[floral] || cha ||

krīḍārasena sa kadācid athādhi¦sānu līlāvalaṃbitahimādrisutākarāgraḥ| pratyagrakāṃcanalatāṃcitasanniveśa- m ākrīḍamaṃḍapam amaṃḍayad aśmadhāmnaḥ|| tasmin kṛtāsanaparigraham adrirāja- kanyānukūlarasadigdhakathāvidagdhaṃ| anyonyaghaṭṭanavicūrṇṇitaratnabaṃdha- hemāṃgadās tam amarādhibhuvo dhijagmuḥ|| vellajjaṭāvalayasaivalavallarīka cūḍeṃdukhaṃḍakuṭilām alape¦napaṃktiṃ| ākāśasiṃdhum avataṃśakapālahaṃsa- hāsām amī dadhatam aikṣiṣatainam ārān|| karṇṇāvataṃsaghaṭitotphaṇadaṃdaśūka- phūtkāramārutaparāhatalocanotthaiḥ| riktīkṛtādritanayātanutoṣagarbha- pluṣtottamāṃgasaritaṃ śikhivisphuliṃgaiḥ|| cūḍāgatena jaḍadīdhitinā tanutva- m āseduṣā sarabhasaṃ pravivikṣuṇārāt| bhā¦sval lalāṭataṭanākatalārkkabiṃba- m adhyāsyamānam iva bibhratam ūrddhvacakṣuḥ||5 śailātmajāvadanacaṃdramasaḥ kathaṃ nu lekhāpi me na sadṛśī śaśinā saśokaṃ| ūrddhvekṣaṇotthaśikhinīva nipitsunettha- m adhyāsitonnatalalāṭataṭopakaṃṭhaṃ|| staṃberamājinagalat kṣatajāvaseka- saṃpāditāruṇarucā kvacid uttamāṃge| tāmbūlarāgapa¦ripāṭalayeva daṃta- paṃktyā virājitakirīṭakapālakhaṃḍaṃ|| jyotsnātapaṃbaram alaṃ vimalaṃ disaṃta- m indu nidhāya mukuṭe dayitāyamānāṃ| tallāṃcchanacchavim i¦vātanukālakūṭa- cchāyācchalena dadhataṃ pṛthukaṃṭhalagnān|| saṃhārakālakavalīkṛtasaptalokā- m aṃbhotibhārabharamaṃtharameghanīlāṃ| kaṃṭhāṃtarālaparivarttinipītadhūma- varttitviṣaṃ viṣamayīṃ dadhataṃ ca lekhāṃ|| preṃkhatkarālamaṇiśaṃkhasahasrasāra- hārorageṃdraphaṇabhaṃguravīcicakraṃ| kaṃṭhasthitotkaṭaviśaṃkaṭakālakūṭa- kūṭaprabhāprakara¦kūrmmagṛhaṃ vahaṃtaṃ|| bhasmāṃgarāgadhavalaṃ parapuṣṭapiṃccha- cchāyāṃ gadoragaphaṇākulitāṃsakūṭāṃ| aurvvāgnidhūmamalinīkṛta|vīcibhaṃga- dugdhor mimālisadṛśīṃ śri¦yam udvahaṃtaṃ|| keyūrapannagaviniśvasitāhatāṃśa- kūṭotthitena navadhūlanabhasmanoccaiḥ| sāvarttacakram upari bhramateṃdubiṃba- saṃvāditām upagatena virājamānaṃ|| gaṃbhīrakaṃṭhakuharāspadakālakūṭa- niryatprabhādhikamalīm asabhogihāraṃ| vakṣasthalaṃ tuhinaśailaśilāviśāla- m ālaṃbinīlanalinasrag ivodvahaṃtaṃ|| aṃkāśrayāṃ¦ rucirakāṃcanabhaṃgapiṃga- cchāyābhirāmavapuṣaṃ himaśailakanyāṃ| kurvvaṃtam aṃjanamalīmasakālakūṭa- kaṃṭhaprabhābhir abhitaḥ punar eva kālīṃ|| saṃvījyamānam asakṛ¦t kakudopadhāna- baddhāspada dviguṇitonnatabāhudaṃḍaṃ| lāṃgūlacāmarakarālaśikhāmarudbhi|- r udbhinnabhaktimanaseva kakudmanoccaiḥ|| sevānatāmaragaṇādhipapāri¦jāta- karṇṇāvaṃtasasurabhīkṛtam aṃhriyugmaṃ| gaṃdhānubaṃdhimadhupapratibiṃbalakṣma- śārodarair nakhaśaśiprakarair dadhānaṃ|| daṃtaprabhādalitakaṃṭhaviṣāṃdhakāra- cchā¦yasya