad bhramarasaṃhatim abjamukhaśriyam sacaṭu¦lātilakām iva padminī ghanarasa narasārthahṛdām adhau 35

vasaṃvarṇanam

śucidināgatir āplutiśītalās sarasacaṃdanapaṃkabhṛto karot priyasakhīva vataṃsitamallikāḥ stanavatīrnavatīvratanuklamāḥ 36 spṛśati tigmarucau kakubhak karaiḥ dayitayeva vijṛṃbhitatāpayā ata¦numānaparigrahayā sthitaṃ rucirayā cirayāyadinaśriyā 37 sarasacaṃdanapaṃkavilepanā kṛśatanur dadhatī sajallārdratāṃ priyatamārahitāpi viyoginīsthitimitās timitākṣarasa¦tkathā 38 dinapateḥ kṣitimuttapate punar vikaṭaṭaṃkanikuṭṭanaghaṭṭitam galita dhāma kim etad iti bhramaṃ bhṛtavatītavatī janatā klamaṃ 39 rucirayā girikānanamaṃḍale śriyam adattatarāṃ smaradīpikā sapadi mallikayā racitasthitirna na ghanānaghanādavihaṃgamāḥ 40 ghaṭitaṣaṭpadapeṭakapāṭalāpaṭalasaṃpuṭapāṭanapāṭavaṃ sphuṭayatā navabaṃdharasaurabhaprasaratā saratā matā dadhe 41 jitamahaṃ sukumāratayānayā praticikirṣu śireṣamitīkṣitaṃ atiruṣīva viyogavatīṃ śucaṃ sarasahāsadalaṃ sadalaṃbhayat

iti grīṣmaḥ

dadhati yatra payodarapaṃktayo girisakaṃ¦ṭaruciṃ jalamaṃtharāḥ sa kṛtapāktavdhūjanavepathu| samayasmayaḥ sma vijṛmbhate 43 asamayaḥ śirasaṃbhṛtam aṃbhasā manasi mānakalaṃkam api striyāḥ adhidharitri payodharadhoraṇī kimu¦ rajo murajorjitagarjitāḥ 44 bhuvanasaṃvananātanubhasmabhiḥ kuṭajakesaradhūlikaṇaiḥ śitāḥ surabhayo marutaḥ kṛtakāminīsmaravikāravikāsuḥm ivāsiṣuḥ 45 vidadhatā navacaṃdrakalāṃchitāḥ manukṛtasmaravairitanuṃ śriyaṃ phaṇibhujā samaye gurutāṃḍavavyasaninā sani¦nādaghana sthitam 46 prakaṭajātiśarīraruco dadhuvanabhuvo ṃtaramārgagatāśrayam bharagalanmakaraṃdakaṇacchaṭākavalanāvalanāgiriṣaṭpadāḥ||47|| vikaṭamekalahemalatāspadāṃ ruciratām acirārcir acūcurat sajalameghagatāśu manasvinījanatayānatayāsaha¦dīkṣitā 48 smṛtibhuvo nijakārmukakarṣaṇaklamaviniḥśvasitair iva mārutaiḥ mṛgadṛśām upavallabham ullasatpulakatāṃḍalakatāṃḍavikair dadhe 49 sphuritacakraśarāsanahāriṇā kalayatā caturaṃgabalaśriyaṃ ka iva te nukṛtorjitabhūbhṛtā ghanacayena vaśīkṛtāḥ 50 saharigopakam aikṣata bhūtalaṃ vrajam ivāṃcitalāṃgalikaṃ jataḥ| kṣaṇarucāṃ samaye samadadhvanaddhanavareṇa vareṇurati kṣitiḥ 51 nabhasi ketakacaṃdradalojjvale kuṭajapuṣpacayena vikāsinā himavi¦pāṃḍurucoḍugaṇāyituṃ kalayatālayatāmatanoḥ śriyāḥ 52 vikira vāri vilolaya vidyu¦to nabhasi garji tiraskṛta diktaṭān iti ghano viyutāmakṛtācaranna navaśāṃ navaśāṃtiparāṃ¦mukhīṃ 53 avasare malino py upakāraka kvucid atīva ravais taraṇān bhraman stanitabhītipuraṃdhrinigūhanasthitamato bhidadhau ghanaḥ 54 navadaladvayaśobhi ganāgamaśriya ivābharaṇaṃ¦ śravaṇāśrayaṃ vyadhita phāri kadaṃbam api striyaḥ smaravaśā ravaśāliśilīmukhaṃ 55 ghanatasasyabalās samavartinā dadṛśire virahaglapitā na yāḥ jagati tā iva darśayituṃ taḍitpraviraṇāviralātanibhābhavat 56 sphuratarāmalakaṃdalasacchriyaḥ pratidiśaṃ malina ivābabhuḥ| madhukarair vikasadgirimallikāśabalitā valitā vanarājayaḥ kuṭajakaṃdalanīpamiliṃdhrajāṃ surabhitāṃ dadhadaṃbutamārutāḥ vyadhita roṣarajaḥprasarojjhitā na na vadhūr na vadhūr gatamanmathāḥ 58 smṛtibhuvo virahe navamālatīmukulamudgara eva vadhū vyadhāt sphuṭam apaścimaghātavimūrchitā sadarasādarasāravaṣaṭpadaṃ 59 hariradāgra ivotthitakālika glapitamānatamāṃ nabhasi sthite| kam iva nāmiva bāhulatāṃtaraṃ priyatamānayadīpsitaṃ 60