saṃnidhijuṣaḥ karivaktramūrtteḥ|| ūrdhvekṣaṇānalaruco ghanacīnapiṣṭa- dhūlicchaṭā iva mukhe viniveśayaṃtaṃ|| tasmai praṇamya maṇimauliviṭaṃkakoṭi- ṭaṃ||kāhatikvaṇitakāṃcanapādapīṭhaṃ| śailādinā nataśiraḥsu nivediteṣu teṣūcitāsanaparigrahanirvṛteṣu|| ājaghnire śvaraviśeṣakṛtāsthamārga- hastapracārayati pāṇitalābhirāmāḥ| vispaṣṭavādyavidhayaḥ karaṇānubaṃdha- bhājat krameṇa murajāḥ sphuṭamārjjanāṃkāḥ|| naṃdīśanirdayakarāhatapuṣkareṣu maṃdraṃ dhvanatsu murajeṣu vibhajya taṃḍuḥ| āsāriteṣu parikalpitasaptabheda- paryāptaśobham atha tāṃḍavam abhyagāyat|| kroḍīkṛtādritanayā śaśikhaṃḍamauli- maulāvadānaviṣayastuti mātaras tāṃ| līlālalāmalalitābhinayaprapaṃca- saṃcāricāru rasabhāvadṛśo bhininyuḥ|| āpītapāṭalasitetarakuṃdagaura- dehatviṣo lalitanarttanavibhramasthāḥ| bhremur gaṇādhipatayaḥ śaśiśekharasya mūrttā rasā iva pariṣkṛtaraṃgaśīrṣāḥ|| teṣāṃ puraḥ puraripau viṣamaprayoga- nṛttopadeśarabhasāt svayam ujjihāne| pātālaraṃdhram abhavan natabhūmipīṭha- niṣpiṣṭaśeṣaphaṇaratnakaṇāvakīrṇṇam|| so bhyutthito bhuvanam ākulayāṃ cakāra vispaṣṭadṛṣṭitimiravyapalīnahaṃsaṃ| līlāvarāha iva dhūtajaṭāsaṭāgra- viṣpandisiṃdhujalasīkaradurdināṃdhaṃ|| bhasmāṃgarāgadhavaleṣu bhujeṣu tasya kalmāṣayatsu gaganaṃ karavarttanābhiḥ| śubhrābhrarājicakitāḥ paripuṃjyamāna- picchāvacūlavapuṣaḥ śikhino vidadruḥ|| gāḍhāṃgadoragaphaṇāmaṇiraśmirāga- rugṇāṃdhakāranikarāparapārśvabhūmeḥ| śailasya bhāskararucām avadhes tadīya- bāhudrumaiḥ sapadi cukṣudire tha kūṭāḥ|| vikṣiptabāhunivahasya vihasya dikṣuḥ tasyāṃ gahārakaraṇakramakaṃpimūrddhnaḥ| agrābhipātisalilā surasiṃ¦dhur āpa- cīnāṃśukojvalatiraskariṇī vilāsaṃ|| agre ninarttiṣata eva vilocanāgni- r asyāsu piṃjaritadig mukhacakrabālaiḥ| tigmāṃśubiṃbakaṭakapratibaddhavṛ¦tti- m arcirbhir ātapatiraskariṇīn nirāsthat||28 ākṣipyamāṇavividhābhinayaprabaṃdha- saṃdarśanām iva sarvvadiśāṃ purastāt| vispaṣṭarecakarayākulabāhudaṃ¦ḍa- piṣṭādrikūṭavikaṭān akarot sa mārgān|| tasyāṃ gahāravalitān anunṛttahasta- bhasmāṃgarāgadhavalonnatavīcibāhoḥ| sāvarttacakravikaṭormmighaṭāsahasra- saṃkīrṇṇadugdhajaladhepratirūpatāsīt||30 vistāraśālikanakācalakarṇṇikāgra- cakrasya nṛttavalanāsu sahasrasaṃkhyaiḥ| phullaj japāruṇatalair bhuvanāraviṃda- koṣasya patrapaṭalāyitam asya hastaiḥ||31 pīnāṃśakūṭaghaṭitaṃ galakālakūṭa- cchāyāniśānuśaraṇārtham ivābhyupetaṃ| tenottamāṃgavidhutiślatha¦maulibaṃdha- viśrastam iṃduśakalaṃ bibharāṃ babhūve|| tasyorddhvalocanamarīcimato vikīrṇṇa- piṃgatviṣaś ciram abhāvitarāṃ purastāt| āraddhavarttanatayā vi¦꣹kaśatkarāla- raktāṃgulīdalakulaiḥ karapadmakhaṃḍaiḥ|| saṃdehitā dhavalabhā¦smanadhūlidigdha- taddodrumānilarayoddhatavīcibhaṃgāḥ| dugdhodadher nabhasi paprathire muhūrtta- m āliṃgitātanutarotkalikābhragaṃgāḥ|| pātālaveśmagatabaṃdhudidṛkṣayeva vikṣipyamāṇamaṇibaṃdhanabaṃdhanasthāḥ| tasya vyadhuḥ phaṇabhṛtaḥ phaṇacakramukta- phūtkāramārutavikīrṇṇajalān payodhīn|| vyaktāṃ gahārakaraṇakramakī¦꣹ryamāṇa- dorddaṃḍamaṃḍalatayā bibharāṃ cakāra| saṃhāramārutavikaṃpitakalpavṛkṣa- kailāsaśailasadṛśīṃ śriyam indumauliḥ|| tena vyadhīyatatarā¦m iva vellitāgra- dordaṃḍabhasmakaṇarājibhir ujvalābhiḥ| nirmmitsyamānanijanṛttabharābhiyoga- yogyāṃ tarālabhuvanāṃ tarasūtrapātaḥ|| ārabdhanarttanakarāṃgulikoṭibhāga- niṣṭhyūtadīdhitiśikhālikhitācchalekhaṃ| tasyābhavat sphurad anekasahasrasaṃkhyā- jihmāmṛtāṃśukalikāṃkam ivāṃtarikṣaṃ|| uddāmarecakarayabhramaṇānubaṃdha- saṃbaddhabudbudakaṇākulasiṃddhasiṃdhuḥ| laऽऽऽऽऽऽऽऽkṣmīm anujjhitakirātadaśāvanaddha- nāgeṃdrakaṃcuka iऽऽऽऽऽऽvāsya babhāra jūṭaḥ|| tadbāhughūrṇṇanavalanmṛgarājakṛtti- vajrāśriśātanakhakoṭinipātabhītaiḥ| digdhaṃtibhis tvaritakuṃcitajānuparvva- kharvvībhavadvikaṭakuṃbhataṭair viṣodā||40 tasyāṃ gahārakaraṇākulabāhudaṃḍa- ṣaṃḍāspadā sapadi kesarirājakṛttiḥ| tārāś cakarṣa karajaiś cudulīkaḍāra- cūḍākaḍaracūḍājuṣaḥ priyam ivoḍupateś cikīrṣuḥ||41 dordaṃḍamārutavighaṭṭitaśailakūṭa- dhūlicchaṭāpaṭaladhūsaram uṣṇadhāmnaḥ| uddhūlanonmṛditabhasmarajobhir aiccha- d īśaḥ pramārṣṭum iva biṃbatalātmadarśaṃ|| lakṣmīpater iva nirargaladaṃḍapāda- śākhāgrakoṭighaṭitaḥ kṣaṇam uṣṇaraśmiḥ| tasyābabhāv adhinabho rghajalāvasakta- padmāsanānamitaratnakamaṃḍaluśrīḥ|| tasyāstarīṣata navābhinayakriyāsu dikcakravālam abhitaḥ sthagitāṃtarikṣāḥ| aṃbhodhimārgagamanābhimukhāḥ śi¦raṃstha- siṃdhupravāhanivahā iva bāhudaṃḍāḥ|| tena vyalokyata valadbhujadaṃḍakhaṃḍa- caṃḍānilāhativighaṭṭanaviprakīrṇṇaṃ| prabhrasya daṃbaratalād vinatottamāṃga- viśrastaśekharaka¦pāladhiyeṃdubiṃbaṃ|| brahmāṃsanāṃburuham āhitasarvvaloka- kaṃpe vibhoḥ śiśirakāla ivāṃdhakāre| paryastabāhuvanadhūlanabhasmadhūli- nīhārapānadalitacchadaśobha¦m āsīt|| graiveyakoragaphaṇāmaṇiraśmirāga- saṃdhyāruṇoḍuśabalā sthagayāṃ cakāra| digmaṃḍalaṃ pralayakālaniśeva tasya kaṇṭhaprabhā timiranīlaruciḥ sphuraṃtī|| cūḍājaḍāṃśur api jūṭajaṭānikuṃja- baddhāspadaḥ pratidiśaṃ sucirād avāpa| ārabdhavarttanakarānilaghaṭyamāna- tārāpuraṃdhripariraṃbhamukhāni śaṃbhoḥ|| līlāvadhūtaśiraso sya valajjaṭāgra¦- viṣpaṃdasāṃdrasalilokṣitakoṭibhāgāt| ābaddhhatāṃḍavarasasya vinirjagāma maṃdākinī madhuripodakaṇākulasiḥr