varṣāvarṇanam

sphuritacārutayāpaghanaśriyā hṛdayanaṃdanaśobhanaveśayā dayitayeva janaḥ śaradāśrito mudamalaṃ damalaṃghanam ācarat drutagatipraṇavāsturagā iva klamabhṛto divasā putakaṃdharāḥ śaradṛto dadhatīṃ śriyam ūhire kamalakomalakorakahastaātān pa|tati vṛṣṭir asau mayi nādhunā dinakarātapasevanalālasaṃ iti vikāsamagād iva ciṃtayaṃś ciram udāram udā yutam aṃbujam 63 jaladakālaniśāpagame sphuratsphuṭatarāmalacaṃdrakarājitaiḥ| kvacid avāpyata citraśikhaṃḍibhir na cirā rucirākaluṣīkṛtaiḥ 64 gaganacīyivacāplavanakriyāsamabhihāram ivāṃbumucā jalaiḥ abhṛta caṃdramaāsā samum uccakaiḥ ravikalaṃ vikalaṃkatayā śriyam 65 bhuvanatāpavighātaviparyayasthita¦vila¯¯¯tayeva pāṃḍavaḥ śaradi nūnam ayukchadakānanair asamahāsamahāsiṣatābudāḥ 66 asalilāhimaśītamahāhradāḥś ca śabhṛto janatādavathuchidaḥ kumudaṣaṇḍagataṃ madhupāyinām adalayandalayaṃtraṇam aṃśavāḥ 67 sthagayitaṃ pratilokavilokanāḥ kusumitā kakubho nu pi yoginām kamaladhūlimudānayatādhikasunavato vanato nilasaṃhatiḥ 68 ruciratanyata nirjhariṇītaṭaiḥ śakunipādahatair galitāṃbubhiḥ nakhapadāṃkanirakharasuṃdarījaghanajā ghanajālatiraskṛtau 69 kusumamārtavam udvahaducchavasanmadhukarīracitasthiti kānanam na navam ārtavatāṃ madhupāyinām alasatā lasatām abhavat kvacit 70 na khalu bāṇagaṇena śarāsanaśriyam ṛto dadhato vitatākhyotā| priyaviyuktapuraṃdhrimanobhidā balavatālavatāpakṛtā dadhe 71 sthitir ayāpi rasakriyaveva ca sphuṭatarāgamaśodhitatārayā kṣapitakālikacaṃdrarucolasatkamalayāmalayā śaradaḥ śriyā 72 prasṛtamaṃndasamīrahatikuṇakaṇiśarāśiśarajjayaghoṣaṇāṃ śiram iva vyadhitāvanimaṃḍalaṃ sakalamaṃ kalamaṃdraravākulaṃ 73 śaradi haṃsagaṇasya kuṭuṃbinīrasavatīrṇabivaisasya riraṃsayā samavagāḍhum adhautavinirmalaṃ navasaro vasaro ticirād abhūt 74 saliletonmadahaṃsaravākulo bhavanamārga ivātimanoharaḥ abhṛta niṣkuṭajaṃ śriyam uccakais sa samayo samayogaśaśiprabhaḥ75 madhupaśāvam adhāpatuyaiā¦toccakair aviśadāravamaṃkavivartinaṃ stanam iva stavakaṃ vratatiḥ sravan nijarasaṃ jarasaṃ vyatipetuṣī 76 sarabhasātmapuraḥ sarasārasīrasabharāplutasārasarāsitaṃ sarasakesaratāmasaraṃ saras sarasatāṃ rasatāṃ malināṃ vyadhāt 77 prakaṭatālalayaṃ śukavāriṇe kalam agopavadhūn avagītakaṃ mṛgagaṇasya manaḥ śrutam ākṣipat pracurasasya rasasya jighatsataḥ 78 srutaṃmado girikānaānavartmani pratikarīti karīrakulākule marudayukchadasaurabhasaṃbhṛtaḥ kṣubhitatābhihatānakṛta dvipān 79

śaradvarṇanam

himaṛtau nalinī nalinānanaśriyam udūṭamanoramakarṇikāṃ tuhinareṇujarāgam aviplavair vimalitāmalitāpakṛtaṃ dadhau 80 atanuśītapariplavabhītitaḥ sahimamārutavallitayā babhau sapariraṃbha ivopavanadrumaś caturayāturayā latayā kṛtaḥ maruti vātai tuṣārakaṇākule kamitur āhatasītkṛtavibhramāḥ abhimukhaṃ valati sma dhutasphuratkaratalā ratalālasayā vadhūḥ 82

hemaṃtavarṇanam

samaya eva guṇo py upayujyate sapariraṃbharucidayitaṃ striyāḥ stanayugoṣmabharaḥ śiśir āgame yad akarod akaroṣṇimagopatau 83 aviralaṃ ghanasāracayair iva sphuṭitapuṣpaparāgakadaṃbakaiḥ karayati sma mukhāny abhito diśām anavaro navarodrumahīruhaḥ 84 sthagitadiṃmukhahaimarajaḥplutaṃ madhukarā kamalākaram atyajat| tyaja¦ti kaḥ prakṛtopakṛtiṃ janaḥ sapadi nāpadi nāma malīmasaḥ 85 apaciteṣu pareṣv aviṣaṇṇatā¦m upagato kta svam eṣv aham utthitaṃ tapasi kuṃdam itīva hasatkvaṇan madhukarālikarālitam abhyadhāt 86 dayitakaṃṭhagatā visphurannavalavaṃgasamīrahatā striyāḥ himakaṭhaṛtor udakaṃṭhaṣatodayādaraśanai raśanair jaghanaiś citāḥ 87 priyaviyuktavadhūsamayais samaṃ śiśiravāyubhir etya vikaṃpitāḥ kusumitā tatayo babhur madhurasādhurasāsthimadhruvratāḥ 87 agaṇitaprasavāṃtaraviplavavyatikarā sphuṭasaurabham āśritaḥ alir amaṃsa mahatapasaḥ phalaṃ navalavaṃgalavaṃ gahanaṃ gireḥ 89 dhṛtagurūṣmapayodharamaṃḍalīnibiḍapīḍitavallabhavakṣasāṃ kṣaṇadayā sudṛśāṃ suratotsavakṣamata¦yā matayā ratir ādadhe 90 smṛtibhuvā hṛdi śalya ivārpite dadhati dārḍhyamatīva ca khādire mṛgadṛśām abhavat saha vallabhair asamahāsamahāsaratālavalīlatā śriyam adān madhunā kṛtaṣaṭpadīrasamahā saratā lavalīlatā 92 kopaḥ ka eva dayite tamihānayestva- māliṃ gatā navamamaṃdarasānunīti 93 lakṣmī vahantum ṛtubhi nagam ity udaṃśu- ratnasthalīvikasitām alakesarāgaṃ draṣṭuṃ prabhur niragamallulite salīla- m īṣan pṛṣan girisutām alake sarāgam 94

iti śrī haravijaye ṛtuvarṇano nāma tṛtīyaḥ sargaḥ|