iva daṇḍapādāt|| tasyāśuśoṇitam ivojjagarur gariṣṭha- dordaṃḍaghātavidhurā girayas tadānīṃ| tadvarttanānilarayoddhanadhātavīya- dhūlicchaṭāruṇitanirjhāravīcibhaṃgāḥ||50|| tena vyadhāyiṣata bāhuvanaprakoṣṭha- baddhāsitoragaphaṇāmaṇirāga||piṃgāḥ| saṃhārakālarabhasotthitadhūmadaṃḍa- kalmāṣitānalaśikhā iva digvibhāgāḥ|| tasyādhinṛttam analolbaṇadṛṣṭipāta- lakṣīkṛteṣu phaṇino maṇibaṃdhaneṣu| tattāpa¦khedaparivarttanalakṣamāṇa- pītodarāḥ kanakakaṃbuvilāsam āyuḥ|| sānaṃdanaṃdikaratāḍitapuṣkarāgra- cetoharāṃkikapayodharanādahṛṣṭaḥ| ābaddharecakalayaḥ kalayāṃ cakāra līlāṃ sa mecakagala sphuṭacaṃdrakaśrīḥ|| sāvarttanābhir abhito lalitāgahāra- śobhāṃ manoharaparikramato vahaṃtī| ceto jahāra dayitā rasabhāvahṛdya- rūpa kriyā puraripoḥ śubhahastadṛṣṭiḥ|| dorddaṃḍakhaṃḍavalanāny atiśaṃkaṭatva- m utprekṣya no vidadhire kakubhāṃ purastāt| vinyastamaṃdacaraṇaṃ paricakrame ca bhūmaṇḍalaṃ vidalatīti da¦yānubaṃdhāt|| brahmāṃḍakarpparaparisphuṭanābhisaṃdhi- r ūrddhvaṃ vyaracyata tathā na ca daṃḍapādaḥ| itthaṃ na śītakiraṇābharaṇasya nṛtta m ādhāradurbbalatayā savikāram āsīt|| kukṣipraviṣṭasuranirjhāriṇītaraṃga- jhāṃkāratāraninadair nṛkapālapaṃktiḥ| nṛttakri꣹ऽऽऽऽऽऽऽ꣹ऽऽऽऽऽऽऽऽऽऽ꣹꣹yāsu vidadhāv iva¦ sādhuvāda m asyottamāṃgabhuvi sātiśayāsv amaṃdaṃ|| ālokitas tu hinaśailabhuvā sahāsa- m ākṛṣya śeṣaraśaśāṃkakalāṃ smarāreḥ| nṛtyad vidūṣakabhuvaṃ bhujagāri¦ketu- r agre cakāra kuṭilonnatadaṃḍakāṣṭhaṃ|| etāni tāni talapuṣpapuṭādikāni cetoharāṇi karaṇāni gaṇādhināthāḥ|꣹ ꣹ity aṃgahāravidhayaḥ sphuṭatatprapaṃca- yogāṃcitasthitibhṛtaḥ sthirahastamukhyāḥ|| itthaṃ tridhātmakaraṇaṃ gaṇamaṃḍalīṣu saṃkrāṃtim asya nayato rabhasena samyak| paryāptadarśanasukhaṃ vinimeṣapakṣma- cakṣuḥ sahasram abhavat spṛhaṇīyam aiṃdraṃ||60 āviṣkṛtānukṛtivibhramarāgavaktra- līlābhyudastakarakoṭivipāṭyamānāḥ| āṃbhodharāḥ śiśirasīkarabiṃduvṛṃda- viṣyaṃdino bhinayajaṃ klamam āśu jahruḥ|| itthaṃ salīlam abhineyavijṛmbhamāṇa- vispaṣṭabhāvarasavṛtti niṣevya nṛttaṃ| sārddhaṃ nyavarttata gaṇair vvibhur uttamāṃga- gaṃgātaraṃgakaṇasaṃhatibhinnakhedaḥ|| śailātmajāvajitatadgaṇakṛṣyamāṇa- vṛddhokṣaniṣṭhurakhurāhatamaṃdarādriḥ| tasya glahīkṛtavimugdhakirīṭacaṃdra- khaṃḍaḥ kadācana durodaravibhramo bhūt|| iti samayam anaiṣīt tatra tās tāḥ sa ceṣṭā vidadhad acalakanyāviprayogān abhijñaḥ| surapatibhir abhīkṣṇaṃ ratnapaṭṭāṃ hripīṭhī- luṭhitamaṇikirīṭāṣṭāpadaiḥ sevyamānaḥ||

|| cha || haravijaye mahākāvye śrībālabṛhaspatyanujīvino vāgīśvarāṃkakave ratnākarasya kṛtau tāṃḍavavarṇṇano nāma dvitīyaḥ sargaḥ ||